🙊
#اششش .. اسكتو 😐
راح اجيبن طاري #ولفي ❤️
وبس #اسمعو شراح اگله😉
راح اگله شگد #احبه 😍
وافييش يا ريحة #رگبته..!!😌
تسوي #لليشتمها_صيت..!!😋
واخ منه شگد #اناني...!!😊
بس يحبني 😊
ومايحب #واحد وراي شگد بخيت🌹
والله مو قصدي #اغثكم 😕
هيج احبه من #الگلب حد الوريد 💞
يمشي #بيه وامشي بي💖
ويدري بيه شگد #عنيد😒
رغم #هذا شگد يحبني💟
ويدري عنه شگد #بعيد
¸.•♥•.¸¸.•♥•(❤️) •♥•.¸¸.•♥•.¸
دخلت سما ع دار نور بدون لا احم ولا دستور وظلت تباوع لنور نظرات غريبه
نور الي كانت سرحانه وكعدت من شرودها ع نظرات نور فباوعتلها باستغراب وبتوتر:شبيج
سما حطت ايدها ع خصرها:احجيلي كلشي وشنو جاي يصير من وراي
نور:شنو شتقصديني
سما رفعت حاجب:ع الي صار قبل شوي
نور فهمت فكالت بتوتر وهيه تلف وجهها للجهه الثانيه :ما اعرف شتقصدين
سما:ولج نويروه مو عليه هالحجي..شفت كلشي
نور:😨كلشي كلشي
سما:كلشي كلشي..يله احجي ولا تخلين مخي يروح بعيد
نور:لا يروح بعيد ..ترى كل الموضوع مجرد حادث..(وتحولت لغضب) ولو ما تركتوني مجان صار الي صار
سما بصريخ:نورررير لا تستهبلين مبين مو مجرد حادث حتى ظليتوا تسولفون ..ونظراتكم غريبه وبعدين وجهج الصار احمر وانتوا تحجون كل هالشي ما يبشر بخير
نور باوعت لتلفونها وهيه متوتره وشهقت :اذن وخلص ولا صليت
وكامت بسرعه تريد تروح للحمام
سما وكفت كبالها بعصبيه وقبل لا تحجي قاطعتها نور :😒روحي صلي شنو صرتي كافره
سما ناظرتها بغيض:يمه المتدينه ما تريد تاخر الصلات لدقيقتين..بس ماشي راح اروح بس مو عدالج اتركج راح اعرف يعني راح اعرف
نور باستهبال:الا صلاتي ما اخليييهاااا
سما:😤😤
سما توجهت للباب وقبل لا تطلع وجهت اصابيعها الاثنين ع عيونها بعدين وجهتهم لجهه نور بمعنى اراقبج وعبست وجهها ومشت
نور كعدت ع الجربايه براحه:لا والحظ هسه شيفكني منها
****
سما توجهت لغرفتها وهيه تفكر شلون تخلي نور تحجي وفجاه تسلل لاذنها صوت واحد يقره قران بصوت جميل ويدخل القلب وكان من جهه غرفتها فتحت الباب ببطئ وشافت جود كاعد ع السجاده ويقرء قران وكان مندمج بالقرءاه وما انتبه لدخولها وكعدتها ع السرير وهيه مصفنه فيه ومندمجه مع صوته
سما( صراحه فاجئني هالشي ما توقعت جود بهيج موقف..مو قصدي ع الصلاه بله ادري بيه يصلي بس اول مره اشوفه بوضع الصلاه ووكعدته وهوة يتلو القران بصوت حلوو..صح صوته بيه خشونه بس بيه بحه حلوه زايدته جمال ..شكله يجنن وهوة هيج بوضعيه خشوع )
جانت فرحانه وهيه تتامل شكله وهوة مندمج بالقران وما انتبه حتى الها فرحانه لان طلع ملتزم بصلاته ..هيه مجانت تدري اذا ملتزم بالصلاه او لا لان كل واحد بدار
وما تدري عنه
~~~~~💛~~~~~
ﻻ تحبهہ المايصلي🍂
وابد لتغرك عشرتهہ😌
هيه مو شغلة دين🔕
هذا واقع انه عشتهہ🍃
هو هذا التيهہ اللهہ🙏
وعمره ما يندل قبلتهہ💭
المايحب رب الجﻻلہ💔
شلون راح يحبك انتہ✋
~~~~~👌🏻~~~
وفجائه توقف عن القرايه وهوة يسد القران ويريد يرجعه مكان
سما بدون وعي:ليش وقفت صوتك حلوو
جود باوعلها بتفاجأ لان ما انتبه لها ورجع القران مكانه
سما استوعبت الي كالته ولامت روحها ليش كالت جذيه
جود كعد جنبها ع السرير وهيه كامت ليكول متكهربه بس هوة مسكها من ايدها:كعدي ما راح اسوي شي شبيج خايفه بس اريد احجي
سما نزعت ايدها من ايده:حقي اخاف الي يسويها مره فيسويها مره ثانيه
جود تنهد بضجر: كانت لحظه عصبيه وصدكيني ما راح اجبرج ع شي بس خلينه نفتح صفحه جديده ونبدي من
قاطعته سما:اريد اصلي بعدني ما صليت
تركته ومشت
وقبل لا تدخل الحمام جود:راح انتظرج علما تخلصين..لان لازم نوصل لحل ..مايصير نعيش كل حياتنه هيج
سما دخلت وسدت الباب وغسلت وجهها جم مره وباوعت وجهها بالمرايه بحزن وابتسمت بسخريه لحالتها وتنهدت بحزن:يا ترى اكدر ابدي من جديد .
غسلت وتوضت وطلعت ولكت جود كاعد ع نفس وضعيته وهيه حاولت تتجنبه وراحت صلت وطولت بالصلاة ع امل يمل ويروح بس ظل بنفس وضعيته بس هيه ما وقفت صلاه حتى من خلصت ظلت اصلي الصبح والمغرب والظهر مره ثانيه لحد ما اعتقد ماظلت عليها صلاه فايته
وجود كان يناظرها باستغراب وظل يتاني لحد ما طفح بيه الكيل ومسكها اول ما خلصت
جود:شالقضيه تردين تصلين لامه محمد كلها
سما :😒الله هاديني وارد اصلي زياده لوجهه الله..هذا بدال ما تشجعني تكوم تكطع صلاتي..وبعدين اليوم جمعه لازم الواحد يصلي زياده
جود:خلصتي خل نحجي
سما سحبت ايدها من ايده وكعدت ع السجاده ومسكت القران:لا ابي اقره قران لو بس انته تريد تقره
جود:انتي تسوين هيج حتى ما نحجي مو
سما تجاهلته وكملت قرايه
جود ناظرلها بغيض:مثل ما تردين راح اتركج
جود خذه ملابسه ودخل بدل بالحمام وطلع وشافها بعدهي تقره فتركها وطلع
سما ناظرته وهوة يطلع ويسد الباب وعيونها ظلت معلكه بالباب وبعد دقايق سدت القران ورجعته مكانه وكامت للمرايه مشطت شعرها وشدت شعرها ذيل حصان وحطت الشال وباوعت ع وجهها الي بادي عليه الانزعاج (انتي شتردين بالضبط يقربلج ما عاجبج ومن تبعدينه ما عاجبج وتعفسين وجهج شتردين بالضبط ..مو هذا الي تردينه انه يبتعد فلازم تكملين وتحاولين تتجنبين تحجين وياه ..بس شلون واحنه بغرفه وحده..ونهايتنه نرجع نلتقي بالليل بهالغرفه..حتى لو تهربتي منه بالنهار شلون بالليل )
بعدت هالافكار من راسها وراحت لغرفه لنور
اما نور فكانت طالعه بالشرفه وتباوع لمنظر المزرعه وجوها الحلو والهوة يلعب بالاشجار وبشالها وكانت ماسكه كلادتها وغرقانه بافكارها وما منتبهه للشخص الي كان واكف من بعيد يباوعلها وهوة مندمج وياها وما انتبه لمصطفى الي وكف يمه
مصطفى:هلكد تفصل وتروح غير عالم وانته تباوعلها
محمد باوعله باستغراب:انته شوكت جيت
مصطفى: امممم انته لشوكت راح تظل هيج وتباوعلها من بعيد
محمد بارتباك:انته شتقصد
مصطفى:اقصدك انته وهيه..حسبالك ما منتبهلك ولنظراتك الها..ترى انا اخوك واعرفك عدل
محمد ظل يفرك شعره ويبعثره بارتباك وما حجه
مصطفى كمل:تظن شنو نهايه الي بكلبك..ترى احلامك ما راح تتحقق
محمد باوعله بعدم فهم
مصطفى:انته حالتكم مثل هالوكفه..راح تظل تباوعلها من تحت وهيه فوك وما راح تكدر ترصللها
محمد:ليش تحجي هيج
مصطفى:ترى انته مجرد سايق عدهم ..تعتقد لو رحت خطبتها راح يوافقون عليك
محمد حس بالخوف:لا همه ما يهتمون بالمظاهر ولو يدرون عن الي بكلبي وشكد احبها وراح ادللها اكيد راح يقبلون..وبعدين ترى همه ناس متواضعين وما يعاملون الشخص ع حسب فلوسه
مصطفى:صح متواضعين وما يعاملون الناس بتعالي..بس زواج بنتهم غير واكيد راح يدورون واحد نفس طبقتها يدللها
محمد ظل يباوع لنور وحس كلبه انعصر:لا يجوز انته غلطان..يجوز يقبلون..ما راح أايس قبل لا احاول
مصطفى:اذا هوة سلطان صديق طفوله جود من اجه خطب من عدهم رفضوه وهوة احسن منك ع الاقل هوة موضف وحالته الماديه احسن منك فشحال انته
محمد كوم ايده ع شكل كره وضغط عليها:الفقر مو عيب وبعدين انا عدي شهاده وراح اشتغل هم
مصطفى وهوة يحاوط كتف محمد :فلنفرض وافقوا..انته راح تكدر تعيشها نفس مستواها.. هيه متعوده ع العز والدلال وكلساع مشتره وطلعه وطبه..واذا ازوجتها راح تكدر توفرلها كل الي تبيه.. صدكني ما راح تكدر توفرلها الي تبي وراح تحس انك اقل منها
محمد كعد يتذكر الماضي وما ظل يسمع لاخوه
تذكر طفولته من كان عيد ميلاد نور والكل متجمع وكل الاطفال حواليها والكل ينطيها اغلى الهدايا واحلاها وهوة كان واكف بزاويه من بعيد يباوع بانكسار لهديته المتواضعه الرخيصه ويباوع لهداياهم الغاليه
تذكر يوم ذب هديته بالكاع وصارت تحت الرجلين وانداست وطلع من الحفل
محمد باوعلها ويحاول ينكر الافكار الي اباله:لا هيه غير وما تفكر بالفلوس وانا ادري تحس شي باتجاهي بس واهلها؟؟ بس ما راح اتركها مستحيل اتركها..هاي حلمي ولو تخليت عن حلمي شلون اعيش بدون هدف
كان مصر انه ما يستسلم بس بداخله يحس بالانكسار لان يدري حجي مصطفى صدك
دخلت سما لغرفه نور:نوووير ..تجين تحجيلي كلشي لا اكتلج
نور التفتت عليها ودخلت وسدت باب الشرفه :شحجيلج
سما:كلشي بينج وبين محمد
نور كعدت يم سما وباوعتلها بارتباك:ماكو شي
سما باوعتلها بعصبيه:نويروووه مو عليه هالسوالف
نور تنهدت باستسلام: انزين ..كل الموضوع انوه هوة جان صديق طفولتي (وبخجل)وكان بينه انعجاب من زمان بس بعدين سافر وانقطع كلشي وضنيت كلشي انتهه وما راح يرجع
سما باوعتلها بحماس:والحين تقابلتوا وانكلب حب مو
نور باوعتلها بحيره:ما ادري يمكن
سما تربعت كبالها :احجيلي كلشي من طئطئ لسلام عليكم
نور: جان دوم يدافع عني مع اني جنت دبه وماكو احد بالمدرسه ما يعايب عليه ..تدرين من رجعت مره من المدرسه وانا ابجي وشافتي وسالني عن السبب وعرف ان بنات المدرسه عايبوا عليه
رجعت نور لماضيها
من رجعت من المدرسه واستقبلها محمد بابتسامه بس من شاف الدموع بعينها اختفت ابتسامه وراح الها يركض
محمد:شفيج
نور حضنته بطفوليه وظلت تبجي
محمد مسح ع شعرها:شبيج ولج احجي
نور ابتعدت عنه شوي وتحدثت بطفوليه: هاي سويره الجلبه ظلت تعايب عليه كبال البنات بالمدرسه ودفعتني وعورت ايدي (رفعت الردن وشوفته الجرح السطحي)شوف شسوت بايدي
محمد عقد حواجبه بعصبيه:منو هاي؟؟وشلون تتجرا تعايب عليج ؟؟ ختولي معليج بيها هاي غيرانه منج لانج احلى منها
نور مدت شفتها السفليه بزعل:بس هيه احلى مني ..شعرها طويل وعيونها عسلي وبيضه واهم شي ضعيفه 😓
محمد باصرار:لا انتي احلى صدكيني ( ع الاقل بعيوني )
يوم ثاني محمد راح وي نور للمدرسه يوصلها ويوم شاف ساره وكفوا كبالها
ساره:هههه اجت الدبه ..توقعتج راح تغيبين وما راح تكدرين تورين وجهج لاحد
محمد:انتي شايفه وجهج حتى تعايبين عليها .. انني تضايقينها لان احلى منج مو؟
ساره ناظرتله بصدمه وبعدين ضحكت:هههههع تشاقه حضرتك هاي الجكمه احلى مني ههههه صدك ضحكتني
محمد:بس انا بالنسبه اليه هيه احلى منج بميت مره ..انتي وحده شايفه نفسها لان جم حمار مدح بشكلج وجاملج والا انتي حتى الجلب ما يباوع بوجهج
شهقت نور من شافت ساره ضربت محمد كف وهيه تباوعله بعصبيه ولاول مره نور اجتها الشجاعه وراحت دفعت ساره وطيحتها بالكاع
نور جانت تتحمل ساره بكل المرات الي تضربها بيها وما تردلها الضربه ولا حتى تحاول بس من وصلت لمحمد ما كدرت تسكت
محمد حط ايده ع خده بصدمه وباوعلها بعصبيه وهيه بالارض وتباوع لنور بصدمه: لو ما انتي بنيه جان علمتج وضربتج..بس ابوي يكول مو رجال اليضرب بنيه ..وانا رجال وميصير اضربج
ساره باوعتلهم بعصبيه:اعلمج يا نور بعدين ..وانته هم حاسب روحك رجال وحتى شوارب ما طالعتلك
محمد ابتسم بسخريه ونفخ صدره:الرجال مو بالشكل ..الرجال بتصرفاته..مثل ما البنيه مو بالشكل برقتها وانوثتها وروحها الحلوه..وانتي ولا وحده بيج من هالصفات..فهم معتبره روحج بنيه ..ع الاقل نور عدها كل هالصفات واحسن منج
نور كانت تباوعله وهيه مبتسمه وهيه تشوف ردود محمد القاسيه الها ..وانه رد اعتبارها كبال البنات
سما :امممم يعني تردين تكولين حبيتيه من هالصار
نور :لا بوكتها ما جنت اعرف شنو الحب اصلا..بس جان بالنسبه الي ماي هيررو☺️ لان كل ما احتاج مساعدته ما يقصر ودوم يحميني مثل الافلام هههه
سما:امممم لعد شوكت بده اعجابج التحجين عنه
نور حطت ايدها ع القلاده :من انطاني هالقلاده وباسني ع خدي وظليت اباوعله وهوة يروح ..اكتشفت بعد ما راح انه اله مكان جبير بحياتي
سما:😳لحظه لحظه باسج 😱يعني باسج يا قليلين الادب هاي صغار وهيج لعد هسه لو كبرتوا شلون
نور باوعتلها بخجل:شبيج بوسه طفوليه ع الخد مكان قصدها شي وبعدين انا هم تفاجئت منها مجنت متوقعتها منه
سما باوعتلها بشك:😒بس هم اسمها بوسه
نور:اهووو عاد انتي لو توكفيلي ع الوحده ..صوجي كتلج
سما:المهم هسه شنو تحبون بعض يعني
نور بخجل:اي حب ولج..يجوز اعجاب فقط..وبعدين انا قبل جم يوم ياله عرفته انه هوة نفسه صديق الطفوله..وبعدين هوة يجوز ما يحبني ويعتبرني مجرد صديقه قديمه
سما:ويجوز يحبج..من نظراته الج من جنتوا بره وي الجلب صراحه كمت اشك انه يحبج..ترى اليحب يبين من عيونه من طريقه نظراته
نور:شلون يعني اليحب يبين من نظراته؟؟
سما :اليحب تكون نظرته لليحبها غير تصير نظرته بيها بريق كلها اهتمام وحنيه وما يكدر يشيل عينه عن اليحبها
نور باوعتلها بخبث:مثل جود من يباوعلج 😈
سما توردت خدودها وفرت وجهها:انجبي ولا ادورين السالفه عليه
سمعوا صوت اسراء وهيه تركض وتصرخ ودفرت الباب ودخلت :انقبلت انقبلللت
نور:شنو شبيج ولج
سما:تخبلت البنيه من النظرات
نور :هههههههههع تقصدين...؟
سما :ههههع اي اي هم عدها نظراته تباوعلها (يقصدون حيدر)
نور:اي هم انا شكيت مع اني ما تمنيتها الها (تقصد تمنتها لبدور)
سما:انا هم بس قسمه..بس عدي امل بلكي يتغير رايه
نور:خليها ع ربج
اسراء ظلت تباوعلهم بعدم فهم:ولكم عن شنو تحجون خبلتوني..وطيرتوا فرحتي الجايه اكامز بيها ونسيتوني
نور:هيه تحجي😒دكولي وفضيها
اسراء :جبحكم ما تحمسون الواحد..بس المهم انا ماتحمسه..المهم سمعوا الخبر ..انا انقبلت كليه قانون(ظلت تنط من الفرح)
نور كامتلها وحضنتها بفرح:يا كلبه ما كلتي قدمتي ع الانسيابيه مالت الكليه
سما حضنت اسراء ونور بنفس الوقت :اي كلشي من ورانه ..المهم الف مبروك
اسراء:الله يبارك بيكم..والله قدمت عليها قبل لا اجيلكم من جنه مسافرين ..وتوني ياله اذكرتها ودخلت اشوفها..المهم خل اروح ابشر امي 😉
وراحت تركض ودخلت المطبخ ما لكتها فراحت للصاله
اسراء :يمممه
ام راكان:هااا ولج شكوا
دخلت الصاله وكان كاعد ام راكان والجد والجده وحيدر وابو جود وام جود
اسراء بحماس :يمه طلعلي كليه قانون.
ام راكان حضنتها بسرعه:الف مبرروووك اخيرا طلعلج القانون الخبصتينه بيه
كاموا يباركولها وراحت حضنت الجد والجده وابو جود ومن وصلت لحيدر فتح ايدينه :وانا مالي حضن
اسراء:😛 تحلم
ابو جود ضرب حيدر:ولك ما تستحي وهاي كبالنه بعد
حيدر مسح ع مكان الضربه:اخخخ يبه شدعوه عليك خلنه نترزق الله ..(باستهبال)هاي انته تحظن امي وما اكول شي
ام جود توردت خدودها:يا قليل ادب شلون تقارن هاي بهاي وانته اصلا ما تحلها
ابو جود ابتسم وحجه بصوت ناصي:يحليلج حتى من كبرنه وبعدج تستحين
ام جود:اسكت عيب منا كاعدين
حيدر:اي خطبيلي وتحلي
اسراء باوعتله بصدمه وهوة يحجي بثقه (هذا شيحجي صدك لو يشاقه ..شلون يحجي هيج كبال جدي وامي .. جنت دوم اظن يشاقه من يكلي مرتي حتى يرفع ضغطي ..بس هسه مجاي يشاقه لو يشاقه؟؟ والله حيرتني يا حيدر..مكضي حياتك كلها شقه لدرجه ما كمت اعرف اذا تكول الصدك لو لا )
انسحبت من المكان من حست انها مالها داعي
ابو جود:تخرج واشتغل وكون نفسك وبعدين عود فكر تزوج
حيدر:😒عود الا انا مشيب واطيح بجبد نفسي ..جدي فدوه كول شي
الجد:اممممم ما راح يضر اذا بس خطوبه ومن يتخرج يعرس
حيدر كام بفرحه وحماس:يرحم امك يا شيخ
الجد رفع حاجبه باستنكار:احجي عدل
حيدر بثكل:قصدي زينت العقل يا جدي
ابو جود:بس ياجدي انا ما احب الخطبه الطويله ..وترى سنه وايد وهمه شباب
ام راكان:لحظه انتوا جاي تناقشون خطبته بصوره عامه..لو خطبته من بنتي بالتحديد
حيدر:هسه يا عمه خل يوافقون بصوره علمه وبعدين اقنعج عود بالتحديد
ام راكان ابتسمت:تذكر يا يبه من جانوا حيدر واسراء وهمه صغار دوم يتعاركون وولا واحد يشتهي الثاني ..وتوصل من الشعور.. تذكر من جانت اسراء تضرب حيدر وهوة ما يكدرلها مع انها اصغر منه..جان يجي حيدر وهوة معصب
الجد بادلها الابتسامه وهوة كمل :هههه جان يجي ويكول من اكبر الا ازوجها واكسر راسها واعلمها شلون تحترمني 😂
ام راكان:ما جنت ادري راح يسويها صدك😂😂..بس ولك اخاف تريد تاخذ بنتي حتى تكسر راسها صدك
حيدر:لا عمه شهالحجي بس ارد استقر ☺️ وكشاب من حقي هالشي..بس صراحه عمه ما اذكر كلت اني كلت الا ازوجها واكسر راسها..عود صدك جانت تضربني😡
ابو جود:وجانت ادوفك دوف
ام جود:كافي لا تحرجونه واطيرون الهيبه
حيدر:😓الي فات مات 😅
الجد:المهم باجر نروح لابو جبار فما اوصيكم
حيدر:جاك الموت يا تارك الصلاة
الجد:انته اول واحد انتبه وحركات الشباب الطايشه هاي بطلها
حيدر:انتبه؟؟جدي ليش محسسني رايحين معركه وانها قصه حياه وموت..ترى كلها زياره صديق
الجد:صديق عزيز..شفت اولاده شلون مرتبين وراكدين ومطيعين ليش ما اصير مثلهم
حيدر بتسليكه : انشالله
***
نور وسما دخلوا للصاله الصغيره ولكوا جود لوحده مكابل اللابتوب ويكمل شغله التركه
سما:امشي نروح نتمشى بالمزرعه
نور دخلت وتجاهلت كلامها:شعده الصاك كاعد لوحده..لا حرام واحد بهالجمال ولوحده
جود رفع راسه وابتسم الها:حبيت اكعد وحدي حتى اخلص الشغل بسرعه واكوم
التفت ناحيه الباب وجانت سما واكفه تباوعله
ومن شافته التفتلها ارتبكت ورادت تطلع :راح اشرب ماي
وطلعت وخلته يباوع باثرها
نور جلست ع يده القنفه الي كاعد بيها جود وباست خده:حررام كل هالجمال يندفن بهالشغل..يمعود احنه جايين نستانس فاترك الشغل شوي ..والله حاستك راح تشيب بسرعه من وره هالشغل..امشي اطلع استانس ويانه كافي تعب
جود قرص خد نور مع ابتسامه حنونه: فديت الي تهتم باخوها..بس دقايق واخلص علمود باقي الايام اكضيها وياكم
نوربنفس طريقته :خلاص لعد حتى انا اكضي كم شغله علمود اخلص وبعدين اروح وياك للمزرعه
جود:هههع وانتي شنو شغلج انشالله
نور:شغل مهم جدا جدا
جود:شنو انشالله
دخلت اسراء:سلام
جود:عليكم السلام..خير انشالله طاكه الكشره
اسراء كعدت بالقنفه الثانيه المقابيلهم :ولاشي ..بس انقبلت قانون..ومن الفرحه ما كادره اسد حلكي
جود:مبررروك .
نور كعدت يم اسراء:كافي سدي بوزج وخلي اخوي يخلص شغله..وانا هم وراي شغل
اسراء:شنو شغله
جود ترك اللابتوب وحط رجل ع رجل:انا هم محيرتني..هاي منيلها شغل بس اكل ونوم
نور:😒الله يسامحك يا اخوي..وانا امدح بيك واكول احسن اخو..واحسن من هالخبل حويدر ..وبالاخير تكول عليه هيج
جود:هههه هسه كوليلي شنو شغلج بله
نور رفعت راسها بفخر وقلدت صوت العجايز ببدايه كلامها وبعدين رجعت لنبره صوتها:شغلاً جثير يوليدي.. وراي لازم اختار بهالجم يوم بدله حك الحنه والعرس وغير الكعب والاكسسوارت وغير الصالون الي لازم اتفق وي واحد زين.. شفت شكد ظلمتني 😢شفت شكد شغل عدي
ضحك جود ع تقليدها وبنفس الوقت دخلت سما وظلت واكفه تباوع لضحكته (طلع يعرف يضحك ولا بعد ضحكته حلوه .. لعد شبيه وياي بس معبس واذا كلش فرجت ابتسم بس ابتسامته حلوه هم)
جود:ههههع كهديه اعتذار لاني ظلمتج ..اختاري البدلات الي تعجبج بالنت وانا اشتريهم الج ع حسابي
نور وكفت:احلف😳.. مو تبطل بعدين
جود:عيب من شوكت اتراجع عن شي كلته
نور شبكته:يمه فديتك فدي..يروحلك فدوه حويدر وطوايفه
جود:هههههع لا يسمعج هنوب تكب (شاف سما واكفه وتباوعلهم) حتى انتي تعاي اشتري من هسه من النت لان من نرجع ما راح نلحك راستا يسوون العرس
نور:اي صح دخلي ع صفحه تبيع شغلات تخبلللل..راح ادزلج الصفحه بالماسنجر
سما :ماعدي تلفون
نور:ليش وين تلفونج
سما باوعت لجود الي بادلها النظره:خرررب وكع مني لمن اخترعت من بزونه وانكسر..الله يسامحها البزونه
جود تنهد وفتح جنطه اللابتوب وطلع ايباد من جيب الجنطه وانطاه لنور:هاج هذا علما اشتريلج نقال جديد
سما خذته منا وكعدت يم نور وتجنبت تباوعله
فتحت الفيس وكان بيه صفحته بعدهي مفتوحه (واوووو الاصدقاء مفولللين ٥٠٠٠ وانا يمكن اصدقائي ياله بالكوه صاروا ١٠٠ (تصفحت الصور وفكت حلكها من شافت عدد التعليقات) شنووو هاااي😱😱 ٣٠٠٠ لايك و ١٠٠٠ تعليق ..شنو هاي راح ابجي😢 وانا ما ناقص الا اجدي حتى يحطولي لايك )
فتحت التعليقات وشافت بعضهم من اسلوبهم مبينين موظفينه وبعضهم شركاء بس الي خلاها تندهش انوا نص التعليقات بنات ( اياااا ابو البناااات 😤😤 طلعت بالفيس ملطلط ومصادق بنات وهنا مسوي روحك ثكيل😡 ..بس هوة ما راد عليهم بس هم ابو بنات المن مصادق بنات.. المصيبه ما راد وهيج عدد التعليقات لعد لو راد شكد يصيرن 😭😭وانا خلفله الي يعلقلي مره ارد عليه بتعليقين حتى يصيرن تعليقات هواي.. 😏لحظه مو هوه ع اساس دوم مشغول وما فاضي يحك راسه لعد شوكت يدك صور وشوكت ينشر )
شافت جود داك يم الحصان وكان شعره منفوش كانوا توه كاعد من النوم وبنيه معلقتله (يمه فديت الحصان شكد صاك😍😍😍 (مسويه منشن لصاحبتها)شوفي هذا توه كاعد وهيج لعد بعدين شيطلع)
سما(يا كلبه يا ملطلطه يا بنت الشوارع..لو عدج اهل مربينج جان ما علقتي هيج تعليقات😤😤.. بس مو صوجج صوجه هذا ( باوعتله وهوة مندمج بشغله ) الي يحط هيج صور.. واذا صورتك حلوه المن ناشرها )
نور وعينها ع تلفونها:هذا حلوو
اسراء:اي يخبل
نور:سما شرايج فيه (لا رد) سمااااا (باوعتلها شافت مندمجه بالايباد وعليها علامات الانزعاج ) سماااااا
سما:هااا شبيج احد كالج صمخه
نور وهيه تباوع لصفحه جود الفاتحتها:صارلي ساعه احاجيج..شعدج فاتحه صفحه اخوي..ليش ما طبيتي صفحه البيع والشراء
سما وحست بنظرات جود الي رفعها من اللابتوب وباوعلها من سمعهم:هااا لا بس شفت التعليقات هواي ماشالله . ومتابعينه
نور باوعتلها بفخر:😎😎طبعا بفضلي .. لو ع اخوي جان ما نشر ولا منشور ولا كان انعرف..بس انا دوم اذا شفته كاشخ ادكله صوره وانزلها بحسابه
سما باوعتله بتفاجأ:وانتي شنو عدج حسابه؟؟
نور:لا اخذ الايباد العب فيه وانشرله جم منشور ..احم وبفضلي صار مشهور..تدرين بنات قسمي كلهم ميتات عليه ..وكلساع يطلبون رقمه..لو يشوفونه يجوز يرقمونه 😂😂
سما بصوت واطي:ذكريني اركعج بنعال بعدين
نور:😳ليش
سما بانزعاج:انجبي ودوري بدله
*****
علاوي وللمره الالف يدك ع حنان وما ترد عليه لحد ما مل وترك التلفون
علاوي:اوووف عود مسويه روحها الثكيله والشريفه..هسه طلعه وطلعتي كبال الناس..من صارت شقه استشرفت
صديقه:انته ما تفتهم ..جان لازم تمهد للموضوع قبل لا تفتح موضوع الشقه
علاوي:اسكت يا منصور ..لعبت نفسي وانا العب دور الولد المحب الولهان وكاعد امهد لها الموضوع وحسيتها جاي تتجاوب بس مدري شكلبها
منصور:حاول ادك وع الله لمن ترضه عليك
علاوي بانزعاج:لا كافي لعبت نفسي..ومدام ما راضيه تجي بالطيب للشقه فراح اجيبها غصب عنها
منصور:شتبي تسوي
علاوي:😏كالعاده ما يجيب البنات الا التهديد بالصور.. وع كم فتشوب تركع عند رجلك
منصور:بس الي اعرفه البنت جانت رافضه تدزلك اي صوره حتى ع كل محاولاتك بس ما رضت
علاوي:صح ما ادزهم بس صاحبتك سوسو الحلوه راح ادزهم
منصور:شلون
علاوي:سهله انطيني التلفون
انطاه منصور التلفون ودك ع سوسو
علاوي:هلا يا حلوه
سوسو:خير وش تبي
علاوي:شوفي انا ما احب الف وادور اكثر من جذيه..وراح اكون واضح ابيج ادزيلي صور حنان واكثر من وحده
سوسو:😏تخبلت انت..مستحيل ادزهم مهمها يكون تظل صديقتي وادري انك انفصلت عنها واكيد تبي تسويلها شي
علاوي:شوفي صورك الدزيتيهم لمنصور كلهم عندي..وسويتلهم كم فتشوب ع فيديو وطالعه لئوطه..فبالمختصر يا اما اطيحين انتي يا اما صديقتك
سوسو بصدمه:انته كذاب..مستحيل منصور يدز صوري لاحد هوة يحبني ويغار عليه من الهوه ..مستحيل يواريهم لشباب ثانيه
علاوي:شوفي مالي خلك دراما..راح انطيج يومين تفكرين بالموضوع واذا رفضتي راح انشر صورج واخلي العالم كلها تمتع بالجمال
من سمع صوت بجيها ..سد التلفون بوجهها
****
كضه اليوم بسرعه ولحد هسه ما اختاروا البدلات
نور:😩😩شنو هاي ولا وحده اختارت بدله
سما:صراحه كل بدله احلى من الثانيه واحتاريت
اسراء:صح اخاف اختار وحده والكه ثانيه احله واتندم لان تسرعت
نور:شلون يعني نظل نلف من صفحه لصفحه وما نخلص
اسراء:الصباح رباح انا راح اخمد دخت
نور:انا هم خذيني وياج
راحوا بطريقهم للدور وهمه يصعدون الدرج
اسراء:كضه اليوم وكلشي ما سويتي لجود وسما
نور:صراحه ماعدي افكار بس سويت اهم فقره
اسراء:شنو
نور:اول شي غيرت ديكور غرفه جود وما خليت قنفه حتى ما واحد ينام ع القنفه والثاني ع الجربايه😈 ماتعدي عليه هاي سوالف المزوجين الزعلانين..وبهيج راح ينامون بنفس الجربايه وهاي اهم شي
اسراء:امممم وبله ناموا ع الارض
نور:وشلون ينامون ع الارض اذا انا شلت كل الفرش وخليت بس بطانيه وحده ع الجربايه
اسراء:ولج بله بردوا
نور:اول شي البطانيه ثكيله وثاني شي عود اذا صارت بارده كلش واحد يحض الثاني وينامون..بعد هوة حلات البرد بالحضنه 😉ههههههههه
اسراء:ايا لوتيه والله مو هينه
صعد كل واحد لغرفته وسما صعدت لغرفتها بتردد ووصلت للباب ووكفت (انا ليش مرتبكه..ما راح يصير شي لا تخافين..😓ع منو اجذب .السالفه تخوف انا ووياه بدار وحده وجربايه وحده.. وشكو بيها اصر ع رايي واخليه ينام ع القنفه..بس ماكو قنفه بالدار بس كراسي
.. اي عادي بالارض افرشله من هسه.)
دخلت وما لكت احد بالغرفه بس سمعت صوت ماي بالحمام فعرفت جاي يغسل
فراحت للدولاب الي بيه فرش احتياطيه ولكته فارغ
سما:هاي شنوو
جود:شنووو
سما التفتتله ولكته بس بنطرون وجاي ينشف شعره
سما بلعت ريقها بخوف وحست حرارتها صعدت:هاي ليش لابس هيج..ما تعرف تبدل ياله تطلع
جود:حمدي ربج طلعت هيج..انا متعود دوم اطلع بمنشفه وابدل بره..بس كلت خل تتعود شوي شوي
سما بارتباك:شتقصد بعدين تطلع بس بمنشفه😳
جود:اي ليش لا
سما:انته ما تستحي تطلع هيج كبال بنيه
جود:ليش محسستني اني طالع مفصخ كبال خطار..ترى انتي مرتي شوكت عقلج يفهم هالشي
سما :ما راح افهم
جود وهوة يلبس تيشيرت تعلاك: سما احنه لشوكت نظل هيج جنه توم وجيري بس نتناكر
سما :😒 الى ان نطلك
جود:طلاك مسحي من قاموسج..طلاك ما راح اطلك فهمي.. فلذلك خلنه نتعامل كاي مزوجين ونعيش حياتنه احسن من هالمرمطه
سما بنفس اسلوبه وهيه اطلع ملابسها:تعامل كاي مزوجين ما راح اتعامل..واذا حاول تاخذ حقك بالقوه ما راح اسامحك بعد وما راح تشوف ركعه وجهي بعد
جود:اصلا انا مو هيج اسلوبي..وولا فكرت اخذ شي بالقوه بس صار الموضوع فجأة ..ما كنت مخطط لشي..ومنا انا جنت معصب فما فكرت بشي يوم صار الي صار..وترى الحق هم عليج مو بس عليه..انا منا معصب وانتي جنتي لبسج مدري شلونه او بالاحرى ماكو لبس وتنرفزيتي ومنا المنشفه ما ظلت بمكانها شتريديني اسوي..انا هم اظل رجال وما اتحكم بنفسي ..وبعدين ترى هذا حقي ليش محسستني مسوي جريمه ..صح الطريقه غلط بس هم ما يستدعي كل هذا الزعل
خذت الملابس ودخلت
سما تقلد جود:ليش محسستني مسوي جريمه ..المصيبه حتى ما فكر يعتذر ..عابتله
باوعت لملابسها الي جايبتهم
سما: الله ياخذج انتي الثانيه يا نور 😢 الكاها منج لو من اخوج
ملابسها👇🏻
بدلت وطلعت بخجل من لبسها ولكته متمدد ع الجربايه وحاط ذراعه ع وجهه ومغطيه عيونه
سما:شنو راح تنام هنا
جود وخر ايده وباوعلها لدقيقه من فوق لتحت: اي لعد وين
سما ارتبكت من شافت نظراته ع جسمها وهيه تتكلم ومسكت الروب القصير وحاولت تغطي جسمها :لعد انا وين انام
جود طبط ع جنبه بالسرير:هنا
سما:ما اريد..اكلك وين الفرش الزايده تخلونهم
جود: بالدولاب هناك..ليشش
سما:ماكو قبل شوي فتحته وما لكيت شي
جود:ما ادري يجوز شالوهم لان ما نحتاجهم
سما بعصبيه خفيفه:شلون ما نحتاجهم ..انا مستحيل انام يمك..لازم انته تفرش وتنام ع الارض
جود باوعلها بنص عين:نعم؟؟شنو تفضلتي
سما تكلمت ببطئ:تناااام ع الااارض.. مو انته الرجال ولازم تصير جنتل مان وتخليني انام ع السرير 😒
جود:اول شي انا رجال اتعب واشتغل وبالاخير جزاتي انام ع الارض وثاني شي ماكو فرش شسويلج..نامي وسكتي..واذا ع انج خايفه اتقربلج..لا تخافين ما راح اسوي شي بدون رضاج ارتحتي
سما:😒 لا انتوا الرجال مالكم امان
جود تنهد بانزعاج:وهسه شرايده..فراش وماكو ازرعلج
سما:روح اسالهم وين الفرش الزايده
جود:الناس نامت..فنامي وعود الصباح رباح
سما كعدت ع الكرسي: ما انام يمك
جود ورجع لوضعيته الاوليه وحط ذراعه ع عيونه :كيفج
سما تكرفصت وحاوطت ايدينها اركبها (من صجه هذا راح يتغطه وينام بالدفو وانا اموت برد ..😡وين العدل يعني فراش وغطه عده وانا لا)
كامت توجهت للسرير :شنو تنام مرتاح واناااا؟؟
جود رفع ايده عن عيونه ومسح ع شعره:ترى خبلتيني..هسه انا كاضج تعاي نامي
سما سحبت الغطه: ع الاقل انطيني الغطه وانته اشبع بالفراس
جود مسك طرف الفراش وسحبه ورفع حاجب: صدك تحجين انتي عود ؟؟ يمعوده بارده استهدي بالله وتعاي خمدي
سما سحبت الفراش:مااا اريد ..روح نام بغير غرفه مثل كل مره وفكنه
جود انزعج لان حسها ما طايقته: يا هانم اهلي هنا فتحملي هالاسبوع ونامي شلون ما جان ..ولو اكو فرش جان نمت بالشرفه ولا هالحنه
سما وهيه تسحب الغطا: ما عليه مو شغلي روح دبر روحك
جود وطفح بيه الكيل فجر الغطه وكض ايدها وسحبها للفراش
حاولت تكوم بس جرها وخذاها بحضنه وحاوط كتفها بايدينه وصار راسها ع صدره
سما بخوف حاولت ادفعه وتكوم:شجاي اسوي..هدني
جود تمسك فيها زياده وصارت كانها فوكه ورجله حطها فوك رجولها حتى يقيد حركتها :سكتي ونامي كتلج ما راح اسوي شي
سما بخجل رفعت راسها وكان قريب حيل لدرجه دك كلبها من طاحت عينه بعينها:انزين بس وخر راح انام
جود باوع لشفايفها وبلع ريقه وحاول يمسك نفسه وغمض عيونه وادعه يبي ينام:سكتي ونامي الدنيا بارده وهيج راح تدفين
~~~~~💔~~~~~~
#شفايفچ
وردية_ حيل
وحيل_ يرادلها #حيل
~~~~~💔~~~~~
سما( ياربي شلون انام وياه وهنوب بهالقرب كلبي راح يطلع ما راح اكدر انام.. امداج خوش ما تخلينه يقرب ولا تنامين يمه هاي انتي نمتي بحضنه بعد..صج اني مالي كلمه من اصير يمه هنوب ريحه عطره اذوب وتخلي الواحد ينثول (دحست وجهها بركبته وغمضت عيونها ) ومنا حظنه دافييي لا يقاوم 😴..يله بس هل مره راح انام يمه ..عديها )
~~~~~💔~~~~~
• حَضنك مدينـة من الدفو 🙈💕"
• يَ هنيـآل روحـي الـ رآدتك 💋💜
~~~~~💔~~~~~~
تسريع للاحداث
مر الاسبوع بسرعه وحان اخر يوم بالمزرعه
نور كانت بالاسطبل وراحت لمكان صخلتها
نور:يممه العشق😍اليوم كله ما شفتج .. اخخخ مدري شلون راح افاركج ونرجع للبيت..لو بيدي جان خذتج وياي بس امي تذبحني (مااااء <😂عود الصخله جاي تبنبع >) والله حتى انا ما اكدر ع فراكج😭
محمد كان واكف وراها:هلكثر تحبين هالصخله
نور ابتسمت:الا اعشقهااا..شوفيها كيوت
محمد:وانااا
نور بفهاوه:هاااا
محمد بابتسامه جذابه : ما تحبيني
نور تباوعله بتفاجأ وارتباك: انا ..انا
محمد اقترب منها وهيه صنمت وهوة اقترب وصار كبالها كلش بحيث تحس بانفاسه ع وجهها باوع لشفايفها ومرر اصابيعه ع شفايفها
وهيه مصنمه ما مستوعبه الموقف
وبدون سابق انذار حط شفايفه ع شفايفها بقبله طويله
ونور فتحت عيونها من الصدمه وحاولت تدفعه بس ما كدرت
كعدت نور مخترعه من الحلم او بالاحرى متفاجئه وظلت تتلفت حتى تستوعب انه كان حلم وهيه بدارها (😱😱😱😱شنو هذا الحلمت بيه..يمه راح انحرف 😨..{مررت ايدها ع شفايفها وابتسمت لا اراديا} شبيه تخبلت ..شلون احلم هيج ..معقوله هذا اليسمونه حلاة الحب بجنونه..معقوله بديت انجن واحلم هيج احلام. (تذكرت انه هالايام محمد نظراته مختلفه مو مثل كل مره ..يباوعلها من بعيد ونظراته بيهم نوع من الحزن وما يحاول يكلمها مثل قبل كلما سنحت له الفرصه..تذكرت يوم تحججت باي شي علمود تطلع تشوفه او ع امل يجي يحاجيها لان لوحدها..بس استغربت يوم باوعلها بانكسار ولف وابتعد عنها ) ما عاد مثل قبل..ما يحبج مثل ما كنتي تظنين..غبيه كتلج لا تتاملين
*****
اما من ناحيه سما فكانت نايمه بحضن جود
جود كعد قبلها بس من حاول يكوم كانت متمسكه فيه بقوه فما حب يكعدها وظل متمدد وما طولت وكعدت وهيه تفرك بعيونها وفتحت عيونها بكسل ورفعت راسها وطاحت ع عيونها ومن شافت ابتسامته وخرت بسرعه
سما:هاي شجابك يمي..شلون تتقرب مني وانا نايمه..مو كتلك من البارحه بعد السويته انته ونور حتى لا تحاجيني وكل واحد يظل بصوب ..فليش اجيت ناحيتي
جود:😏ع كيفج عيني..هوة انا لو انتي الي تقرب ..انا ظليت بمكاني شوفي بعدني بصفحتي انتي الي اجيتي يمي
سما :اناااا (معقوله اطلع انا الي تحرشت بيه🤔😨)
باوعت داير مدايرها ولكت هيه الجايه بصوبه
جود: اي انتي..بالليل ما حسيت بيج الا لزكتي بيه ونمتي ع صدري وحطيتي راسج بركبتي ..والصبح ردت اكوم وانتي مجلبه بهدومي
سما نزلت راسها بخجل (وااااه فشلتي..شنو تخبلت ..شكلي تعودت ع النومه ع صدره وادحس راسي بركبته خرررب حظي..وانا داخله هجوم راستاا بدون ما افهم السالفه..هسه عوبه سكتي وانجبي هوة حظن الا تفشلين روحج)
سما كامت من الفراش وهيه تحاول تتجنب تباوعله :اي بس المهم هم ما احاجيكم
****
سلام يا قوم
جسيت بعد مابيه اكتب😴😴 وحتى تلفوني جسه
عندي فد ملاحظه
اكو وحده تعرف نفسها هيه😂 كلتلي شنو هالشخصيات كفره ما يصلون 😂😂 فلذلك شوي كتبت فقره يصلون بيها
بس ترى انا اذا ما ذكرت الصلاه فمو معناتها ما يصلون..بس انا ما اذكر الروتين اليومي مثل الصلاه وشنو الاكل وشنو سووا بالحمام.. لان هالشي معروف وما ارد اطول الروايه بروتين الحياة المعروفه بكل بيت
وجاووو ما اريد اطول عليكم