يوسف : اليوم عيد ميلاد بنتي نجمه حبيبة ابوها سميتها نجمة على اسم نبض قلبي مياسين مردت اجرح نبأ اكثر لان م̷ـــِْن ردت اسميها مياسين انهارت حقها تالي مكدرت سميتها نجمه ردت م̷ـــِْن اصيح بأسم بنتي تجي مياسه كبالي مااريد تروح م̷ـــِْن عقلي وقلبي وعيوني ردتها دائما حاضره بحياتي
شكد حاولت انساها كمت احبها اكثر حتى نبأ مكدرت احبها ولوشويه حتى استمر وياها ايام افكر انفصل عنها بس ارجع وافكر وهاي الطفله شنو ذنبها
نبأ عازمه الدنيا كلها تكول مو عيد ميلاد عبالك عرس واني گـ❈ٍـْلٍ شويه فاتح الباب بس متوقعت هاي المره الي راح افتح بيها الباب لحب عمري وسبب ضياع روحي باوعت عليها هاي بنيتي حبيبتي روحي الي نشلعت مني بغلطه مني ومنها مدااصدك الي اشوفه جمدت وهي هم ضلينا صافنين مااعرف اصفن على عيونها الي كلها عتاب لو على شفايفها الي برطمت تريد تبجي حيل انهد م̷ـــِْن شفتها لوبيدي احضنها واشمها شم اوف يارويحتي شكد مشتاق لنفسج شجابج هنا لو رب العالمين انقهر عليه ودزها حتى اشوفها
مياسين : وصلنا لبيت بنت عمها لسوسن واندك الباب وانصدمت صدمة عـُـّــٓمُْري حسيت الزمن وكف وحياتي مرت كدامي مثل الشريط بحلوها ومرها وضليت جامده لا بيه ادخل ولا بيه اطلع انهزم اركض مااعرف شعور حقير متوقعت بيوم احسه اريد اعيط اريد اصيح وينك ليش عفتني ليش بعت حبي ليش عشت حياتك ونسيتني ليش ماغزرت حضناتي وبواجي تالي الليل
حـًًًًِـبي الك مابيه ملح بحيث ماغزر زين ليش مسألت عليه ليش مسألت على نجمتك تالي تسمي بنتك نجمه حتى تعوض لا يوسف لا هذا الاسم ميعوضك عن حـًًًًِـبي ولا يعزيني بجرحك حتى تكول باعي م̷ـــِْن حبي الج سميت بنتي نجمه هذا كله مو بعيني الي بعيني جرحك وهجرك ونسيانك الي ياوسفة على الايام الراحت واني انتظرك
سوسن : شلونك ابو نجمه ابو نجمه تسمعني
يوسف : هااااا العفو تفضلي سوسن
سوسن : اعرفك صديقتي مياسين
مياسه أُلؤْؤٌ📞ؤًِّؤٌٍٓ شبيج
مياسين : ماكو شى نسيت شغله ورايحه
سوسن : كولي ياالله يمعوده هي نص ساعه ندخل وبعدين نروح
يوسف : لا مياسه لتروحين خليني املي عيوني منج متدرين شكد مشتاقلج احجي بداخلي
سوسن : اكص ايدي اذا مو واحد يعرف الثاني البنيه اصفرت وترجف وعبالك يريد يغمى عليها
ويوسف كام يرجف وعيونه تلمع عبالك شويه ويريد يبجي واحد صافن بوجهه الثاني مخروعين اذا مااعرف قصتهم مااصير سوسن احجي بداخلي
مياسين : تفضل هاي هديه لبنتك كل سنه وهي سالمه والله يًــحفظها الك 😔😔
يوسف : ياربي شنو هذا الاختبار الي حطيتنا بيه قلبي يبجي دم عليها ومااعرف شأصرف اريد احضنها اريد اشمها ليش رجعتي ليش فتحتي الجرح القديم شجابج ليم بابي
نبأ : دخلت مياسين جفلت ومعرفت شأصرف المفاجأة جانت جبيره عرفتني عليها سوسن بنت عمي وسوت نفسها لاتعرفني ولا تعرف يوسف واني هم نفس الشى كأن مااعرفها ولا شايفتها لان ادري بيها سوسن ثرثاره واذا عرفت شى يبووو شيخلصنا
تفضلي ست مياسين
مياسين : شكرا وعيد ميلاد سعيد لنجمه
نبأ : شكرا
يوسف : رجلي كامت متحملني بلا وعي مني كعدت كبالها اريد اشوفها شنو الي تغير بيها بعدني احبها مثل قبل زين هي بعدها تحبني بس هي متزوجه واني هم متزوج اكيد هسه عدها اطفال الف سؤال اجه على بالي واني صافن عليها گـ❈ٍـْلٍ الي عرفته هي متغيره وكبرانه ومحلوه ڰـْـْـْـڷْشْ التغييرات الي بيها مسويتها ڰـْـْـْـڷْشْ حلوه ولو هي حتى م̷ـــِْن جانت تسوي كصيبه ولابسه مناظر حلوه بعيوني
مهتميت لااي احد اهلي اهل نبأ صديقاتها لااي احد گـ❈ٍـْلٍ الي هامني اشوف بنت قلبي كاعده گبالي ومرتبكه مثلي واكثر گـ❈ٍـْلٍ منصير عين بعين احسها تعاتبني نسيت حتى بنتي لحد مجتني تركض وشمرت نفسها بحضني وتصيح بابا بقلم Reem
مياسين : الشعور الي احسه لعدوي مااتمناه اشوف عـُـّــٓمُْري الي خلص اركض وره سراب وهم
هو عايش ومكون اسره وطفله تخبل واني باقيه انتظر شكاعد انتظر اني ليش اغالط نفسي هو تزوج واني باقيه انتظره شجاني اباوع عليه تمنيت اكره شكد سوه مصايب ويايه ماكرهته ليش شنو الي يخليني احبه لحد هسه
اني هسه بية وجع بس إٱللـِْﷻـِْﮭﮧ ليعلم بيه
نبأ : اباوع على يوسف بعيونه عشك وحب ولهفه 3 سنوات وياه مشفتهن بعيونه لهاي الدرجه بعده يحبها وبعده منساها هسه هي متزوجه المفروض يكرهه او ينساها او اقلها يقل حبه الها
طول فتره الحفله ويوسف ومياسين واحد صافن على الثاني عبالك عيونهم الي تتعاتب مو لسانهم اني انقهرت والغيره شبت بقلبي بس مابيدي شى اخاف اسوي تصرف واندمً عليه
واذكرت يوم عرسي ليش يامياسين حصره افرح تجين تخربين فرحتي
اكلج سوسن منين تعرفين هاي البنيه
سوسن : هاي صديقتي بالشغل ويايه
نبأ : هااا دااكول مزوجه موو
سوسن : لا ممتزوجه بس بحكم المخطوبه
نبأ : يعني مطلقة وهسه انخطبت
سوسن : لا اصلا بنيه ممزوجه
نبأ : صًدٌ😱ك مستحيل احنا ندري بيها متزوجه لازم صاير شى زين قبل كم سنه كالوا اتزوجت ابن عمها شصار خاف متزوجه ومتحجي لااحد الفضول كتلني اريد اسألها بس شأكلها احجي بداخلي
يوسف : مياسه رفعي راسج اريد اشوف عيونج احجي بداخلي بلكت يوصل احساسي الها
مياسين : ياربي مكعد اتحمل الي بيه نار بصدري شنو بقائي خلي اكوم اني داأهين نفسي بقائي هنا واني اكوم شفت بنيه مجلبه بهدومي باوعت شفتها نجمه بنت يوسف
ردت اوخرها بس هي شكلها يخبل مدبدبه وبيضة تجبر الواحد يبوسها وتضحك للهوا دنجت وشلتها وبستها مااعرف ليش ادري بروحي م̷ـــِْن بستها مو لان طفلة وابوسها لا ردت اشتم ريحه يوسف بيها وبستها من گـ❈ٍـْلٍ قلبي باوعت شفت يوسف بصفي بيني وبينه بس نجمه الي اني شايلتها وابوس بيها
يوسف : شلونج مياسين
مياسين : الْحٍمَدٍ للـّہ 😔
انت شلونك
يوسف : ميت بلياج
مياسين : م̷ـــِْن رخصتك شمرت بنته عليه وطلعت اركض اريد اعيط املخ روحي ولكم ياناس ياعالم الي احبه عافني وراجع بعد سنين مأسس اسره ومستقر بحياته ويكلي ميت بلياج لعد لو عايش شتسوي
متحملت اخذت تكسي ورحت لرؤى جانت هستوها راجعه هي وعمار طالعين رحت ركضت شمرت نفسي بحضنها محتاجه احد اشكيله وماكو احسن من روى لان تعرف كلشي
روى : اسم إٱللـِْﷻـِْﮭﮧ مياسه شبيج احجي
مياسين : ولج شفتي اي شفته ليش رجع ليش مكافي دمرلي حياتي وسلب منها الراحه 😭
روى :منو هذا احجي
مياسين : يوسف😭
روى : عزه لا مدااصدك شرجعه
مياسين : حظي المصخم رجعه ولج مو نسيته وكلت راح ابدي حياتي م̷ـــِْن جديد ليش ربي مكاتبلي الراحه ليش حياتي كلها ظيم بظيم
روى : حبيبتي على كيفج اهدي فهميني شصار وين شفتي
مياسين : وحجيت كلشي لروى
روى : مياسه انتي ليش تغالطين روحج واحد اتزوج وصار اكثر م̷ـــِْن سنتين ويه زوجته شتريدين م̷ـــِْن تشوفيه يكلج والله منتظرج ملمست مرتي لخاطرج بابا هاي سوالف الافلام تركيها اي رجال بس يزوج غريزته تغلب على حبه وقلبه واله متشوفين 80% م̷ـــِْن الرياجيل متزوجين زواج تقليدي لا حب ولا بطيخ وعايشين ومكونين اسره واطفال والوضع لوز بعد شكوو هذا الحجي مالتج تدرين كلش زين م̷ـــِْن تشوفيه او تلتقيه بيه فديوم راح يكون عنده عائله وكاعد وساكت لهذا هدأي ليروح يصير بيج شى وتالي ممحصلين م̷ـــِْن استاذ يوسف بس المصايب والامراض
مياسين : حجيج صح اني الي غلط انتظرت شى مستحيل يصير مشيت وره وهم خسرني ايام حلوه م̷ـــِْن شبابي ضيعت كلشي وهسه جاي ابجي لا مراح ابجي وراح ابني حياتي مثل ماهو اسس حياته وانساه
روى : شراح تسوين 🤔
مياسين : راح اقبل بوليد واتزوجه
روى : خوش متجوزين م̷ـــِْن جفصاتج
مياسين : ليش
روى :باعي مياسه قبل اتخذتي قرار بلحظه تهور وكلتي انتقم م̷ـــِْن وسام وتاليها شفتي شصار ومسمعتي كلامي والي انتي بيه اليوم كله بسبب هذا القرار واليوم كاعد تعيدين نفس المأساه رحمه لقمر اعقلي
مياسين : ولج شمسويه
روى : انتي راح تتزوجين وليد ماشي بس مكلتي شنو ذنبه تعيشي بتعاسه وتعالجين روحج بيه انتي اذا ازوجتيه راح تنسين يوسف هسه انتي عصبيه ومنهاره انطي لنفسج مجال شو الولد كاعد وساكت المكرود ينتظر انتي انطي فرصه لروحج ولاتتهورين اذا حسيتي نفسج مستعده تتزوجين وليد وتنسين يوسف اني اكلج الف مبروك بس اذا علمود كبريائج رجاءا اوكفي ولاتتهورين وفوكاها تتحملين ذنب
مياسين : ماشي راح افكر زين ومااستعجل
يوسف : طلعت مياسين تركض حاولت الحك بيها مكدرت م̷ـــِْن دااطلع وراها لزمتني نبأ
نبأ : اوكف وين رايح عيب عليك اهلي واهلك هنا لتسوي مشكله اقلها لخاطر بنتك لنصير علج بحلك الكل
يوسف : عوفيني وخري ركضت وره مياسين لكيتها رايحه شطتت لوبيدي اطب اگلب الحفله على روس الكل واولهم نبأ لان اخرتني عليها وكوه خلصت الحفله وقررت اروح لبيت خالتي اراقب البيت اكيد تطلع الصبح بس هي متزوجه واني شأريد منها مااعرف المهم اشوفها وظليت الليل كله نتعارك اني ونبأ م̷ـــِْن وره الي صار بالميلاد
نبأ : الى متى تبقى مياسين ادمر حياتي مستحيت م̷ـــِْن ركضت وراها مثل الطفل مستحيت على عمرك ومستواك الاجتماعي كاعد صافن عليها تكول عبالك ملكه جمال وصافن عليها
يوسف : كافي نبأ لا تستفزيني
نبأ : شستفزك انت متجوز م̷ـــِْن هاي الكلبه ولك عوفها خلي تولي متزوجه شتريد منها
يوسف : لزمتها م̷ـــِْن شعرها اياج تجيبين مياسين بحجايه موزينه افتهمتي
نبأ : لا مفتهمت خلي تولي هاي الساقطه تفتر على الزلم
يوسف : ضربتها راشدي بكل قوتي سمعي لج مياسين اشرف منج واحبها واموت عليها ولااخر يوم بعمري اظل احبها واني مااحبج افتهمتي
نبأ : ضربني وحجه الي بقلبه ولو ميحتاج ادري بيه يحبها وعاف البيت وطلع صعدت امه تحاول تعرف شصار اني بس ابجي وبعدين اتذكرت
خاله اريد اسألج سؤال اتجاوبيني بكل صراحه
ام يوسف : كولي بنيتي
نبأ : مياسين متزوجت وسام مووو
ام يوسف : هااا لا اتزوجت
نبأ : احلفج بعزاز قلبج كولي الصدق
ام يوسف : اي متزوجته وفصخت الخطوبه وره مده م̷ـــِْن زواجكم
نبأ : لعد ليش خاله كلتي متزوجه ليش كذبتي
ام يوسف : يمه لخاطرج ولخاطر ابني انتي مناسبه اكثر اله وادري بيه راح يعيش سعيد وياج
نبأ : غلطتي خاله انتي دمرتي ابنج ودمرتيني وكمت كلشي احجيلها على تعامله البارد وعلى اهماله وعدم حبه اليه واني مجرد ام لطفلته وعايشين اتعس عيشه
شفتي خاله شسويتي والمصيبه اليوم شاف مياسين بالحفله شراح يخلصنا اذا عرف ممزوجه
ام يوسف : م̷ـــِْن عزه شرجعها
نبأ : إٱللـِْﷻـِْﮭﮧ يستر خاله ادعي هاي الايام تعدي على خير ونرجع نسافر وبلكت ينساها
مياسين : مر الليل عليه سم واني اذكر يوسف وبنته وزوجته والعيد ميلاد وكوه داومت ثاني يوم
سوسن : ها يزريكه شلونج
مياسين : بله متجوزين مني لا اكطعج هسه
سوسن : باعي مال اجوز منج تحلمين اله تكوليلي شكو بينج وبين يوسف زوج نبأ بنت عمي
مياسين : ماكو شى ومااعرفه اصلا
روى : لتلحين سوسن شجاج
سوسن : باعن لجن هذا الحجي لتصرفوه عليه ولج روى مشفتيها شصار بيها م̷ـــِْن شافتها اني كلت راح تنجلط ترجف وازركت اكثر ماهيه زركه ومتعرفيها شتريد بحيث رادت تنهزم كالت نسيت شغله واني هاي الكلاوات متعبر عليه سحلتها ودخلتها كلت اليوم اله اعرف شًٌگووو اما هو مات م̷ـــِْن شافها صفن والدمعه بعينه ومن طلعت صار نار ويروح منا ويجي منا مثل السمجه المزوهره لا والله مثل المره التطلك
روى : هًًهًهًهًـ😂ـًهًهًهٰـ😂ـهًهًهًهًٌ والله عليج سوالف
سوسن : رورو الفاهيه لتضلين بس اتضحكين رسيني شنو بيناتهم
مياسين : كافي سوسن بلا ملحه كتلج مااعرفه وانتهى
سوسن : خوش لعد اروح لبنت عمي واجرها بالحجي واكلها مياسين تكول احب رجل نبأ وهو يحبني صدك هذا الحجي اجيت استفسر
مياسين : م̷ـــِْن عزه الي عزاج والله اذا سويتيها اذبحج بأيدي
سوسن : لعد احجيلي
مياسين : ولسانج شلون بيه
سوسن : وداعت امي وابويه مااحجي والله والنبي محمد مااحجي مستعده بااي شى احلفلج ولج م̷ـــِْن البارحه منايمه اريد الصبح يصبح واسألج
مياسين : حجيت كلشي لسوسن طبعا مع الاحتفاظ بعض الاسرار منها غلطتي ويه وسام والانتقام وكتلها خطبني ابن عمي غصب وتركنا
سوسن : 😭 ولج خطيه ليش هيج حرامات حبكم
مياسين : هاي هيه شنسوي حظنا
والله طلع عندج احساس
سوسن : والله قصتكم تبجي الحجر زين ليش مترجعيله بقلم Reem
مياسين : اعتقد بديتي تخرفين
سوسن : لا وٌلًـج شكو بيها الشرع حلل اربعه انتي بمكان وهي بمكان
روى : اكلج انتي متأكده نبأ بنت عمج اني كلت بس تدرين بعلاقة يوسف ومياسه راح تكلبين الدنيا لخاطر بنت عمج
سوسن : يابا خلي اطير هي وعمي ولج اني اعشق الحب واتمنى احب مياسه شنو نوع السحر الي شايلته وياج وعد م̷ـــِْنو مسويته
مياسين : ياسحر يامعزايه
سوسن : يعني تعاي قنعيني وحده زركه وعوبه مثلج شبيها الزلم ميته عليج اني احلى منج بالف مره ولا ذيل جلب شفت وانتي واحد احلى م̷ـــِْن الثاني هسه كمت اصدك صدك الحظ للزركات
مياسين : ولج انتي شكد قبيحه هاي منو الزركه اني سمره واخبل كافي جسمي واناقتي
سوسن : والباقي ذبي بالزبل
روى : ههههههه والله مو طبيعيات ولج سوسن تره مياسه حلوه وجنها هنديه وشعرها بالف مره وعيونها هواي بيها شغلات تخبل تخلي الرجال ينجذب الها
سوسن : بس اني احلى منها ولج لمت شكو صاك بالدنيا وكلها تركض وراها الزريكه هاي
مياسين : ولج بطلي اسم الزريكه يلعوبه
سوسن : اقلها اني بيضة اخبل
مياسين : يله رورو مو جوعانه تعاي انطكها بالدهن وكمشنا سوسن كطعناها م̷ـــِْن الكتل بالشقة وضحكنا واصل لنهايه الشركه وطب وليد
وليد : صـباح الـ🌹ـورد ان شاء الله ضحكت خير
مياسين : والبنات صباح النور
وليد : ممكن احجي وياج مياسين اذا مصارت زحمه
مياسين : ماشي ثواني واجي وراك
سوسن : هاج استلمي مو حقي م̷ـــِْن احجي واكول شايله سحر بله هذا الكيك لمياسين ربي ليش ماخلقتني زركه ربي
مياسين : جان ضليتي طول حياتج تعيسه مثلي
سوسن : عمي راضيه ابقى تعيسه بس هذا الكيك داير مدايري
مياسين : خلي اروح اشوف الكيك قصدي وليد واجيكم
سوسن : روحي عيني روحي اوًًًووًفــօƒƒــف إٱللـِْﷻـِْﮭﮧ لو خالقني زركه ولا هاي العيشه
دخلت لوليد للمكتب واني اعرف عن شنو صاحني
وليد : شلونج مياسه عذريني اذا اصيحلج مياسه لان الكل يصيحلج هيج
مياسين : لا عادي هو اني اصلا متعلمه على مياسه اكثر م̷ـــِْن مياسين تفضل محتاج شى
وليد : مفكرتي بعرضي الج
مياسين : والله دكتور وليد مااعرف شأكول
وليد : اولا لتكولين دكتور ياريت نشيل الالقاب بينا ثانيا اذا تريدين وقت اكثر عادي انتظر
مياسين : مااعرف شأكول
وليد : ليش هيج مشاعرج بارده
اصلا ماعندي مشاعر انطيها اسفة م̷ـــِْن زمان ماتت مشاعري ومااكدر اقدملك الي تريده وليد
اجيت بالوقت الضائع اني انسانه محطمه م̷ـــِْن كلشي ماانكر انت الف وحده تتمناك واحسن مني اكيد بس اني لا مااتمناك وهاي عقليتي يجوز تكول مخبله ماكو وحده مثلي ترفض شاب مثلك بس تره اكو هّْـٍٍـًًــٍٍـواي بنات مخبلات واني وحده منهن
وليد : مياسه راح انطيج مهله ثانيه ممكن بيوم تغيرين رأيج
مياسين : مااعرف مااعتقد بس هم افكر
وليد : ماشي بس مو تتأخرين هوايه منتظرج على نار
مياسين : الله كريم م̷ـــِْن رخصتك
مياسين : طلعت م̷ـــِْن وليد واني افكر اذا اقبل بيه مو احسن بله اني شأنتظر عـُـّــٓمُْـري وكبرت ومستحيل تجيني احسن م̷ـــِْن هيج فرصة هسه اذا اكولها لمخبل هم يحجي عليه دكتور وارفضة حايره ياربي شلون بيه
يتبع ...