شـــــلة بنــــاات الشـــــرقيــــة

9

 ببيت ليان .. "

ام ليان : ليون بعد اسبوعين بعد ما ينتهي هذا الشي كله رح نروح و نخطب خويتك هديل ..

ليان : ايش !! يعني السالفة جد ..

ام ليان : اجل كنا نمزح مثلاً .. اسمعيني ابيك تكلمينها هي اول ابيك تسوين أي شي المهم انهم يشوفون بعض طبعاً بعد ما تكلمينها دقي عليها اليوم و روحي عندها و بيوديك اخوك نواف و بيقعد مع اخوها بدر .. هو جا من الرياض صح ؟

ليان : أي قبل يومين جا ..

ام ليان : تمام اجل يلا روحي دقي على هديل و التقي فيها و اخوك يلتقي مع بدر و لا اقولك اطلعي انتي و اخوك على أي مول و دقي عليها خليها تجي هي و اخوها كذا حلو يلا انتي تصرفي ..

" امها كانت تخطط ان بدر يفكر بليان و نواف يفكر بهديل و لازم يشوفها و ليان يا غافلين لكم الله .. "

ليان : طيب يمه طيب ..

" اخذت ليان جوالها و دقت على هديل "

ليان : ألو هلا هدول اش اخبارك ؟

هديل : اهلين هلا و غلا انا زينه انتي اشلونك ؟

ليان : الحمدلله أنا بخير .. اقول ابي اسألك اش رايك نطلع مع بعض انا و انتي و اخوك بدر و أخوي نواف لأن اخوياشتاق لاخوك بدر من زمان عنه فقلت خلونا نطلع مع بعض نتقابل انا و انتي بالمول انا و انتي نمشي مع بعض و اخوانا مع بعض منها يشوفون بعض و منها نآخذ راحتنا لحالنا هاا اش قلتي ..؟

هديل : ممكن اوافق بس بشرط .. قولي لي اش معنى قلتي لي انا ما قلتي حق إلهام يعني هي اقرب لك مني ..؟

ليان : لأنو انا و انتي ما نحب ما عندنا حبيب مارح نكون سرحانين لما نسولف ههههههههههه امزح معك بس لأني ابيك بسالفة ...

هديل : ههههه اذا على كذا طيب بكلم اخوي و بشوف و برد لك خبر انتي متى بتطلعين ..؟

ليان : على الساعة 7 تقريباً ..

هديل : زين قدامنا ساعتين رح اكلمه اللحين وبشوف و بعدين رح ارسل لك مسج طيب ..

ليان : اوكي أستناك ..

" طلعت هديل من غرفتها عشان تكلم اخوها بدر "

هديل : بدر عندك مشاوير اليوم ؟

بدر : لأ .. ليه تسألين ؟ لا تقولين لي تبين السوق ..

هديل : لا لا .. ابيك توديني المول من تو كلمتني ليان خويتي قالت اجيبك و اجي اخوها بيجيبها و يبي يقعد معك هو يعرفك و انت تعرفه اخوها نواف تذكره ؟

بدر : ايه أي اذكره اكيد كنا اصحاب ايام الثانوي و هو معنا بالشله .. طيب ليش لأ نروح .. بس معقول خويتك تبيني اجي عشان هالسبب و بس ؟!

هديل : اش قصدك ؟

بدر : يعني مو يمكن تبي تشوفني مثلا و اذا اعجبتها تحبني ..

هديل : اش هالكلام ما اسمح لك هذي خويتي و انا اعرفها مثل ما اعرف نفسي و لا يمكن يكون قصدها كذا ..

بدر : ههههههه اش فيك عصبتي انا امزح..

هديل : هذا مو شي ينمزح فيه .. على بالي بعد نسيت سديم بهالسرعة ..

بدر : سديم زواجها بعد شهرين تتوقعين اني بستناها مثلا انا خلاص نسيتها من قالك اني ما نسيتها هي ما تستاهل حبي اساساً ..

هديل : معليه يا خوي صدقني رح تلاقي اللي احسن منها .. الف وحده تتمناك بعدين بيني و بينك انا ما حبيتها اصلاً و ما كنت اواطنها ..

بدر : خلاص اتركي الهذره اللحين بلى ما نحش بوحده ما تستاهل و روحي اجهزي للطلعة ..

هديل : الطلعة بعد ساعتين ..

بدر : زين انا بقضي مشوار كله ساعة و راجع ابيك تكونين جاهزة اتفقنا ..

هديل : اتفقنا ..

" ارسلت هديل مسج لليان تبشرها بالموافقة "

------------------------------------------------------------------------

" ببيت شهد ...... "

شهد :

(إنت الغلا كله)

وإنت السؤال الصعب وإنت حله.(

وإنت خيال الروح

وإنت ظله

وإنت عزيز للقلب

وإنت خله.

وإنت سواد العين والبياض كله.

وإنت وإنت ..

وإنت سرقت العقل والفكر كله )

صحيح انا ما اطريك قدام الناس بس يا خالد حبك بالقلب استناك استناك استناك ..

" قطع حبل افكارها اخوها راكان ... "

راكان : شهد وش تسوين .. قاعده تكلمين عمرك ؟ انهبلتي !

شهد لفت عليه برعب : خوفتني يا شيخ .. انت من متى هنا ؟

راكان : توني دخلت .. بقولك ما تبين نحضر حفل تخرج اخوي وليد ؟

شهد : إلا اكيد من بيروح معنا ؟

راكان : انا و انتي و تركي و ابوي كلنا يعني ..

شهد : تتوقع اختي منال رح تجي ؟

راكان : ما ادري و ما اعتقد .. اذا تبين كلميها و شوفي ..

شهد : طيب .. ما قلت لي متى رحلتنا ؟

راكان : حصلت رحلة يوم الجمعة مع خالد هو حجز لنا اصلاً ..

شهد ( باستغراب ) : مين خالد ..؟

راكان : خالد اخو خويتك ولد فيصل ..

شهد: و ليه بيروح بريطانيا ؟

راكان : اش هالسؤال الغبي ! بيروحون عشان اخوه رائد نسيتي انه مع اخوي وليد بنفس الجامعة و بعد بنفس الكلاس و انهم اصحاب ..؟

شهد : يووووووه صح اشلون راحت عن بالي يا الله .. ( قالت بخاطرها : يعني رح نكون بنفس المكان و رح يشوفني ماني مصدقة ..)

راكان : هييييه وين سرحتي ؟

شهد : لا و لا مكان ..

راكان : طيب متى حفلتكم ؟

شهد : حفلتنا يوم الاربعاء تصدق انهم قدموها عشان سفر الهام في النهاية طلعنا احنا بنسافر معهم بعد ههههههههههه ..

راكان : ههههه لا زين موعد حفلتكم حلووو ..

-----------------------------------------------------------------------

" طبعاً راحوا بدر و هديل عالمول اللي تواعدوا فيه و ليان و نواف بعد كانوا موجودين البنات قعدوا بمكان و الشباب بمكان قريب منهم "

هديل : هذا احنا طلعنا مع بعض يلا قولي اش عندك و ليش سويتي هالجمعه هذي ..

ليان : اسمعيني اول امي تبي تخطبك حق اخوي نواف و قالت لازم انتي تشوفينه عشان كذا سويت هالحركة وقالت لي خليها تجيب اخوها معها عشان تصفى النفوس و يتقربون من بعض اكثر ..

هديل ( سكتت للحظة من الصدمة ما استوعبت بالبدايه ): انتي ما عندك لف و دوران قلتي الكلام مره وحده و فاجأتيني .. انا متأكده ان امك ما قالت لك تقولين لي كذا ..

ليان : ما احب حركات اللف و الدوران ما عندي الا اقول بسرعة اللحين جاوبيني اش رايك ؟

هديل : من جدك انتي انا حتى ما اعرفه ..

ليان : طالعي وراك ..

" هديل بردة فعل طبيعية لفت و شافت نواف قاعد مع اخوها .."

ليان : هاا شفتيه يلا اللحين وش رايك ؟

هديل : اش دعوه بهالسرعه بقول رايي و من نظره وحده .. لكن فكرتي الاوليه عنه انه حلو و وسيم و ما في عليه كلام و الف بنت تتمناه اش اقولك يعني غير كذا ؟ بس اذا تبيني اوافق احكي لي كل شي عنه ..

ليان : ابشري ما طلبتي شي .. بس قولي لي اول ابوك بيقبل و لا انتو عندكم سياسة البنت لولد عمها ..

هديل : لا ما اظن ابوي من هالنوع حتى عمي عادي عنده ..

ليان : حلو اجل اسمعي اش بقولك عنه عشان اذا ربي كتب نصيب تكونين فاهمه اخوي زين ...............

----------------------------------------------------------------------

" الشباب كانوا مره منسجمين مع بعض ... "

نواف : ها اش تشتغل اللحين بعد الجولة بالرياض ..

بدر : و الله جولتي هذي كانت دراسة ادارة اعمال و أنا اللحين اشتغل مع ابوي بالشركة إلين يجي و لد عمي وليد عندنا مشروع مخططين له من زمان هو درس ادارة اعمال ببريطانيا و انا هنا بالرياض و ان شاء الله خير ..

نواف : ان شاء الله ..

بدر : و انت .. ؟

نواف : أنا درست هندسة احس ما استفدت شي و اللحين انا اشتغل مع ابوي بعد ..

بدر : طيب اسمع مشروعنا الجديد رح نحتاج فيه لمهندسين وش رايك لو تدخل شراكة معنا ؟

نواف : فاجأتني انت بصراحة عرضك مرة حلو ابستشير ابوي و ان شاء الله اني معكم ..

بدر : على خير ان شاء الله .. تذكر أيام الثانوي ........( إلخ و من هالكلام )

" أخذوا يحكون قصص لبعض عن ايام الثانويه .. و اكيد نواف كان يطالع هديل مو تعتبر خطيبته "

---------------------------------------------------------------------

" بجلسة البنات ....... "

هديل : طيب دام كذا اش رايك انتي تاخذين اخوي و انا اخذ اخوك و بكذا يكون لنا عشاق مثل شهد و إلهام ؟

ليان ( انتي ما تدرين ان اخوك هذا عذبني بدون ما يدري انا كنت احبه أي كنت احبه إلين سمعت انه يحب سديم من ايام المتوسطة وانا احبه بس اللحين فات الأوان ما عمره رح يحبني ) : لا ااااااا من جدك انتي انا ما رح اقبل ..

هديل : ليه ..؟

ليان : يا انك نسيتي او انك تتناسين .. هو يحب سديم ..

هديل : لا صدقيني هو نساها ما عاد في قلبه لها شي بعدين زواجها بعد شهرين قبل لا نطلع تكلمنا بهالموضوع صار يكرهها بشكل مو طبيعي ..

ليان : مستحيل يكرهها هي حبه الأول و ما اعتقد انه رح يقدر يحب غيرها ..

هديل : صدقيني ما عاد تعني له شي ..

ليان : رح اوافق على اخوك بحالة وحده بس اذا اعترف انه يحبني ..

هديل : بس هو اشلون يحبك و هو ما شافك ؟

ليان : مو مشكلتي .. غير كذا ما عندي ..

" هديل بخاطرها زين رح اخليه يشوفك و انتي ما تدرين يمكن تعجبينه "

" بعدها رجعوا البيت ليان طول الطريق ما افتحت فمها بكلمه نواف تعب و هو يسألها بس هي قالت له اذا وصلنا بعلمك اش صار.. ووصلوا "

نواف : هاا ليان خليتيني على اعصابي يلا قولي لي ..

ليان : خل امي تجي اول ما لي خلق اكرر السالفة مرتين ..

" و جت امهم .. "

نواف : هاا هذي امي جت يلا قولي ..

ليان : يمه نواف البنت موافقة اذا تبون تخطبونها روحوا ..

نواف : من جد تتكلمين ماني مصدق على طول وافقت صح ؟.. أدري انا ماحد يرفضني ..

ليان : لأ مو على طول نشفة دمي و هي تسألني عنك ..

نواف : احكي لي بالتفصيل اش قالت ..

ليان : ألحين ما لي خلق ( راحت ليان غرفتها وصكت على نفسها الباب ) ..

نواف : اش فيها هذي .. يمه ليكون هي ما تبيني اخطب خويتها ؟

ام ليان : لا يمه مو كذا خلك منها انا اتفاهم معها بعدين .. المهم اللحين الف مبروك ..

نواف : الله يبارك فيك يمه .. ابوي يدري ؟

ام ليان : أي كلمته و ما عنده مانع ..

نواف : الحمدلله الله يقدم اللي فيه خير ..