#لو_انك_لم_تعد
الجزء .... السادس
راسلتها البنت الي بعثتلي السكرينات گتبتلها انت منو
-اني حبيبة حبيبج
- ومنين تعرفين انه هذا حبيبي
- حبيبتي فاضحتكم التاكات والتعليقات العلنيه على الفيس وعرفت
- بعدهه حظرتني .. وراحت
خلتني افور من جانب ومن جانب اريد استغلها حجه حتى اتركه وللابد
حتى مداعرف شنو الي يريحني صرت بين ناررين
كأنما خنجر بقلبي اذا سحبته ينزف جرحي حد الموت
واذا بقيته يوجعني وجع الموت
ومااعرف شسوي صرت مثل بلاع الموس ليكدر يبلعه وليكدر يطلعه ..
ليش هيج دمرت حياتي اني ليش
شجابني عليك كرم شجابني شورطني
ماصبرت خابرته شويه انتظرت مايرد مشغول
بعدهه رد
الو كرم شونك
- هلا بالحب هلا عشقي نبضي شعجب انت المتصله اليوم
- اشوفك مشغول ..اخابرك بغير وقت ؟
- كلي الج اني ولج لتگولين هيج
- ياكذاب مو شفتك نشط ع المسنجر
وي منو نشط بالله
- وي اصدقائي شون بالله ماافتح فيس وبعدين لتكولين كذاب مااحب هي الكلمه
- اوك باجر اخر يوم بالامتحان .. تجي عليه نطلع سوه
- امم اني باجر هم عندي امتحان بالكليه ماشي اروح امتحن واجي عليج انتظريني تكدرين
- راح اكول الماما اتاخر لان اخر يوم
- تمام لعد
- هسه روح كمل شغلك .. اخرتك اني
- ولييج لتكولين هيج دااكولج ليش منسهر شوي شنو رايج
- لا حبي باجر ورايه كعده من الصبح اريد اقرأ
- دومج تتهربين ماشي تمام روحي نامي
- اخخخ اكيد ديحاجيهه او سهران وياهه ولايفكر ابد
ولايهتم المستقبله عمره 25ولسه ممتخرج من كلية الهندسه..
تمددت على السرير وافكر تقلبت على اليمين واحاجي
نفسي باجر راح انهي ويا كل شي ..
اتقلبت على اليسار بس شون راح انساه اخخ يربي شون ..
الحد مااغفيت احس راسي راح ينفجر من التفكير ولاشي خش بمخي من الاقتصاد .
اذا امتحن باجر املي الورقه كلها كرم كرم كرم
للصبح كعدت راسي يوجعني واحس شايله طابوكه على راسي من كثر الثقل .. الي احسه بي
عدلت سرير بالكوه وطلعت من الغرفه اباوع للساعه الي بالهول ساعه 8شفت احمد كاعد بالكرسي مالته ويلعب بالخرخاشه يباوع الي مبتسم ويهومش الي بيديه
اووف اني وين الي خلكك هسه اقتربت منه دنكت عليه بسته على راسه ووكفت صارت بوجهي رفل بيدها الممه .. تخض بيها گالت شعجب بوستي
- اووو رفل الناس تصبح انت تطكين بالحجي
- لاولج دااشاقه وياج بس مو من عوايدج
- اي هو ابنج زاحف يصجمني بس يشوفني يضحك
- ههه ولج هو طفل شيفتهم
- شكايلين هسه احنه ..
- مكايلين شي
عفتها ورحت للمطبخ شفت امي دتخضر الريوك
بالصينيه
صباحو يانبع الحنان ..
- هلا بهالصباح يلا تعالي حتى تتريكين ويانه
- بعد شكد ويخلص ريوكج
- بس يستوي البيض المسلوك واخلي حتى نتريك
- ماما يابيض مسلوك راسي حينفجر اريد اله مسكن
- ميصير تاخذين دوه على معده فارغه
- ماما دكولج راسيييي
- روحي غسلي وجهج وعدلي الكفشه وتعالي هنا هو مستوي ..
- اييي خوش ماما. اليوم اخر يوم بالامتحان اني حتاخر وي صديقاتي ماشي
- علويش التاخير بالله
- ماما اكعد ويا صديقاتي مراح اشوفهن لمدة 14يوم راح اشتاقلهن فاكعد وياهن شويه
- مو يمج الفون وتشوفيهن تكدرين بلمسة اصبعج
تفتحين كاميرا وتشوفيهن
- اي ماما بس مو مثل مكاعدين سوه بس اليوم مام بليزز
-اي بس ماكو طلعه بره المدرسه
- لا ماكو اكيد ماكو
- يلا ماشي
- بوستها كتلها شكرا وطلعت من المطبخ واكول بقلبي يربي سامحني على هالجذبه ..
لازم اخلي حد لكلشي اليوم ..
وارتاح
وارتاح
وشيريحني
وارتاح وماارتاح اوف
وصلت للمغسله دنجت على المي غسلت وجهي وبللت كفشتي
ورفعت راسي على المرايه .. اعاتب نفسي ليش هيج سويتي غرور ليش شستفاديتي بس الالم والوجع
هففف ..
رحت امي دتخلي الاكل بالصينيه .. گالت صبي الجاي صبيته صحنه الرفل .. اجتي تريكنا وخلصنا
رحت للغرفه
تناوشت كتاب الاقتصاد عود اقرا وبالي يم كرم والي حيصير اليوم .. مااعرف شنو حيصير وشون حواجه كرم
ساعه اهز بالقلم باصابعي وتاخذني صفنه ساعه اشخبط ساعه اقرا بدون مااركز بدون وعي
صارت ساعه 11:00بسرعه مشى الوقت ..
كمت بدلت ملابسي لبست الزي المدرسي صدريه وفوكها چاكيت لان الجو حيل بارد ومغيم همات واخذت جنطة ايد زغيره .. واخذت كتاب الاقتصاد بأيدي عود اقرا بي قبل الامتحان .. كملت كل شي
صارت ساعه 11:30الامتحان يبدأ بـ 12تقريبا ...
طلعت من الغرفه .. رفل وابنها ماكو .. يمكن بالغرفه او بالحمام ..
امــي بالمطبخ ..
ماما رايحه اني
-ها حبيبه متاكليلج لكمه استوه الاكل ..
- لا ماما حتأخر يادوب اوصل للمدرسه
- مو كلتلج شوفيلج خط ويا هالبنات حتى ترتاحين من المشي بهالبرد
- ميخالف ماما على الفصل الثاني
باي هسه
طلعت .. من الشقه نزلت من العماره وامشي الجو بارد مغيم كلش
سرعت بالمشي بردت كلش اشوف بجوانب طريقي
المحلات والبسطات الي تبيع عرنوص حار
مالي نفس الكل شي
بس اريد امتحن واخلص واشوف كرم مستعجله كلش
وصلت للمدرسه .... طبيت لسه عشر دقايق ويبدا الامتحان وكفت يم الطالبات واسمعهم يتناقشون
بمواضيع الامتحان واني صافنه مااعرف عن شنو يحجون اووو كلش قافله اني ..
كعدت على صفحه .. وفكري مشوش لا ان حان الموعد لحتى ندخل للقاعات الامتحانيه .. لنمتحن
دخلت كعدت بالمكان المخصص الي طلعت اقلامي والي احتاجه بالاجابه .. كملت كتابة اسمي
اجت المراقبه على الامتحان وزعت الاسئله وكالت يلا بلشو جاوبوا ..
وين بالي اني .. اباوع بالاسئله واباوع للساعه
اكتب الي اعرفه .. والي مااعرفه اكتب بمكانه اي شي مصار نص ساعه رحت اسلم الدفتر الامتحاني للمراقبه .. كالت غرور راجعتي
كتلها اي
- مناسيه شي
- لا ست مناسيه
- ليش مستعجله بعد عندج وقت
- لاست هذا هو ..
طلعت .. من القاعه للساحه .. اخذت جنطتي ورحت وره المدرسه خابرت كرم رد
الو كرم شوكت تجي ؟
- ها گلبي ..شبيج مستعجله .
- كرم مو مال انتظر تعال هسه عندي موضوع وياك واخلصه وين تريد تروح روح
- امم صار بيها مواضيع اوك انت امتحنتي ؟؟!
- اييي
- طيب ياحبي انتظريني امتحن وارجع حتى نطلع نروح لمكان حلو
- لا اخاف احد يشوفنا
- امم زين نروح لبيتنا
- كرم هنا حجايتين تعال ونحجي وظن تريد تروح
تروووح
- اشش صوتج ميعله عليه خوش جايه اشوفج شبيج بسرعه واروح على الامتحان
- بعد محاجيه وسده بوجهي ..
بقيت تقريبا ربع ساعه انتظره بره المدرسه ...
اجه شفته .. رحت اله وصعدت ويا ..
- شعدج واكفه بلشارع
- ياشارع كرم شبيك يم المدرسه واكفه
- متعرفين تنتظريني جوه اتصل عليج يلا تطلعين
- بالله لتحاسبني كرم حاسب نفسك
جريت الفون من الجنطه فتحته من القفل طلعت
السكرينات وشمرت الفون عليه هي شنو بالله استاذ كرم
اخذ الفون وباوعله ببرود وباوعلي
- منو بعثهن الج
- صكيت اسناني وجاوبته سمت نفسها حبيبتك
شمر عليه الفون
- انت كل شي تصدگينه ؟! مو يمكن مفبركات يمكن قديمات قبل لااعرفج ..
- هسه مفبركات لو قديمات ماافتهمنه كرم احجي الصدك اذا انت رجال وابن ابوك
لزمني من ايدي قوي .. كلش
- رجال غصبن عليج مفهوم لاتظلين تخربطين وكلشي تحجين
وهي وحده ساقطه وتريد تتونس واني مااطلب منج هيج شغلات لان اريدج بالحلال ..
ارتاحيتي هسه ارتاحيتي
- خلص كلش ارتاحيت كووولش وهسه كلشي بينه فركش انتهى خوش احسب الي بينا ماصار
گال مو بكيفج اريد انزل قفل البوب من يمه و سحبني من ايدي وحرك السياره وصار يسوق بسرعه كبيره
خفت قلبي صار يخفق لزمته من زنده
كرم وين رايح بيه -
- موبكيفج تنهين كل شي بهالسهوله ..
- يسوق واني اتوسل بي عفيه كرم عوفني نزلني هو ولامهتم ولا اني الي اعرف شراح يسوي
الحد ماوصلنه المنطقه مكطوعه مبيها احد
فتح القفل احس اختنكت
فتحت الباب .. ونزلت وكعت على الكاع
اشتم الهوه بصعوبه مثل مريض الربو من تجي النوبه
نزل يمي رفعني من جبيني شالي نفتح ونزلن خصلات من شعري ..
- بيج شي ها اسف اني لان خوفتج ولج غرور والله احبج
- بعدت ايده كتله وخر عني خاين روح حبها هي
مو دتونسك
ضرب ايده ورايه على باب السياره وصاح بيه
غروووور نزييت لزمت قلبي ولزكت بالسياره احمي روحي منه عيونه حمره تخوف اول مره اشوفه هيج معصب
كام وكف جر نفسه وعدل شعره ورجع نزل يمي گتله كرم لاتأذيني عفيه حسيته هدأ اخذني بهدوء وكومني من ايدي اخذني الحضنه حسيت بدفأ حضنه تمنيت ماينتهي كل هذا تمنيت ابقى ويا كل العمر ومااتركه بلحظه .. راسي قريب لقلبه نبضاته اسمعهم قريب من اذني
هناك وتاخذني افكاري لريم رفعت راسي لوجهه ظل يباع الي غمضت عيوني بعيوني جن اشوف ريم وعذابها ودموعها وبأذني اسمع انينها رفعت راسي
اله گتله خلص كرم خلص كل شي انتهى بينا ومااريدك اني
ضرب السياره مره ثانيه فتح الباب الوره ودفعني داخل السياره وصعد هو هم سحبني اله وتلاصق جسمي وي جسمه
خله رجليه بين رجلينه وجهي بوجهه وانفاسه الحاره تلفح بخدودي يباوعلي وتتطاير الشرار من عيونه .. من الغضب
موتني خوف تمنيت امي ماولدتني ولااجيت الهالدنيا ولاهالساعه والموقف الي خليت نفسي بي ارافس وادفع وهو مكبل كل جسمي بجسمه
واخيرا نطق وگال
اعرف بسوالفج القذره ويايه روان حجت الي على كل شي
لوتتزوجيني لو اندمج والله اخليج العمر كله تتحسرين ومتشوفين الراحه
سكتت وتخربطت كل ملامحي بينما دااحاول اتملص منه
غمضت عيوني گتله مااريدك مااريدك حل عني
وهو حاضني مددني على الكشن وتمدد فوكي
ويباوع الي بعيونه التخوف كال
شنو اني لعبه عندج لو شنو هااا بس احجي انطقي
ادفع بي لزم ايدي گتله خلص اني حصلت الي اريده وخليتك تحبني احجي بثقل وبتنهد
وهو يباوع ويكول اي ويمدها
كملت كتله مستحيل اتزوجك لو تدفني هنا
عصب عكد حواجبه وضربني قوي على وجهي صرخت نزل على شفايفي وباسني بقوه والم حسيت بي وصار يهمس باذني ولج
حبيتج بس الله يعلم شكد هسه هيج تسوين بيه بسيطه لا مراح اقتلج اني بس راح اخليج تتمنين الموت راح اروح واعوفج بس راح ابقى وراج وراج
اني تركت بيج اثر مستحيل رح يروح بروحتي خليها باذنج ترجيه هي الجمله هذا الردتي انت يجرالج غرور يجرالج
وگام مني نزل وصعد كدام ويضرب بالستيرن بايده
ويتنفس بصعوبه عدلت نفسي .. وزحفت كعدت وره المقعد الامامي وخليت راسي . عليه عود ختلت منه ونزلت دموعي مثل الشرار .. على خدي والجامه مفتوحه والهوا يطب بارد بردن خدودي ودموعي شرار احساس مزعج
فتحت كفوفي .. يوكع الدمع بيدي من شدة غزارته صار هوايه مباجيه اتذكر من مات ابويه لسه مابجيت
اني صعب ابجي
بس هسه دموعي نزلت على كرم اخخ سامحني احبك اتمنى انطقهه ..
وصلنه للمكان الي ينزلني بي دائما واني شهكه بيه اشهك وابجي دار عليه وكال شكو تبجين بعد مو صار الي ردتي منو الي بينه لازم يبجي لو هي دموع تماسيح .. يحجي واحسه مكسور مجروح
مجاوبته اباوعله وعيوني كلها دموع .. ولازمه رقبتي احس مخنوكه شمر عليه جنطتي اخذتها ونزلت
وانتهينا وانتهيت اني امشي واكتم شهكاتي
جنت دائما اكول اني اقوه من ريم
لا اني اتعس من ريم يمكن لان ريم زيد هو الخذلها بينما اني لا
امشي وابجي
بيدي خذلته الكرم واذيته وجرحته وصلت للعماره
استاهل اني الي صارلي
اسرع بمشيتي مااعرف اهرب منه او اهرب من نفسي احس الدنيا واكفه الوقت ميمشي واني واكفه بنفس المكان ..
بينما اني لا داامشي وصلت للعماره صعدت الدرج
وكفت يم باب الشقه ابجي بصمت
سمعت صوت باب الشقه المقابيلنه تنفتح .
رأسا فتحت باب شقتنه بالمفتاح .. وفتت
ماردت اشوف احد .. نزعت الشوز بالهول
وركض للغرفه حمدلله مجان احد اكو اتوقع رفل يم رضا بالغرفه وماما لو بالمطبخ او يم الجيران او بالسوك
فرصه اطلع كل قهري بدون مااحد يسألني
رحت للسرير نفضت البطانيه ودخلت بالفراش
وغطيت نفسي من رجليه لوجهي كله
الفراشي دافي بس مو ادفأ من حظن كرم
خليت ايدي على حلكي وابجي واكتم شهكاتي
بعدها بدقائق مااعرف شكد لان احس بعالم ثاني اني مو مال احسب الوقت جتي ماما للغرفه كالت شوكت جيتي رفعت البطانيه كتلها ماما راح انام مالي خلك تعبانه لحد يكعدني
كالت خوش اني رايحه لبيت خالتي رضا يوديني
اريد اشوفها تعبانه بس انت شبي صوتج
مابيه ماما عفيه نعسانه واريد انام
- نامي شاريد منج
احس بحركات امي بالغرفه بعدها طلعت وسدت الباب وراها ..
نفضت البطانيه مني طخ الضوه بوجهي .. عور عيوني ومنا راسي يوجعني وعيوني هم من كد البجي اخذت الفون ..
وطلعت رقم ريم دكيت عليها
- الو ريم
- هلا حياتي
- ريم اني احبج وكل شي اسوي على مودج
- شبي صوتج حبيبي كانج تبجين ليش البجي ها
- ماكو ريم بس تعبانه حييل وكل الدروس ممجاوبه بيهم انت ليظل بالج انت زينه
حاولت شكد مااكدر . ابين الها انه اني مداابجي بس هي عرفتني تعرفني اكثر من نفسها هي امي الثانيه وتوام روحي .. وشمعة حياتي كلشي لاجلها يهون
سديته منها بعد ماقنعتها انه اني مبيه شي ابد
مرت الايام عليه مثل السم
وكل شويه اباوع للفون واكول هسه يراسلني
بس ماكو
كل ليله الحنين اله ينهش قلبي نهش
ماانام اذا متتبلل مخدتي
عشت ايام مره تغيرت حياتي كلها
اقل حجايه اقل كلمه تبجيني صرت خرسه جنت لسان متر
حتى اكلي قل ونزلت وزن
الكل يسال شبيج وليش هيج صايره مااجاوبهم اكتفي بالصمت وبداخلي الف كلمه الشوق اله دمرني دمار اتذكر سوالفه واتذكر ايامي ويا من يغار عليه من يعصب وكلشي
تسريع للاحداث ...
خلصت السادس الادبي وقدمت على الجامعه
دخلت كلية تربيه قسم اللغه العربيه
مرت السنوات بسرعه صرت مرحله ثانيه بالكليه
الكليه عالم ثاني غير عن المدرسه ..
وكلشي يختلف
اشوف البنات ولبسهن واني على كد حالتنه عمري ماتذمرت
بس الاحساس بالحرمان صعب
كملت المرحله الاولى وداومت مرحله ثانيه
تخرجت ريم من الكليه وجتي يمنه وهذا كله وبعد مشفت كرم ولااجت صورته كبالي بس بخيالي الي ياخذني اله
بكل حدث يذكرني بي بكل بوست بكل كلمه وشعر واغنيه تتحدث عن قصتنا وفراقنا
بكل ليله من اخلي راسي على المخده مامرت ليله ماتذكرته
شكد اشتاق الصوته لحضنه
قبلاته الجريئه الي جان يألمني بيها بس كلشي مشتاقه اله
تسريع اكثر ...للاحداث. .
جان اكو عدنا استاذ بالكليه اسمه اياد
عمره تقريبا ببداية الثلاثينات تعامله ويايه مختلف
دائما يسلم عليه ويجي يحجي ويايه بادب واحترام
بفد يوم من الايام كاعده بالحديقه وي صديقاتي
اجه سلم علينه ردينه عليه كال غرور تعاي عندي حجي وياج رحت ويا بالحديقه وكفنه بمكان
- غرور انت خوش بنيه واني معجب باخلاقج
- اني كلبي رجف خليت الكتب على قلبي ودنكت كتله تسلم استاذ
- لذلك اريد اجي اخطب منكم اذا ممكن
- اني ارتبكت كتله استاذ اني اخت اكبر مني
- اذا اختج بجمالج وباخلاقج اي ليش لا ميهم
-
- اي استاذ تفضلوا النه اهلا بيكم باي وقت واكيد نتشرف بيك والباقي بعد بكيف اهلي
- اي اكيد طبعا يلا اخذي راحتج
- عفته وكعدت مكان وحدي واتذكر كلمات كرم
من كلي اتركت اثر بيج ماافهمته بس اكيد ترك اثر بيه ميروح مستحيل
رجعت للبيت وحاجيت ريم بموضوع خطوبة اياد
وكدرت اقنعها تطلع يشوفها ويختار وحده منه
يتبع
بنات دعموني عفيه اذا عجبتكم صوتو موبس تقرون
توقعاتكم منو حيختار اياد
1-ريم
2-غرور
😀😃😄