تانى يوم ميرا صحت من النوم انهارده عندها اجازه فى الشركه صحت وقررت تروح تصحى اسراء
هتصحيها زى بقيه البأدمين اكيد لا
راحت المطبخ وجابت جردل ميه وحطت فيه تلج
ودخلت اوضه اسراء زى الحراميه
لقت اسراء لسه نايمه 1 ، 2 ، 3 هوب دلقت الميه عليها ياعينى البت قامت مفزوعه
اسراء .. يابنت الكلب والله ما هسيبك يا ميرا الكلب انت
ميرا وهي بتجرى.. خلاص بقه يا سوسو بضحك معاكى متبقيش قفوشه كده
اسراء .. دلوقتى بقيت سوسو مش هتبطلى لعب العيال ده
ميرا .. خلاص بقه ميبقاش قلبك اسود
وطبعا اسراء مسكت ميرا واديتها علقه مأخدهاش حرامى غسيل 😂😂
ميرا .. يخربيتك ايدك تقيله
اسراء .. عشان تحرمى 😂
ميرا .. تعالى ياختى نكلم فرح ونخرج نروح النادى
اسراء .. اوك يا ميرو
ميرا .. ميرو انت خليتى فيها ميرو دراعى بيوجعنى وضهرى ربنا على الظالم
وراحوا كلموا فرح واتفقوا ان هما هيفوتوا عليها
تعالوا نروح مكان تانى
صحه مالك من النوم بما ان انهارده اجازه لبس
لبس الرياضه ونزل صاله الالعاب الى فى البيت
عشان يتدرب لقه اوس
مالك .. اوس اع الى مصحيك بدرى
اوس .. بتدرب طول الفتره الى كنت مسافر فيها اتعودت اصحه بدرى اتدرب
مالك .. ده شئ كويس
اوس .. مالك متيجى نخرج انهارده وتقول ليوسف
اصله واحشنى قوى
مالك .. طيب نخلص تدريب ونكلمه
اوس .. وناخد ندى كمان معانا عشان بقالى زمان مخرجتش معاها
مالك .. اوك هي فعلا بقالها فتره مخرجتش
وخلصوا تدريب وكلموا يوسف ووافق انه هيجى معاهم وهيقابلهم فى النادى
نرجع تانى للبنات
كل واحده فيهم خدت شاور
اسراء .. ميرا ماتيجى نلبس نفس الالوان زى ما كنا بنعمل
ميرا .. فكره حلوه وهكلم فرح واقولها
اسراء .. اوك
ولبسوا وراحوا يجيبوا فرح وراحو على النادى
راحوا وقعدوا بعد شويه الشباب وصلوا
وكان معاهم ندى كانوا قاعدين فى نفس المطعم بس مشافوش بعض
اوس .. انا رايح الحمام
اسراء .. انا راحه الحمام
وهما خارجين من الحمام خبطوا في بعض
اسراء .. اسفه
اوس .. اسف
بصوا لبعض
اسراء .. اوس
اوس .. اسراء
اوس و اسراء .. انت بتعمل اه هنا /انت بتعملى اه هنا
بصوا لبعض وضحكوا
اوس .. انت بتعملى اه هنا
اسراء .. انا هنا مع ميرا وفرح وانت
اوس .. انا مع مالك ويوسف وندى
اسراء فى نفسها .. ندى مين دى /اى يا سوسو اهدى شويه هتغيري من اولها اتقل يا وحش 😂 سورى اندمجت كملو /
اوس .. اه رايك نجيب البنات وتقعدوا معانا
اسراء .. بلاش عشان تاخدوا راحتكم /يا واد يامحترم انت هتموتى وتقعدى معاه 😂😉/
اوس .. بتقولى اه عادى هتبسط اوى لو قعدتوا معانا /اوباااا الولا هو كمان شكله واقع على الاخر /
راح اوس مع اسراء عند البنات
اسراء .. يا بنات شوفوا قابلت مين
ميرا .. اوس ازيك اخبارك اه
اوس .. الحمد لله ازيك يا ميرا
ميرا .. الحمد لله تمام
اسراء .. دى فرح صاحبتنا فرح ده اوس زميلى فى الكليه ومتعرفين قريب ويبقه اخو مالك مدير ميرا فى الشركه
اوس .. اهلا فرح
فرح .. اهلا بيك
اوس .. تعالوا يله اقعدوا معانا
البنات .. اوك
تليفون ميرا رن
ميرا .. طيب روحو هرد على الفون وهاجى
اوس اخدهم وراح التربيزه بتاعتهم
اوس .. شوفوا لقيت مين
اوس عرفهم على الشباب وندى
كل ده ومالك عايز يسال على ميرا بس مش عارف
لحد ما يوسف انقذه
يوسف .. هي ميرا فين مأجتش معاكوا
اسراء .. لا اجت بس بترد على الفون وجايه مش عارفه اتاخرت ليه هروح اشوفها
مالك .. لحظه انا هروح اجيب حاجه من العربيه واشوفها
خرج مالك لقاها واقفه بتتكلم فىةالفون وبتزعق
ميرا .. انت معندكش دم ولا اخلاق لو عندك ذره كرامه معدتش تكلمنى يا حيوان وصدقنى لو شوفت خلقتك هتندم على اليوم الى اتولدت فيه
كل ده ومالك سامع كلامها بس مش عارف هيه بتزعق لمين
بعد ما خلصت المكالمه قعدت تعيط
مالك كان عايز يروحلها ويقولها متخافيش انا معاكى
بس مقدرش
وبعد شويه هديت ودخلت سلمت على يوسف ومالك واتعرفت على ندى
اسراء .. ميرا انت كويسه عينيكى مالها حمره ومناخيرك حمره
ميرا بتوتر وبتعض على شفايفها .. انا كويسه فى حاجه دخلت فى عينى
اسراء .. انت بتكذبي ليه لو مش بتكذبي بتعضي على شفايفك ليه
ميرا .. خلاص بقه عادى يعنى
اسراء .. لا مش عادى انت لما بتتوترى او متعصبه بتعضى على شفيفك
ميرا بعصبيه .. خلاص بقه ياباى
وسابتهم وقامت
اسراء اجت تقوم تشوفها
مالك .. سيبيها شويه وهقوم اشوفها انا عارف مالها
وحكلهم الى سمعه
اسراء .. الحيوان
اوس .. مين ده
اسراء .. كان خطيبها كانت بتحبه جدا بس كان بيستغلها عشان فلوسها وخانها
ودلوقتى جاى يمثل عليها ومش
راضى يسيبها فى حالها
مالك فى نفسه .. ياااااه نفس الى انا مريت بيه دى اتظلمت قوى وانا كنت بطلع دايما غضبي فيها وهيه ساكته وبتضحك غيرها
مالك .. انا هروح اشوفها خليكوا مش هتاخر
خرج يدور عليها لقاها قاعده فى الجنينه
راح قعد جمبها
مالك بحنان .. انت كويسه
ميرا .. تمام
مالك .. لو حبه تحكى انا هسمعك
وياريت تعتبرينا اصحاب ممكن
ميرا .. ينفع
مالك بضحكه اول مره تشوفها .. اكيد
ميرا ابتسمت بالم وحكتله كل الى اسراء قالته
مالك .. خلاص متزعليش تصدقى ان انت احسن منى
ميرا .. ليه بتقول كده
مالك .. عشان انا كنت بحب واحده جدا كانت كل حاجه بالنسبالى واتجوزتها 3 شهور وانفصلنا كانت متجوزانى عشان الفلوس والشهره عمرها ما حبتنى ابدا وفوق كل ده كانت بتخونى وكانت تاخد فلوسي وتديها لعاشقها
انا مكنتش كده خالص كنت بضحك واهزر العن من يوسف كمان بس الى حصلى هو الى غيرنى خلانى مثقش فى اى ست بس انت غيري رغم الى حصلك
فضلتى نضيفه من جوه وبتضحكى وتهزرى
بس انا خلاص هرجع لنفسي من تانى ميرا هتساعدينى الاقى نفسي الى ضاعت
ميرا ابتسمت وهزت راسها بمعنى اكيد
وهو كمان ابتسملها .. يله بقه نقوم
ميرا .. اوك يا بشمهندس
مالك .. بلاش مهندس دى احنا اصحاب بقه ولا اه يا ميرو
ميرا مصدومه هو ده مالك الكينج الصارم الى بيزعق دايما يااااه الدنيا صغيره قوى
مالك .. اى يا بنتى متنحه كده ليه
ميرا .. هاااااا
مالك .. هاااا اه واضح انك هتتعبينى معاكى يله ندخل
وهمه داخلين مالك قاعد بيضحكها لحد ما ضحكت
والباقى مصدومين
اوس ويوسف وندى .. مين ده هو ده مالك
فرح و اسراء .. اى ده دى بتهزر اخر مره زعلتها قعدت اسبوع مش بتكلم حد
مالك وميرا .. مالكوا متنحين كده ليه
كلهم .. هاااااا
مالك وميرا فصلوا ضحك بسببهم
كلهم .. انتو كده ازاى
مالك و ميرا .. مالنا
يوسف .. مالك هو انت بتضحك زينا
مالك .. ايوه اكيد مستغربين بس ده عوده لطبيعتى
ميرا هتساعدنى انى ارجع مالك بتاع زمان
يوسف بمرح .. حبيبى يا مالك كفاره ياراجل
بركاتك يا شيخه ميرا
وقعدوا يضحكوا
وبعدين اوس .. اه رايكم لو .......
.
.
.
.
.
.
. انتهى البارت ياترى اوس كان هيقول اه
اقتراحتكم
ومتنسوش فونت وكومنت
ده كان لبس ميرا
وده لبس اسراء
وده لبس فرح
وده لبس ندى
.
.
.
.
.
.
.
.
.
.
سلام حبيباتى 😘😘😘