Oberoi Mansion!
Dinner Table.
Dining table per sab dinner ke liye aa chuke hain except Anika
Rudra : Yeh Anika didi kahaan reh gayi? Mujhe to bari zor se bhook lag rahi hai.
Om : betha kyun hai ja ke bula naa.
Dadi : Nahi Ru tu beth main bula ke laati hoon Anika ko.
In Anika's Room.
Dadi Darwaza knock karti hain.
Anika : Dadi aap wahan kyun khari hain ander aaiye naa.
Dadi : Puttar tujhe khana nahi khana? Chal sab intezaar kar rahe hain.
Anika : Dadi mujhe bhook nahi hai.
Dadi : Aese kese bhook nahi hai? Shaam se tu yahaan hai aur tune kuch bhi nahi khaya aur abhi bhi bhook nahi hai?Tabiyat to theek hai naa teri?
Anika : Main bilkul theek hoon Dadi aur mujhe sach mein bhook nahi hai...Jab lage gi to kha loongi.
Dadi : To theek hai phir mujhe bhi bhook nahi hai.
Anika : Array Dadi app meri waja se apna khana..
Dadi : Tera jo bhai hai naa Advay wo mere liye mere ShivOmRu jesa hai...to phir tu mere liye unse alag kese ho sakti hai.
Anika : Dadi aap bohat achhi hain😭😘.
Dadi : Chal ab is boorhi Dadi ke baare mein kuch soch aur mere saath chal ke khana kha.
Anika : Jee Dadi.
At Dining table
Rudra : Chalo Anika didi aur Dadi aa gayi ab to khana shuru karo.
Om : Anika try this... (usko dish offer karte hue)
Rudra : Achha bhaiyaa O app dono ko yaad hai naa kal kiya hai?
Shivaay : Haan wo kal meri board directors ke saath meeting hai..thanks Rudy tune yaad karwa diya.(teasingly)
Om : Array haan kal mein ne ek sculpture ki delivery bhi karni hai..thanks bhai.(teasingly)
Rudra : (Gusse mein) Kal kuch aur bhi hai zara app dono apne apne dimaagh per zor daaliye.
Shivaay : aur kuch.....
Om : Nahi aur to kuch important nahi hai...
Rudra : (Gusse mein) Kal mera cheat day hai aur app dono bhool gaye..mujhe app dono se baat hi nahi karni.
Shivaay : Come on Rudy tujhe lagta hai teri koi baat hum bhool sakte hain...bas hum thori Masti kar rahe the..
Rudra : Haha mujhe bhi pata tha ke app dono mazak kar rahe the main bhi bas thori si Nautanki kar raha tha.
Everyone laughs.
Rudra : Achha to bhaiyaa jese ke kal mera cheat day hai to main app ko menu list bhej doonga..breakfast to dinner.
Shivaay : Done Ru!
Om : Chal abhi to khana kha le.
Anika ShivOmRu ki bonding dekh kar smile kar rahi hoti hai.
And thinking.
"Rudra kitna lucky hai uske dono bhai us se kitna payaar karte hain...kaash meri kismat mein bhi itne payaar karne wale bhai hote"
Dinner Overs.
Anika Om aur Rudra ke saath launge mein bethi hoti hai and wo loog baaten kar rahe hote hain.
Rudra : Didi app ludo khelo gi. Main room mein se le kar aata hoon.
Om : Guys mujhe to neend aa rahi hai tum dono khelo.
Anika : Array lodu ke liye bhi koi mana karta hai kiya..aur Om wese bhi do logo mein kiya maza aaye ga tum bhi khelo naa.
Rudra : Haan O aao naa.
Anika : Rudra tum le kar aao Om khel raha hai. Chalo beth jao.
Rudra ludo le kar ahta hai and wo loog start karne wale hote hain ke wahan se Shivaay guzarta hai.
Rudra : Bhaiyaaaa..Jaldi aa jao app meri team mein hoge.
Shivaay : Rudy tujhe pata hai naa meri subha meeting hai.
Rudra : Bhaiyaa meeting subha hai abhi raat hai...aur wese bhi agar ek din app late so jao ge to larkiyon ki tarhaan app ke dark circles nahi ho jaye ge...so conscious hona band karo aur jaldi aao.
Om : Shivaay aa ja naa yaar.
Shivaay : Om tujhe pata hai main yeh sab nahi khelta aur tujhe naa use samjhana chahiye lekin tu bhi us ke saath shuru ho gaya.
Anika : Chhoro tum dono bhi kiya "bhens ke aage been" baja rahe ho.
Rudra : Hawww Bhaiyaa ko bhens bola.
Shivaay : Hey mind your language! okey?
Anika : Seedha Seedha kyun nahi bolte ke darr gaye mujh se haar jo jaye ge.
Shivaay : Hey listen Shivaay Singh Oberoi ne kabhi haarna nahi seekha.
Anika : Haww haarna nahi ahta..chaliye koi baat nahi aaiye bethiye mein sikha deti hoon apko 'haarna'.
Shivaay : Tum mujhe challenge kar rahi ho.
Anika : Ab app jo bhi smajhiye app ki marzi.
Rudra : (Om ke kaan mein) Mujhe lagta hai yahaan world war shuru hone wali hai aur mujhe bari strong feeling aa rahi hai ke Anika didi bhaiyaa ko hara dengi... (Suddenly shouts) Anika didi main apki team mein aur O Bhaiyaa ki team mein.
Shivaay : What? Rudy abhi to tu meri team mein tha.
Rudra : Hein? Nahi to main to shuru se hi Anika didi ki team mein hoon...apne shayad kuch galat suna.
Om : Chal Shivaay tu mere saath aa jaa hum in dono mil ke inko sambhaal lenge.
Rudra : So it's Team ShivOm VS AniRu
Om,Shivaay,Anika : Matlab?
Rudra : ShivOm matlab Shivaay aur Om & AniRu matlab Anika aur Rudra.
Anika : O BETE KI! Matlab tum ne do naam ko jor diya. Wah Ru!
Rudra & Anika high five eachother.
Om : Chalo guys start karen.
They starts playing.
Anika : YAYY 6 aa gaya!
Rudra : Didi yeh wali yeh wali chalo.
Om : Shivaay Stop pe bitha naa.
Shivaay : Hey wait Rudy tu cheating kar raha hai.
Anika : YAYY! Main ne Billu Jee ki gooti peeth di...
Shivaay : don't call me that.
Rudra : Didi hum jeet rahe hain.
Shivaay : Om wait let me concentrate.
Rudra : Bhaiyaa gooti ajj hi chalni hai.
Anika : Jab koi haarne wala hota hai naa to aese hi drame karta hai.
Shivaay : Tum naa...
Anika : Dekhiye abhi main kese app ki tai tai phiss karti hoon.
Rudra : Didi bhaiyaa ki gooti ander jaane wali hai...kuch karo.
Anika : Array tu chinta mat kar hum hi jeete ge.
Shivaay : Om kuch bata yaar kiya karoon?
Om : Koi faida nahi hai wo loog jeetne wale hain.
Anika : Aur yeh 2 ayaa....Yayyy Rudy hum jeet gaye...💃
Shivaay : Tum dono ne cheating ki hai.
Anika : Achha khud haar gaye to humne cheating ki hai.
Rudra : Bhaiyaa app apne chhote bhai pe itna bara ilzaam laga rahe ho.
Om : Shivaay chhor bhai hum haar gaye koi faida nahi hai ab.
Anika : Billu Jee wese apko haarna aa gaya ya phir ek aur game khelen?
Shivaay : Just.....
Om : Guys guys relax..it was just a game jo ab khatam bhi ho chuka...and wese bhi bohat raat ho gayi hai sone chalte hain.
Anika : Ajj to mujhe khushi ke maare neend hi nahi aane wali..Billu...
Shivaay : Okey Cut it..Game khatam ho chuka hai.
Rudra : Chalo main to chala sone.
Anika : Good Night!
Om : Main bhi subha ek sculpture bhi complete karna hai..Good Night guys!
Anika Shivaay ke pass se guzarti hai and Shivaay ka hair flick copy kar ke bolti hai
Anika : Aap ko main ne hara diya Billu Jee!
Aur apne room mein chali jati hai.
Precap:
ShivOmRu Dances on "Zindagi milke bitayenge"
Anika : Nahi Om main late ho rahi hoon raaste se kuch kha loongi.. and Rudy tum breakfast karo main chalti hoon.. aur haan Billu Jee Smile kar liya kijiye achhe lagte hain.