روايه سعودية (حب الطفوله)

بيت ابو رغد

وفي الصبح ابو فارس دخل لعند بدر وسحب البطانيه من عليه

بدر.اشفيك جايني من الصبح

ابو فارس.يا الله قوم معي بنروح بيت ابو رغد

بدر.ليش ماني رايح وراي جامعة

ابو فارس.يعني مهتم تبغى الجامعة طيب قوم تلبس وداوم

بدر.خلاص طيب بروح بس اطلع ابغى اغير ملابسي وألحقك

ابو فارس.لا تتأخر انتظرك

بدر غير ملابسه وصلى ونزل وقعد يفطر

أم فارس. كيف بتخليه يداوم و وجهه كذا

ابو فارس.انت لا تتدخلين بيني وبين ولدي

ام فارس.بس أنه ولدي انا بعد

بدر.يمه يبه وش ذا مع الصبح معد ابغى فطور انا رايح

ابو فارس.ترى بعد الدوام بنروح لأبو رغد

بدر.مني لين انرجع

بعد ما داوم بدر

أم فارس.أنا بروح عند أمي يقلون انا مريضه

ابو فارس.اصلا انت فالحه في شيء غير الروحات والجيات

ام فارس.اللهم طولك يا روح

في بيت أم رغد

ام رغد تصحي رغد من النوم

ام رغد.رغد ماما يا الله اصحي بداومين وألا لا

رغد.ايه بداوم لازم اقابل البنات

ام رغد.طيب أنا بنزل غيري ملابسك وأنزلي

رغد.تمام

رغد غيرت ملابسها وصلت ونزلت

رغد.صباح الخير ماما

ام رغد.صباح النور اجلسي افطري

بعد ما خلصت رغد فطورها وجاء الباص وراحت

ام رغد.لازم اروح عند امي عشان أرجع قبل ما ترجع رغد

رغد في الباص جالسه تفكر في اللي صار امس

سارة.رغد فين وصلتي

رغد.ابد ولا مكان

دلال.سارة خليها على راحتها وبعد ما نوصل الجامعه نكلمها

خلود.على قولت دلال خليها

سارة.طيب

بعد ما وصلوا الجامعه نزلوا عبيهم ودخلوا المحاضرة

الدكتورة تحضر الطالبات .دلال موجوده

دلال.انا هنا

الدكتورة.سارة موجوده

سارة.موجوده

الدكتورة.خلود موجوده

خلود.اكيد انا هنا

الدكتورة .رغد موجوده

رغد حاطه راسها على الطاوله وقاعده تبكي بصوت منخفض وما ترد

الدكتورة.رغد موجوده

دلال.ايه موجوده بس هي تعبانه شوي

وقعدت تكمل التحضير وبعدين شرحت الدرس وبعد ما خلصت طلعت

دلال.رغوود تعالي نجلس برى

سارة.خليها تجلس هنا بما انه ما في احد

خلود.رغد انت تبكين خلاص لا تسوين كذا عشانه والله انه هو الخسران

رغد.ما ني جالسه ابكي عليه انا ابكي على نفسي

سارة.وش ناويه تسوين بعد اللي صار

رغد.ما أدري

دلال.لا تحطين الذنب كله عليك وأحنا بعد غلطتنا لأنه ما علمناك الطريق الصح بالعكس شجعناك على الغلط

خلود.رغد خلاص لا تبكين قطعتي قلبي

رغد.كلها مني عشان اني صدقته من البداية

خلود.وش قال فارس

رغد.عصب عليه وضربه

خلود.يستاهل ليته ذبحه

دلال.خلود مو وقت حركاتك ذي

وفي بيت اجدادهم اجتمعوا الخوات

ام رغد.هاه يمه عساك بخير اليوم

ام فارس.من وين بيجيها الخير من وراء رغد

ام رغد.لا تغلطين على بنتي

الجده.خلاص يا ام فارس أنا بخير روحي بيتك

ام فارس.اصلا وراي شغل لازم ارجع البيت يا الله انا بروح

وبعد ما راحت

الجده.كيف رغد عساها طيبه

ام رغد.ما عليها لا تشغلين نفسك فيها

الجده.كيف مشغل نفسي فيها وانا ما عندي ألا رغد وحده شل خدي عنها

أم رغد.وين تهاني

الجده.راحت لدوامها

أم رغد.الله يسعدها ما قصرت معي

الجده.احسن خليها تنفعك وتشغل نفسها ما ابيها تفكر في السالفه ذيك اللي انت خابرتها

ام رغد.ليش هي طرت فيها

الجده.هي ما كلمتني عنها في وجهي لكنها تلمح لي بالهرج

أم رغد.في بعض الأوقات اقول اللي سويناه معها صح وبعض الأوقات اقول احنا من جد غلطنا في حقها

الجده.اي غلط احنا ادرى بمصلحتها هي كانت صغيره وقتها وما كانت تعرف مصلحتها

ام رغد.يوم مرضت جتني في المستشفى وتكلمنا فيه حسيتها مقهورة منا والله اني ندمت اني خربت عليها

الجده.لا تقلين كذا ان شاء الله يرزقها بولد حلال يسعدها وتنسى ذلك اللي ما يتسمى

ام رغد.آمين بس ألا ما اكلمها عنه واشوف رايها فيه تغير وألا لا

الجده.تسوين معروف حتى انها صارت معد هي تهاني بتي اللي اعرفها

أم رغد.يا الله يا يمه لازمارجع البيت واركب الغداء قبل ما ترجع رغد

الجده.روحي ولا تنسين تمرون علي انت و رغد

ام رغد.ألا وين ابوي من يوم ما جيت ما شفته

الجده.راح للمحل حقه بس اذا رجع بقوله انك جيتينا

ام رغد.تمام مع السلامه وسلميلي على تهاني

الجده.يوصل

أم رغد رجعت البيت وقاعده تركب في الغداء وشوي وجرس البيت يدق وتروح تفتح الباب

ام رغد.ايوا ماما رغد ادخلي

رغد.سلام ومساء الخير

ام رغد.وعليكم السلام ليش ما اخذتي معك مفتاح البيت

رغد.نسيته انا بطلع انام ما ابغى شيء

أم رغد.بس انا ركبت الغداء وما ينفع تجلسين على فطورك

رغد.طيب اغير ملابسي وانزل

بعد ما غيرت ملابسها ونزلت تتغداء

أم رغد.اشفيك يا ماما ما تاكلين

رغد.ما فيني نفس للأكل

ام رغد.كل ذا عشان بدر حتى ولو كان لازم تتغذين عشان تتخطين هاذي المسأله

رغد.ما اتوقع اتخطاها

أم رغد.طيب انا بقولك على سالفة قديمه تخص خالتك تهاني بس هي ما قد قالتها لأي حد وما يعرفها ألى خالاتك واجدادك

رغد.ما اظن اني ما اعرفها

أم رغد.لما تهاني كانت بعمر 20 قال ابوي لازم تكمل دراستها برى السعوديه وصار وراحت تهاني تدرس مع ابوي وأمي وبعد ما خلصت اول سنه من الجامعه قررت تخصص في الطب وكذا كان الدكتور معجب فيها وهي بعد وكانوا يترسلون ويكلمون بعض وكانت تهاني تحاول تعلمه اللغه العربية وهو يحاول يتعلمها ولما اتقن نصها قررت تدخله الأسلام وأسلم وغير اسمه من جيمس ل احمد وقرروا انهم يتزوجون ولما جاء يخطبها من ابوي كان ابوي رافض الفكره مره واحنا بعد رفضناها وشجعنى ابوي على انه ما يوافق ولما ما وافق ابوي زعلت تهاني وصارت تروح وتجي في البيت بس ما تتكلم مع احد وابوي لما شافها كذا قرر انه يرجع السعوديه ويخليها تكمل دراستها فيها وازدادت تهاني حزن اكثر من اول ورجعت وكملت دراستها ومع هذا كله كانت متفوقه مرة وبعد ما خلصت دراستها كان يجيها خطاب يبغون يتزوجونها بس هي كانت ترفض وشفيها لين اليوم قلبها معلق بالأول وما رضيت تتزوج عشانه بس انها كانت تقوي نفسها وتجتهد عشان تروح تشتغل برى وتقابله مرة ثانيه

رغد.اول مرة اعرف بذي السالفه عشان كذا خاله تهاني لما اكلها في الزواج تقول انها ما هي مستعجله

ام رغد.والله لو تصدقين لو يرجع الزمن من جديد لأقنع ابوي يزوجها

رغد.بس انه اسلم وتعلم اللغة وغير اسمه بعد غريب رفضه جدي

ام رغد.السالفه ذي انتهت من زمان بس انا قلتها لك عشان تاخذين العبرة وما تيأسين

رغد.وعد اني ما راح ابكي مرة ثانيه وراح اتغذى واصير اقوى من كل الظروف ذي

ام رغد.هاذي بنتي اللي اعرفها

وفي بيت أم فارس الوضع مختلف

ابو فارس.حيا الله ولدي فارس لو قلت ليي من البداية ما خليتك تطلع

فارس.بس قلت اني بحلها بنفسي

ابو فارس.شف يا بدر ترى اخوك رجع البيت بس بشرط انك تروح عند ابو رغد وتعتذر منه وتسوي اللي يطلبه منك

بدر.ألا هاذي ما ني رايح

فارس.غصب عنك بتروح

ابو فارس.اما انك بتروح وألا اطلع من بيتي ولا انت ولدي ولا انا ابوك

ام فارس.وش ذا الكلام اللي تقوله تعوذ من الشيطان ألا بيروح

بدر.خص بروح بس لا تاكلني بعيونك

وبعد ما خلصوا الغداء ركبوا السيارة وراحوا لعند ابو رغد

ابو فارس.لا اوصيك فشلنا

بدر.خلاص بسوي كل اللي قلت لي عليه

فارس.خلك تتكلم في رغد قدامه

بدر.انت ما همك ألا رغد ترى انا اخوك مو هي اختك

بعد ما وصلوا نزلوا ودخلوا المجلس وجلسوا

ابو رغد.حياكم الله تفضلوا

ابو فارس.الله يبقيك

ابو رغد.بغيتوا شيء اللي تامرون فيه أنا حاضر

ابو فارس.سلامتك بس أنا جاي اعتذر من اللي سواه بدر والعذر والسموحه والله ما دريت ألا بعدين ان كنت تصدقني

ابو رغد.والله مدري وش اقول بس اللي سواه ولدك ما هو قليل وان تعرف ذي الشغلات ما فيها لعب

ابو فارس.ادري والله وانا جايبه معي اليوم عشان يعتذرلك وأحنا تحت اللي تامر فيه

بدر.والله اني آسف ادري اني غلطت بس من صغارة مني يا عم وانا تحت اللي تامر فيه

ابو رغد.الصدق اني مدري وش اقول اقبل العذر وألا ارفضه ان قبلته ما هي بسيطة وان رفضته برضوه ما هي بسيطة وانت تعرف ان رغد بنتي الوحيده وما ارضى عليها ولو اني بغيت ازوجها من وراء ذي السالفه غصب عنها بس تراجعت عشان خفت الله فيها بس ان كان ولدك بدر صادق في عذرة خله يتزوج بتي رغد ويستر على اللي سواه قبل ما يدرون الناس وتصير تتكلم عليها

بدر.ايش اتزوج مين

ابو فارس.اللي تامر فيه بس الزواج ما هو لعبه وانت عارف بس ان كان هذا بيبعد الكلام عنها فاللي تامر فيه

فارس كان مصدوم من اللي صار وقاطعهمم .انا آسف عندي اتصال بروح اكلم

ابو فارس.ومعك شغل السيارة

ابو رغد.ما ودكم تتعشون في بيتي

ابو فارس.كرمت بس تعرف ورانا اشغال وخل العشاء مرة ثانيه

وبعد ما راحوا من عند ابو رغد

بدر.اسمع يبه زواج ما ني متزوج من ذالحين اقولك

ابو فارس.ما حد قالك تغلط

بدر.فارس تكلم سو شيء

فارس.على بالك اني راضي ازوجها منك بس الله يعينها على المصيبة اللي حلت عليها

بدر.يا خي خلاص تزوجها انت بدالي

فارس.على بالك الشغله لعبه

ابو فارس.ما توقعت يجي منك حل وش رايك يا فارس نتعذر له ونقول بدر صغير ونزوجك اياها وكذا نحل ذي المسأله

فارس.والله ما اظن انه يوافق لا هو ولا رغد

ابو فارس.بس انت ولد خالتها ورجال وعاقل ليش ترفضك

بدر.لو دريت كان تكلمت من زمان

يا ترى وش راح يصير لرغد هل ستتزوج من بدر أم فارس وش راح تكون ردة فعلها عن القرار زوجها الذي اتخض من غير علمها

كل هذا في البارت ماقبل الأخير