الــمــســتـشــفــى
دخل بسرعه وهو يمشي بقهر وقف عند الاستقبال:كم رقم غرفه قمر خالد الراسي؟؟
الموظف: 120 الدور الثاني
هز راسه ومشى بعصبيه ضغط ع المصعد وقبل مايسكر الباب
وقف مشاري اللي يلهث من الركض وصرخ: فهد لحظه (ركض بس المصعد سكر قبل مايوصل ضرب الباب بقوة ورجع يضغطه باصرار)
غـــرفـــه قــــمـــر
كانت واقفه وتناظر من الشباك الناس الرايحه والجايه بضيقه وهي معقده حواجبها ولامه يدينها لصدرها فجاه حست بانفتاح الباب لفت وصارت ترمش بصدمه وهي فاتحه فمها وبهمس:فهد
وهو لسى ماسك مقبض الباب صار يناظر ملامحها وشلون عيونها ذبلانه وخصلات شعرها طالت ومتبعثره ووجهها صاير اصفر ونزل عيونه لجسمها وشلون نحفان قرب لها
بس قبل مايكمل مشيه هي ركضت له وضمته بقوة وهي لافه يدينها حول راسه وبهمس:لاتتركني لاتتركني فهد لاتتركني
غمض عيونه بقوه اجرحته بكلمتها حس نفسه ولا شي وشلون قدر يتركها تروح منه وشلون قدر قلبه يستحمل :ماراح اتركك
شهقت بقوة:محد يحبني كلهم يبون يقتلوني خلاص ياببقى معك يااموت احس روحي بتتطلع مني فهد مو قادره اكمل احس اه اااه
شدها له اكثر وقال بغصه:لاتقولين كذا انا ماقدر اعيش دونك
شهقت قمر وبهمس:تتدري وشي اللي يخليني لسه عايشه؟
بعد عنها وهو ماسك كتوفها ومسح بكفه دمعه نزلت من عينها وبابتسامه خفيفه:ايش؟
قمر وهي تتامل عيونه:لاني اتذكر انك كنت دايم تقولي انا هنا(نزلت راسها بعدين رجعت رفعته وضمت شفايفها وبلعت ريقها وناظرته) اقول لنفسي اكيد فهد بيجي هو قالي انا هنا تذكري دايم انا هنا
سحبها ورجع ضمها بقوه:وانا هنا ماراح اتركك
هزت راسها بايه وشدت ضمتها له
بــــيـــت ابــوســلــمــان
الـــمــطـــبـــخ
دخلت حلا وهي تلفت وهي عازمه تسوي عشاء كامل دون محد يساعدها ناظرت الشغالتين:ميري سيتي اطلعوا برا
طلعوا الخدمات وتركوها لحالها
دخلت ام سلمان وهي تبتسم:يابنيتي طيب خلي وحده تساعدك دامك ماتبيني انا ولا ثنتين؟
حلا:لالالا خالتي انتي روحي ارتاحي وانا بسوي كل شي لحالي
ام سلمان:بس ـ ـ ـ ـ
قاطعتها حلا:بدون بس يلا خالتي خليني ابدا شغلي
ام سلمان:ههههه طيب براحتك بس اذا بغتيني اساعدك بس نادي لي
ابتسمت حلا:ان شاء الله
طلعت ام سلمان والتفت حلا وهي تتطلع الورقه:ابدا بالرز بعدين الطبق الصيني بعدين المقبلات واخر شي الحلى والعصيرات ااف بس بقدر اخلصهم بـ4 ساعات بس (ابتسمت""بس عشان عيونك ياسلمان كل شي بيهون"): يلا خلني ابدا
بــــيـــت نـــــور
فواز وهو واقف عند اخر الدرج:نور نور
جت نور تركض:هلا
فواز بضيقه:البسي عبايتك بنروح للمستشفى
شهقت نور بخوف:ليش من بالمستشفى؟
فواز وهو ياخذ نفس:قمر
نور:ايش ليش وشفيها فواز تكلم
فواز:هدي حبيبتي كلمني عبدالعزيز وقالي جاها انهيار عصبي
قعدت ع الدرج تحس انها لو ظلت واقفه بيغمى عليها:ليش يصير فيها كذا انا الغبيه انا اللي سمحت لها
تنهد فواز ومسك يدها ووقفها:قومي حبيبتي والبسي عبايتك خلينا نروح لها
هزت راسها نور ولفت تصعد الدرج ثاني مره بس رجعت وكانها تذكرت شي:ومنيره ؟
فواز:ايه اكيد بناخذها معنا بس انتي استعجلي
هزت راسها وراحت تركض بسرعه
الــمــســـتــشــفـــى
بعد فهد عن قمر وهو ماسك يدها:قمر
هزت راسها بلا وهي تسحب يدها ودفته ع خفيف من صدره:روح قبل مايجي احد
فهد بقهر:انا مالي دخل اا
قاطعته قمر:تكفى فهد روح
تنهد وناظرها مايبي يعصبها يخاف يصير لها شي هز راسه:طيب طيب بروح(صار يتاملها) تبين شي؟
قمر:بس سلامتك
ابتسم ولف وجهه ومشى وقف وكانه تذكر شي ولف لها وفصخ سلسالها من يده:خوذيه
صارت تتامله وهزت راسها بلا:لا خله معك (رفعت راسها وناظرته وابتسمت بخفه) خله عشان ماتنساني
فهد بابتسامه واسعه:انسى نفسي ولا انساك اسمك محفور هنا (واشر ع قلبه)
ابتسمت بخجل وصدت
ابتسم رفع ذقنها بيده وبضعف:قمر تكفين لاترحلين من هذي الدنيا دوني
ناظرته قمر بصدمه ومسكت يده بيدينها الثنتين: هذا بيد الله واعمارنا مو ملك لنا بس بتمنى اعيش معك
ابتسم وهز راسه بخفه:والنعم بالله (باس يدها ولف وجهه وطلع)
بــــنـــفـــس الــــدور
كان مشاري يدور وهو معصب:هذا وين راح؟
فهد:مشاري
لف له وهو معصب وبصوت عالي:انت وين رحت مجنون؟
ابتسم فهد بخفه:ايه امش يلا
ناظره مشاري بصدمه:شفتها؟
فهد بابتسامه:ايه
مشاري:ومحد من اهلها شافوك؟
فهد:لا
تنهد مشاري براحه رفع راسه وابتسم بضيق:وشلونه هههه عجزت استوعب ان هذاك البزر بنت
فهد:هههه بخير ماعليها بس ااه ضايقه حيل ياليت اللي فيها فيني
ابتسم مشاري بخفه:الله يعينكم وباذن الله تتجمعون وان شاء الله يجي اليوم اللي تشوفها ببيتك وحلالك
تنهد فهد من قلب: آمين
ابتسم مشاري:اجل امش يلا نطلع
هز راسه فهد ومشى بس وقف ولف وجهه وناظر باب غرفتها وابتسم ""بتصيرين بيوم حلالي"" لف وجهه ومشى ..mention a user
بـــيـــت ابــوســـديــــم
جـــنـــاح ريــنــاد
كانوا البنات متجمعين وهو يتكلم بموضوع قمر
ريناد بضيقه:والله قمر ماتستاهل اللي يصير لها
ساره:كلن ياخذ نصيبه بهدنيا يا ريناد
ريوف:ياعمري رحمتها حيل يوم شافت اخوها قعدت ابكي
سديم:حتى انا شكلها يقطع القلب بصراحه
سكتوا كلهم وناظروا اميره وكانهم ينتظرون تعليقها
رفعت راسها وناظرتهم باستغراب:وشفيكم؟
ساره بابتسامه:ننتظر تعليقك
سكتت اميره شوي بعدين قالت وهي تناظر لبعيد:اول ماشفت قمر لما جت بيتنا صرت اتاملها (عقدت حواجبها وهي تناظر السماء من البلكونه الكبيره والمفتوحه) قعدت اقول بنفسي ان القدر لعب فينا كان ممكن انا اصير مكان قمر انا وناصر ونادر ايه لو ابوي اختار امهم كان الحين اللي عاشته مفروض انا عشته اقعد اقول ياترى ليش انا؟(بانفعال) ليش هي ليش ماصرنا عيله وحده ليش ابوي مااختارنا كلنا ليش فضل احد ع احد كل مااتامل قمر اقول هي ماخذت شي من الدنيا الا الحزن امها ماتت وابوها واخوها تخلو عنها وعاشت بفقر وماكملت دراستها كله بسبب ابوي(بقهر) بالمقابل انا عشت احسن عيشه بحضن امي وابوي واخواني وكلمت دراستي وصرت دكتوره واللي ابيه يجيني ع طول مافيه دوله الا رحت لها عندي عمان وأخوال كلهم احبوهم وهم بعد يحبوني (نزلت راسها وقعدت تبكي ع خفيف) انا حاسه بقهر قمر هي مسكينه ولما المره الوحيده اللي ضحكت لها الدنيا وحبت شخص قدرها ومااستحقرها يجي ابوي بعد يخرب عليها ليش حرام
دمعت عيون سديم وضمت اميره بقوه:ياحياتي انتي كل هذا بقلبك وساكته؟
مسحت ساره ع ظهر اميره بخفه:بس ياحياتي انتي خلاص قمر اكيد حنا ماراح نتخلى عنها وبنعوض لها باذن الله
ريناد:ايه حبيبتي اميره تاكدي حنا بنوقف معك ومعها ماراح نخليكم
ريوف:وبنقدر باذن الله نطلعها من اللي هي عايشه فيه
سديم بهمس:باذن الله
بـــيـــت ابــوســلــمــان
الـــصـــالــــه
دخل سلمان وهو يدخل مفاتيح سيارته بجيبه وباس راس امه وابوه:وشلونكم؟
امه بابتسامه:بخير دامك بخير
ابتسم:تسلمين يابعدهم (قال باستغراب) الا اقول يمه ليش الشغالات جالسات بالحوش؟
ام سلمان:ايه هذي مرتك طردتهن من المطبخ
انصدم وقال بفهاوه:نعم ليش؟
ابوسلمان بابتسامه:بتسوي العشاء
ام سلمان:ايه وحلفت محد يساعدها حتى الشغالات زي ماشفتهم طردتهن من المطبخ قلت لها خليني اساعدك وعيت
سلمان اللي لسى مفهي:اها(وقف) بروح اشوفها (طلع من الصاله بس قبل مايدخل المطبخ طلع جواله وارسل مسج لحلا حبيبته وسكر جواله ودخل المطبخ):السلام عليكم
لفت له حلا وهي تزين شعرها بسرعه وبارتباك:اهلين
ناظر وشلون المطبخ حوسه وهي تركض من قدر لقدر ع الفرن وشوي تروح للثلاجه تتطلع منها اغراض وشوي تقطع بالخضروات ابتسم:تبين اساعدك؟
رفعت راسها بس قبل ماتتكلم دق جوالها بنغمه رساله سحبته وهي تقرأ الرساله""اعشقك واشتقت لك"" سكتت حست بضيق رفعت راسها وناظرته بتامل:لا
سكت شوي وتراكى ع الباب وهو يناظرها
صارت تقطع الخيار بعصبيه جرحت اصبعها صرخت بخفه وهي ترمي السكين
ركض سلمان بخوف ومسك اصبعها:وريني
حلا بقهر وهي تسحب اصبعها:اتركه (صدت عنه وهي تسحب المنديل ولفته وكل شوي تبعد المنديل وتشوف الدم وقف والا لا)
سلمان: خليني اشوفه طيب
حلا بهدوء:لا خلاص ماله داعي وقف
لف سلمان وفتح درج وسحب لزقه وسحب اصبعها بقوه ولف اللزقه عليه وهو لسى ماسك اصبعها رفع عيونه لها:يعورك؟
ناظرت عيونه بهدوء ونزلت راسه وسحبت يدها وهي تلف للطاوله وكلمت تقطيع:لا
ابتسم وقرب لها ومسك سكينه ثانيه وسحب خيار من السله وصار يقطع
ناظرته بذهول:وش اا وش تسوي؟
سلمان ببرود:اساعدك
حلا:لا مايحتاج انا اقدر اكمل لحالي
سلمان بنفس البرود وهو يرفع راسه:انا ابي اساعدك
ناظرت عيونه بتامل:طيب (وكلمت تقطيع)
الــمــســـتــشــفــــى
دخلت نور و وراءها منيره لغرفه قمر وبصوت واحد:قمر
لفت قمر لهم وابتسمت ع طول:نور منيره
ركضوا لها وضموها بقوة وهم يتكلمون بوقت واحد:انا غبيه اللي سمحت لك من البدايه...وشلون صار لك كذا؟...ياقلبي انتي..
قاطعتهم قمر بضحكه وهي تضمهم بقوة: ههههه بنات انا بخير شوفوني
نور وهي تبعد وتتامل قمر وباألم:وين بخير وانتي نحفانه كذا ووجهك اصفر
منيره وهي تمسح دموعها:ايه الله ياخذهم هم السبب
قمر بسرعه: لا يامنيره لاتتدعين ع احد
تنحنح فواز وقال بضحكه:شكلكم نسيتوني؟
نور وهي تضرب راسها:يوه صح نسيتك
ضحكت قمر ورمت الطرحه ع وجهها:ادخل
دخل فواز وقرب لسرير قمر وناظرها:وشلونك قمر؟
قمر بابتسامه:الحمدلله
تنهد فواز بضيقه:لو بيدي ياقمر كان ماتركت هنا ولا دقيقه وماخليتك بين يدينهم
قمر بسرعه:لاتقول كذا يا فواز انتي اخوي وادري ان لو بيدك أي شي ماراح تقصر يكفيني بس اني ادري انكم حولي
نور وهي تضم قمر:ياحياتي انتي
ابتسمت قمر وهي تشوف منيره ضمتها بعد
ابتسم فواز ورجع لايام الطفوله نفس الحركه بس بمكان وزمان مختلف كانوا بحديقه وطاحت قمر وقعدت تبكي نور ومنيره ضموها وكان واقف يتاملهم بس اللي اختلف فقدان شخص معهم لف وهو يناظر للمكان جنبه كان دوم لما يسوون البنات كذا يجي عبدالعزيز ويحط يده ع كتفه ويقوله وهو يضحك ـ ـ ـ
حط يده ع كتف فواز وضحك:اف انتوا متى بتتركون حركات الدلع ؟
فتح فمه بصدمه فواز وهو يناظر عبدالعزيز اللي سوا نفس حركة الطفوله وكملها بغمزه من عينه
ناظروا البنات له بصدمه وذهول
نزل يده عن كتف فواز وقال بابتسامه بارده:وشلونك قمر؟
ناظرته قمر بحده وصدت عنه وبنبره هاديه:اطلع برا
قبل مايتكلم عبدالعزيز حس بيد مسكت معصمه بقوة لف وناظر فواز
فواز وهو رافع حاجبه:سمعتها؟
ناظره عبدالعزيز بصدمه وبهمس:فواز؟
((منظرر غريب اصدقاء وتؤام روح تعاهدوا على عدم الفراق على عدم الخيانه على عدم جرح بعضهم ولكن هاهم يقفان بوجه بعضهم بغضب ياترى ماذا جرى بالحياة هل هي تغيرت ام نحن الذين تغيرنا لماذا اصبح الاخ يقف بوجه اخيه اين ايامنا وليالينا اين ضحكاتنا وبكاءنا اين لمساتنا اين نحنهل ضيعنا انفسنا بمكان ما))
ناظرتهم منيره بقهر:بس انتوا خلاص اطلعوا كلكم برا
نور وهي تشد ع يد قمر بقوة وساكته بخوف تحس ان فواز بيضرب عبدالعزيز
تقدمت منيره وفكت يد فواز بقوة اللي ماسكه معصم عبدالعزيز وبقهر وصوت عالي شوي:خلاص وين كنا وشلون صرنا (ناظرت عبدالعزيز) ليش؟ (شهقت بقهر) اشتقت لما كنا صغار ونمسك يدين بعضنا ونركض بين البيوت بالحاره اشتقت لما كنا نتقاسم الحلوى بيننا اشتقت لما كان يطيح واحد فينا نمد يدينا كلنا له( صرخت) من متى صرنا نرفع يدينا ع بعض اطلعوا اطلعوا
لف فواز وطلع بسرعه بدون أي كلمه او تعبير
اما عبدالعزيز ظل واقف ويناظر منيره وبصوت اقرب للهمس:انا ماتغيرت انا بس خطيت
قاطعته منيره:امش برا امش نطلع
ناظرها عبدالعزيز بتركيز رجع لايام الطفوله والمراهقه لما كان مايلقى فواز او يتزاعل مع فواز يجي له وتقوله نفس الكلمه هذا امش نطلع برا ويقعد معها بالحوش ويتكلمون هز راسه:طيب
لفت منيره لنور وناظرتها وكانها تقول اروح؟
هزت راسها نور بمعنى ايه
لفت منيره وطلعت وراء عبدالعزيز
بـــــيــــت ابــوضــاري
جــنــاح نـــوف
كانت قاعده ع السرير ولامه رجولها لصدرها ""معقوله ياعبدالعزيز كل اللي كان بينا كان تمثيل وشلون قدرت تسوي فيني كذا انا وش سويت لك بس والله لادفعك ثمن كذبتك علي والله لارجع كرامتي لو كان اخر يوم بحياتي"" وقفت بنظرات حاده وهي تتامل الحديقه الواسعه من نافذه غرفتها واطلقت اه مكبوته
الــمـــســـتــشــفـــى
وقفوا منيره وعبدالعزيز بالممر
كتفت يدينها حول صدرها: اسمع عبدالعزيز قمر الحين تعبانه لاتزيدها عليها ابعد عنها
ناظرها عبدالعزيز بقهر:حاولت حاولت بس ماقدرت
منيره باستهزاء من قلب مجروح:ماقدرت تركتها سنتين ماراح يفرق معك كم يوم
ناظرها بصدمه وشد ع قبضه يده:منيرة (رفع عيونه وناظر عيونها) تراك تجرحيني
توسعت عيونها بصدمه وكلمته تتردد بداخلها ""تراك تجرحيني تراك تجرحيني"" بهمس: انا؟
عبدالعزيز: ايه انتي والكل حتى انا مظلوم
ناظرته بتامل وهزت راسها بالنفي ولفت وجهها ورجعت لداخل غرفه قمر
صار يتامل مكانها الفاضي تنهد وناظر غرفه قمر وطلع برا المستشفى كله بقهر وضيقه ..
بـــعـــد اســبـــوعــيـــن
قـــمــــر
طلعت من المستشفى لها يوم بس ومن جت ماطلعت ابدا من غرفتها قعدوا عندها البنات ووسن بس هي كانت ساكته
عــبـــدالــعـــزيـــز
يحاول يقرب لقمر بس قمر صادته بقوة وحالته من اسوا لاسوا لااخت ولا اخ ولا صديق حط له ابوه جناح بالبيت وعلاقته حلوه مع الكل
بــــيـــت خــالــد الــراســي
جــنــاح أمــيـــرة
ريناد وهي تقعد جنب ساره:اقول
ساره:ايش؟
ريناد: وش رايكم نسوي بارتي؟
سديم:والله فكره بصراحه
اميره:ايه والله لازم نغير جو
ريناد بابتسامه:انا فكرت اعزم نور ومنيره اللي ساعدونا
ساره بسرعه:ايه صح لازم نعزمهم
ريوف: ووسن وقمر
اميره:اكيد مايبي لها كلام
سديم:وعمتي فوز؟
اميره:ايه كلهم
ريناد وهي تاقف:اجل انا بكلم نور ومنيره وانتي (تقصد اميره) روحي قوليلي لقمر وانتي ريوفه دقي ع وسن وانتي سدوم كلمي عمتي
كلهم:طيب (وكل وحده راحت تكلم)
بـــيــــت ام أزهـــار
الــمـــجــلـــس
مسكها بقوه من كتفها وهو يهزها وبعصبيه:قولي الصدق من من حامل هاه؟ تكلمي
كانت تصيح ازهار وهي تحاول تبعد يدين رامي:اتركني ااه اااه
رامي وهو يعطيها كف حار خلاها تتطيح بالارض نزل لها ومسكها من شعرها وبقهر مكبوت:لايكون ع بالك سكت بالمره الاولى لما خنتيني ع بالك بسكت لما ترمين علي بلوتك هذي؟
شهقت وهي تبكي بقوه نزلت لرجوله:تكفى رامي ااه استر علي تكفى
رفسها بقوة ووقفها وهو يضربها كف خلها تتطيح ع الكنب تفل بالارض ورفع اصبعه:شوفي يا بنت الناس انا سكت عنك فترة طويله بس والله ثم الله اني مااعديها لك
دخلت ام ازهار وشهقت ع شكل بنتها ركضت لها وضمتها:حبيبتي؟ (وبصراخ ع رامي) وش سويت ببنتي؟
ناظرهم رامي من فوق لتحت ولف وجهه ومشى
لفت ام ازهار وهي تضم بنتها بقوه:بس حبيبتي بس
ازهار وهي تشاهق بحضن امها ""ياويلي ياويلي بنفضح ياليتك يا رامي تستر علي"" شهقت بقوة: يمه ااه اااه
بـــيـــت نــــور
نور وهي تقعد ع الكنب وبيدها الجوال: والله مدري ريناد بس اقول لامي وارد لك اوك باي ياحياتي (سكرت الجوال ولفت لامها) يمه تتذكرين ريناد البنت اللي ساعدها فواز؟
ام فواز:ايه اذكرها وشفيها؟
نور ببتسامه:داقه تعزمني انا ومنيره عندها بالبيت وش رايك عادي اروح؟
ابتسمت ام فواز:ايه ياحبيبتي روحي وخلوا فواز يوصلكم
ابتسمت نور وهي تنقز وتضم امها:اموت فيك يااحلى ام بالدنيا (وراحت تركض تكلم منيره وارسلت مسج لريناد انهم بيجون)
بـــيـــت خـــالــد الـراســـي
كانوا البنات محتاسين بين ركض مع الخدامات والترتيب وبين اللبس والتزيين
اميره: ااف اقولك حطي العصيرات هنا تروحين تحطينها هناك يلا بسرعه
ساره:ههههه هدي طيب شوي شوي
اميره بعصبيه:اف رفعن ضغطي
ساره:طيب قلتي لقمر؟
اميره:بروح لها والله يستر
ابتسمت ساره:ماعليك مااتوقع بترفض
هزت كتفها اميره بمعنى مدري ومشت بااتجاه جناح قمر
شـــقـــق الــشــمــس
شــقـــه تـركــي و وســـن
كانت جالسه ع السرير ولامه رجولها لصدرها تنهدت بضيق وهي تنزل راسها ع رجولها ""ااف لي 3 ايام ماشفته ماطلعت من هذي الغرفه الا اذا هو طلع برا الشقه اااف"" قطع حبل افكارها صوت طق ع الباب قالت بدون ماترفع راسها: تركي اتركني
بس الباب انتفح وبصوت طفولي: وسن
رفعت راسها بسرعه وهي تشوف الجوري ابتسمت بسرعه وهي تصرخ:الجوري (ركضت لها وضمتها بقوه وهي تبوسها) حبيبتي (رفعت راسها وشافت تركي متراكي ع الباب ويبتسم بهذي اللحظه وبدون شعور انقزت وباسته بقوه ع خده) مشكور تركي مشكور(سحبت يد الجوري وطلعت معها وهي تروح للمطبخ المكشوف وتفتح الثلاجه وتتطلع لها علبه عصير صغيره وشوكولاته وتضحك وهي ترفع راسها وتسولف)
حط يده ع خده بفهاوه وهو يتاملها وشلون تضحك وتسولف ابتسم بسرعه صار يتامل يده وباسها ع خفيف وبهمس:احبك
قربت له وسن وهي لسى ماسكه بيد الجوري:تركي بروح لبيت خالي خالد مسوين البنات بارتي وابي اشوف قمر وبااخذ الجوري
تركي بسرعه:ايه اكيد بوصلك واذا بغيتي ترجعين دقي علي
هزت راسها وسحبت الجوري لداخل الغرفه وسكرت الباب
صار يتامل الباب بحده ""بيجي اليوم اللي تبوسيني فيه من قلبك""
بـــــيــــت خــالـــد الــراســـي
ريناد وهي تركض والسماعه باذنها:ايه ايه ادخلوا مع البوابه ايه (سكرت وهي تركض وقفت قدام المدخل وهي تشوف سياره فواز ابتسمت بقوة وهي تشوف فواز نزل ووقف بلعت ريقها"" اول مره اشوفه بالبنطلون والبلوزه وه بس يازين النظارات عليه وشفيني معقوله حبيبته وشلون ماحبيته وانا سويت كل هالبارتي بس عشان اشوفه اااه"" اشرت بيدها لنور ومنيره:اهلين تو مانور بيتنا
ابتسموا نور ومنيره:منور بااهله (وسلموا ع بعض ودخلتهم ريناد) ..
بـــــيـــت خــالــد الــراســي
الــصــالـــه
دخلوا اميره و وراءها قمر اللي كانت منزله راسها وساكته
اميره بصوت شوي عالي:السلام عليكم
وقفوا نور ومنيره وبااصوات هاديه:وعليكم السلام
رفعت راسها بسرعه قمر وهي تناظر لهم بصدمه:نور منيره؟
لفوا لها بصدمه:قمر؟
اميره اللي واقفه بالوسط بينهم تنقلت بعيونها بينهم بفهاوه:تعرفون بعض؟
ريناد وساره وسديم وريوف اللي كانوا جالسين ناظروا بعض بصدمه
قمر: انتوا وش جابكم هنا؟
نور اللي توها تستوعب:لحظه هذا بيت ابوك؟
هزت راسها قمر باايه: ايه
منيره وهي تتقدم وتضم قمر بقوه: وشلونك الحين ياحبي صدقينا مادرينا انه هذا بيت ابوك
قمر بهدوء وهي تضم منيره:بخير لا عادي
بعدت نور منيره وسلمت ع قمر بقوه:ياحياتي انتي
لفت منيره وسلمت ع اميره وبعدها نور وجلسوا
ريناد:يلا يلا قولوا لي وشلون تعرفون بعض؟
قمر وهي جالسه بين نور ومنيره ابتسمت ع خفيف:هذولاء خواتي اللي ماولدتهم امي (ولفت لنور ومنيره) بس انتوا وشلون عرفتوا بعض؟
(وبدوا البنات يقولون لها السالفه من ساعد فواز ريناد وكذا وقمر بعد اشرحت لهم علاقتها مع البنات)
دقايق ودخلت وسن ومعها الجوري وسلموا عليها وخذتهم السوالف والضحك حتى قمر نست همها دامها مع اغلى ناس ع قلبها
بــــيــــت حـــمـــد
دخل وجلس على اقرب كرسي وهو يبلع ريقه""خلاص ياسديم انتهينا للابد"" غمض عيونه بقوة وقهر
جاء يركض مهند ورمى نفسه بحضن ابوه:بابا شفت ماما وسلطان جو اليوم واخذوني ورحنا لعبنا بالالعاب ههههه (وبعفويه طفل) انا احب بابا سلطان
فتح عيونه وبعصبيه وهو يمسك مهند من كتوفه وبصراخ:لاتقول بابا هذا مو ابوك فاهم فاهم (وصار يهزه بقوة) بعد عني بعد خلاص اطلع من حياتي بعد(دفه بقوه وهو يغطي وجهه بيدينه بكى قهر بكى مو بس حب سديم لا بكى حب وجد بعد بكى لان قلبه كل ماحب احد تكون من نصيب غيره بكى فقره وبكى قهره بكى عدم قدرته)
صار يصيح مهند بقوه اول مره ابوه يسوي فيه كذا وقف وطلع يركض للحوش وهو يبكي ..
بـــيــــت خــالــد الـراســـي
وقفت نور:وين الحمام؟
ريناد وهي تاقف:خليني اوصلك له
نور بسرعه: لالا ماله داعي ياقلبي بس وينه؟
ريناد:اذا طلعتي امشي شوي من الممر بعدين تلقينه اول باب ع يدك اليسار
ابتسمت نور وهزت راسها ومشت ولما وصلت للممر:هذا الباب والا هذا؟ شكله هذا (فتحت الباب ودخلت وهي تغسل يدينها لفت وجهها وطلعت كانت منزله راسها وهي تعدل بلوزتها)
كان جاي مسرع وهو ماسك بيده كوب عصير فرواله وبيده الثانيه يكلم وهو متجه بااتجاه مكتب ابوه اللي وراء الحمام بمسافه بسيطه لف لجهه الممر وفجأه حس انه صدم شخص وانكب كل العصير عليه
شهقت نور بصدمه وهي تشوف بلوزتها البيضاء صارت حمراء: اه(رفعت راسها بفهاوه له)
فتح فمه بصدمه وهو يتاملها والسماعه لسى ماسكها بيده اما الكوب اللي طاح وانكسر ع الارض صح شاف اجمل بكثير منها بس فيها شيء جذبه بشعرها القصير البني الناعم وبياضها يمكن لا هذي اشياء عاديه يمكن قصرها وبنيه جسمها الصغيره لالا مستحيل هذي بعد اشياء عاديه فجاه انتبه لتعابير وجهها وحواجبها المعقده بقوة
نور بعصبيه: بعد عن وجهي ياقليل الادب
ناصر اللي لسى مفهي:هاه؟ (فجاه استوعب انه مسكر عليها الممر) ايه ايه اسف اسف ماشفتك خليني اساعدك اقصد امسح بلوزتك
بعلت ريقها بخوف وبهمس: بعد عني
استوعب انها خايفه منه هز راسه لانه مايبي يزيدها عليها لانه حس انها بتصيح: طيب طيب (بعد عن وجهها وصار يتاملها وهي تمشي بخطوات سريعه فجأة صرخ) مو من هنا من هناك
وقفت ولفت له بعدين ناظرت هي وين ماشيه استوعبت انها عكست الطريق لفت وجهها ومشت بسرعه باتجأة الصاله
بس قبل مايعطي نفسه مجال يفكر صار يسمع صوت صراخ بالجوال استوعب انه نسى معاذ: الو ههه اسف ههه ماعليك ايوه كمل ..
بـــيـــت ابــوســلــمــان
كانت حلا منسدحه ع السرير وتكلم سلمان ((على اساس انها حبيبته)): ههههههه جد؟
سلمان اللي كان قاعد بـ كافي:هههه والله
صار هدوء فتره بينهم قالت حلا: ايه وشلون حياتك مع زوجتك؟
سكت شوي سلمان بعدين قال:ماشيه
حلا وهي تتعدل وتجلس ع السرير:ماتحس بشيء تجاهها؟
ابتسم سلمان على خفيف:لا انا ما احب الا انتي
سكتت ماتتدري تفرح والا تتضايق هو صح يحبها بس بنفس الوقت مايحبها هو يحب الحبيبه بس مايحبها كزوجه اخذت نفس وهي ناويه تقوله اللي خلاص كان لازم من زمان يصير:امم سلمان بقولك شيء
سلمان باستغراب:قولي حبي
سكتت حلا شوي بعدين قالت:انا ابي انهي اللي بيننا ااه ادري انوه انا اللي رجعت بس خلاص انا (نزلت راسها بضيقه) انا احس بتأنيب الضمير بعدين يعني انت متزوج ولازم تنتبه لزوجتك (ابتسمت ع خفيف) حبها يمكن تلقى فيها الانسانه اللي تبي قرب لها
قاطعها سلمان بعصبيه:حلا انا مو لعبه بين يدينك مرا تبيني ومره لا ومرتي مالك دخل فيها خليها تولي انا مااحبها وقريب بطلقها
فتحت عيونها بصدمه وذهول وبفهاوه:ايِش؟
سلمان بنفس العصبيه:اللي سمعتيه انا مااستحمل حياتي معها خلاص مسدوده
غمضت عيونها بقهر وبهمس:مع السلامه سلمان
سلمان بصدمه:حلا لحظه اسمعيني
حطت يدها على فمها تمنع شهقاتها سكرت الجوال وطلعت الشريحه وكسرتها ورمتها بالزباله وهي ترمي نفسها ع السرير وتصيح ""مااقدر اعيش كذا مااقدر اعيش بكذبه خلاص يا يحبني كزوجه والا ينساني اااه ااه"" دق جوالها طبعا مو نفسه اللي تكلم فيه سلمان سحبته وردت:الو شهد
شهد بخوف:وشفيك حلاا وشفيك تبكين؟
حلا بهمس:تعالي ابيك
شهد بخوف:طيب طيب الحين جايه باي
حلا بنفس الهمس:باي (سكرته وشدت عليه بيدها بقوة وهي تبكي باألم )
بـــيـــت خــالــد الـراســي
الــحــديــقـــه
كانوا قاعدين البنات على الكراسي المتوزعه بشكل دائري على طاوله دائريه
منيره بابتسامه:قمور من زمان ماسمعت صوتك تكفين غني اشتقت له
اميره بصدمه:صوتك حلو؟
ضحكت قمر بخفه:ههه لا بس منيره تبالغ
نور:لا حرام عليك قسم يجنن
ريناد:الله غني غني
ساره:ايه يلا
ريوف:بسرعه
قمر:هههه طيب (ابتسمت على خفيف وهي تتذكر فهد اخذت نفس وصارت تغني بكل احساس وهي مغمضه عيونها وبكل كلمه تنطقها قلبها ينطق اسم فهد): غلطة الايام احنا ما غلطنا .. كنا مشتاقين يوم انا افترقنا
((افتحت عيونها وهي تبتسم انصدمت من اوجيههم ضحكت)):ههههه وشفيكم؟
صرخت ساره بقوة:يا لبيه صوتك يخق
ريوف بابتسامه احساس:كل كلمه قلتيها احسها دخلت قلبي
ريناد وهي تتنهد:اول مره احس لكلمات هذي الاغنيه معنى
ضحكت بخجل وهي تنزل راسها بعدين رفعته:هههه
وسن بابتسامه:اصلا قمر كلها تخق مو بس صوتها
سديم وهي تتامل قمر وبابتسامه:صادقه
قمر:ههههه تراكم خجلتوني
نور وهي تتامل قمر بضيقه ""كنتي تقصدين فهد يابعدهم ياقمر لو اقدر اوصلك له ماترددت ولا ثانيه بس انا مقدر""
ابتسمت قمر لنور وكانها فمهت وش تقول غمزت لها وضحكت
ابتسمت نور بخفة ""هذي حركة قمر اذا عرفت اني فهمتها ااه وانا اختك ياليت بيدي شيء ياليت""
قطع سوالفهم صوت تنحنح من بعيد
اميره باستغراب:من؟
عبدالعزيز:انا
فز قلبها على طول وزادت نبضاته مع انه بس قال كلمه من 3 حروف بس حركة فيها اشياء كثيرة
اميره:ادخل
دخل عبدالعزيز وهو منزل راسه:وشلونكم بنات؟
كلهم ماعدا قمر ومنيره اللي تحس لسانها انربط:بخير..الحمدلله
عقد حواجبه باستغراب لانه ما سمع صوتها رفع راسه وطاحت عينه عليها وهي راميه الطرحه على وجهها:وشلونك منيره؟
غمضت عيونها بخفه""ااه ياحلو اسمي على لسانك""قالت بتردد:بـ ـ ـخـيـ ـر
ابتسم على خفيف وهو يناظر نور:وشلون فواز وخالتي وماجد؟
نور:بخير الله يسلمك انت وشلونك؟
عبدالعزيز وهو يناظر قمر:ماشي حالي
لفت وجهها قمر وهي راسمه على فمها ابتسامه استهزاء
سكت عبدالعزيز شوي ""ياربي وشلون افاتحها بالموضوع ااف""
اميره باستغراب:فيك شيء عبدالعزيز؟
عبدالعزيز وهو يناظر اميره:هاه ايش؟
اميره:تبي شيء؟
عبدالعزيز: ايه منيره اقدر اتكلم معك شوي؟
كلهم استغربوا واكثرهم منيره:هاه ليش؟
عبدالعزيز: تعالي شوي هناك
سكتت منيره بخوف وماقامت من مكانها
عبدالعزيز بسرعه:تعالي قمر والا نور معها
نور بسرعه:طيب انا بجي قومي منيره
هزت راسها منيره وقامت وهي خايفه ياترى وش يبي عبدالعزيز منها؟
ولما قاموا وسن بهمس لقمر:وشفيه اخوك وش يبي من منيره؟
قمر باستغراب:مدري
كملوا البنات سوالف ماعدا قمر اللي كل شوي تناظر للمكان اللي راحوا منه وهي خايفه""ياربي وش يبي عبدالعزيز من منيره؟ ""
بـــيــــت حــــمــــد
تنهد وهو ياقف راح غسل وجهه فجاه حس بهدوء فظيع بالبيت""مهند"" صرخ بصوت عالي:مهند مهند هذا وين راح؟ (فجأة تذكر انه ضربه والكلام اللي قاله ودفه ع الارض راح يركض لغرفته فوق بس مالقاه صار يركض بكل البيت مالقاه طلع للحوش وهو يدوره رفع راسه لباب الشارع وتوسعت بعيونه بصدمه وهو يشوفه مفتوح صرخ) مهند(راح يركض بالشارع مثل المجنون وهو يدوره بالحاره ويناديه صاروا جيرانه يساعدونه بس ماله أي اثر طاح ع عتبه باب بيته وهو ماسك راسه بيده:انا السبب انا السبب
واحد من جيرانه:هد يارجال قوم نبلغ الشرطه قوم (وقفه وركبوا السياره و واصلوا للمركز وبلغوا وبدأت عمليه التدوير)
حمد:يمكن راح لبيت امه؟
جاره:طيب امش اركب سيارتي ووصف لي البيت ونروح له
هز راسه حمد وراحوا وهو يحس قلبه بيطلع من مكانه اذا فقد مهند خلاص معناته هذي نهايه حياته !
بـــيـــت خـالــد الــراســي
عبدالعزيز: مدري وشلون افتح الموضوع انا ماحبيت اكلم خالتي (يقصد ام منيرة) قبلك انتي ماشاء الله بنت عاقله ومتربيه وموظفه
حست دقات قلبها تزيد وتزيد وهي منزله راسها
اما نور اللي مصدومه من كلامه وكانه بيـخـطـ ـ
بس صدمها عبدالعزيز وهو يكمل:فيه واحد صديقي رجال عمره 27 وموظف ببنك وهو يتيم ويبي بنت على سنه الله ورسوله وانا بصراحه لما قالي مافكرت الا فيك وصدقيني لو مالك معزه بقلبي ماكان فكرت فيك و قلت اقول لك قبل وفكري بعدين اذا عطيتيني الموافقه بكلم امك
منيره اللي تشد على عيونها بقوه"" بس خلاص يكفي يكفي"" صرخت بصوت عالي وهي تعطيه كف قوي وهي تشاهق:بس بس ااه ااه انت من ايش مخلوق؟ اكرهك اكرهك
توسعت عيونه بصدمه ماتوقع ابدا تسوي كذا عشان ايش هو ماقال أي شيء غلط؟
انقزوا البنات بخوف لهم وهو يقربون لهم
نور وهي تمسك منيره:بس حبيبتي بس
منيره وهي تتدف نور بقوة: بعدي عني ااه (ناظرت عيونه وهي تشاهق) وشلون نسيت الوعود وامانينا وشلون نسيتنيي وشلون وانا اللي مااختفيت عن عيوني ولا دقيقه ااه انا الغبيه كنت كل مرة اقول بيرجع اااه
ناظرها بصدمه وفهاوه ""وش قصدها يعني منيره (توسعت عيونه بصدمه)""تحبني؟":ااا اا منيره
لفت وجهها وهي تمشي بخطوات سريعه لحقتها قمر ووسن وباقي البنات مابقى الا نور اللي ظلت واقفه
نور وهي تنزل راسها ورجعت رفعته:اه ياعبدالعزيز تغيرت وصرت تغلط بحق الكل ليش ليش يااخوي؟
ناظرها عبدالعزيز بصدمه: انا
ابتسمت ع خفيف:منيره مو بس تحبك منيره تعشقك انت تدري كم مره جرحتها انت تدري كم دمعه نزلت من عيونها عشانك هي ماتستاهل انت عشمتها فيك طول سنين وفجاه اختفيت تتدري لما كانت قمر تعصب وتسبك تقولها منيره لاتقولين كذا يمكن مريض يمكن مسجون يمكن ضايع ويمكن ويمكن كانت تتطلع لك الالاف الاعذار وتنتظرك هي ماتنام الا صورتك جنب راسها انت صدمتها انت جرحتها الحين تعرف وش شعور ان حبيبك يجيك ويقولك انا لقيت لك الرجل المناسب هذا اكبر جرح تجرح منيره فيه (هزت راسها بياس ومشت)
بـــيــــت وجـــــد
قعدت ع الكرسي بصدمه وهي تمسك يد زوجها سلطان:مهند؟
سلطان بخوف:طيب دورته ببيت ابوك؟
مارد عليه حمد وهو يوقف ويشد شعره:ااه اذا جاك كلميني (لف وجهه ومشى)
وقفت وجد وهي تصيح:انتظر حنا بعد بنروح ندوره
سلطان:ايه حبيبتي
لف وناظرهم حمد بحقد ولف وجهه ومشى وركب سيارته جاره وهم يدرون واعلنت الشرطه عن مواصفاته بس مرت ساعتين وهم مايدرون وينه؟
بـــــيــــت ابــوســلــمـــان
جــــنــــاح ســلــمــان و حــلا
شهد بتساؤل واستغراب:طيب قطعتي علاقتك فيه وبعدين؟
تنهدت حلا:خلاص ياانه يحبني كزوجه والا كل شي بينا ينتهي لو (اخذت نفس) لو كان الطلاق
شهد:طيب انا بفهم ليش ماتقولين له انك حلا نفسها وخلاص
حلا وهي تاقف وبقهر ونرفزه:افهميني شهد مااقدر مااقدر اقوله اني انا نفسها حلا حبيبته مااقدر
شهد وهي تاقف بعصبيه:ليش طيب فهميني ليش تحاولين تاخذين الطرق الصعبه وانتي تقدرين تاخذين اسهل طريق؟
سكتت حلا شوي بعدين قالت وهي منزله راسها وعيونها مغرقه دموع:لاني خايفه
شهد بقهر:من ايش؟
رفعت راسها وبصراخ:انه يكرهني اخاف لما يدري اني نفسها اللي كانت تكلمه يشك فيني اخاف كل ماكلمني والا مسك يدي بيقعد يفكر ياترى انا اول واحد؟
شهد بعصبيه:وش هذا التفكير سلمان هو اول واخر ولد كلمتيه
حلا:ادري وانتي تتدري بس هو لا وماراح الومه لو شك فيني (قعدت وهي تغطي وجهها بيدينها) اه اااه احبه بس مابي اخسره ابيه يحبني كزوجه مو حبيبه لين متى بنظل كذا نسكن بنفس الجناح ولا نتكلم بس بمجرد مانرفع السماعه نكون بقمه وناستناانا تعبت ياشهد ولا ابي اعيش كذا
تنهدت شهد بضيق على حال حلا والحيره والتوتر اللي عايشه فيه قربت لها وضمتها: بس ياروحي بس خلاص
بس اللي ماكانوا يعرفونه حلا وشهد ان سلمان سمع كل شي..!!!
بــــيـــــت خــالـــد الـراســـي
قمر وهي تضم منيره وبقهر:بس حبيبتي بس
سديم:ريوف قومي جيبي كوب ماء
هزت راسها ريوف وراحت تركض للمطبخ دخلت وهي تكلم الشغاله:بسرعه عطيني كوب ماء
راحت الشغاله وثواني ومدت لريوف
اخذته ريوف لفت لباب المخزن:لو اطلع منه اقرب (وطلعت منه وهي تركض بسرعه فجأة صدمت شي وطاحت ع ظهرها وطاح الكوب وانكسر شهقت وهي تغمض عيونها صارت ترمش وهي تفتحها بس انصدمت وهي تشوف اللي قدامها)
صار يتاملها معاذ بحب """واذا تحب الكتب ولا تهتم بنفسها(ابتسم ع جنب) هذي هي مرتبه وشكلها بسيط""
عصبت ريوف لانه قاعد يتاملها بحريه وقفت:خير قلة ادب (لفت وجهها للمطبخ واخذت كوب ماء وراحت بسرعه للبنات)
سديم بعصبيه:وشفيك تاخرتي؟
ريوف بارتباك:هاه مافيني شي
اخذت قمر كوب الماء وشربت منيره:ياروحي خلاص
بس منيره ما هي مع احد على كثر جروح عبدالعزيز لها هذا كان اقوى جرح
شقهت بقوة وهي تضم قمر باالم وحسرة !!
بــــيــــت ابــوفــهـــد
الـــحـــوش
كانت مها تتمشى بهدوء وهي حاطه السماعات بااذنيها وراميه الجلال ع راسها
مر من عندها مشاري بدون مايعبرها ولا بكلمه
لفت له بصدمه وهي تبعد السماعات:مشاري
غمض عيونه وهو معطيها ظهره """لاتقولين اسمي ماتتدرين وشلون اصير ضعيف لما اسمعه""تنهد ولف لها وهو يرسم الجمود والبرود على ملامحه:نعم؟
ناظرته بصدمه وبدون شعور:وشفيك متغير علي؟
مشاري هز كتفه بعدم اهتمام:عادي
مها بعصبيه:لا مو عادي انت مو مشاري القديم
ابتسم باستهزاء:مشاري القديم مات
مها والدموع تجمعت بعيونها وبقهر:عشاني غبيه مات صح؟
ناظرها بصدمه وفهاوه وبهمس:مها
شهقت بقهر:ادري اني ضعيتك بيديني ادري انك ماعدت تحبني بس مو من حقك تتزوج غيري مو من حقك
ناظرها بصدمه:اتزوج؟
هزت راسها باايه:ايه كل البيت يتكلم بخطبتك ليش تسوون فيني كذا (لفت وجهها ومشت وهي تصيح لداخل البيت)
صار يناظر مكانها بصدمه وفهاوه ""عن أي خطبه تتكلم"" لف وجهه ودخل البيت وبعصبيه:جدتي عمتي
ام فهد:حنا باالصاله
دخل مشاري بعصبيه:وش السالفه صدق انكم خاطبين لي؟
سكتوا كلهم وهو يتناقلون بين عيونهم
ردت الجده:ايه خطبنا لك شذى بنت جيرانا
عصب مشاري وبقهر واول مره مشاري يعلي صوته كذا:وانتوا من سمح لكم انا اللي بتزوج والا انتوا ؟
ابوفهد بعصبيه من وراءه:انت بس غصبا عنك بتتزوج والدور الجاي على فهد بعد
ناظر عمه بصدمه:عمي؟
ابوفهد:ايه وشفيها شذى كلن يمدح اخلاقها ويقولون بنت ماعليها
مشاري بعصبيه:وانا وش دخلني اذا اخلاقها زينه والا لا انا مابيها وخلاص ودامكم تصرفتوا من نفسكم اجل حاولوا ترقعون الموضوع من نفسكم بعد (لف وجهه وطلع من البيت وهو معصب ومصدوم ومقهور ركب سيارته ومشى بكل سرعته)
بـــيــــت خالــد الــراســـي
مشوا منيره ونور بعد ماوصلتهم ريناد لين المدخل بس انصدمت لما ماشافت فواز لان اللي اخذهم كان ماجد وسلمت عليه قمر وقعدوا يسالفون شوي وراحوا
ابتسمت قمر وهي تلوح لهم وهم يطلعون من البوابه تنهدت ولفت وجهها دق جوالها سحبت وانصدمت وهي تشوف اسم مشاري على الشاشه ردت بسرعه:الوو
مشاري بضيقه:فاـ ـ ااه اقصد قمر
قمر بخوف:وشفيك مشاري ليش صوتك كذا؟؟
مشاري وهو يتنهد:محتاجك ياخوي محتاج اشكي لك
قمر بخوف:وشفيك؟
مشاري:اااه اقدر اشوفك؟
سكتت قمر شوي بعدين قالت:طيب وين؟
مشاري:الكافي اللي دايم نروح له اللي عند البحر
هزت راسها قمر:طيب عطني نص ساعه واجيك
هز راسه وقبل مايسكر:قمر
قمر:هلا
مشاري بابتسامه الالم:مشكور ياخوي
ضحكت بخفه وبصوت رجولي بدت تنساه:مابينا شكر ياخوي (سكرت وهي تاقف ""اف وشلون اروح لقيتها" ركضت لداخل وهي تاقف) اميرة
لفت لها اميره وباستغراب:هلا
قمر بتعقيده حواجب:اقدر اطلب منك طلب؟
ناظرتها اميره باستغراب:اكيد
شــــقــــه رامــــــي
كان منسدح ع الكنبه وهو يناظر شاشه جواله اللي تاشر بس بدون صوت لانه حاطه صامت غمض عيونه ""اااه بكرا باذن الله بتكونين ملك لي يا اميره بكرا هاانت هانت ياقلبي اصبر""
بــــيـــت ابــوفــهــد
ام فهد بضيق:فهد فهد
كلهم لفوا وصاروا يناظرون فهد اللي تغير كثير بعد قمر صار نحيف ووجهه اصفر وصار يغيب كثير وماعاد فهد اللي دايم يضحك وصار كثير يسرح ولا يرد عليهم
حطت يدها ع فخذه جدته:فهد وانا امك
صحى ع صوت جدته بس وقف وطلع من كل المكان
فاض الصبر حتى نفاني للسكوت : (
من كثر ماشفت بزماني من اسىَ
ماعاد يغريني الزمن لو / جاب توت
ولاعاد يغريني غنج بعض النساء ..!
بـــيــــت خـالــد الــراســـي
اميره وهي تكلم بالجوال:يبه ماراح نطول ساعه بالكثير وحنا جايين (ابتسمت وهي تناظر قمر اللي تترقب) طيب طيب باي
قمر بسرعه:هاه وش قال؟
اميره:وافق
تنهدت براحه ولبسن عبايتهن ومشن للسياره
اميره وهي تلف لقمر:انتي متاكده باللي راح تسوينه؟
ابتسمت قمر بخفه:اكيد مشاري اخوي ومستحيل بياذيني
هزت راسها اميره:انا بنتظرك بالسياره اوك؟
قمر:اوك (سكتت شوي بعدين لفت لاميره) ماراح انسى معروفك ابدا
ابتسمت اميره وهي تضحك بخفه:ولو مو (وبتردد وهي تتامل عيون قمر)حنا خوات؟
سكتت قمر وهي تناظر اميره""خوات""ابتسمت بخفه وهي تهز راسها على بسيط
مــــركـــز الــشــرطـــــه
حمد بعصبيه وهو يضرب مكتب الضابط: يعني وشلون مالقيتوه وشلون؟
الضابط:هد لو سمحت حنا قاعدين ندور ونشرنا مواصفاته ولبسه وباذن الله راح نلقاه انت بس هد
جاره وهو يمسك كتف حمد: هد الامور ماتجي بالعصبيه وش رايك نروح للمسجد تقعد تصلي وندعي لنا شوي؟
ناظر جاره وهز راسه وهو يمشي بضياع..!!!
الـــكـــاااافـــــي
دخلت قمر وهي تناظر مشاري اللي من شافها وقف وطلعوا قعدوا ع طرف الرمل وهم ساكتين
ابتسم مشاري باستهزاء:اهلي خطبوا لي
ناظرته بصدمه وهي تحاول تستوعب:مها؟
هز راسه بلا:لا تخيلي ياقمر جاءتني وهي تصيح سالتني ليش خطبت غيرها وش اسوي اول مره احس اني مقهور اول مره احس اني ودي اموت على كل ماصار لي بحياتي ماتمنيت الموت زي الحين مستحيل اخذ غيرها مستحيل
سكتت قمر شوي بعدين قالت:طيب قل لعمي انك تبي مها اكيد بيوافق؟
سكت شوي مشاري وهو يناظر البحر:بيرفض
قمر بصدمه:ليش؟
مشاري:لانه بيقول خلاص خطبنا البنت وش اسوي ياخوي وش اسوي؟
سكتت قمر شوي بعدين قالت:هونها وتهون انت قل لعمي كذا وشف اكيد بيلقى حل والا رح لابو البنت وقله انا ماافكر بالزواج الحين وخلاص
سكت شوي بعدين قال:متردد وخايف
قمر باستغراب:من ايش؟
مشاري وهو يعقد حواجبه: يمكن مها قالت كذا من قهرها يمكن بس عشانها تتدري اني احبها فرضا رفضت البنت ومها عيت وش راح يصير فيني؟
سكتت قمر بصدمه وماعرفت ايش ترد ولا ايش تقول:ااا اا
قاطعها مشاري وهو يبتسم لها:ماعليك لاتقولين شيء بس يكفي انك واقف هههه تصدق عجزت اتوعد اقصد يكفي انك واقفه معي
ابتسمت على خفيف:وشلون فهد؟
سكت مشاري شوي بعدين قال:ماشي
سكتت ولفت تتامل البحر بضيقه وتفكير عميق والمجهول اللي قدامها..
بــــيـــت ابــوســديـــم
مسكت جوالها وهي تتدور ""اف ادق والا لا ابي بس اعرف كلم ابوي ااف ياربي""
قطع افكارها دخول ابوها عليها:وشلونك حبيبتي
لفت سديم لابوها بخوف وارتباك:بخير
سكت ابوسديم وهو يسحب كرسي ويجلس: حبيت اتكلم معك قبل ماتنامين وبدون مقدمات (واشر بيده عشان تجلس)
قعدت سديم ع طرف السرير وهي مرتبكه وخايفة ..
ابوسديم:امم اخطبك مني واحد تعرفينه هو ماشاء الله رجال بمعنى الكلمه والكل يمدح بااخلاقه وطيب وولد ناس وعالم وبنفس مستونا الاجتماعي
رفعت راسها بسرعه لابوها وهي تعقد حواجبها وهي تقاطعه:من؟
ابوسديم:ثامر
صارت ترمش بصدمه تعرفون الشعور لما احد يقولك خبر ماتتمنى تسمعه تحس زي اندفاع الهواء القوي بوجهك يضربك وكانه بيطيرك هذا كان احساس سديم وبهمس:ايش؟
ابوسديم باستغراب:وشفيك بصراحه يابنيتي ثامر ماينرد ـ ـ
قاطعته سديم بعصبيه وهي تاقف:ماابيه
ابوسديم وهو ياقف وعقد حواجبه:وليش؟
ناظرت ابوها بخوف وتجمعت الدموع بعيونها:تكفى يبه لاتغصبني عليه انا ماابيه ماابيه
سكت وهو يناظر بنته بصدمه وليش تصيح معقوله فيه احد ببالها:وشفيك؟
شهقت حست وكان قلبها بيطلع من مكانه بس بمجرد فكرة انها تكون لغير حمد: لاتجبرني عليه يبه
عصب ولاول مره يعصب كذا: انتي وشفيك مو طبيعية ؟
دخلوا البنات وام سديم ع صوت صراخ ابوسديم ووقفوا يناظرون لهم بصدمه
ابوسديم بعصبيه:فيه احد ببالك تكلمي
غمضت عيونها بقوة وألم وسكتت
ام سديم وهي تمسك كتف ابوسديم:بس وشفيك تصارخ على البنت ؟
ابوسديم وهو يدف ام سديم: بعدي شوفي ياسديم ثامر بتاخذينه وانا متاكد انه مناسب لك وهو بيسعدك
صرخت وهي مو بس تبكي لا كانت تنوح:لا تكفى يبه تكفى ابوس رجولك (مسكته من ذراعه) تكفى يبه انت ماعمرك غصبتني على شي لاتغصبني عليه تكفى
دفها بقوة وبصراخ:بعدي
ركضن كل البنات لسديم وهم يمسكونها اول مره يشوفون ابوهم كذا معصب
صارت تصارخ سديم: يبه تكفى يبه
بس هو مارد لها ولا عبرها وطلع وهو يصفق الباب بكل قوته ولحقته ام سديم
ريناد وهي تضم سديم وتبكي معها:بس سدومه بس
ساره بقهر:لاتبكين سديم لاتخافين محد بيغصبك عليه
ريوف:خلاص ياقلبي خلاص
رغد وهي تضم راس سديم بقوه: بس سديم
بـــــعــــد ســاعــتــيــن
دق جوال سديم بس مالتفت له ولا حتى اهتمت
ساره وهي تسحبه وتقرا اسم المتصل:حارس الشركه؟(عقدت حواجبها باستغراب)
ريناد:وش عنده داق الساعه 2 ونص الفجر؟
سديم بصوت مبحوح من البكي:هاتيه
مدته لها ساره:خوذي
سحبته وردت:الو
الحارس: اسف انسه سديم اني دقيت بهذا الوقت بس انا مضطر
سديم:لا عادي تكلم
الحارس:عندي ولد صغير من ساعتين وهو جالس بنفس المكان ويقول انه يبيك بس انا تذكرت اني شفته كم مره بمكتب
وقفت بصدمه وبهمس:مهند؟
الحارس بسرعه:ايه يقول ان اسمه مهند
سديم بخوف:وش جابه عندك وشفيه؟
الحارس:والله مدري
سديم:طيب طيب كلم الاستاذ حمد وخله يجي هذا ولده
الحارس بفهاوه:ولد الاستاذ حمد؟
سديم:ايه وانا بجي الحين مع السلامه
الحارس:مع السلامه
ريوف باستغراب:وشفيه وش صاير؟
سديم وهي تلبس عبايتها وتقولهم باختصار
ساره وهي تاقف وتمسك يدها:على وين انتي صاحيه تتطلعين بهذا الوقت؟
سديم:ايه لازم اروح اشوفه
ريناد وهي تاقف:ماراح نخليك تروحين لحالك بنروح معك
ساره:لا انتوا اجلسوا انا اللي بروح يلا
هزت راسها سديم وطلعوا
ريوف بصوت عالي:طمنونا
بــــيـــت ابــوســلـمــان
جــنـاح ســلــمان وحــلا
اخذ نفس ودخل وهو مصدوم صار يتامل حلا النايمه واثار التعب ظاهره عليها ""معقوله هذي انتي اه ليش ماقلتي لي ياربي وش اسوي"" مسك راسه بيدينه وهو يغمض عيونه بقوه
بـــيـــت خــالــد الــراســـي
دخلوا اميره وقمر وهن ساكتات لفت قمر لاميره وهي تبتسم:اميره ماراح انسى معروفك
ضحكت قمر بخفه وغمزت بعينها وهي تبتسم:ولو حنا خوات
ناظرتها قمر بتامل:اكيد
وكل وحده لفت لجناحها وهي تحس بشعور غريب بداخلها
شـــركـــه ابــوســديـــم
وقفت سياره سديم ونزلت بسرعه ووراءها ساره
اول ماشافها مهند راح يركض وضمها بقوة
سديم بخوف وهي تضمه:حبيبي وشفيك وشلون جيت هنا ابوك فيه شيء؟؟ط
بس قبل مايتكلم مهند وقفت سياره حمد ووراءها سياره وجد وسلطان ونزلوا يركضون
سحب حمد مهند بقوه من يدين سديم وضمه وهو يتمتم:الحمدلله الحمدلله
وجد و هي تصيح: يمه مهند ليش تسوي كذا فينا؟
مهند وهو يضم ابوه وبهمس: بابا قالي اطلع من حياتي..
توسعت عيون حمد بصدمه وبعده عنه وهو يمسكه من كتوفه:انت تتدري انك الوحيد بحياتي وشلون افقدك؟
مهند وهو يصيح:انا ماكنت اقصد بابا بس انا مااعرف بيت ماما ماااعرف الا شغل ماما سديم
كلهم لفوا لسديم وهو يناظرها بنظرات مختلفه عن بعضها
حمد وهو يوقف ويمسك يد مهند وبهدوء غريب جدا:انتي وش جابك هنا؟
سديم بخوف امتلى بقلبها خوف غريب: الحارس كلمني (سكتت شوي بعدين قالت بهمس) فيك شي؟
صرخ حمد بصوت عالي:ايه بعدي عني ماابي اشوفك بحياتي روحي لفلوسك و ومملكتكم روحي انا اصلا مااحبك ولا اطيقك انا بس كنت العب عليك (وبغررور وضحك باستهزاء) يعني من جدك انا بحبك انتي؟
قاطعته بصوت قصير وهي تبكي:خلاص لاتكمل (رفعت عيونها وناظرته بتامل)ةانت تكذب
انصدم انها فهمته على طول بس ضحك باستسخفاف:لا مااكذب والا ليش احبك لاانتي جميله ولا انتي مميزه انا بس كنت ابي فلوسك والحين هونت خلاص بكل بساطه بعدي عني
سديم وهي تشهق من البكي وصارت تنتقل بعيونها بين اختها ساره ووجد المصدومه وسلطان
ساره بقهر على اختها مسكت ذراعها:امشي سديم هذا مايستاهل دمعه وحده تنزل عليه
سديم وهي تتدف يد ساره بقوه:اتركيني (لفت لحمد وناظرتها شهقت بقوة) اذا كنت صادق الله يسامحك باللي سويته بقلبي بس انت وشلون هنت عليك وشلون؟
صرخ بنفس مستوى صراخها وبقهر داخله:كذا انا كذا بس هذي مشكلتك انك غبيه وصدقتيني (وباحساس صادق) ليش حبيتيني؟
ناظرت عيونه وبصراخ:انتتت الغبي لو عندي جواب كان ماوقفت هنا ااه ااه انت خسرتني ياحمد خسرتني للابد
نزل عيونه بالارض ورفعها:ادري
ناظرت عيونه بتامل ماهي مستوعبه اللي يصير
ساره بقهر وهي تمسك يد سديم:خلاص سديم امشي
هزت راسها سديم ولفت وجهها بس وقفت ولفت ناظرته ورمشت بعيونها بعدم تصديق ولفت ثاني مره وهي تمشي بااتجاه سيارتها
حس بان كل الوقت صار بطيء شد على يده وهو يردد داخله ""لاتتركيني لاتروحين انا اعشقك اعشقك لاتروحين""
سكرت باب السياره ومشت السياره
مشى لين وصل بوسط الشارع وهو يشوف السياره بعدت خلاص نزل على ركبه ودموعه تمشي على خده
.... شعور صعب انك تكذب على اللي تحبه عشانه تبين له انك مااتبيه وانت بداخلك العكس لسانك ينطق شي وقلبك شي ثاني شعور انك تتخلى عن اللي تحبه عشانه هو ....
شعور انك تتدري انه بيروح لغيرك بس مو بيدك تسوي أي شيء الا انك تجرحه عشان ينساك بس ياترى هذا بيفيد؟....
غمض عيونه باألم ""يعني خلاص بتصيرين لغيري انتي الحين مخطوبه له بتنسيني؟""
بــــيـــت ابــوضــاري
نـــوف
كانت ماسكه بيدها ورقه صغيره وابتسمت:انتي متاكده ان هذا هو العنوان؟
المراه:ايه اكيد وش تامرين عليه؟
ابتسمت بخبث:قمر
سكتت المراه شوي بعدين قالت:50 الف؟
رفعت عيونها نوف لها:خلاص بس بعد ماتنفذين اللي اتفقنا عليه والاهم يكون عبدالعزيز موجود فاهمه؟
المراه:اكيد أي يوم تبين؟
نوف:بعد بكراا بنفس المكان اللي اتفقنا عليه
هزت راسها المراه واخذت الورقه وطلعت من البيت
ركت راسها ع الكنبه وهي تغمض عيونها ""اصبر ياعبدالعزيز وبوريك كل ثانيه ضحكت علي فيها""
بــــيـــت خــالــد الـراســـي
الــحــديـــقـــه
كانت قاعده قمر على العشب وتكلم فهد:وش بيسوي مشاري؟
فهد بهدوء:مدري ابوي مصر وهو رافض
سكتت قمر شوي بعدين قالت بهمس:وانت؟
فهد باستغراب:وش اللي انا؟
قمر بخوف:صدق بتتزوج؟
فهد بهدوء:ايه
توسعت عيونها بصدمه وبهمس:ايش؟
فهد:ايه بس ماراح اتزوج الا انتي
حست براحه وابتسمت:لاتخوفني ثاني مره كذا
فهد بابتسامه تخق وبهمس يجذب:تحبيني؟
ضحكت بخفه وهي تلعب باصابعها:لا ههههه
فهد وهو يغمض عيونه:فديت هالضحكه
قمر بخجل: فهد
فهد:عيونه وقلبه وروحه وش تامرين؟
ابتسمت قمر على خفيف:ان الله يخليك لي
فهد:ويخليك لي قولي امين
قمر:ههه امين
جـــنـاح عــبــدالــعــزيــز
كان منسدح ع السرير ويفكر بكلام منيره ويتذكر كل لحظه مرت عليهم مع بعض غمض عيونه باألم:ليش حبيتيني انا يامنيره انا مااستاهلك ااه ياربي صبرني وخل الكل يسامحني انا ابي افتح باب جديد بحياتي وبسكر كل الابواب اللي فاتت (وقف وطلع من جناحه وهو متجهه لمكتب ابوه)
مـــكـتــب خـالــد الـراســي
وهو يكلم بالجوال:هذي الساعه المباركه ياوليدي اكيد اتشرف انت تفضل وان شاء الله مايصير الا كل خير
انطق الباب ودخل عبدالعزيز واشر له ابوه يجلس تقدم وجلس ..
وكمل خالد كلامه:ايه ان شاءالله نشوفك اليوم مع السلامه (سكر الجوال ونزله ع المكتب وابتسم بوجهه ولده) هلا ياابوك
ابتسم عبدالعزيز:هلابك اكثر يبه
خالد:هلا
عبدالعزيز: ابي اشتغل معك بالشركه ابي ابدا من جديد
خالد بفرحه:هذي الساعه المباركه والله اولادي يشتغلون معي اكيد من بكرا تروح معي للشركه وكل شيء تحت يدك
ابتسم ووقف وباس يد ابوه:تسلم يبه والله يخليك لي
خالد بابتسامه:ويخليكم لي يارب ناد اميره بطريقك وانت طالع
وقف عبدالعزيز:ابشر (طلع وهو يصعد لفوق وطق باب جناح اميره)
اميره وهي تفتح الباب استغربت:هلا
عبدالعزيز بابتسامه بسيطه:ابوي يبيك تحت بمكتبه
اميره بخوف:ليش؟
عبدالعزيز:مدري (ابتسم) وليش عاد خايفه؟
اميره وهي تضحك بخفه:ههه لا عادي بس اول مره يعني
عبدالعزيز وهو يغمز بعينه:شكلها خطبه
فتحت فمها اميره بفهاوه:هاه أي خطبه وشلون؟
عبدالعزيز:ههه مدري بس يوم دخلت سمعته يكلم وواضح من كلامه انها خطبه
اميره بارتباك: ااف ياويلي
ابتسم عبدالعزيز:انا رايح توصين شيء؟
اميره بابتسامه:لا سلامتك (صارت تتامل عبدالعزيز وهو يمشي على طول دخل قلبها وكانه عايش معهم من انولد مو من فتره بسيطه) عبدالعزيز
لف لها عبدالعزيز باستغراب بدون مايتكلم
اميره بابتسامه واسعه:مشكور
ابتسم عبدالعزيز:ماسويت شيء
هزت راسها اميره وهي تنزل لمكتب ابوها
بــــيـــت ابــوفــهـــد
ابتسم فهد وهو يسكر الجوال وقف ""اعشقك ياروحي اعشقك"" لف وهو يتامل صورتها بالجوال ومبتسم فجأه حس انه صدم احد رفع راسه وشاف نجوى بنت خالته نزل راسه بسرعه:اسف (وكمل مشيه بعدم اهتمام وهو يرجع يتامل صورتها)
تنهدت نجوى براحه وابتسمت بخبث ""بتكون لي قريب يافهد قريب""
بــــيـــت ابــو ســلــمــان
جـــنــاح ســلــمـان و حــلا
كان منسدح على بطنه على السرير وهو يتامل وجهها وهي نايمه ومعقد حواجبه ""معقوله هذي انتي قدامي ياحلا هذي انتي كنتي قدامي طول الوقت ولا حسيت تصدقين انك تقريبا زي ماتوقعت""
نزت بسرعه من السرير وهي معقده حواجبها:وشفيك تناظرني كذا؟
تنهد وهو يتعدل وينسدح ع ظهره لانه استوعب انها صحت قال وهو يحاول مايبين ارتباكه حرك كتفه بعدم اهتمام:ولاشيء (لف وناظرها بعمق)
ارتبكت بقوه من نظراته صدت عنه ودخلت الحمام
ابتسم على جنب""طيب ياحلا تبين نلعب هذي اللعبه بنلعبها لعيونك"" تنهد وهو يقوم من السرير
بـــيــت خـالــد الــراســي
مــكــتــب خـالـد الــراســي
طقت الباب اميره بتوتر ولما سمعت صوت ابوها وهو يقول تفضلي دخلت وبهدوء:مرحبا يبه
خالد الراسي بابتسامه:اهلين حبيبتي اقعدي اقعدي
قعدت اميره بتوتر واضح:عبدالعزيز قالي انك تبيني؟
خالد الراسي وهو يتراكى ع المكتب وابتسم:ايه حبيت اشاورك بموضوع
اميره بخوف:وشو؟
خالد الراسي:الدكتور رامي خطبك وطبعا انتي تعرفينه اكثر مني يعني مااحتاج اقولك من هو ولا ايش صفاته هاه وش قلتي؟؟
اميره بسرعه:اا
قاطعها خالد الراسي وهو يحط يده قدام وجهها:لاتكملين فكري واستخيري بالاول بعدين تعالي لي
بلعت ريقها بتوتر هزت راسها اوقفت بس قبل ماتاصل الباب
خالد الراسي:اميرى
لفت لابوها بتوتر بدون ماتقول أي كلمه
ابتسم خالد:تراه ماينرفض يابنتي وانتي فكري زين
هزت راسها اميره بايجاب وطلعت واتجهت للحديقه قعدت ع اقرب كرسي وهي معقده حواجبها بقلق وتوتر
كانت قمر تمشي عقدت حواجبها وهي تشوف اميره جالسه وباين التوتر عليها اتجهت لها وركت يدينها ع الطاوله:فيك شيء؟
رفعت راسها اميره لقمر وهي تتاملها تنهدت:قمر
قمر باستغراب:هلا
اميره وهي تاخذ نفس عميق:لو خطبك اللي تحبينه بس (صدت لجهه المسبح)ىبس حياة انسان بينكم يمكن تتدمرين حياة كامله بسبب هالزواج بتوافقين؟
سكتت قمر شوي بعدين ابتسمت:شوي شوي عشان افهم(سحبت الكرسي واجلست) قولي لي السالفه من بدايتها لنهايتها
هزت راسها اميره وبدت تقول كل سالفتها من بدايتها لين نهايتها
بــــيـــت مــنـــيــرة
كانت جالسه ع درجه الباب وهي لامه رجولها لصدرها ومركيه راسها ع رجولها""علمني وشلون اكرهك علمني امحيك من قلبي وبالي وتفكيري اااه بس انت بديت فيني من ولادتي وشلون بطلعك الحين قل لي وشلون""بهمس:وشلون؟
جلست امها جنبها وهي تمسك يد بنتها وتبتسم
نزت منيره وناظرت امها: يمه
لفت لها امها وهي لسى مبتسمه:من ولدتك وانا خايفه عليك ودعيت ربي اول مامسكتك انه مايحسسك بضيق ابدا بس (ناظرت بنتها بالالم) نسيت ادعي انه يمسك قلبك ااه ياليتني ماخليتك تضحكين معه ولا تسولفين معه ولا حتى تلعبين معه ياليتني حافظت على قلبك بعيد عنه
قاطعتها منيره بصدمه: يمه انتي تتدرين ؟
ابتسمت وشدت على يد بنتها:وشلون ماادري وش اللي قاعد يصير بقلب بنتي الوحيده؟
ناظرت منيره امها بالالم وتجمعت الدموع بعيونها وضمت شفايفها
ناظرتها امها:لما مات ابوك وجيتي لأمي وانتي تبكين (مدت يدها ومسحت دموع بنتها) مسحت دموعك ومسكتك من كتوفك وقلت لك
قاطعتها منيره وهي تتذكر كلام امها:لاتخليني اشوف دموعك هذي تنزل على احد رحل من دنيتنا اللي رحل نودعه بقلبنا وندعي له ونحاول نذكره بالزين و(شهقت ) ونطلعه من قلبنا عشان ااه ااه عشان مانتالم
بكت مع بنتها وضمتها بقووه:بس طلعت غلطانه غلطانه لاانا قدرت انسى ابوك ولا انتي قدرتي تنسينه ولا حتى تنسين عبدالعزيز
شهقت باألم لما امها ذكرت اسمه:ياليتني يايمه اقدر ادخل يدي بقلبي واطلعه بس مقدر يمه مقدر ااه ااه
شهقت مع بنتها وهي تشدها لها بقوة:مقدر استحمل اشوف دموعك انتي الشيء الوحيد اللي بقى لي بهذي الدنيا ولا راح اسمح لعبدالعزيز ولا غيره انهم يجرحونك
شهقت وهي تضم امها ""خلاص يايمه هو جرح وخلص"" غمضت عيونها بقوة
بــــيـــت فـــواز
انطق الجرس وصارت نور تركض
ام فواز:هيه يابنت وين رايحه؟
نور: يمه هذي البقاله انا طالبه
ام فواز:ايه روحي
راحت نور تركض وفتحت الباب(لانو اللي يوصل الطلبات ولد صغير عمره 11 عشان كذا نور متعوده تفتح الباب له بدون غطاء) كانت منزله راسها:كم قلت لي الحساب ؟
كان منصدم من هالحي ويتلفت يمين ويسار لين انفتح الباب رفع حاجب:وانتي متعوده تتطلعين للبقاله كذا؟
رفعت راسها بخوف وهي تسمع صوت رجال ولما طاحت عينها بعينه شهقت بقوة ""لحظه هذا اللي بيت قمر"" وبدون شعور:انت؟
ابتسم على جنب وهو يناظر لها :ايه
استوعبت وناظرت الباب بعدين ناظرته وصفقته بوجهه بقوة
ناصر وهو يبعد وجهه ""ااف حشى مو تسكيره"" ابتسم وطق الباب:انا ابي فواز اخوك
كانت متراكيه على الباب بصدمه ثواني وراحت تركض لداخل وصعدت فوق وهي تتطق باب غرفه فواز واول مافتح:فيه واحد يبيك تحت
ناظرها باستغراب:طيب جهزوا القهوة
هزت راسها وهي تمشي بقهر دخلت المطبخ: يمه يبون قهوه وشاهي
ام فواز باستغراب:ليش من جاي؟
نور بقهر وهي شاده على شفايفها:مدري (لفت وجهها وراحت لغرفتها)
بـــيــت ابـــوفــهـــد
مشاري بهدوء وهو يتامل عمه وابوه وجدته وعماته والبنات وبالذات مها
ابوفهد:وشفيه يامشاري مجمعنا اذا كان على موضوع خطبتك ترانا انتهينا منه
تنهد وهو يرجع ظهره للكنب:لا ياعمي ماانتهينا انا موافق اتزوج
الكل انبسط ماعدا البنات ومها اللي ظلت مصدومه كان ودها توقف وتتطلع من المجلس بس بيشكون اهلها اكيد
ابوه:زين خلاص
قاطعه مشاري:لا مو خلاص بس انا مابي البنت اللي انتوا اخترتوها انا ابي وحده ثانيه
عقد حواجبه ابوفهد باستغراب:من؟
مشاري بهدوء عجيب:بنتك مها
رفعت راسها مها بصدمه لمشاري ماتتدري كيف توصف احساسها شعور غريب صدمه يخالطه فرحه ممزوج بخجل
ابوفهد بفهاوه:مها؟
مشاري:ايه الا اذا كنت ياعمي ماتتشرف فيني
ابوفهد بسرعه:لا ابد انا اللي مربيك اصلا بس يعني مصدوم
وقفت مها وطلعت من المجلس بعجل
سكت مشاري شوي بعدين قال:هاه ياعمي؟
دخل فهد باستغراب:وشفيها هذي تركض وشفيكم؟
ام فهد:مشاري خطب مها
سكت فهد وابتسم على جنب وناظر مشاري:ايه مبروك
ابوفهد بابتسامه:انا موافق ولي الشرف
سكت مشاري شوي وابتسم ولف لابوه:وانت يبه؟
ابوه بابتسامه:اكيد موافق ياولدي
هز راسه ووقف:اجل خوذوا راي مها وردوا لي (طلع بسرعه ووقف بالحوش وهو يدخل يدينه بجيبه""واخيرا بتكونين لي يامها بس اااه ياترى انتي تحبيني من قلبك والا لا"" فتح باب الشارع وطلع )
بـــيـــت خالــد الــراســـي
الــحــديـــقـــه
سكتت قمر بصدمه وهي تتنهد: مدري وش اقول لك بس انتي متاكده انه ولده؟
عقدت حواجبها اميره باستغراب:فيها شك يعني؟
سكتت قمر شوي بعدين قالت:يمكن لانو يعني هي من قبل لها سوالف اه مدري
سكتت اميره ثواني بعدين قالت:انا احبه بس خايفه اخرب حياة انسان ماابي هذا
الطفل يعيش مشتت بسببي
سكتت قمر شوي بعدين قالت بسرعه:اطلبي من ابوي انك تقابلينه واسالي وتاكدي بعدين فكري
ابتسمت اميره بذهول:قمر قلتي ابوي
ناظرتها قمر باستغراب:ايش (عقدت حواجبها باستغراب وقفت على طول) ايه باي
ابتسمت اميره وهي تتامل قمر ""الحمدلله لك يارب انك رزقتني بااخت زي قمر""
بــــيـــت ابــوســديـــم
جــنــاح ســـاره
ساره بقهر:قسم منقهرة على اختي وانا اللي على بالي انه يحبها قسم كلامه ينرفز
ريناد بضيقه:ياعمري ياسديم تلقينه مصدوم
ريوف بزعل:مو معقوله كذا (وقفت وهي تتمشى بالغرفه)يعني بنات فكروا بمنطق يعني كذا على طول (تنهدت) مدري بس الموضوع مو داخل راسي ابدا لو كان كلامه صدق كان كمل صح (ناظرت خواتها) لو انه صدق يبي من سديم مصلحه كان خطبها على الاقل راح يحصل شيء اما كذا مااستفاد أي شيء
سكتن ساره وريناد وناظرن بعض شوي بعدين قالت ساره:اا هو صح بس يمكن انبه ضميره؟
ريوف: لا انا احس الموضوع اكبر من كذا
ريناد باستغراب:يعني وش قصدك انه مجبور يسوي كذا ؟
ريوف بحيره:يمكن
ساره بقهر وانفعال: وش اللي يجبره يسوي كذا ويجرح اللي يحبها لالالا انا هذي السالفه مو داخله بالي
تنهدت ريناد وبدون شعور: الحب يعور
ناظرن لها خواتها ساره بنفس انفعالها سحبت ريناد من بلوزتها:لايكون انتي بعد تحبين هاه لا ياماما لاتصدقين كلام الحب ومدري ايش تراه كله كذب كذب مافيه حب فيه زواج و بس فاهمه؟
ريوف وهي تسحب ساره وبعصبيه خفيفه:ساره وشفيك ماقالت شيء ريناد(لفت للريناد وابتسمت)
سكتت ريناد ووقفت ولفت لساره والدموع بعيونها:لو كل واحد ياساره يملك قلبه كان مامات روميو عشان جولييت (وبصوت عالي شوي) لو كان كل واحد يملك قلبه كان قيس ماصار مجنون بسبب ليلى لاتقولين لي لا تحبين لانه مو بيدي مو بيدي (لفت وجهها وطلعت من الجناح)
ساره بقهر وهي تاقف:هالمجنونه
مسكتها ريوف:ساره وشفيك اهدي
ساره بقهر:ماتسمعينها وش تقول روميو وليلى ومدري من فهمها ها الخرابيط
ريوف بابتسامه:انا ادري انك منقهره عشان سديم ولا ودك وحده منا تنجرح عشان أي شخص بس هذا شيء مو بيدينا ولا حتى بيديك تمنعين اللي يصير
تنهدت ساره وقعدت:يمكن سديم بتتحمل وبتقدر تعدي بس (رفعت راسها وناظرت ريوف ) ريناد ماراح تقدر تستحمل لو صار لها أي شيء اعرفها يمكن تموت
ريوف بسرعه:بسم الله عليها لا ان شاءالله ماتكون تحب ولا شيء
ساره وهي تصد وبصوت قصير:ياليت ياليت
كانت ريناد واقفه عند باب الجناح وسمعت كل اللي صار غمضت عيونها ""ياليتني ياساره ماحبيت ياليتك ياساره طلعتيه من قلبي من زمان بس هو صار بكل شيء بدنيتي كل شيء والمشكله انه مايدري عني "" تنهدت ومشت باتجاة جناحها
شـــقـــه تــركـــي و وســــن
الـــصـــالــــه
وقف تركي بضجر وعصبيه من الحياه اللي عايشينها ""خلاص مقدر اعيش كذا اكثر"" اخذ نفس واتجه لغرفة النوم فتح الباب بقوة
نزت وسن بصدمه وناظرته باستغراب:وشفيك؟
حس كل الكلام اللي كان بيقوله اختفى فجأة بس بنفس الوقت جته فكره اليمه غمض عيونه بتعب بعدين رجع فتحها وبهمس تعبان:عندك بروفين؟
وقفت وسن واتجهت له بخوف:ليش يعورك شيْء؟
هز راسه تركي سوا نفسه انه حس بدوخه وتركى ع الباب
شهقت وسن بخوف وحطت يدينها على صدره:يمه فيك شيء ( مسكت يدينه) امش انسدح هنا
هز راسه وانسدح وهو يتنهد
حطت يدها على راسه:ماعليك حراره وش تحس فيه؟
تركي بهمس:دوخه وغثيان ومغص
وسن بخوف:طيب بروح اجيب البروفين ثواني (وراحت تركض)
ابتسم بقوة""والله اني ذكي"" ولما حس انها جت رجع لتعابير المرض والارهاق
مدت له الحبه وكوب الماء
سوا نفسه انه مو قادر يتحرك
مدت يدها بسرعه تحت راسه ودخلت الحبه بفمه وشربته الماء:بروح اسوي لك شاهي (لفت وجهها)
بس مسك معصمها بقوة وبهمس:لاتروحين
لفت له وهي تبلع ريقها:هاه؟
تركي وهو يتضيعف:لاتروحين اه وجودك جنبي يكفيني اقعدي
فتحت فمها تبي تتكلم بس حست مافيه شيء تقوله تنهدت وهزت راسها وقعدت ع طرف السرير وهو لسى ماسك يدها وحاطه على بطنه وغمض عيونه
صارت تتامله على بالها نايم قالت بهمس:تركي نمت؟(ولما مالقت منه أي جواب تنهدت) ليش تسوي فيني كذا تشدني لك وتبعدني ااه مرات اقول اطلع من حياتي ومرات اقول وشلون بعيش دونك (هزت راسها وهي تصد وبنفس الهمس) وياليتني اقدر اقول هذا الكلام وانت صاحي بس خايفه
بلع ريقه بتوتر ""وانا اللي على بالي انك ماتحبيني ااه""
#يــــتـــبــــع...