#تعبني-عشك-الشيخ13
بقلم نورا غدرني الزمن
بيج قصص ليل وعشك
قبل لاابدي اسرد رحلة ايه بالبحث عن برائة امها وبرائتها ذكرت الكم مفاجاه راح تغير حياة ايه ومستقبلها وخمنتو صح انو ورث زين شون ورث ومؤيد ابو ايه فقير ويتيم ومقطوع من شجره راح يحصل ورث ..نعم بقدرة قادر لان الله اذا راد يرزق عبد من عباده وخاصة مظلوم وصابر على البلاء مثل ايه انما يقول للشيئ كن فيكون راح نرجع لبداية القصه ماراح اتعبكم واخليكم ترجعون تقرون لا اني راح اذكركم ذكرت ثلاث اشخاص بداية القصه طبعا مانذكروا عبث لا النه رجعه الهم سواء كانو احياء او اموات وراح يكون الهم تاثير بحياة ومستقبل ايه
الاشخاص هم زوجة اب مؤيد ابو ايه والثاني هو ابن عمه والثالث هو شخص ميت واعتبرو شهيد وراح نشوف حتى هذا الميت اله تاثير بحياتها وهذا شي مو بعيد على الله سبحانه فهو ناصر المظلومين والفقراء بداية القصه مربوط بنهايتها وماابتعدنا عنه
.................. قصص ليل وعشگ .........
ايه :انتبهت ع نفسي شلون صايره عصبيه ووحشيه بس شسوي الي مريت بي مو سهل ابدا كلت ارجع للبيت حتى اولا اشوف موضوع الارض هذا شنو وافتهم منه زين وبعدين اتصرف وانه امشي وحالتي حاله واباوع للسمه وادعي ربي واكول ربي لساني عاجز بس انت تعرف شنو بقلبي اكثر من طلب وانه خجوله منك ياربي واجد الح عليك بطلباتي واجد شغلات اريدك تحلهه الي خجلانه منك ياربي شون اطلب منك يارب انصرني وبين مظلوميتي واذا انه ظالمه عاقبني وانت احكم الحاكمين
رجعت للبيت لكيت رسميه هناك شفتهه تندمت ع سويته بيهه شبكتها وبجيت تذكرني بامي واعتذرت منها ع الحجي الحجيته
رسميه :وين جنتي يمه ايه وشجاي تسوين يمه كسري الشر وكعدي وسكتي لايأذوج
ايه :هه ضحكتيني والله كل هذااااااا وماأذوني صدك تحجين رسميه هنا هنا نااار واشر ع گلبي رسميه ابني بعده عني شعل بروحي نار شتحجين انت رجلي دفرني وهاني وذلني رسميه بست رجله بس يصدك بيه هو يدري انه بس لسان ومااسويهه واشرد شون ماصدكني شون ولج يگلي اتمنى اصدكج خليني ساكته دخيلج وانه مااخايفه يردون يكتلوني هي انه حاضره الهم خلي يطفون نار البگلبي ببعده عن ابني ولاابقى العمر كله بحسرتي عليه
رسميه :رايحه للزياره ومناك يم اخواني ابقى جم اسبوع وراح اندعيلج وياي
ايه :الله وياج اي ادعيلي بس الدعاء يكفي منج هذا هو ماقصرتي
رسميه :شبيدي عليج اخخ مابيدي شي وين جنتي ومنين جايه
ايه :اي مابيدج ادري جنت يم بيت ابو عبدالله الحارس
رسميه :شسوين ؟؟
ايه :ادور شي يثبت برائة امي
رسميه :ولگيتي ؟
ايه :اي لگيت شي يخص كاع واثبات ملكيه وبعد حجي كاله ابنه الزغير خل اشون اصرف
رسميه :ظلت تدك ع صدرها ولج ايه عوفي عن سالفة الكاع سالفتهه سالفهه وكسري الشر ولاتندكين بولد مزهر تره تلحكين حسين وامج كعدي ايه لاتصخمين وجهج
ايه :خاااااااااب دطيري رسميه روحي لزيارتج روحي ضمي روحج يم اخوانج لايلوحج طشار من الي راح اعفسه الي رب وياي وانه بحمايته واذا انه الهسه عايشه فهذا كله تدبير رب العالمين يمهل ولايهمل يريد يكشفهم
اي رسميه عذريني تره انه انطكيت ع راسي والله وشويه صار بعقلي شي عذريني ع الكلام القاسي واذا عندج منا منا شي تعرفينه عن الكاع كولي كبل لاترحين تلبدين رسميه كولي اسمعج وظليت احك براسي 😁
رسميه :ايه الكاع تسوه ملايين وذهب وبيهه حصه لكامل وحسين بس كامل مايدري بيهه وهم مزهر ابو نهله اله حصه بس زغيره بيهه والرجال اليدري بحصة كامل انكتل وراها والكاع هسه بيد مزهر واولاده ومحد يدري عنهه بس هو من وصلت الاوراق لكامل بيومها جان بالعمره بس كامل عرف وصلتله اوراق وصارت بيد شيخه وكلتله خليتهه بالقاصه مالت فلوسك بس مايدري شنو الاوراق وشتثبت نفذو خطه وهجمو ع البيت وكالو حرامي باك الفلوس ووياهه الاوراق حتى تضيع السالفه الحارس جان يدري شنو لان سمعهم وامج هم سمعت رسميه ونهله وعيسى بالغلط ومن كالت امج هذا حرامي بيت ع البوكه هددتهه شيخه بس امج مافكت كل مره تريد تكول الكامل ع البوكه وتهددهه شيخه بيج يأيه لحد ماجنت ع روحها وعليج وهسه راح تجنين ع عمرج انت هم كعدي وسكتي ايه
ايه :ورجلج ؟؟
رسميه :اووف رجلي جان عنده علم اكو كاع الهم حصه بيهه وهي كبل لاتتثبت باوراق جان يروح يكللهم اريد نعرف شنو النه شنو العلينه حتى اخبر اخوي كامل ونتقاسم هم كلوله لاتخبره علما نعرف شكد النه وشكد الكم وراها كلوله تعال عازمينك ع سفرة صيد وسباحه هو راح وبعد مارد
ايه :وسكتي ومابلغتي كامل وتدرين كلشي امدايه والله اعيش يوم واحد مثل الاسد ولاابقى طول عمري نعامه
رسميه :انه مو مثلج ماالي جرئه
ايه :الله كريم تفرج الهه رب يفرجها بقت سالفة موتت امي وهم تفض والله كريم
المهم رسميه انت شون راح تفاركين الحب ماتخافين عليه شيخه تسويله شي
رسميه :اخ منج ماتجوزين
ايه :اي شيحجون مايحجون بالبيت
رسميه :شيخه يوميه تسال نهله عن ابنكم وتكللهه ماادري وانور حالته حاله لااكل لاشرب ولحيته شطولهه يوميه يطلع يدور ع الطفل مابقى واحد مابلغه
ايه :اخخ من ايده هو كبر راسهه
رسميه :اكوم اروح تاخرت انه ديري بالج ع نفسج
مودعه بالله
طلعت رسميه بقيت افكر شسوي تذكرت مرت ابو ابوي وجانت تشتغل بالمستشفى واتذكر جانو يكولون بيا مستشفى لبست العبايه واريد اطلع
ام زهره :وين ايه توج جيتي اكليلج لكمه
ايه :ام زهره لازم اطلع الحك مالازم اصبر ولادقيقه اشوفلي حل
ام زهره :مو انت نفسه موزين هالتعب عليج راح اسويلج لفه
راحت سوتلي لفه بيهه القاسمه الله خضره وطماطه وكباب مگلي ونطتني كليتهه ع سريع والله ماقصرت وياي اوف شون راح اجازيج ام زهره لفيتيني عندج وصدكتي بيه وانه غريبه عليج اخخ والي اختاره الگلب اخخ وجريت حسره مااصدكني وانه مرته وام وليده
ام زهره :مااريد تجازيني شمسويه انه هسه انه اريد تاخذين حكج
ايه :بسته ع راسهه وطلعت
امشي ربي والله جاي اخجل هالكد ماجاي اطلب منك ربي عوضني وخليني ارد جميل ام زهره هالارمله وصاحبة ايتام اوف خطيه ام زهره نص جسمهه بي حرك ووجهه هم محترك يعني وعايشه ع خدمة الناس وتخبز للعالم وتطلع المقسوم
رحت للمستشفى وطبيت اسال على مرت ابو ابوي اسمهه عليه والله سالت واجد حد ماكلولي طلعت تقاعد كبرت بعد ونطوني عنوانهه انه تعبت كلش كعدت ارتاح الناس تباوع عليه شون حالتي حاله القهر مبين عليه وعيوني مغوركات النسوان يسالني شبيج تعبت من الحجي الشكوى الك يارب طلعت شفت الشمس قويه وانه تعبت بس مالازم اوكف اتعب هسه بعدين ارتاح اروح على عليه اريدهه تشوفلي زلمه من اهل ابوي يوكف وياي وياخذني لواحد يفتهم وتجيكم السالفه رحت للعنوان ادكدك بالبيبان واسئلهم لحد ماطحت بيهه هي مامخلفه وكاعده ابيت اخوها عاد والله شفتهه وكتلهه انه منو دخلتني للبيت حجيتلهه كل شي كالت ماكو غير ابو ماجد يساعدج
ايه: يح مو نفسه هذا الطردنه من الكاع من جنه كاعدين ويا
عليه :اي ولج هسه صار رجال محترم وعنده معارف شبيج نروح عليه يشوفنه شيخ شي وندز على ابو رجلج ونحجي ويا وله انت شون راح ترحين اله بعد وشون راح يصدكج
ايه :صفنت خوش
عليه :هسه نتغده والعصر نطلع
ايه :لا ياعصر شويه هرفي نطلع
عليه :مستعجله شبيج
ايه :اخخ بيبي طاك كلبي على ابني
تغدينه مدت السفره سمج مشوي ولبن وتمن ابيض وخضره وطرشي وانه جنت ميته جوع ندفت ندف طلعت حركة الايام الماكليت بيهه كلهه 😂
غسلنه وسبحنه ونمنه شويه والعصر طرنه لبو ماجد
ابو ماجد :هي انتو وين وانه ادور عليكم
ايه :وين يعني ياعمي هي نفس المنطقه
ابو ماجد :اي بس مالكيتكم
ايه :اي عمي المهم هاي السالفه وهي السالفه شون اوصل الحجي هذا الرجلي وابو
ابو ماجد :عوفج من هي السالفه وسمعي مني هي الساالفه
ايه :عمي سالفتك مااريدهه اريد تحل سالفتي
عليه :شو صار بيهه سوالف
ابو ماجد :ايه بويه سالفتج محلوله والشيخ هذا الراح اوديج اله معدل وعادل وشيخ ابو انور سامع عنه خوش رجال
سمعي انه ليش ادور عليكم
ايه :ليش 😕
ابو ماجد :هي الكاع الجنتو كاعدين بيهه وياي مو للكويتي
ايه :اي
ابو ماجد :انباعت ونطونه تعويض عليهه والكم حصه وانه ضامهه يمي
ايه :😳
ابو ماجد :مو عندج عم شهيد
ايه ؛👀اي 👂
ابو ماجد :انتوا مشمولين هم بتعويض لعوائل الشهداء
ايه :😳
عمي وسالفتي شون. بيج قصص ليل وعشك.
ابو ماجد :لاتخافين شنو مافرحانه ولج حصلتي ملايين
ايه :ان شاءالله عمي بس لاتنساني
ابو ماجد :لابويه ماانساج
ايه:احنه نترخص يمته نمر عليك
ابو ماجد :انه امر عليكم باجر العصر انت وعليه بيت عليه
ايه :خوش حجي الله وياك عمي
طلعنه انه وعليه كتلهه باجر امر عليج كالت امشي يمي وين رايحه انه مااكدر اروح وياهه تعودت على الطفل وصوته يبجي احس من اسمع صوته ابني بخير هي راحت وانه رجعت للبيت افكر بسالفة الفلووس الطلعتي صفح كلت ياربي انه ماتهمني هالفلوس اريد تحل مشكلتي تثبت برائتي برائة امي تجمعني بابني اذا هي الفلوس تعويض عن هذا كله مااريدهه
تالي كلت اخخ وينك بويه من جنت تحوكل بينه منا ومنا وحسرة الفلس حسره عليك وتشتغل النهار كله حتى تطلع الفلس وينك وتشوف هالملايين جان لاتعبت ولافرفرت ولاوديتنه بيت الشيخ ولااالتقيت بانور وكسر كلبي رجعت للبيت سمعت صوت الطفل يبجي شفت امه جايبته الزهره كالت الهه بس يبجي سلمت عليهم وكعدت اباوع اله جن سكت جانت زهره ماده رجليهه وخالته على رجليهه تكللهه خاف مملوع
ايدينه كالت الهه اي حسنين كله يشيله
كعدت كبالهم صار الطفل كبالي وحرك راسه عليه اباوعله حلو وابيض ع حمار ومدنفش وجن اشوف عيون انور بعيونه مثل جرتهم اباوع لاخو مايشبه امه والطفل مايشبهم اثنينهم غمضت عيني واستغفرت ربي انه عقلي بي شي لازم كلما اشوف طفل عبالي ابني كامت زهره دهنت ايدينه وتالي رجعت ايد على ايد يمه فر من البجي
يمه كلبي فر ويا كلبي وجعني حييل كالت الام شالع كلبي الليل كله يبجي تالي كمطته ام زهره عصرته عصر 😣سوده عليه
خذته امه وراحت وبقى بالي ويه الي راح يصير باجر شون راح اللتقي بانور وي ابو ماجد والشيخ
وللحكايه بقيه