شعر شعبي

شمشتاقلك

شمشاكلك يابو العيون المايطيحن كحله،،،
مخليني مثل الظل عدل وحده ويموتون اهله...
هسه انت ،ما رايد تجي خليني اكذب عل الخلك!
مو ياهو ليسالك علي وتكله ما ارجعله*
شسويت بيه بفركتك؟
يميزوني كمت من الوجع دمعة يتيم بحفله€
عندك علاقه ويا الدوه؟
تكرهني وموصي علي£
جربتة كله بغيبتك والعله نفس العله،،،
غركان واني بغرفتي والماي ماطخ ثوبي^
ما اختلف ع الجرف!
بس هو مخنوك بنهر واني بصور محبوبي..
من جنت اجرحك تقترب معجب جنت باسلوبي#
واني ادري ليش تغيرت!
جامد وما انحب صرت من صلحيت عيوبي...
وكل الرسايل خلصت وديتلك حبر ابيض°°°
امسح الغثك واقتنع زين انت بس صوج الحظ
وارجع،،ارجع واذا عودي كبر
لادكول متعافي تره!!!
مرات من كثر الوجع جتف ابنادم يعرض
وتسولف الهم علوفة انا ابو خدود الثكله"""
يبين جذبها من الصدك لاحباب لمن تفترك---
واحد يخبل عالهجر واحد يخوف شكله○○○
شكد ناس تانتني ومشت''''''''''''''''''''''''''''''
الماي صبح غيم واني انتظرك---------
رادوني روجه وما رحت وبقيت ملح أبرك؛؛؛؛؛
يالتارس ضلوعي فشل؟
شكد جنت محتاج انحضن من باوعتلي بظهرك،
بين القلوب الفاكرت لدروب شمرة نيه
بس انت شيجيبك عليه؟
بالشوك ماعندك عرق خاطر تهم بالجية''''''''''''''
البلبل المتربي بقفص!
مايغث روحه اعله الغصن مافاهم الحريه"""""
شناقصني،ما ادري؟
المهم بجفاك اليباوع علي من كيفي احس بالفشله
مفشلني مثل البالحرب؟
يجازونه حسباله بنصب!
تاليها بديار الغرب حاير بظل بالبدله---
من الدنيا طبيت اشتري وشفتك وما كلت السعر
بكلشي اشتريتك بالندى بروحي بصفاره اوراقي
لكطة وركض بيك اركضت وباقيلك تصيح على
بس اني من كثر الفرح ماخذت منها الباقي
يمدني روحي اعله القبر؟
جيتك محمل عافيه ورديت بس باخلاقي،،،
ومن بعد كل هذا صرت وحداني؟
وذوله اليمدحونك قبل صحبانك وصحباني!
مابيهم الكلك شلون تخونه؟
الخلاك تنسه مرايتك وتمشط اعله عيونه
بس هو مو صوجك ترى؟
القلب يتمركص على الاياذونه
ياقلبي دكلك ثايه؟
الوادم تراها تشيطنت يالنيتك مصلاية
مثل وياهم من تحب واحسب الكل حجايه
كلهم نمت من العصر!
مشغول والكالك عذر،،،،
الملهوفلك كله انتظر؟
بس تضعف يعوفك ترى اليركض وراك هواية
وانت،وانت ويا ربك عايفك؟
رب،،ويحن ع العايفه مو على العايف خله
شيسامحك واني انتجي؟
مارجعتني امشي عدل عملة افراكك علمة
يومين حاسبهم وانا
ماجن اعرفك من سنة؟
جنك بالاول صاحبي وكاضيها نفس الرحلة
شمشتاكلك يابو العيون المايطيحن كحله