#اريد_ان_اعيش
السابع
بقلمي نوره
نور ... بلحظتها مفكرت بس بنفسي مااعرف خفت على روحي من شفت امل بهالحاله ..
ماادري خفت منه هو ..
گتله اي والي اعرفه الحضانه الي اني
يعني اكدر اخذهم بس خلي اطلع من هالسجن
الي بي اني ...
حضرت كل شي وقسيت على قلبي
السنين الي قضيتها ويا علاء تعبتني كلش
عنف اهمال تهميش صدمه غيره
كلشي آثر عليه ..
من شفته يهتم بالاطفال واخته هم تريدهم مخفت عليهم ابد ..
وكلت اكيد يجي يوم واخذهم ..
مابوستهم ولاحضنتهم اكره لحظات الوداع
بقوا يم عمتهم بغرفة احمد واني انتظر علاء اجاني اباوعله متعوب واكتافه محنيه من التعب لحيته طولانه .. وجبينه عرگان
باوع بعيوني هذا التردي مو ؟ درت وجهي معبرته ولارديت
كال مو والله تندمين
گتله خليني اطلع من سجنك خليني اعيش حياتي مثل البشر
علاء -مو هي دااحاول اعيشج شبيدي بعد انت مداتساعديني
نور - مااريدك كتلك مليت من حياتي وياك
علاء - وهذا اخر كلام عندج وتتخلين عن اطفالج بالله اني اولي لان منتهي بالنسبه الج اعرف
نور -شوكت نطلع
علاء - امشي يله هسه
نور - رحت وراه .. رآسا صعدت بالسياره وره ..
صرت اقنع روحي اكرها اكره الجهال وهنا وكل شي
كلما تصد عيني اله بالمرايه ... ياخذني الحنين اله واحس احبه ..واشوف الحب والتعب بعيونه
بس اقوي نفسي واكو لا مااريده خلي
ارجع لوضيفتي وبعدين اخذ
الجهال ..
طول الطريق محجينه شي وصلنه اصريت انزل
واريد اشوف الحياة بدون علاء شونها
بعد مرور شهر كامل بقيت هناك .. رجعت لبيت ناظم اخويه نزلني علاء وراح بدون ميحجي حتى وي اهلي واني بدون مااودعه او اباوع اله دخلت سلمت وامي فرحت بيه استغربت كالت وين الجهال گتلها بقو يم ابوهم .. كالت خيركم سكتت
روى كالت جايه زعلانه گتلها اي
كالت لعد الجهال شون امنتيهم هناك شون كدرتي تعوفيهم ..
كتلها تعبت صار شهر حابسني بالبيت تعبت مليت اني بعد مااتحمل
روى... يانور انت مو طفله وتعرفين وتفتهمين انت تزوجتي شخص متزوج لازم تتحملين واطفالج شنو ذنبهم تتركيهم وتعيشين حياتج منو يتحمل اكو جهالهم ميتحملوهم يتحملون جهال غيرهم
ع العموم نور هلا بيج بينه باي وقت واني موقصدي ضايجه منج وانت تعرفيني بس انقهرت على الجهال واني حييل احبهم ..
نور -كعدت افكر بكلامها واقنع نفسي ممهتمه حضنت امي بوستها كتلها وين رقيه كالت اخذتها امها يايمه والبيت عارضينه للبيع .. گتلها يا اشو محد حجه كالت ياامي بعد هالايام عرضو گتلها ها خوش
كمت اتلهه سبحت وبدلت اساعد روى
بس اريد انسى اطفالي وعلاء بس ميروحون من بالي وفكري
اجه ناظم وتفاجأ وين الجهال كتله بقيتهم هناك وجيت زعلانه
كال شنو صار كتلج علاء
هو صح ضربني بس اني جنت غلطانه فشرت عليه
جاوبت حازم كتله لا
كال لعد مجوعج
كتله لا بس مااتحمل اعيش وياه بعد مو عادل ويايه
ناظم .. وجهالج تأمنين عليهم هناك
نور - لااخذهم فتره وارجع ارفع قضيه واخذهم منه
ناظم -نور علاء خوش ولد تره ميصير هيج انت تحملي موطفله انت
نور-سكتت شحاجي رحت للغرفه خابرت احلام وظلينه نحجي وكتلها عفته كالت اي زين سويتي يولي هسه متكليلي شنو
كتلها ولج جهالي ظلو هناك
كالت خلي يحير بيهم هو وبعدين اذا تزوجتي حيدر هو يتعهد بتكفلهم وتجيبيهم يمج ..
نور . ههههه ولج شبسرعه اتزوج حيدر
احلام -داومي باجر خوش
نور -ههه اكيد
_____°°°°_____
علاء ... متوقعتها تبيعني هيج ابد ومتوقعت نفسي متعلق بيها الهالدرجه ..
من گلتلي اختي بلي سوته بامل وهي جانت هذا علاجها .. عصبت بس ماردت اضربها رغم سمعت اشكال حجي من اهل امل .. على الي سوته نوره وتحملته اني
كل شويه اريد اكوللها لترحين ابقي ويايه اريد اتوسل بيها .. تبقى بس كرامتي مسمحتلي ومتوقعتها هيج ضايجه مني وعافت حتى الجهال وصرت اتسائل اني وين جنت عنها وهاملها معقوله هسه حسيت
رجعت للبيت وضايج كلش احمد دخلنا المستشفى وبقوا الجهال يم اختي وامل صحتها موتمام ومتريد حتى. تباوع بوجهي .. راحت لاهلها وبقت اختها يم احمد لان هي متكدر. .
°°°°__•__°°°°
نور ... يوم ثاني كعدت الصبح بدلت ورتبت نفسي وطلعت انتظر سيارة الشركه .. احلام كالت يجون عليج حيدر كايل الهم ..
وصلت السياره صعدت كلت صباح الخير ردوا عليه
صارت عيني بعين حيدر ابتسم الي خجلت ابتسمت وكعدت يمكن احلام كايلتله راح اتطلك
وصلنه للشركه ونزلنا مرينه بالحديقه اجه يمي حيدر كال ام حلا ممكن احاجيج
كتله اني اريد احاجيك واتاسف ع الي سواه علاء بيك المفروض يتشكر منك
حيدر -لابالعكس لتعتذرين بداله انت ابد
بس انت شون عايشه ويا زين سويتي عفتي هزيت راسي وبداخلي مااسمحله يحجي عليه
كتله من رخصتك .. ورحت للشغل
مرت كم يوم اداوم وهو يجي يسأل عني لو يجيب الي اكل لو يكول شمحتاجه ..
بالسياره مينزل اله اني انزل ..رغم بيتهم قبلنه
احلام من اتصل بيها تكولي لج بس يحجي بيج
7
اني افكاري تخربطت بالي يم جهالي وقلبي يم علاء
وروحي تريد تعيش كافي ربطت نفسي بيهم هوايه
بس اني شدااسوي شون عفتهم هناك شونه حالهم هسه
علاء عيونه ونضراته وريحته شون افاركهم
صوت بداخلي يكولي مثل ماهو كدر يفاركج انت هم
تكدرين ..
بيوم الخميس .. داومت دوام عادي رجعت للبيت تغديت ونمت ...
حسيت اجت روى توعيني كعدت كتلها هاا شكو كالت علاء اجه وجايب الجهال ويا .. كتلهه هسه اكوم
كمت غسلت وجهي وشلت شعري سويته ذيل
ورحت الهم كاعدين بالصاله ... جتي حلا تركض الي ماما احبج حظنتها قوي وشميتها بس مابجيت الدمع مزاعلني ابد صايره قاسيه وبدون احساس
يسر عند امي اخذته حظنته امي طلعت بقينه وحدنه اني وعلاء والجهال ... اني واكفه وشايله يسر وابوس بي وهو عبالك فرحان بشوفتي يضحك واسنانه مبينه علاء يباوعلي واني ابوس بيسر واباوع العلاء بنضرات خاطفه
علاء .. ها ماحنيتي
نور .. لا تتوقع احن الك
علاء .. مو الي للجهال ع الاقل
نور .. ضروري ابين احساسي
علاء ..نور كافي ارحميني والله مااكدر ع فراكج اكثر
نور .. هههه شون تحملت ذيج الفتره هسى تحمل
علاء .. زين مومشكله ابقي هنا وارجع الجهال بس شيلي فكرة الطلاق من راسج فدوه
نور .. ماكو تحملتك هوايه بعد مااتحمل
ولااعذر
علاء ..اعرف هواي اذيتج والله ندمان انت هم سامحيني قدري ضروفي المريت بيها
واللتمس لاخاك سبعين عذرا
نور .. امم تبقيهم يمي الليله لوتاخذهم وياك
علاء .. شنو تطرديني
نور ..لاادااسئلك
علاء ..اذا ترديهم بقيهم واذا مترديهم عادي اخذهم ويايه ..
نور .. لااريدهم طبعا
علاء .. اوك اني طالع باجر العصر اجي عليهم
____..
نور .. مرت الايام وكل خميس علاء يجيبهم يمي
والجمعه ياخذهم وهم يكولي امشي ويايه اريدج ومن هالحجي حسيته تندم اكوله وينك قبل ليش مجنت تجي كل اسبوع .. هسه من سويتهه صدك عرفت قيمتي
اما حيدر يوميه يجي يسولف وياي .. ويسالني شوكت تطلكين .. اكوله بعد هو ميقبل يطلك
... بفد يوم كعدنا نحجي كتله اريد ارفع عليه قضيه اخذ الجهال
حيدر .. لايمعوده خليهم يمه احسن
نور .. لاشون حيدر جهالي ذول اريدهم
حيدر ..باعي نور هو يتحمل مسؤؤليتهم احسن اذا لاسمح الله صار عليهم شي راح يجي يحجي عليج ويسويلج سالفه فالاحسن بقيهم يمه
نور .. بقيت صافنه بوجهه لعد وين حجي احلام
قطع لحظة الصمت .. وگال
باعي ام حلا اني اريد اعقد وياج صفقه اذا ممكن
نور -صدمني صفقتيش هي كتله شنو هي
حيدر - بس اتمنى متفهميني غلط ..
من وديتج المستشفى وطلعتي كلش انقهرت على الطفل وكأنما ابني .. وكع
الي اريده منج طفل يشيل اسمي
نور -مداافهم شتقصد وضح
حيدر -اريد ترجعين لزوجج هالفتره واذا حسسيتي نفسج صرتي حامل اطلكي منه .. ونتزوج اني وانت والطفل يصير باسمي اخذج ونروح بعد متخلصين عده محد راح يعرف شكد عمره علما يكبر نرجع اربع اشهر محد راح يلاحظ شگلتي ... ؟؟
يتبع ...
اسفه بنات صحتي مو تمام لذلك دااتاخر هذا الجزء قبل الاخير ومن اكتب الاخير انزله 😘