معتز
اني معتز حاليا عمري٢٠سنه اني شاب حلو ومرتب بس من صفاتي مغرور يمكن بسبب وضعي المادي طبعا امي كتبت كل املاكها بااسمي وايضا جدي كتبلي بيت ورثي من ابويه صرت ١٨سنه سحبت الاملاك وكلشي من يد رجل امي امي ازوجت واحد بعد وفات والدي بتلث اسنين واحد فكر ماااحبه من جنت اصغير ولمن كبرت كمت اضوج منه اكثر انسان انتهازي واستغلالي استغل امي كل هالسنين واحد ابو نسوان كل سوالفه ومكسراته اعرف بيها بس لو مو امي جان عرفت شسوي بي اني شخصيتي قويه محمد يخاف مني وكلما اكبر اكثر محمد ديبدي يخاف مني اكثر محمد لمن سحبت كلشي من يدة فتحله محل طبعا بفلوسي اكيد خلال هاي السنين سحب كومه من فلوسي بس الحمدلله جدي حس انو محمد واحد مصلحجي ومزوج امي علمود فلوسها فشرط على امي اذا تزوج تكتب كلشي باااسمي ولمن اصير ١٨سنه اني اتحكم بكلشي
الحمدلله امي مخلفت من هذا لان واحد ميستحي
بيتنه متكون مني ومحمد وامي وهاجر الخدامه الي اني متاكد انو عدها علاقه بمحمد دائما احس بينهم شي دورات اريد اطردها بس لان مااريد صابرين بتها تتبهذل
واني وصابرين من جنا اصغار جانت علاقتنه حلوة نلعب سوة ناكل سوة بس اني لمن كبرت كمت ماااحب اتقرب من صابرين بسبب امها دورات ماالوم ام صابرين لان محمد واحد ملاعب وحلو برغم هسه كبر فيمكن متكدر تقاومه يمكن يقشمر بيها بس ارجع واكول هذا مو مبرر طبعا كمت اتعامل ويا صابرين برود ودورات تسلم عليه مااهتملها ولمن اشوفها كاعدة بالحديقه اباوع عليها من بعيد اني احبها من احنا صغار بس الفرق بينا جبير هي بت الخدامه اني ابن خير وعز من يومي لهذا السبب مااتقرب من يمها ابد وابعد نفسي قدر الامكان طبعا اني ادرس هندسه وطموحي اخلص هندسه وافتح شركه
وطموحي اطلع رجل امي من حياتنه لان امي جدا ضعيفه اتجاه محمد