#آلٱمِےـيّےـره الَمِےـوٌسًےـوٌيّےـه 👑
ليث...
كعدت شفت الساعه ب10 الصبح باوعت هاي ماكووو وين راحت؟!!!
بعديييييين اتذكررررررت هيييي من البارحه بالحمااااام 😨
كمت بسرعه دكيت الباب عليها !!
مفتحته بقيت ادك ع الباب قوي .. فتحته وهي مدنكه راسها باوعتلها بعدها بالبدله ممغيرتها بس وجها مشفته ردت اشوف خاف بيها شي مرفعت راسها وكالت ..
ندى .. شرايد ليث؟!
ليث .. بعصبيه شنوو يعني شرايد اهلي دينتظرون العروس وحضرتج نايمه بالحمام ؟!
ندى .. جاوبته واني مدنكه راسي .. صار هسه حطلع من الحمام .
ليث .. يلا بسرعه اريد اسبح فضيني.
ندى .. طلعت من الحمام واني راسي يريد ينفجر من البارحه منايمه بس ابجي، بقيت اضحك على روحي بداخلي واحجي ويا نفسي ..
يعني مهامه اني اللي مشموره من البارحه بالحمام وبليلة عرسي ؟!!!
كل همه اهله يردون العروس .
دخل للحمام واني استغليت الفرصه ونزعت البدله لان البارحه بعد اللي صار نسيت حتى شلابسه .
بدلت ولبست دشداشه فانيله لونها جويتي ومسحت المكياج وفتحت التسريحه .. هذا كوله واني دموعي تصب .
طلع هو من الحمام اني داامسح وجهي ع المرايه صارت عيني بعينه!!
شافني بقى صافن بوجهي اشويه و دار وجهه ورجع للحمام !!
اعتقد نسى شي بالحمام.
بس اشو هذا اتأخر ماطلع ؟!! شعليه اني خليني اتكفى شره مااريد اسمع كلامه اللي مثل السم واني اصلا خلصت روحي احس بعد كلمه وحده وانتهي.
كمت صفطت البدله ونظفت الغرفه وكعدت بالكاع حسيت راسي حينفجر بعد ما أتحمل الالم ..
لميت رجليه وخليت راسي بين رجله واتكورت على نفسي اضغط على راسي حيل بأديه من كثر الالم.
ليث ...
من طلعت هي من الحمام اني اخذت ملابسي ودخلت .. كملت وطلعت لكيتها كاعده كدام المرايه ونازعه البدله لابسه دشداشه .. رفعت راسها ع المرايه صارت عيني بعينهاا 😔
باوعت عليها عيونها حمر مثل الطماطه ومورمات
ووجها اصفر حسيتها ذبلانه ..
من شفت وضعها هيج ارتكبت بسرعه رجعت للحمام ، واني كلبي يرجف ومعصووور عليها!!
الظاهر من البارحه منايمه مبين من شكلها وعيونها الورمانات.
بقيت اللوم بنفسي مااكدر اشوفها هيج احس شي بيه ينكسر من أقسى عليها..
بس بنفس الوقت مااكدر انسى اللي سوته بيه ومن اتذكر كلامها واهانتها الي دمييي يفووور وافكر انتقم منها واعذبها عذاب مصاير.
حاولت اذكر نفسي بالي سوته وياي حتى مااضعف كدامها واكرها بالزايد.
طلعت من الحمام ... ويا ريتني مطلعت !!
شفتها كاعده بالكاع ومكوره رجليها واديها على نفسها وراسها بين رجليها !!
مااعرف شصار بيه اتخربطت كل وضعيتي..
بس اتظاهرت ممهتم رحت يمهاا وصحت عليها ...
ليث .. هييييي انتييي كومي !!
مردت عليه.
صحت عليها بصوت اقوى هم مردت عليه بعدين حركتها بأيدي حيل فزت مثل المصدومه!!
كالت هااا خير شصار ؟!!
ليث .. يا خير هو اللي يصبح بهيج وجه يبجي يشوف الخير ؟!!
كومي انزلي سويلي ريوك .. راح يجوني خطار واريد استقبلهم مو ابقى مكابل حضرتج .
ندى .. جاوبته واني لازمه راسي ومدنكه كلتله صار حروح اسويلك ريوك !
كمت اريد اطلع صاحني ..
ليث .. هييي تعالي ارجعي هسه امي تشوف خلقتج وعيونج وتخبصني ع بالها مسوي لجنابج الكريم شي .
ارجعي ولتطلعين من الغرفه اني راح اكللهم مريضه.
ندى .. براحتك رجعت لمكاني ولوضعي .. وهو طلع.
ليث .. من رادت تطلع شفت وجها وعيونها كلت اكيد هسه امي تشوفها وتاكل راسي صحتلها ورجعت كلتلها لتطلعين من الغرفه ابد.
نزلت جوه شافتني امي كامت تهلهل وحضنتني وباركتلي هي واختي كالت ابوك واخوتك كاعدين بالصاله ويا الخطار .
دخلت للصاله وباركولي كعدت انسولف..
كالت امي يمه الريوك جاهز صحي مريتك خلي تتريك وياك!!
كلتلها لاا يمه ندى نايمه راسها يوجعها عوفي ريوكها اني هسه اكمل واصعد اذا كعدت اوديلها الريوك.
امي .. يااا يمه اشبيها البنيه البارحه مثل الورده شحلاتها ؟!! شسويتلها ولك 😉
تضحك وغمزتلي.
ليث .. هههه لا يمه ويين راح تفكيرج اشويه راسها يوجعها عود خلي بالصينيه حبايه براسيتول حتى تشربها .
الام .. صار يمه هسه اخليها الها.
كملت الريوك وراحو الخطار صارت الدنيا الظهر .. اتذكرت هي مماكله شي من البارحه !!
كلتلهم انطوني ريوك ندى اخذته وصعدت..
فتحت الباب ودخلت لكيتها على نفس كعدتها هم متكوره على نفسها وراسها بين رجليها .
خليت الصينيه ع الميز حيل وكلتلها هذا سم اكعدي اكلي .. مردت عليه
اتقربت منها وجريتها حيل من ايدها كلتلها انييي ويااامن احجيييي شنو طرشه متسمعين ؟!!
فزت هي الظاهر كانت نايمه باوعت عيونها حمر يعني بعدها تبجي .
ندى ..
لما طلع رجعت ع كعدتي وبقيت ابجي ابجي لحد ما غفيت من البجي وألم راسي وقهري ..
واني نايمه حسيت واحد جرني حيل من ايديه ع بالك ايدي انخلعت من مكانها حيييل أذاني .
رفعت راسي لكيته هو ..
كلتله خير ليث اشبيك ؟!!
ليث .. صارلي ساعه اصيح ليش متجاوبني شنو تعاندين حضرتج ؟!!
ندى .. اسفه كنت نايمه مسمعتك .
ليث .. اسفج خلي الج ومره ثانيه من اصيحج اتجاوبين فهمتي لوووو لاااا واني لازم ايدها بكل قوتي واهز بيها .
ندى .. كال من اصيج مره ثانيه تجاوبين وهزني حيل وهو لازم ايدي بكل قوته ويحجي وياي .. ما حسيت غير ادموعي تنزل هزيت راسي يعني اي .. وكلتله بس اترك ايدي دتأذيني .
ليث .. كالتلي اترك ايدي اذيتني دفعتها حيل وكعت ع السرير كلتلها هذا سم كومي اتزقنبي .
ندى .. مااريد ما اشتهي !
ليث .. كومي اتسممي مميت على خلقتج اني ليصير بيج شي واهلج يحسبونج عليه مره .
ندى .. من كال هشكل اني متحملت بقيت اشهك وابجي بصووت عالي .
هو من شافني هيج عافني وطلع.
بقيت اني بس ابجي والطم على حظي وقسمتي .. يا ربي ليش هيج شنو ذنبي اني شمسويه بعمري حتى هيج اتجازيني
بقيت محبوسه بالغرفه ..
اللي يدك الباب اسوي نفسي نايمه لحد المغرب صعدتلي اخت ليث اسمها ( اسماء )..
كعدتني من النوم شافت عيوني استغربت سألتني اشبيج ؟!!
ليث مسويلج شي ؟!!
كلتلها لاااا بس اني ابجي على اهلي ممتعوده على فراكهم ، وراسي حيل يأذني ، انطتني حبايه مسكن ..وحضنتني وبقت اتسكت بيه وتواسيني
حجتلي اشويه عن عائلتهم .. عرفت عدها اخ مستشهد وزوجته ماخذه ابنها ورايحه يم اهلها متجي هنا بس بالمناسبات.
بقينا انسولف ونضحك البنيه حبابه حيل وتدخل للكلب بسرعه نستني كل همي .. كالتلي لازم تاكلين لو ازعل منج لان مو زين عليج متاكلين.. كلتلها ماشي..
نزلت هي واني كلتلها حسبح وابدل وانزل .
سبحت ولبست دشداشه عريضه اشويه لان كلت اخوته وابو كاعدين عيب..
خليت مكياج حيب خفيف حتى اشويه تضيع ملامح الورم من وجهي ولفيت حجابي ونزلت..
اتلكوني اهله ، اني سلمت على ابو وابست ايده وهو باسني من راسي وباركلي
وامه هم حضنتني وباركتلي واخوانه هم باركولي ..
رحت ويا اسماء للمطبخ وسوينه العشه اني وياها .. طبعا هي ابد مقبلت اسوي شي كالت بعدج عروس بس اني اصريت اساعدها خطيه وحدها ،كال سوي بس الزلاطه.
هو مشفته كالتلي اسماء اصدقائه اجوي عليه يباركوله وطلع وياهم بالباب.
بقينا نسولف ونشتغل اخوانه كولش حبابين
واحد بعمري اول كليه اسمه مصطف ، وواحد صف سادس اعدادي اسمه احمد ، وواحد ثالث متوسط اسمه اركان ، والاخير بالاول ابتدائي بعده صغير اسمه همام.
كل اشويه يجوون يتشاقون وياي .. طبعا اسماء كالت الامها انو اني ابجي على اهلي لذلك مسألتني لويش عيوني ورمانات!!
بس كالتلي يمه بسيطه كم يوم وتتعودين علينه وبعد تنسين اهلج.
خلينه السفره ودنصب العشه .. ودخل ليث !!
شافني اتفاجأ وخزرني بس محجه شي لان اسماء واكفه .. صاحوله اهله ع العشه كاللهم ما اشتهي .
صعد للغرفه وصاحني كال تعالي وراي بسرعه.
ندى .. اني كلتلهم انتو تعشو اني هسه اجي بس اشوف ليث شيريد وانزل.
كالو ماشي.
ليث...
اجوي اصدقائي يتباركولي كعدو اشويه وراحو طلعت وراهم وبقينا نسولف بالباب ..
دخلت شفتها بالمطبخ تسولف هي واسماء وتضحك بكلا صلافه ، واخويه مصطفى واكف يمها ويتشاقه وياها !!
اني هناا حسيت النار اشتعلت بيه من شفتها نازله وماخذه راحتها .
وضجت بالاكثر لما شفت مصطفى واكف يمها.. دخلت باوعتلها وخزرتها كلتلها تعالي وراي.
صاحوني اهلي ع العشه كلتلهم مااريد!!
طبعا اني ع بالي هيه اكلت الريوك اللي صعدته الها ، وهسه هم من نازله متعشيه..
ماادري بيها مماكله شي من البارحه!!!!
صعدت وهي اجتي ورايه دخلت وسدت الباب.. وكفت بعيد عني..
ليث .. اني شكلتلج ؟!! مو كلت متنزلين جوه شنزلج؟!! تردين تضحكين على اهلي وتنزلين دمعتين عود اني ظلمتج مثل ما ضحكتي على اهلج وكلتيلهم امي خطبت وعفتج ؟!
ندى .. لا والله اني مردت انزل بس اختك خطيه صعدت وترجتني انزل وياها ومردت اكسر خاطرها فنزلت.
ليث .. هه مردتي تكسرين خاطرها ؟!!
لا والله طلعتي اصيله واخلاقج عاليه .. نسيتي شسويتي بيه ؟!! نسيتي اشلون ضحكتي عليه بكل حقاره وسفاله !! وهسه جايه تبيعين أخلاق براسي ؟؟
ندى .. سمعت كلامه واني دموعي نزلن لوحدهن مااعرف شنو ارد عليه!!
معقوله لهدرجه كارهني ورافض يسامحني او حتى ينسى اللي صار رغم محمد فهمه كولشي؟!!!
بقيت بس ابجي ومدنكه راسي ..
ليث .. ادموع التماسيح هاي متمشي عليه فهمتي لو لااا ؟!!
لتفرحين شفتي امي ابتسمت بوجهج وخلص ع بالج تبقين هنا .. انتي مجرد خداااااامه حالج حال بنات الشوارع بلا اي قيمه.
ندى .. من حجه عليه هالشكل وكال عني خدامه ومثل بنات الشارع مكدرت اتحمل بعد .. رفعت راسي و وكفت كدامه وبصوت عالي كلتله ..
ندى .. كااااافيييي انت شنوو وتحجي عليه هالشكل ؟!!
شنوو مشتريني حتى تذلني وتهيني وتغلط عليه لهنااااااا وكاااافييي بعد مااتحملك.
شنوو ذنبي ويااااك فهمني ؟!!
ليث .. من علت صوتها عليه صعدت النار لراسي بعد مااشوف من الغضب والعصبيه ، اتقربت منها ولزمتها من شعرها حيل..
ليث .. لج شنووو انتي تعلين صوتج عليه ؟!! صدكتي نفسج وطلع لسانج ع بالج احبج وارحم بيج ؟!!
هناااا ادفنج والله..
لج اني مااكره شي بحياتي بكد مااكرهج يا حقيره .
ندى .. جرني من شعري كل قوته وبقى يغلط عليه ..
سحبت شعري من ايده ودفعته حيل بس اني احس نفسي دايخه مااكدر اوكف ، وخرت عنه وكلتله ..
ندى .. اني اصلا اللي كرهتك وكرهتك الساعه اللي شفتك بيها.
انت اصلا متستاهل دمعه وحده نزلت من عندي عليك ، متستاهل دراستي ومستقبلي اللي ضيعته بسببك ، متستاهل الايام اللي راحت من عمري واني ابجي عليك وادعي ترجعلي ..
اني اعرف غلطت بحقك جرحتك هواااي وهنت كرامتك
بس انت تعرف كولش زين انو اني انجبرت اسوي هشكل حتى انت متتأذه ، ومحمد كالك على كولشي وفهمك انوو هو اللي هددني وجبرني انو اتركك والا حيقتلك فاني اضطريت اكولك هشكل حتى تكرهني وتبتعد عني ..
انت متعرف اني اشكد تعذبت لما كنت دااسمعك هذا الكلام !!
متعرف اشكد كرهت روحي لما جرحتك !!
متعرف اشكد اتعذبت لما ابتعدت عني !!
بس كل هذا كان اهون عليه من انو يصيرلك شييي.
رضيت ادمر مستقبلي واهدم حياتي واعيش بعذاب بس انت ميصيرلك شي ومتتأذه ..
تاليهاا هيج اتسوي بيه ؟!!!
هيج اتجازينيي ليييييث؟؟
احجي وابجي بكل حركه حسيت حوكع من طولي بالكوه واكفه كولشي بيه يرجف
وكلبي يدك سريع ...
اباوعله هو مصدوم مثل اللي اول مره يسمع هذا الكلام !!
ليث .. من لزمتها من شعرها دفعتني حيل وجرت شعرها من ايدي .. وبقت تبجي وتحجي ، حجت كلششي واني بقيت مصدوووم !!
سمعت كلام مكدرت استوعبه معقوله محمد ضحك عليه ؟؟؟
معقوله ندى صاير بيها كل هذا بسببي؟!!
انصدمت معرفت شنووو احاجيها بقيت صافن لحد مااااا صحتني كلمه طلعت من اللسانها ....!
ندى .. طلكني ليث.
بعد مااتحمل لهناااا وكافييي.
انت متستاهل حبي الك ولا تستاهل ابقى وياك لحظه وحده بعد.
درت وجهي ورحت للكنتور بس اني اسحل بروحي سحل احس روحي حتطلع..
فتحته وجريت الجنطه واخذت ملابسي وحطيتهم بيها .. وكلتله وديني الاهلي وباجر اريد ورقه طلاكي توصلني.
ليث .. كالت هاي الكلمه الي دمرتني حسيتها نهت حياتي .. وراحت طلعت الجنطه وخلت ملابسها بيها وكالت وديني لاهلي واريد ورقه طلاكي ..
اني من سمعت كلامها هذا اتخبلت محسيت بنفسي غير رحت عليها وحضنتها كل قوتي ودموعي تجري وحدها ..
ليث.. ندى لتعوفيني والله مااكدر بدونج .. صدكيني اني مكنت اعرف هذا الكلام واخوج محمد كلشي مكالي ، فهمني انو انتي كلتي لاهلج اني خطبت وعفتج ، وانتي هواااي جرحتيني بكلامج دمرتيني بوقتها ..
ورغم كل هذا حاولت اكرهج بس مكدرت والله صدكيني مكدرت ..
لج انتي الهوه الي اتنفسه .. انتي مالتي.. انتي الي وحدي .. انتي حلم عمري .. انتي ام جهالي اشلوووون اعوفج ترحين من ايديه؟!!!!
احجي وياها واني حاضنها وابجي ... حسيت ماكو اي رد فعل منهاا !!!
ابتعدت عنهاا شفتها مغمضه عيونها حركتها ندى .. حبيبي ..ندى بس جاوبيني ... ماكووو مترد عليه !!
ضربتها على خدها ردتهااا بس تفتح عينها ماكووووو .. بقيت اصيح بكل صوتي ..
ندىىىىىىىى ... ندىىىى....!