#قبل العزيمه بيوم...
ليث...
شفت العنوان وانصدمت !!!!!
معقووله هذا مو هو نفسه عنوانهاااااا ؟!!
اتذكرت اسمه محمد !!!
معقوله هذاااا اللي نقذت حياته اخوهاااااااا 😡
لا مستحيييل ..
رجعت اتصلت بي .. رن رنتين و رد الووو..
ليث .. محمد هذا اللي دزيته عنوان بيتكم ؟!!
محمد .. اي نعم عنوان البيت هذا ليش؟!!
ليث .. لا ماكوو شي بس اني اريد اشوفك ضروري عندي كلام وياك.
محمد .. اي باجر من تجي ع الغده ان شاء الله نحجي.
ليث لا لازم اشوفك قبل الغده باجر من الصبح تجيني لهذا المكان ضروري .
محمد .. بستغراب ... ليث خير صاير شي ؟!!
ليث .. لااا ماكوو شي بس اتذكرت شغله ولازم اسألك عنها .
محمد .. ماشي باجر الصبح اني يمك ان شاء الله
...
ليث ..
اتأكدت هذا اخوها لندى محمد اللي جان رافض فكره انو ارتبط بيها بسبب مذهبي !!
بس الي حيرني انو هو هسه يعرف اني من غير مذهب ومع ذلك عزمني على بيته وما عنده اي مشكله بالموضوع والواضح انه هو مووو طائفي وتفكيره عنصري .. مثل مجانت اتكولي!!!!
حتى بهذي كذبتي عليه ؟!!
هسه تأكدت انتي فعلا حقيره وجنتي تضحكين عليه وتكذبين عليه حتى تذليني صدك..
دمي كام يغلي احس نار بكلبي كن الغضب عليها..
اني اعلمج ندى الا انتقم منج شر انتقام ..
اني وياج والزمن طويل.
كعدت الصبح خابرني محمد كالي اني وصلت للمكان انت وينك ؟!!
كلتله اني بالطريق دقايق واوصلك .
وصلت للمطعم المكان الي كلتله يجي عليه حظني وسلم عليه وبقى يتشكرني كالعاده ويذكرني اشلون نقذت حياته ...
المهم سألته..
ليث .. محمد حاب اسألك سؤال كم سؤال ؟؟؟
محمد .. اي تفضل!!
ليث.. انت عندك اخوات ؟!!
محمد .. عصب بسرعه وكاله ليش السؤال؟
ليث .. جاوبني وتعرف ليش !!
محمد .. نعم عندي 2 اخوات سهى وندى وحده متزوجه والثانيه بعدها، مكلتلي ليش تسأل؟!!
ليث .. اني بصراحا اتقدمت لاختك مره ورفضتني ومااعرف شنو السبب بالبدايه كانت موافقه بس بعدين غيرت رأيها ومااعرف شنو السبب..
ومكنت اعرف انت اخوها لحد البارحه لما دزيتلي العنوان وهسه كلتلي اسمها تأكدت واني كنت اعرف عدها اخ اسمه محمد بس بصراحه مملتقي بيك من قبل لذلك معرفتك .
محمد .. انصدم صدمة عمره وجهة صار احمر من الفشله .. معرف شنوو يحجي ؟!! شنوو يكوله ؟!!
هذا الشخص انقذ حياته من المووت وساعده اشلوون يكوله الحقيقه؟!!!
معقوله يكوله اني اللي دمرت حياة اختي ومنعتها تتزوجك لان اني طائفي ؟!!
مكدر يحجي اي شيي وبقى صافن ومصدووم .
ليث .. محمد دتسمعني؟!!
محمد .. اييي نعم نعم دااسمعك .. بصراحه فاجأتني مااعرف شنو اكلك ، اني اعرف اختي كان متقدملها شخص بس بعدين كالت انو هو خطب وانسد الموضوع .
ليث .. من سمع كلامه استغرب وحس بغضب وقهر بكلبه ..
يعني معقوله فوك الي سوته بيه طلعتني اني الي عفتها وتخليت عنهاا ؟!!
اشكد حقيره لعد وبلا شرف!
اني الج يا خاينه الا اخليج تندمين على الساعه اللي شفتيني بيها .
ليث .. محمد اني اريد منك طلب!!
محمد .. انت تأمر ليث لو تطلب عمري انطيكيا اني لو اموت ما انسى فضلك عليه نقذت حياتي.
ليث .. لا خويه لتحجي هيج احنه اخوه، بس اريد اتقدم لندى مره ثانيه واريدك اتساعدني وتقنعها انو توافق.
طبعا ليث كان مقتنع انو الرفض من ندى وهي فعلا خدعته لما شاف محمد مو طائفي وهي كايلتلهم انو هو خاطب فشكوكه تأكدت وقرر ينتقم منهاا بطريقته
محمد .. فرح لما سمع كلام ليث ع باله بعده يحبها ويريد يتزوجها .. كاله اكيد اساعدك وان شاء الله تصير الك هاي المره.
ليث .. ان شاء الله، بس اريد منك وعد انو محد يعرف بهذا الكلام واني اليوم من اجي على الغده ان شاء الله اخطبها من والدك مره ثانيه.
محمد .. تدلل هذا الكلام بيني وبينك ويلا خلي انروح للبيت ع الغده .
ليث .. ماشي يلا انروح.
وصلنا البيتهم ودخلت شافني ابوها واخوها علي استغربوو وبقو مصدومين شجابني هنا
لبيتهم وهم ع بالهم اني متزوج مثل ما فهمتهم الخانم .
محمد طب كدامي وفهم ابو وأخو انو اني اللي نقذت حياته .
رحبو بيه وضيفوني بعدين جابو الغده واتغدينه الحمدلله وكملنه ..
غمزت لمحمد وهو فتح الموضوع ويا ابوو واخوو
وكاللهم انو اني طلبت ايد ندى من عنده حسيتهم استغربو بالبدايه مااعرف شنو السبب
وبقو يباعون لمحمد بنظرات غريبه!!
بعدين ابوها كالي ابني احنه مننسى فضلك علينه نقذت حياة محمد ابني
بس لازم بالاول ناخذ رأي البنيه لا تنسى اللي صار مو قليل عليها !!
اني استغربت ليش هو شنوو الي صار؟!!
بس محمد بسرعه مااعرف شنو حجه ويا ابوو وغيرو الموضوع.
وكالي محمد خويه ان شاء الله ندى متصير الغيرك واني كم يوم وارجعلك الخبر.
كلتلهم ماشي يلا اني اترخص لان تعبان واريد ارتاح .
طلعو ورايه وودعوني سلمت عليهم ورحت.
ندى..
بعد ما حضرنه الغده وكملنا للظهر اجه الولد ودخل من الباب الخارجي للصاله مشفته واني اصلا ما الي خلك اي شي ولا يهمني اعرف اي شي
بالكوه عايشه..
سمعت صوت مألوف بالصاله من ديحجون بس استبعدتهاا انوو يكون هو نفسه الشخص اللي ابالي .كنت اعتقد انو اني من كد اشتياقي الليث كمت اتخيل اشياء عنه واسمع حتى صوته ..
كملت شغلي وصعدت الغرفتي كالعاده اسمع اغنيتي المفضله (مجنوني)
واتذكر ليث وايامه...
للعصر حيل سمعت ماما تصيحني عرفت انو راح الخطار!!
نزلت لكيت الكل مجتمعين بالصاله كالتلي ماما تعالي ندى ابوج يريد يحجي وياج.
دخلت للصاله..
الاب.. بابا ندى اكعدي اريد احجي وياج !!
اني استغربت حسيت صاير شي .. كعدت وكلتله اتفضل بابا خير شكو؟
الاب .. بابا تعرفين منوو الي ساعد اخوج محمد ونقذه من الموت؟!!
اني.. لا مااعرف منو؟!! بس اني شنو علاقتي بالموضوع!!
محمد .. ندى الي نقذني هو نفسه اللي اتقدملج حتى يخطبج ليث ..
اللي اني منعتج تتزوجي .
ندى .. شنوووووو؟!! شدتحجي انت؟!!
الاب .. اي بنتي كلام اخوج صحيح الي نقذه هو ليث .. واليوم اجه هنا عدنا ع الغده .
ندى .. ليث هو اللي اجه للغده اليوم؟!!
محمد .. اي هوو وطلب ايدج اليوم من ابويه واحنا وافقنه ، وكلناله خلي نسألج بالاول واذا وافقتيي .. يجي يخطبج.
اني .. شنووو معقوله ؟!! بعد كل اللي شويته ويا وكل الكلام الي سمعتهيا اتقدملي مره ثانيه مستحييييل !!!
مااصدك ليث هيج ماعنده كرامه حتى يسامحني بهالسهوله ..!!
الاب .. بنتي اكيد محمد فهمه الموضوع وانه هو اللي جبرج تتركي ! مو صحيح محمد ؟!!
محمد .. اتذكر انوو هو وعد ليث يقنع ندى تتزوجه!!
واللي ريحه اكثر انوو ندى حتصدك انو هو كال كولشي الليث وتسامحه .. وليث اصلا مراح يكوللها شي لانوو هو اصلا طلب من محمد ميكول لاحد على لقائهم والي حجوو.
فبسرعه فكر وجاوب ..
محمد.. هااا .. اي .. ايي اني فهمته الموضوع كله وكلتله اني ضغطت عليج وخليتج تتركي !!
ندى .. وصدكك بهالسهوله ؟!! مدااكدر اقتنع ليث مستحيل يتنازل عن كرامته بسهوله .
الاب .. بنتي هذا اللي صار واكيد الولد يحبج لهذا متمسك بيج رغم كل الي صار.
اني .. حسيت بفرحه مصايره حسيت نفسي طاااااايره من السعاده.. الحمدلله والشكر اخيرا الله استجاب دعائي وليث عرف الحقيقه وسامحني .
بس اني احس غصه بداخلي مااعرف ليش .
كلتله بابا اللي انت تقرره اني موافقه عليه وابتسمت .
الاب .. يعني موافقه ، ارجع خبر للولد؟!
اني .. براحتك بابا ودنكت .
الاب .. على بركة الله بابا محمد باجر انطي خبر للولد وكوله موافقين.
ليث...
رجعت للبيت واني كلبي محترك ومن داخلي افور .. كل هذا يطلع منج ندى؟!!
وفوكاها تطلعيني كدام اهلج اني الغلطان !!
بسيطه اني اعلمج..
كعدت الصبح محمد راسلي مسج.. كالي انو هي موافقه اتقدملها !!
متوقعتها توافق ابد انصدمت ليش وافقت بسهوله ؟!!
معقوله اخوها ضغط عليها لان اني نقذت حياته؟!!!
طبيعي ماكوو غير اخوها هو اللي جبرها اكيد .
اتصلت بي وكلتله اليوم ان شاء الله اجيب اهلي واجي .. بالبدايه استغرب وكال ممحضرين وكذا ..
كلتله يمعود شنو احنا غربه قابل اليوم اجيب اهلي واجيب السيد ونعقد .
بالكوه قنعته ، كال ماشي ننتظركم.
ندى...
البارحا اول ليله من بعد اللي صار انام مرتاحه.. كعدت على صوت اخويه محمد يصيحني ..
نزلت بسرعه كلتله هاا محمد خير شكوو؟!!
محمد .. اليوم خابرني ليث وكال العصر يجون يخطبوج ؟!!
اني .. تفاجأت شنووو ؟!!
محمد .. مثل ما سمعتي وحاولت اقنعه مقبل كال اني لازم التحق وبعد ميصيرلي مجال .
اني .. اشون لعد اني وين اللحك احضر نفسي هسه ؟!!
الام .. ماما ندى ما عدنه شي هسه روحي انتي وسهى للصالون واني احضر البيت وكولشي يجهز ان شاء الله..
خلي نفرح بيج حبييتي وباستني .
اني .. ماشي ماما حروح اخابر سهى حتى تجي وانروح للصالون.
اجتي سهى ورحنه للصالون سويت شعري ومكيجاي ولبست فستان اسود ومطعم بذهبي كولش حلوو .. باوعت على نفسي بالمرايه طالعه اجنن عين الله عليه 😍
والفرحه مسايعتني ..
كملنه وخابرت على اخويه علي اجه رجعنه للبيت اني وسهى..
العصر اجوي ليث واهله شفت زلم هواي ونسوان 3 سلمت عليهم وشافوني بقو صافنين شنو هالجمال يمه الله يحرسج ومن هذا الكلام
اشويه وصاحني اخويه علي كال تعالي السيد يريد يعقدلكم .. لبست عبايه ودخلت طبعا اني مدنكه راسي مشفت منو موجود؟!!
كعدت بابا صاحني بنتي تعالي اكعدي هنا بصف ليث .. كمت كعدت بصفه لمحت بس ايده وملابسه مشفت وجهه .
عقدلنه السيد وخلص باركلنه وراح ..
رجعت يم النسوان اشويه وكالو الولد يريد يدخل يشوف عروسته ويلبسها الذهب وياخذون صور وكذا؟!!
دخل ليث وعيني صارت بعينه ابتسمت بس هو اصلا ما عبرني 💔!!!
حسيت اكوو شي غريب بنظرته محجه شي بس اجه كعد يمي لبسني الحلقه والذهب وطلع حتى مسلم عليه ولا اخذنا صور !!!
استغربت لويش يتصرف وياي هشكل؟!!
ولا حرف حجه وياي !!
بعد فكرت كلت اكيد بعده ماخذ على خاطره من الكلام اللي كلته اله وحقه .
خلصت الحفله والناس راحت وسهى راحت .. صعدت لغرفتي .. اشكد جنت فرحانه وسعيده .. ضجت محسيت بطعم فرحتي ليييش يا ربي!!! ليش ديصير بيه هشكل !!!!! ليييشش 😢😔
احس مالك عرف بيه .. ولا جنك تعب كلبي 💔