مـــكــتــب ابــوســديــم
استغرب الرقم انه دولي رد:الو
حمد بسرعه وصوته يروح ويجي:عمي الحق على سديم
ابوسديم وهو يوقف:ايش وش تقول؟
حمد:سديم عمي الحق عليها بسرعه
ابوسديم بخوف رمى جواله وراح يركض لجناح سديم وركضت وراءه ام سديم بخوف:وشفيك؟
فتح باب الجناح:سديم
وقفت ام سديم وهي تصرخ:يمه وشفيها بنتي؟
صار يطق خدها: سديم سديم
لفت ام سديم بصدمه وهي تتقدم لعلب الحبوب المرميه على السرير:محمد؟
لف لمرته وتوسعت عيونه بصدمه وشال بسرعه وهو يركض:ليش ليش؟
طلعت رغد من جناحها وصرخت: يمه وشفيها سديم؟
صارت تركض وراء زوجها بخوف على بنتها وتفكيرها صار مشلول ليش سديم حاولت تنتحر ولا حتى انتبهت لنداءات رغد
كانوا ساره وريناد وريوف توهم داخلين انصدموا وهم يشوفون ابوها شايل سديم ويركض فيها صرخوا بخوف
ساره: وشفيها سديم يبه؟
ابوسديم بتشتت:مدري مدري
ريوف: يمه وشفيها اختي؟
ابوسديم:اقعدوا هنا انا بودي اختكم للمستشفى
ريناد وهي تصيح:لالا نبي نجي معكم
مارد عليهم وركب سديم بالسياره وساق باسرع ماعنده
وقفت ام سديم وهي تصيح بقوه: ياويلي على بنتي
ساره بذهول: يمه وشفيها سديم؟
كانت بتتطيح بس مسكتها ريناد: يمه
ريوف وهي تمكسها مع ريناد وقعدوها على الكنب
قعدت ساره على ركبها وحطت يدينها على ركب امها: يمه تكلمي
شهقت ام سديم:ااه اختكم انتحرت
شهقوا كلهم بصدمه
ريوف:سديم لالا يمه مستحيل ماتسويها
ام سديم وهي تشهق:ااه علب الادويه مرميه على سريرها وكلها فاضيه
ريناد وهي تقعد بذهول جنب امها:ليش؟
ساره وهي توقف:لالالا سديم مستحيل تسويها مستحيل وليش؟ عشان من؟
ولما قالت ساره عشان من تنشطت عقول ريوف وريناد ودار براسهم شخص واحد بس""حمد""
ساره اللي كانها قرات افكار خواتها:لا ولا حتى عشانه مستحيل سديم ماتسويها
ام سديم بصدمه:عشان من تكلمن ليش ساكتات؟
ريوف وهي تضم رغد اللي تصيح وشاحت بعيونها عن امها
ريناد وهي مصدومه لفت وجهها بعيد عن امها
ام سديم وهي توقف وبصراخ:تكلمن؟
ساره وهي تكتف يدينها:عشان حمد بس لا يمه سديم صدقيني ماتسويها
سكتت ام سديم بصدمه:حمد من حمد؟؟ تكلمن
ساره:يمه حمد مدير اعمال سديم اللي استقال كان يبي يخطبها بس ثامر خرب كل شيء امشوا نروح للمستشفى
ريناد:بس أي مستشفى؟
قعدت ام سديم بصدمه:مستحيل افقد بنتي
ريوف بسرعه:بسم الله عليها يمه
ساره وهي تتطلع جوالها ودقت على ابوها:أي مستشفى طيب (سكرت بسرعه) قوموا يلا
وقفوا كلهم ام سديم اللي تحسينها مشتته وضايعه
ريوف:اروح اجيب عباتك يمه
هزت راسها بصدمه وذهول
ريناد وهي تشهق ضمت امها بقوة وناظرت ساره بخوف
ناظرتها ساره بنفس الخوف بس تحاول تظهر الشجاعه قدامهم
لبست ريوف امها عبايتها وطلعوا بسرعة ..
بــيــت أهــل رامــي
الــصــالـــه
دخل ببرود:السلام عليكم
كلهم ناظروه بصدمه لهم اكثر من شهرين ماشافوه ولا يرد حتى على مكالمتهم وماخذ اجازه من المستشفى
الكل:رامي؟
رامي بنفس البرود:وشلونكم؟
وقف ابوالوليد بعصبيه:توك تشرف توك تتدري انه عندك اهل؟
سكت رامي وهو يتنهد ويحاول يمسك اعصابه
وقفت ام ازهار:حتى مرتك سقطت وانت ولا دريت ولا حتى اهتميت ؟
رفع راسه بسرعه لعمته:سقطت؟
ام ازهار:ايه زلقت بالحمام وسقطت ودقينا عليك ولا حتى اهتميت
سكت رامي شوي بعدين قال:وينها؟
ام ازهار اللي انبسطت انه سال عنها:بالمجلس الثاني روح لها
ناظر عمته ببرود ومشى للمجلس ولما دخل انصدم وهو يشوفها تصلي
ازهار اللي ماكانت حتى تتدري انه موجود سلمت وهي تسبح وقفت وفصخت الجلال ولما لفت ناظرته بصدمه:رامي؟
رامي وهو يعقد حواجبه:وش تسوين؟
ناظرت الجلال ومسكته ولفت عليها وصدت عنه:اصلي
رامي:وشفيك؟
ازهار وهي تناظره ابتسمت ببرود:ولا شيء بس اه تغيرت
رامي:والتسقيط؟
ازهار وهي تقعد على الكنب وتناظره:انا نزلته(ابتسمت) الف مبروك على زواجك من اميره صدقني فرحت لك من قلبي ههه مشكور رامي
ناظرها رامي بصدمه:وشلون دريتي وليش مشكور؟
ازهار:دريت من اميره(وقفت) ومشكور لانك تعرفت عليها بجد انتوا تستاهلون بعضكم وانا اسفه على كل لحظه ضيعتها انت معي انا ندمت وتبت تكفى سامحني يارامي الله يسامح وشلون انت؟
رامي بصدمه:اميره ؟
ازهار وهي توقف:اممم من طلعت ذاك اليوم انت دخلت الحمام وصرت اضرب نفسي وببطني وسويت كل شيء بس مانزل ههه ولد الحرام
ناظرها رامي باهتمام:وبعدين؟
ازهار وهي تناظر لبعيد وكانها تتذكر اللي صار:ومر اسبوعين ودق جوالي برقم غريب رديت وقالت انا اميره انصدمت وماعرفت هي ايش تبي قالت لي لازم نتقابل انصدمت وقلت وش تبين قالت لما اشوفك تعرفين وتقابلت معها (ابتسمت وناظرت رامي)ىمن اول ماشفتها عرفت انت ليش حبيتها الادب والطيبه واضح من منظرها دخلت قلبي على طول وصارت تتكلم معي (لفت وجهها للشباك) اول مره احس فيه شخص يتهم لي ويتكلم معي انا لشخصي صارت تقولي انا ابي اتعرف عليك اكثر وصدق تعرفنا على بعض اكثر وعرفتني على بنات مدينات كرهتهم بالبدايه بس بعدين حبيتهم ودخلت دورات قران ومراكز تحفيظ (دمعت عيونها وناظرت رامي وبدا صوتها ينبح من البكي) عرفت وشلون كنت انا ضايعه شفت الفرق بين حياتي وحياتهم استحيت حيل من نفسي وكلهم عرفوا قصتي توقعت لما يعرفون بطيح من عيونهم بس لا لا يارامي بالعكس تماسكوا معي اكثر وكانوا يشعجوني كنت كل ليله ماانام الا وانا اصلي وادعي ربي وابكي انه ينزل اللي ببطني وجد فتره قصيره بس ودخلت الحمام وزلقت وسقطت على طول مع اني جربت كل شيء قبل عشان اسقطه بس ماقدرت ااه عرفت الحياه والسعاده الحقيقه (ابتسمت) ومابقى الا انت تسامحني واكون مرتاحه
ناظرها رامي بصدمه وشاف التغيير صدق ابتسم:مبروك على التغيير وااه وانا مسامحك
نزلت راسها ازهار:طيب تراك ماتحل لي عشان اكشف لك تقدر تتطلع؟
ضحك رامي بخفه:طيب مع السلامه
ازهار بهمس:مع السلامه
طلع رامي وهو مصدوم من التغير وانقهر ان اميره ماقالت له بس انبسط كثير طلع وهو يحس بالقوه والحماس اكثر:انا تزوجت
ناظروه بصدمه وذهول:ايش.وشلون؟
رامي:تزوجت اميره بنت خالد الراسي وزواجي بعد شهر وابيكم كلكم تحضرون لانكم اهلي
وقفت ام ازهار بصدمه:ايش وبنتي؟
ازهار من وراء رامي وهي متغطيه: يمه اللي بيني وبين رامي انتهى والله يوفقه ويوفقني وان شاء الله زي ماشاف نصيبه(ابتسمت) اشوف نصيبي(لفت لرامي) الف مبروك تستاهل انت واميره
ابتسم رامي لها: الله يبارك فيك وعقبالك ان شاء الله(لف لاهله) اذا لي ذرة معزه بقلب أي واحد فيكم ابيكم تحضرون زواجي (لف وجهه وطلع وهو متضايق منهم بس منبسط من ناحية ازهار)
مــطــار لــنــدن
حمد وهو يهز رجله بتوتر ورايح جاي
جاه الموظف (بعد الترجمه):سيدي؟
لف له حمد بسرعه:هاه فيه حجز؟
الموظف:نعم لكنه تمام الساعه 8
ناظر ساعتها شافها 2:ااف (ناظر الموظف) مافيه أي رحله قبل هذا الوقت؟
الموظف:للاسف لا يوجد هل تريدها ام لا؟
حمد بسرعه:نعم نعم اريدها (لف وجهه وقعد وهو يمسك وجهه بيدينه"" وش يصبرني لين8 ااه وش صار عليها ووشفيها ياربي صبر قلبي صبره""
بــيــت خـالــد الــراســـي
جـــنـاح امــيــره
ردت وهي تبتسم:هاه وش قالوا؟
رامي بصوت يذبح:تسوين كل هذا من وراءي ليش ماقلتي لي؟
ابتسمت بخفه:عن ايش؟
رامي:ههه عن ازهار؟؟
ابتسمت اميره:اممم مدري اا
قطع كلامها دخول قمر المرعب:ااه ااه سديم بالمستشفى ويقولون انه ماكله حبوب
وقفت اميره بصدمه:ايش رامي اكلمك بعدين
رامي بخوف:وشفيك وش صاير؟؟
اميره:سديم بالمستشفى وتقول قمر انه ماكله حبوب
رامي:طيب طيب طمنيني
اميره بسرعه:طيب (سكرت وهي تركض بخوف نزلت وتشوف اهلها امها وقمر يلبسون عبايتهم وابوها واقف وينادي يستعجلهم وناصر وعبدالعزيز طالعين ونادر واقف لبست عبايتها بسرعه وطلعت معهم)
والكل يدور ببالهم سؤال واحد:ليش سديم انتحرت؟
الــمــســتــشــفــى
كانوا كلهم قاعدين بمكتب ابوسديم(لانه وداها لمستشفاه)
ام سديم وهي تصيح:طول الدكتور محمد صار لهم 4 ساعات ولا احد جاء يطمننا
اميره وهي تتنهد:عمتي اهدي رامي كلمني وقال انه قطع اجازته ودخل معهم اكيد اذا صار شيء بيبلغني
اما قمر ضامه ريناد بقوه وتمسح على شعرها:بس ياروحي بس
ريوف وهي تشاهق وتناظر ابوها: يبه سديم ماراح تموت صح؟
ابوسديم وهو يناظر بنته بالالم وماعرف ايش يقول
بس رد خالد وهو يقعد جنبها ومسك يدها:لا وانا عمك باذن الله سديم بتقوم بالسلامه
شهقت وهزت راسها بضعف وخوف على اختها
اما ساره كانت واقفه ومركيه راسها على الجدار وضامه يدينها لصدرها ومغمضه عيونها وساكته بدون أي ردة فعل
اما رغد تبمي و وسن تهديها
دخل رامي والكل وقف وساره تعدلت:هاه دكتور رامي طمنا؟
تنهد رامي وناظر اميره بعدين ناظر ابوسديم:اا اا
ام سديم وهي تضرب فخوذها:ماتت بنتي
رامي بسرعه:لا عمتي مو كذا بس اا اه هي بخير بس
ابوسديم: بس ايش؟
رامي: دخلت بغيبوبه
الكل شهق بصدمه: ايش .وشلون..
سكتت اميره بصدمه وقربت لرامي وبخوف:رامي كم الامل انها تصحى؟
رامي بهمس وهو يناظر عيون اميره:اا
اميره:تكلم لاتكذب علي
رامي وهو يتنهد:40
اخذت نفس:وبتتركونها تحت المراقبه لين متى؟
ابوسديم بخوف:ليش مقصرين اصواتكم تراها بنتي قولي انا كلمني انا
تنهد رامي:انا مابي اخبي عليك ياعمي بس سديم بحاله خطره حنا بنتركها تحت الملاحظه الى 5 ايام بس اذا ماصحتت
ساره بسرعه:وش بيصير؟
رامي وهو يناظر ساره بعدين ناظر ابوسديم:يمكن تموت دماغيا وبنضطر نعيشها على اجهزة الانعاش (قال بسرعه) بس ان شاء الله ماتوصل لها المستوى هي الحين ماتبي منكم الا الدعاء
ام سديم وهي توقف:ابي اشوفها ابي اشوفها
رامي:لا الزياره ممنوعه بتاتا لانها بالعنايه و(نزل راسه) وهي حاولت الانتحار والشرطه وصلت بس لما دروا انها ماصحت راحوا وحاطين جندي عند الباب عشان محد يدخل ماعدا الاطباء
ابوسديم وهو مصدوم وبهمس:ليش ياسديم ليش؟
ريناد وهي تبكي بقوه:ااه اااه ااه
ضمتها قمر اقوى ودموعها تنزل على خدودها:بس ياقلبي بس
ريوف وهي تضم ابوها بقوه: يبه مانبي سديم تموت يبه
ضم بنته بصدمه وذهول
خالد وهو يحط يدها على كتف اخوه:اهدوا باذن الله بتصحى الامور ماتجي كذا
اميره وهي تشهق بقوه بخوف من فقدان سديم
قرب لها رامي وشد على يدها بقوه:اهدي ياروحي
اميره بهمس:حنا اكثر ناس ندري كم واحد صحى من وضع زي سديم كم 10 15 يمكن حالتها ميؤس منها والا اذا صحت ممكن يكون فيه اعراض جانبيه
رامي وهو يسحبها وضمها بقوه:اهدي ياغلاي بتصحى بتصحى
ناصر وهو يقعد جنب مرت عمه:بس ياخالتي خلي ثقتك بالله كبيره مالنا الا ندعي لها
عبدالعزيز اللي ماهو قادر يسوي شيء غير يدعي لها بقلبه ..
مـــطـــار الــشــرقــيــه
وصل وهو يركض وقف تاكسي وركب""صح انا مدري هي أي مستشفى اكلم ابوسديم لا بيقول وش يبي ببنتي ااف من اكلم؟""دق جواله ورد بسرعه:الو
بسام صديقه:هلا حمد توني اشوف رسالتك وش عندك رجعت؟
حمد:سديم يابسام
بسام:ايه صح هي اخذت رقمك كلمتك؟
حمد:سديم صار لها شيء بس مدري وشو وراحت للمستشفى بس مدري أي مستشفى
بسام:لحظه هذا واحد من الشركه يدق يمكن عنده شيء
حمد بسرعه:ايه ايه رد عليه انا بنتظرك
دقايق ورجع بسام وهو مصدوم:سديم حاولت تنتحر
حمد بصدمه وتوسعت عيونه: تنتحر؟ليش؟أي مستشفى؟
بسام اللي لسى مصدوم: مستشفى ابوسديم
حمد:طيب اكلمك بعدين مع السلامه
بسام:مع السلامه
لف للتاكسي:امش لمستشفى ـ ـ ـ ـ
بـــيـــت ام مــنــيــره
نور بخوف:ااف ادق على قمر ماترد ولا أي وحده ترد ابي اشوف وش صار على سديم؟
منيره وهي توقف: قومي نروح لهم
نور وهي تاقف:عادي؟
منيره:اكيد عادي
نور:بس مع من نروح فواز مرابط ومقفل جواله وماجد بالبر؟
منيره وهي تسكت شوي بعدين قالت:عبدالعزيز
نور:عبدالعزيز؟ من يكلمه؟
منيره:انا (سحبت جوالها ودقت عليه) الو
الــمــســتــشــفـــى
تعدل عبدالعزيز بصدمه وهو يشوف اسم اكبر طموحاتي على الشاشه""منيره؟""رد بسرعه:الو
منيره بدون حتى ماتسلم: تقدر تجي تاخذنا نجي للمستشفى نبي نتطمن على سديم؟
عبدالعزيز اللي لسى مصدوم:هاه؟
منيره:ماتسمع؟
عبدالعزيز: الا طيب بس سديم (وقالها اللي صار)
منيره بصدمه:ايش يعني وشلون ماراح تصحى؟
عبدالعزيز بسرعه: لا ان شاء الله بتصحى والزياره ممنوعه عنها لانها بالعنايه المركزه
منيره وهي تبلع ريقها:طيب والبنات وشلونهم؟
عبدالعزيز وهو يناظر خالد اللي يغصبهم يطلعون:بيرحون لبيتنا تبون اجيبكم لبيتنا؟
منيره بسرعه:ايه ايه
عبدالعزيز:ابشري مسافة الطريق واكون عندكم
شــقـــه تـــركــي و وســن
وسن هي تلبس نقابها:تركي استعجل كلهم راحوا للبيت
تركي وهو يطلع:يلا
لفوا للباب اللي دق الجرس ناظروا بعض باستغراب
وسن:منتظر احد؟
تركي:لا(تقدم وفتح الباب توسعت عيونه بصدمه) عمي؟؟!!
قربت وسن لين صارت وراء تركي وهي تشوف ابوها بصدمه تمسكت بظهر تركي وهي تناظره ببرود وخوف
تنهد ابووسن وابتسم:وشلونك وسن؟
ماردت عليه وهي تتدخل وراء ظهر تركي اكثر بخوف
لف تركي وناظرها وقدمها وهو يلف يده حول كتوفها بقوه:امر عمي؟
تنهد ابووسن:خايفه مني يابنتي؟
بلعت ريقها وسن ونزلت راسها بعدين ناظرت تركي اللي ابتسم لها وكانه يطمنها انه موجود لفت لابوها:وش تبي؟
تنهد ابووسن:ابيك تسامحيني انا خسرتكم كلكم خسرت امك وخسرتك انتي واختك ااه يابنتي الانسان مايدري كم بقى له بالهدنيا
بلعت ريقها بخوف من كلامه وتقدمت له:فيك شي يبه؟
ابتسم لها:الله يعين
وسن بخوف: يبه تكلم
تركي:عمي وشفيك؟
ابووسن:لا بس ابيك تسامحيني
تقدمت له وسن وضمته:انت ابوي لو قتلتني حلالك
ابتسم وضمها بقوه:ااه لما اختفيتوا كلكم وتركتوني لحالي حسيت بقيمتكم اعذريني ياروحي
وسن وهي تصيح:معذور يبه معذور
ابتسم وناظر تركي وبهمس:مشكور
ابتسم تركي بقوه:العفو
بعدت عن ابوها وهي تمسك يد تركي بقوه
ابووسن:اجل انا اخليكم عن اذنكم
وسن وتركي:اذنك معك
لف وجهه وطلع
لف تركي لوسن ومسك وجهها بيدينه وباس خدها بنعومه وبعد شفايفه عن خدها بمسافه بسيطه:ترى دموعك ماتهون علي
ابتسمت وهي تناظره هزت راسها:ااه
بعد عنها ومسك يدها وطلعوا
الـــمــســتــشــفـــى
الــســ1:00 بعد منتصف الليل ــاعـــه
الــعــنــايــه الـمــركــزه
وقف حمد قدامها وهو يتذكر لما سال الممرضه عن حالتها تنهد وركى يده على الشباك الصغير ""ليش لاتروحين لاتتركيني""
رامي باستغراب من الرجال اللي واقف قدام العنايه وبهذا الوقت المتاخر:تبي شي اخوي؟
لف حمد وناظر رامي: المريضه سديم الراسي وشلونها؟
رامي اللي زاد استغرابه:وانت من وين تعرفها؟
حمد: انا اخوها
رامي:اخوها انت وش تبي بالضبط سديم مالها اخوان
تورط حمد تنهد:طيب جاوبني وشلونها؟
قرب له رامي:لا ماراح اجاوبك لين تقولي وش صلتك بسديم؟!!
حمد بعصبيه:وانت وش دخلك تعرفها تقرب لها؟
رامي بنفس العصبيه:ايه اعرفها واقرب لها
انصدم حمد: ايش؟
دخلت اميره ووقفت بصدمه:حمد؟
لفوا لها كلهم باستغراب
رامي:من وين تعرفينه؟
اميره وهي تناظر رامي ولفت لحمد:وش جابك؟
حمد وهو يتنهد:ابي اشوفها
رامي بعصبيه:انا اسال
اميره وهي تمسك ذراع رامي:تعال (وبعدوا شوي)
اميره: هذا كان مساعد سديم و كانوا يحبون بعض وكان يبي يخطبها بس ثامر جاء وخرب كل شيء وحمد اخفتى فجاه بس مدري من قاله عن سديم
لف رامي وناظره بعدين ناظر اميره:انتي تتدرين اننا مانقدر ندخله اذا ابوسديم مارضى الجندي يدخله وشلون هو؟
اميره وهي تناظره وشافت الخوف بعيونه والارتباك:يمكن سديم تحس عليه خلنا ندخله
سكت رامي شوي يفكر:طيب جاتني فكره
اميره باهتمام:وشو؟
رامي:روحي جيبي ملابس أي ممرض وخلينا نلبسه وادخله معي
اميره وهي تبتسم: صح ثواني روح له وقله انت
هز راسه رامي:طيب (لف لحمد وسحبه بعيد) اسمع بعطيك ملابس ممرض تلبسها وتتدخل معي على اساس انك ممرض لان سديم ممنوعه عنها الزياره لانها حاولت الانتحار ولازم يصير تحقيق فاهم؟
حمد وهو يبتسم:ايه ايه فاهم مشكور
ابتسم رامي:العفو
جابتها اميره وعطت ه
رامي:ادخل هنا والبسها
دخل حمد الغرفه عشان يلبس..
بـــيــت خــالــد الــراســي
كانوا كلهم متجمعين والجو متكهرب وتملاها الخوف اللي يدعي واللي يصلي واللي يسبح واللي ساكت واللي يبكي
ام وسن وهي تضم وسن:ااه الله يقومها بسلامه
وسن بهمس:امين(ناظرت امها) يمه
ام وسن:هلا حبيبتي
وسن:ابوي اليوم جاني للشقه
بعدت ام وسن بخوف:وش قالك سوا لك شيء؟
ابتسمت وسن:لا بالعكس كان ندمان واعتذر مني وقال انا خسرتك وخسرت امك والجوري ااه يمه ابوي ندم وكان شوي ويصيح
تنهدت ام وسن وهي تصد:اصلا ابوك قلبه طيب وحنون بس الله يسامح اللي كان السبب
وسن باهتمام: يمه ليش ماترجعين لابوي هو ندمان انا بقوله يرجع لك وتتطلعون بيت لحالكم مع الجوري
تنهدت ام وسن بتردد:مدري اا
قاطعتها وسن:تكفين يمه انا ادري انك تبين ابوي وهو بعد يبيك بس المشكله بعماني اطلعوا عنهم وبنكون كلنا بخير هاه يمه وش رايك؟
ناظرت ام وسن عيون بنتها وابتسمت وهزت راسها:موافقه
ابتسمت وسن بقوه وضمت امها اقوى: الجاي احسن باذن الله
ام وسن وهي تمسح على شعرها:امين
الــمــســتــشــفـــى
الــعــنــايـــه الــمــركــزه
تقدم لها بخطوات خايفه وهو يقرب اكثر كانت كانها ملاك نايمه بهدوء تقدم وهو يناظرها
ناظر رامي بترقب:انا بترككم شوي بس مانقدر نطول عن 5 دقايق خلاص؟
هز راسه حمد بدون مايرد عليه
طلع رامي وترك حمد لحاله مع سديم
جلس على الكرسي ومسك يدها بقوه:ليش اصحي (نزلت دموعه بدون مايحس) مهما كان اللي صار كان كلمتيني لاتتركيني سديم اصحي (ضغط على يدها بقوة) انا احبك حاولت انساك بس ماقدرت قلبي صح انه نبض لوجد بس نبضاته لك كانت غير غير وربي تكفين لاتتركيني كان يكفيني اني احس انك تشاركيني بنفس الدنيا ونتنفس نفس الاكسجين لاترحلين (مسك دموعه بكفه) ههه شوفي دموعي تنزل بدون مااحس اصحي سديم تكفين قومي (ظل يراقبها ينتظرها تصحى بس مرت الدقايق ولا صحت)
جاء رامي وبضيقه:حمد
لف له حمد وناظر رامي:ماراح تصحى؟
تنهد رامي وناظر سديم ولف لحمد:ربك كريم قم
هز راسه حمد ووقف وشد على يدها بقوه واطلعوا بس وقف ولف لها ""تكفين لاتتركيني"" تنهد وطلعوا
بــعـــد 3 ايـــام
الــمــســتــشــفـــى
جاء ابوسديم وام سديم وساره
ابوسديم:بنتي ماصحت يارامي؟
تنهد رامي: بتصحى ان شاء الله بتصحى
ساره:رامي ماراح تصحى صح؟
رامي بسرعه:لا بتصحى اكيد
كان واقف بعيد ويتاملهم من جاء من المطار ماطلع ابدا من المستشفى وكل ليله يدخل لها 5 دقايق بس:اصحي انا واهلك موجودين عندك
فجاه صوت جهاز انطلق من العنايه لفوا كلهم للصوت
اميره اللي كانت توها جت ناظرت رامي وركضوا لداخل العنايه
ام سديم وهي تصيح:بنتي
دخلوا ابوسديم وام سديم وساره بسرعه ولحقهم حمد وقفوا بصدمه وهم يناظرون سديم والجهاز
رامي:بسرعه افتحي بلوزتها
هزت راسها اميره وهي تفتح بلوزتها:بعدوا
صدم قلبها مره ومرتين شهقت ام سديم وهي تتمسك بزوجها بقوه
تقدم حمد لين صار جنب رامي:سديم سديم
ناظروا له بصدمه واستغراب من وجوده
رامي وهو يصدم قلبها ثالث مره ويناظر الجهاز
حمد وهو يمسك يدها بقوه:اصحي اصحي
رامي وهو يدفه: بعد
رجع لوراء بقوه وهو يناظرها بتامل
ثواني وبدا الجهاز يطلع صوت
تنهد رامي براحه وناظر ابوسديم
ام سديم وهي تتطيح على الارض
كلهم صرخوا اركضوا لها
ساره: يمه ردي علي
اما ابوسديم كان واقف ومصدوم كان بيفقد بنته كانت بتروح من بين يدينه ناظر حمد بتامل
حطوا ام سديم على السرير وراحوا معه كلهم ماعدا ابوسديم وحمد
الجندي بعصبيه:تقدرون تتطلعون الحين بسرعه
هزوا روسهم ومشوا طلعوا برا العنايه
وتعدى حمد ابوسديم بس وقفه صوته
ابوسديم:حمد
لف حمد له بدون مايقول أي كلمه
ابوسديم وهو يراقبه بتامل:انت وشلون عرفت ان سديم حاولت تنتحر؟
تنهد حمد:هي كلمتني بس مافهمت أيش تقول
ابوسديم: مشكور
انصدم حمد وهو يناظره:هاه؟
ابوسديم بابتسامه بسيطه:مشكور لولاك يمكن مادرينا عنها مشكور
ابتسم حمد ابتسامه باهته:العفو (لف وجهه ومشى وهو ماهو مستوعب اللي قاعد يصير)
بــيـــت خــالــد الــراســي
الــسـ2:00 بعد منتصف الليل ــاعـــه
كانوا البنات متجمعين ويتكلمون على خفيف والكل يدعي بداخله لسديم
ريوف وهي تكلم:اهلين معاذ
معاذ بخوف:حبيبتي انتي بخير؟
ريوف بصوت مبحوح: لا خايفه على سديم مرا
معاذ:ياغلاي لاتخافين اكيد بتصحى وبتكون بخير وانا بكرا من الصبح بجيك ليش ماتنامين لك ساعه؟
ريوف:وين يجيني النوم واختي بين الحياة والموت
معاذ بضيقه:طيب بس عشان خاطري اذا لي أي ذره حب بقلبك نامي لو ساعه
ابتسمت ريوف على خفيف وهي تمسح دموعها:ابشر
ابتسم معاذ:توصين شيء؟
ريوف:سلامتك
معاذ:مع السلامه ونوم العوافي واول ماتصحين كلميني
هزت راسها ريوف:الله يعافيك ان شاء الل ه(سكرت وهي توقف واتجهت لقمر) قمور انا بنام لي شوي ؟
قمر وهي تبتسم: روحي نامي
هزت راسها ريوف وراحت
وسن بهمس:قمور رغد نامت
قمر:طيب خليني انادي الشغاله تجي تشيلها (وقفت ونادت الشغاله تجي تاخذها واخذتها الشغاله)
رجعت قعدت قمر بهدوء
حطت نور راسها على فخذ قمر:ااه يارب تقوم بالسلامه
قمر بهمس وهي تلعب بشعر نور:امين
وقفت ريناد وهي تبكي وكلهم يناظرون لها
منيره:وين رايحه؟
ريناد:بطلع شوي برا احس اني مختنقه هنا
منيره وهي تبي توقف:اروح معك
ريناد:لا ابي اقعد لحالي شوي (طلعت)
تنهدت منيره ورجعت قعدت:يعني ساره ماهي راجعه؟
وسن:لا توني مكلمه اميره تقول بيقعدون عندها
الــحـــديــقــــه
دخل فواز بسيارته عشان ياخذ نور ومنيره نزل منها ومشى شوي وهو يطلع جواله يبي يدق على نور بس عقد حواجبه وهو يشوفها جالسه على الكرسي وتبكي قرب باستغراب لانه على باله نور:نور؟
رفعت راسها بسرعه وناظرته وهي تبكي
بلع ريقه من شكلها كان يكسر الخاطر وحلو وناعم بنفس الوقت: انا انا اسف على بالي نور
شهقت ريناد بقوه:اه اه
صد عنها فواز بس قلبه عوره عليها تنهد وهو يشد على يده بقوه: ريناد
رفعت راسها بصدمه ماتوقعت انه يعرف اسمها او توقعت انه نساه
فواز:اصبري واحتسبي والحياة كلها صعاب ومراحل بعضها قوي وصعب وبعضه ضعيف وحلو انتي تبكين لان اختك بالعنايه غيرك كل يوم يشوف امه او ابوه يموت ولا يقدر يسوي شيء احمدي ربك اختك بين يدين امينه والله كريم والخيره فيما اختاره الل ه(لف نصه وهو منزل راسه) لاتايسين لانك مو لحالك
ناظرته بصدمه كلماته قويه دخلت قلبها وتعدته كانت مواسته غير عن الكل:مشكور فواز
ابتسم على خفيف:العفو
نزلت راسها على خفيف ابتسمت
مشى لسيارته وكلم نور ومنيره
داخــل الــبــيــت
وقفت نور وهي تسكر عبايتها:طمنونا خلاص
قمر:ابشروا
وقفت وسن تبي توصلهم للباب
بس وقفتها منيره:وش دعوى البيت بيتنا ارتاحوا
ابتسمت وسن وجلست
وهن طالعات قابلوا ريناد تقدمت نور وهي تبتسم وضمت ريناد:لاتخافين بتصحى ان شاء الله وبتكون بخير وبنفهم ليش سوت كذا
هزت راسها ريناد وهي تضم نور وتبتسم: ان شاء الله
وضمت منيره ريناد:يلا ياقلبي مع السلامه
ريناد:مع السلامة
بــعــد يــومــيـــن
الــمــســتـشـفـى
الــعــنــايــه الــمــركــزه
الــســـ2:00ظهرآ ـاعـــه
بدت تفتح عيونها على خفيف وتعب رمشت وحست بنور قوي بعيونها رجعت سكرتها ""ااه ويني معقوله لحد الحين حيه ""
دخلت اميره وهي تمسك يد سديم بقوه:سديم؟
بدت تفتح عيونها على خفيف وبهمس:اميره؟
دمعت عيون اميره بقوه:هه عيوني
سديم بصوت تعبان:انا عايشة ؟
اميره:ههههه ايه (ضمتها بقوه) الحمدلله على سلامتك ياروحي
سديم بهمس:الله يسلمك وين امي وابوي وخواتي؟
سكتت اميره شوي بعدين قالت: سديم مانقدر ندخل اهلك عليك الحين
سديم باستغراب: ليه؟
اميره:لازم يدخل الضابط وياخذ اقوالك
سديم:أي اقوال؟
اميره وهي تقعد وتمسك يدها:سدومه انتي حاولتي تنتحرين ولازم الشرطه يعرفون الاسباب
بلعت ريقها سديم وصدت:بس انا ماعندي شيء اقوله
اميره: سديم ليش تسوين كذا انتي تسوين كذا ااه سدومه انا اكثر وحده اعرفك ماتسوين كذا الا لسبب ولا بعد سبب قوي عشان كذا قوليلي
تنهدت سديم وهي تسكت وتتذكر تهديد ثامر:ماعندي شيء اقوله
هزت راسها اميره باسف:طيب ماتبين تقولين لي انا؟ يعني تبين تقولين لحمد؟
سكتت سديم ولما استوعبت الاسم اللي نطقته اميره ناظرتها بصدمه واستغراب: ايش قلتي؟
اميره:حمد جاء اصلا هو اللي قال لعمي يروح لك كان بالندن وجاء عشانك وماطلع من المستشفى من جاء ولا دقيقه
بلعت ريقها سديم:جد؟
هزت راسها اميره:ايه جد هاه تبين اناديه؟
سديم وهي تتذكر كلام ثامر وبان عليها الخوف:لالا
اميره باستغراب:سديم لاتخافين من شيء حنا اهللك قولي لنا
سكتت سديم وهي تغمض عيونها ولا ردت على اميره""لانكم اهلي مااقدر اقول""
اميره وهي توقف بقهر:اجل بيدخل الضابط استعدي
سديم وهي تصد ولا ردت وشدت على البطانيه بيدها بقوة ..
بــررراااا
ابوسديم وهو ياقف:هاه وش قالت؟
اميره وهي تتنهد:عيت تقول أي شيء
خالد:محمد انا بكلم عبدالاله يلغي هالاجراءات ويطلعنا ماحنا ناقصين فضايح
ابوسديم: ايه والله بيقولون بنت محمد الراسي تنتحر
خالد وهو يحط يده فوق كتف اخوه:لاتخاف اعتبر الموضوع منتهي
ام سديم بلهفه:ابي اشوفها اميره
اميره:اصبري خالتي شوي لين يكلم ابوي هالرجال ويروحون هالشرطه
هزت راسها ام سديم بقهر وتوتر بس على الاقل بنتها بخير الحين
بــيــت وجـــد طـلـيـقـه حــمــد
قعد على ركبه وهو يضم ولده بقوه ويبوسه بكل مكان:اااه
مهند وهو يضحك يضم راس ابوه بيدينه الصغيره:اشتقت لك واجد بابا مرا اشتقت لك
ضحك وهو يشده لصدره اكثر:وانا بعد ياروح ابوك وماراح اخليك ثاني مره ابدا (وقف وهو يشيله ولف لوجد) جهزي ملابسه واغراضه باخذه
ابتسمت وجد:طيب
تنهد حمد ورجع يبوس ولده وبهمس:كل شيء بيتعدل كل شيء
الــمــســتــشــفــى
الــســ2:00 بعد منتصف الليل ــاعـــه
جــنــاح خــاص
تنهدت سديم وهي تناظر السقف وتتذكر اهلها والكل يوم جاوها اليوم والكل يدور بعيونهم ليش حتى لو لسانهم مانطقها ورفضت احد ينام عندها:ااه لو تعرفون ليش سويت كذا مالمتوني بعيونكم
كان متراكي على الجدار:طيب قولي لنا عشان مانلومك
نزت بخوف وهي تناظره بصدمه:حمد؟
تعدل وبعد عن الجدار وقرب لها:ايه
ابلعت ريقها بصدمه: انا اا انا اا وشلون دخلت هنا؟
حمد وهو يبتسم: من الباب؟
سديم:اا اقصد اا
حمد وهو يقعد على طرف السرير وناظرها بهدوء بدون مايقول أي كلمه
ارتبكت حيل من نظراته وصدت بعيد وهي تلعب باصاابعها بتوتر وقلق نزلت راسها بهمس:لاتناظرني كذا
حمد وهو مكتف يدينه ولحد الحين يناظرها:وشلون اناظر؟
سديم وهي ترفع عيونها لعيونه بعيد نزلت راسها:مدري
حمد:احببك واعشقك وما اقدر اعيش دونك وبتزوجك
رفعت راسها وناظرته بصدمه:حمد؟!
ابتسم بقوة: انا معك سوا قلتي لي وش السبب اللي خلاك تفكرين بالموت ولا ماتقولين لي انا ابيك
شهقت وهي تبكي بقوه:ااه ااه ااه لاتعور قلبي اكثر اه
ناظرها بصدمه:اني ابيك يعور قلبك؟
هزت راسها بايه:ااه ااه لاني ماقدر مااقدر
حمد باستغراب:ليش عشان ابوك انا مستعد لو ابوس رجوله اا
قاطعته وهي تكلم وسط شهقاتها:مو ابوي مو ابوي
حمد:اجل من ؟
ناظرته بخوف وبين عيونها ثامر ..
بــعــد يــومــيــن
بــيــت ابــوســديـــــم
ريناد وهي نازله ولابسه عبايتها الكتف وماسكه طرحتها بيدها
ام سديم:على وين؟
ريناد: وحده من صديقاتي مسويه بارتي
ساره من وراءها بصوت قصير:من اللي مسويه بارتي؟
ريناد:خلود
ساره بعصبيه: اف ريناد كم مره اقولك ترا البنت هذي وصخه وسمعتها قذره بكل مكان
ريناد:ااف ياربي ساره وشفيك عاتي حفله بعدين هي كلمتني واصرت اني احضر
ساره:بس انا مره شفتها بسياره مع واحد وو
قاطعتها ريناد وهي تمشي وتخليها وبصوت عالي:باي ماماي
عصبت ساره:اوريك
قـــدام عــمــاره قــديــمــه شــوي
وقفت سديم بخوف وهي تشد على جوالها بقوه لين دق ردت:الو
ابتسم ثامر:ليش قاعده بالسياره لحد الحين انزلي ههه ادري العماره مو قد المقام بس بتعجبك
بلعت ريقها سديم بخوف وفتحت الباب ونزلت:طيب صاعده (سكرت وهي تتدخل العماره بكل خوف وتشد على عبايتها بقوه لين وقفت قدام الشقه وناظرت جوالها وهي تشوف اسم حمد على الشاشه ""اه لا مو الحين"") ..
مـــركـــز الــشــرطـــه
طق الباب ودخل وهو يضرب التحيه:سيدي الضباط بااماكنهم والقوات مستعده والهيئه واقفه ننتظر وصولك
فواز وهو يوقف وكان لابس بنطلون جينز وبلوزه سبور:يلا خلنا نتحرك
ركبوا السياره وطلع اللاسيكي:كل واحد بمكانه؟
الضابط:نعم
فواز: زي ماقلت لكم انا بدخل ولما اعطيكم الاشاره تتدخلون فاهم؟
الضابط:فاهم
سكر الاسلكي فواز وهو يناظر الاستراحه الكبيره واصوات الاغاني العاليه
الضابط ابتسم:واخيرا بنمسكهم
فواز وهو يبتسم:ايه والله هاه شكلي كاني من اولاد العز؟
الضابط:ههه ايه
نزل فواز ومشى وهو يناظر قواته الضباط المتخفين وتعداهم وهو يدخل الاستراحه
الاســتــراحــــــه
بـــغـــرفــه
ريناد بضجر:خلود شكل البنات وصلوا خلينا نطلع
خلود وهي تتدق بجوالها وتبتسم بخبث:طيب ياروحي الحين نطلع (ناظرت ريناد بخبث) شوفي بطلع شوي وارجع لك لا تروحين اوك؟
ريناد بضجر:طيب بس بسرعه
عــنــد فــواز
منقرف من حالات البنات والشباب ومنظرهم المقرف تنهد وهو يتلفت قربت له بنت باين من ملامحها الضياع
خلود وهي تبتسم:تبي ادبر لك مزه؟
سكت فواز شوي بعدين قال: ايه بس ابيها حلوه
خلود:هههه واحلى البنات بعد وتوها طازه
فواز وهو يرفع حاجبه:وشلون طازه؟
خلود:هههه ياروح امك يعني طازه جديده
انقهر فواز من مصطلحاتها:اها وينها؟
خلود: موجوده بس كم تتدفع؟
فواز:كم يعني؟
خلود:2000 بس
فواز:طيب موافق
خلود وهي تمشي: امش وراءي ( فتحت الباب المدخل) امش على طول اخر غرفه على اليمين واذا طلعت ابي المبلغ
هز راسه فواز:طيب (مشى وهو يفتح الباب)
وقفت ريناد:طولتـ ـ(توسعت عيونها بصدمه) بهمس:فواز ؟
فتح فمه وهو مو قادر يستوعب اللي قدامه:ريناد؟
ســـديـــــم
دخلت الشقه وهي تبلع ريقها وشافت ثامر وهو يبتسم نزلت راسها وشدت على عبايتها
ثامر وهو يبتسم بقوه:تفضلي تو مانورت شقتي
دخلت وقعدت على الكنب بخوف
ثامر وهو يجلس:ليش ماتفصخين عبايتك ترا مافيه أي احد هنا غيرنا
ناظرت الاكياس البيضاء الصغيره اللي محطوطه على الطاوله وعرفت انها مخدرات بلعت ريقها
ثامر:هههههه وشفيك فصخي والا(ابتسم وهو يرفع حاجبه) تبين افصخها لك؟
بلعت ريقها سديم بخوف وضغطت زر الاخضر
تـــحــت الــعــمــاره
حمد وهو يوقف:دقت يلا بسرعه خلونا ندخل
الضابط وهو يراقب من الكاميرا اللي مركبينه بالعماره المقابله لشقة ثامر والستاير مفتوحه وهم قاعدين بالصاله ويشوف كل شيء:لا لازم يسوي شيء عشان نمسكه بالجرم المشهود
حمد بعصبيه:يعني وشلون؟
الضابط:اصبر
حمد وهو يراقب مع الضابط بالكاميرا وكل مايشوف ثامر وقف ويتجهه لسديم:يلا
الضابط:لا شوي
داخـــل الــشــقــه
وقف ثامر فوقها وسحب عبايتها بقوه
صرخت سديم وهي توقف وتضربه: بعد عني بعد(وهي تصيح)
بـــــرا الــعــمــاره
حمد بعصبيه:انتوا مجانين انا بدخل
وقف الضابط:خلونا ندخل (وركضوا الضباط لداخل ومعهم حمد)
ضربوا الباب وا
ركضوا لثامر
ركضت سديم وهي تضم حمد بقوه:ااه ااه
ضمها حمد بقوه:اص اص خلاص
ثامر بخوف وهم يكلبشونه:ماسويت شيء هي جاتني
الضابط وهو يمسك اكياس المخدارت:وهذي وشيء؟
ثامر:هاه مدري
الضابط:طلعوه (مشى باتجاه حمد وسديم) مشكورين لولاكم مامسكناه من اكبر تجار المخدارت
ابتسم حمد وهو يهز راسه: العفو ..
الآســتــراحـــه
دخل وقفل الباب وهو يناظرها بعدم استيعاب
ريناد بخوف:فواز وش جابك وشلون دخلت؟
فواز وهو يقرب لها بغضب: ما توقعتك منهم ياريناد
ريناد بصدمه:منهم من هم؟ بعدين وشلون تتدخل استراحه كلها بنات
قرب لها بقهر:كلها بنات؟(صرخ) انتي تلعبين علي (صفقها كف قوي)
طاحت ريناد بالارض من الصدمه:اا اا انت انت مجنون؟
مسكها من شعرها بقوه وفتح الشباك وهو يوريها اللي برا:هذي بنات؟؟
ريناد وهي تصيح وبصدمه:اا ا وش هذا قسم اني
فواز وهو يدفها ويرميها على السرير ولف ومسك راسه:اش ولا كلمه
ريناد وهي توقف وتصيح:فواز صدقنني قسم اا
قاطعها بصراخ:قلت ولا كلمه
شهقت ريناد بخوف:فواز صدقني هذي خلود قالت انو بارتي عادي مادريت انه كذا صدقني
لف لها فواز وناظرها بعدم تصديق بس عيونها المتجمعه دموع فيها وخدها اللي صار احمر من كفه
شهقت بقوه ريناد:احلف لك ااه ااه الله يلعن خلود الحقيره ااه صدقني فواز قسم بالله انا مو هذولاء البنات انا غير قسم غير ااه ااه
تنهد بقهر وهو يكتف يدينه ويناظرها بترقب دق جهازه فتحه:نعم
الضابط:سيدي ندخل؟
ناظر عيون ريناد اللي فتحت فمها بصدمه: لا توهم مابدوا بتوزيع اللي نبي
الضابط:حاضر سيدي
سكر وناظرها
شهقت بقوه وهي تصد:الا انت لاتناظرني كذا
ناظرها بفهاوه:ايش؟
ناظرته ريناد وهي تسحب عبايتها وتلبسها:ابي اطلع
مرت من عنده بس مسك ذراعها ورجعها قدامه:ماراح تتطلعين بتشك
ريناد بنرفزه:من هي ؟
فواز:خلود هذي قواده معروفه بس مالقينا عليها تهمه واضحه ودوم تسوي حفلات زي كذا ويصير فيها بيع خمر وافلام واشياء كثيره
بلعت ريقها بخوف: وانا وش دخلني قلت لك انا جد مالي دخل
فواز وهو يناظر عيونها:ادري بس ماتقدرين تتطلعين
ريناد:ليش؟
فواز:لاني معطي امر أي شخص يطلع من الاستراحه قبل المداهمه ينمسك
ريناد بخوف وهي تبلع ريقها: يعني وشلون انا بدخل السجن؟
فواز وهو يناظرها:حنا مقررين كل اللي هنا يرحلون للمركز
شهقت وهي تقعد على السرير:يا ويلي ااه ااه راحت سمعتي الله لايوفقك يا خلود
فواز وهو يحس بحركه قريبه لشباك ناظر بطرف عينه وشاف خلود تناظر لهم مستحيل يسمح لاي غلطه تخرب يدري انها لو حست باي شي بتهرب تقدم لريناد
ريناد اللي كانت منزله راسها رفعت راسها وناظرته بصدمه: ايش ايش تبي؟
دفها على السرير ومسك يدينها بيدينه
ريناد بصدمه:بعد بعد عني انت مجنون بعد
قرب شفايفه لاذنها:لاتتحركين خلود تناظرنا حاولي تبعديني عنك بس لاتذكرين اسمي
صار صدرها يرتفع وينزل بخوف وارتباك وصدمه صارت تتدفه بقوه:اتركني اتركني
طبع بوسه خفيفه على خدها وبلع ريقه وهو يتنفس والتقت عيونه بعيونها
كانت تحرك يدينها ورجولها بس لما التقت عيونها بعيونه وهي تحس بانفساه تضرب وجهها بلعت ريقها وشفايفها ترجف
حرك يده على مكان الكف وهو يبلع ريقه وبهمس:اسف
ناظرت يده اللي تتحرك على خدها بخفه وماقدرت تتحرك:اا اا ا
ناظر شفايفها اللي ترجف ونعومة بشرتها وعطرها القوي ناظر بطرف عينه وشاف خلود راحت وقف بسرعه وهو يصد بخجل واحراج من ريناد
اما ريناد ماتحركت ويدينها لحد الحين مثبته وعيونها مفتوحه بصدمه
دق جهازه طلعه:بس عطوني 5 دقايق وادخلوا (سكر ولف لريناد) لازم اطلعك بسرعه من هنا (جته ضحكه على شكل ريناد اللي لسى ماتحركت واضحه علامات الصدمه على وجهها قرب لها وسحب يدها بقوه ووقفها ومد لها طرحتها) بسرعه البسي
هزت راسها وتغطت وهي تمسك شنطتها: بس وشلون بنطلع؟
سكت فواز شوي يفكر:امشي (ومد يده لها)
ناظرت يده بارتباك وناظرته ومسكت يده بقوه
وطلعها من باب خلفي ومد لها مفتاح سياره:اطلعي واركبي سياره سودا صغيره ولا تتطلعين منها ابدا مهما صار
ريناد بخوف:وانت ماراح تتطلع معي؟
ابتسم فواز:لا انا بلحقك بعدين بسرعه
هزت راسها وطلعت بسرعه..
بـــيـــت خـــالــد الــراســـي
جــنـــاح امــيــره
كانت تكلم رامي وهي تنسدح على السرير:قسم اني مبسوطه انه اهلك وافقوا يحضرون الزواج
رامي وهو يبتسم:ايه حتى انا والله
سكتت اميره شوي وهي مرتبكه تتكلم او لا
رامي باستغراب:فيه شيء تبين تقولينه؟
تنهدت اميره:بصراحه ايه بس اخاف تزعل علي
رامي:انا ازعل عليك لا قولي لاتخافين
اميره:امك
رامي بصدمه:امي؟
اميره:ايه امك مهما سوت تظل امك رامي اا
قاطعها رامي بضيق:غيري الموضوع
اميره وهي تتنهد:ليه؟
رامي:كذا مابي اتكلم فيها
اميره:طيب بس اعرف وش عندها ليش سوت كذا؟
رامي بعصبيه:مافيه أي سبب يخلي زوجه تخون زوجها وولدها
تنهدت اميره:يمكن طيب عندها تكفى رامي بس قابلها لو عشاني اذا لي خاطر قابلها بس عشان تتطمن حتى لو كان صدق خانت ابوك وخانتك ع الاقل تعرف مو تظل طول عمرك ضايع مابين يمكن ايه ويمكن لا
رامي بتفكير:مدري مدري خليه بعدين
قـــدام بـــيــت ابــوســديــم
وقف سيارة حمد وهو يناظر سديم ويبتسم
سديم وهي تتنهد:مشكور حمد
حمد:العفو
ابتسمت بقوه ونزلت
حمد:سديم
وقفت وهي تلف له:هلا
حمد وهو يبتسم بقوه:بكرا جهزي نفسك
سديم بخجل:ههه طيب مع السلامه
حمد بابتسامه واسعه: مع السلامه ..
ســـيـــاره فــواز
كانت ريناد تبكي بقوة وتشاهق
فواز وهو يوقف بجنب الطريق:الحين اقدر افهم ليش تبكين خلاص انتي بخير ولا حتى دروا انك كنتي هناك
ريناد وهي تمسك خشمها بالمنديل وصوتها انبح:ما مااصيح عشان كذا
فواز باستغراب:اجل عشان ايش؟
ناظرته بقهر:ااه ااه عشان اا عشاان اا عشانك انت
فواز بصدمه:انا؟ (استوعب انها تقصد اللي صار ابتسم بقوه) ايه احمم انا انا اسف بس
شهقت بقوة ريناد وهي تغطي وجهها بيدينها:ااه ااه الحين وشلون احط عيني بعين نور وامك ااه اااه انا حيوانة وحقيرة
ضحك بقوه على دلعها وغنجها وحياءها:هههههههه
رفعت راسها وبعدت يدينها وناظرته وهو يضحك كان غير اجمل واجمل مدت بوزها اكثر
ناظرها وهو مبتسم:كنا مضطرين نسوي كذا لاتستحين
صدت عنه وهي تناظر الشباك:امش
ابتسم بقوه وحرك السياره لبيتها ..
إيهّ نٍحْبَ بسّ مشكلتنا حاكمتنآ ظروفنا ,
يعنّي لآ إْنطْق قّلبيِ أبيك
ردّ كل الكوَن حوٌلي مإ يصيرُ !!
يـــوم جـــديــــد
بــيــت ابــوســديـــم
مــجــلــس الــرجــال
ابتسم ابوسديم:والله بعد ماشفت من ثامر واللي صار انت بجد نعم الرجل وانا بسلمك بنتي وانا واثق انها بيد رجال ولد رجال
حمد وهو يبتسم:تسلم الله يخليك
ابوسديم:انا موافق ومتاكد ان سديم موافقه
ضحك حمد بخفه: الله يقدم اللي فيه الخير بس ياليت نستعجل بالملكه والزواج
ابوسديم:ابشر بس الحين مشغولين بملكة ناصر خلها بعد ملكة ناصر بيومين هاه وش قلت؟
حمد:اكيد موافق ..
#يـــتـــــبـــع...
#موعدنا_غدا
مع اﻷحداث اﻷخيرة من روايتنا ..
أكابر وأقول فراقه عادي
وأنا داخلي أصرخ تكفون جيبوه