••••
#Farah
انا : رمضان روح انت انا مش هقدر انزل
رمضان : مالك انتى تعبانه !! اجيب دكتور !
انا : لااا انا تمام بس مش قادرة انزل روح انت
رمضان : طب لو حصل اى حاجه كلمينى
انا : ماشى 😄
باسنى و نزل .. قمت عشان اشوف هعمل ايه ف يومى دة .. حسيت بدوخه و بطنى وجعتنى
فضلت تعبانه كدة كتير لحد ما كلمت لورا و قولتلها
لورا : اللبسى و اول ما ابقا تحت هتصل بيكى
انا : طيب
قمت للبست و بعدين اتصلت بيا و نزلتلها ،، روحنا لدكتور كدة و فضلنا قاعدين لحد ما جيه دورى
كشف عليا و بعدين قعدنا و الدكتور ضحك كدة و بعدين قالى انى حامل ❤
ضحكت و لورا حضنتنى و بعدين روحت و هى كانت معايا و بعدين مشيت ،، غيرت هدومى و استنيت رمضان
فتح الباب و انا كنت نايمه ع السرير و جيه جرى عليا
رمضان : تعبتى صح .. انا عارف .. انتى جزمه و مخلتنيش اجبلك دكتور و..
انا : بااااااس 👊 مش تعبانه ☺
رمضان : اومال مالك .. شكلك تعبان والله
انا : رمضان انا حامل
رمضان نط جمبي : بجد 👏❤
انا : اة والله
#Heba
حسين جيه و انا كنت بعيط و هو كان شكلو معيط هو كمان
حسين قعد جمبى : انتى كويسه
انا مسحت دموعى : لا مش كويسه ....
انت ليه بتعمل معايا كدة !! انا ليه دايما حسه ان فى حاجه غلط بينا و من ناحيتك انت بذات .. فى تصرفات غريبه بتعملها مش محسسنى انى مراتك اتحولت من ايام الخطوبه للجواز .. و كل يومين ترجعلى سكران و بتبقا مش دريان انت بتعمل ايه معايا اصلا!! مش بتراعى ابدا ان انا مراتك وليا حق عليك زى ما انت ليك حق عليا و بدهولك كامل ي حسين ،، انا مش عايزة اكرهك عشان انا بعشقك مش بحبك بس بقالنا اكتر من شهر متجوزين و ولا مرة حسيت انك جوزى
حسين : هبه ان.انا .. بحبك
انا : انت ليه محسسنى انك اول مرة تقولهالى .. قولتهالى كتير ي حسين بس مبتعملش بيها
حسين وراسه ف الارض : بس دى المرة الوحيدة الى بقولك فيها بحبك بجد
انا بصتلو و مش فاهمه عايز يقول ايه
لقيتو غمض عينو و خد نفس طويل و اتكلم
حسين ودموع ف عينه : الحكايه ابتدت من موت بابا واصرار عمى انى لازم انتقم من الى كان السبب ف موته ... الى هو باباكى ،، ولما مات مكنش قدامي غيرك انتى
انا بصتلو بصدمه !!!!
#Rawan.
كلمت ريناد .. صعبانه عليا اوى صوتها تعبان اول مرة تبقا كدة 😔
ريناد : روان مش عايزة اسمع حاجه
انا : ريناد ما تديلو فرصه تانى
ريناد : ي رووان انا مبعملش حاجه غير بديه فرص بس ف المقابل هو مبيعلمش ب ولا فرصه ادتهاله
انا : بس هو بيقول انو ميعرفش جابت رقمه ازاى و بعدين ي ريناد ما انتى عرفه ان فى بنات كدة يعنى ممكن يكون مظلوم
ريناد : روان كفايه لحد كدة
انا : شوفى مع انى مش بطيق لا حسين ولا هانى بس انا مصدقاة اوى المرة دى دة شكلو تعبان اوى ي ريناد و مسمعتيهوش و هو بيقولى انو بيحبك والله شكلو مظلوم المرة دى
ريناد اتنهدت : انا كدة كدة هرجع بليل و نبقا نشوف
اتكلمت معاها شويه و بعدين قفلت انا مش عرفه انا ايه المصايب الى بتنزل علينا دى
#Hussin
انا : الحكايه ابتدت من موت بابا واصرار عمى انى لازم انتقم من الى كان السبب ف موته الى هو باباكى ... ومكنش قدامى غيرك انتي
ساعتها بصتيلى بصه عمرى ما هنساها ..
وكملت و انا بعيط
#Flash_Back
لما قولتيلى انك حامل سبتك وجريت روحت لعمى و انا مش عارف اتصرف
انا : هبه حاامل
عمى : نعععم ازززاى انت مش قولتلى انك معملتش حاجه
انا بخوف : ما انا مرة كنت سكران و..
عمى زعق : غبببى ي حسييين غبببى
انا زعقت : انا مش هكمل ف الحكايه دى
عمى : يعنى ايه ي روح امك مش هتكمل وحق ابوك نرجعو ازاى
انا : رجعو زى ما ترجعو انا وهبه شلنا من حساباتك انا بقولك اهو هبه بقت مراتى
عمى : انت حبيتها .. هو انا مش حذرتك
انا : بص دة اخر كلام عندى انا مش هكمل .. حرام عليك بقا
عمى : غببببى
#Back
انا بعياط : اول مرة اتقبلنا كنت مراقبك و انا الى سبت الموبايل منسيتوش ... اول ما اتجوزنا كنت بحطلك المنوم ف العصير عشان تنامى .. كنت بحاول اتجنبك عشان محبكيش بس انا حبيتك ي هبه صدقينى انا كنت بعمل كل دة غصبن عنى بس انا حبيتك حبيتك والله
كانت بتسمعنى و مبرقه والدموع عماله تنزل من عينها لقتها مرة واحدة قامت وقفت وحطط ايدها على راسها كدة و ضحكت و عيطط جامد
هبه : طب ي.يعنى ايه ..ي.يعنى كل دة كان كدب ؟
انا : بس انا دلوقتى حبيتك
هبه بعياط : حب اايه انت كنت بتخلص حقك منى!! .. انت عاقبتنى ف حاجه معملتهاش ولا سمعت عنها !! جوازك منى و الايام الحلوة و الهدايا و الخروج و بحبك الى كنت كل شويه تقولهالى ؟ ..و.و فرحنا .. كل دة كان كدب ي حسين 💔! دة انا حبيتك و كنت بقول ان انت الى مش هتخيلنى ازعل تانى من بعد فرح .. انا كنت عايشه عشانك .. انت بس الى عيشتنى احلى ايام ف حياتى ..
هو انا الى علطول بتيجو عليها !! علطول انا الى بتكسرونى علطول انا الى ازعل و اتعب بسببكو
كانت بتتكلم وعماله تتحرك وبتعيط عياط هستيري وانا كمان عيط
وقعت ع الارض و فضلت تعيط جامد ف قمت نزلت جمبها و مسكت ايدها
انا : اهدى .. انا بحبك و..
هبه زقت ايدى جامد : بتحبببنى ااايه اسككت انت متكلمش انت كداااب كل حاجه ف حياتك كدب
انا : معلش ا..
هبه قاطعتنى بزعيق : معلللش ااايه معلللش ايه الى بتقولها
ولا اقولك تعالى اكسر فيك الى كسرتو فيا واقولك معلش يلا
سابتنى وقامت و صوت عياطها عالى و انا فضلت قاعد حاطط ايدى على وشى مش عارف اعمل ايه .. انا الى عملت ف نفسى و فيها كل دة
لقتها خارجه و معاها شنطه هدومها و قبل ما تفتح الباب قالتلى
هبه : ممثل هايل 👏 .. طلقنى ي .. حسين 💔
وبصتلى والدموع بتنزل من عينها و بعدين فتحت الباب و خرجت و رزعتو وراها
••••
يارب يكون عجبكوو ♥
رايكوو !!
توقعاتكوو للجاي ؟
اقروا "كان يا مكان" و "اخر شويه ليل" هتلاقوهم عندي ✌
Vote&comment