#تعبني-عشك-الشيخ7🔞
نورا(غدرني الزمن)
بيج قصص ليل وعشك
دخلنه عليهم كلهم كاعدين
انور :يمه يبا وانت نهله
اريد احجي وياكم
كامل :احجي ابني شصاير
اني قررت اعقد محكمه
شيخه :عليمن تعقد محكمه نهله وعاقد عليهه
انور :لايمه اعقد ع ايه
شيخه :ظلت تدك ع صدرها وتلطم تخبلت تخبلت ولك شسوتلك هي بت الفلاليح ولك بت الشافوهه بحظن الحارس تالي الليالي
ايه :امي ..
انور .اللتفت على ايه اششش انت سدي حلكج
كامل :كافي يشيخه كافي الفات مات والمره زوجته هسه خلي براحته وايه شريفه وربت بينه وماعدهه احد
شيخه :ابو انور الناس شتكول علينه تزوج وحده امها وبعد غلط غلطت على امي
انه فلتت ايد انور ورحت صرت بعيد عنه
ايه :شوفي عمه امي اطهر من الطهروكت العوز والضنكه ماخانت تردينهه تخون وهي على ذمة شيخ وموكاصرها شي
طبعا مااهتميت لتلميحات رسميه ولاالتهديدات انور وهو يكلي اسكتي ولج ومن شفت شيخ كامل ياشر لانور يخليني احجي طلعت البكلبي وهي اول مره احجي وكدام الشيخ كامل وكدام الكل
شيخه :تخبلت بهالساعه وكامت تدردم وتحجي انه تالي عمري بت الخداديم ترفع صوتها علي
رسميه طفرت من مكانهه وكظتني (لزمتني)
رسميه :عيب ايه عيب نزلي ايدج هي تاج الراس وتكرص بيه. ايه:تدنيت يمهه وهمست تاج راسج انت مو انه
اجه انور وجرني حييل امشي ويايه ولج
وانه امشي صحت امي مظلومه وظالمهه اله يوم
انور خله ايده ع حلكي وصعدني فووك
ودخلنه للغرفه ودفعني حيل وسد الباب
ولزكني راشدي معدل من هذا اليعجب مال شيوخ 😃
طبعا الراشدي اجه منه عبالك بوسه لان مااهتميت وفرحانه طلعت البكلبي
تقربت منه ولفيت ايدي ع ركبته
ايه :حبي
انور :لزمتهه من شعرها ولج تخبلتي لصتي الاول والتالي اريد اسويلج مكان بينه ترحين تصيحين على امي وكدام ابوي وخواتي
ايه :انور عوفني ماكلت غير الحق
انور حبيبي اسفه بس ماادري عبالك انت شجعتني من طلعنه الهم وكتلي انتي مرتي ماتنعاد وعيونك والي تامر بي انت انه حاظره وحجايتك ماتنزل والله سامحني (طبعا كلت هالحجي بعد ما ترك شعري خليت ايدي ع چتفه وامسد علي واباوع لعيونه الرجال يحب المراه القويه وبنفس الوكت حبيت امتص غضبه واعرف انه نقطت ضعفه ومايكدر ياذيني )
وخر ايديه ودفعني ع الخفيف
انور :رفع كفشته ليفوك وكال والله بيج كتله يبت مؤيد بس العقوبه راح تجي غير شكل عقد محكمه ماكو وظاملج مفاجأة وهم ماكو ردت اخذج تشوفين خواتج عرفت عنوانهم بس جنيتي ع روحج وراد يطلع من الغرفه
ايه :من كال خواتي كلبي خفك وعيوني لمعت بس سويت نفسي مامهتمه حتى احسسه انو مايهمني شي مدري منين تجيلي هالافكار واخلي يفهم بت مؤيد مايهزهه شي 👌
ركضت اله وصرت ع الباب امنعه من الطلعه بس تقربت عليه وكتله
حبيبي لاتطلع ابقه يمي
انور :بخزر معصب وخري من كدامي
ايه :انه ابردك والله
انور :سحبني ووخرني من الباب ايه سمعي اخررر مره اكلج اذا جيت باي وكت مالكيتج هنا اشوفج ابن الشيوخ منو وباجر من الصبح ترحين تطيحين ع راس امي وابوي هم بس خل تبرد لان هسه صارت نار ووخري منا انت مو وجه نعمه
ايه :اصلا مااهتميت من كلي هيج بس سويت نفسي متاثره )اي صح ياشيخ انه مو وجه نعمه وانه بت فكر روح لمرتك بت الشيوخ
باوعلي بخزر وطلع
انور :تصرف ايه ماضوجني حقها تسوي هيج لان هي امها والكل يعرف هي مظلومه بس اكو سر بالموضوع وبنفس الوقت مااريدهه تتمادى اكثر بتصرفها
رحت لامي وبستهه واعتذرت الهه وحاجيتهه
يمه سامحيني والله ادبتهه وبعد ماتنعاد وباجر تجي تطيح عليج وتبوس راسج
شيخه ؛انور يبن بطني اذا تريد ارضه عنك ماتعقد محكمه
انور :امرج يمه ماكو عقد بس ياامي خليهه تنام فوك بغرفتهه ياامي هي مرتي مااريدهه تنام بالمطبخ خليهه بغرفتهه فوك
شيخه ؛هزت براسهه اي
انور :ها يمه راضيه عني هسه
شيخه ؛روح نام وراك كعده الصبح وانه كلبي موجر غير وكت نحجي
انور :صار يمه امرج بستهه ع راسهه وكمت طلعت بالحديقه افكر بايه مااكدر اقسي عليهه رغم بيهه كتله معدله لان لسانهه طولان
رحت يم نهله شفتهه نايمه مثل الصنم حاولت اتقرب منهه احاول اعدل بينهم فزت مخروعه شبيك اكو واحد هجي يسوي بنص الليل
انور : نامي بت خالي نامي
دارت ونامت مثل الصنم
طلعت من الغرفه رحت شفت ضوه غرفة ايه مشعول فتحت الباب شفتهه كاعده ع الجربايه ثانيه رجليهه ولازمتهم بايديهه وخاله راسهه عليهم
دخلت اباوع عليهه واخزر
ايه :ايه فدوه للخزره
انور :نجبي
ايه ؛طفرت ورحت يمه هو يفتح دكم القميص كمت افتحهم تخصر هو ويباوع علي
وين جنت يمهه؟
انور :ماعليج نزع كمل
كعد ع جربايه
ايه رحت لبست بدله لونه نيلي وخيوطها ع الرقبه هو جابه الي وفتحت كفشتي
انور تحبهه ؟
انور :منيه 😒
ايه :نعله
انور :ايه عيب هالحجي مرتي هي وبت خالي كولي اسمها عدل
ايه :غلطت هي شبيك
انور :مابيه وتمدد
ايه :رحت نمت علي وقربت وجهي اله
هسه ماجاوبتني تحبهه
انور :اثنينكم نسواني ...ايه: بس من تصير وياي احس بس انه بكلبك بس انه تحبني
بهمس ودلع 👆
انور :انت بكلبي واحبج
ايه :تلمست شفايفه وخليت ايدي الثانيه ع كلبه وهمست بسسس انه انور بسسس انه
انور :انت وكحه ايه وبيج كتله اليوم بس وكاحتج شفعتلج
ايه :اكتلني امووت على كتلك
انور :ايه وراي كعده الصبح خليني انام
ايه :قابل كاضه عيونك انه نام انت تكول تريد تكتلني
انور :لعد تعاي خلي اكتلج بطريقتي... كلبتها ونوب صرت فوكها
ايه :هي هاي الطريقه راح توكحني بالزايد
انور :نشوف تاليهه وي بت مؤيد
ايه :انور تحب الوكحه انت لو عاقله
انور :ماادري بس انه حبيتج وحبيت كلشي وياج رومانسيتج دلع احساسج وكلشي وهسه خلينه نكمل يبت مؤيد ورانه كعده الصبح مممم
ايه :ههههع
الصبح :اول ماكعدت ونزلت اكمل الشغل اتلكتني رسميه
رسميه :تخبلتي ايه تردين تجنين ع روحج ولج كعدي وسكتي انت المن تواجهين لاعبالج تتكوين بانور تره حتى انور يحرمونج منه استري ع روحج خلي الصار بامج بين عيونج صيري عاقله
وتحجي مثل الوحده محروك كلبهه
ايه :عمه رسميه انه مو مثلج انه غير انه ماسكت ع ظلم
رسميه :انه ماعاجبتج مو بس انه صار كلشي كدامي ايه الروح عزيزه مااكدر اخاطر بروحي
ايه :بعد بيش تضحين عمه رجلج وسكتي ع دمه صويحبتج امي وسكتي عن دمها وانت تعرفين شي يودي السواهه وره الشمس حبج هم تسكتين عنه ؟؟؟الخاطر حبج احجي وخلصي العالم من هالشر
رسميه :صخام ودكت ع صدرها ولج حبيش هذا ارمله وعجوز وتالي عمري اتمعشك ولج انت راح تودينه وره الشمس ايه كعدي وسكتي وكسري الشر
ايه :عبالج غشيمه انه تحبين شيخ كامل انت انه وياج طول اليوم واحس من تسمعين صوته تطفرين ركض اله جلمة الخويه هي كوه تطلع منج اله وهو هم يضوج ويدور وجهه من تكليله خويه وشبيج انت عجوز بعدج بت البنات وحلوه بس راد تهتمين بروحج
رسميه :حلكج خيطي ولسانج كصي وبلعي وامشي طيحي ع راسج عمتج
ايه :حلكي ماخيطه ولساني ماكصه ورايحه اطيح ع راس شيخه لان وعدت انور
رسميه :مايفيد امشي
رحنه انه ورسميه لشيخه كاعده بالصاله وكاضه العوجيه بيدهه وطك بيهه بالكاع ونهله كبالهه تهز برجلها وخاله رجل على رجل
رسميه :يله ايه طيحي ع راس عمتج وطلبي منهه السموحه هي عمتج وتاج راسج
ايه :بكلبي هم كالت تاج راسج اهوو
رحت بسته ع راسها ودنكت اريد ابوس ايدهه دفعتني وخري منا وطك بيه بالعوجيه (العوده)وخلتهه ع صدري وتدفع بيه كومي ولج لاتحلمين الج حقوق هنا يبت ام الليالي يبت الي تدور نومات تالي الليل
ايه :عمه بينج وبين امي الله ويوم القيامه هي بعد كيفج يجي يوم كلشي ينكشف
رسميه :جرتني خاف بعد احجي شي زايد
وشيخه خليتها تدردم
جاي اشتغل بالمطبخ اجت نهله
نهله :هه حوراء شتكلج البارحه
ايه :باوعت الهه ههههههههيو شكالت
نهله :ماحبلتي ؟ههه ولج ايه احسن الج لاتحبلين تره العب بيج فلك اسود انت ماتعرفيني تره انه مو شيخه انه نهله بت شيخ مزهر افتهمتي نهلةةةة
ايه :اي نعله ........ع الحظ
نهله :هه نعله مو ولج مخطط غرفة الحارس انه خططته اخوي عيسى الزغير تعرفينه داهيه مو عبالج تستقوين بانور انور مايخوف جلبي 😉وراحت
ايه :انه اعلمج مااسكت بعد بس صبري نعله والف نعله
خلصت شغل صار وكت الظهر تغدو ماصبرت شفت انور وصحتله
انور :ها حب شبيج تره وراي شغل مااكدر اجي يمج
ايه :انور انت صدك تخاف من اخوان نهله وترجف منهم ونهله تكول انت ماتخوف جلبي صدك انور انه مااصدك تخاف منهم
انور :شفايدته هالحجي ؟؟
ايه :ماله فايده بس مايصير نهله وين ماتكعد تحجي هيج عليك انت رجلها
انور :شو وخري بله
وطلع
انور :اني اعرف نهله دوم تحجي عليه وتكول اخاف من اخوانهه غثني هالحجي حييل ورحت تعاركت وياهه وصارت مشكله جبيره بينه وبتدخل امي ماكتلتهه
ايه :شفت نهله جان تكلي
نهله :ولج مردودتلج وراح اشوفج شون انور يخاف منه بس انت راح قريبا راح اتفرغ الج سهله
ايه ماصار جم يوم اجو اخوان نهله
وكعدو بالديوان وماانسمع بس الصايح بينهم جنهه كابه عركه معدله
انه خفت على انور لان هو هم ماله احد مو مثلهم نهله 7اخوان وبس هي بت
انور بس هالاخو وضعيف شخصيه وشيخ كامل هم وحيد
رسميه :ايه مامصخمه ياملطمه الج ايد بيهه هي العركه
ايه :اووو وشلت ايدي عود ماعاجبني وبالي يم انور والي راح يصير
وللحكايه بقيه
#نورا
يتبع