شنوو😳 .... شنوو الشنو ي بت تتزووجيني ..... محمد😭😭..... ي روح محمد تتزوجيني ? ...
(دنقرت وابتسمت وهزت ليه ب راسه انهااا موافقه ...... محاااسن مدسيه ورا الباب وجات دااخله تزغررد )
ايووووي يووووي يوووي ........ هههههه اي ي محااسن فالحه ف دا بس ........ ابشر ي محمد اخوي ابشررر(دا عصاام مدسي مع محاااسن طبعا)
😂...... اوووو الناس دي كلهااا شكلها كانت ورا الباب 😂✋🏻........
هههههههه اي يااخ كلنا سااامعين ولو م قالت موافقه كاانت ادقت هنا ..... منو البقدر يقرب منها وانا حي 😌✋🏻....... احم احم امسكوو قيس دا بلاي امسكووو م يجن فينا هنا
....كدي ي ولد تعال دايرك .... كووويس جاايك يلا يلا ي بنات الزغااريد م تقيف .... عصام .... احكي ي فرده ....... انت بجد بتدور محاسن خلينا صريحين ...... كيفن م بدوره وجيت نضمت فيهاا ..... محاسن دي اختي الوحيده يعني انت شلت روح البيت يعني لازم تخليها مبسووطه طول العمر م داير اشوف دموع اختي انا تاني كفاايه الشااافتو اكبر من عمرها ....... والله ي محمد اختك فوق راسي دا من فوق م تشيل هم اصلو ..... تسلم ي ملك ود رجال والله .... افووو ي زول دا كلامك😂😂..... ولي طلب اخير عندك .... هوي انت كمان عشااان قلنا فوق راسي وبتاع اختانا يااخ ....... هههههه ي جني اسكت واسمعني .... اها سامعك ي محمد سااامعك........ البت دي لازم تكمل جامعه ..... اصلا ح تكمل جااامعه وتبقي لي احلا طبيبة مختبر ...... بس دا الكلام .......ارح كدي علي السووق نجيب حاجاتنا ونمشي الحله
(محمد وعصاام فاتو وامونه ومحااسن من الفرحه بضحكو ويبكوو ف نفسس الزمن )
حسوونتي تعالي سرحي لي شعررتين ..... ههههههه قلتي اخير كدي ..... انا م عايزه اتغيرررر خااالص حيااتي كانت احلا زي م كنت ...... والله م قلتي الا الحق نحن كدا احلا ي اختي ...... الحمدلله انو وعينا سررعه ..... سرعه شنو وف موت حصل ي بت امي 😂 ....... ههههههه خلاص خلاص قفلي خشمك ..... سمح تعالي نسرح ليك
....
(تاني يوم الصباااح جهزو الحال و فاتو كريمه وبيتو وصبحوو مقبلين علي الحله وصلوو العصيررر كدا والاهل منتظرنهم ب شوووق ولهفه وبدا السلام والبكي والاحضاان الدافيه الفقدوهاا وودعوهاا قبل سنه وزغاريد الفرح لمت ككل الحله ... دخلو الديار وشاااي المغرب بالزلابيه من يد خااالتوو فاااطمه ليه طعموو واتلمو كلهم ف ضل القمره وونسه وضحك وف عز الونسه محمد كلم حاج الطيب انو عايز امونه وحاج الطيب ب كل فخر اداه وقام اخدلو عرضه كدا حقت فررح وعصااام طلب زولتووو وحددو العرس ف يوووم واحد بعد شهررر )
(حسونه وامونه ف التكل وبتونسو كالعاده )
امونه م مبسووطه انك ح تبقي عروس? ..... ههههه قايتو انت ي حسونه ...... شنو ال ي حسوونه باقي للعرس اسبوووع بس ...... انا والله م عارفه م حاسه اني مبسوطه ..... لي ي بت بسم الله ..... اسي ابوي قايلني خلصت سنه اولي 😔 م عارفني سجمانه سااي سمستر م قريتوو ...
(محمد سمعه وجا داخل عليهم )
المخلي مرتي م مبسوووطه شنووو طيب تاني منووو البكوون مبسووط .... محمد انت هنا يعني .... انا متين م بقيت هناا ي امونتي بس عليك الله فكي وش الحزن دا اسي م فااتت حاجه نتزوج واوديك تكملي قرايتك كلهااا وانا جمبك ومعاك ...... بجد ي محمد ح اكمل .... وانت فاكره شنووو ...... تسلم لي انت ي اخوي تسلم لي ..... اخوك ??😂...... هههه اخوي اي وسندي وابوي وزوجي كمان 😻....... حبيبت زوجك والله ...... يلا دقيقه دقيقه ناولوني منديل عليكم الله مشااعري ..... هههههه هو انت ي محاسن عندك مشاعر بلاي 😂😂....... لالا عندي كلتوم 😒..... بتتظارفي كمان ...... محمد اختاني ..... ابيت م بختاك دايره تسوي شنوو .... بكلم ليك ابوي ...... ههههه عليك الله عان المره دي اسبوع وتعرس وبتقولي اكلم ليك ابوووي....... هي عااد دايره اكبرر علي النقاار معاك كمااان
(عدا الاسبووووع بسررعه والعروستين جهزو امونه كانت لابسه توب احمر ومحاسن وردي والناس كلهاا مبسوووطه وخالتوو فااطمه م وقفت من البكي والزغاااريد اما حااج الطيب ف شاايل عكااازو وف النص الداائره يعرررض والحله كلهااا ترقص😂 .... انتهت الحفله وعملووو الجرتق وبااتو ف الحله وتاني يوم الصباااح قبلوو علي الخرطوم
يووومين بالكتيرر وصلوو واجرو شقه هم ال4 وياداب داخلين عليهاا)
م شاااء الله والله ي محمد الشقه م فيهاا كلام ..... اي كبيره 4 غررف وصاالات سمحه شديد ...... دا بيتنا يعني ...... ههههه اي ي اموونه دا بيتنا ........ نحن الله م كاتب لينا نفترق ي امنه ...... وان شااء الله م يكتب ي حسوونه لاني م بقدر اعيش من غيرك والله ف الدنيا دي ....... وانا شنوو طيب مدام م قاادره تعيشي بدونه ..... هههههه انت بالنيني ........ ايواا كدا صاااح ...... هههههه كدي ارح نغير ملابسنا دي ونرتاح من السفر الطويل دا
( استحمو وغيرو وطلبو اكل
اتعشووو ورقدو )
امووونه .......
عيون امونه .....انا م عارف عملت شنو ف دنيتي دي عشاااان ربنا يديني انسانه زيك ...... والله ي محمد انا المااا عاارفه عملت شنوو عشان استااهلك بجد انت ماافي منك 2 والله ....... انا بحبك والله ...... وانا بموووت فيك ..... لا قولي لي بحبك ي محمد ..... هههه طيب بحبك ي محمد .....ي الله اموت انا ي نااس اموت ...... بعد الشر عليك حبيبي ...... ي روح حبيبك
(قضوو شهر حوامه وفسح وطلعات من السينما ل المووول ل الحدايق ومروو ع كل الكاافيهااات م قصرو 😂 وبعد الشهر دا الجامعه فتحت رجعو وسجلووو ليهم عشااان يكملوو دراسه وامونه كانت حاسه انو قلبهااا رجع يدق من جديد ب هوس الطب بدون اي فاارغه تاني ومحمد جهز ليهم غررفه للدراسه ومكتبه وبساااهر مع اموونه ويحرص علي تفووقه وهي بدورهاا كانت اولي الدفعه دايما وكل شهااده بترسله ف لوووري الخزين ل ابوهااا يشوووفه وحاج الطيب كل م تصلو نتيجة امونه امتياز بسجد ل ربو شكر وكان فخور بيهاا وحسه بجد انوو تربتو م ضااعت علي الفاضي وبقي يدعي باقي اخوانه يسلكوو دربه وتبقي ليهم قدوه حسنه )
(بعد مرور 3 سنين امووونه ولدت وجابت ولد سمتوو الطيب😻 وحسووونه جابت بت وسمته امنه 😻 والفرررحه م ساايعاهم ..... مرت السنين ومحاسن اتخررجت وجابت ولد تاني واموونه تمت السنتين ديك واتخررجت اولي دفعةة طب جامعه الخرطووم واهله كلهم جوو وحضرووووو التخررريج وطلعو معااهاا ابوها وامها ف المنصه استلمت شهاادتهاا وبااست راسهم وحاج الطيب من البكي عيونو صغرو 😂😂 )
اموونه ي بتي والله انت فخري دايما وابدا
........ مش قلتلك ابشر ياابا فوق الشينه بتك م بتختك ...... حااشاك انت الشينه ي بتي والله ...... بس دقيقه ياابا ( نادت محمد ومسكت يدو ) والله ي ابوي الفضل بعد ربنا ل محمد هو الكان سندي وقوتي ووصلني للمررحله دي .....محمد ود رجال والله وولدنا تب ربنا يحميه
( محمد قشقش دميعااتو وسلم علي راس عموو الطيب ومرتو وفااتو علي الحله ....وحاج الطييب من فرحو شهر بس وقوم ل امونه عياده ب اسمهاا وبقو شغالين فيها هي ومحااسن وعملوو ف الحله بيوووت خلاص ب زراايبه والغنم ورجعوو للحلب والعيشه الطيبه وورد الموويه وشااي المغرررب مع الاهل والونسه الكلهااا طيبه وتحنان )
ي بت اموونه مااشه وين ..... ماااشه ي امي العب مع الطيب ود محمد ..... سمح قولي ل امنه بجيكي بالفطووور .....سمح بقولهااا .......(دي بت حسوونه كبرت خلااص وبقت تمشي تحووم كمان 😂😂)
محمد لما تكون جاي من الشغل اغشي لي امي جيب لي منهاا سمن ...... انا كان م جبت ل حبيبتي اجيب ل منووو تاني ....... ههههه انت ي راجل بعد العيال ديل كلهم بتحبني .......هي هم 2 بس م تنشفيهم علينااا ههههه والبخليني م احبك شنووو بس اطمني انا ح احبك ل اخرر نفس ف حياااتي .......... ربناا يخليك لي ي رب ...... ويخليك لي ي مرتي الحلووه
(ربنااا يديم سعاادتكم محمد وامنه )
....انتهت بحمد الله ....