سلاموا عليكووا 👋👋
معاكم اماندا..نرمين احمم
انا اه بقالي كتير بتكلم بجد و مبقيتش اهزر انا عارفة..بس انا دمي بيتحرق و بكون متضايقة و انا بكتب بس هحاول اني اهزر زي الاول و مخليش البارت يبقي كله جد و كدة
تمام؟
نبدأ
دلوقتي انا واحدة..لما كنت في الاول و كنت كاتبة مبتدأه و معرفش حاجة و كنت فاكرة ان الكتابة دي مجرد لعب و اني بقي لما هعمل ستوري هخربها فوتس و كومنتس بقي و كدة
فا انا مكنتش اعرف اللغة العربية كويس و مكنتش حتي بركز في الفصل في النحو و كنت ساعتها لسه صغيرة
فا كنت عايزة اكتب ستوري و بقيت اتخيل الريدرز و هما بيعملولي كومنتس و فوتس زي القصص التانية المشهورة و كدة..يعني زي اي كاتبة مبتدأه..تمام؟
فا انا عملت قصة باللغة العامية و طبعاً لما رجعت اقراها تاني. لقيت كمية الغلطات الاملائية و طبعاً كلام انا مكنتش مصدقة انا كتبت كل ده ازاي و انا كنت بطول في الكلمات بمعني
"ااااااااااااهه فهمت"
و كدة برضوا "هههههههههه يالهوي هه شكلكوا ههههه مسخرة هههههههه"
طبعاً انا فضلت اشتم نفسي و اقول ايه الهبل اللي انا كتباه ده و كنت عايزة اولع في ام القصة من اولها لآخرها كدة
بس طبعاً يا جماعة..دي كانت اول قصة ليا..فطبعاً مش هتكون بيرفكت و كدة..لازم تبقي زي الخرا يعني
بس انا برضوا مرضيتش اني امسحها عشان تكون كدة دي اول اعمالي و اقارن بعدين مبين القصص دي و القصص اللي موجودة دلوقتي
عشان اعرف انا اتطورت ازاي و دي حاجة كويسة جدا
تيجي بقي واحدة مستفزة و تتكلم بكل استفزاز..و تحط ايموجيز مستفزة زي وشها و تقول
"كنت هبدأ اقري بس لقيتها عامية..سوري 😒 -_-"
طبعاً دي قصتي و اول اعمالي..اكيد طبعاً هقول انها عندها حق عشان القصة تقرف الكلب الميت..
انما انتي ليه متطلعيش طيب من القصة بإحترامك؟!
يعني هو لازم انك تحطي التاتش بتاعك و تكتبي كومنت مستفز عشان تضايقي الكاتبة!!
يعني كان ممكن تقولي في نفسك..لالا القصة عامية و انا مش بحب العامي
انما انتي داخلة في الكومنتات!..و كاتبة كومنت مستفز زي وشك..و حاطة اكتر ايموجيز مستفز في العالم..ليه؟
عشان الكاتبة لازم تعرف ان العامي ده جاجة الخرا
علي فكرة..فيه قصص مشهورة اوي و بتكون عامية و كمان بتبقي قصص حلوة و زالفل
انما انا برضوا مش فاهمة؟
يعني..ليه؟..ليه تكتبي كومنت يستفز اهلي يا شيخة؟
ليه تتعبي اعصاب الكاتب؟
و بعدين لو انتي بتشوفي..هتلاقي ان القصة بقالها سنة خلصانة و عملت قصة وان شوت و كمان عملت قصة تانية و دلوقتي في البارت ال46 و مش بفكر حتي اني ارجع تاني و اخليها لغة عربية عشان انا تعبت منها و من الاحداث جداً...و مش بفكر اني ارجع تاني..بالعكس
انا عايزاها كدة عشان عاوزة اشوف انا كنت ازاي و بقيت ازاي
فا لما واحدة زيك تيجي و تقولي لا انا مش هقراها عشان هي لغة عامية
في ستشين داهية ياستي
و زي ماقلت..محدش ضربك علي ايدك عشان تقري والله
انا اصلا لما شفت الكومنت..انا كنت بي لايك:
"هاتولي الشبشب اضربها علي بوقها!!"
و بعني حتي لو عايزة انك تكملي..كملي بإحترامك مش بقلة ادبك..و مش لازم تعملوا كومنتات تقفل الواحد عشان احنا نفسيتنا تعبانه والله 😒😒😒😒😒😒😒😒😒😒
____________________________________
تمام كده؟
قولولي رأيكوا في اللي انا قولته..و لو حد عنده رأي غير كدة يقوله برضوا
سلام 👋