"Magkaibigang ganito"
Itong tulang ito
Ay alay ko sa mga taong narito,
Buong pusong minahal ako,
Kahit may pagkukulang ako.
Hindi man sila perpekto
Pero sila naman ay totoo,
Walang halong biro
Ang pagmamahalang ito
Nariyan sila sa lahat ng oras
Handang tumulong hindi kumukupas,
Napakaswerte ko o Diyos,
Sa mga taong ito minahal ako ng lubos
Walang tigil sa pagtalak,
Kapag ika'y tinotopak
Pag kanilang ginalak
Sigurado tanggap mo ang sapak
Walang tigil ang tawanan,
Pati narin ang mga asaran
Minsan nagkakapikonan
Pero tuloy parin ang pagmamahalan
Humantong sa awayan
Ang mumunting asaran
Umabot sa pikonan
Di nag-uusap di nagpapansinan
Naging ayos ang lahat
Muling umalon ang dagat
Ngumiti na ang langit
Sumayaw na ang hangin
Ang malamig na samahan
Umiti ang muling nabuhayan,
Bumalik ang saya sa barkada
Hangganan ang titibag sa kanila
Maswerte ang taong may kaibigan ganito,
Dahil sila nagpapakatotoo sayo
Minsan ka nalang magkakaroon nito,
Dahil kaunti nalang silang nabubuhay sa mundo