جنى كانت أول مره تدخله جلست تناظر مبهورة بشكله وبتصميمه دخلو شوي وسط السوق شافت النافورة اللي يسموها النافورة الراقصه عجبها منظرها وسرحت وهي تناظرها
مريم:هي انتي أمشي
ومشت وراهم
نروح لمكان ثاني
في بيت أبو تركي
مها نزلت بخطوات سريعه من الدرج وهي تدندن بأغنية تحبها وتسكر في أزرار عبايتها الكتف اللي أطرافها مطرزة باللون الأحمر والأسود ومعلقه في يدها شنطتها البيج
توجهت للصاله شافت أمها راحت وبأست على خدها وجلست جنبهااا
أم تركي:على وين العزم
مها بدلع:مامي حبيبتي أنتي بروح لحلا بليز لاتقولي لا
أم تركي:زين بس لاتطولي
مها:من عيوني مامي كلمي السواق خل يجهز السيارة وبزعل لو عندي جوال كان كلمته مو أروح مكان لازم أنتظره بره وأحد له وقت وش معنى رنا
أم تركي:خلاص دوشتي لي راسي إذغ نجحتي وبتقدير زين بخلي أبوك يسمح لك تطلعي جوال
مها:يالله وش نظام العايلة هذي خلاص زين كلميه بسرعه
أم تركي وهي ترفع جوالها:خلاص لاتقرقين على راسي
كلمته وشوي طلعت وركبت السيارة وفتحت شنطتها وطلعت الامبي فور وحطت السماعات في أذنها وجلست تتسمع على أغانيها المفضله شوي وصلت بيت أبو فارس
نزلت من السيارة وقالت للسواق يجيها على 9 المساء
نزلت ودقت جرس بيت عمها شوي فتحت لها الشغاله دخلتها الصاله وأخذت منها العباية وطلعت تنادي حلا
شوي وحلا جاي جري للصاله وقفت عند باب الصاله ورفعت يديها وصرخت:مهاااااااااوي وحشتيني يادبه
ما وقفت وهي تضحك على حركات بنت عمها
جات حلا وضمتها:ماتوقعتك تجين
بعدت عنها مها وهي تغمز لها:وأنا أقدر أوعدك وأخلف
حلا:ههههههههه أجلسي
ونادت بصوت عالي:ميرررررررري ميررررري وصمخ
مهاوهي حاطه يديها على أذونها:ارحميني تراني ضيفتك
لفت عليها حلا:احمدي ربك كنت بقول لها تجيب لك شي
مها:خلاص مابي شي
حلا تجلس وتحط رجل على رجل:زين وفرتي والله
مها عصبت منها:حماره الحق علي جايه عندك وجات بتوقف
مسكتها حلا مع إيدها وجلستها:اقول انطقي وين رايحه
مها:بروح بيتنا
حلا :لالا خليكي وبعدين مين بيوصلك سواقكم وراح وسواقنا مع امي في مشوار
مها:مالت عليكي امري لله انتي محد يجيك
حلا:اقول اهجدي بس
مها:وش رايك نروح غرفتك احسسسن
حلا وقفت بحماس:أي احسن بروكي شي سويته في الاب توب روعه
مها:يالله امشي
وطلعو راحو غرفتها حلا دخلت وراحت وجلست على سريرها وأخذت الاب توب وفتحته ومها جلست قبالها وهي تتأمل غرفة بنت عمها اللي كثير تزورها ولاقد تغيرت وإذا تغيرت تتغير أغراضها لاكن هيئتها نفسها الجدران معلقه عليها صور لاعبين صور لها وهي تلعب كورة ومكبرتها
تسريحتها بس عليها مشط وأستشوار وكم عطر وكريم
ومفرشها مرسوم عليه افلام كرتون تقولي طفله<<تعجبني نفس سريري ههههههه
حلا وهي تناظرها:شنو تناظرين
مها:انتي متى بتتغيرين بالله عليكي هذي غرفة بنت
حلا وهي تناظر غرفتها:اممم صدقتي بغير الجدار وبصبغه اصفر وأزرق نفس لون فريقي<<ههههه النصر فديته
وبغير سريري وبخليه مرتفع شوي وله مثل الستاير نازله والمفرش بطلبه من النت شفت واحد وعجبني مرسوم عليه خطوط ملونه بس بأخذ أصفر وأزرق" وناظرت بمها " أش رايك بالتنسيق بالله عليكي مو حلو
مها وهي تشد شعرها:بالله عليكي أسكتي ووريني اللي عندك قبل أرتكب فيكي جريمه
حلا كشرت:ياساتر زين تعالي شوفي
قامت مها من مكانها وجلست جنبها وهي تطالع بأعجاب:واو رووووعه من وين أخذتيه
حلا وهي تطالعها بنص عين وبغرور:ومن قالك أخذته أنا سويته
مها بدهشه:كذابه
حل عصبت منها :أقلبي وجهك صدقتي ولاكيفك
مها:زين زين صدقت بس بأي برنامج سويتيه الفلاش
حلا:أي
مها:ماشاء الله حظك باقي اتعلم له أكثر شي أعرف أصمم فوتشوب
حلا:لا الفتشوب مو حلو مره زي الفلاش الفلاش المميزات اللي فيه أحلا
مها:صدقتي بدور دروس وتعلم منها
حلا:شوفي موقع……فيه دروس حلوه
مها:خلاص بشوفه
حلا:خذي تفرجي في كثير سويت روحي سطح المكتب في مجلد بأسم " تصاميمي" وتلاقيها كلها انا سويتها
مها تاخذ منها الاب توب:أي بشوف
قامت حلا وراحت لدولاب قريب من سريرها فتحته وطلعت بساكيت "جلكسي سكنرس توكس"وفتحت الدرج اللي تحته وناظرت بمها اللي مندمجه بالاب توب:مهوي وش تبي شبس
مها:واخيراً تكرمتي وظيفتيني ابي اممممممم جيبي اكسل البطل ليز
حلا:كل هذي خفي شوي هههههههه ماشاء الله عليكي
مها تناظرها:زين قلتي ماشاء الله ولاكنت بكسر لاب توبك على راسك حتى في اكلي حاسدتني أعوذ بالله
قامت حلا بعد ماخذت البساكيت والشبسات وفتحت الثلاجه الصغيرة وطلعت عصيرين فراوله وبرتقال وراحت جلست على السرير ونثرتها:لي شانا في شنو بعد حاسدتكي
مها بدلع وغرور:امممم في جمالي نعومتي رقتي دلعي
حلا حز بخاطرها يعني شنو انا مافيني ولاشي من ذا اكيد مو انا بنظرهم ولد:لا ماشاء الله عليكي مابحسدك كلي بس ومدت لها عصير الفراوله اللي تحبه مها وأخذت عصير البرتقال
** ** ** ** ** **
في مكان اخر وبلد آخر
في "أمريكـــــــــا"
فهد وصاحبه كانو طالعين يتمشون ويوم تعبو جلسو في احد القهاوي
فهد:تصدق ودي ارجع اليوم قبل بكرة السعودية
زيد على فكر اسمه زيد مو زياد لاتخلبطون:والله حتى أنا
فهد وهو يتنهد ويرجع ظهره على الكرسي:اشتقت للخبر وأهلها
زيد يغمز له:اهلها ولا هي
فهد:مووووووووت اشتقت لها بكلم أمي ورفع جواله ودق رقم بيتهم
** ** ** ** ** **
ما علومك ان البعد يجرح الروح..
واني عقب فرقاك تنزف جروحي ..
وان المشاعر صمتها يقتل البوح ..
وان السكوت احيانن يكشف طموحي..
حطيتك ذكرى على البال ما تروح…
حتى تروح لخالق الكون روحي ………
** ** ** ** ** **
في بيت أبو فهد
أم فهد كانت توها راجعه من عند وحده من صديقاتها مرت بالصاله وسمعت التلفون يرن راحت وشالته
أم فهد:الو
فهد:السلام عليكم يمه
أم فهد بفرحه مبينه في صوتها وهي تجلس على وحده من كنابات البيت الفاخره:وعليكم السلام كيفك يمه
فهد:بخير يالغاليه وانتي طمنيني عنك كيف ابوي واخواني انشاء الله تمام
أم فهد:بخير كلنا مو ناقصنا الا رجعتك لنا سالم
فهد:قريب قريب يمه أنشاء الله دعواتك بس
أم فهد:ربي يوفقك ويحفظك من كل شر يمه ويرجعك سالم غانم يالغالي
فهد:آمين يالله يمه سلمي على ابوي وأخواني مع السلامه
أم فهد:يوصل يمه بحفظ الله
سكرت منه وهي تدعي له
حلو لما يكون واحد بيدعي لك وأنت حاظر وقدامك تحس بفرحه غامرة وشعور حلو شعـــــــور"
أجل وشلون لو كنت غايب وفي واحد دوم يدعي لك بصلاته وقيامه وبآخر الليل هذول هم والدينك نعمه أنعـــــم بهـــــا رب العبـــــاد عيلنـــــــا وللأســــــــف كثـــير مايعرفـــون قيمتهـــــا ربي يهديهــــم قـــــولو آآآآآميـــــــــين و الله يحفظهم لنا ولكم يـــــآآآآرب
"
نرجع لسوق الراشد
في مطعم من أحد مطاعم هذا المجمع وفي احد الطاولات اللي محطوطه بره
كان جالس كل من فارس وتركي وعلي وعبدالله
علي:يالله قومو نتمشى شوي
تركي:قصدك نرقم شوي
علي غمز له:ههههههه دومك فاهمني تخاويني
تركي:يالله ووقف ووجه كلامه لفارس وعبدالله وأنتم
عبدالله:انا اللحين بيجيني واحد من أقاربي بسولف معاه شوي
فارس:وأنا شوي بطلب لي كافي وبشربه وبقوم
تركي:اوكي تلاقينا فوق في الدور الثاني
علي:وامكن نطلع الثالث يالله تشاو
وراحو شوي دق جوال عبدالله :هلا فينك أي عرفتها خلاص جاييك يالله
عبدالله:معليه فروس أعذرني بروح ولد خالي ينتظرني عند البوابه بأخذه ونفرفر شوي <<يعني نتمشى شوي
فارس:لاحبيب خذ راحتك
راح عبدالله وبقي فارس بعد ماطلب له نسكافيه وجلس يشرب وياكل من الدونات
وفي جهة ثانية من السوق
جنى" "
كنت أمشي وأحس أني في مكان غريب جلست أناظر الناس اللي يمشون واللي يدخلون المحلات واللي جالسين ياكلون بنات اولاد اطفال شفت طفله تجنن مرت من عندي وهي تجري عمرها تقريباً سنتين لحقها اخوها اللي اكبر من ها ومسكها ورجعها لأمها أبتسمت على برائتها رفعت نظري لفوق شفت ادوار ثانية شفت سلالم كهربائية شفت أصنصير كبير قزاز اللي بداخله يبانون شفت الناس وهم يركبون فيه شكلهم متعودين ماخافو ماشاء الله صحاني من تأملي صوت أنوار بنت عمي"
أنوار:جنى أمشي ورانا وبطلي مناظره فشلتينا
ودخلو محل مكياج
وجلسو يشترون ويٍسألو الموظف آخر مكياج نزل وجنى تناظر بالصور المعلقه والمكياجات
شافت مكياج مفتوح بس مغلفينه بنايلون فيه درجات الوردي والموف والاورنج والاحمر مع الماسكر والبلاشر والارواج فاتحين الأدراج قسم فرش المكياج وقسم مناكير وقسم كريمات عجبها مره تتمنى تحط مكياح بس المشكلة ماعنده فلوس تشتري وماتعرف بالأساس
مريم:أمشي شيلي الأكياس أعطتها الأكياس وطلعو
وراحو محل بلايز دخلو أنبهرت جنى بأشكل البلايز والتنانير المعروضه في المحل
مريم:أنوار وش رايك في ذي البلوزة حلوه مو
أنوار:أي انا بشتري هذي وش رايك فيها
مريم:حلوه بس تصلح على بنطلون
أنوار:ناخذ لها من فوق في محل بناطيل حلوه
مريم:اوكي
حاسبو وأعطو الأكياس جنى وطلعو من المحل
وعدو كذا محل ماعجبهم فيها شي ووقفو عند محل فساتين ودخلوه
هنا جنى بجد أنبهرت كل فستان أحلى من الثاني جلست تناظر بأرجاء المحل الواسع
وبالفساتين المعروضه
مريم:وش رايك أنوار بهذا
أنوار:حلو ويناسبك
كانت توريها فستان لونه ليموني سادة وعلى الخصر فيه حزام مايل بلون فضي وهو حبل ةعلى جوانب الفستان من اسفل فتحتين توصل لي الركبة وهو طووويل
مريم:خلاص بأخذه
خلال تأملها شد نظرها فستان عجبها حيل لونه من درجات الأورنج وعلى البطن شريطه بالأسود وهو قصير وجنبه شنطته
حبت تشوفه عن قرب
قربت له بما أن بنات عمها في قسم ثاني من المحل
وجلست تناظره وتتخيلها لابسته وهي عمرها مالبست فساتين إلا أمكن في طفولتها على حياة أمها وأبوها
جلست تلمس بيديها الناعمه قماشه
سمعت صوت من وراها:صدقيني بيطلع عليكي حلو
فزت من الصوت ولفت وجهها وهي تناظره بأستغرب وطولت وهي تناظر وجهه بعدين نزلت راسها ومشت من جنبه لحقها :ليه ماتاخذيه بيطلع عليكي حلو صدقيني وغمز لها:تقي بذوقي
جنى خلاص انحرجت منه ومقهورة منه بنفس الوقت لفت عليه:شكراً مابي اخذه خلاص روح
فارس:نو نو ياحلوه إذا تبيني أروح خذي الرقم
جنى :ماباخذه بعد
ومشت وراحت للقسم اللي فيه بنات عمها وتوجهو للكاشير وحاسبو وطلعو وهو وراهم
وجنى كل شوي تناظر وراها خايفه منها جنى في نفسها"ياربي وش يبي ذا يلاحقني والله لو يلاحظون البنات لايسون لي سالفه ياربي يروح ابعرف وش فيني يلفت النظر عباة راس ونقاب وحتى عيوني مو مبينتها زين اوف بس"
دخلو محل اكسسوارت وجلسو يتنقو
وهي جلست تناظر ونسيت عنه توقعته راح بعد مادخلو المحل مشت وهي تناظر الاكسسوارات اللي معروضه في القزار لفت نظرها سلسال قلب مايل ومكتوب بداخله love
مكته بيدها وجلست تتأمله
جاء ووقف جنبها:تصدقين حتى هذا بيطلع عليكي حلو أنا متأكد
جنى خلاص وصلت معاها منه وخايفه لايسوي لها مشكله لفت عليه وبحده:وبعدين معاك خلاص روح ماني ناقصه مشاكل
فارس وهو يتكي على الطاوله القزاز اللي فيها المجوهرات وراه:امممممممم قلت لك خذي الرقم مارضيتي تحمليني
جنى وهي تناظره:وانا قلت لك ماباخذه ماتفهم أنت
فارس وهو يرفع حاجبه:نونو فهميني ياعسسسل
جنى لفت عنه ومشت ووقفت ورى بنات عمها وطنشته وهو أنقهر منها
"فارس"
آآآآآآآآه يالقهر أنا بنت مثل ذي ترفضني ترفض رقمي هين والله لأوريها لاومسويتي محتشمه بعباتها البنات كلهم كذا في البداية ماعليه نصبر ونشوف وطلع برى المحل "
"جنى"
بالصراحه أول مره يحدث لي موقف كذا صح في الشارع وأنا راجعه من المدرسة لاكن أهواشهم كم كلمة ويروحو لاكن ذا نشبه لاوبعد يبيني أخذ الرقم ليه وش يحسبني بس ماشاء الله عليه يجنن سمعت بنتين في المحل كانو واقفين ورايا وأنا أتهاو ش معاه يتكلمو عنه ولاتقول شوفي ستايله ولاتقول يكفيكي جماله والثانية تقول وش رايك نرقمه والاولى تقول اكيد هذا الجمال كله ونفوته جد قلت أدب ماعاد فيه بنات بهذا الزمن صارو نادر ينعدو على الأصابع زيمن والله صارو البنات يعاكسو الشباب"
فارس طلع من المحل وهو ماشي سمع ضحك وراه لف شاف بنتين يقربو منه وكانو متلثمات وتقريباً وجههم كله باين خير الميك آب الكامل اللي مسوينه وريحة العطر اللي تفوح منهم ناظرهم بأستهزاء ولف بيمشي ماحس الا باللي تمسك يده وتحط الرقم في كفه وتمشي أبتسم بسخرية وهو يناظرهم يمشون قدامه ويتغنجو بمشيتهم
جنى خلو بنات عمي العزيزات وطلعنا من المحل وكل شوي يدخلو محل
شوي وقفو ولفو علي
مريم:اسمعي حنا بنطلع فوق وأنتي خلي الأكياس معاكي ياويلك يضيع كيس وأستنينا في المطعم اللي هناك فاهمه "وأشرت لها على الطاولات اللي جنب أحد مطاعم مجمع الراشد"
جنى:انشاء الله وطلعو وهي مشت وهي خايفه وتناظر حولها قربت من الكراسي وجلست وحطت الاكياس على اثنين من الكراسي اللي كانو جنبها وقعدت تناظر حولها وشافت طاولتتبعد عنها بطاولتين شباب على طول لفت وجهها تخاف أحد ينتبه لها خاصه وهي لحالها ويقوم يتلقف عليها بكلامه
** ** ** ** ** ** ** **
في بيت أبو فارس
مها وهي تقوم وترفع سماعه التلفون اللي في غرفة حلا
مها:هلا يمه قولي للسواق يجيني أي خلاص يالله مع السلامه
حلا وقفت وهي تتخصر:لا والله وين اللي تقول بجلس لين 9
مها وهيا تتثاوب:لا معليه اعذريني وهي تناظر ساعتها عندك من 5 العصر لين 7 والله فيني النوم أمس مانمت زين
حلا:طيب اوريكي مردوده
مها:انتي تعالي وشوفي ماراح اخليكي ترجعي بيتكم إلا آخر الليل بحبسكي
حلا:هههههههههههه طيب اسمعي في شي في بالي ودي أسويه
مها وهي ترفع حاجبها بأستغراب:شنوو
حلا وهي تبتسم خبث:بكرة تعرفين
مها:الله يستر منك من شفت هالأبتسامه وأنا ماني مطمنه
حلا:خلاص بكرة تعرفين بس جمعي البنات اوكي
مها:اوكي خلاص امشي ننزل تحت
شالت شنطتها ونزلو
في بيت أبو تركي
أم تركي:غلا يمه شوفي دقي على تركي خل يروح يجيب مها من بيت عمك أبو فارس السواق طلع مع وليد السوق من شوي وأكيد راح يتأخرو
غلا وهي تطلع جواله من جيب بنطلونها الجينز:انشاء الله يمه
ودقت عليه
عند تركي
شاف الرقم وبعد شوي عن علي ورفعه:هلااااا
غلا:هلا تروك تقول امي مر لمها جيبها من بيت عمي أبو فارس
تركي:ماني فاضي أرسلو السواق
غلا:السواق مع وليد في السوق وأمكن يتأخرو
تركي:لحظه لحظه عند خط ثاني
شاف عنده خط ثاني رفعه:هلا طلول
طلال اللي كان طالع من بيت عمه أبو فهد زاير نواف:هلا تركي وينكم مو قلتم تبونا نلتقي في النادي اليوم رحت انا ونواف ماشفناكم
تركي:لا أنشغلنا شوي
طلال:لو سمحت أي سكريم بالشكولا لالا هذا النوع
أي تركي وينكم اللحين
تركي:احنا بالسوق انت اللي وينك شكلك تتشرى
طلال:هههه لامدام في السوق اجل منتم طالعين اللحين ههههههه انا في الشارع توي كنت عند نواف واللحين مريت باسكن روبنز<<أموت في أيس كريمهم
وبشتري وبطلع أزور جدي وجدتي من زمان عنهم وبرجع البيت
تركي:اجل تكفى مر على طريقك بيت عمي محمد<<أبو فارس وجيب مها راحت عندهم واللحين بترجع والسواق مع وليد في السوق وانا برى
مدامك رايح بيت جدي وصلها معاك بيتنا <<بيت جدهم جنب بيت ابو تركي فاصل بينهم جدار بس
طلال أبتسم:افا عليك ماطلبت شي من عيوني
تركي:وبطل حركاتك ها
طلال:افا انا طلول ترى ماعندي حركات ليشق الو لك تركي ولافارس
تركي:اقول طس يالله سلام
طلال يضحك عليه:ههههههههه سلام
وطلب أيس كريم بالفراوله نفس حقه لمها عارفها تحبه
تركي نسي غلا اللي على الخط وغلا انقهرت منه وسكرت وطلعت غرفتها
وهي تتوعد فيه
مشى تركي وراح لعلي وجلسو يتمشو شوي
ومرومن جنبهم بنتين وهم يضحكو
تتتركي:ياحلللو أعععطييينا وجههه
علي:فديتت الضحكه ياناس
لفت عليه وهي تعدل لثمتها:وش تبي
علي وهو يطلع الرقم ويمده لها:يكفيني انك تاخذين الرقم وأسمع منك أحلا الو<<وش رايكم بالتنسيق بالكلام ههه
مريم بدلع:اوكي سلام ومشت
أنوار:كان أخذتي رقم الي معاه احلا
مريم:يالله أهم أخذت رقم وبحصلي كم بطاقة شحن من هالغبي
أنوار:لاتنسيني
مريم:افا عليكي ولايهمك أمشي نروح هذا المحل
تركي مشى وهو يضحك:ياهو لا أنا مقدر على الغزل
علي:وش على بالك أمش أمش خل ندور غيرها
تركي:لا خلنا ندخل محل الاسبورات ذا بشتري كابات
علي:أمش يالله ودخلو
** ** ** ** **
لماذا لماذا طريقنا طويل مليء بالاشواك
لماذا بين يدي ويديك سرب من الاسلاك
لماذا حين اكون انا هنا تكون انت هناك
** ** ** ** **
مر طلال بيت عمه أبو نواف ودق الجرس وفتحت له الشغاله و……………..