الساعه 5 في الليل وصلتها رساله فتحت عيونها لكن كانت نعسانه وماشافتها
اليوم التالي:
ناضت الصبح غسلت وجهها وتوضت وصلت ، خشت للدار مسكت فونها لقاته طافي
معالي:صباحو
ريم:صباح الورد
معالي:شن الجو
ريم:ماشي الحال
معالي: مال الزين مكشر
ريم:ماكنه شي ياعيت بلمر
معالي:غير كنك بجديات نحكي
ريم:فوني طافي ونبي شحن والشحن عند عماد
معالي:اي وخوذي منه الشحن
ريم:بايت في الأستراحه كيف بنوصل له
معالي:كلميه
ريم:ماه فوني طافي يا عبيطة
معالي:كلميه من فوني
ريم:تحكي جد
معالي:اي جد
ريم:نجك لي يا احلى بنت عم زوج مستقبلي في العالم
معالي:وليا نجك يا أحلى مطرشقه في العالم
ريم:قصدك انا مطرشقه
معالي:أها انتي وحتى عماد قالها
ريم:قصدك تعاودي في كلمه عماد آمس تي باهي باهي يا معالي
معالي:😂😂
ريم:هاتي الفون وياسر ضحك تو يهرب عليك النفس نقعدو نعانو
معالي: لك يؤبرني الله بخاف عليي
ريم:غير لا يا نانسي
معالي: لالا نا معالي عجرم
ريم@[230769177415064:11809::اممم] باهي مبروك عليك
معالي:هاكي امسكي وحتى نا بنشحن بعدك
ريم:اوك
ورنت ريم وطبعا عماد كان مايردش ع البنات بس لانه عارف رقم معالي بنت عمه فـ توقع انها ريم
عماد:صباحو
ريم:صباح الفل اسمع نبي شحن ضروري
عماد:غير خيرك مستعجله ادوي وحده وحده
ريم:صباح الفل
عماد: صباحو جوري وتوليب
ريم:شوف عماد فوني طافي ونبي شحن
رد عماد باش ينرفزها: والمطلوب؟
ريم:نبي الشحن متعك
عماد:مافيش
ريم:مبردك والله نبيه ضروري
عماد:ماعندك من تكلمي
ريم:بلا براده نبيه مرات ماما تتصل
عماد:مافيش
ريم:علاش
عماد: ع شان مره ثانيه ماتسكريش الباب في وجهي
ريم:تي باهي معاش نعاودها بس اعطي ليا الشحن
عماد:نعطيه لكي لكن بشرط
ريم:موافقه عليه
عماد:تبيش تعرفي ايش هو الشرط
ريم:إيش هو
عماد:تتأسفي مني
ريم:ماصح وجهك
عماد:امالا هي سلام
ريم:آسفه
عماد:تأسفي مره ثانيه
ريم:آسفه
عماد:ماسمعتكش كويس
ريم:آآآآآآآآسفه
عماد:تو هكي تمام ح نجيبه لكي
ريم:اوكي دزه بسرعه مع اي عيل
عماد:لالا أنا جاي بنشيل الفطور أصلا
معالي: رصيييييييييييييييييدي
ريم:اوك سلام
معالي:كملتي لي الرصيد وانا مستخسره الهدرزه في روحي باش يكملش
ريم:لو جت في الرصيد نعبي لكي كرت 5
معالي:إنلاا نبي كرت 10
ريم:تحسابيني مقعمزه ع بنك روما عدي حتى دينار مافيش
معالي: خلاص خلاص دزي لي شي او نقول لك دزي دينار
منار:خافت
ريم:إي هلبا
معالي: بسم الله الرحمن الرحيم انتي أمتى وعيتي
منار:مبدري شويه بس كنت متابعه بصمت
ريم:
معالي:اها اوكي نوضي هي خلي نضموا الحوسه بدال الضحك انتي وياها
ريم:نعدي نجيب الشحن من عماد قبل
معالي:اوكي
عدت ريم للمطبخ
عماد:معاي ثلاثه نفار
منيره:حاضر ياوليدي شويه ويكون جاهز
ريم:السلام عليكم
منيره&عماد:وعليكم السلام
ريم:صباح الخير
منيره:صباح الفل بنيتي
عماد:صباح النور
ريم:كيف حالك عمتي اليوم
منيره:كويسه الحمد لله شن حالك انتي رقدتوا كويس
ريم: الحمد لله رقدنا اي
ريم:إي عمتي نساعدك في شي
منيره: حطي معاي هاذو في السفره
ريم:اوك
وجهزو السفره وشالها عماد
ريم:عمتي بنمشي نشوف البنات
منيره:خوذي راحتك بنيتي الحوش حوشك
وطلعت ريم لحقت ع عماد
ريم:عماد وين الشحن
عماد:حطيته لكي في الصاله
ريم:اوكي عدي قبل يبرد الأكل
حطت الفون في الشحن
وخلاته وعدت تضم مع البنات
ريم:خلي ندير معاكم
معالي:كملناها الدار هاذي بس مزالت سندس راقده
سندس:انا نايضه خيركم
ريم:بنضموا الحوسه هو هذاك
سندس:الساعه كم
ريم:موش عارفه فوني طافي
سندس:معالي معالي نكلم فيك ياشكل معاااااالي
معالي:تي كنك الهم شن تبي مش تشوفي فيا لاهيه
سندس:الساعه كم
معالي:التسعه ونص
سندس:ليش مانوضتوني بدري وناضت تجري
وكملن ريم&منار&معالي حوسه هاذيك الدار
غسلت سندس وجهها وردت لهم
معالي:وجك وللصاله طول
سندس:شن بندير فيها الصاله انا
معالي:ضمي مع هدى وريان وأريام
سندس:اوك وطلعت
طلعن البنات لباقي الحوش ضموه ونشفوه
أما البنات اللي في الصاله لمن الحاجات اللي ع الأرض زي كبايات الماء واغلفه الشوكولاته المشروب وغيره لأنه الشغالات قدمن وروحن نظرا لبعد سكنهم
طلعت ريم ومعاها منار ومعالي للصاله
وبدن يضمن في الكراسي شالوهم ع جنب وكنسن الصاله
ومع الـ 10 ونص جو الشباب شالوا الكراسي للتشاركيه
منيره:يابنات هي تعالوا افطروا
ريم:نكملوا ونجوا
منيره:مش باهي هكي من الصبح ماكليتو شي
معالي:لحظات ونجوا
سيقن البنات الصاله والسور ودخلن دارن فطور وهدرزه
منار: عقبال في عرس ريمو
ريم:فتحت معاه الموضوع قال لي امي ماتقول شي بس امك ح تقول بنتي يادوبك سكرت الـ 18 وولدكم 23 مازالوا صغار
معالي:معناها فاتنا القطار نحنا
ريم:ليش انتي كم عمرك معالي
معالي:20 سنه
ريم:شن الفرق بيني وبينك
منار:امالا انا شن نقول 23 سنه
معالي:تي انتي مخطوبه الهم
منار:اممم خلاص تو ناخد وناخدك لسلفي
سندس:قداش عندك سلف؟
منار:4 واحد خاطب وعرسه قريب وثلاثه عزابيه
سندس:خلاص معناها خوديني حتى انا
هدى:احم احم غير بالشويه انتي يادوبك عمرك 14 سنه صار حتى ريان مفروض تقول بنتزوج
سندس:إي لكن انتي بيفوتك القطار
معالي:اممم خلاص معناها تو تاخذني انا وهدى وريان
سندس:وانا
ريم:تعالي ضرة لمعالي
ومشوا جوهن كيف هكي ضحك وتسهويك ماعدا أريام قعدت متابعه بصمت لدرجه انهم نسوا وجودها وفطرت ورنت ع امها وروحت
وبعدين غسلوا المواعين ودخلوا ع شان يرتاحن
فون ريم كان شحنه 100% شالت الوصله من الفون وقالت لمعالي ع شان تاخده
فتحت ريم فونها:لقت رساله
نرجس:بابا ياريم بابا مات وخلاني زي مادارت ماما😭😭😭
نرجس:وينك ياريوم من غيرك بيحس بيا آآآآآآآآآه نار والعه فيا نار 😭😭😭
ريم خلال دقيقه وحده تذكرت بوها وكيف دار حادث ومات تحت العمليه عرقت وبدت تبكي وتضحك وتهستر 😭😂😶🤪
لين البنات تفاجأن فيها 😮
قربت منار:ماعندهاش حراره 😶
سندس:هاذي كنها 🤨
معالي مسكت الفون وشافت الرسائل
معالي:الله يجعل مثواه الجنه 😥
وبدت ريم تعيط :ووووووووووه يابابا اليوم اللي حسيته انا يوم متت حساته صاحبتي ورفيقة عمري ليش هكي ليش تمشوا وتخلوا فينا حرام عليكم والله حرام 😭😭😭
منيره لما سمعت هسترتها وصوت البنات وقفت قدام الباب تسمع في صوت بكاها
دخلت منيره تضبطتها ريم:ليش هكي ياعمتي ليش بابا عدا وخلانا نبكو ع فراقه 😭😭😭
"منيره إنهارت وبدت تبكي ع خوها اللي مات وهو ماكملش الـ 54 سنه 😭😭
مات وخلا ريم عمرها12 سنه ومحمد 14سنه 😭😭 مات قبل مايشوفهم شباب ويبنوا في حياتهم😭😭" بكت هي وريم
منيره:خيرك يابنيتي ليش هذا كله
ريم:صاحبتي بوها مات وهي من قبل امها ميته دزت لي رساله بس كنت نعسانه ومابيت نشوفها 😭😭😭
منيره:توا نشوف عماد ونمشي انا وياك باهي 😣
ريم:باهي😭😭😭
لبست ريم عبايتها وشالهن عماد هي ومنيره للعزاء
اول ماوصلت فتحت الباب بسرعه ونزلت
خشت ولقت نرجس في حاله ميؤوس منها 😵
تضبطتها وبدت تبكي : سامحيني ماقدرتش نجي 😭ماقدرتش نواسيك من الأول 😭سامحيني يانصي ماشفتش الرساله كنت منشغله بالضحك والهدرزه بينما انتي كنتي تشوفي في الموت 😭سامحيني نرجس سامحيني😭
نرجس:بابا ياريم بابا مشي وخلاني هو وماما عدو وخلوني لوحدي
ريم:انتي مش لوحدك انا معاك ديما ح نقعد معاك
كانوا بيطلعوا التابوت للجنازة
مسكوه وكانوا يمشوا وهم حاملينه ومتجهين للسياره اللي بيحطوه فيها
نرجس:بابا بابا ماترفعوشي بوي قاعد حي بوي قاعد وناضت تجري
مشت وراها ريم
ريم:اهدي حبيبتي بوك مات زي مامات بوي وزي مابنموتو كلنا
نرجس:انتي كذابه بوي ماماتش حولي حولي
ريم ماقدرتش تتحمل اللي فيه نرجس ضربتها كف ع شان توعى بس نرجس ولا ع بالها
عدت تجري ركبت في السياره وبدت تحاول تفتح التابوت
مسكوها الشباب وعدت السياره بدون تشوفها نرجس وجت ريم تحاول تهديها
إلا انه نرجس دفتها : بعدي معاش تقربيني
ريم:اهدي
نرجس:قلت لك معاش تقربيني
وتلفتت مالقتش السياره
نرجس:ياسراقين وين رفعتوا بوي ردوه بابا عايش وبدت تبكي وتبكي وفجأة سكتت ناضت
نرجس: خيركم شن فيه علاش كلكم ملتمين😆😂☺️
ريم:نرجس
نرجس:من انتي وكيف تعرفي إسمي🤨😮
ريم:😮😮😮😮
يتبع