#آلٱمِےـيّےـره ٱلَمِےـوٌسًےـوٌيّےـه 👑
ليث...
بعد الكلام اللي كالته بوجهي حسيت نفسي فعلا غبي ..
متحملت ابقى ثانيه وحده بعد اللي سمعته.. لان يمكن اتهور واسوي بيها شيييي ،
دفعتها بقوه وطلعت واني دمي يغلييي
اشلوون كدرت تضحك عليه كل هاي الفتره؟!!!
حاولت اقنع نفسي انو اخوها هددها .. بس هي بكل حقاره نكرت !!
وكالتلي ردت اذلك ، لييييييييشششش ندىىىىىىىى لييييييششششش ؟!!!
شنووو ذنبي ويااااج ؟!!!
المشكله بعد كل اللي كالته والتصرف الحقير اللي تصرفته وياي كلبي الغبي ديبررلهاااا.
طلعت من الكليه بوجهي للبيت اخذت ملابسي وكلتلهم رايح التحق للدوام خابروني.
فعلا حضرت نفسي وشلت جنطتي وطلعت كبل للرمادي.
ندى...
لما دفعني ليث وراح...
حسيت خلص كولشي انتهى.. حياتي انتهت بعد شكوو عايشه؟!!
واني اعرف ليث كولش زين مستحيل يسامحني او يفكر يسمعني اصلا بعد الكلام اللي كلتلياه.
بقييت كاعده ع المصطبه وصافنه ولا دمعه نزلت من عيني مااعرف لويش؟!!
حسيت شخص ديهزني من كتفي كل قوته....
انتبهت لكيتها ياسمين هي وايه!!
ندى ندى يمعوده اشبيج احجي شصاير؟؟
اني بالي مو يمهن اساسا.
الساعه كانت ب 8ونص الصبح.. رجعت للخط لكيت السايق كاعد ويا جماعته .. شافني صعدت بالسياره كاليي خيرج ندى بيج شي؟!!!
بصعوبه كدر انطق وكلتله .. اخويه الله يخليك تعبانه تكدر اترجعني للبيت بعد مااتحمل؟!
كال اييي يمعوده هسه اوديج للبيت وارجع صدك جذب .
كلتله اشكرك وسكتت محجيت اي حرف بعد.
وصلني ابو الخط للبيت شكرته ونزلت..
دخلت للبيت الساعه ب9 بس اني شنوو جثه بلا روح بس جسد يمشيي ..اتذكر ليث ونظرات الكره اللي بعيونه والكلام اللي كاله عني احس روحي دتحترك .
لكيت ماما كاعده دتسوي ريوك ..
شافتني انصدمت ..
الام .. ندى ماما اشبيج شرجعج من الدوام وليش هيج وجهج اصفر؟!!
اني .. ماما تعبانه واريد انام.
دخلت للغرفه شمرت الجنطه وحذائي ونمت بملابسي ، بس اني اريد دمعه تنزل من عيني ماكوووو بس صافنه والكلام يدور براسي حسيته حينفجر..
دخلت ماما شافتني نايمه كعدت يمي ع السرير وخلت ايدها على راسي..
الام .. ماما نداوي بيج شيي شصاير احجيلي؟!!
اني .. صافنه محجيت شي
الام .. منوو وياج ماما لتخوفيني عليج احد تعرضلج ؟! احد ضوجج ؟! احجيلي حبيبتي شصار!!
اني .. ماما كولشي مصاير صدكيني بس اريد انام تعبانه الله يخليج.
الام .. ماشي حبيبتي ارتاحي واني راح اسويلج كلاص حليب حتى تدفين معدتج بلكي تصيرين زينه.
اني .. محجيت شي بس غمضت عيوني وفتحتهم بمعنى اوكي.. بس اريد امي ترووح مااكدر احجي شي.
طلعت ماما واني غمضت عيوني ونمت والنومه نومه.
كعدت لكيت نفسي بالمستشفى وماما وبابا على راسي واني احس نفسي مشلوله مااكدر اتحرك اصلا.
سمعت ماما تحجي ويا بابا ..
ابو محمد صيح الدكتوره كعدت ندى.
اجتي الدكتوره قاست ضغطي وكالت..
الدكتوره .. الحمدلله ضغطها استقر .. الظاهر صار عندج انهيار عصبي احد غاثج بنتي متعرضه لحادث او صدمه !!؟
الام .. والله دكتوره كولشي مبيها رجعت من الدوام تعبانه كالت اريد انام .. تركتها براحتها للظهر اجيت كعدتها مكعدت حسيت بيها شي.
رفعتها من فراشها وكعت بالكاع جبناها اني وابوها كبل للمستشفى.
الدكتوره .. الي واضح عندي انو صاير عدها انهيار عصبي وارتفاع بضغط الدم ..
لازم ترتاح على قدر الامكان وتبتعد عن اي مجهود عصبي وضغوط نفسيه.
الاهل .. ان شاء الله دكتوره .
الدكتوره .. هسه خلينالها مغذي بس يخلص ان شاء الله تكدرون اتطلعون .
اتشكرو اهلي من الدكتوره ، خلص المغذي ورجعت للبيت بس اني مااحجي ابد بس صافنه .
مرت الايام واني مااداوم ولا اطلع من غرفتي ، حتى اكلي قليل ضعفت هوايه وشكلي تغير
شماله لوني يصير باهت من تغيب 😔💔
...........
ليث ...
وصلت للرمادي دخلت للمقر .. رحبو بيه جماعتي الضباط والقاده مالتي وحتى جنودي سلمو عليه وتعافولي لان اني من صار الحادث ممداوم ابد اخذت اجازه
كعدنه سوالف وضحك بس اني نار بداخلي اتفور ممرتاح .
رحت لغرفتي بالمقر.. مددت على فراشي وبقيت اتذكرها
اتذكر كلامنه ، اتذكر ضحكتها ، اتذكر عيونها
واتذكر اشلون جازتني !! وشلون كالت انت غبي^
نزلت دموووعي حاااره على خدودي 💔
بقيت كاتم صوتي ودموعي تنزل .. حسيت بضعف عمري وحياتي ما حاس بيي ..
مااعرف ابجي منهاا !!
لو ابجي عليهاا ؟!!
...
يخايب لا تعوف ناس .. رادوك حلال الله 💔
اتذكرت تجريحها الي واشلون كالت ضحكت عليك و ردت اذلك
مسحت ادموعي وقسمت قسم يا ندى الا اردلج الكسر اللي كسرتينيا وأذلج مثل ما ذليتيني.
مرت الايام واني على هاي الحاله ساعه ابجي وساعه افكر بالانتقام لكرامتي
فد يوم اجه كتاب من الوزاره يردون مجموعه ضباط وجنود يطلعون للموصل ويا لواءات من الحشد..
اني رحت قدمت اول واحد كلتلهم اروح !!
جماعتي بقو يحجون عليه يمعود انت مخبل اكيد شدتحجي الموصل موت احمر وين اتروح؟!!
كلتلهم معليكم اني اريد ارووح .. حتى الامر مالتي مقبل اروح ..
كال ليث انت من خيرت ضباطنه مااريد انخسرك والموصل وضعها كلش تعبان
كلتله سيدي اذا اني مااروح وهذا ميروح اشلون نحررها لعد ؟!!
المهم .. بالاخير كدرت اقنع الامر يدزني ضمن المجموعه اللي راح تروح ..حضرت ملابسي وباجر التحق للموصل.
ندى ..
الايام تمر عليه سنين .. كل يوم ما اغفى اىا اسمع اغنية مجنوني ويصفى راسي من البجي يلاا انام.
سهى اختي حتكمل السنه ودتحضر لزواجها
اخويه علي هم ديحضر للتخرج مالته .
محمد سمعت بي اتعين بالحشد الشعبي..
طبعا من يوم اللي اجاني بالليل وهددني بعد مشفت وجهه ولا حجيت ويا ابد .
ابويه يجي يكعد يمي كل يوم ويسألني اشلون صرت اكوله الحمدلله
اني اغلب الاوقات بس صافنه وجاوب على كد السؤال..
دراستي اللي هي اغلى شي بحياتي تركتها
امي خطيه احتارت بيه كولشي تسوي حتى بس تشوفني احجي لو ابتسم واني مااريد اكسر خاطرها مرات اجبر نفسي واتضاهر اني زينه
صار ٣ اشهر اني مشايفه ليث ولا سامعه صوته ولا اعرف اخباره
وكل يوم دااحس نفسي دااكبر سنه من الشووق الي بكلبي اله
يا ربي انت قادر على كل شئ قدير .. وتكدر ترجعلي روحي الي
وتحييني من جديد .. يس اريد اسمع خبر عنه بس اعرف شصارله ، اشونه ؟!! يتذكرني لا ؟!
هم امر على باله؟!!
هم يعرف اني بعده بس الهم والحزن نصيبي ؟!!
الهييييي دخيلك اني لو ترجعه الي بو تاخذ روحي بعد مااكدر اتحمل.
محمد ..
بعد الي صار بأختي ندى وحالتها الصحيه اللي تعبت عرفت اني السبب ، حسيت بالذنب
وتأذيت هواي من شفت حالتها اشلون تعبانه
مكدرت احجي وياها ولا اتقرب يمها لان الدكتوره كالت ممنوع تتعرض لاي ضغط نفسي او صدمه خفت لا احجي وياها وتنتكس بالزايد ..
رحت للكليه مالتها هواي وسألت عن الولد عرفت انو هو ترك الدراسه ومحد انطاني عنوانه لان ممنوع ينطون معلومات الطلاب
اخير شي متحملت كلت لازم أترك البيت مااكدر اشوف حالتها هيج كل يوم دتسوء واني اعرف السبب ومااكدر اسوي شي.
بقيت ادعي الله يغفرلي ويسامحني
قررت التحق بالحشد الشعبي كلت بالكي امووت واخلص من هذا العذاب اللي عايشه
بقيت تدريب شهرين بالتاجي
بعدين قررو ياخذونه للموصل اني فرحت اخيرا راح اموت واخلص وبلكي الله يغفرلي
اللي سويته بأختي.
رحنه للموصل بقينا اسبوعين وراها صار تعرض على المقر مالتنا
هجمو الدواعش علينه ..
جماعتي اللي مات مات واللي انهزم انهزم واني تصوبت برجلي .. بعد مكدرت اتحرك وسمعت صوت الدواعش قريب عليه كلت خلص راح اموت اتشاهدت...
بهذي اللحظه اجاني ضابط جرني كال كوم خويه شكو باقي هناا ؟!!
كلتله سيدي .. اني متصوب ومااكدر اتحرك ..
الضابط .. كول يا الله واني وياك اسندك .
اني .. سيدي مااكدر عوفني وروح احسن ما نموت اثنينه روح انت واني خليني هنا.
الضابط .. شنوو اعوفك كل عقلك ؟!!
انت بعهدتي نعيش سوه لو نموت سوه ...
بهذي اللحظه الدواعش صارو قريبين يمنه جرني هوو خلاني على ضهره وركض بيه...