"هاني، احنا شايلين الجزء ده من افتر الاصليه امشي وحيات امك!"
"لأ انا هعمل الجزء ده ملكيش دعوه بيا انا ياتيسير."
"اوعي ياهاني بقولك اطلع بره!"
"لأ ياتيسير مش هتمنعيني المره دي!"
قال وفضل يقرب مني ويقرب وخلاص هيبوسني شت! لقيته طلع الموبيل وفتح الكاميرا وبياخد سيلفي معايا.
"يلا قولي بطريييق"
قال وبصيتله بقرف قومت لسعته حتت قفا يجنن.. كويس ان الحيوان ده معملش حاجه غلط عشان احنا في بيت ابوه ولو حد قفشنا هيبقي ليله ابوه سوده.
"ايه ياتيسير كل ده عشان متصورتش معاكي من اول ما عرفتك؟"
"بحسبك بتقلع عشان..."
"عشان نتصور ياتيسير في ايه؟ يلا قولي بطرييييق بقي!"
وافقت بالعافيه اقول بطريق بتاعته ولما قولتها طلع شكلي قرفان فالصوره وهي دي الحقيقه يعني، لقيته بينزل الصوره علي الانستجرام منغير فلتر!
"يخربيتك ياهاني! طب خليها ابيض واسود غامقه طيب بدل الهري الي في وشي ده انا مش حاطه ميك اب!"
"ومن امتا بتحطي ميك اب ياتيسير؟ انا هنزلها كده وهكتب تحتها صديقه الطفوله"
"صديقه طفوله مين ياروح امك انا لسه عرفاك الشهر الي فات!"
"الشهر الي فات؟ بقالنا سنتين ياتيسير"
"لأ الوقت بيمشي براحه بقالنا شهرين، وبعدين لو مش متأكد لبان معاه نتيجه هيقولك الدراسه بدأت امتا والساعه كام واتعرفنا علي بعض امتا"
"لبان اهبل فشخ انتي مصدومه فيه اوي ياتيسير، مش دقيق للدرجادي!"
"دقيق الخبز هيهيهخهخه" قلشت قلشه سخيفه وقعدت اضحك زي الخليل الكوميدي، لقيت هاني بيمد ايده وبياخد الساطور من تحت هدومه.
اتسمرت في مكاني لما رفعلي السلاح وقالي "قولي كده مره تانيه وهوريكي عيله عبغفور البرعي بيعملوا ايه في القلاش السخيف الي زيك"
"هنهن انت ناوي تقتلني ولا ايه؟"
"لأ طبعاً.. ههههههه.. بس اخر مره تقلشي مفهوم؟"
"طب مانت بتقلش انت واصحابك عادي"
"اصحابي لما بيقلشوا بقطع عنهم المصروف، اما انتي مش بصرف عليكي! فاهضطر اقتلك واخلص!"
"هههه هنهن انا تيسوره صحبتك من الطفوله؟"
"ايوه! بس انا الوحيد الي اقلش واقول نكت سخيفه اما انتو .. لأ!"
قال وحط الساطور في الجراب بتاعه وراح قعد علي السرير، ايوه انا كده هنام فين؟
"انا هنام فين كده وانت فاردلي نفسك هنا؟"
"جمبي" قال من هنا قومت مزعقه فيه..
"لأ انا مسمحلكش انا محترمه اوي!"
"بتشرشحيلي ليه طيب؟ انا هحط مابينا مخده"
"جو الواتباد 2012 ده مش هياكل معايا برضه مخده ايه بس! هتعدي المخده والشيطان هيوزك انا عرفاك!"
"صدقيني انا لما بنام ببقي قتيل والله! مش هعدي المخده!"
"بس ياض يئما هشويك بكره علي العشا وابوك مش هيعرف انه بياكل ابنه!"
زعقلته وحسيت انه زعل لما قام علي طول منغير مايرد عليا، ماممكن كان قصده محترم انه فعلاً مش هيعدي المخده.
بصيتله لقيته بيلبس هدومه وبياخد ساطوره وبيطلع بره الاوضه، اه! شرخ قلبي لأ!
"هنهن!!"
جريت علي الباب وجيت افتحه لقيت لبان في وشي!
"متفهمش غلط هاني كان بيتصور معايا!"
"اه انا عملتلكو لايك علي الصوره حلوه طحن!"
قال وهو واقف قدام الباب وهاني مش موجود، ليكون هيسمع اغاني حزينه وهينتحر لأ! لازم اروح ان...
بصيت في اخر التورئه لقيته طالع من المطبخ معاه طبق محشي كبير وبياكل، واو.. شكله لما بيتجرح اوي بياكل كتير اوي.
لقيت لبان مكسوف مني قولتله يجي يقعد شكله عنده كلمتين جي يقولهوملي، معرفش في انهي درس ولا في سياسيه ولا في ايه.
"تيسير احنا لازم نتكلم عن الي بيحصل"
"ايه الي بيحصل؟" حسيت بتخلف، بس بجد مكنتش فاهمه هو بيتكلم عن ايه.
"انتي وهاني."
"مالنا؟"
"يلعن ابو التخلف، انتي وهاني سوا سوا"
"لأ استغفر الله، في ايه يالبان!" زعقتله وانا فعلاً قاصده اعرفه اني اشرف من الشرف وكل الناس عارفه كده.
خدت نفس عميق واتكلمت "بص يالبان، انا اسفه اني بزعقلك انا عارفه انك طيب ومش قاصدك تعمل اي مشاكل بس.. بس حد الله مابيني ومابين الحرام يالبان، انا وهاني اصحاب بس وبعدين نوال، نسيته؟"
"انتي الي نسيتيه ياتيسير"
"انا عارفه اني اعتبر بخونه وانه غيران عليا بس دي حياتي وانتو اصحابي وبس، ونوال مشغول في شغله وانا في دراستي واصحابي وحياتي يعني"
"يعني انتي مش بتحبي هاني؟"
"لأ.. معرفش.. لأ.. صدقني انه صديق طفوله بس يالبان"
"طفوله ايه ياختي انتي هتعمليهم عليا؟ انتو لسه متعرفين اول السنه يعني، ومش عارف بس بقولك انك متتعلقيش بهاني عشان يئما ممكن يقتلك او.. يحبك وتحبيه ويجرحك ويسيبك ويقتلك برضه.."
قال وكلامه ده خلاني افكر كتير وحسيت اني عايزه ادافع عن هاني بس هاني عنده ميول دبح وقتل وغير كده انه صعيدي ممكن يتعصب عليا فعلاً ويقتلني، وهددني كتير.. لقيت نفسي بوافق علي كلام لبان.
"تيسير، هتعملي ايه في نوال؟ بتكلميه؟"
"بصراحه، بقالنا كتير مبنتكلمش وعارفه انه واخد علي خاطره مني بس.. انا حاسه اني هظلمه اكتر من كده والواد عايز يعيش حياته برضه"
"كويس، ادي لنفسك شويه وقت وفكري"
قال وحسيت انه طيب اوي، قولتله وانا بحاول معيطش..
"شكراً يالبان"
ابتسم وقام اداني حضن، ياااه حضن الام، ولسه هتكلم لقيت الباب اتفتح وهاني واقف مصدوم.
"شكلي جيت في وقت مش مناسب .. يا ترسير" احيه، بيقولي ترسير يبقي في مصيبه!
"والله مكناش بنعمل حاجه غلط!" قولتله وضحك عليا، ودخل حط هدوم علي السرير..
"المعلمه دي بتقولك البسي الجلابيه دي" قال ولسه هيمشي وقفته..
"انت ممكن تقعد؟ احنا بنرغي"
"لأ ورايا مسلسل لازم اتفرج عليه مش فاضيلكوا"
قال وقفل الباب وراه، قعدت قلقانه انا زعلته ممكن يقلب عليا تاني يوم فالجامعه.
قعدت قدام لبان الي كان قاعد علي الكرسي مستني عشان نكمل رغي، وقعد كلمني عن انه هو وصفيه بيحبوا بعض اوي وقال ان كنت مستعديه لحفله النار دي، احيه انا نسيتها! وقولت لنوال نروح انا وهو.. افكر اقوله ميجيش.. ولا يجي اخليه يفرح؟ معرفش.. هيقعد يقولي مال الصعيدي دي لازق فيكوا ليه وهيقعد هو وهاني يتخانقو.
المهم فتحنا مواضيع تانيه وقولتله انا جايه الحفله بس لسه هشوف ايه نظامي مع نوال وبتاع، وزيدان هيبقي موجود وكلهم هيبقوا موجودين هناك وهتبقي هيصه.
المهم لبان استأذني عشان الوقت اتأخر وبتاع وهيروح ينام عشان يلحق يقوم بدري ينضف البيت مع المعلمه مامته، وقفل الباب من هنا وقومت شوفت الهدوم الي المعلمه جيباهوملي.
لقيت جلابيه فيها ورد بمبي كتير كده ومطرزه وشبشب أصفر وعليه تويتي وبفيونكه، حسيت انها بتحتفل بسبوعي مش بتديني هدوم انام فيها.
المهم لبستهم مكنتش هستحمل البنطلون والبلوزه والجاكيت طول الليل طبعاً، لبست الهدوم بالشبشب وبصيت فالمرايه وقعدت اضحك بصوت عالي..
"يلاهوي ايه المنظر ده؟"
اتصورت وبعتتها لنوال، بس افتكرت اننا المفروض مش بنتكلم بس قولت اخليه يضحك شويه بدل ما انا طول الوقت بضحك علي شكله بس.
طلعت من الاوضه وروحت الحمام عشان اغسل وشي وبعد كده هروح اشوف هاني نام فين وارجع انام انا بقي عشان الوقت اتأخر، طلعت بصيت عليه لقيته بيشخر جمب نيني ولوسي فالصاله، ياعيني!
الحاج عبغفور رمي عيال ابنه وابنه عادي كده؟ المهم طنشت ودخلت عشان انام وبكره هبقي اخدهم افسحهم اعوضهم.
دخلت وقفلت الباب علي نفسي وقفلت النور وكان في ضوء بسيط داخل من شباك الاوضه، اترميت علي السرير واتغطيت، الجو مش ساقعه بس انا بتغطي صيف وشتا.
ولسه بروح فالنوم سمعت صوت بره.. مركزتش قولت الحاج ولا المعلمه صاحيين بس سمعته تاني وكان الصوت واطي..
"لأ..."
"لأ لأ لأ.. ارجوك متعملش كده!"
"عبااس.. عبااس الضووو"
عباس الضو؟ ايه الي بيحصل؟
"عبااااااااس الضووو بيقووول لااااااء!!" سمعته بيصوت بعلو صوته فالتورئه، مفيش غيره الزفت هاني!
قومت جريت فتحت النور وخرجت بره لقيته لابس ملايه والعمه مبينه نص شعره وبيترعش في نص التورئه وهو مغمض عينه.. ايه الي بيحصل؟
"هاني؟!" ندهت عليه بصوت واطي، وهو مكنش سامعني كان نايم وواضح انه في كابوس وبيمشي وهو نايم في نفس الوقت، هاني فيه كل العبر.
"انا هاني يا عبد الوهاب يا اخويا، انت فين؟" قعد يقول اكنه ملبوس اقسم بالله اول مره احس اني خايفه منه، ليكون مقلب؟ طب انا هقفشه بقي!
"هااني!" عليت صوتي شويه ولقيته بيلمس الحيطان وبيعيط..
"اللهم صلي علي النبي! عبد الواهاب اخويا حبيبي"
"لأ كده كتير! هااااني!!" قولت وقومت لطشاه بالقلم، فاصحي اخيرا!
"ايه يا تيسير؟ مالك بتضربيني ليه؟" قال وبص علي نفسه ومسح العرق وقال..
"انا مشيت وانا نايم تاني؟"
"ايوه ياهاني وكنت عمال تنده علي واحد اسمه عبد الوهاب"
قولتله وكان مخضوض، رمي الملايه علي الارض وجري لأخر التورئه وجه تاني لعندي جري والعمه وقعت علي الارض، انا مسكته بقي لازم افهم الي بيحصل.
"هاني انت كويس؟"
"لأ.. انا خايف اوي اوي اوي"
"هو في حد هنا، ارواح يعني؟"
"معرفش" قال وحسيت انه خايف فعلاً قومت خدته وخليته ينام جمبي ومابينا مخده، انا لسه عند رأيي اه بس هاني فضل يترعش واطبطب عليه عشان يعرف ينام .. بائس والله.
#تاني يوم الصبح
قومت بدري علي صوت المنبه، ايه ضاه انا لسه عايزه انام!
بصيت علي الساعه لقيتها تسعه وكان المفروض اصحي سبعه، قفلت الموبايل وبصيت جمبي وكنت ناسيه ان هاني نايم هنا، لقيته مستريح ورايح فالنوم.. وجلابيته مقلوعه برضه.
سمعت الباب بيخبط وقومت اتنفضت بسرعه ووقفت، دخلت المعلمه وقالت..
"صباح الخير ياتيسير، ايه ده هاني لسه نايم؟ طب صحيه يشرب معانا شاي عشان نفطر كلنا" قالتلي وقولتله ماشي وخرجت تاني، ملاحظتش اني كنت نايمه هنا كويس، او الحاج قايلها ان ابنه ملسوع شويه.
"هاني، اصحي"
قولت وانا بهز كتفه، زق ايدي..
"لأ"
"لأ ايه؟ اصحي ياض!" قولت وانا بزقه جامد قام صحي..
"في ايه ياتيسير؟"
"ده منظر واحد كان مرعوب بليل يصحي الصبح بالمنظر ده؟"
قولتله وقام قعد " ااااه صحيح، انا كنت بخرف بليل صح؟"
"ايوه وعمال تنده وتصوت مش عارفه.. كنت بتسمع اغاني حزينه قبل ما تنام ولا ايه؟"
"لأ كان كابوس، وحش اوي" قال وهو بياخد الجلابيه وبيلبسها، طبطبت عليه..
"شكراً انك نيمتيني هنا، مكنش هيقدر يجيلي وانا نايم هنا"
"مين ده الي مش هيقدر يجيلك؟"
"الكابوس ياتيسير متخافيش"
قال وهو بيقوم من علي السرير، قررت انا اروح الحمام والبس عشان نمشي علي طول، طلعت من الحمام ولقيت هاني واقف في وشي..
"وسعي محصوور!" قال وزقني ودخل الحمام بسرعه، انا قولت هيشتمني ولا حاجه انا عرفاه، وقفت ثواني لقيت لبان لسه قايم من النوم..
"صباح الخير ياتيسووره!"
"صباح النور يالبان عامل ايه؟"
"صحيت لقيت لوسي ونيني نايمين جمبي معرفش جم منين" قال وضحكنا كويس ان محدش لزق فالتاني، المفروض يدوروا علي حل للبان الي بيلزق فالناس ده.
وقفت قدام المرايه وسرحت شعري وقلعت الشبشب الاصفر ده الي مكنش بيطلع من رجلي وقعدت احط شويه مكياج، واقصد من شويه يعني كتير اوي.. تربيه فيفي اومال.. دي لو فتحت صالون تجميل هفجرهولها.
المهم خلصت وشكلي رجع طبيعي الحمد لله خرجت الصالون ولقيت الحاج واقف مع هاني بيتكلموا..
"صباح الخير"
"صباح النور ياتيسير" قال الحاج ووقفت شويه معاهم وكان بيحاول يقنع هاني ينزل يجيب للمعلمه حاجات من السوبر ماركت بس هاني بيكرهها فهيوافق بفلوس.
قعدنا كلنا علي السفره والمعلمه كانت عامله فطار بالكامل وكتير اوفر يعني.. جبت طبقي وحطيت فيه فطير مشلتت وجبنه وزيتون ونص بطيخه.
قعدت وجه هاني قعد جمبي بكوبايه شاي وسندويتش ..
"تيسوره تعالي معايا"
"تسلم ايدك ياطنط الفطير دوحفه!" قولتلها وانا باكل ومبسوطه اوي ومطنشه هاني، اجي معاه فين ده وطنط بتعمل اكل حلو اوي زي ده.. انا مش عايزه امشي من هنا.
"بالهنا والشفا ياحبيبتي" قالتلي واديتني كوبايه ميه، كنت هشرق زي امبارح لأ!
وقعد لبان والحاج يتكلموا عن كاس العالم وانا قاعده بحشر بس مش معاهم،و بعد ما خلصت روحت شيلت الحاجه مع المعلمه وحطيتهم فالمطبخ وساعتها وهي بتغسل الاطباق، قعدنا نتكلم..
"هو انتي بتزرعي هنا؟"
"أيوه اومال، عندك السطوح الي فوق ده كله طماطم وجرجير وخس وكرمب، ابقي خلي هاني يطلعك فوق"
"واو! بتحبي بقي الزراعه علي كده؟"
"طبعاً! وهو الواحد لما مش هيشتغل هيشغل نفسه بـ ايه غير بيته وحاجته، وبعدين زمان عندنا فالبلد كان في مزرعه كبيره اوي بتاعت جدي وكلنا كنا عايشين فيها.. مكنتش هحب الزراعه لو مكنتش قعدت هناك"
"الله، وفيها حيوانات بقي؟"
"يوه كتير، خرفان وبقر ومعيز وبني ادمين برضه"
"هو لبان كان عايش هناك؟"
"لما اتجوزت ابوه اللبانه اللهي ربنا يكحمه.. طلقني والواد عنده خمس سنين، والواد طلع عنده مرض نادر كانو هياكلوه عندنا.. قررت اسافر بيه هنا، وعشت وكبرته وعلمته لحد ما بقي بني ادم.. "
"بجد؟ اول مره اعرف القصه"
"ايوه اومال، انا مش لبانه زي ما الناس بتقول ده كان ابوه! ابني بتمني اعالجه حتي لو بالتجميد، واهو ابو هاني ربنا يطولنا في عمره ويكرمه ناوي يوديه يتعالج"
قال وصعب عليا لبان اوي، ياتري الجامعه هعيشوا علي لبان الاكشاك زي زمان؟ ااهائههئئ
سمعنا صوت هاني ورانا، كان واقف طول المحادثه تقريبا..
"يلا ياتيسير عشان منتأخرش"
"طب..."
"يلا تيسير هنمشي!"
"ماشي" قولتله وسلمت علي طنط وطلعت لقيته حاطط حاجتي وعليهم الساطور، بيهددني يعني؟
سلمت عليهم كلهم وقولتلهم اني هاجي تاني لأن اكلها حلو طحن انا راجعه تاني! وطلعنا انا ونيني ولوسي وهاني من البيت.
يتبع.
هاي <3
متنسوش تعملوا فوت :D
باي <3