الـــبـــحـــــر
كان جالس بنفس المكان اللي دايم يجلسون فيه ويتامل البحر الشتاء بادي بالدخول والهواء قوي ومشاعر توتر وحيره تنهد وهو يوقف ويتامل البحر قطع افكاره صوت جواله رد:الو
ام فهد بسرعه:وينك وانا امك انتبه لاتسررع اا
قاطع امه بهدوء يعور:انا بخير يمه بخير
تنهدت بخوف على ولدها:لو بيدي شيء ياوليدي اقدر اسويه لك كان سويت
فهد:الا يمه فيه
ام فهد باستغراب:ايش؟
فهد وهو يغمض عيونه والهواء يطير شعره وبلوزته بقوة: ادعي لي ادعي ان الله يحقق مناي ادعي الله يصبر قلبي
دمعت عيونها وبهدوء:لهدرجه تحبها؟
فهد:فوق فوق ماتتصورين يمه يمكن لو افقدها اموت
ام فهد بسرعه وهي تشهق:بسم الله عليك يمه لاتقول كذا تراك تعور قلبي
فهد بابتسامه خفيفه:بسم الله على قلبك يمه ااه يلا انا جاي بالطريق
ام فهد:ايه وانا امك لاتتاخر وانتبه لطريقك وانا مسويه لك عشاء تحبه
ابتسم على حنان امه:ابشري يالغاليه مع السلامه
ام فهد:مع السلامه
سكر السماعه وهو يدخله بجيبه ""ليش ياقمر احس فراقنا قريب اااه لا ليش انا افكر كذا مستحيل نتفرق مستحيل""تنهد:الله يعين
بــــيـــت خـالــد الــراســي
كانوا متجمعين على طاوله الطعام ابتسم وهو يشوف كل عياله موجودين حتى قمر:انا سويت عشاء بمناسبه سلامة قمر بكرا بمزرعه وعزمت اهلي (وناظر قمر) وعزمت فواز واهله وكلمت ام منيره بعد وابومعاذ واهله
رفعت قمر راسها لابوها بهدوء وابتسمت ورجعت عيونها للصحن
وناظر اميره بنظره خاصه:وعزمت الدكتور رامي
غصت اميره بلقمتها:ككح ككح
مدت لها قمر بسرعه كوب الماء:وشفيك؟
شربته بسرعه وهي تناظر لابوها وكانها تبي تفهم مغزاه بس مالقت من ابوها الا ابتسامه تخبي وراءها معنى
ابتسم ناصر على خفيف وبشكل مو واضح ""يعني بشوف هذيك البنت؟ ""
عبدالعزيز وهو يتنهد ""ااه يعني لازم اقابل منيره ليش يامنيره حبيتيني وش فيني ينحب؟"" ابتسم باستهزاء والتزم الصمت
ام ناصر:وتوك تتكلم الحين وشلون نجهز الاغراض (وكانها تكلم نفسها) لازم اجيب صبابات والفطاير والحلويات من وين ووو
قاطعها خالد وهو يبتسم:استريحي كل شيء انا جهزته من والى حتى الصبابات والحلويات وكل شيء لاتخافين
نادر: يبه بمزرعتنا؟
خالد:ايه حبيبي
نادر:وناسه
بــــيـــت ابــوســديــم
جوهم ماهو غير عن جو بيت خالد كانوا جالسين على طاوله الطعام
ابوسديم بابتسامه:بكرا معزومين بمزرعه خالد عنده عشاء عشان سلامة قمر
ام سديم:والله زين
ساره بلقافه:مين بيجي غيرنا؟
ابوسديم بعدم اهتمام: اهلي ويقول عزم ناس تعرفهم قمر كانه قال فواز او شيء زي كذا وايه صح انا عزمت ثامر واهله يعني اهتموا فيهم
ابتسمت ام سديم:اكيد
رمت ملعقتها سديم بغضب واضح وقامت من الطاوله وهي تمشي
ابتسمت ريناد بفرحه ""يعني بشوفه ااه مشتاقه له حيل""
ريوف بتفكير عميق""يمكن يجي ايه هو صديق ناصر ودايم يحضر مناسبتنا ااه يارب يجي(عقدت حواجبها) وش ابي فيه وشفيني جاء والا ماجاء ماهو مهم"" (صارت تضرب الملعقه بالصحن بقوه وكانها تبي تتدخل جو مع الاكل وتبعده عن تفكيرها)
صارت ساره تتامل خواتها سديم اللي قامت من السفره بغضب وابتسامه ريناد وتوتر ريوف وحركاتها الغريبه ""وشفيكن معقوله كلكن قلوبكن نبضت لرجال معقوله كلكن حبيتن ليش لاتحبون اخاف عليكن تتحطمن ادري مااحد يموت قبل يومه بس اخاف قلوبكن تنسكر وماعاد اقدر اجبرها "" تنهدت بضيق ونزلت راسها للصحن بس مااكلت منه ولا شيء
<<غريب هو الحب يسعدك يالمك يجرحك يقويك يرتفع فيك بقوة ويجلعك تنسى نفسك ولكنه بلحظه ممكن يهبط بك بكل قوة للارض ويجعلك تصطدم باالواقع المر يكسر شيء بداخلك لايعود كما كان ... فماذا سيحصل لاابطالي؟
لاتخافي ياساره فاانا حريصه على ابطالي >>
بـــيـــت خــالـد الــراســي
جـــنـــاح قـــمــــر
كانت رايحه جايه بجناحها بتوتر لانها تتدق على فهد وهو مايرد:ااااف
اميره وهي قاعده على سرير قمر:مارد؟
قمر بخوف:لا فهد اول ماادق يرد حتى لو هو ناايم غريبه اخاف صار له شيء
اميره وهي توقف وتحط يدينها على كتوف قمر:لالا ان شاء لاتقولين كذا بس اكيد انه محول الجوال
هزت راسها قمر وكانها تبي تقتنع بهذي الفكره:ايه الا تعالي وش صار بموضوعك؟
قعدت اميره على السرير وابتسمت وهي تتنهد ناظرت قمر:رفضته
ناظرتها قمر بصدمه وهي تجلس جنبها: ليش؟
اميره وهي تعقد حواجبها بضيق: مااقدر ياقمر اكون سبب بظلم احد مهما كان انا ماابي احرم هذا الولد من ابوه مهما صار
قمر بقهر:ماقلت لك اطلبي انك تشوفينه وتفاهمي معه ليش تسوين كذا؟
اميره وهي توقف:ماابي لااني اكيد بضعف وبقتنع بكلامه ادري انه يحبني وانا بعد احبه واعشقه بس ماابي يجي يوم واحد يدعي علي ماابي اصير زي ابوي ماابي
تنهدت قمر:قصدك ماتبين يصير بولد رامي زي ماصار فينا انا وعبدالعزيز؟
اميره وهي تتنهد:ايه
قمر:لاتفكرين كذا هذا غير وهذا غير رامي اكيد ماراح يتبرى من ولده بيشوفه ويزوره يعني غير
اميره:لا مو غير ااه خلاص ياقمر الموضوع اصلا انتهى
تنهدت قمر :اخاف تندمين؟
ابتسمت وهي تتجه للنافذه الكبيره اللي تتطل على الحديقه وكتفت يدينها:ندمت وانتهيت ..
يـــوم جـــدديـــد
الــــســ7:00ص ــاعـــه
بــــيـــت خـالــد الــراســـي
كانوا الخدم يطلعون الشناط والحوسه بالسيارات
نادر بحماس: يبه بنجلس هناك 3 ايام؟
خالد بابتسامه:ايه حبيبي بس لاتنسى تاخذ جاكيت اكيد بيصير ببرد بالليل
هز راسه نادر:اخذت بروح اشوف ناصر وعبدالعزيز
لف خالد وصار يناظر ناصر وعبدالعزيز وهم واقفين ويسالفون ابتسم لشكل عياله مع بعض ""الله يخيلكم لي""
وقفت جنبه ام ناصر بابتسامه:حلو اشكالهم مع بعض؟
لف وناظرها خالد وابتسم ومسك يدها وباسها بحنان:سامحيني على اللي فات انتي ااه انتي صبرتي علي كثير
انصدمت ام ناصر وتوترت سحبت يدها بخجل:ااا احمم(لفت) ناصر تعال خذ هذي الشنطه (ومشت)
ضحك بخفه على مرته""واخيرا ارتحت"" لف وهو يشوف اميره وقمر طالعات وهم يتناقشون عن شيء بينهن:هاه خلصتوا؟
قمر واميره:ايه
خالد:يلا اجل مشينا
شــــقـــه تــركــي ووســــن
وسن وهي تسكر عبايتها:يلا تركي كل الناس طلعوا الا حنا ولاتنسى بعد بنمر الجوري
تركي وهو يطلع ويلبس نظاراته الشمسيه
ناظرته وبعدت عيونها بسرعه""طالع شكله يخق اليوم""
ســـيــارة نــاصـــر
كان فيها قمر واميره ويسالفون مع بعض اما ناصر ساكت ويتسمع للاغاني بهدوء
دق جوال قمر وردت بسرعه وبهمس:الو وينك ادق امس ماترد فيك شيء خوفتني عليك
ابتسم فهد على هدوء:لا مافيني شيء بس كنت عند امي وابوي
ماتتدري ليش حست بضيق واذا يعني عند اهله هو دايم عند اهله ويرد:اهااا
فهد باستغراب:كانك بسياره وين رايحه بالهصبح؟
قمر بهدوء:رايحين لمزرعه ابوي مسوي عزيمه بمناسبه سلامتي
فهد:زين حلو انبسطي
ماتتدري ليش تحس بالبرود بصوته ماهو فهد اللي من تدق يفز وصوته يبان فيه الفرحه:متاكد انه مافيك شيء؟
فهد:ايه متاكد
سكتت شوي بعدين قالت:ايه طيب اسمع انا بالسياره مع ناصر اخاف ينتبه اكلمك اذا وصلت هناك
فهد:اوك باي
قمر:بااي (بعدت الجوال وهي تتامله ""بالعاده يقول لي انتبهي لنفسك والا احبك اليوم ابد ماقال شي ياترى وش فيه؟"")
اميره بهمس:هاه دق وش قال وينه؟
قمر وهي تبلع ريقها بضيق:يقول كان عند اهله بس اا
اميره باستغراب:بس ايش؟
قمر:ااه ماهو نفس العاده فيه شيء
اميره:يمكن ضغط عمل ولا احد مضايقه بكلامه لاتحطين ببالك (ابتسمت تبي تبعد جو التوتر عن قمر صرخت وهي تصفق مع اغنيه عيار): ووه طول ناصر
ضحك ناصر وطول الصوت اخر شيء وصاروا يرددون مع الاغنيه ويرقصون باستهبال شوي وصارت قمر تضحك عليهم واميره اللي تسحب يدينها وتصفق فيها صارت تصفق وتغني معهم بحماس)
بـــيـــت ابــوفــهـــد
غــرفـــه فـــهـــد
كان منسدح على السرير وحاط يدينه تحت راسه ومغمض عيونه ""ااه سامحيني ياقمر على برودي بس ااه ضايق وماابيك تتدرين بس بغيت اسمع صوتك عشان اهداا"" سكت وهو يتذكر ليله امس
آآآآمـــــسسس
كان توه داخل البيت ولقى ابوه بوجهه
ابوفهد بملامح جاده:امش معي
فهد بهدوء:وين؟
ابوفهد:للبقاله (مشى ماعطى فهد مجال للرفض ابدا)
تنهد فهد ومشى معه صاروا يمشون للبقاله على رجولهم
ابوفهد:اسمعني يافهد انا ابيك تتزوج (قبل مايتكلم فهد وقف وحط يده قدام وجهه) خلني اكمل كلامي
تنهد فهد وسكت ومشى جنب ابوه
ابوفهد: انا مو راضي تاخذ هذي البنت (سكت شوي بعدين كمل) انا ماانكر اني حبيته وحبيت صفاته بس مافي أي شي (وباصرار) أي شي يخلي بنت تسوي كذا على كثر ماكنت اشوفه ااه بعيني كبير الا انه طاح يوم طلع بنت انا اا(وقف) انا اسف ياوليدي لاني انا السبب باللي صار انا اللي جبتها للبقاله وسمحت لك تحبها بس انا سويت كذا من طيب نيه شوف تبي تتزوجها تزوجها
انبسط فهد بقوه: صدق يبه؟
ابوفهد بتامل لولده:بس انا مو راضي واليوم اللي تتزوجها فيه اعتبر نفسك مو ولدي فهمتني (مشى ودخل البقاله ولا التفت لفهد المصدوم)
تنهد فهد وهو يفتح عيونه قطع افكاره صوت طق الباب:ادخل
دخل مشاري وهو يبتسم سكر الباب وهو يجلس جنبه على السرير:قالت لي امك انك من جيت امس وانت بغرفتك صاير شيء؟
تنهد فهد وهو يتعدل بجلسته:ايه
مشاري وهو يعقد حواجبه:ايش؟
وقاله فهد اللي صار امس:ااه مدري وش اسوي يامشاري انا مستحيل اتخلى عن قمر بس مستحيل ابقى معه كذا طول عمري انا ابيها بالنهايه زوجه ولا ابي ابوي يتبرى مني مستحيل ارضى بااني اصير عاق
سكت مشاري وهو يوقف ويناظر من النافذه وكانه تذكر شيء ولف لفهد:فهد
فهد باستغراب:وشفيك؟
مشاري:تعال حنا مافكرنا من اللي جاب الصور لابوك وابوقمر وشلون عرف بيتنا (لف لفهد وهو رافع حاجبه باستغراب وتفكير)
سكت فهد وهو يحرك عيونه: صح حنا نسينا حتى نسال والا نشوف انشغل كل تفكيري بقمر
مشاري:اكيد احد يعرف ان قمر بنت والا وشلون صوركم والمقطع هذا يعرفنا فهد
ناظر مشاري بتامل وتفكير وبهمس:من؟
الـــمــــزرعــــــــه
دخلوا بسياراتهم وبنفس الوقت وقفت سياره ابوسديم وبناته ووراءهم سياره سواقهم اللي فيها اغراضهم صاروا يسلمون على بعض ووقفوا يسالفون شوي بعدين دخلوا
بــــيــــت فـــواز
غــرفـــه نـــور
وقفت بتافف وهي تناظر ملابسها المرميه على الارض:اااف وش البس لازم اكشخ كلهم كشخه اااف (دق جوالها ردت) هلا منيره حتى انا مالقيت وش البس ( سكتت شوي بعدين قالت) متاكده تبي تروحين؟
منيره وهي تتصنع البرود:ايه اكيد اصلا امي رفضت بس انا اصريت ابي اشوف قمر وانبسط مع البنات
نور وهي تبي تغير الموضوع:اها طيب هاه وش نلبس؟
منيره:انا بلبس تنوره قصيره سودا وبلوزه بيج وعليه بروش اللي على شكل حصان
نور:ايه ايه تذكرته اجل انا شكلي بلبس بنطلون سكني كحلي والبدي الكت (بدون اكمام) الابيض اللي عليه نخش زي الورد وفوقه جكيت الوردي
منيره:ايه حلو يلا اجل ترانا بنروح معكم
نور:اكيد يلا باي
منيره:باي
الـــمـــزرعــــــه
الـــســ2:00ظهرا ـــاعــــه
صار الكل موجود اهل خالد الراسي واهل ابوسديم واهلهم ووسن وتركي واهل معاذ واهل منيره ونور واهل ثامر ورامي
كانت قمر لابسه فستان ابيض قصير ناعم
تقدمت وجلست جنب نور:هاه اخبارك واخبار الكل؟
نور بابتسامه:كلنا بخير بقولك شي
قمر وهي تهز راسها بمعنى ايش:ايش؟
نور: فيه واحد هنا عندكم يع سخيف ومغرور (وصارت تقولها مواقفها معه) يع يقهر ووجهه بارد مرا
ضحكت قمر:هههه شكله ناصر
نور بفهاوه:وشو؟
قمر:وحبينا
نور اللي سكتت بس لما استوعبت قمر ايش قالت ضربتها من كتفها:اقول طيري انا احب هالمغرور
ضحكت قمر:هههه بالعكس تراه حيل عسل وهادي يصلح لك خلاص بضبط العلاقه
نور بعصبيه:هيه يابقره شكل هذا تاثير فهد عليك
ابتسمت بخفه وهي تتذكر اللي صار قبل:فهد
نور باستغراب وهي تحط يدها فوق يد قمر:وشفيك؟
بجهه ثانيه عند اميره
اميره بحماس:سدومه شوفي اهله ثامر وشلون يناظرون لك
ناظرتهم سديم بطرف عينها وهي تمد بوزها وصدت:الله يأخذهم
اميره:هههه ياويلهم ياحول شكلهم خاقين عليك
سديم:يخقون لين يأذن العيد
اميره:هههههه الله يقطعك حاقده من قلب
سكتت سديم وهي تناظر اخت ثامر باستحقار وصدت (كانت لابسه تنوره فوق الركبه بيضاء ومشجره بكل الالوان تقريبا وبدي ابيض ضيق(بدون اكمام) بس كان روعه على جسمها ومستشوره شعرها عادي:وين ساره؟
ساره وهي تمشي مع سما ويارا (اخت معاذ وبنت عمه):بنات شوفوا من جاء
قاموا كل البنات وسلموا عليهم بحب وجلسوا
منيره وهي تسولف مع ريوف:قومي خلينا نتمشى زهقت هنا
ابتسمت ريوف:يلا(وهم طالعين مروا من عند خوات ثامر قالت وحده منهم)
اخت ثامر باستهزاء:شوفوا لبسها يوه رواقه ويبون غصب يصيرون عز (تقصد منيره)
وقفوا منيره وريوف لفت لهم ريوف بصدمه وفهاوه حست بقهر كان ودها تصفق اخت ثامر لفت لمنيره اللي حستها تفشلت حيل مسكت يدها وطلعوا برا وقعدوا على الثيل
ريوف بقهر:منيره لاتهتمين لكلامها (صدت بقهر) صدق متخلفه ومريضه
ابتسمت منيره بهدوء:عادي حنا متعودين على كلام زي كذا
لفت لها ريوف باستغراب:انتوا؟
منيره وهي تهز راسها:ايه انا ونور وقمر طول عمرنا كنا نسمع كلام زي كذا هههه عادي صار ماياثر فينا ياشيخه اهم شي الثقه (ابتسمت) مو؟
ابتسمت ريوف بقوه وهي تهز راسها:اكيد اهم شيء بعدين ماقالوا كذا الا من الغيره لانكم بدون ماتتكشخون تجننون
ضحكت منيره:هههههه تسلمين ياروحي
عــــنــــد الــرجـــال
كانوا كلهم جالسين ببيت الشعر الكبير والقهوجين يدورن عليهم بالقهوه والشاهي
معاذ وهو يسولف مع ناصر اما عبدالعزيز جنب فواز وساكتين وجنبهم ماجد وثامر ورامي جنب بعض ويتناقشون بمواضيع عامه
عبدالعزيز بهدوء وصوت مايسمعه الا فواز:لين الحين ماتبي تكلمني؟
سكت فواز وهو ياخذ الفنجان: القصه مو اني ماابي اكلمك و الا ااه(ناظر عبدالعزيز) تتدري ودي احطك بالارض واتوطى فيك
ناظره عبدالعزيز بصدمه:ليش؟
فواز:كل شيء مو بس عشان امك والا قمر لا بعد عشاني تخليت عني (ابتسم باستسخفاف) تخرجت وتوظفت ومات ابوي وصرت مسوؤل عن بيت وعيله بس ماصادقت احد ولا حتى لدرجه زماله تتدري ليش؟
ناظره عبدالعزيز بصدمه وهمس:ليش؟
فواز:لاني اخذت منك موقف كرهت الصداقه بعدك كنت اقول لنفسي اذا عبدالعزيز اللي من طلعت على الدنيا وحنا مع بعض تخلى عني وخانني وشلون واحد ماعرفتهم الا من كم يوم انت مو بس جرحت قمر لا انت جرحتني وجرحت امي وابوي ومنيره وام منيره ااااه(ابتسم) كنت اقول بنفسي اكيد بيجي بيوم وعذره قوي يمكن يكون فاقد الذاكره والا يمكن موجود بمكان مايقدر يوصلنا اكيد عقلي رفض فكرة انك تخليت عنا بدون سبب (ضحك بخفه) وياليتك رجعت وقلت انه ماعندك سبب الا قلت انك تخليت عنا عشان فلوس(قبل مايتكلم عبدالعزيز حط يده قدام وجهه ونزلها) مابي اسمع شيء عبدالعزيز خلنا نكمل حياتنا واعتبر اللي بينا علاقه عابره
انصدم عبدالعزيز وبهمس:عابره؟
عند ثامر قام وقعد جنب ابوسديم وصار يسولف معه باامور الشغل ..
رامي اللي دق جواله وقف وطلع برا يكلم صار يمشي بهدوء لين وقف فجاه وهو يشوفها واقفه قدامه كانت تزين شعرها قدام المرايه وباين انها زهقانه بلع ريقه وهو يتاملها قرب لها:اميره
لفت له بصدمه وخوف فتحت فمها بفهاوه صدمه ماتوقعت ابدا بتشوفه:ااا ااا(جت بتمشي بس هو مسك يدها بقوه انصدمت رفعت عيونها له وبحده) اتركني
رامي بنظرات بارده:ماراح اتركك (سحبها لين نخل بعيد شوي وحطها بقوة قدامه) ليش رفضتي؟
ناظرته اميره بصدمه:اا اا انت وقح بعد عني (دفته من صدره بس هو ماتحرك كانت محشوره) بعد
رامي:ماراح ابعد لين اسمع سبب رفضك
تاففت بقهر ودموعها تجمعت بعيونها رجعت لين صدمت الجدار:كذا
حس بصوتها اللي بدا ينبح بلع ريقه:تراني مقدر اشوفك تبكين
رفعت عيونها له بصدمه وهي تتامل ملامحه البارده ماعدا عيونه فيها شيء غريب بلعت ريقها:بعد رامي بعد خلني اروح
رامي بهمس:انا احبك احبك (رجع لصوته الطبيعي) ليش مو فاهمه؟
شهقت اميره وبعصبيه:فاهمه فاهمه بس مقدر
رامي:ليش طيب تكلمي قولي لي خليني افهم
اميره:ااه عشان ولدك انا ماقدر اهدم حياة شخص اا
قاطعها رامي:قصدك ولد ازهار؟
هزت راسها وهي تشد على يدينها بتوتر
مسح على وجهه بقهر:هذا مو ولدي انا مالمست ازهار الا اول ليله بس ومستحيل يكون مني انا دكتور واعرف حتى اني رحت لها ووجهتها مو ولدي اميره
رفعت راسها له بصدمه: ايش انت تقول كذا بس عشان اوافق؟
رامي:لا لان هذا الصدق واذا مو مصدقتني مستعد اجيب ازهار لرجولك وخليها تقولك
سكتت اميره وهي تحرك عيونها بتوتر للارض وماعرفت ايش تقول صدمه وبس
رامي ابتسم بخفه:انتي علمتيني اشياء كبيره ههه حسستيني اني لي قيمه ان فيه احد يحبني تكفين لاتتدمرين حبنا انا بخطبك ثاني مره من ابوك ووافقي خلاص (وقف ينتظر ردها بس لما شافها طولت لف وجهه ومشى)
الـــمـــســـبـــح
منيره:ياي يخق
ريوف:يب روعه(وقفت على طرفه)
منيره:ريوف ارجعي انتبهي لاتتطيحين
ريوف:هههه عاد مااعرف اسبح كل خواتي يسبحن الا انا
منيره:يوه ليش عاد؟
ريوف:مدري اخاف
الــــــرجـــــال
خالد راح هو وناصر يشوفون الغداء لانه مايعتمد على العمال اما ابوسديم وثامر طلعوا بااخر المزرعه يتمشون مابقى الا معاذ وعبدالعزيز وفواز وماجد
وقف فواز وهو يكلم:اها طيب(سكر) انا بروح جاني شغل فجأة
وقف عبدالعزيز معه:طيب تغدا
فواز:لا مستعجل بروح وبرجع بالليل ان شاء الله
عبدالعزيز:اجل خلني اوصلك (ومشى معه لاول المزرعه)
ابتسم معاذ بوجهه ماجد وبادله ماجد الابتسامه بهدوء
الــــمــــســــبـــح
دخلوا البنات وهم يسالفون ماعدا اميره اللي مايدرون وينها
رغد وهي توقف رواء ريوف وهي تبي تخوفها صرخت بقوة: ريوف
نزت ريوف بخوف وهي تصرخ لفت لوراء وزلت رجلها توسعت عيونها بصدمه وهي تحس نفسها تهوي للمسبح
صرخوا البنات:ريووووف
شعور غريب لما تكون تحت الماء وتظل تقاوم حاولت تقاوم الجاذبيه اللي كل مالها تسحبها لتحت صار الماء يدخل فمها وتحاول تتنفس بس ماقدرت
راحت تركض رغد بخوف ودخلت مجلس الرجال:يبه ريوف طاحت بالمسبح
وقف معاذ وماجد بفهاوه ولما سمع معاذ اسمها مسك رغد من كتوفها:وينها؟
رغد اللي تصيح اشرت بيدها:هناك (وصارت تركض ومعاذ يركض وراءها)
بس ياترى بياصل بالوقت ولا لا؟
صارت ترمش ريوف بخفه وهي تحس مو قادره تتنفس صارت تغمض وتفتح حست بنفسها وهي تتصدم قاع المسبح ورجعت ارتفعت شوي""يمه""وغمضت عيونها ..
الــمــزرعــــه
الـمــســبـح
جاء معاذ ومسكته يارا وهي تبكي:ريوف
دفها ورمى نفسه بالمسبح مسكها من يدها وسحبها لفوق ركها على بطنه:اااااااه (رفعها للارض)
تجمعوا كل البنات حولها وساره ضمتها وتبكي:ريوف اصحي
وصلت اميره وهي تركض وتتدفهم:بعدوا
كان واقف معاذ وعيونه بس عليها هي وشلون وجهها مايل للازرق
ثواني وكل الحريم جة
اميره: بعدوا خلوها تتنفس (صارت تضغط على بطن ريوف بقوة وهي تعد بالارقام رفعت راسها ونفخت بفمها وصارت تضغط على بطنها)
ثواني ورجعت تفتح عيونها بعد ماكحت ماء خفيف صارت ترمش بخفه
بعدت اميره وهي تتامل ريوف:ريوف تشوفيني؟
كحت بقوه وهزت راسها بخفه
الكل اطلق لنفسه الراحه و ركضت ام سديم وهي ترفعها وتبوسها:ياقلبي
وتجمعوا كلهم حولها ماعدا هو مشى خطوه لوراء وبعد عن كل المكان تنهد وجلس تحت نخله وهو رافع رجوله لصدره ""يمكن لو تاخرت والا لو هذيك البنت ماساعدتك كاان فقدتك""(غمض عيونه ورجع فتحها صار يكح حس ببرد فظيع مشى لاتجاه اجنحه الرجال وفتح شنطته لانه جايب ملابسه عشان ينامون هنا سحب بنطلون وبلوزه ولبسهم بسرعه بعد مااخذ شور سريع تنهد وطلع)
الــــســـ4:00 عصرآ ــاعـــــه
جـــنـــاح الـــبــنـــات
كانت ريوف منسدحه على السرير والبنات حولها ويسالفون ويضحكون
سديم بابتسامه:تبين شاهي؟
ريوف:ايه ياروحي
هزت راسها سديم ونزلت تحت لجهه المطبخ وهي تمشي وقفت بصدمه من اللي شافته رجعت خطوه للوراء وهي توقف بسرعه وراء النخل بلعت ريقها
بــوابـــه الــمــزرعـــه
دخل بسيارته الكامري العاديه نزل وهو ماسك ملفات كثيره تنهد وهو يشد على قبضة يده ""وش معنى انا اللي ابوسديم طلبني من الفرع الثاني اوصل هالملفات اكيد فيه شيء"" اخذ نفس وطلع جواله:هلا طال عمرك ايه انا عند البوابه (سكر الجوال ودخله بثوبه)
ابتسم بمكر وهو يكتف يدينه:وشلونك؟
رفع راسه حمد بصدمه وهو يشوف ثامر رفع حاجبه وهو يناظره من فوق لتحت:وش جايبك لهنا؟
ضحك ثامر باستهزاء:هههه انا خطيب سديم وبعدين (قرب خطوه لحمد وهو يناظره باستهزاء) ماقلت لك اني بفوز(رجع لمكانه)هههه عرفت ياحبيبي(وبتعظيم)حنا وين(واشر باصبعه للارض) وانت وين؟
بلع غصته بقهر شد على قبضة يده""صار خطيبها خلاص مااسرع وافقتي ونسيتيني ""ابتسم بقهر:الف مبروك لكم
ضحك ثامر:مره ثانيه اعرف من تتحدى هههه شوف وش قاعد تسوي؟(وهو يحرك ا
فمه ببطى بطريقه منرفزه) قاعد تجيب اوراق لي
ناظره من فوق لتحت بقهر مافيه أي رد يقدر يقوله كان وده يعطيه بوكس بس فكر بمهند لو انه خسر وظيفته ابتسم على جنب:ايه عرفت
شقهت وهي تبكي حطت يدها على فمها تمنع صوت شهقاتها يوصل لهم ماتقدر تشوفه كذا ضعيف ومنذل وليش ""ااه ااه حمد""
حمد بغصه مد الملفات لثامر:تفضل
سحبها ثامر وهو يقول باستهزاء:تفضل اشرب لك فنجان
رفع راسه حمد له وبنظره حاده:مكشور
ضحك ثامر بقوة ولف وجهه ومشى
تنهد بقوه وهو ينزل راسه لف لسيارته وضربها بقبضته بقوه:ااااخخ ااه ااه (صار صدره يرتفع وينزل)
وقفت وراءه بدون شعور وبهمس:حمد
وقف بصدمه لف لها شوي شوي ناظرها بصدمه اول مره يشوفها كذا بهمس:سديم؟
شقهت بقوه وبقهر وصوت شوي عالي: ليش سكت له ليش خليته يهينك ليش ااه ااه
ناظرها بضعف ابتسم باستهزاء:لانه عندي بيت وولد اهتم فيهم مو زيكم
شهقت بقوه لفت يدينها حول رقبته بقوة وهي تشهق:ااه اااه اااه لاتسمح لهم يذلونك اااه ااه انا احبك وادري انك تحبني اه ااه
دمعت عيونه ووقف بذهول من حركتها بهمس:سديم سديم
شهقت بقوه:لاتتكلم ابي حمد القديم ابيه (صار صوتها يضعف من البكي)
بعدها عنه بقوه وهو يمسك وجهها بيدينه وباس خدها بخفه وهو يغمض عيونه بعد فمه عند خدها بس كان وجهه قريب حيل من وجهها وهو ماسكه بيدينه:اا ااا(نزل راسه وبعد يدينه) ااه (لف وجهه وركب سيارته ومشى بسرعه)
شهقت بقوة غطت وجهها بيدينها باألم وحسرة ""لاتروح لاتروح""
ســـيـــاره حـــمــــد
كان يمشي باسرع شي عنده ووقف بقوة تقدم جسمه بقوه للدركسون ورجع ثاني مره للمرتبه وماسك الدركسون بقبضاته بقوه وصدره يرتفع وينزل""ليش انا يصير لي كذا انا لازم ابعد ايه ابعد عن سديم مستحيل اشوفها انا لازم انساها لازم زي مانسيت وجد اكيد بقدر انسى سديم (اخذ نفس عميق وركى راسه على الدركسون بحزن)
الـــمـــزرعــــــــه
جـــنــــاح الــبــنــات
ساره:ماكان سديم تاخرت؟
سما:الا والله
ساره بخوف:بروح اشوفها(وقفت وطلعت من الجناح واتجهت للمطبخ دخلته ومالقتها""وين راحت"" لفت تبي تتطلع وانصدمت وهي تشوف سديم جالسه على ركبها قدام البوابه بمسافه مو بعيده ركضت لها بخوف):سديم(قعدت على الارض وهي تناظر لها انصدمت وهي تشوفها تبكب بعدت يدين سديم):وشفيك؟
شهقت سديم وضمت اختها بقوه:احبه ساره احبه خليه يرجع خليه ياخذني معه ااه ااه
انصدمت ساره ماتتدري عن من تتكلم سديم بس شكت:حمد؟
هزت راسها وهي تشهق:ايه
ساره: وش جابه هو جاء هنا؟ (بعدت سديم عنها وهي تمسك كتوفها)
هزت راسها سديم وهي تسحب غصتها:وثامر الحقير ذله اه ااه
صارت ساره تحرك عيونها بضياع واستغراب مسكت سديم من كتوفها وهي تقومها:قومي حبيبتي قومي
وقفت سديم مع اختها ومشت فيها لجناح امهم عشان ماتتقدر تدخل كذا على البنات
ساره وهي تتامل اختها النايمه واثار الدموع على خدودها وقفت وهي تغطي اختها زين وطلعت بااتجاه جناح البنات
جـــنــاح الــبــنــات
طلعت نور وهي تكلم:هلا ماجد وش تبي؟ طيب اشوفك عند الباب اوك باي (سكرت وصارت تمشي باتجاة البوابه وصلت ووقفت""ااف هذا وينه؟"" صارت تتلفت يمين ويسار فجاه طاحت عينها على كلب كبير واقف يناظر لها عاد هي الا الكلاب بلعت ريقها رجعت خطوة ونبح الكلب بقوة صرخت بخوف وشافته يركض يمها توسعت عيونها بعدين صارت تركض وهي تصارخ ماتتدري وين تروح ولا وين هي قاعده تمشي بس المهم انها تركض)
اجـــنــحـــه الــرجـــال
كان يلبس سحب بلوزته بس رفع راسه باستغراب وهو يسمع صوت صراخ بنت رمى بلوزته وطلع يركض انصدم وهو يشوف البنت اللي مرت من عنده وهي تركض والكلب وراءها:اا ا هيه وقفي وقفي (ركض وراءها)
وقفت نور وهي ماتشوف قدامها الا الجدار بس لفت بسرعه وهي تشوف الكلب صارت تصارخ
ناصر:اسكتي
رفعت راسها وهي تشوفه واقف وراء الكلب بمسافه بسيطه:لاتتحركين ولا تصارخين لانه بيهجم عليك اثبتي بس
شقهت نور وهي تغمض عيونها بقوة ولامه يدينها لجسمها:مااقدر
ناصر وهو يقرب لها:لاتخافين هو بس بيشمك
نور:يع بعده عني تكفى
قرب الكلب اكثر لنور لين صار تحت رجولها
بحركه سريعه سحب ناصر نور من ذراعها:انتي بخير (تركها ونزل للكلب وهو يلمسه شوي وراح يركض الكلب لف لها وهو يشوفها تشاهق وترجف بقوة خاف عليها قرب لها ومسك يدينها) انتي بخير؟؟
شقهت بقوة:ااه ااه
قعدها ناصر وراح يركض ثواني ورجع وهو معه علبه ماء:اشربي
سحبته منه وشربتها بسرعه
كان ناصر يتاملها وهي تشرب ووشلون ترجف بقوه:عندك فوبيا من الكلاب؟
هزت راسها بقوة وصارت تكحح بقوة
مسح على ظهرها بدون شعور وبخوف:اهدي خلاص راح
هزت راسها بتوتر فجاه بدت تستوعب اللي قاعد يصير ناظرته وانتبهت انه دون بلوزه نطت بسرعه:بعد عني
ضحك باستهزاء ورفع راسه لها وابتسم : وانتي ماعندك الا هالكلمه؟
عقدت حواجبها وهي تتلفت شافت نفسها بوسط شجر كثير وماتشوف البيت ابدا تورطت كل ماجت بتمشي بجهه وقفت تخاف يطلع خطأ ويجيها الكلب
مايدري ليه يحس باستمتاع وهو يشوفها تايهه ماتتدري وين تروح قال بضحكه:تبين مسااعده؟
لفت له وبقهر:وين البيت؟
وقف ناصر وقرب لها وضحكه شكلها وهي ترجع بسرعه:اوديك للبيت بس بشرط
ناظرته بفهاوه:شرط؟
هز راسه ناصر:يب شرط تقولين لي اسمك
نور بعصبيه:ماراح اقولك أي شيء
حرك كتفه بعدم اهتمام:اجل براحتك انا رايح
لما شافته مشى كم خطوه صرخت وركضت وهي تمسكه بيدينها الثنتين من معصمه:لاتتركني ..
بلع ريقه وهو يلف يناظر عيونها فيها شيء مختلف حركت اشياء داخله وهو يشوف عيونها التايهه والخايفه وقال بدون شعور: طيب(سحب يده) بس خليني اجيب بلوزتي واجيك
قاطعته نور بخوف:لالالا بروح معك
هز راسه ومشى وصارت تمشي وراءه لين وصل لاجنحه الرجال دخل وسحب بلوزته وطلع صار يلبسها وهو يمشي:يلا
صاروا يمشيون جنب بعض بس بينهم مسافه ومارفع عيونه ناصر ابدا ولا التفت لها
كانت منزله راسها رفعت عيونها شوي شوي وناظرته لفت وجهها بسرعه لين شافت البيت صارت تركض بس وقفت ولفت وهي تشوفه بيلف:ااا لحظه
لف لها ناصر باستغراب وماقال أي شي
نور:نور
ناظرها باستغراب وهو يعقد حواجبه:ايش؟
نور:اسمي نور
ابتسم على جنب:وانا ناصر
هزت راسها بخوف وتوتر دخلت بسرعه للبيت
صار يتامل مكانها الفاضي ""وشفيني حبيتها ااه"" اخذ نفس وابتسم بقوة وكمل مشييه
اما نور تراكت على الباب وطلعت راسها وهي تشوفه يمشي ""ليش قلبي ينبض كذا؟""
ضربت كتفها بقوه: وش تسوين؟
صرخت بخوف وهي تلف وتناظر قمر حطت يدها على قلبها:خوفتيني
قمر باستغراب:وشفيك وليش وجههك احمر؟
هزت راسها نور:ايه اسمعي (سحبت يدها وهي تقولها قطع كلامها دقت جوالها ردت وصارت تهاوش ماجد وقالت انه طلع لها كلب وماراح تتطلع ثاني مره وسكرت منه وكملت لقمر السالفه)
ابتسمت قمر بقوه وهي تضمها:يالبيه
نور وهي تتدفها بقوه:بعدي ياغبيه
ضحكت قمر على نور:وشفيك خلاص حبيتيه وشفيها؟
نور بخجل: طيري بس أي حب واي خرابيط
اضحكت قمر:هههه ايه ايه خرابيط
لفت عيونها للشباك وهي تناظر الثيل""معقوله جد حبيته ""
بـــيـــت ابــوفــهـــد
غــرفـــه فـــهـــد
كان ضايق حده ويفكر من اللي سوا فيهم كذا تنهد وسحب جواله وهو يدخل الاستوديو ويمشي على صورهم وصور قمر لحالها ابتسم بقوة
تنهد واخذ نفس عميق ونزل جواله جنبه وهو فاتحه على صورتها تغطى بالبطانيه ونام
الــمـــزرعـــــه
الـــســـ7:00 المغرب ــاعــــه
كانوا البنات جالسين على الثيل وهم حاطين انواع الحلويات والعصيرات والشيبسات وغيرهن وكانت الاجواء حيل حلوه بين ضحك وتعليق ومزح
قمر : ههههههه لالا مو من جدكن
اميره:ههههه ساره تتذكرين يوم هبلنا باابله حسناء
ساره:هههه الله يالثانوي كانت قسم ايام حلوه
نور:ايه والله مافيه زي الثانوي
قمر:هههه نور تتذكرين يوم تسوين روحك دلوعه وزلقتي من اول الدرج لاخره
منيره وهي تتطيح على الارض من الضحك:ههههههه قسم كان شكل نور رهيب
نور وهي تمد بوزها:سخيفات خوش صديقات بدال ماتمسكوني قعدتوا تضحكون
ريوف:هههه منيره عطيني بيبسي
منيره وهي تتلفت:مافيه كوب (وقفت) بروح اجيب لك
ريوف بسرعه:لالالا ماتروحين
منيره:هههه عادي مابيننا شيء وراحت كانت تغني: ابا عز الدموع الي غشت عيني عقب فرقاك واداوي نزف جرح انسان دمه من شراييني واعز النفس عن حبك مادام اني عجزت القاك اااه ااه (صارت تهز راسها بانطراب دخلت المطبخ وهي تفتح الدرج ودنقت سحبت الصينيه وحطت فيها مجموعه اكواب بعدت شعرها اللي كان طايح عن وجهها وهي ترميه وراء ظهرها بنعومه سحبت الصينيه بس صرخت بخوف وضغطت على الصينيه بخوف وهي تشوفه متراكي على الثلاجه ويناظر لها) بهمس:عبدالعزيز
كان داخل المطبخ يبي يشرب الماء وشافها وهي تتدخل ولا انتبهت له تراطى على الثلاجه وصار يتاملها بلع ريقه ولا قدر يتكلم:اا اا(نزل راسه)احمم اسف
صارت تناظره وهي فاتحه فمها وتشوفه بيطلع
وقف ولف لها وهو مدخل يدينه بجيبه رفع راسه واخذ نفس وناظرها:ليش حبيتيني؟
انصدمت من سؤاله وصارت تناظر بفهاوه
عبدالعزيز وهو يبتسم على جنب:ليش وثقتي فيني بعكسهم انا مااستاهلك (ضحك باستهزاء) انا مااني الا نكره بحياة الكل حتى لو اموت محد بيفقدني (لف وجهه يبي يمشي بس وقفه صوتها)
كانت منزله راسها وبصوت مبحوح:لاتقول كذا
ناظرها بصدمه""معقوله تبكـ ـ"":منيره
رفعت راسها وهي تناظره: كلهم يحبونك قمر وفواز كلهم بس اا اا اه هم زعلانين بس ولاهم قادرين يسامحونك عطهم وقتهم
عبدالعزيز بدون شعور:وانتي؟
ناظرته بصدمه:انا؟
عبدالعزيز وهو يقرب لها:سامحتيني والا زعلانه علي؟
ناظرته وابتسمت باستهزاء وقالت:بعد عني خلني اروح
تنهد عطها مسافه تمشي منها وصار يتاملها وهي طالعه وتمشي لين اختفت بين الشجر المظلم تنهد بقهر وسكت
الــــبــنـــات
قعدت منيره وهي تبلع ريقها وتحاول تسوي نفسها طبيعيه صبت بالاكواب وهي تمدها للبنات
ريوف:يسلمو يابعدهم
ابتسمت منيره بهدوء وسكتت
سما باستهبال:يوه اليوم معاذ قسم كان خايف من جد عليك ياريوف
ريوف بفهاوه:هاه ايش؟
ضحكوا كل البنات على تعابير وجهه ريوف
اللي لما استوعبت استحت وتفشلت بقوة وماعرفت ترد
ساره وهي تتدف سما من كتفها بقوه:طيري تبين تفشلين اختي
ريناد بدلع:الا ريوفه ماارضى عليها (وضمت ريوف)
قمر بمزح:يوه ياصبر الارض
نور:هههههه قسم ريناد حييل مايعه
ريناد وهي تحط يدها على خصرها:هاه اشوفكم قلبتوا علي؟
ضحكوا كلهم وصاروا يسالفون بمواضيع مختلفه وكثيره<<عاد خبركم بسوالف البنات يالمدارس والجامعات او الشباب او ـ ـ ـ >>
بــــيــــت ابـــوســلــمــان
جـــنــح ســلــمــن و حــلا
دخل وهو تعبان شاف الجناح مظلم مشى لغرفه النوم فتحها وشاف حلا نايمه تنهد وتقدم منها وصار يمسح على شعرها بخفه ""اكمل اللعبه والا خلاص تعبتي ااه بكرا بقولك واللي فيها فيها"" وقف وغير ملابسه وطاح على السرير جنبها ونام باامل كبير لبكرا
الــــمـــزرعــــه
دخل فواز بسيارته ونزل وصار يمشي باتجاه قسم الرجال وقف وهو يطلع جواله ويرد:الو
الــبــنـــات
ريناد وهي توقف:بنات قوموا نتمشى
البنات وهن يوقفن:يلا
صارن يمشين وهن يسالفن ويضحكن
وقفت ريناد وهي تربط شعرها وتغني بهمس نزلت لرجولها وعدلت شرابها رفعت راسها وهي تشوف البنات بعدوا:ااف (بصوت عالي بس بالنسبه لدلع ريناد يعتبر قصير) بنات بنات انتظروني (صارت تركض بخفه وطاحت بقوة "اااه""مسكت كاحلها بالالم وهي تعض على شفايفها)
كان يمشي قريب منها:اووك طيب يلا مع السلامه (حس بشيء قريب منه لف وانصدم وهو يشوف البنت بس ماهو باين ملامحها قرب)فيك شيء؟
رفعت راسها بخوف:هاه؟
بلع ريقه وفها فيها صار يرمش وهو يشوف ملاك ناعم :ااااا
ريناد""فواز""ماعرفت ايش تسوي حاولت توقف بس كانت بتتطيح بس مد يده ومسكها بقوه رفعت راسها وهي تناظر له
بلع ريقه وهو ماسك يدها صار يتامل عيونها ""لحظه هذي العيون شفتها قبل ااايه هي ااا"":ااا
بلعت ريقها وهي تضم شفايفها بخوف وهي تسحب يدها بقوه
بس هو كان ماسك يدها بكل قوته ومفهي بوجهها
ريناد اللي تحس بتبكي بهمس:عورتني
فواز:هاه (ناظر يدها فكها بسرعه) اسف
هزت راسها وصارت تمشي على خفيف وهي متوتره حيل بس فيه شيء داخلها مبسوط يمكن عشانها شافته صارت تتحسس معصمها بنعومه""اااه""ابتسمت بقوه
اما هو فظل مكانه يراقبها وهي تعرج لين اختفت عن نظره: مدري وشفيني؟(هز راسه بانكار للي يصير له وكمل مشيه باتجاه قسم الرجال)
يـــوم جـــديـــد
مــشـــاري
كان داخل صيدليه يبي يشتري بندول
:مشاري
لف وهو يشوف مروان وسلم عليه ببرود
مروان:ههه عاش من شافك وينك مختفي انت وفهد؟(وباستهزاء) وايه صح هذاك البزر وينه؟
عقد حواجبه مشاري بتفكير:قصدك فارس؟
مروان وهو يبتسم على جنب:ايه
مايدري ليش مشاري ماارتاح لابتسامة مروان ناظره من فوق لتحت ومشى وخله(ركب سيارته""لايكون هو اللي سواها؟""اسرع وهو متجهه لبيت فهد)
بـــيـــت ابــوســلــمــان
جـــنـاح ســلـمـان و حـلا
صحت حلا بتكاسل وهي تقوم للحمام وتغسل لبست استغربت لما مالقت سلمان بالجناح:يمكن تحت (نزلت بعد ماشرب كوب ماء) دخلت الصاله وهي تسلم على ام سلمان:وين سلمان؟
ام سلمان:تلقينه برا واقف مع عمته وبنتها
عقدت حواجبها باستغراب:ليش مايدخلون؟
ام سلمان وهي تحرك فمها وكانه علامه كره:مدري عنهن
وقفت وهي تمشي طلعت للحوش بس وقفت بصدمه وتناظر للمنظر اللي قدامها كيف سلمان ماسك بيد البنت ويضحك معها بشكل طبيعي والمراه الكبيره جالسه على الكرسي والطاوله قدامها بلعت غصتها بقهر وهي تمشي لهم:السلام عليكم
المراه الكبيره باستحقار:هذي زوجتك؟
سلمان بابتسامه:ايه
سلمت حلا على المراه ولفت للبنت وهي تسلم انقهرت انها مافكت يد سلمان ناظرت يدينهم وبعدين رفعت عيونها له وحركت راسها بعلامه ايش انقهرت انه ناظرها باستغراب صدت:تفضلوا داخل
عمة سلمان:لالا حنا ماشين يلا حبيبتي
بنتها وهي تبتسم بدلع:تيب ماما
ناظرتها حلا من فوق لتحت بس اللي صدم حلا البنت وهي تبوس سلمان وتقول بغنج: باي(ومشت)
ابتسم سلمان:مع السلامه سلموا على ابوخالد
ناظرته حلا بفهاوه
لف لها وابتسم بس عقد حواجبه باستغراب:وشفيك؟
حلا بقهر وبدون شعور:روح نام معها بعد
ناظرها بصدمه:ايش؟
لفت وجهها وهي تمشي لداخل البيت بغضب دخلت الصاله
سحبها سلمان من معصمها:وشفيك وقفي وش هالكلام؟
دفت يده بقوة:لاتلمسني فاهم
ام سلمان وهي توقف وبخوف:وشفيكم هدوا وش اللي صار؟
حلا والدموع تجمعت بعيونها:اساليه(صرخت)اساليه (لفت وجهها وهي تركض من الدرج
مسكت ام سلمان معصمه:وش اللي صاير؟
سلمان بفهاوه:مدري خليني اشوفها (بعد وصار يركض ودخل جناحهم انصدم وهو يشوفها تتدخل ملابسها بشنطتها مسكها من معصمها ولفها بقوه له) وشفيك؟
حلا بعصبييه:وش اللي وشفيني اشوفك قدامي ماسك يدها وتبوسك (حركت يدينها بغضب) وانت مبسوط ولا عليك (اشرت على نفسها بقهر) وانا مو قادر تلمسني (دفتها بقوه عن وجهها وهي تلبس عبايتها)
مسكها بقوه من معصمها وبعصبيه:احترمي اللفاظك فاهمة بعدين انتي اللي ماتبيني المسك
صرخت بقهر:متى قلت كذا متى اتركني اتركني وروح لها اصلا انت ماعندك مشاعر ااه ااه
ناظرها بصدمه وباسها بقوة
دفته بقوه بعيد عنها وهي تعطيه كف:ااه ماقلت لك كذا عشان تبوسوني ولا يكون بظنك اني ابيك (دفته بقوه من صدره وهي تدق على السواق اللي بيتها مو بعيد عن بيت سلمان نزلت تركض من الدرج)
سلمان:حلا حلا وقفي خلينا نتفاهم
ام سلمان بخوف وهي تمسك ذراع حلا:وشفيه يابنتي وش اللي صار؟
حلا وهي تبكي:مافيه شيء خالتي (باست راسها وهي تسمع جوالها يدق طلعت وركبت السياره بسرعه وهي تبكي) روح البيت
وقف يناظر للسياره بصدمه
ســيــاره حــــــلا
كانت مغطيه وجهها بيدينها وتبكي وتشاهق ""ااه اه ليش سويت كذا ليش دمرت فرصتنا الاخيره ااه اااه حاولت وحاولت لين تعبت بس الحين مافيه شيء بيرجعني ااه ااه"""
بـــيـــت ابــوفــهــد
دخل مشاري وهو مستعجل ويركض صعد الدرج وطق باب غرفه فهد بس مالقى جواب ولما جاء بيفتحه سمع صوت باب ينفتح لف وطاحت عينه بعين مها
مها كانت توها طالعه من غرفتها بلعت ريقها وهي تشوف مشاري يناظرها ماتتدري وش تسوي ترجع تتدخل الغرفه ولا تكمل مشيها (صدت ودخلت الغرفه على طول)
ابتسم مشاري بخفه وفتح الباب التفت لباب الحمام اللي انفتح:فهد
فهد:هلا مشاري تفضل
دخل مشاري وهو يسكر الباب: بقولك شيء بس ابيك تمسك اعصابك ولا تتهور فاهم على الاقل لين نتاكد
عقد حواجبه فهد باستغراب:مشاري خوفتني وش صاير؟
مشاري وهو يتامل فهد: انا شاك ان مروان هو اللي وصل الصور والمقاطع لابوك ..
توسعت عيونه بصدمه وبتفكير بكل لحظة ""صح هو اللي كان يضايقنا وكان شاك ان قمر بنت ايه اكيد هو من غيره يعني""فتح درجه بسرعه وسحب ثوب ولبسه ومشى بعصبيه
بس مشاري وقف قدام الباب:فهد قلت لك امسك اعصابك بعدين حنا متاكدنا
فهد بعصبيه:نتاكد من ايش هو مافي غيره (بصراخ) بعد عن وجهي مشاري بعد
مشاري بصدمه: فهد اهدا وشفيك مستحيل اخليك تروح وانت كذا تبي تتذبحه؟
فهد بكل قوته دف مشاري وطلع يركض بغضب
مشاري اللي طاح على الارض وقف بسرعه وصار يلحقه فتح باب السياره قبل مايمشي فهد
فهد بعصبيه وهو يمشي بسرعه:والله مااخليه
مشاري:فهد فهد هد السرعه هد بعدين فرضا طلع مو هو وش نسوي؟
فهد:لا هو انا متاكد
الـــمـــزرعـــــــه
ناصر وهو يتنحنح:احممم اميره
اميره وهي تتطلع له:نعم
ناصر:اسمعي بنجيب دبابات تبون؟
اميره بحماس:ايه ايه اكيد
ناصر:كم واحد تبون اجيب؟
اميره:لحظه بسال البنات(دخلت) بنات ناصر بيجيب دبابات كم واحد يجيب؟
ساره بحماس:الله وناسه قولي اممم 5؟
اميره:هاه وش رايكن؟
قمر:ايه 5 تكفي
اميره:اوووك (طلعت لناصر وقالت له ورجعت دخلت) الله وناسه
نور:قمر ترى بركب معك تعرفيني مااعرف
قمر بابتسامه خبث وهي تغمز وبهمس:وش رايك اركبك مع ناصر؟
انصدمت نور بعدين عصبت ضربت قمر من كتفها بقوه:على تبن من جد سخيفه(بس لما ناظرت قمر) ههههه منيره ترى بركب معك
منيره:ريناد قالت بتركب معي
سديم:اركبي معي نور
نور:اوك
بـــيـــت ابــوحـــــــلا
غـــرفـــه حـــلا
ابوحلا وهو يمسح على شعر بنته اللي منسدحه ومعطته ظهرها:وشفيك ياحبيبتي زوجك تحت ويبي يتكلم معك
حلا ببحه من كثر البكي:قوله مابي اشوفه
ابوحلا:طيب ليش ياقلب ابوك؟
اشهقت حلا:كذا
تنهد ابوحلا بضيق وهو ينزل راسه:كله بسبتي ماكنت تبينه وانا غصبتك عليه ااه
تعدلت حلا بسرعه:لا يبه لاتقول كذا انت مالك دخل ااه(صدت) هو السبب (ابتسمت بوجه ابوها) لاتخاف يبه علي
ابتسم لبنته وسحب راسها وباسه:ااه ياروح ابوك(وقف) خلاص بقوله يروح ويجي بوقت ثاني اذا هديتي
هزت راسها وهي تمسح دموعها وهي تراقب ابوها يطلع تنهدت ورجعت انسدحت:ااه يايبه هو اللي خرب كل شي حلو بيننا هو
الـــمـــجــلـــس
سلمان وهو ياقف:يعني ايش؟
ابوحلا وهو يتنهد:ياوليدي عط البنت فرصه ترتاح انت رح وبعد يومين والا ثلاثه تعاال
بلع ريقه وشد على قبضة يده بقوه:بس ياعمي انا ابي اتفاهم معها
ابوحلا:ادري والله بس اه الشكوى لله انا مااقدر اغصبها
هز راسه وابتسم بالقوه بوجه عمه:مشكور عمي عن اذنك
ابوحلا:تعشى معنا؟
سلمان:لا ان شاء الله وقت ثاني مع السلامه(لف لعمه اللي يبي يطلع معه) لاوالله مااتطلع اجلس(ابتسم) ادل الطريق
هز راسه ابوحلا وجلس
تنهد وهو يطلع وقف ورفع راسه لشباكها""بس ابي افهمك بس ابي اقولك اني""بهمٍس:احبك (هز راسه بااسف ولف وجهه وطلع)
غـــرفـــه حـــلا
شهقت كانت تراقبه من الشباك وهي مطفيه الانوار ""ااه ااه لاتروح ااه ااه"" تركت الستاره وصدت وهي تلم رجولها لصدرها على سريرها:ااه ااااه ..
الـــمـــزرعــــه
طلعوا البنات وهم لابسين عبايات كتف ومتلثمات
ناصر وهو يقرب ومنزل راسه:السلام عليكم
البنات بهمس ماعدا سديم وخواته:وعليكم السلام
ناصر وهو ينزل من دباب:تعال اميره
ركضت اميره وركبته:رغووده تعال
ركضت رغد وركبت وراء اميره وانطلقوا
ساره بصراخ:يا بقرى انتظرينا
وصلوا العمال وانزلوا من الدبابات
سديم:ناصر وانتوا عندكم دبابات؟
ناصر:ايه بس حنا بنلعب برا وانتوا لاتتطلعون من المزرعه فاهمين؟
سديم:ايه طيب
لف وجهه ناصر ومشى
قمر بهمس:بس بس ذبحتي الولد من نظاراتك
لفت نور لقمر:انطمي سديم انتظريني
قمر:هههههه سما يلا تعالي
اقـولــكـم تـقـسـيـم الـبـنـات
اميره = رغد
سديم = نور
قمر = سما
منيره = ريناد
ريوف = يارا
ساره = وسن
منيره كانت تفحط بحماس وريناد تصارخ بخوف وضامه منيره بكل حيله
مرت من عندهم ريوف اللي تمشي شوي شوي:منيره هددي
ساره وهي تفحط وتسوي دوائر وسن ميته ضحك:هيه ههههه
ريوف بصراخ:ساره يامجنونه هدي
اميره اللي مسرعه بس ماتعرف تفحط:هههه ريوف لو تمشين على رجولك ابرك لك
مدت لسانها ريوف لاميره وهي تصد
سديم اللي مسرعه:ياهو
نور وهي تصفق بحماس:عاشت سديم
قمر وهي تفحط بوجهه سديم ونور:ههههههه
سما:ههههه احسن
سديم:ياامال التبن والله مانخليك (وصاروا يلحقون قمر وسما)
اميره وهي تمشي بسرعه وتحاول تلحق سديم ونور وقمر وسما
ساره وهي تلفت لمنيره وريناد وريوف ويارا اقول بنات وش رايكم ننطلع برا المزرعه؟
ريوف بسرعه وهي تشهق:ااه لالا انتي مجنونه نسيتي ناصر قال لااحد يطلع
ساره:وكلام ناصر كلام رسول اقول انا و وسن بنطلع اللي تبي تجي واللي ماتبي تقعد (بعصبيه خفيفه) صدق خوفات خلونا نسوي مغامره لو مره وحده
منيره:ههه اناا معك سارو
ابتسمت ساره:وه فديت منور مو انت خوفات
يارا بحماس:ريوف خلينا نطلع معهن
ريوف اللي حدها خايفه:اف منكن طيب يلا بس شوفوا مانطول ربع ساعه بس؟
ساره بعدم اهتمام:طيب (وصاروا يمشون اولهم ساره ووسن بعيدين منيره وريناد واخر شيء ريوف ويارا)
امـــيـــرة و رغــــــد
كانت اميرة مسرعه وهي تضحك لانها ضيعت سديم كانت لافه وجهها لوراء
صرخت رغد:اميييرره انتبهي
لفت بسرعه حاولت تتجنب كومه النفود الكبيره بس ماقدرت طاروا من فوقها وطاحوا وانقلب عليهم الدباب !!!
ســـيــاره فـــهـــــد
مشاري بترجي:تكفى فهد عشاني بس وقف خلنا نتفاهم
فهد بصراخ:نتفاهم على ايش؟
مشاري:يمكن مو هو يافهد ترى العصبيه مالها فايده
فهد وهو يوقف قدام بيته ونزل وترك الباب وراء مفتوح
نزل بسرعه مشاري ووقف قدامه: فهد اسمعني طيب فهد
فهد وهو يدف مشاري وعلق على الجرس واول مانفتح الباب عطى مروان بوكس
مروان اللي انصدم وطاح على الارض:فـ ـفـ ـهـد؟
فهد وهو يسحبه من ثوبه ويضربه بكل قوته وقهره:ياحيوان يانذل ليش تسوي كذا ليش؟
مشاري وهو يحاول يبعد فهد بس مع فارق بنيه جسمه وجسم فهد ماراح يقدر
مروان وهو يضرب فهد ويضحك باستهزاء:قصدك قمر؟
وقف مشاري بصدمه وناظر مروان:مروان؟
فهد اللي وصل لقمه عصبيته ضربه بوكس وراء بوكس:ياحقير لاتقول اسمها على لسانك
جاء يركض اخو مروان ووقف بصدمه لحظه بعدين ركض وسحب مروان بقوة ومشاري قدر يسحب فهد
اخو مروان: وشفيه وش صاير؟
مروان اللي لف وناظر جيب اخوه وسحب السكينه الصغيره (تعرفونها اللي دايم تصير مع الشباب) وبسرعه وبلمحه بصر صارت السكينه بجنب فهد
مشاري واخو مروان صاروا يرمشون بصدمه
تلاقت عيون مشاري بعيون فهد اللي يرمش وفاتح فمه هز راسه بلا مشاري ومسك فهد قبل مايهوي للارض بس طاحوا كلهم بالارض:فهد
الــــمــــزرعـــــه
وقفت قمر بقوه ونبضات قلبها تزيد
سما باستغراب:وشفيك وقفتي؟
قمر وهي بتلع ريقها:مدري
سما وهي تناظر قمر:فيك شي؟
هزت راسها بلا""احس فيه شيء"" سحبت جوالها ودقت على فهد بدون اهتمام ان سما موجوده بس مالقت جواب تنهدت
سما وهي تمسك يد قمر وبخوف:متاكده انك مافيك شيء؟
ابتسمت قمر بالقوه ورجعت جوالها بجيبها وهزت راسها ومشت ..
بـــاقـــي الـــبــنــات
ساره وهي مسرعه وتفحط جنب الشارع ووسن تصفق بحماس وتغني
ريوف وهي تكلم يارا:قسم خايفه يشوفونا احد العيال قسم يذبحونا
يارا:هههه ياشيخه هي مرا وحده
منيره وهي تناظر على جنب:وشفيه هناك؟
ريناد:والله مدري (وبحماس) نلف نشوف
منيره وهي تبتسم:والبنات؟
ريناد:الحين نرجع لهم لفي اقول
منيره وهي تلف:اوك
ساره:وسن بالله التفتي شوفي البنات؟
لفت وسن وباستغراب:ريوف وراءنا بس منيره ماهي فيه
ساره وهي توقف وتلف:وينه؟
ريوف باستغراب:وشفيكن؟
ساره وهي تلفت:وين منيره وريناد؟
يارا بخوف:بنات فيه سياره جايه يمنا
ساره وهي تتلفت لسياره:صادقه امشوا
مشت ريوف وهي تتعدى ساره بمسافه بسيطه
وسن باستغراب:وشفيك؟
ساره:عيا يشتغل (وقفت وهي تحركه بقوة وشفيه هذا؟
وسن بخوف:السياره صارت قريبه مرا حاولي(صرخت) ريوووووووف
لفت ريوف ورجعت لهم:وشفيكن؟
ساره بخوف:روحوا للمزرعه وحنا نلحقكم
جاءت بتتكلم وسن بس ناظرتها ساره:روحوا
ريوف بخوف:لالا بنروح مع بعض
ساره بعصبيه:ريوف قلت روحي خلاص اسمعي روحي من هذا الشارع الصغير اقرب
هزت راسها ريوف:طيب (ومشوا)
وسن:ليش خليتيهن يروحون؟
ساره:نكون ثنتين ولا اربع؟
وقفت السياره بمسافه قريبه وطلع شاب جسمه من الشباك:تبون مساعده (وابتسم) توصيله؟
ساره بصوت غليظ وصراخ:اقول تقلع لاامسح بوجهك الزفلت
ضحكوا الشباب بقوة وقال واحد:اوه وطلعنا قويين
وسن بخوف:ساره امشي لاتكلمينهم
كان اللي يسوق يناظر ساره بتدقيق بعيونه الناعسه فتح الشباك:هيه انتي شكله مافيه بنزين
ساره:ومن طلب رايك خلك ساكت وامشوا يلا
اللي واقف على الشباك:فارس لاتكلمها شكلها نفسيه
قال واحد اللي قاعد جنب فارس وهو يقعد على الشباك مثل صديقه:بس شكلهن مزز
بلعت ريقها وسن بخوف وهي تتمسك بساره وصارت تصيح
ساره بصراخ:مزز بعينك ياحقير
ضحك فارس غصبا عنه على اسلوبها وبتتطنز:انتي تعرفين من تكلمين؟
ساره بتحدي وهي ترفع حاجبها:وانت تعرف من تكلم؟
وسن بصوت قصير:تكفون خلونا بحالنا
فارس وعيونه على ساره:ماانتي خايفه انزل واسحبك للسياره؟
ساره:اخاف تبن بوجهك انت وياه انزل بس وجرب حظك
وسن وهي تزيد بكي:ساره اسكتي
فارس بتتطنز:ساره اسكتي
ساره بعصبيه وهي تنزل وسحبت من الارض عصا طويله ونزلت معها وسن:شوفوا عاد ترى اذا ماتحركتوا من هنا بتشوفون شيء ماعمركم شفتوه
مسكتها وسن وهي تشهق:ساره نزليه ااه اه ابي تركي
ساره وهي تضغط على يد وسن:لاتبكي لاتبينين لهم انك ضعيفه
نزل فارس ونزلوا معه اصدقاءه كتف يدينه:بجد؟
ساره اللي قلبها يدق بقوة:لا العب معك
غمز فارس وهو يبتسم:تجين نلعب؟
بلعت ريقها وسن وهي ترجع خطوه وسحبت ساره:خلاص خلونا تكفون
ساره بعصبيه: وسن لاتترجين احد
فارس:هههه قويه راس قسم
لفت له ساره وبحده:غصبا عن خشمك قويه راس
فارس وبحركه سريعه مسك العصا اللي بيدها توقع انها بتتركه بس صدمته
تمسكت فيه ساره بقوة وضربته من صدره باخره لين تركه
فارس وهو يبعد:هههههه تتدرين دخلتي مزاجي بقوة
ساره وهي تناظر من فوق لتحت ودفت وسن وراء وبهمس لها:روحي
وسن بصدمه:واتركك مجنونه انتي؟
تقدم فارس ومسك العصا بقوة وصاروا يحركونه بينهم وكلن يحاول يسحبه
صرخت وسن بخوف وهي تبي تساعد ساره بس الشابين الثانين مسكوها صرخت وهي تصيح:سارة
لف العصا بقوه بحيث صار ظهر ساره على بطنها وحشرها بينه وبين العصا اللي بيدينه وهي ماسكته بعد
ساره وهي تحاول تبعده عنها وبكل قوته ..
مـــنـــيــرة و ريــنـــاد
كان يمشي وهو مسرع بس فجاه انتبه لهم وقال باستغراب:منيرة؟
وقفت منيره بخوف ولفت: يمه هذا فواز ياويلنا
ريناد وهي تناظر له لين وصل عندهم
نزل من الدباب وبعصبيه:ليش طالعه؟ (ناظر ريناد بنظره سريعه وعرفها ورجع عيونه لمنيره)
منيره:اا بس اا انا مدري هو يعني البنات
لف فواز وعصب وهو يشوف ساق ريناد كله طالع حس بشعور غيره وهو يناظر ساقها:غطي ساقك
ريناد بفهاوه:هاه انا؟
فواز بعصبيه وهو يسحب عبايتها بقوة لين غطت ساقها وناظرها وهو رافع حاجب:لا انا
بلعت ريقها وابتسمت ماتتدري ليش بس يمكن انها حبت شعور الغيره؟
رجع ركب دبابه:امشوا قدامي للمزرعه يلا بسرعه
هزت راسها منيره ومشت وبهمس:الله يأخذكن انتن وفكرتكن
اما ريناد ماكانت اصلا مع منيره وهي تتبسم وعقلها يوديها ويجيها
فــــواز
""ااف وشفيني انا الحين انا وش دخلني فيها اف ياليل بس حسيت بغيره فضيعه اااه وكاني مابي احد يشوف ساقها الا انا وش هذي الافكار استغفر الله"" وقف وهم داخل المزرعه نزل واتجه لهن نزل راسه:احممم
ناظروه منيره وريناد وكانهم ينتظرون اللي بيقوله
رفع عيونه لريناد وبجديه:اسف على اللي سويته قبل شوي بس ااا احمم اعذريني
ريناد بخجل فضيع:لالا اقصد عادي لا يعني ااحمم يعني انا(ناظرت عيونه) ماكنت منتبهه
ناظر عيونها بتعمق:ادري
منيره وهي تناظر لهم بفهاوه""معقوله؟؟اا""ابتسمت بخفه وسكتت
أمـــيـــره و رغــــــد
رغد وهي تقوم بسرعه:اميرة اميره وشفيك؟
اميره وهي تعض على شفايفها بقوه:اااه رجلي
رغد اللي بدت تصيح:بروح انادي احد(وراحت تركض)
اميره وهي ماسكه كاحلها بكل قوتها: مستحيل كسر ااااه(غمضت عيونها بقوة )
رغد اللي تركض صدمت برامي وبخوف:وين ابوي؟
ناظرها رامي باستغراب وهو يشوفها كلها غبار وشكلها حوسه وتصيح:وشفيه؟
رغد:اانا واميره كنا نسوق الدباب وماشفنا النفود وطحنا واميره ماسكه رجلها
دفها بسرعه وهو يركض:وينها؟
صارت تركض رغد معه لين وصلوا لمكان اميره
وقف بصدمه ثواني:اميرة(وركض لها)
رفعت راسها بصدمه وهي تناظره بفهاوه""مالقيتي الا هو يارغد""
مسك رجلها بسرعه ورفعها:وين اللي يعورك؟
اميره وهي تصرخ لما حط يده على كاحلها وبدون شعور حطت يدينها فوق يدينه وهي تضغط عليها بقوة: اااه
بلع ريقه رامي ومسح دموعها بيدينه ونزل يده تحت ركبها ويد عند رقبتها ورفعها:بوديك للمستشفى لازم اشعه
ناظرته بفهاوه وبهمس:رامي
كان يناظر قدام:امسكيني زين( ورفعها عشان يثبتها ولف لرغد) روحي بسرعه قولي لعمك السالفه وخليه يجينا بالمستشفى
هزت راسها رغد وراحت تركض
رامي بصرامه:قلت امسكيني
هزت راسها وهي لسى مصدومه مدت يدينها ولفتها حول رقبته وهي تناظره بفهاوة
_ _ جابك الله لي هديه من السماء_ _
ريـــــووف و يـــارا
يارا:ريوف مو من هنا المزرعه اف ضيعناه
ريوف بخوف:والله مدري
يارا:وش نسوي شوفي بدت تغيب الشمس؟
ريوف بخوف:هاه وش نسوي حتى جوالي ماهو معي
يارا:انا معي جوالي(طلعته)ادق على معاذ؟
ريوف بسرعه:لالالا
يارا:اجل وش نسوي اف ياويلنا لو درت امي (قصدها ام معاذ)
ريوف:هاه وش نسوي اجل؟
يارا:شوفي انا اعرف معاذ متفهم ماراح يقول شيء
ريوف:اكيد؟
يارا:ايه اكيد
ريوف:اجل دقي
دقت يارا:الو معاذ شوف حنا طلعنا برا المزرعه هاه ايه المهم اسمع والحين ماندري وينا ايه طيب (صارت تشرح هي وين وسكرت)
ريوف:وش قال؟
يارا:يقول الحين جاي
ريوف:شوفي هذاك دباب
يارا:ايه هذا هو
ريوف باستغراب:اجل المزرعه قريبه؟
وقف معاذ عندهم وهو ينزل:من معك؟
يارا:ريوف
ناظرها معاذ وهو رافع حاجبه : وش طلعكن ؟
يارا:ايه حنا البنات كلنا طلعنا بس قلنا انا وريوف بنرجع عاد ضيعنا
ناظر معاذ ريوف وبقهر:وهذا هم يقولون ريوف عاقله؟
ناظرته ريوف بصدمه:ايش؟
يارا وهي تحس بتوتر الجو الغريب:ههههه يلا يلا معاذ امش وحنا بنمشي رواءك
ماشال عيونه معاذ عنها وهو يناظرها بقوه
ناظرته ريوف وبقهر:سخيف (وصدت)
انقهر معاذ بس مااحب يرد ركب دبابه:امشوا معي بسرعه
مشت ريوف على شوي شوي
لف لها وبعصبيه:قلت امشوا مو ازحفوا
ريوف اللي بدت الدموع تتجمع بعيونها وبصوت عادي:هذا اللي اعرفه
يارا بصدمه:ريوف؟
بلع ريقه وانصدم وهو يشوفها دموع حس بشعور غريب نزل بسرعه من دبابه: ريوف انا ماكنت اقصد اصيحك
ريوف وهي تبكي:ااه ااه
يارا وهي تضم ريوف:ياروحي انتي ماعليك منه اصلا هو كذا اسلوبه مايقصد شيء
حز بخاطره كثير دموعها بلع ريقه وبدون شعور وبصوت يخق:ترى ماقدر اشوف دموعك
رفعت عيونها له بصدمه وفهاوه ماهي اقل من صدمة يارا اللي اول مره تشوف معاذ يتكلم بااحساس كذا
يارا: معاذ
حس على نفسه ووقف وركب دبابه:امشوا
يارا:انزلي خليني اسوق
هزت راسها ريوف وتبادلوا وكلمته ماغابت ابدا عن بالها ""ترى مااقدر اشوف دموعك ترى مااقدر اشوف دموعك انا ليش؟"" رفعت عيونها وهي تشوف ظهره بلعت ريقها وتنهدت وهي تسمع صوت اذان المغرب
ســـاره و وســـــن
ساره وهي تتاطى رجله بقوة
صرخ فارس بالالم وبعد بسرعه:مريضه
صار صدرها يرتفع وينزل بصدمه
فارس وهو يلف لاصدقاؤه:خوذوا هذي واركبوا السياره
ساره بصراخ:اتركوها
وسن وهي تبكي بقوه:ااه اااه
ابتسم فارس واشر لاصدقاءه يوقفون:اتركها بشرط
بلعت ريقها ساره مالها أي خيار ثاني الا توافق لانهم 3 وهي وحده وماراح تسامح نفسها لو صار شيء بوسن:ايش هو؟
ابتسم فارس:تجين معي
وسن بصراخ:لا ساره انا اروح خلاص
ناظرت ساره وسن بتعمق:موافقه
وسن:لا ماعليكم منها خوذوني انا اتركوها ساره
دفوا وسن بقوه لين طاحت ع الارض
نزلت ساره لمستواها بسرعه:كلمي احد يجي جوالي بالدباب ورقم سيارتهم 230 اسد (ووقفت بسرعه)
ابتسم فارس وفتح الباب لها اللي قدام
اخذت نفس وركبت
صارت وسن تركض وراء السياره بس طاحت وقفت وهي تركض لدباب سحبت جوال ساره وهي تتدق بسرعه رقم تركي لانه حافظته وهي ترجف:الو تركي اااه
ســـيـــاره فــارس
وقف بعد مسافه
صديقه:وشفيك؟
فارس وهو يلف لهم وابتسم:انزلوا
صرخوا:لالالالا
الاول:فارس مو عدل انت تاخذها كلها؟
فارس:انزل
صاروا يتلحطمون ونزلوا ومشى بسرعه
ساره وهي مكتفه يدينها بقوه:لاتفكر انك بتقدر تلمس شعره مني
ابتسم على جنب باستهزاء ووقف داخل مزرعه ونزل واتجه لبابها وفتحه:انزلي
ناظرته باستحقار:احلم
هز راسه باسف وبحركه سريعه شالها
صرخت ساره وهي تضربه بقوة وبكل مكان تتطيح عليه يدينها
ماقدر يمسكها وطاحت على الارض:مجنونــ (فتح فمه بفهاوه وهو يشوف لثمتها)
صار صدرها يرتفع وينزل وقفت بسرعه وهي تتلفت تتدور أي شيء تضربه فيه:ترى اهلي الحين بيجون وبتعرف من انا
فارس اللي لسى فاتح فمه تقدم لها بخطوات بطيئه
رجعت ساره لين لصقت بالجدار وراءها وهي تتلفت
وصل لين لصق فيها ومسك يدينها اللي بتضربه فيها وحشر رجولها اللي كانت بتضربه بين رجوله
كانت تتحرك وتقاومه بكل قوتها لين قدرت تفك رجلها ورفسته بقوة وطاحت على الارض رفعت راسها وطاحت طرحتها وهي تناظر له بصدمة ..!
#يـــتـــــبـــع...