طلع الاغــراض ودخل بيت خاله لانه أمل ماسكرت البـاب أصلا
توه بيدش ألا يوسف يهرن له ألتفت عليه
يوسف فتح الدريشه وقال : مع السلامه الطيب ..
خالد أبتسم : مع السلامه
ودخل وهو في دااخله عوااصف ..
ولما نزل كل الاغراض في بيت خاله وعطااا مرت خاله الفلوس اللي ماصرف منهم ولا فلس ..
طلع من بيت خاله ولا راح بيته ... راح عند ناصر وربعه بالدوانيــه على الاقل يشيل الهم هذا عن قلبه
بيت بوفهد
كانت الريم قاعده مع غاده اللي مطلعه فضايح فهد لما كان صغيــر
غاده وهي تضحك : هههههههههههه واللــه ماأجذب عليج .. حتى مره .... كان متهاوش مع أبراهيم تتوقعيـن شسوى فيــه
الريم وهي مستمتعه بمعرفت مغامرات ريلها بصغره قالت : شسوى؟ أكيد ضربه
غاده : لالا .. وي أكثر... أخذ المقص وقصقص شعره خلاه نصه طويل ونصه قصير ههههههههههههههه
الريم وهي تضحك : هههههههههههههههههههه حلفي ..
غاده : واللـه ... حتى ابراهيم يومها كان عمره تقريبا 8 سنيــن .. بس شعره وايد يامــال العافيــه .. ههههه قعد يصيح صيــاح له اول ماله تالي
ومتحلف بفهوود
الريم : هههههههههههههه
نزل فهد على صوت ضحكهم وقال : عساها دوم هالضحكه .. ضحكوني معاكم
الريم لفهد : فهوودي .. كنت مجرم وانت صغير هههههههههههه
فهد طالع غاده بنظره وقال : أكيد هالدبه قالت لج ..
غاده اللي كانت مليــانه شوي بس تينن : أي هالدبه طلعت فضاايحك ههههههههه خل تعرف ريلها شكان يسوي بصغره
الريم وهي تضحك : ههههههههههههههههههههه وواااي فهوود لهدرجه عاد .. تطيح ولد جيرانكم بغيت تكســره .... وتحط قزاز ( زجاج ) جدام سيــاره
خالك علشــان بس مايروحون عنك ويخلونك وفوق كل هذا .. تقص شعر أخوك ليش انك متهاوش معااااه ... مجرم هههههه
فهد اللي تفشل قال وهو يحاول يخفي احراجه : بعد شعلى بالج ريلج مو هيــن .. ههههههههههههه
غاده : هههههههه تبي أقول لهـا عن سالفه الجيرااان ..؟ وله اسكت
فهد طالعها بنظرات يعني ولا كلمه وقال : اقول بلا كلام فاضي وقوموا سوى لي ريوق ...
غاده وهي تطالع ساعتهـا : ريوق هالحزه ..؟ الا قول غداء
فهد بستهزاء وهو يقلد طريقت كلامهـا : (( أي ريوق هالحزه )) يلا جدامي انتوا الاثنيــن قاعديـن تحشون فيني بدل ماتترسون بطني
الريم وهي قايم : اللي يسمعك يقول متيــن مو جنك ضعيف معصقل ..هههههههه
فهد : افااا عليج كلهـا كم شهر وأصف جنب غااده هههههههههههههههههاااااااااى
غاده اللي أنحرج قالت : هيهيهييهيهيهههيه ياخف دمك .. ( قامت وهي تقول لريم ) تعالي تعالي ريموه خل نسوي له بلعه لا يبلعنــا .. وبالمره نسولف بعيد عن المراقبه ..
راحوا غاده و الريم المطبخ
الا صوت فهد يقول : هالله هالله بالريوق السنع .. ههههههههههههههه
..___ الجزء السادس عشـر ___..
دخل الميلس ومثل ماتوقع أغلب ربعه وربع ناصر متجمعيــن ..
ناصر اول ماشاف خالد فز وقال : هلاااااااااااااااا واااااااااااااااااااالله بالقــاطع خشمك ..
خالد وهو يسلم على ناصر بالخشم : هلا نصور شلــونك ..
ناصر ببتسامته العريضه : والله دامني شفتك .. شي اكيد بكون بخيــر ..
خالد لشبــاب اللي بالميلـس : سلاااااام شبــاب شلون الصحه ؟ عساها بخير ..؟!!
الاغلبيــه لانه بعضهم يتكلمون بالجوال : والله تمام .. تعال شرف ..
دخل خالد بعد ماشقح هالمسند اللي محطوط بنص الميلس..
وقعد على الكرسي
جا ناصر وقعد جنبه وقال : واللـه خلووود انك ولد حلال .. توني بسيرتك ..
خالد ببتسامه : عساهــا خير بس ..؟ مو حش فيني ههههه
ناصر : هههههههههههههه حش على مدح .. المهم .. اليوم أتفقنــا أحنــا والشبــاب نطلع الستــي تجي معــانــا
خالد بعد تردد قال : وااللـــــــه ..؟!! أوكي ليش لا .. بس متى بتطلعون ؟
ناصر يغمز له : لو تقول اللحيــن .. اللحيــن ..
خالد بتسأل وهو يضحك : ههههههههه شفيك صاير ذرب اليــوم ..؟ مو من عوايدك .. قمت أشك انك مبدل مو نصور اللي أعرفه
ناصر وهو يضرب خالد على ريله : ياأخي مشتــاق لك ... الا مشعلووه شلونه ؟ مايرد علي صار لي فوق المليون مره متصل ولا يرد
خالد : مادري عنه واللـه ... انا طالع من الصبح من البيــت مادري عن اللي فيــه
واحد من شباب الميلس : هاااا نصور متى حددتوا الطلعه ؟!! علشـان أكلم الاهل ...
ناصر : اللحيــن ...
الشاب : عيـل شتنطرون يلا قوموا ..
قاموا كل الشبــاب اللي بالميــلس اللي يتكونون من 8 ...
3 منهم لابسيــن بنطلون .. وتي شيرت .. صايرين جنهم أجانب مو عرب
والـ 5 البــاقيــن غتره وعقــال ... وخالد من اللي لابسيــن ثوب و كــاب مثل ماتعرفون ..
طلعوا الشبــاب كل واحد بموتره ..
بس نــاصر أصر أنه خالد يركب معاه بسيــارته ..
لكن خالد رفض هالشي وقال لناصر : الميلس في بيتك يعني لو تخلي سيــارتك فيه وتجي بسيــارتي أحسن ..
ناصر : بس أبي اسمعك شريط توه نازل لعبدالمجيد ...
خالد بغرور زائف : سيــارتي مايشتغل فيها الا CD بس..... أشرطه مالت أول هههههههه
ناصر وهو يضحك : ههههههههههههههههههههههههههه يابو CD أنطرني شوي بروح اجيب الـ سي دي من داخل وراجع لك ..
خالد : بسرعه مو تنقعنــي ..
ناصر : اوكي ..
ركب خالد سيــارته ونطر نــاصر لحد ماوصــل لــه
وركب معــاه
ناصر وهو يضحك : هههههههههههه طلعت روحهــا ياشيخ
خالد وهو يشغل السيــاره : من ؟
ناصر وهو يسكر باب السيــاره : أختي .. الـ CDهذا مالهــا لاني واحد ماأشتري الا أشرطه أخذته بالغصب ههههههه
خالد وهو يضحك : هههههههههههههههههههههههه حرام عليك ..
ناصر : مااراح أكله بسمعه وبرجعه .. المهم شغلــه .. يلا وحط على أغنيــه .. أنســان أكثــر ..
خالد وهو يدخل الـ CD : شوف اذا حزن وعوار قلب مو ناقص ترانــي ...!! راح أطلعه على طول اوكي
ناصر : أفــا عليك لا تحــاتــي ان ماخليتك تستطرب ماكون نــاصر هههههههه شغل بس شغــل
خالد شغل الشريط وأبتدت الاغنيــه
إنت منت إنسان أكثر
قلبي مو من قلبك أصغر
ومثل ما تشعر تأكد إنّي أشعر
فيني منك .. فيك مني
غصب عنك غصب عني
التقينا واللّقا قسمة مقدر
خالد لنــاصر : عجييييييييييييييييييييييبـــه ... يسلم لي هالذوق
لا فعل الزيف ولا فعل الكلام
من الحبيب اللّي وسط حضني ينام
نــاصر وهو يضحك : هههههههههههههه أعجبك أسمع اللي بعده ..
( قعد نــاصر يرقص على ألحــان الاغنيــه لحد ماأبتدى المقطع الثــانــي وقعد يغنــي وهو يأشر على خالد اللي بادله بالضحكه من قلبه )
ناصر : ما لي غيرك وما لك إلاّ أنا حبايب
يكرهك نصفي ونصفي فيك ذايب
الهوى غلاب وأمر الله غالب
ألزمك طول العمر لا جي ولا أروح
كنّي مقيّد قيد مو سلاسل
قيدي إخلاص ووفا وإلاّ إنت قايل
لو يقوم الكون تخسف بي زلازل
ما أحرك ساكنِ بك مير مسموح
نــاصر وهو يصفق : هههههههههههههههه أهداء خاص مني لك .. لا سمعتهــا مره ثاني تذكرني
خالد وهو يضحك : هههههههههه تسلميلي يالحبيب
نـــاصر رجع يغني : لا فعل الزيف ولا فعل الكلام
من الحبيب اللّي وسط حضني ينام
من الحبيب اللّي وسط حضني ينام
خالد وناصر مع بعض : أنت منت أنســان اكثر قلبي مو من قلبك أصغر
مثل ماتشعر تأكد اني أشعـر
فيني منك فيك مني غصب عنك غصب عني
ألتقينــا واللقه قسمه مقدر
اول ماخلصت الاغنيــه كانوا واقفيــن عند أشــاره مرور قال خالد لنــاصر : روعه ياشيخ .. عجبتنــي ( رجع عادهــا )
ناصر : أفــا عليك بالخدمه ..
بقوا على هالجو .. ونسى خالد أمــل شوي ..
هذي هي الصداقــات وله بلاش ..
بالمستشفــى
عند ام جاسم وجاسم ...
قال لهم الدكتــور انه قلبــه سالم ضعييف ومايستحمل مثل هالصدمــات
وأكيد انه انصدم من شغلــه ... بس ام جاسم رغم غضبهـا على مشعل الا انها ماتجرأت تقول لدكتور انه مشعل اللي سوى هالشــي
وكــان على وشك ذبحه .. لانه معروف شبيكون مصيــره ...
( ولا تنسون ان سالم أنضــرب وهو ماكان حاسب حساب هالشي كان متوقع يسمع كلام جارح بس ..
لكن اللي صار كان صدمه قويه قويه بالنسبه لــه )
المهم ..
كــان مكــان سالم هاليــوم العنــايه المركزه ...
ومابقى واير الا وحطوه على صدره ... وهذا غير الاكسجيــن اللي حاطينه له علشــان يتنفس
كان شكله يعور القلب ..
وأم جاسم منعوهــا الدكــاتره تدخل عليــه لانها شايله المستشفى على راسهــا
ومسويه أزعــاج مو طبيعــي ... وهي تصيح وتنوووووح على حبيبهــا .. ماتبي اللي صــار قبل يرجع يصير لها مره ثــانيــه
ومع من ..؟ مع سالم اللي عوضهــا عن حنان وحب مبــارك .. وأستحمل عيالهــا من صغرتهم ..
وحاول قد مايقدر يكسب حبهم .. ولما وصل عند مشعل وحاول يملك قلبه وحبه
وماقدر .. ماأستسلم .. لانه كان يدري بطيبه قلب مشعــل خاصه انه كان يلعب معــاه لما كان بصغره على حياة بو جاسم
وكان مشعل يحب سالم كحبه لأبوه .. لكن لما توفى ابوه وتزوج سالم ام جاسم
...كل الحب اللي بصدره لسالم تحول لكره وحقد وغيــــــــره ..
والاسبــاب واضحه .. ومقنعه على قولت مشعــل
المهم جاسم بالغصب طلع امه من المستشفــى
اللي قعدت تحن وتحن عليــه ماتبي تروح لكنه طلعهــا من المستشفــى بالغصب ..
علشــان صحتهــا اللي قربت تدهور وكل هذا بسبب مشعــل
واول ماركبت السيــاره اشتغلت بالحنه بس هالمره تبي تروح لبو حمد ...
تبي أخوهــا .. تبي تشتكي له ..
جاسم لما يأس منهــا وداهــا بيت بو حمد
وعلى ماوصلوا من المستشفى ليـن بيت بو حمد
كان محمد توه مدخل سيــارته البيــت وتوه راجع من الشغــل مايبي الا الفراش لكن أم جاسم
ماخلته يذوق لراحه طعم
نزل من السيــاره الا يشوف سيــاره جاسم وراى
قال اكيد جايــن زيــاره ...
سكر باب سيــارته وألتفت عليهم بيقابلهم ببتســامه
لكـن ام جاسم اللي نزلت قابلته بدموع وصيــاح
بو حمد بخرعه : هيــا شفيج ؟ليش تصيحيــن ؟!!!!!!!!!!!!!
أم جاسم وهي تنوح : سالم يامحمد ... بالمستشفــى .. سالم بالمسشتفــى ...يامحمد
بو حمد وهو يهديهــا : هدي يام جاسم .. هدي شوي خليني أفهم شفيه وليش هو بالمستشفــى ..
أم جاسم وهي تصيح : حسبي الله عليك يامشعـــل ... حسبي الله ونعم الوكيـــل فيك من ولد ..
بو حمد وهو يسكتها وهو نفسه مايدري شسالفه : هيــا ... أستغفري ربج هذا ولدج مايصير تدعيــن عليــه ..( يكلم جاسم ) يبه جاسم بند سيــارتك وسيــارتي وتعال داخــل .. خل اشوف شفيهــا أمك .. وشمسوي أخوك هالمره ..
جاسم اخذ سويج سيــارة خاله وقفلها وقفل سيــارته
ولحقهم داخل ..
قعدهـا بو حمد على الكرسي يبيهـا تهدى ..وخلا أم حمد تجيب لهـا ماي ..
راحت بسرعه ام حمد جابت لهـا ماي ورجعت الصاله شافت بو حمد يهدي فأخته اللي مو راحمه عمرهـا من الصيـاح
ام حمد وهي تمد الماي لصديقه عمرهـا : هاج ياهيــا .. شربي شوي ..
أم جاسم وهي تبعد القلاص عنهـا : مااابي .. مابي ماي .. مابي شي ... ( تكلم بوحمد ) أبي سالم يامحمد .. ابي سالم
بو حمد بنفاذ صبر : أأأي شفيه ســالم ...؟!!!
أم جاسم : مشعل لا بـارك الله فيه ضربه .. ضربه يامحمد .. ضرب ســـالم
بو حمد بصدمه : شنـــــــــــــــــــــــــــــــــــــــــــو؟
أم حمد أنصدمت من اللي سمعته ...( معقوله ؟ توصل فيه الوقاحه لهدرجه .....؟؟!!!!!! )
بو حمد يكلم اخته وهو مازال مو مصدق اللي سمعه : شتقــوليــن أنتــي ؟ مشعل .. مشعــل ولدج .. ضرب ســالم .. شهلـ كلام
لكن ام جاسم ماردت عليه وبقت تصيـــح
بو حمد اللي يبي يفهم السالفه صرخ بجاسم : شقــاعده تقول أمك؟ مشعلوه ضرب ســـالم ..... صج هالكلام
جاسم اللي متوتر ع الاخر : أي ياخالي صج .. بغى يذبحه لـ ....
قاطعه بو حمد اللي وقف بغضب : شتقــول أنت ...؟!!!
جاسم اللي أخترع من صرخت بو حمد قال : أأي ياخالي ضربه ... صراحه مشعل مايحشم أحد ..
بو حمد بغضب : وهالجلب وينه اللحيــن ؟!!!
جاسم : طلع من البيــت بعد ماضرب سالم
بو حمد : وماتعرف مكــانه ؟؟!!!!!
جاسم : لا واللـه ماعرف ...
بو حمد فلتت أعصــابه : وأنت شتعرف ؟؟ هــا ؟؟ قول لي شتعــرف ؟؟ عايش معاه في بيت واحد ولا تدري عنه ... منت اخو ؟؟
جاسم توه بيرد ألا بو حمد كمل كلامه قايل : والله مامنك فايده صراحه ... خويلد أخوك وينه .. محد يعرف مكــان مشعلوه غيره ...
جاسم مارد عليه مفتشل يقول له بعد مادري وينه ..
بو حمد فهم من سكوته انه مايدري عن هوى داره قال وهو يطلع جواله : أشك انك اخوه صراحه ... ماتدري عن أحد كلش ..
جاسم حز بخاطره كلام خالــه ... بس شيسوي هو بنفسه زين منه يرجع البيــت مكروف كراااف بالشغــل ..
بو حمد أتصل على خالد اللي كان توه واصل الستي هو وربعه
خالد وهو قاعد يعدل الكــاب بالسيــاره : ولييييي .. مالي خلق أحد اللحيـن أنــا ..
ناصر : سكر جوالك بالمره دام مالك خلق أحد ...
خالد وهو يطلع جواله من مخبــاه ويحطه بالسيــاره : تدري شلون بخليــه هني وايد أبرك .. أنزل أنزل .. بس ..
نزل خالد وناصر وخلا جواله بالسيــاره
وألتقوا الشبــاب الثمان ودخلوا الستي ..
بو حمد بغضب : هذا وينه مايرد ...؟ لا حوووووووول ولا قوه الا باللـه ... ( يكلم جاسم ) طرش حق اخوك مسج خل يرد لو طرشت له أنا زفيته ..
جاسم سمع الكلام بدون مناقشه وطرش وهو ساكت وشايل بخاطره على خاله ... بس ماينلام موقفه حرج في هاللحظه ومعصب
وأكيد مايقصد اللي يقوله ... الله يعيــن مشعل بس لا طااح بيد بو حمد شبيصير فيــه ..
بو حمد لأم جاسم : خلاص ياهيــا بسج صيــاح ونيــاح .. لا توترينــا اكثر من جذي ..
أم جاسم : شلون تبيني أسكت وأنا اشوف هالريال الطيب ينضرب بيد واحد من عيــالي .. وينضرب من من بعد ..؟ من مشعــل ..( رجعت تصيح ) اااااااه حسبي الله ونعم الوكيــل .. حسبي الله ونعم الوكيل فيه ..
بوحمد أتصل على مشعل اللي كان ناسي جواله بالبيـت أصلا ..
وأعتقد انه مشعل مايبي يرد وزاااااااااااااااااااااااد غضبه وكأنه نــار تزيد كل مازااادو حطبهــا
عند يوسف وأمل وهيــام
يوسف كان عـازمهـا على مطعم مثل ماتعرفون ..
وطول القعده وده يتكلم ينطق بحرف بس هيــام محكره لـــه قاعده له قعده ..
يوسف اللي كان قاعد ويتأمل أمل .. وناسي الاكل جدامه وعلى شفاته أبتســامه عريضه جذابــه ..
مو مصدقه انه امل خلاص صــارت لــه ....
بينمـا أمل اللي خلاص بتموت من الحيــا .. ماتدري ليش بين كل لحظه ولحظه صوره خالد تجي فـ بالهــا ..
كانت حاطه عينها بصحنهـا ولا تبي ترفعهــا علشــان لا تلتقي بعين يوسف اللي كلاهـا بنظراته ..
أمــا هيــام كانت قاعده لهم قعده ماتبيهم يتهنون بأي لحظه نحاسه فيهم بس
هيام ليوسف : يوسفووه عطني فاين لو سمحت ..؟!!
يوسف طالعهـا ورفع واحد من حواجبه ومد لها فايــن : هــاج
هيام وهي تاخذه : أحم .. الحمداللـه .. شبعت ..
يوسف مارد عليهـا وقعد ياكل لانه فهم معنى حركتهـا ذي خاصه انهـا قالتها وعلى شفاتها أبتسامه خبث
أمل وهي ترفع راسها متعمده ماتطالع يوسف وتحاول تركز نظرها على اي شي بس مو على يوسف ..
لكن ماتدري ليش طالعته : الحمداللـه ..
يوسف : هنــي ... بالعـــافيــه ....
أمل بخجل : الله يعافيك ...
هيام تسوي روحها تغار : أحم أحم ... نحنوا هنــا .... مادري ماننشــاف ولــه غيرنــا أخذ مكــانــا ؟؟ ( تقصد أمل )
أمل ألتفتت عليهـا وقالت : لا وي محشومه فديتج .. أنتي القمر واللي حولج نجووووم ..
يوسف بطنازه : قمر أخر الشهــر ههههههه
أمل ضحكت لا أراديا على كلامه : ههههههههه
هيام تسوي روحها عصبت : هيهييهيههييهيهيه ياملاغتكم .. يلا يلا خلصتوا بلــع ؟!! قوموا خلـ نروح نلعب بالالعــاب ..
يوسف فتح عينه على كبرهــا : يــاهـــل ...؟!!!!!!
هيام : أعيش عمري ياعمــري .... لا تحاتي ماوصلــت الـ 21 .......للحيــن ...
يوسف : من صجج أنتــي ؟؟!! ولا تتغشمريــن ..
هيــام وهي متكتفه : اي من صجي .. حتى أمول بتجي معــاي ...
يوسف على طول قال : لا ..
أمل بصدمه لانها كانت ناويه تروح مع هيام : ليـــش .......؟!!
يوسف طالع أمل وهو مستغرب ع الاخر : لا تقوليــن تبين تلعبيــن معاهـا أنتحر ..
أمل ببتسامه : أي حبيبي .. شفيهــا عادي ....
يوسف ذااااااااب من كلمه ( حبيبي ) قال : عيدي عيدي ....
أمل ببتسامه كلهـا خجل : شعيد ؟!!
يوسف : اللي قلتيها توج ...
أمل بسذاجه : شقلــت ؟
يوسف : اللي توج نطقتيهــا ماصدقت سمعتهــا ......
أمل فهمت قصده بس تسوي روحها مو فاهمه : أي شنهي الكلمه ؟؟
يوسف يطالعهـا بخبث : تبدأ بحرف الـ حاء ... وتنتهي باليــاء ....
هيام اللي ماتطيق تسمع كلام الحب تحس انهم فاضين وماعندهم سالفه : أوهووو .... قولي له حبيبي وخلصينــا أبي العب يانـــاس ..
أمل صار ويها طماطه من الاحراج ...
يوسف وهو يضحك : هههههه كاهي هيوم قالتهــا ... يلا .. غردي ... أبي أسمع ...
أمل بخجل : يوسف ... خلاص عاد ..
يوسف وهو يضرب على الطاوله : أمووووووت أنــا اسمي ينقط عسل من تنطقه ...
هيام اللي قعدت تضحك على شكل أمل صارت حمررره من الفشيله
أمل وهي تعدل شيلتهــا اللي كانت عدله بالاســاس : خلاص عاد ... شفيكم أستلمتوني ..
يوسف : ماراح أتحرك من هني ألا لما أسمعهــا
امل بخجل : حبيبي ... هــا ارتحت ؟؟!!!
يوسف بغى يطير من الوناسه : بعد مره ...بعد مره ..
أمل : لا ... خلاص ..
يوسف بترجي : تكفيــن .. علشــان خاطري ...
أمل ذابت من الحيــا .. وصدت عنه تحاول تخفي خجلهــا اللي واضح وضوح الشمس ..
وألتقت عينهـا بعيــنه .. كان واقف يطالعهــا .. وكان ناوي أصلا يدخل يقعد بهلـ مطعم .. لكنــه بسرعه أشر لربعه أنهم يغيرون المطعم ...
أمل أنصدمت لما شافته وعلامات الغضب والغيره والحزن كلها متجمعه بويهــا ... حست قلبهــا توقف عن النبض ...
عند خالد .. : ياشبــاب .. نغير المطعم أحســن ..
واحد من الشباب : لا ليــش .. هني أحســن أكلهم عجيييييييب ..
خالد : مو لازم نتغدى بنروح كوفي شوب أحســن خف شوي صاير طبل من كثر الاكل ..
الشاب وهو يضحك بعبط : هههههههههه ياخف دامك ...
خالد يأشر لشبــاب اللي توزعوا بالمطعم كل أربع على طاوله : شباب .. قوموا بنطلع ....
ناصر اللي قعد قال : لا.. وين بتودينــا ..
خالد اللي يتحاشى أمل قال : كوفي شوب
ناصر ماعجبه الكلام : طير زيــن يوعــان يأأخي ...
خالد عطى ناصر نظره وقال : عيل تدري شلون ... لا خلصتوا غدى أنا بستــار بكس .. فمــان اللـه
ناصر اللي قعد ولا تحرك من كرسيه : تعـال خلـ ...... ( أختفى خالد لانه طلع من المطعم )
ناصر لواحد من الشباب اللي معاه ع الطاوله : شفيــه ..؟!!! مسرع ماتغير مزاااجه .. على قولته لا خلصنـا اكل نروح له .. يلا شبــاب طلبوا .. انا بدفع ..
عند طاوله يوسف وأمل وهيام
هياااام عيونها لصقته بخــالد من دخل ليــن طلــع ..
( وااااااااااي يهبل .. هذي ثاني مره اشوفه فيهـا .... مره عند باب بيت امول ومره اللحيــن ... ياقلبي عليــه قمر .... )
أما امل اللي تضايقت لما طلع خالد من المطعم الي هي فيــه وخلا ربعه بس ..... نست يوسف ولا جاااا على بالهــا حتى ... أحتل تفكيرهــا خالد
يوسف اللي كان يتكلم وأمل مطنشته قال : ياهوووووو ...
أمل ألتفتت عليه بسرعه : هــمم ..؟!!!!
يوسف ببتسامه : اللي ماخذ عقلج يتهانى فيه
أمل ماردت عليه وأكتفت بالابتســامه
يوسف لأمل وهيام : يلا خلصتوا ..؟!!!
هيام ليوسف : شرايك؟
يوسف : لا قالت أمل انهــا خلصــت ... راح نطلع ..
أمل : خلصــت ...
يوسف : أوكي عيــل اللحيـن أقدر ادفع الحسـاب وأنــا متطمن انج شبــعانه ...
دفع يوسف الحســاب وقاموا كلهم طبعــا يوسف خلا أمل وهيام قدامه وهو وراهم لحد ماطلعوا من المطعم ..
لانه مثل ماتدرون المطعم أنترس شبــاب وهم ربع خالد .. ويوسف يغــار على أخته وقلبــه أمــل ..
فـي .. ستــار بكس
قعد خالد على وحده من الطاولات بعد ماطلب له كبتشينــو ..
وأمــل مـافــارقت بــالــه ... كــانت الفرحه بايــنــه على ملامحهــا وهي مع يوسف ..
تضــايق لمــا شافهــا وأنقلبت أبتســامته لعبوس وحزن ...
ماكــان متصور أنــه في يوم .. أمل اللي حبها من صغره ماراح تكون لــه ....
طلعت تنهيده من جوارح قلبــه وقال بصوت هادي وواطي : نصــيب ...!!
مر الــوقــــت وجــا العصـــر ..
والجو في بيت بو حمد متكهــرب ع الاخر مثــل ماتعرفــون ..
ودرت دلال عن اللي سوااااه مشعـــل .. أنصـــــدمـــت ...
وأهتزت صوره مشعــل بعينهـــا ... للمره الثــانيــه .. أو يمكن نقول للمره الثــالثــه ..
المره الاولى .. ضرب أختهــا .. وغلط على أبوهــا وصرخ على أمهــا ..
المره الثــانيه جرحهــا لما سمعته امل يتكلم عنهــا وماقدر حبهــا له ...
والمره الثالثه يضرب ريــال كبيــر .. بعمره ابوه .. معقوله توصل فيه قلة الادب لهدرجه
أبتدت صوره مشعــل اللي كانت راسمتهــا لــه ..
أنــه طيب .. وحبــوب .. وصاحب أخلاق .. ومحترم .. تنمحي تدريجيــا ...
وتحل محلهــا مشعــل .. اللي يتسلى بمشاعرهـا .. ومايحترم حد .. لا كبير ولا صغيــر ... وقليل أدب مع مرتبة الشرف ..
دلال اللي كانت قاعده ع الكرسي اللي بغرفتهــا حطت ويهــا بيدهـا الصغيره ورجعت بهــا شعرهــا
وهي تقول بقلبهـا : معقــولـ كل هذا يطلع من مشعــل ..؟!! معقوله يكون مشعــل بهلـ وقــاحه كلهــا ..
دخلــت عليهــا أمل اللي كانت توهـا راجعه البيــت
وفي يدها كيستيــن .. وكلهم هدايــا من يوسف ..
أمل ببتســامه : الحلــويــن شلونهم ..؟!!
دلال ماردت عليهــا بنفسها مهمومه
أمل دخلت وحطت الكيس فوق سريرهــا وراحت جنب أختهــا : دلول شفيج ياقلبي ؟
دلال رفعت ويهــا ودمعه على خدهــا : دريتي مشعــل شسوى ؟؟
أمل بتسأل : شسوى ؟؟
دلال : ضرب ريل عمتي ســالم ... وطلع من البيــت ولحد اللحيــن مارجع ..
أمل حطت يدها على حلجهــا وقالت بصدمه : حلــفي ..
دلال أبتدت تصيح : أأأكرهه .. أأأكـــرهه ...
أمل حظنــت أختهــا وهي تقول : ليش ضرب سالم ؟!!
دلال : ماادري .. ولا أبي ادري ... ولا أبي أسمع اي شي عن مشعــل ..( أبتدى صوتها يهدى تدريجيــا ) أأأبي أنســـاه ..
أمل تبتعد شوي عن أختهــا .. : لو صج تبين تنسينــه المفروض تقويــن روحج مو طول الوقت مسكره عليج الغرفــه .. وتتصفحيــن الالبوم اللي من اوله ليــن أخره صورهـ ..
دلال طالعتهــا بنظره بدون ماترد
أمل : أي .. لا تقعديــن تطالعيني جذي ... من صجج أنتي لين اللحيـن تحبينه عقب كل اللي سوااهــ هذا أخلاق ماعنده .. شلون تبينه يصونج
لا أفترضنــا انه خذااج .. اذا على قولتج انه ضرب سالم ولا أحترمه ... بحترمج أنتي ؟؟؟!! ( وهي تهز راسهـا أستهزاء بمشعــل ) ماأظــن ؟؟
دلال قامت وقفت وقالت بغضب ودموعهـا على خدهــا : شتبيــني أسوي يعنــي .. قلبي مو بيدي .. ولا أنــا اللي أقدر أقرر اذا بنســاه وله لا ...
قاطعتهـا امل بصوت عالي شوي بس مو بصراخ : توج تقوليــن أنج تكرهينــه .. واللحيــن قلبج مو بيدج ...؟؟ حددي .. أنتي شتبين بالضبط ..
دلال وهي تمسح دموعهـا ومازالت بحالة هستيريه وهي تصيح لكن صوتها مو عالي لانها لو علته وسمعوا أمها وابوها بتروح في ستيـن داهيه : أأأبيـــه ... أبيـــه يحس فيني حرااااااااام عليــه .. مــاني تمثــال .. بدون مشــاعــر ...... عندي قلب يانــاس احس مو جماااااااد
أمل قامت وقفت وقالت : المفروض انج تنسيــنه وتخليــن هالكلام عنج لانه مابيوصلج لــه ... هذا ماينفع معـاه شي الحقراان .. يمكن يفيد
دلال بصوت يرجف من الصيــاح وعالي شوي : أأأنــــــــــــــــــا مانـــــي مثلـــج ...
أمل أرتسمت ملايـيــن علامــات الاستفهــام على ويهــا (( مثلي بشنو )) .. طالعتهــا بدون ماترد عليهــا
وكأنهــا تبي تسمع شبتقول .. (((( مثلــــــــــي بشنــــو ...؟!!!!! )))))
دلال وهي ترجع شعرهــا على ورى : على بالج عندي قلب مثل قلبج .. ؟؟!! أذا انتي قدرتي تنسيــن خالد أنــا ماأقدر أنسى مشعــل ...
أمل أرتبكت ماتدري ليش وقالت على طول وبسرعه : شتقوليـن أنتــي ...
دلال : أذا أنتي هــان عليج خالد .. انا مايهون علي مشعــل لو شيسوي .... مافي حد يبقى على ماهو عليــه مرده بيتغير ..
أمل زاد ارتباكهـا وقالت بغضب : شدخل خلوود اللحيــن .. وشجااب طاريه من الاســاس ... ومن قال أصلا أني أحبـــه ..
دلال : قصي على غيري مو علي ... أنــا أكثر وحده فاهمتج ..
أمل بغضب : دلووول ... سمعي روحج عدل قبل لا تتكلميــن .. شنو أحبه وماأحبه .. خالد مثل أخوي لا أكثر ولا أقل .... وبعديــن لا تغيري السالفه ..
دلال : أمول واللي يرحم والديج طلعي مالي خلق شي ترى .. ماأبي اشوفج ..
أمل بمزيج مابيــن الغضب والارتبــاك : كل هذا علشان مشعلووه ... صدقيني مايسوى .. وكل اللي قاعده تسوينه بروحج مابيفيدج .. مابقى شي على المدارس .. بتروحيــن وشكلج جذي ..؟!!!!!!!! شوفي ويهج بالمنظره .. جنج وحده بنهــايه الثلاثيــن مو وحده توها مادخلت العشريــن ..
دلال بعنادهـا الطفولي الممزوج بحزنهــا : مو شغلج انتي بشكلي .. كيفي .. أنا حره اذا بهتم فيه وله لا .. رجاءا لا تدخليــن وخلي وقتج كله حق حبيب القلب ....
أمل طالعتهــا بنظرات قهــر وراحت قعدت على سريرهــا عناد ..
دلال وهي تضرب الارض ببريلها : اموووول ماأبي اشوفج بالغضب يعنــي ..
أمل ببرود : والله الغرفه مو لج بروحج .. وأنــا ابي ارتــاح شوي ..
دلال طلعت من الغرفه ورضخت االبــاب بكل قوتهــا
اول ماطلعت ضربت أمل بكل قوتهـا على سريرهـا : خالد ... خــــالد .. خــــــالد .. وين مارحت طلع لي هالخــالد .... مايسوى على رفضته ..أأأف ...
كل اللي اسويه علشــانهــا وبعد مايبيــن بعينهــا .. بس مردهـا بتعرف انه كل هذا علشــانها ..
قطع حبل أفكــارهــا صوت نغمه المسج
خذت شنطتهـا وطلعت جوالهــا وكان المسج من العــاشق المتيم .. يوسف
يقول فيــه
*
لوغبتي لحظة كل مافيني تمناج ،
صعبه حياتي ياحياتي بدونج ..
أهيم في صوتج وهمسج ولقياج ،
حتى مع الأحلام ماقدر أخونج ..*
رمت الجوال جنبهــا وصدت عنــه .. بعد ماتكتفت بقهــر ..
لكنهــا بسرعه لفت على جوالهــا وأستغربت حركتهــا ... ليش حذفته ..؟!! ماتدري ..
يمكن مقهوره من دلال .. وله من خالد ...؟!! رجعت خذته وقرت المسج مره ثــانيــه
ألا الجوال يرن ... والمتصل هو نفسه راعي المسج
أمل ردت عليــه : ألووو ...
يوسف : هلا واللـه بهلـ صوت ..
أمل : هلا يوسف ...
يوسف : لا يكون مشغوله وقاطعتج ..
أمل : لا مو مشغوله .. بس كنت بنــام .. الا اشوف المسج ..
يوسف برومنسيه : شرايج فيــه
أمل : حلـو ..
يوسف : حلو بس ..؟!!!
أمل : أيــنن ..
يوسف : بس ..
أمل : يوسف حبيبي .. بنــام اللحيــن ... تعبــانه طول اليوم معاك لا قعدت أتصل عليك أوكي ..
يوسف : بس ..؟!! ماطلبتي شي .. نامي حيـــاتي أرتــاحي وأسف اذا ازعجتج ..
أمل : لا مافيهــا أزعـاج ... ولا شي ...
يوسف : أول ماتقعديــن من النوم أتصل لي ...
أمل : أن شاللــه ..
يوسف : أأأكيـــد ..؟!!
أمل : أكيــديــن ...
يوسف : يلا ... نوم العواافــي ..
أمل : الله يعافيك .. مع السلامه
يوسف : في حفظ الرحمــن ..
سكرت من عنده وحطت الجوال جنبهــا
ونااااامـــت وهي ماتبي تفكر بشي ... ولا شي ...
لا دلال
ولا خــالد
ولا حتــى يوســف ..
عدى هاليوم على خيــر
ومشعـــل مازال محد .. مارجع لحد اللحيـــن ..
محد يدري وينه أو شبيصير فيه لا رجع وطاااح بيد بو حمد
اليــوم التــالي
بـ مستشفــى حمد وخصيصا قسم العنايه المركزه ..
كانت أم جاسم قاعده برى على الكراسي بصحبه جاسم اللي أخذ اجازه من الشغــل ..
وبو حمد ...
كانت أم جاسم قاعده تقرى قرآن ..وكــان صوتهــا حيـل حلو وهي تقــرى ..
كان صوتهــا خاشع .. وهادي .. يسر السامع ..
أمــا في بيت بو جاسم
كان خالد رايح في سابع نومه ولا يدري شصــاير في البيــت لانه رجع امس 3 الفيــر
ودخل سيده نـــام ... اول مافتح عينه راح غسل ويهــا وأخذ له شور ...
ولبس بنطلون جينز وقميص أسود وكاب أسود بعد
ونزل الصــاله ولقى البيــت هــادي .. لا صوت تلفزيون .. ولا صوت أمه تتكلم بالتلفون مع ام حمد مثل كل يوم ..
ولا حتى نفس بالبيــت الصاله هاااااااااديــه
أستغرب من هالهدوء المفــاجئ قال بقلبه : وين راحوا ؟؟!!!
راح المطبخ مالقى لقمه أكل ...
العاده يقوم الصبح الاكل جاهز ماعليه الا يقعد وياكل ..
خالد زاد أستغرابه : شســالفــه ..؟!!
فتح الثلاجه يدور له على لقمه ياكلهــا .. أخذ له تفاحه وسكر الثلاجه
وقعد ياكل .. يسد جوعه شوي أول ماخلص قط اللي بقى منها بالزباله ( الله يعزكم )
وطلع أتصل على مشعل بيشوف هو ويــن بس محد يرد ..
أتصل على جاسم .. مغلق ..
أتصل على سالم .. مامن مجيــب ...
خالد زاااااااااد أستغرابه وخاف شوي : هـااا ...؟؟ ويــن راحوا ذول ...الله يستــر ..
راح فوق وطق البــاب على غرفه امه وريل امه ... بس محد رد عليــه
دخل مالقى حد ... الغرفه بارده .. ومعفوسه بعد .. وهذي مو من عوايد امه ...
راح غرفه جاسم لقاهـا كالعاده مقفوله ..
وشي أكيد راح غرفه مشعل اللي كانت مفتوحه ..
دخل وأول ماطاحت عليه عينه جوال مشعــــل ..
خالد بصدمه ( معقوله مشعل ينسى جواله وله حتى يطلع بدونه ؟؟)
راح أخذ جوال مشعل ولقى مكالمه منه ومن خاله وكم مكالمه من ربعه ...
هني خالد وقف قلبــه .....
وين راحوا أهل البيــت ..؟؟
..___ الجزء السابع عشـر ___..
طلع من غرفته ونزل الصاله وهو متوتر ع الاخر .. معقوله ولا حد بالبيــت
الا باب الصاله ينفتح ويدخل مشعل اللي كان مبهدل عــدل ..
شعره معفوس وازرت ثوبه مفتوحه ...
دخل سيده ولا كأنه شاف خالد وكان ناوي يروح فوق بس خالد مسكه من يده
خالد : شســالفــه ..؟!! .. محد بالبيــت ..؟!!
مشعل نفض يده من خالد وراح فوق غرفته ..
خالد : هــاااا ..!!؟؟
لحقه خالد لحد غرفته لقااه ماخذ جوالــه .. وفتح الكبت بكل قوته وطلع له كم ثياب وحطهم بشنطه الصغيره..
خالد بتوتر : مشيعل شصــاير فهمنــي ....
مشعل: قعده في هالبيت ماني قاعد .....
خالد بصدمه : ليــــــــــــش ..؟!!!
مشعــل وهو يفتح الدرج ويطلع اغراضه المهمه ويحطهم بالشنطه : بيت فيه سلووووم ... ماأقعد فيــه
خالد بتسأل : وشدخــــــــــــــل سالم اللحيــن ..؟!!! ماتفهمنــي
مشعل بغضب : مو لازم تفهم ... واللحيــن فكني واللي يرحم والديك ... مالي خلق نسمه الهوى
خالد : شنو أفكك ..؟!! أمي وسالم وجسووم ويــن ؟
مشعــل : تلاقيهم عند اللي مايتسمى بالمستشفــى
خالد وكأنه حد معطيه سطاااار : شنــــو ؟ المستشفــى ..؟!! من اللي بالمستشفــى ؟؟
مشعل وهو يشيل الشنطه : ريل أمــك .. سلوووم ..
خالد بذهووول وصدمه : لــيش ..؟!!
مشعــل وهو يوقف جدام خالد بشموخه وغروره : أنــا دخلته المستشفى على يدي .. ولو أشوف رقعت ويهــا لـ أخليه يشيلونه من البيت ع المقبره ..
خالد عقد حواجبه يحاول يفهم شسالفه قـال : لا تقــول ...أنــك
قاطعه مشعل اللي مقرب ويها من خالد ومعطيه نظره تحدي : اي ضربته ... كفرت فيــه ... علشــان يعرف انه أشكاله ماتمد يدهــا عــلي ....
قاطعه خالد بدفعه قويه خلته يطيح ع الارض وصرخ قايل : أنت شسويييــــــــــــــــت ...
مشعل اللي طاح بصوب وشنطته بصوب قال وهو يوقف بغضب : سويت اللي يربيــه .. هاللي مو متربي
خالد عطااه بكس خلاااااه ينسى الكلام وطااح فيه طق بعد ماطاح مشعل على الارض مره ثانيــه وهو يقول : يالحقيـــــــــــــــــــــــــر ...
أنت اللي مو متربي .....
مشعل كان يحاول يبعد خالد عنه بس مو قادر ...
خالد وهو يمسك مشعل من ثوبه ويرفعه يقربه منه : تـــــــــــدري لولاه كـــان أنت بـ أعدااااااااااااااااد الموتــى ..
مشعل وهو يدز خالد عنه : شقاعد تقول أنــــت ...
خالد وهو يوقف : تبرع لك بدمــــه يالغبــي ... فدااااااااااااااااااااااااك بدمه .. وانت تروح تضربه يالحقيـر
مشعل يحاول ينفي هالكلام : اللي تبرع لي بالدم جاسم .. مو سالم ... وسلووم بنفسه قايل لي هالكلام
خالد : يكوووووووون بعلمك جسووم أخر واااحد درى بالموضوع .. ولو ناطرينه لين يتبرع لك .. كان أفتكينــا من همومك .. وأخلاقك الزفت
مشعل وهو يوقف : خلووووووووود أحترم نفسك ..
خالد قاطعه : علم روحك شلون تحترم الغير علشــان النــاس تحترمك ... يــاأخي أستح ريال كبير كبر ابوووك .. تضربه ..
طالعه خالد بنظره احتقــار من فوق لتحت وطلــع من البيــت على المستشفــى
اول ماوصل المستشفى وسأل عن سالم وعرف مكانه راح سيده للمكـان اللي فيه سالم
الا وهو العنايه المركزه ..
لقى امه وجاسم وبو حمد ..
راح لهم وقال : ويـــنــه ..؟! عمي وينــه ..
ام جاسم رفعت ويهــا عليه بعد ماسكرت كتابه القرآن وعيونها مليــانه دموع ..
وبو حمد وجاسم طالعوا خالد مستغربين من طريقه دخوله عليهم ..
جاسم : داااخل بالغرفه ..
خالد : يصير أشوفه ....
بو حمد : اي يبه يصير .. بس لا تطول عنده .. حالته ماتسمح
دخل خالد عليــه وانصدمت اكثر لما شاف سالم متمدد على ذاااك السرير الابيــض ...
في هالغرفه الشبه ظلمه ..وصوت الاجهزه المزعج مسيطر ع الجو ..
والتنفس الاصطناعي اللي حاطينه له .. هذا غير الوايرات اللي تارسه صدره ..
قرب صوبه ومسك يده .. كانت اول مره يمسك خالد فيها يد سالم بهلـ حنــان ..
وكأنه مايبي يفقده ..
خالد همس له : عمــي ..!! عمي ...
سالم ماكــان يرد عليــه
خالد وهو يضغط على يده بس مو بقوى : عمــي .. سامحنــي .. مادريت الا اللحيــن .. بس لا تحاتي اخذت لك حقك من مشعلووه ..
سالم كان يرد عليه بالصمت ..!!!
خالد قعد يتأمله ملامحه ...
تعور القلب .. وتليــن أقسى قلب ..
معقوله مشعل قدر يضرب هالانســان .. شلون طاوعه قلبــه ..
دقايق مرت وخالد يتامل سالم ...جاته غصه .. دموعه على وشك الانهمــار
لكنه تدارك الوضع ومسحهم .. مايبي حد يشوفه يصيح ويزيدهم ..
ترك يد سالم بنفس الحنــان اللي مسكهـا فيهـا
وتأكد انه خدوده ناشفه تماما من أي دمعه .. وطلع لخاله وامه واخوه ..!!
خالد بصوت فيه غصه يحاول يخفيهـا : ليــش ماقلتولي ..؟!!
جــاسم : وأحنــا شفنــاك علشــان نقولك ..
خالد : ع الاقل أتصلتوا لي ..
قاطعه بو حمد : أتصلنـالك .. مارديت واخوك طرش لك مسج .. جيك على جهاز وبتعرف انه احنا كنا بنقولك
خالد بقهــر : المشكله عرفت من هالحيوان مشعــل ...
بو حمد وقف وقال : وين شفتــه ..
خالد : بالبيــت جاي ياخذ ثيابه مايبي يقعد بالبيــت الله لا يبــه ... يجيني شور ارجع له وادفنه بالبيــت أبرد خاطري بس ...
بو حمد اللي كان ينطر هالفرصه من يوميــن وده يدوووس ببطن هالمشعل قال : اقعد مع امك واخوك .. خلني انا اربيه ....
طلع من المستشفــى على بيت ام جاسم
وأول ماوصل لقى مشعل قاعد على الدري اللي جدام باب الصاله وحاط يده على راسه يحاول يخفي ملامحه بهلـ طريقه
بو حمد شافه ثاااار غضبه راح صوبه ومسكه من ثوبه ومشعل ماقاوم ..
وضربه ضـــــرب سنه بيوم ..
ومشعــل ماقــاااااوم كلــش ... بالعكــس دموعــه نزلــت .. ومع كل ضربه تزيـــــــــد ..
مو من الالــم ... لا ... بــل من النـــدم
لما طفت شوي نيــران الغضب اللي أشتعلت بخفوووق محمد
ومشعــل ماتلقى اي ضربه بعــد صرخ قــايل : لــــــــــــــــــــــــــيـــش ... لــيش ماقلتوا لي ...
بو حمد بغضب : لانك مورااااااااااضــي تسمع حــد .. يامــا قلنــالك هالريـــال أطيب منه ماافيــه ماكنت تسمع .. تجرحه بكلامك اللي مثل السم ..
وهالمره تضربــه ... هذي تربيتي لك يامشيــعـــل
مشعل رفع روحه بصعوبه من كثر الطق اللي جاله من خالد وخاله وقال : واللـــه مــاكـــنت أدري ..
قاطعه بو حمد : تدري بشنو ..؟!! أنت ماتحس أنت ؟؟ ماعندك قلب ؟؟ تكلم رد .. دافع عن نفسك .. وله ماتعرف تتفاهم الا بالضــرب ...
مشعل اللي كان يبكي بمرااااره مانطق بولا حرف ....
بو حمد كمل كلامه وقال : انا أبوك الله يرحمه وصاني أني ماأتكلم .. بس أنت مصختهــا وراح أقول .. علشان تحس شوي وتعرف انه هالريال اللي بغيت تذبحه سوى اللي مايتسوى عشــانك ..
مشعل ماكان يجيب
بو حمد : هالريــال اللي ضربــته .... كان بيدفع حيــاته علشــانك .. تذكر يومك صغيــر .. مو بغيت تروح فيها بحادث سيــاره ..
من اللي حمــاك وأندعم بدالك ؟؟ مو ســالم ... من اللي ترقد بالمستشفى أسبوع وكسر بريله ... ؟؟ مو ســالم ..!!
من اللي سدد كل ديووون أبوك بعد وفاته وبنى لكم هالبيــت وسجله بأسمكم .. انتوا وأمك .. مو ســالم ..؟!!
من اللي تبرع لك بدمه يومك بحــاجه ضروريه لدم .. وله كان رحت فيهــا مو ســالم ...
من اللي كان واقف معاكم على حياة ابوك بالحلوه والمره .. مو ســـالم ...
من اللي كان يرفض وبقوه انه أبوك يهاوشك وله حتى يضربك ... حتى لو كنت غلطان .. مو ســالم
تبي أكمل ولــه خلاص ..!!؟؟
مشعــل بغصه وصوته الباكي : وااااااااللــه العظيم ماكنت أدري .. واللــه .... أنــا أعتقد انه كــان طمعان فينــا من جذي مستحملنــا ...
بو حمد : بشنو يطمع ماتقول لي ؟؟ بشنو يطمع ... هالخير اللي عايشين انتوا منه كله حلال سالم .. مو أبوك
مشعــل : ألا أبــوي .. هذا حلال ابوي
بو حمد : حلال أبوك أبوك من وينه له حلال علشان يطمع فيه سالم ..؟ ماتقولي ..؟ صج انك منت كفو حشيمه ..
مشعل : نـــــدمت واللـه العظيم ندمت ...
بو حمد : بعد شنو ... بعد ماسدحت الريال بالطواااري .. الله العالم اذا بيعيش وله لا ...
مرت ثــلاث أيـــام على هالســالفــه ..
ومشعـــل متحسف على كل كلمه قالها جرح فيها سالم
ومتمنى لو انه يدى انكسرت قبل لا يمدها على سالم ..
وكل يوم يكون عنده بالمستشفــى ...
وثالث يوم .. فتح عينه سالم .. بس صحته لين اللحيــن مو منتضمه ..
مايسمحله بالكلام واايد علشــان صحته ..
كانوا الكل عنده يبون يتطمونون على صحته
ومشعل كان توه دااااش غرفه سالم وعينه بالارض ماله وي يشوف سالم
بس لازم يعتذر منــه ..
اول مادخل الغرفه كل العيون تركزت عليــه
وسالم طالعه بعينه بدون مايتحرك ... قلبه انقبض لما شافه .. ماوده يشوف مشعل
بعد ماضربــه ..
قرب صوبه مشعل ومسك يده وباسها وهو يقول : ســامحنــي ياعمــي .. أنــا أسف ( نزلت دمعه على يد سالم ) واللــــه أسف ياعمي يعلني ماعشت لهلـ يوم اللي امد يدي فيهــا ..
سالم مارد عليــه أكتفى بأنه ينظر له بس
مشعل كمل أعتذاره : عمــي واللـه أسف.. أنا أدري الغلط راكبني من راسي لـ ساسي .. بس واللــه واللــه راح أتغيــر ... ماراح أكون مشعل اللي تعرفــه راح أرجع مشعــل اللي أنت تحبــه .. ( صوته بلـ يالله بين من الدموع والخنقه ) ويحبــــك
سالم سحب يده من مشعل ..
مشعل تم على نفس الوضعيــه ماتحرك وهو منصدم انه سالم سحب يده منه .. يعني مو راضي عليــه
بس المفاجأه انه يد سالم جات على راس مشعل برفق وحنــان وقال بصعوبه : لا تصيــح يامشــ ـ ـ عـــ ـ ـ ل ماأحب أشوف دموعـ ـ ـ ـ ـك يبـه
مشعل غمض عيونه بندم فضيــع يقطع أحشــاءه
* يااااااااااااااا لله .. شكثر كنت قااااااااااسي على هالريــال .. شكثر كنت اجرحه وأغلط عليــه .. لهدرجه ماكنت اشوف هالطيبه .. لهدرجه كنت عمي ماأشوف ... *
سالم ببتسامه : مشعل يبه .. أقعد أبي أكلمك .. بقولك شغل ..
الا بو حمد يقول : استريح ياسالم مب زين لك الكلام
سالم لف صوب بو حمد وقال : تكفى يامحمد .. ماأقدر اكتم بقلبي أكثر مرده بيعرف .. وداام كلهم هني .. خلهم يدرون
جاسم وخالد طالعوا سالم بأصغــاء ومشعل سحب له كرسي وقعد قريب من سالم
قال سالم بعد ماكح بصعوبه : سمعوا .. أدري انكم بالبدايه كرهتوني لسبب واحد ... وهو اني أخذت أمكم بعد عدتهــا على طوول
جاسم قاطعه : ياعمــي احنــا
قاطعه سالم : خلني يبه أكمل ..
جاسم سكت ..
سالم : زواااجي من أمكم خلاكم تعتقدون .. أني السبب بوفاة أبوكم .. وخاصه اني كنت على خلاف مع مبارك الله يرحمه قبل الحادث بيوم ..
( قال لهم السالفه كلهــا .. بس أنتوا راح تعيشونهــا لحظه بلحظه .. )
رن تلفون ولقى المتصل ( صديق عمره )
مبارك بتنرفز : خير شبغيــت ؟!!
سالم : بروووك ... شووف أدري انك زعلان وواااصل حدك منــي بس أنا متصل أ ... أتأسف .. ماكــان قصدي واللــه هم اللي قالو لي بيسون خوش مقلب وشاركتهم ..
مبارك : بس ياسلووم المقالب مو جذي ... بغيت أطلق المره امس .. كله منكم ومن مقالبكم ..
سالم : شدعوه مو لهدرجه ...
مبارك بتنرفز : لو أنك سامع صوت ابراهيم بالتلفون جان قلت حرررررررمــه مو ريــال
سالم ماات ضحك : هههههههههههههههههههههه
مبارك : أي اضحك شعليك مو أنت اللي ولع البيت عندك أمس ..
سالم : المهم ماعلينــا .. أنا متصل أتأسف ... وأعزمك على مطعم ..
مبارك : اذا ابراهيمووه معاك ماني ياي
سالم :هههههه لا لا تحاتي مو معاي ..هالـ طلعه انا وانت وبس شرايك
مبارك : والله أنك عارف شلون تراضيني ... هههه زين زيــن أمر عليك وله تمر علي ؟
سالم : أفاا بس افااا انت تسوق وانا موجود .. ماتصير ذي ..
مبارك : ههه أنطرك
سالم : دقايق واكون عندك ..
ودقايق ألا سالم عند باب بيت بو جاسم ( مبارك )
نزل وطق الجرس الا مشعل فاتح البــاب وكان صغير حزتها
مشعل بفرحه : عمي سالم ..
سالم : هلا واللـه مشعل شلونك ؟
مشعل : بخير شلونك انت عمي
سالم : تمام ( يغمز له ) شرايك بـ دسكات السوني فله مو ..
مشعل : أتينن ..
سالم : جهزهــا لي ..بطلع مع أبوك شوي وراجع لك .. أوكي مو تنام
مشعل : لا بنطرك ..
الا مبارك جااي ..
سلموا على بعض وطلعــوا ..
وطول طريجهــم ضحك وسوالف وغشمره .. وصار اللي ماكانوا متوقعيــن
ماقدر سالم يسيطر على السيــاره بسبب السرعه القويــه ..
وأنتهت السياره وأحترقت بينما سالم ومبارك طلعوا من السياره من قوة الضربه
ترقدوا الاثنيــن بالمستشفــى كل واحد منهم فيه رضوووض ..
تعــافى سالم قبل مبــارك بشهــر .. بس بعد ماكان يترك رفيج عمره .. كان كله عنده متنقع ..
وفي يوم مبــارك
كان حاس انه يومه قريب قال لســالم اللي كان توه بشبابه طبعا منسدح على الكرسي ويطالع التلفزيــون يحاول يونس مبــارك
مبــارك بتعب : سالم تكفـى .. لا صار فيني شي .. أهلي أمــانه برقبتك ..( يكح بصوت عااالي ) وهيــا .. هيــا تكفى ياسالم .. من بعدي أنت ريلهــا
سالم قام من كرسيه معترض على كلامه وقال : لا تقول جذي .. مرتك لك .. وعيالك بعد لك .. وبتعيش لهم .. وأن شالله بتحضر عرسي بعد..
مبــارك : سالم ... هيــا توهــا صغيره مابيها تترمل وهي بعز شبابهــا .. أبيك تعوضهــا عني .. أبيها تنساني ياسالم .. طلبتك ..
سالم خاف على رفيجه : بروووك .. لا تقول هالكلام ..
مبارك : سالم .. عيالي يحبونك .. وماأبي يجيهم ريل أمه يبهدلهم .. عيالي معااك ضامن سعادتهم ....
سالم عصب من اسلوب مبارك :مبــارك الله يهداك بس ... مافيك الا كل عافيــه لا تدلع عارف حركاتك
مبــارك زاااد بكح وبطريقه خطره عليه
طلع سالم ينادي الدكاتره اللي جو لــه وحاولوا يهدونه ..
وألتقى بهيــا ( أم جاسم اللي كانت جايه تطمن على ريلها مثل كل يوم أخترعت لما شافت سالم مختبص ودخلت لقت ريلها يلفظ انفاسه الاخيره )
وسالم ماسك يد مبــارك .. وهيا تمسح على راسه وهي تيح من الخااااطر
مبــارك وهو يضغط على يد سالم : ســــــالم أهلـــي أمــــانـــه برقبتـــك .. أمـــــانــه
سالم يخفي دموعه بصراخ : مبــارك شقلنــا أحنــا ..
مبــارك يأس من سالم لف على هيــا اللي ميته صيــاح على حبيبهــا : حياتــي ... من بعــدي .. لا ترفضيــن سالم لا تقدم لـــج .. تكفيــن هذي وصيتي
سالم صرخ من كل قلبه بقهر : مبــــــــــارك .. خلاص عــاد ..
هيا حاولت تحظن مبارك لكن الدكــاتره مو معطينها فرصه لدرجه انهم أبعدوهــا عنه
اما سالم اللي للحيــن ماسك يد مبــارك
قال له مبــــارك : لو لي معزه عنــدك .. لا تتخلى عن أهلــي .. أنت ريل هيــا وأبوي عيــالي من بعدي .. طلبتـــ ـ ـ ـ ـ ـ ـ ـك
كانت هذي أخر كلمــات مبــارك
..___ الجزء الثامن عشر ___..
وبعـد ماأنكشفت كل الاوراق .. وكل واحد عرف الســالفــه ..
صفت القلــوب تمــامــا تجــاه ســالم ..وبالاخص قــلــب مشعــل
اللي مافــارق ســالم من بعد هاليــوم .. طول وقته عنده ..
وان راح عنه .. ساعه ساعتيــن 3 بالكثيــر ويرجع لــه .. يحــاول أنــه يتغيــر للأحسن مـع ســالم ..
اللي صحته كل يوم تتحســن ...
.. كلهــا 3 أيــام ورجع ســالم البيــت متعــافي لكنه مايقدر يمشي بدون عكــاز لمده أسبوع ..
عــدت هالايــام بســرعه ...
وجــا اليــوم المنتظــر .. اليــوم اللي بيجتمع فيه يوسف مع حبه الاول والاخيــر
واللي راح تحقق أنتقــامهــا فيه أمــل من خــالد أكثر وأكثــر .. وتجتمع بيوسف اللي تحبــه ..
واليــوم اللي بينمحي فيه أخر أمــل لخــالد انــه حبيبته وبنت خاله .... ممكــن بيوم تكون لــه ...
هاليــوم كــان سعيــد لنــاس كثــار .. بس حزيــن لشخص واحد وأنتوا عارفيــنه ..
....
الصبــح الســاعه 6 .. كانت أمل قايمه اول وحده مو قــادره تنــام ..
خلاص اليــوم أخر يوم لهــا في هالبيــت ..
مستــانســه .. وزعلانه بنفس الوقت ..
مستانسه لانها بتجتمع بيوسف .. وبتنتقم من اللي حطموا قلب أختهــا وبالاخص خالد
وزعلانه لانها بتفــارقهم .. بتفارق كل اللي حبوهــا ..
وفـ البيــت اللي جنبهم .. خالد كان منسدح على سريره وعينه معانقه السقف ..
مــانــام ولا جاله النوم .. سهرااان لحد ماطلعت الشمس ..
خلااااص .. أمل ماراح تكــون لــه ولا راح تكون من نصيبــه ..
قلبه يعتصر من القهــر .. وحب أمل رغم كل اللي سوته .. كل ماله ويزيد ..
مشكلته مايقدر يمنع روحه من حبها .. مايقدر يكرهــا ..
ولا يقدر حتى ينســاهــا ..
ليــش كل هالكره فجــأه جاله منهــا شسوى هو علشــان كل هذا ..؟!!
ماضرهــا ولا أذاهــا بشي ... ليش تستلذ بتعذيبــه ..
بس .. هذي الدنيــا
لو كل واحد حب نصيبه .. مــاكـــان أنجرح قلب .. ولا بكت عيوون من الـحـب وعذابــه
تذكر أخر مره كلمهــا وجها لوجه ..
وشلون كانت تستفزه بفرحه .. وتستلذ بغضبه اللي يخفيــه
غمض عيونه بقهر وقال ( تبي تخطب لي ..!! لهدرجه هنت عليهــا .. لهدرجه كارهتني .... تدري اني أحبهــا وترفضني علشان واحد غريب ..
ليــش كل هذا ... ليش ..؟؟؟؟؟ )
مــر الــوقــت ويات الســاعه 11 الظهــر ..
وأم حمد متفقه مع أم جاسم وأم ريم انهم يجتمعون كلهم في هاليــوم ..
وبالمره البنــات يروحون مع بعض الفندق.... ويتجهزون حق العرس سوى ..
الكــل راح وأجتمعوا هنــاك بستثنــاء خــالد اللي رفض يروح
ورفض يروح حتى العــرس .. مو قــادر يتخيل مجرد تخيــل انه يشوف أمــل بجنب واحد غيره
عند دلال وأمل فوق بغرفتهم ..
كانوا متجهزيــن وكاشخيــن وكل وحده تنافس الثانيــه بالجمــال
تجمعوا الاهل كلهم تحت
وأول ماوصلوا أم ريم وعيالها راحوا سيــده المهــا والعنود والدانه فوق الغرفه عند دلال وأمل
فتحوا البــاب ودشوا الا أمل بخرعه : وووويع جذي يفتحون الباب ...؟!!
المها وهي تضحك : ووووي عدلي أسلوبج شنو ويــع .. لو يسمعج الريل بهل الاسلوب طلقج بالثلاث قبل العرس ..
ضحكوا كلهم
دخلوا سلموا على بعض
المهــا : ووواااااااااااي ياحضج أموووول .. متى يجيني الدور وأتزوج ..
دلال : الفــال لنــا كلنــا أن شالله ... هههههههههه
الدانه بغشمره : لا واللــه .. دلول بتاخذ مشعل .. وأمول خذت يوسفوووه .. ومهوووي بدون تفكير بتاخذ خلووود حبيب القلب .. انا من لي ؟؟
أمل سمعت ( خلووود ) التفتت بسرعه على الدانه لكن محد أنتبه لهــا
المهــا بحالميه : وهو حاس فيني علشــان تقولينهــا بوثوق بياخذنــي .. يلا كل واحد ونصيبه .. ( تطالع دلال ) بس دلول أف كورس مشعل بدون لا لف ولا دوران هههههههههه
دلال ماردت عليها وأكتفت بالضحك ...
وقعدوا يسولفون ويضحكووون وأول ماخلصوا كشخه البنــات
نزلوا الصاله بعد مالبسه كل وحده شيلتها لانه مشعل وجاسم و فهد ( ريل الريم ) وأبو ريم وسالم
تحت ولازم يتحجبون عنهم .. نزلوا وسلموا
وتوزعوا بالصاله اللي أنترست ..
واللي عباره عن صالتين مفتوحين على بعض .. صاله فيها الريايل وصاله فيها البنــات
مشعل من نزلت دلال وهو يطالعهــا ببتسامه عريضه .. وهي تحاول تخفي ابتسامتهــا .. لكنها مو قادره ..
ماتقدر تكاابر .. تقول بتنساه وبتكرهه بس من تشوفه تنسى كل اللي قالته
شكله يدل على انه يحبها صج .. مو لعب .. بس المظاهر خداااعه ساعــات
وأول ماقعدوا وتجمعوا البنــات أبتدت أمل تدور على خالد بعيونهــا ودهــا تشوفه ماتدري ليــش ..؟؟!!
مالقته بينهم .. تقول أكيد راح شوي وبيــرجع ...
أأأكــــيـــد ..!!؟
لكن الوقت راح وجااا وقت الغدى وحطووه ..
وخالد ماجــا ..
أمل لفت على العنود اللي كانت جنبهــا : عنوود ؟؟ خالد وينه ..؟!!
العنود : ماجى مع خالتــي مادري ليش ..
أمل بصدمه : مااجــى ....؟!!!!!!!!!!!!
العنود : لا .. ( شوي الا صوت دلال )
دلال : يلا صبــايــا الغدى جـاهز ..
قامت العنود وكل البنــات وأم جاسم وأم ريم وأم حمد وراح يتغدون
الا أمل اللي قاعده بمكــانهــا منصدمه ( شدعوه مــا جــى ..؟ ما بشوفه يعني ؟؟؟ لهدرجه ماوده يشوفني كلش ...)
قطعت حبل افكارها الريم : يالعرووس تعالي قبل لا يخلص عنج الاكل ..
أمل أبتسمت لها أبتسامه ماتحمل أي شعور وقامت وراهــا
بعد ماخلصــوا غدى وسولفوا شوي .. تجهزوا كلهم علشان يروحون الفندق ع 2 ونص جذي
ووصلت لأمل هداايــا شكثر من رفيجاتهــا اللي مطرشينهــا لها مع السيــاق ومايقدرون يجون هم بنفسهم ..
باقــات ورده جنــان شكلهم .. وكل وحده تقول الزود عندي
حطووهم لها بغرفتها ... وأمل قالت بتفتحهم بعد ماتطلع من الحمام لانها بتسبح
وأول ماطلعت من الحمام كانت حزت طلعتهم جاات خلاص .. بس هي قعدت تفتح الهدايــا لحد ماينادونهــا ويقولون لها خلاص بنطلع
فتحت أول هديه لقتهــا من حبيبتهــا نوف كاتبه لها على بطاقه صغيره
( مــبـــروك ياقلــبــي .. منه المــال ومنج العيــال .... بتوحشيني يالدبه .. أختج .. نوف )
والثانيه من نوره رفيجتهــا ( مبــروووووووووووك ياقلبي ألف ألف ألف مبروك .. الله يوفقج ان شالله ويهنيج .. ولا تحاتيــن جايه عرسج جايته ..)
والثالثه والرابعه و واااايد غيرهم ..
توهــا بتفتح وحده بعد الا العنود فاتحه البــاب : أموول يلا نزلي بنحرك اللحيـن
امل : جهزتوا خلاص ؟؟
العنود : ايوه .. يلا حركي روحج .. لا تأخرينــا ههههههه
أمل وهي تضحك : ان شاللــه . هههههههههههههه
طلعت العنود وقامت أمل لبست عبايتها وشيلتهــا ورجعت قعدت ع السريع تفتح وحده من الهدايــا عن خاطرهـا
وأأأأأأأأأأأأأأأأأأأأأأأأأأأأأأأأأأأأنصـــــــــــ دمت لما لقت باقة الورد هذي من خـــالد ..
( كانت عبــاره عن باقه مزيــج مابيــن الاحمــر والاصفــر ومنسقه تنسيــق حلــو .. وتدل على الحب والغيــره )
قرت المكتــوب بالبطاقه وهي مو مصــدقه عينهــا
قال لهــا (مبـروك .. ويهمني تعرفيــن .. أنــي متمني لج كل الخيــر معــاه .. أخــوج خــالد .. )
رجعت قرت البطاقه مره مرتيــن وثلاث ..
... كلمــات قليله .. بس .. أثرت فيها وايـــد .. معقــوله هالباقه من خالد ..
دخلت عليها أمها
أم حمد : أموول ..!!؟ يمه .. صار لي ساعه أنــاديج .. وانتي قاعده تشوفين الهدايــا لحقه عليهم يمه قومي بسرعه بنتأخر
قامت أمل وفتحت الدرج ع السريع وطلعت دفترهــا ودعست هالبطاقه فيه ع السريع
وطلعت وهي تقول : كاني خلصت .. كان ودي اشوف الهدايــا
أم حمد اللي تمشي جدامها : لاحقه عليهم يمه ..
راحوا كلهم الفندق وخصيصا فوق الغرفه اللي حاجزينها للعروس ..
واول مادخلت لقت الكوافيره و الممكيجه .. قاعديــن ينطرونهــا
وبالغرفه الثانيه اللي جنب غرفه أمل ... في ثنتيــن يمكيجون ويسون الشعر بعد
تمت أمل بروحهــا بهلـ غرفه وبلشووا فيهــا على أقل من مهلهم ..عندهم اليوم كله ..
أم الغرفه الثانيه اللي صارت زحمه ..
كان الوقت قصير وااايد عندهم ..
لانه ما شالله واايد اللي هنــاك
( أم جاسم , أم حمد , أم ريم , دلال , العنود , المها , الريم , الدانه )
فستغلت الفرصه المهــا وخذت الريم وأم جاسم وام ريم معاهــا وراحوا الصالون ..
علشان يخلصون بسرعه .. وبصدفه لقوا أهل المعرس هنــاك بنفس الصالون اللي راحوا له هم
مـــر الوقت ... ورساله خالد مافارقت بال أمل ..
طول الوقت تفكر فيــه .. كم كلمه قالها بالبطاقه لخبطت كيانهــا
جــات حزت العــرس والصاله مشتعله
وخاصه صوت الطق كل ماله ويعلى .. كانوا الفرقه اللي جايبينهــا روعه ..
وكل البنــات قاموا يرقصــون والضحك والونــاسه مسيطر على الجــو ..
لحد ماجــات حزت زفه العروس ..
كانت أمل متوهقه بعمرهــا ترجف من راسها لريلهــا مو مصدقه أنهــا أنحطت بنفس موقف ريم ..
صوت الاغــاني يعلى كل ماقربت صوب الكوشه وكل العيــون عليهــا
هذا غير المصوره اللي تصورهــا وبهدلتهــا بالفلاش اللي كل دقيقه طالع بويهــا ..
ووحده ثانيه جايبينها تصور بالفيديــو ..
تمت على هالحال لحد ماوصلت بأمان للكوشــه .. زين ماأغمى عليهم بنص الطريج ..
عدت ســاعه وأمل ماغير توزع أبتسامات كل ما لفت لصوب لقت وحده تطالعها وتبتسم ..
شوي ألا زفت المعرس هنــي زااااااااااااااادت دقات قلب أمل ..
وهي تشوف يوسف يتقدم بخطوات بطيئه تجاهــا .. وقفت وابتسامه الخجل على شفايفهـا وتحاول تلتهي بأي شي بس ماتشوفه وتسيح من الحيــا
وصل يوسف جنبهــا والابتسامه شاقه ويهــا شق ..
خذت نظره خاطفه سريعه على يوسف وصدت ..
وهي تطالع الشبــاب اللي يضحكون ويرقصون .. ومشعلليــن الجو ..
واخوها حمد ضايع بينهم ..
ومــن بين هالشبــاب كــان خــالد .. أيــوه خــالد الكل حوله كان يرقص بحمااس والضحكه على شفاته
الا خالد واقف وهو مبتسم أبتسامه كانت غامضه بنسبه لأمل مو فاهمه معنــاهــا هل هي فرحه أم حزن ..
أما بالنسبه لكم فأكيد واضحه .. معقوله يفرح في هاليــوم ؟؟!! مستــحيــل
ومشعل وجاسم يبونه يرقص معاهم مــاكو أمــل ....
لحد ماطلعوا الشبــاب
عطى خالد نظره لأمــل خلت الدم بعروقها يتيبس وهو طالــع
مــر وقت العــرس ..
وتزوجوا يوسف وأمل .. راحوا فوق الغرفه اللي حاجزينهــا للعروسيــن ..
دخلــوا وكل واحد بدل ثيــابــه واول ماطلعوا مايمديهم يقعدون مع بعض شوي الا العشــا واصــل
قعدوا تعشوا ومع شوي ضحك وسوالــف وغشمره من يوسف
ودخلــوا ناموا على طووول من التعــب ..
واليــوم التــالي ..
راحوا يوسف وأمل بيتهم ( الا وهو ) بيت بو راشد
لانهم راح يسكنون هني حالهم حال راشد ومرتــه أول مادخلــوا كانوا هيــام ومنــال وأسمــاء بستقبالهم
هيام بفرحه وهي تشيل شنطه أمل عنهــا : هــلا وااااااااااااااللــه تو ما نــور البيـــت ياقلبــي
أمل بخجل : منــور بأهلــه ..
منال وهي تسلم على أمل بالخد : هلا واللـه بمرت أخوي ... الله يعينج عليــه صراحه
يوسف بغشمره : منول شدعوه من أول أبتدينــا تشويه صور هههههههههههههه
أسماء ببتسامه : حياااج .. البيت بيتج ..
أمــا يوسف فقال : عن نفسي أستأذن بروح أكمل أمور تسجيلي بالشركه ورااااجــع بالمره تعوديـن عليهم حياتي ..
أمل أرتبكت لما درت انه يوسف بيروح وبيخليها معاهم .. بنفسها اول مره تقعد معاهم كلهم ..
طلع يوسف بعد ماحط شنطت أمل وشنطته بالصاله
دخلت أمل وحولها البنــات .. طبعا هي ماتعرف تسولف معاهم فستغلت سالفه انها تعرف هيام علشان تسألهــا : ألا هيووم .. خالتي وينهــا ؟ أبي أسلم عليهـا
هيام : تنطرج بالصــالــه ..
راحت أمل الصــاله وألتقت بأم يوسف (( أم راشد )) وباست راسهــا وهي تقول : شلونج خالتــي ..
أم راشد ببتسامه : بخيــر .. شلونج انتي ؟
أمل : أنا زينه الحمداللـه ..
أم راشد : أقعدي يمه ليش واقفه ..
قعدت أمــل .. وبتدت أم راشد تسألها عن اخبــارهــا ..
شوي الا شوق جااايه الصاله ركييييض : وين أــمــي ؟؟!!
أسمــاء : تعالي يمه سلمي على مرت عمــج ..
شوق : انزيـن ... ( جات باست أمل على خدها ورجعت تسأل ) أـمي ويـن ؟
أم راشد : عمج راح بيخلص شغله وراجــع ..
شوق بحزن : ليش ماسلم أـلي ؟!! سلم أـليكم كلكم ألا أونــا ..
أمل أستانست عليهــا قالت لهــا : تعــالي حبيبتـي .. قعدي جنبي ..
شوق راحت قعدت جنب امل
أمل بحنــان : أنتــي شسمــج ..
شوق بخجل الاطفــال وبرائتهم : شوق ..
أمــل : اللــــــــــــه .. حلــو أسمج ... من مسميــج ..؟!!
شوق : مودري ..؟؟
أمــل : يصيــر أخذه ..؟
شوق بسرعه : لااا ..
أمل بتسأل ممزوج بحنانهـا : لــيــش ؟؟ أنــا عاجبنــي اسمج ..
شوق : موبي أعطيج .. تدليــن ( تدريـن ) ليش ..؟
أمل : لـيش ..؟
شوق : لانـه أـمي يحب أسمي واااااايد .. من جذي مابعتيج( بعطيج ) أسمي علشان لا يحبج أنتي أكثل ( اكثر ) منـي اونـا ..
أمل وهي تضحك : ههههههه فديتهــا ( تطالع أسمـاء ) بنتــج ؟
أسمــاء وهي تضحك : ايــوه بنتــي ..
امل : يحليهــا أتيــنن .. ( ترجع تكلم شوق ) كم عمــرج ..
شوق وهي تحرك كتفها بمعني مادري : مووودري .. ( تكلم أمها ) ماما .. كم أ ـملي ( عمري ) أونـا ؟
ماتوا من الضحك على برائتهــا ..
وبين السوالف والضحك دخل راشد ..
راشد : الســلام عليكم
كلهم : وعليكم الســلام
أسمــاء : شفيك راجع مبجر اليــوم .. ؟؟
راشد : اخوي ومرته بيجون اليوم البيــت وماأستقبلهم مايصيــر ..
أم راشد : أخوك ومرته وصلوا من زمــان .. هههههه
راشد دخل وهو يضحك : المهم أنــي وصلت .. وله شرايج يامرت أخوي ؟؟
أمل أبتسمت بخجــل بدون ماترد ..
راشد وهو يقعد جنب أمه : هــاا .. كملوا سوالفكم شكنتوا تقولون ؟؟
كبدايــه تعارف بين أمل وأهل يوسف كــانت جيده جدا .. وتبشــر بخيــر ..
بس ماتــدري شمخبيــه لهــا الايــام بهذا البيــت ..
..___ بعـد مرور شهـر___..
الظهــر .. أسمــاء وأم راشد بالمطبخ .. ومعاهم منــال
يسون الغــدى ..
أم راشد بغضب : منووووول .. أنا قلت لج يبي الملــح مو السكــر .. حركي روحج ... شكلنا مابنتغدى الا العصــر
منال وهي تدور بالمطبخ : يمــا مااادري وين حاطته انتي الملــح ... كــانــي كــانــي لقيتــه هــاج ..( تعطي امهــا الملــح )
أم راشد تكلم أسمــاء : خلصتي يابنتي السلطه ؟؟!
أسمــاء : لا يمه.. قاطعه أقطع البصــل ...
أم راشد بغضب : شفيكم تشتغلون شوي شوي .. اللحيـن بيجون العيــال يبون أكل .. وأنتوا سنه ليـن تخلصـون ( جات على بالها أمل ) منوول .. مرت أخوج هذي وينهــا ؟؟ مندعسه بدارهــا تنطر الغدى يزهب علشان ترعى وتاكل ... شنو خدم أبوهــا أحنــا روحي ناديهـا .. واايد دلعنــاهــا ترى ..
خل تجي تشوف لها صرفه هنــي
حطت اللي بيدها منال وطلعت من المطبخ وهي تتحلطم .. نفخت راسها امهـا بالصراخ
راحت غرفه يوسف و أمل وطقت البــاب فتحت لهــا امل اللي كانت تنظف الغرفه
منال : أموول أمي تقول لج نزل ساعدينــا بالمطبخ ..
أمل : زيــن اللحيـن بنزل بس اخلص الغرفه ..
منــال بهمس : ترى واااصــل حدهــا .. خلصي بسرعه ..
أمل رفعت واحد من حواجبهــا بلا مبــالاه وقالت : لما أخلص أنزل اساعدكم ..
منال : اوكي ..
راحت عنهــا وسكر أمل البــاب بغضب ..
طلعت روحهــا أم راشد كل يوم طالعه لهــا بشغلــه ..
كملت تنظيف الغرفه بعد ماشغلت المسجل وحطت على أغنيــه اليسا ..
* ليه ؟ أسمع كلام
وأحلم معاه
وأتشد لي
فجأة الغرام يطلع كلام عشمني بيه
ومين عارف أكيد قابل غرام تاني ومن تاني أوام حبيت
وليه؟
أرضى بعزاب ئلبي الي داب من عشئي لي
.أيام جميلة في عمرنا وهانت عليه
حرام ينسى الي كان بينا وينساني ،
وأنا بس بفكر فيه
بستناك
وبتمنى أعيش العمر كلو حبيب معاك ............. ألـخ *
قعدت تدندن على ألحــان الاغنيــه .. و تمايل معــاهــا وهي تنظف الغرفه بينمــا تحت
اشتعلت أم راشد وقالت : شنو تنظف غرفتها بعديـن تنزل .. خل تهد اللي بيدهــا وتنزل أحسن لهــا ....
وله والله لا اروح لها أنــا
أسماء : يمه خلاص هدي اعصابج ليش معصبه جذي .. البنت قالت بتنزل ..
ام راشد حطت اللي بيده وراحت فوق غرفه يوسف وأمل وفتحت البــاب بكل قوتهــا وهي تقول : بدل هالرقص اللي ترقصينه هنــي نزلي ساعدينــا محنــا خدم أبوج .. مخليتنــا نطبخ لج ..
أمل ألتفتت عليهــا وقالت بصدمه : خالتي الحيـن ليش هالكلام .. قلت لج بنزل اللحيــن خلاص بنزل ...
أم راشد بغضب : لا تعلين صوتج علي وجدامي يلا المطبخ
أمل فتحت عينها على كبرهــا ( شتبي ذي ) : متى عليت صوتي .. اخلص تنظيف الغرفه وأنزل ..
أم راشد : لا تقعديــن تقلين ادبج علي .. بتنزلين بالطيب وله انزلج بالغصب ..؟؟؟
أمل ( متسببه ذي ؟؟؟ ) : يــه خالتــي .. شفيج الله يهداج مفوره علي شسوي اللحيــن ؟
أم راشد : أملووه نزلي دام النفس عليج طيبه ..
أمل بقهــر : زيــــــن .. خلاص بنزل .. أأأأأف ..
طلعت من الغرفه ونزلت المطبخ قبل ام راشد وألتقت بأسماء ومنال بالمطبخ
أسماء راحت صوب أمل وقالت : أستحمليهــا حبيبتي هي شوي دمهــا حــار وبسرعه تعصب بس والله طيبه
أمل بغضب : دمهــا حـــار بس مو علي ..
منال تأشر لهم انه امها جات
راحت أمل فتحت الماي وقعدت تغسل الصحون
دخلت أم راشد المطبخ وهي تتحلطم : واللـه أحنا نتعب ونكرف وناس ترتاح فوق بداارها مادري خدم عندها أحنــا وله يوسف جايبها لنــا علشان نخدمهــا ..
أسماء اللي كانت واقفه جنب امل بس هي تقطع البصل والخضرى .. وأمل تغسل الصحون قالت بهمس : استحمليهـا عشاني
أمل قعدت تغسل ودموعهـا تنزل على خدها وتمسحهم .. بسرعه
أم راشد شالت الجدور اللي مو محتاجينها من فوق الفرن وحذفتهم بالمغسله علشان تغسلهم أمل ..
بس الطريقه اللي حذفتهم فيها أم راشد كانت قويه حيل وطشرت الماااي على وي أمل ...
أمل صرخت : شفيـــــــــج أنتي ..؟
أم راشد بغضب : فيني اللي فيج .. أهووو غسلي بس وانتي ساكته .. هذا اللي ناقص أخر عمري تجيني ياهل تعلي صوتها علي
كمل الشغل بالمطبخ ورجعوا بو راشد وراشد ويوسف من الشغــل .. وهيام رجعت من المدرسه وراحت تبدل ثيابها سيده علشان تنزل تتغدى وتنــام
وأمل ومنال واسماء وام راشد للحيـن بالمطبخ
يوسف بدل ثيابه ونزل المطبخ دخل وهو يشم ريحته الاكل : يه يه يه ... لا لا .. شكلنـا اليوم بنتغدى خوش غدى ..
( باس راس امه وهو يقول ) هاا شطابخه لنــا اليــوم ؟؟
أم راشد من دون نفس : مجبوس لحم ...
يوسف : وأنــا اقول شنهي هالريحه الحلوه اثاريها مجبوس ..
الا صوت امل قطع كلامهم وهي تنثر قطرات الماي اللي بيدها بالمغسله : خلــصت ..
وطلعت من المطبخ ركض على غرفتهــا ..
يوسف بتسأل : شفيهــا ..
أم راشد : مافيها الا كل خيــر .. روح أقعد بالصاله بحط الغدى اللحيــن ( تكلم منال وأسماء ) يلا يمه حطوا الغدى ..
حطوا الغدى وقعدوا كلهم ..
ويوسف قاعد ينطر أمل تنزل بس مانزلـت ..
يوسف بتسأل : أمل وينهــا ؟؟!!!!
أم راشد وهي تاكل : تلقاها مندعسه بغرفتهــا ...
منال طالعت يوسف بنظرات فهم منها يوسف انه امه مهاوشه امل
قام وراح لها
فتح الغرفه لقى أمل متكوره على روحها فوق السرير ودافنه ويها بين ريولهــا وتصيــح
سكر البــاب وراه وقعد جنبهــا وهو يقول بهمس : حيــاتــي شفيــج ..
أمل وهي مازالت على نفس وضعيتها بصوت مخنوق : مافيني شي ...
يوسف : الا فيج شي .. ( يرفع ويهــا ) أفــااا .. ليش هالدموع ذي كلهــا ؟؟ تدرين أني ماأحب اشوف دموعج ..( مسح دموعهـا بصبعه وهو مازال ماسك ويهــا ) شفيج ياقلــبي .. حد مضايقج ؟ حد مزعلج بشي
أمل بقهر وهي تصيح : يوسف أمك شفيها علي .. ماسويت لها شي علشان تكرهني جذي .... كل شوي مهاوشتني وله مهزئتني
يوسف ببتسامه : اللحين زعلتي علشان امي هاوشتج .. يمكن غيرانه منج ليش انج خذيتي منها ولدهــا
أمل بنفس القهر : بس مو جذي ... تبي ولدها خل تاخذه حلال عليهــا .. مابي منها شي خل تخليني بحالي
يوسف وهو حاط عينه بعينها : تاخذ ولدهـا ؟ يعني ماتبينــي ..؟؟ أفــااا .. خلاص عرفت قدري اللحيـن ..
أمل بعصبيه : يوسف مو وقت تدلع .. أنا من جذي منبطه جبدي وانت تتدلع ...
يوسف بضحكه خفيفه : زين خلاص ياقلبي لا تعصبين .. تدللي شتبيني اسوي ؟؟!!أضربهــا ؟ أذبحها ؟؟
أمل بتنرفز : أووووووووه يوسف لا تقعد تستعبط علي واللـه مـ ـ ـ ـ ـ ق ـهوره ( وغرقت بنوبه من البكاء وهي تخفي ويها بيدها )
يوسف قربها لصدره وحظنهــا وهو يطبطب عليهــا : لااا .. أمولــه خلاص عاد .. ماعليج منهــا يمكن غيرانه منج لا أكثر ولا أقل
أمل : ماعندهــا سالفه صراحه .. كاهو راشد تزوج ماسوت بأسماء مثل ماتسوي فيني
يوسف : راشد غير وانا غير .. أنا المدلل ..
قعدت تصيح أمل ويوسف يهديهــا ولما هدت كليــا رفعت راسها عن صدرته ومسحت دموعهــا
يوسف وهو يكمل مسح دموعــها عنهــا : يلا أشــوف أبتســامه ؟؟ يلا .. ترى ازعــل ..
أمل أبتسمت ..
يوسف: أيـــوووووووه .. جذي ابيج .... وماعليج منهـا اللحيـن أنزل واتفاهم معاهــا .. ماأرضه انه أي أحد يزعل أمولتــي ..
قام وهو متجه صوب باب الغرفه
يوسف : يلا تعالي خلـ ننزل نتغدى .. مابنزل بروحي
قامت أمل وقالت : أنزل جذي .. بريحتي هذي .. ثيابي كلها ريحه طبــاخ فشله ..
يوسف وهو يتسند على الباب ويتكتف : اوكي بدلي ثيابج .. وله تدريـن شلون دخلي سبحــي وكشخي وتعدلي بنطلع نتغدى برى شرايج ؟
أمل ببتسامه : حلــو ..
يوسف بخبث : حلو بس ؟؟؟؟
أمل : تسلميلي ...
يوسف يطالع السقف : زيــن أشـ هديتــي ؟؟!!!
أمل ببتــسامه : غمض عيـونك ولا تفتحهــا الا لما اقولك بأمــــــــاااااانــه
يوسف وهو يضحك غمض عيونه : هــااا كاني غمضتهــا ..
أمل : صبر شوي ..
يوسف وهو مغمض عينه يسمع حركه بالغرفه .. وأخر شي سمع صوت أمل تقول له : افتح عينك
فتح عينه لقاها داشه بالحمــام ومطرشته بوسه بالهوى : باااي ..
دخلت وسكرت البــاب عليهــا
يوسف وهو يضحك : أموووووووت فيهـا هالبنــت ..
بيـت بو حمد
العصــر
..كـانــوا كل واحد بغرفته يجهــز لسفــر لانهم كــانوا ناويـن يسافرون الامـارات اسبوع ويردون ..
وبـاجر راح يروحون ..
جهـزت دلال شنطتهــا وشنطــت حمد ... وأول ماخلصت نزلت الصاله بسرعه وهي مستانسه
دلال : يمه ... يمــــــــه .. يمــــــــــــــه ..
أم حمد اللي قاعده بالصاله تشرب شاي من بعد الغدى : هــاا يمــه .. كاني بالصـالــه ..
دلال جات وقعدت جنب أمه : يمه أبي أتصل على أموول ..
أم حمد تأشر على التلفون : كاهو التلفون جدامج تستأذنين بعد علشان تتصلين على أختج ..
دلال : لا مو جذي قصدي .. انا أقصد ابي اتصل لها ع الجوال .. ماأبي اتصل ع البيــت وترد علي أم راشد ..
أم حمد : أأي .. فهمت .... روحي أخذي جوالي بتلاقينه فوق التلفزيون بدااري .. بس لا تطوليــن تخلصين رصيدي .. وبالمره عطيني أكلمهـا أشتقت لها والله
دلال قامت وهي رايحه فوق : أن شاللــه يمه ..
دخلت غرفه امهــا شوي شوي لانه أبوهــا كان نــايم ماتبي تزعجه .. خذت التلفون وطلعت بالممر وأتصلت على جوال أمل
امــل ردت على طول بفرحه : أألـــوووو يمــه ...
دلال : أنا دلال مو أمي هههههههههه
أمل : دلول يادبه أشتقت لج .. ههههههه شلونج ..؟
دلال : أنا بخيــر ... شلونج انتي .. وشلون حبيب القلب ..
أمل تتنهد : آآه الحمداللـــه ... لحد الحيــن ( تساسرها علشان لا يسمعها يوسف ) .. بس أمه مرويتني الويــل ..
دلال : وووي .. صراحه انا ماحبيتها من اول ماشفتهـا الله يعينج عليهـا .. بس سمعي لا سوت لج شي لا تتردديــن تتصلين لنـا ..
أمل : لحد اللحيـن بس تسب وتهاوش .. لا مصختهـا بوقفها عند حدهــا .. شكلها ماعرفتنــي عدل ..
دلال: ايوه هذي أمول اللي اعرفهـا ههههههه ( بتسأل ) انتي وين اللحيـن ..؟ أسمع صوت سيــاير حولج ..
أمل : طالعيــن أنا ويوسف .. تغدينــا برى واللحيـن بيمشينــي ..
دلال بحالميــه : ووووااااااي أمووول قولي أأميــن ..
أمل : آآميـــن ..؟؟ ليش
دلال : يكون مشعل صااادق بحبه لي ويخطبنــي عما قريب
أمل : فال الله ولا فالج .. انتي ماتيوزيــن
دلال : والله أمول شكله يحبنــي ..
أمل : حبج برص انتي ويااه ..
دلال : المهم المهم .. امي تبي تكلمج نطري شوي أودي لها الجوال ..
أمل : أوكــي ...
نزلت دلال الصاله وعطت أمهــا التلفون
وقعدت جنبهـا
أم حمد : أول يمه .. أمل شلونج ياقلبي شخبارج ؟ مرتاحه عند ريلج .. محد مضايقج
أمل وهي تضحك : بل بل يمه وحده وحده علي وين اجاوب على كل هالاسئله .. هههه .. شخبارج انتي
أم حمد : أنا بخير يمه هههه شخبارج انتي
أمل : عال العــال .. ( تسوي روحها زعلانه ) يمه ..
أم حمد : عيونهـا
أمل : تسلم لي عيونج .. بتسافرون بااجر وتخلونــي ؟؟ ماأكسر الخاطر انــا ..
أم حمد : ووي يمه لو بيدي خليتج تجين معانـا .. بس ريلج عند شغل مايقدر يهد اللي بيده ويسافر ..
أمل تعلي صوتها شوي علشان يسمعها يوسف : لا بيهد اللي بيده ويسافر .. مع على كيفه ..
يوسف مارد وأبتسم بس ..
أم حمد : ههههههههه ياحليلج يابنتي .. أشتقت لحسج بالبيــت ...
أمل : اذا تبيني اجيج اللحيـن أجيج ..
أم حمد : حيــاج يمه البيت بيتج ..
وقعدوا يسولفون شوي وسكرت من عندهـا
يوسف وهو يوقف عند مطعم : يلا نزلي ياقلبي ...
أمل : يوسف .. ليش مانسافر مع أهلي ..... أنا بشهر العسل ماسافرت وقلبته علي أمك بصل ..
يوسف : تدريـن أنه شغلي مايسمح لي أسافر .. ألا بأوقات محدده ..
أمل : زين انت ولد صاحب الشركه .. خل ابوك يعطيك أجازه .. يه ..
يوسف : أنا من زمــان كنت معارض فكره اني اشتغل عند أبوي علشان سالفه الواسطه ذي .. أبي اشتغل حالي حال غيري من الموظفيــن ..
أمل وهي تتكفت : أأف .. والله قهــر .. بيروحون الامــارات وأنــا لا ....
يوسف : لا عطوني اجازه لج مني أفر فيج دول الخليج ونرجع .. واذا تبين الولايات المتحده بعد ..
أمل بستهزاء : هيهيهيهييههيههييهيهيهيهيه صدقتك ..؟ بتقول لك أمك أقعد بتقعد ...
يوسف رفع واحد من حواجبه بستنكاار : شقصــدج ؟؟
أمل ( ووي أنا شقلت ) : هــااا .. لا .. بس .. أنــا .. أنـا ..
يوسف لما شافها أرتبكت وقامت تلخبط بالكلام قال : نزلي .. نزلي بس ..
أمل تفشلت ونزلت وهي ساكته ..
( ياربي أنا شقلت .. أكيد بيقول قصدهــا اني سكاان أمي .. واااااي ياربي شلون قلتهــا اكــيـــد عصب .... )
قطع كلامها صوت يوسف اللي واقف جنبهــا : بطولين وانتي واقفه هني ..
أمل : هــااا ..؟
يوسف ( شفيها .. مو على بعضها كلش ؟؟ ) : أمشي يلا خل ندخل ...
مشت أمل جنب يوسف ودخلوا المطعم وهي منحرجه ع الاخــر
..___ الجزء التاسع عشر ___..
رجعوا يوسف وأمل البيــت بعد ماطلعوا من المطعم .. ويوسف نفسيه كلش ... واصله معــاه
دخل وراح سيده الغرفه يبدل ..
أما أمل وقفتها منال
منال : تعالي أمووووول .. برويج شغله .... شريتها لج اول امس ونسيت اعطيج اياهــا ..
أمل اللي قلبها مع يوسف تبي تروح تراضيه بس منال مامعطتها فرصه : اوكي اللحيـن بجي بروح حق يوسف شوي ..
منال وهي تمسكها من يدها وتسحبها : لاحقه على حبج .. امشي ....
ودتهــا غرفتهــا دخلتها وسكرت البــاب ..
فتحت كبتهــا وطلعت كيس كبير .. وحطته ع السرير
وقالت وهي تدور بالكيس عن شي ..: أمممم .. وينه ..( تطالع امل بنظره سريع وترجع تطالع الكيس ) قعدي ليش وااقفه
أمل بقلبها ( أبي اروح حق يوسف لا يزعل علي من صجه .. ومنول موقفتنــي ... لو يطلع شي سخيف صج صج ماعندها سالفه )
قعدت امل على طرف السرير
الا منال مطلع بجــامه نوم عباره عن بنطلون وقميص بلون الوردي على القميص بالنص خروف شكله كيوت لونه ابيض ..
أما البنطلون فيه خرفاان نفس نوع الخروف اللي ع القميص .. بس صغاار ومنثرين على كل البنطلون
ومدته لأمل : هــااااج .. شرايج ؟؟!!!
أمل بفرحه وهي تاخذ البجااامه : يااااااااااااااااي حلــو.. ( تحظن منال ) مشكوووووره فديتج ...
منال : ماله داعي لشكر .. أصلا انا شريت منها لي ولج وحق هيووم .. علشان نطقم في يوم ..
امل وهي تبتعد عنها شوي علشان تشوف البجامه قالت بقلبها ( مع انه امهم قشره ونحيسه بس عيالها قمه بالطيبه )
دخلت عليهم هيام : امووول ...
أمل ألتفتت على هيام : هــلا ..
هيام : شمسويه حق يوسف.. متكدر وحالته لله ..
أمل قامت وقفت : وووي نسيته .. ( حطت البجامه وطلعت من الغرفه )
منال بتسأل : شفيه يوسف ..؟
هيام : مادري رحت له أبي أكلمه بشغله صرخ علي وقال لي مو متفيق لج ... غريبه .. شكله متهاوش مع أمل ..
منال : وانا اقول شفيه دش سيده غرفته بدون لا يسلم ولا غيره حتى ماأخذ امل معااه ..؟!! الله يستر بس ..
بغرفه يوسف وأمل
دخلت عليه أمل لقته قاعد على الكرسي اللي بالغرفه ويقرى جريده ..
سكرت البــاب وقربت صوبه بخطوات بطيئه : يوسف ..
يوسف بدون مايطالعها : همم ..؟
أمل بتسأل كله غباء : أنت زعلان ؟ .... علي ..؟
يوسف وهو يسكر الجريده ويحطها على الطاوله اللي جدامه : لا مو زعلان .. وليش ازعل أصلا .. كل اللي قلتيه اني سكــان امي ..
بس هذا .. فيها شي يزعل ؟؟( يهز راسه ) ماأظن ..
امل : انا ماقلت انك سكان امك ..؟!!
يوسف ببتسامه كلها سخريه : لا واللـه ..؟؟ ( يعيد عليها كلامها ) .. لو قالت لك أمك اقعد بتقعد .. شمعناتها ذي الجمله ؟
أمل : أنك تسمع كلام أمك .. وماتعصي كلامهــا ...؟
يوسف ( تستهبل ذي وله شكلها جذي ؟؟ ) : واللــه ..؟؟
أمل قعدت جنبه على الكرسي القريب منه ومسكت يده وهي تقول : اسفه يوسف .. ماكنت أقصد شي بكلامي ... كنت معصبه و زليت بلســانــي ..
يوسف طالعها بنظرات ما فاهمت معناها
امل تهوس على يده : فديتك يوسف .. أأأسفه والله اااسفه ... لا تطالعنــي جذي عااد ..
يوسف : وأسفه ذي وين أصرفهــا ؟؟
امل بدلع : يلا عاد لا تقعد تتغــلــى علي .. ( ببتسامه خجل ) ماأقدر على زعلك ...
يوسف بغى يغمى عليه .. بس مازال مسوي روحه معصب : أفكــر ...
أمل قامت وقالت : شوف .. انا تأسفت .. اذا طلعت من هلـ غرفه وأنت للحيـن تتغلى .... أنســى اني اراضيك مره ثانيه ولا اكلمك حتى ..
يوسف مسكها من يدها وخلاها تقعد مره ثاني : رضيـــنــا خلاص ... بس لو عدتيها ثاني مره ... لا تلومين الا نفسج ..
امل بدلع : تهدد ؟؟
يوسف يسوي روحه يفكر : أعتبريها تهديد .. تنبيه .. أأأنذااار المهم انــها اخر مره تتكرر فيها هالجمله مفهووم ؟؟
أمل : مفهووم ياقلبي ..
يوسف : ياااااانــاس بيصير فيني شي اليوم من هالكلام الحلــو .. اللي مايطلع الا اذا زعلت ..
خلاص عيل .. بزعل كل يوم علشان اسمع هالكلام ..
أمل : ماتقدر أصلا .. حدك ( تأشر بصبعها ) دقيقه .. وترضى بعدهــا ..
يوسف يغمز لها : يااااوااااااثق ,,,,,
اليــوم التــالي ..
كــانوا الكــل متجهزيــن لروحت المطــار من الظهــر علشــان لا تطوفهم الطيــاره
وعلى فكره اللي بيسافرون هم ( أهل أم جاسم , وأهل بو حمد , وأهل أم ريم (( بستثنـاء ريم لانهـا متزوجه وقاعده عند ريلها )) )
امــا خـالد .. فبـعــد أصرار قوي منه .. رضت ام جاسم انه مايجي معاهم .. لانه كان رافض يطلع من الدوحه
يقول ماله خلق شي ..
أول ماحطت الطيــاره في الامــارت الشقيقــه ..
نزلوا .. كلهم مستــانسيــن ..
وسيــده ع الفنــدق يحطون شنطهم وأغراضهم وبعد مايرتاحون شوي
يبتدون هيــااااتــه ..
حجــزوا لهم جناحيـن
جناح لشبــاب ( جـاسم , سالم , بو حمد , مشعل , بو ريم)
وجناح للبنــات ( أم جاسم , أم حمد , أم ريم , دلال , العنود , دانه , المهـا + خدامه أم حمد )
أمـا حمد على حسب مزااجه يرقد عند البنات وله الشبــاب
الوضع عادي عنده ..
اول ما حطوا اغراضهم ورتبوهــا
طلعـوا هجووم ع الاســواق يتشروون ..
اول ماوصلـوا السوق ..
نزلوا الشباب ودشوا أول وبعدها نزلوا البنات ورااهم ..
ومــاخلــوا شي ألا وشرووه ..
من ملابس وأكسسورات وعطورااات ..
اما الشبــاب شروا لهم عطور وملابس .. ومشعل اخذ له كابــات شكثر له وحق خالد
وسط هالدواره قعدوا يتأملون المجمعـات والاســواق التجاريه الراااااائــ ع ــه
وكل شي تطيح عيونهم عليه .. وبعد هالتعــب من هاليــوم الطويل شروا لهم اكل وهم راديــن الفندق
وتجمعوا بجنــاح البنــات ..
كـانوا طالبيــن من هارديز .. وأشكالهم من الجوع جنهم في سباق من يخلص أول ..
خلصــت دلال وقامت وهي تقول : الحمــداللـه ..
أم جاسم : ووي يمه .. على وين ماكلتي شي ..
دلال : لا عمتي بسي شبعت ..
بو حمد : خليها ياهيــا تدلع ماعليج منهــا ...
أم حمد : تبين أغطي سندويجج واحطه لج بالثلاجه اذا تبين تاكلينه بعديــن ؟؟
دلال ببتسامه : لا يمه شدعوه .. خلاص بسي شبعت .. وأصلا بروح انــام بعديــن ..
العنود : أحلااااا ... على اللي يبون ينامون خفاف هههههه
دلال طالعتها بنظرات وراحت عنها المطبخ .. كانت عيزانه تروح الحمــام فختصرت الطريق وسيده المطبخ عشــان تغسل يدهـا
بالصاله اول ماقامت دلال الا مشعل : الحمداللـه ..
أم جاسم : هووو ..؟ يمه مشعل ؟؟ كليت انت الحيـن ؟؟
مشعل وهو يوقف : مسوي رجيم قاسي الله يسلمج هههههه
ضحكوا كلهم
سالم : يعني هذا أكل ولدج .. ماتعرفيــنه ..
مشعل : كاهو عمي قال لج .. هذا أكلي بعد شسوي ... ههههه
عطاهم ظهره وهو متجه للمطبخ ..الا أم جاسم : يمه الحمام ( الله يعزكم ) من ذاك الصوب مب من هني
مشعل توهق قال : لا .. بروح اخذ لي عصيــر
أم جاسم : أاهـاا .. روح يمه روح
بالمطبخ دلال كانت تنثر قطرااات المــاي اللي بيدهــا
وسحبت لها كم حبت فاين ومسحت يدها أستدارت بتطلع الا مشعــل : الســلام على أحلا بنت بالوجود ..
دلال أخترعت : مـ ـ ـ ـشـ ـ ـ ـعـ ـ ـ ـ ل ؟؟
مشعل وهو يوقف جنبها علشان يغسل يده : أأأي مشعل .. خرعتج ؟؟؟
دلال تبتعد عنه ماتبي توقف قريبه منه : شعندك جااي تغسل يدك هنـي ؟؟ ليش مارحت الحمــام ..
مشعل سحب له فاين ومسح يده : أنا جيت هني علشان اشوفج واكلمج .. طول الوقت مع البنات وامج وامي .... مو معطيني فرصه أتكلم معاج ..
دلال جااا في بالها كلام أمل ...( مايحبج ..؟ ماااتفهميــن ..)
طالعته بنظرات قهــر والود ودها تصيـح بس متمالكه روحها لأخر درجه ..
مشعل بستغراب : شفيج تطالعيني جذي ..؟؟!!!!! ( بصوت هادي ) .. ماعلينــا ... حياتي شلونهـا ؟؟
دلال أستجمعت قواها وقالت بصوت وااطي بس كله حزم : مانــي حياات حد ..؟ ورجاءا كلمني بأحترام ..
مشعل قرب صوبها شوي وهو حاط يده بمخباه : يتغلى الحلو ؟؟
دلال بغضب : مشعــل ... ماله داااعي تكمل هالتمثيليــه .. انا عارفه انك مستغل فرصه اني أحبـك و قاعد تتسلى بمشاعري ..
( غرقت عيونها بالدموع بس بدون ماتنزل دمعه ) حرااام عليــك
مشعل بصدمه : أنــا ؟؟؟
دلال بغضب أكبر من اللي قبله بس مو بصرااخ : أأي انت .. مااني لعب بيدك ..تتسلى فيها ولما تمل منها تبدلهـا أنا حبيتك وماكنت أبي منك شي
الا انك تبادلني هالحب ..( بخنقه ) تروح تلعب علي ..
مشعل بستـغراب سيطر على ملامحه : شقاعده تقولين انتي ... متى لعبت عليج يادلال ...أنــاااا ....
دلال على صوتها شوي بس هم مو بصراخ : أنت شنــو ... أنت ماعندك لا أحترام ولا أدب ولا أخلااااق .. خســاره والله أني حبيتك ..
نزلت دموعهــا على خدها مسحتهم وطلعت من المطبخ سيده على غرفتها
وخلته بحالته ذهوول وصدمه
دخلت غرفتهـا شوي الا العنود داااشه عليهم
تبي تناام .. سمعت صوت أنينهــا وهي متغطيه كلها بللحــاف ..
جات بسرعه صوبها وقعدت على السرير جات بالتشيل اللحاف عن ويها بس دلال مسكته بكل قوتها : خليني بروحي ..
العنود وقف قلبها لما سمعت صوت دلال الباكي سحبت اللحاف بكل قوتها الا تشوفها
وشافت ويها غرقان بالدموع وصاير حمر
العنود بخوف : دلول شفيج ..؟؟
دلال وهي تخش ويها بيدها : مافيني شي
العنود : الا فيج بتقولين .. وله أنادي خالتي ..
دلال بغضب : مافيني شي شفيييج .. أبي انام خليني
العنود وهي تمسك يد دلال وتوخرها عن ويها : شوفي ويهج شلون صاير من الصياح وكل هذا مافيني شي ..
دلال قامت حظنت العنــود بقوه وقعدت تصيح
العاده تطيح بحظن أمل وتبجي .. بس أمل اللحيـن بعيده عنهــا
ماعندها من تشكي له ..
العنود وهي تحظن رفيجتها وبنت خالتها وأغلى الناس لها : حبيبتي شفيج ..
دلال : أحبــه .. وهو يلعب علي ..
العنود عرفت على طول انه مشعل : يلعب عليج ؟؟؟؟
دلال : أمول قالت لي ... سمعته وهو يتكلم عني ويقول انه مايحبني
العنود : بس تصرفاته كلها تبين العكس ؟؟ شلون يلعب عليج وانتي وحده من أهله .. ولا بعد بنت خاله اللي دووم معاه ..
دلال : مادري .. سأليه ..( أبتعدت عنها )..
العنود : يمكن سؤ تفاهم .. يمكن امل سمعته بالغلط .. ليش حكمتوا على طول انه يلعب .
دلال وهي تمسح دموعها : امول سمعته وهو يتكلم علي مرتيــن ..
اليــوم التــالي ..
بالدوحه ..
كانت أمل نــايمه .. غرقاااانه بالنوم
ماوعت الا بـ بــاب الغرفه ينطق شوي ويكسرووونه
فتحت عينها بتعب الا أم راشد دااااشه ..: هييييه انتي الـ ساعه 11 ونص ... لين متى بتمين نــايمه .. يلا قومي بسج نوم
امل بتعب : أن شالله خالتي اللحيـن بقوم .. تعبانه شوي
ام راشد : مافيج الا كل خيــر .. يلا قومي
أمل وهي مغمضه عيونها (( آآآآف ))..
أم راشد بصرااخ : قووومي ماتسمعيــن ؟؟ ( راحت صوب المكيف ) انا بعرف شلون اقومج ..
طفت المكيف .. وشغلت الليــتــات ... وراحت صوبها وسحبت للحاف : يلا قومــي ... لج 5 دقايق واشوفج بالصاله
أمل قامت قعدت وهي معصبه : خالتي شفيج .. صبح وليل صراااخ .... 24 ساعه تبيني أشتغل .. يوسف جايبني مرته وله خدامه لج
أم راشد بغضب : لا تطوليـن لسانج .. لا أقصه لج ..
أمل بغضب : ماعاااش اللي يقص لســان ... أنا أحترمتج وااايد .. لانج كبر يدتي .. بس أشوفج تعودتي كل يوم تصارخين علي ... صدعتيني تراج
أم راشد فتحت عينها على كبرها : كبر يدتج .. يللي ماتستحيـن .... ( راحت صوبها ومسكتها من ثيابها وهي تقول ) قووومي بالزين لا أربيج
أمل قامت وقفت وقالت بغضب : أووووووووه .. مو عيشه هذي ..
دخلت عليها هيام : شصـاير شهلـ صراخ
أم راشد : تعالي شوفي مرت اخوج اللي ماتحترم لا كبير ولا صغيــر ... أمحق تربيه ربوج اياها أهلج مثل ويهج
امل : عن الغلط خالتي ..
قاطعتها : لا غلط ولا بطيخ ... يلا ذلفي غسلي ويهج ونزلي تحت بتنظفين معاي الحوش الحيـن
أمل وهي متخصره : واللــه ؟؟ واللي يقولج ماني منظفه الحوش .. بشوف شبتسويــن
أم راشد توها بتروح تسنعها بكم طراق الا هيام مسكتها : خلاص يمه .. اللحيـن بتنزل تنظف الحوش معاج وانا بساعدكم
أم راشد : لج 5 دقايق وتنزلين وله صدقيني امج دااعيه عليج لا أدفنج هني يامسودت الوي
وطلعت وخلت امل تحترق بنار غضبها
جات صوبها هيام ومسكتها وهي تحاول تهديها : خلاص أموله فديتج .. أستحمليها .. كسبيها بالطيب ..
أمل بصراخ وصوتها راح من كثر ماتصارخ : تعــبااااااانه واللـه تعبـانه شفيكم انتوا ؟؟ ... وهالمره هذي ماتفهم .. أنا أهلي ماسووا فيني اللي تسويه عيوز النار ذي
هيام ( عيوز النــار ؟؟!!!!!!!!! )
أمل شالت روحها ودخلت الحمــام تسبح وهيــام طلعت من غرفت امل
وهي تقول : لا حول ولا قوه الا بالله ... الله يعين أمول على امي اذا بتقعد ترد عليها كل مره
عزت الله راح يصير الصراخ شي بنتعود عليه ..
وأول ماخلصت سبوح نزلت الصاله الا ام راشد تنطرهـا
طلعت بالطيب قبل لا تبدى بالصراخ أم راشد
وأبتدت تغســل الحوش اللي شكبــره بمساعده هيام اللي نظفت شوي وتعبت ودشت دااخل
.. وأم راشد ماغير تصب المــاي
..وحاطه لها كرسي وقاعده تطالع أمل اللي أنكرفت كرااااف اليهـــد ..
أبتــدوا بغسيل الحوش السـاعه 11 ونص وخلصــوا 1 ..
.. والضحيــه ... (( أمــل )) ..
أول ماخلصوا تنظيف دخلت دااخل ودموعها على خدهـا ..
خلاص ماتقدر تستحمل أكثر .. هذا وااايد عليها ماتقدر تسكت أكثر ..
اللي يصير لها أفور ..
دخلت غرفتها ومسحت دموعهــا وهـي تنطر يوسف يفتح باب الغرفه ويدخل عليها ..
شوي الا ام راشد فتحت الباب وهي تقول : ارتاحي 5 دقايق ونزلي جهزي الغدى ع السفــره .. أسماء تعبانه ..
أمل بغضب فجرته بويها : مااني مسويه شي واللي تقدريـن تسوينه سويــه ..
ماني خدامه عندج .. أظن عندج بناتج يساعدونج ..... فكيني واللي يرحم والديج .. زهقتيني عيشتي
أم راشد : والله لا صرتي راعيه البيت .. يمكن تنسمع كلمتج ... أنا راعيه هالبيت وكلمتي اللي تنسمع ... مو عاجبج الباب يوسع جمــل
أمل راحت صوبها ودزتهــا برى الغرفه ورضخت الباب بكل قوتها وهي تقول : قــطـــع ... الله يلعن الســاعه اللي رضيت فيها اعيش ببيت وااحد مع هالنسره
أم راشد وهي تضرب الباب ضربه وحده طلعت من قلبها : هييييييين ياأمول ... خل يوصل يوسف أن ماكرهتج عيشتج ماكون هند ..
أمل راحت ورمت نفسها على السـرير .. وهي تقول بصوت أشبه بلـ همسه ودموعها على خدهـا
: لو أني رضيت بخــالد ماكان صار لي كل هذا .. ماكانت سوت فيني عمتي مثل ماتسوي هالعيـوز .. كانت بتحطني بعينهــا .... وخالد ماكان بيقصر علي بشي راح يدللنــي ويحفظ كراااامتــي مو مثل يوسف ... مايقدر يقول (( لا )) حق أمه ... ( طلعت أأأأأه من قلبها ) .. آآآآآآآآه يـاخــالد ... صج ماعرفت قدرك (( بنــدم فضيــع قالت )) .. أأبيـــك ..
تمت على هـالـ حاله وهي تصيح لحد مادخل عليها يوسف اللي منهد حيله من الدوااام ..
وشافها تصيــح وكان عارف من قبل لا يدخل انها متهاوشه مع امه لانه أمه ماخلت ولا بقت عليها قالت كل الي بقلبها
يوسف : السلام عليكم
قامت أمل اول ماسـمـعت حسه وقالت وهي تصيـح : شوف يوسف ياأنـا ياأمك بهلـ بيــت ... خلاص تعبت طقت جبدي ماأقدر استحملهـا أكثر ..
يوسف وهو يهز راسه : خلاص ياقلبي بكلمهـا لج اليــوم ..
أمـل بهستيريه : وين تكلمهــا كل يوم بكلمها بكلمها بكلمهـا .. ولا شفت شي .. أذا انت ماتقدر تقول لها شي أنا مو مجبوره أستحملهـا ..
يوسف قرب صوبها يبي يحظنهــا بس أمل دزته : لاااااااااا تمسكنــي ... مابيك تمس شعره منــي ...... خلاص أنا عفت العيشــه هنــي ...
كرهت اليوم اللي شفتك فيه وعرفتك .. كرهت الساعه اللي جذبت فيها على روحي وقلت ....(( غرقت بنوبه بكــااااء ماقدرت تكمل كلامهـا ))
يوسف قرب صوبها وحظنهــا لما حس بألمهـا وضعفهـا ..
هو متأكد انه امه السبب بس مايقدر يسوي شي .. هذي امه مايقدر يصارخ عليهــا
حاول يهديهـا بس مافي امل كل مالها وتزيــد ..
قعدهـا على السرير وطلع من الغرفه نزل تحت حق أمه .. لقاهم يتغدون ..
بو راشد : تعال يبه أكل ... بسم الله ..
يوسف : مابي أكل .. شبعــان .... أبي الوالده بكلمة راس ..
ام راشد بلا مبالاه : اذا عن هالعقربه اللي تصيــح دااخل ... مو متفيقه لكم اللحيــن ..
يوسف بغضب خفيف : يمــه ... ابيج بسالفه ..
أم راشد طالعته وردت تاكل : لا خلصت أكل يصير خيــر .. ( تأشر لها بيده ) روح .. روح لها دااااخــل طب طب عليهـا وراضهـا وأنا يامــك .. بالطقاق
رضيت وله انرضيت
يوسف مارد عليها أكتفى بهلـ كلمه : نــاطرج .. بالصــاله
أول ماخلصت اكل راحت له الصاله لقته قاعد ينطرهــا
جات وقعدت وهي تقول : خيــر شبغيــت ..
يوسف وهو يحاول يتمالك أعصابه : يمه ماصــارت .. كل يوم والثــاني مهــاوشه هالمسكينه ..
قاطعته أم راشد : وسجيــنه أن شالله .. وسجينه .... شحنتك علي وهدتك .. وله بتبــدي مرتك على أمك ..
يوسف : يمه أنا مو قصدي جذي .. البنت ماسوت لج شي علشــان كل يوم والثاني نجره وهواش ...
حرام عليج يمه .. البنت ماتستحمل ..
ام راشد بستهزاء : والله ..؟؟ من صجك ؟؟ وووي أنا وايد قاسيه وعليه .. جرحت مشاعرهــا ( تتكلم بجد ) هذي سوسه .. عقرب رمل ..
تتمسكن لمـا تتمكــن ... دااااشه على طمع .. شافتك ساكت وماتقول شي قالت خل أخذ اللي وراااه واللي جدااامه .. أأي مو أنت مدمغ ..
قصت عليك بكم كلمه حلوه صدقتهــا ..
يوسف بغضب: يمـــه ؟؟ .. اللي عندي عندهــا .. هي مو بنت فقر علشان على قولتج تطمع فيني ....
عندها خير اكثر من الي عندي وعندج .. وبعديـن هذا مو موضوعنـا ..
يمه تكفين طلبتج عدلي معاملتج معاهــا .. أحبهـا يايمه حرام عليج .. والله البنت بتطفش والسبه سلوبج ..
ام راشد : حبتك القراده قول أميــن ..؟ انا اللي أعدل معاملتي معاهـا .. خل تعدل هي معاملتهـا معاي .. وليش ماتصير مثل اسمـاء .. أسماء لو أهزءها من اليوم لباجر ماتقول شي ...
يوسف : ومتى أصلا هزئتيهــا .. وله ليش انها بنت رفيجتج .. مدللتهـا وذيج ماتعرفين امها .. ذليتيهـا ؟؟
أم راشد : مو شغلي .. انا مرتك ذي مو بالعتهــا .. مو مرتاحه لهــا شوفت ويها ترفع لي الضغط والسكر .. وشكلي بتجيني الجلطه منهـا ..
يوسف يحاول يتكلم بهدوء : يمه تكفيـن .. أنــا لازم أســافر باجر .. ويمكن ماأرد الا بعد 3 .. وله 4 أيــام .... تكفيــن أستحمليهــا .. عشاني
لو لي معزه عندج ..
أم راشد : اذا خايف عليها مني .. ودها عند أهلهــا أنا مو فاتحه بيتي ملجأ ..
يوسف : أهلهــا مسافريــن .. وله كنت بوديهــا بدون ماتقوليــن ..
أم راشد : والله لا عدلت ألفاظهــا افكر اعدل معاملتي معاهـا
يوسف : الله يهديج يايمه ...
أم راشد على طول قالت : وليش الله يهدينــي شايفني مينونه جدامك ؟؟ الله يهدي مرتك هالسوسه ..
يوسف بغضب وهو يوقف : أدعيلج بالهداااايــه حراااام .. سويت شي غلط ... يانــاس أحبهــا وأنتي بطفشينهـا أوووووووف .. أستغفر الله العظيم ..
راح عنهـا ودخل غرفته لقـهـا للحيـن تصيح بس بهدوء
يوسف قعد جنبهـا وهو يقول : خلاص ياقلبي .. كلمت الوالده وأن شالله خير ... أنتي عاد أستحمليهــا .. عشاني
أمل وهي تصيح بهدوء: أستحملتهـا وايد يوسف ماأقدر أكثر .. اليوم لو هيام مامسكتهـا كان ضربتنــي .. شنو أنا ماعندي اهل ..
وله ليش أنه أهلي مسافرين قالت تستفرد فيني والله لو يدرون اهلي عنهـا قطعوا لسانها هالطويل ..
يوسف تنهــد تنهيده طويله وقالت : شوفي حياتـي .. أستحمليهـا بس هالفتره عشاني وأنا بحاول معاها عشان اطلع لنا بيت بروحنـا ..
أنتي تجنبيهـا .. حاولي ماتحتكين فيها
أمل : أنا أتجنبها وهي تتعمد تأذيني .. تتعمد تسبني كل يوم والتــالي
يوسف بترجي: بس هالفتره .. عشاني .. ع الاقل بس لين أرد من السفــر ..
مايمديه يكمل جملته الا أمل : بتســافــر ؟؟؟؟
يوسف : أي ياقلبي .. توه اليوم الوالد قايل لنــا .. حاولت معاه بس ...
قاطعته : لاا اااااااااا .. ماتروح وتخليني بروحي مع أمك .. بتذبحني هذي .... ودني عند خالتي ..
يوسف بترجي : أمـل .. عشــااانــي طلبتج ..
أمل : لاااااااا .. والله ماأقعد عندهـا وانت محد .. هذا وانت بالدوحه جذي لو تسافر بتذبحنــي .. مااابي ..
ماأقعد هني بروحي معاهـا ودني عند خالتي موزه
يوسف : خالتج مســافره وين أوديج لهـا
أمل : جذاب .. أصلا خالتي قالت مابتسـافر ...
يوسف ( انــا جذاب ؟؟؟!!!! ) : أشـ مصلحتي انـي اجذب عليج ... خالتج مسافره ... واذا مو مصدقتني قومي لبسي وبوديج بيتهـا وتأكدي من نفسج
بالامـارات ..
كانوا بالألعــاب يتسلون .. وصوت ضحكهم مــالي المكــان ..
دلال والعنود وحمد والدانه والمهـا.. مـاخلوا لعبه الا ولعبوهـا ..
بينمـا مشعل كان يراقب دلال من بعيــد ويفكر بكلامهـا
"" ماله داااعي تكمل هالتمثيليــه .. انا عارفه انك مستغل فرصه اني أحبـك و قاعد تتسلى بمشاعري""
مشعل بقلبه (( انـا اللحيـن ألعب عليج يادلال ...؟؟ أنــا .. أبي أفهم بس من اللي دخل هالفكره براسج ..
وعلى أي أســاس .... ماراح يعدي هاليـوم الا وانا عارف .. ليش تغيـرت 180 درجه تجــاهـي ...
لا تسوي لي مثل أمل وترفضنــي .. مثل مارفضت امل خـالد .. ))
وبعد ماتعبـوا من اللعب .. راحــوا السينمــا ... يحضرون فلم ...
شافوا فلم أجنبي كوميدي منــاسب لهم كلهم .. يعني للعوائل
ودخلوا اصفوا البنات جنب بعض والشـبـاب جنب بعض وأبتــدى الفـلــم
شوي يضحكون .. وشوي يهدى المكــان تمـامــا .. وعلى هالحــال لحـد ماخلص الفلــم
طلعـوا من الفلــم وهم مستــانسيــن
البنــات يمشون جداام والشبـاب وراهم
الدانه وهي تمشي جنب المها: شفتـي مهووووي الاشقــر .. يااااااقلبي عليه يهبــل ...
المهــا : لا والله .. بو شعر بني أحلا ....
الدانه عقدت حواجبها وقالت : لا.. بو شعر بني دفش .. أما الاشقر رومنسي .. فديته ..
المها : الا خديه .. هههههه
الا دلال دخلت معاهم بالسالفه : لا الاشـقـر ولا بو شعر بني .. بو شعر أسود ذاك الابيض افتح واحد فيهم أحلاهم ..
الدانه بدون قصد قالت : ألا بو قميـــص برتقالي وكاااب أسود ونظــاره شمسيــه .... ويبتدي اسمه بالـ ( م ) وينتهي بالـ ( ل )
مشعــل سمعهــا لانه كان قاط اذنه عندهم من اول ماتكلموا .. أبتسم لما سمع هالجمله ..
معنــاته أنهـا تحبه ... ( YaS..!!? )
دلال طالعتها بدون ماترد عليها وصدت ..
وأول مارجعوا الفندق ..
وكلا راح جناحه .. البنات قرروا انهم يبقون بالفندق لانهم تعبوا من الدواااره ..
من الصبح وهم يدوروون .. واللحيـن الساعه 3 ...
فقرروا يبقون بالفندق يرتاحون شوي وبالليل يطلعون ..
أمـا ( أم حمد , أم جاسم , ام ريم ) لما شافوا انه البنات نو وي يطلعون من الفندق
طلعوا هم بعد ماارتاحوا شوي .. راحوا يتشروون ... على راحتهم ..
اول مافضى الجنــاح منهم ..
أحتلــوا البنــات وشغلـوا المسجــل وأبتدوا يرقصــون ويغيرون جــو ...
مرت فتره مو طويله وايد وهم يرقصون وصوت ضحكاتهم تعلى ..
الفرح كان مسيطر على الجــو .. شوي ألا الـبـاب ينطق ..
أخترعوا كلهم ..
المهــا وهي تبند المسجل : أمبي ؟!!
الدانه تتلفت عليهم : وووي من اللي جايــنــا اللحيـن ؟؟
العنــود : واحنا شدرانا وحده منكم تروح تشوف من ..
كلهم : روحي أنتــي ..
العنود ماعجبها الكلام وهي متخصره : لا والله ... أنا اخااف يمكن حد بيخطفنـي ..
دلال : وووي من زينج يخطفج .. ناقص يفقد حاسه السمع من صراااخج ...
العنود : هيهيههيهيهيهييهه ياثقل دمج .. انا ماراح اروح ... كيفكم
( وترمي روحها على الكرسي وهي متكتفه )
الدانه : يمكن خالاتي جاايــن ....
دلال : هم يمديهم يروحون عشان يردون ؟؟
(((( تزيد الطقاات على البــاب )))))
المهــا وهي تضرب ريها ع الارض : حد يشوف من ...
العنود : وليش ماتروحيـن انتي .. انتي اكبرنــا ..
المها طالعتها بنظرات والشرار يطير من عينهـا وقالت : أأف زيــن ..
راحت صوب البــاب مايمديها توصل ألا كلهم ورااهــا ..
المهــا : دامكم بتجوني جذي وله جذاك ليش قاعدين تدلعون من مساعه
دلال وهي تحظنهـا من خصرهــا : نحتمي فيج .. علشان لا طلع حرامي وله شي .. ياخذج انتي
المهـا وهي تدزهـا : ويع .. مالت عليكم اقول .. ( تعلي صوتها عشان يسمعها اللي يطق البــاب ) مـــــن ؟؟؟!!
مشعــل : أأنـــــــا مشــعــل ..
دلال وهي تنااااقــز : ووااااااي مشعـل .. لحقوني .. واااي وااي
العنود وهي تسكتهـا : بس بس .. سكتي فضحتيني .. تلاقينه سمعج .. وكل هذا ماأحبه حبج برص اقول ..
المهـا : يلا ذلفوا ع الغرف تحجبوا ( تكلم الدانه ) وانتي بدلي ثيابج ..
راحوا كلهم تغطوا ولبسوا شيلهم ..
وفتحت المهـا البـاب
مشعل اللي كان متسند على طرف الباب : سنه لين تفتحووووون ...؟!!
المهـا ببتسامه : خير مشعــل ؟؟ بغيت شي ..
مشعل : والله قالوا لي أقعد عندكم ليــن يردووون .. خايفين عليكم ..
المهــا تلاشت الابتسامه تدريجين ( بيقعد عندنــا ؟؟ عزت الله كتم على نفسنا ) : أ .. أوكي حيــاك ..
دخل مشعل وعينه تتنقل بأرجــاء الجناح يدورهــا ..
قعد وهو يقول : الا .. الباقي وين ..
المهــا : دااخل يجيبون شيلهم لحظه اناديهم ..
راحت داااخل ..
فتحت الغرفه الا تلاقيهم مختبصيــن ..
المهـا وهي تسكر البــاب : بيقعد عندنا لين يردون خالاتي ...
دلال بصدمه ممزوجه بفرحه : حلللفــي ..؟
المهـا : أأي شعليج تشققتي من الفرح ... والله ماعرفنالج يوم تكرهه يوم تحبه ..
العنود وهي تدزهـا : تحبه ماعليج بس تكابر ..
دلال وهي ترد لها الدزه : أي احبه فيها شي ...
المهـا : المهم ماعلينا قاعد ينطركم برى .. خلصوني وطلعوا ..
الدانه لبست جلابيه وقالت : مهووي ذي زينه ؟؟
المهــا وهي رافعه واحد من حواجبهـا : لا والله ؟؟ مرصصه .. عليج وااايد ضيقه .. بدليها بدليهـا
الدانه : زيـن ..
طلعوا البنات الصاله وسلموا وقعدوا ..
وكل وحده تطــالع الثانيــه ..
ومشعل ماغير يطالع دلال وله يتصدد ...
عم الهدوء المكــان طلعت الدانه وسلمت على مشعل وقعدت جنب خواتهـا ..
مشعل وهو ينقل نظره بالجنــاح ..: أمممممم ... حلو المكــان ..
محد رد عليه ..
مشعل طالعهم .. وقال : زيــن ... شغلوا التلفزيون وله اي شي ... قبل لا ادخل صوت الاغاني حاشره الفندق بكبره .. واللحيـن هدوء
المهــا برتباك : اغـاني ..؟؟ أي أغــانــي ..؟ متى شغلنـا أغاني ..؟؟
مشعل طالعها بنص عين وقال : زيـن شغلوا التلفزيون .. وله حاطينه زينه ؟؟؟
المهـا : اوكي زيـن ..
قامت شغلت التلفزيـون وردت قعدت
توه بيعلق مشعل الا جواله يرن .. شاف المتصل لقااه خــالد
مشعل : هلا والله بالغــالي ..
خالد : هلا والله مشعلووه .. أشتقت لك يالخايس ..
مشعل ببتسامه : اللي يشتاق يسب ..؟؟هههه ماعلينــا شلونك وشلون الدوحه وأهلهــا ..
خالد : والله ياخوي الدوحه مو شي بدونكم... قاعد بروحي بالبيت مجابل أربع طوف .. زين ماأستخف ..
مشعل : زيــن تعال لنا الامارات والله ونااسه خلوووود ((( نقز قلبها مها لما سمعت اسمه ))) ..
خالد : لا لا .. مالي خلق اسافر .... أجيكم ليش ..؟ اكدركم
مشعل : لا خلوود لا تقول جذي .. ألا بتونسنــا ... وبيني وبينك مكـان مبين ....
خالد : توه جسوم يقولي نفس الكلام .. يلا هانت يوم وترجعون ..
مشعل : طير زيــن هههه نبي نستانس .. نغير جو .. تبينا تعال لنــا ..
خالد : أمحق اخوي .. والله قلت حق جسوم يوم وترجع قال لي أبشر ...
مشعل : يصرفك .. هههه زين دامك متملل وطفشان ليش ماتروح حق الربع ..
خالد : نصور اربع وعشرين ساعه مجابلني أذيت الريال ..
مشعل : هههههه
خالد : ع العموم سلم على اللي حولك .. وخاااااااصه الحب ..
مشعل : ههههه والله لو اني مو عارف انك تستعبط كان رجعت على اول طياره ع الدوحه ونحرتك ههههه
خالد ضحك : ههههههه يلا سلام ..
مشعل : مع السلامه .. ودير بالك على روحك .. اكل زيـن وتحلف عدل .. لا يصيدك برد .. نصايح الوالده ههههههههااى
خالد ضحك من قلبه وقال : اوكي .. يلا اقلب ويهك ترااك خسرتنـي ..
مشعل : يامال القح .. للحيـن انت على بخلك ههههه
خالد : ومابتغيــر .. فمان الله هههه
مشعل : فمان الكريم .. ههه
سكر خالد من عند مشعل اللي قدر يخفف عليه هالـ هم اللي متربع بقلبه ..
يفكر من بقى ماكلمه ؟؟!! مابقى حد .. لف عليهم كلهم من كبيرهم لصغيرهم ..
اليـوم التــالي بالدوحه
سـافر يوسف بعد ماتطمن على امل اللي ماتبيه يروح ويخليهـا مع أمه ..
نزل أمل بخطوات بطيئه متثاقله لحد الصاله
وقعدت تشوف التلفزيــون .. ألا شوق جايتهــا ..
قعدت جنبهــا وهي تقول : أـمتـي .. أـمتــي ..
أمل وهي تحط يدها ورى ظهر شوق وتقربها صوبها : عيون عمتج ..
شوق : أـمتــي .. تجين تلـ أ ـبين مـ أ ـاي كوله ( كوره ) بالحديقه ..؟
أمل ببتسامه : لا فديتج .. تعبانه اللحيــن خليها وقت ثاني
شوق تحوس بشفاشفها : أأأمممم .. زيـن .. بلوح ( بروح ) اقول لأعمتي هيام ..
راحت شوق وخلت أمل اللي عينها بالتلفزيون بس عقلهـا .. بعيد عنه
تفكر باللي ممكن يصير لها بهلـ كم يوم اللي بيفارقها فيهم يوسف ..
سندت راسها على الكرسي وتنهدت : آآآآآه .. الله يستــر بس ...
شوي ألا أم راشد نازله ومعاها أسماء
وصوتها واصل قبلها : شوي شوي يمه .. شوي شوي .. تعبانه واايد ياحبيبتي ؟؟
أسماء اللي تعبانه حيل : أي يمه ...
ام راشد نزلت الصاله وشافت أمل وقالت وهي تتحاشها : روحي يمه السيــاره وانا يايتج .. الحيــن .. بنادي منوول بس ..
أسماء كملت مشي وهي تعبانه بينما راحت ام راشد فوق
أول ما أختفت ام راشد قامت امل بسرعه لأسماء : حياتي شفيج ؟؟ عسى ماشــر
أسماء ببتسامه على ملامحها الناعمه : تعبانه شوي فديتج .. بروح المستشفى أشوف أشفيني ..
أمل ببتسامه : ماتشوفين شر ياقلبي ..
أسماء : الشر مايجيج ( ببتسامه زاده ملامحها نعومه ) ماأوصيج على شوق .. حطي بالج عليها أذا ممكـن ..
أمل : ووي فديتج لا توصين شوااقه مثل بنتــي ..
أسماء وهي تبوس أمل بالخد : تسلمييييييــن .. ( تخفض صوتهـا) ماتستـاهليــن اللي تسويه فيج خالتــي ...
أمل ببتسامه باهته: نصيــب ... اللهم لا أعتراض ..
الا أم راشد نازله اللي ماأبتعدت وايد ..
وشافت أمل وقالت وهي تطالعها بأحتقــار : أمشي يمه أمشي .. ( تعطيها مفتاح السياره ) هــااج روحي ركبي ..
أمل تطالع أم راشد بنظرات تحدي يعني ( مو خايفه منج ) ..
طلعت اسماء وأم راشد مازالت تطالع أمل بنظرات ..
أم راشد بصوت عالي : منوووووول .. يلا بسرعه نزلي ..... ضغطي قرب يرتفع من هالمنــاظر اللي اشوفها جداامي ..
أمل وهي تلعب بخصله من شعرهـا : نفس الحــاله .. ( تبتعد عنهـا ) أأف ياربي أبي هوووى أختنقت ... ( وقعدت بدلع على الكرسي وهي تحرك راسها محاوله انها تبعد شعرهـا عن ويها ) .. أأأف ..
أم راشد بغضب : نفختي بنــار جهنم قولي اميــن ..
أمل طنشتهـا وخذت الريموت وقعدت تفرفر بالتلفزيون وهي تغني : طبيعي منك يغــارون طبيعي كلهم يشكون .. وشي عادي لا تستغرب أذا حتى بعد يبكـون .. ( تطالع أم راشد وتصد عنهـا ) جميل ودوم ساحرهم .. من أولهم لأخرهم .. تراااك انت بتجنننهم .. وفتان الهوى مجنون ..
أم راشد بأعلى صوتها : منوووووووووول ويهد ...
نزلت منال وهي تعدل شيلتهـا : كاني كاااااااااانــي ... لا حول ولا قوه الا بالله على طول صراااخ .. كاني جيــت ..
أم راشد : ناطرينج .. بالسياره ....
وطلعت ولحقتهـا منال اللي قالت لأمل : بــاااي قلبوو ..
امل : باي حبيبتــي .
..___ الجزء العشريـن ___..
بيت بو جاسم
الســاعه 10 الصبح
اللي مافيه حد غـيــر خــالد اللي تملل من مجــابل الطوفه والتلفزيون وله النت ..
شال روحه ودخل سبح وتعـدل وكشخ
لبس ثوب أبيض وغتره بيضه ونظــاره شمسيه وسحب جواله وسويج السياره وهو طالع
يبي يغيـر جو .. تعب من كثر التفكيــر فيها وهي ولا مفتكره فيــه ..
عطااهـا أكثر من اللي تستــاهلــه .... باعته لازم يبيعهـا ..
نسيته لازم ينساهــا ..
الدنيــا مابتوقف عندهــا .. اللي خلقهــا خلق مليــون غيرهــا ..
وأكيــد راح ينساها في يوم ..؟؟ بس متـى هاليــوم ..؟؟ يااهو محتــاج لهلـ يوم كثيــر ..
هالافكــار كانت تدور براس خالد وهو يشغل السيــاره ماايــدري وين بيروح بالضبط .. بس المهم يطلع ..
حط على صوت الخليــج كانوا حاطيــن أغنيه .. لفـايز السعيــد
شفت ياقلبي
شفت ياقلبي وش جاك
من حب لي باعك وراح
انت تهدي له حبك وهو
للآسف رد هداياك بجراح
خالد سمع اول مقطع من الاغنيه وغير الموجه وهو يقول : كللللللش مو وقتك يافــايز مو ناقص أذكرهــا .. وانا أبي أنساهـا
لقى أغنيه لعبدالمجيد .. عجبته ... دام انه مافيها كلمات تعور القلب
عسى الله ما يجيب عتاب
ولا بعد وهجر وغياب
عسانا مانتفارق يوم
عسى دايم نكون احباب
من الدنيا وش المطلوب
سوى راحة فكر وقلوب
وخل في هواه تذوب
وهو مثلك في حبك ذاب
عسى تسلم وتبقى لي
فرح دنياي يالغالي
في قربك يا هنيا لي
تهنيت وزماني طاب
بيت بو رااشد
الساعه 10 ونص
كانت أمل قاعده بالصاله متملله .. حدهــا .. تبي حد تسولف معااه
منال محد طلعت مع أم راشد وأسمــاء .. وهيــام قاعده تلعب مع شوق .. وهي مالها خلق تروح تلعب ..
راحت فوق غرفتهـا وسكرت البـاب بملل واضح وقعدت على سريرهـا وأتصلت على نوف
من زمان ماكلمتهـا علاقتها معاها تغيرت 180 من عقب السالفه اللي صارت لها بالمدرسه
أتصلت على البيت محد يرد ..
خذت جوالها وأتصلت لها على الجوال .. رن شوي بعدها ردت نوف بصوتها النــااعمه
نوف : ألووو ..
أمل : هــلا والله ..
نوف بستغراب : ألـو ؟؟ من ..
أمل : شدعوه فديتج ماعرفيتني ..
نوف : من معاي ؟؟
أمل قالت دامها ماعرفتني خل أستعبط عليها شوي : قلبج وعقلج ودنيتج كلهــا .. من أكون ؟؟
نوف ماتحب هالحركات قالت : صج ماعندج سالفه ... باي ( وسكرت بويهـا )
أمل ضحكت وردت أتصلت
نوف بملل : ألوو ..من ؟؟
أمل بمياعه : شدعوووه عااد .. نسيتيني ..؟؟
نوف بتنرفز خفيف : بتقولين من أنتي وله أسكر ..
أمل : أمممم .. لحظه أفكر ..
نوف : اووه .. ( سكرت )
امل ردت اتصلت بس نوف ماردت عليهـا
طرشت لها مسج ..( نوفووه يالدبه أنــا أمل .. ههه .. )
دقايق الا نوف متصله
نوف وهي تضحك : ههههه يالخايسه ... خرعتيني
أمل وهي تضحك : مو مبين .. هههه
نوف : هههه شلونج .. شخبــارج ..
أمل : الحمدالله .. تمام ... شلونج انتي ..
نوف : أنا فــااااااايــن .. هــا شخبار عروستنا ..؟ أن شالله متهنيــا ؟؟
أمل تتنهد : ألا منغثه وأنتي الصــاجه ..
نوف بخوف : ووي ليش ؟؟ لا يكون طلع نحيس ونكدي ..
أمل : ياليــت ..
نوف : يهاوشج كل يوم ..
أمل : مستحيـل يسويها أصلا ..
نوف بخرعه : لا تقولين يطقج ..
أمل : فال الله ولا فالج .. أمه قشره بشكل أأووف .. ماتتخيلينه ..
نوف : ووي .. شسوتلج
أمل : تصدقين من أفتح عيني لين أنام .. وهي كارفتني ألا امل سوي جذي ألا امل غسلي ذي .. بهدلتنــي ..
نوف : وريلج وينه عنــها ليش ماتقولين له يوقفها عند حدها ..
أمل : مايقدر يقول لا لهــا .. وشي أكيد ماراح يبديني عليهــا ... وموقادر يوصل لحل وسط .... بس وعدني يطلعني ببيت بروحي اول مايرجع من السفر
نوف : ليش هو مسافر اللحيـن ..؟
أمل : أأي .. عنده شغل برى .. مسافر هو وابوه واخوه ..
نوف : ووي عيل ياأختي كسبي أمه .. لا تستفرد فيج في غيابه
أمل : مااااقــدر والله ماااقدر .. لا حاولت أصير طيبه معاها تطلعني من طوري .... تصدقين خلتني أغسل حوووش شكبره يركض فيه الخيـل ويتعب بعد .. بروحي .. ساعدتني هيووم بنتها فديتها شوي وتعبت ..
نوف : الله يعينج صراحه .. بس هم بعد انتي كسبيها بالطيب ولا نرفزتج عدي للـ 50 وبتهديــن .. أسألي مجرب ههههه
أمل : ههههههه المهم ماعلينــا .. انتي وينج ..؟ أسمع صوت عالم حولج ..
نوف : مع أختي بالسوق نتشرى .. قلت لها أبي ملابس يدااد .. قالت لي أوكي .. وأتفقنا نطلع اليوم
أمل بتسأل : شيووم أختج عندها ولد اللحيـن صح ؟؟
نوف : أأي ولد وبنت ...
أمل ببتسامه : شسماءهم ..
نوف : نووف ونوااف ههههه
أمل وهي تضحك : مسميه عليج
نوف بغرور زائف : من قدي ..
أمل : كم أعمــارهم ؟؟
نوف : نوف توها شهريـن .. ونواف 3 سنيـن ..
أمل : ياحليلهم .. عقبالج ..
نوف : لا أنا خليني على صوب .. عقبالج انتي سمي علي وله اذبحج ..هههه
أمل : لا وي تبيني أعقد البنت ههههههه
نوف : ووي شفيه أسمي .. نووف .. مو أمل ههههههه
أمل : هههههه فديتج يالدبه أشتقــت لج ..
نوف : أنــا اكثـ .......
( الا تسمع صوت صرخه من نوف)
أمل : ألوووو .. أألووووووو ... نووووف ..
نوف ماترد عليهــا
بالطرف الثاني عند نوف
اللي طااحت كيسها كلهم اللي ماسكتهم .. مع الجوال ..
بسبب أصطدامهـا بشــاب ..
الشــاب بسرعه شال الكيس يساعد نوف : أأأسف أأسف .. أختــي .. والله أأسف ماأنتبهت لج ..
نوف وهي تشيل كيسها : عمي انت ماتشوف تمشي وعينك بالارض ...
الشاب لما لقط كم كيس قال : ماأنتبهت لج والله .. أأسف ..
نوف وهي تاخذ جوالها اللي طااح زين ماتكسر : زيــن زيــن خلاص فكني ..
الشــاب قعد يتأملهــا .. (( شايفها من قبل هالبنــت بس وين ؟؟؟ ..))
نوف وهي تسحب كيسهـا منه: قلنــا لك خلااااااصــ ..... ( أسكتت لمــا شافت ملامحه .... وووي هذا من وين طلع )
الشــاب مد يده يعطيها الكيس : تفضلي أختي .. والسموحه ..
نوف مدت يدها وهي ترجف وخذت الكيس : لا .. لا ..ماصــ ــ ـ ـ ـار شي ..
الشاب أبتسم : عن أذنج ..
راح وخلاهــا تراقبه لحد ماراح ..
نوف وهي حاطه يدها على قلبها : أمبي .. هذي ثاني مره أشرشحه فيهــا .... الحيـن شبيقول عني ..( ألتفتت تشوف المكــان اللي راح منه مالقته ) ..
أأمبي فشله ..
خذت جوالها وأتصلت على أمل اللي متحرقصه ماتدري شفيها
نوف : الووو أموووووووووووووووووول
أمل بخرعه : شفيج ..؟ شصاير .. شفيج تصارخيــن ..
نوف : لحقي علي يالدبه ... توني داااعمه ولد عمج مادري عمتج مادري خالتج مادري خالج ..
أمل : لحظه .. لحظه .. لحظه .. شوي شوي .. وين صفيتي لي ذولا كلهم ... من بالضبط ؟؟؟..
نوف اللي توترت ع الاخر : أمووووول ماأقدر أتكلم .. قمت أرجف والله ... أمبي فشله ..
أمل : أأي شفيــج ؟
نوف : لحظه أمول .. والله مو قادره أتكلم قمت ارجف .... سمعي صوتي شلون صاير.. ( تاخذ نفس ) بسكر وبرجع أتصل لج ..
أمل : أتصلي مو تنسين .. لا تخليني على ناار مادري شفيج ..؟
نوف : اوكي أوكي .. يلا باي ( سكرت حتى ماعطت امل تقول لها مع السلامه )
حطت امل جوالهـا جنبها وأفكــار وااايد يات في بالها
( شفيها نووف ..؟؟؟ لا تطقع لي بس ولا تتصل .. لها 10 دقايق ماأتصلت بتصل أنا )
الا تسمع صوت أم رااشد حااشر البيت تحت ..
أمل وهي ترجع شعرها اللي مخليته مفتوح على ورى : الله يستــر ..
نزلت الصاله لقت الابتسااامه شاااقه حلج أم راشد شق ..
أم راااشد وهي تيبب : كللللللوش .. مبروووك مبــرووووك يابنتــي ألف الف مبروك ..( تبارك لأسماء )
أمل بتسأل : شسالفه ؟؟
أم راشد بفرحه : أسمــاء حامل ..
أمل بصدمه ممزوجه بالفرح : حــامل ..؟ مبروووك
راحت لأسماء وباستها على خدها وهي تقول : مبروك أسوومه ..
أسماء بحيا : الله يبـارك فيج ..حبيبتــي .. عقبــالج
دشت عقبهم منال : السيــاره مافيها بتروول ... بروح أصب بترول وبرجع زين يمه ..
أم راشد : زين يمه روحي .. ( ساعدت أسماء عشان تقعد بالصاله )
أم راشد وهي تقعد جنب أسماء : .. يلا عــاد نبي ولد .. يكون أخو لشوااقه ....
أسمــاء : أن شالله ..
ألا هيام جاايه الصاله : شسالفه أسمع صوت يبــاب ..؟؟
أم راشد : مرت أخوج حااااامــل ...
هيــام بفرحه : من أمــل ؟؟؟!!
أم راشد طالعت أمل بنظرات خلت الدم بعروق أمل يغلي وصدت عنهــا : لا وووي .. أسمااء مرت راشد ..
هيام راحت صوبها وباستها : مبروووووووووووووك يلا عاد أبي ولد ..
أمل كانت تطالعهم والابتسامه مرتسمه على شفايفهــا ..
بس أم راشد ماتقدر تخلي هالابتسامه تدوم : وأنتي متى أن شالله ؟؟؟؟؟
أمل بتسأل كله غبـاء : متى شنو ؟؟
أم راشد : أبي أشوف عيال ولدي ؟؟!!!!!
أمل أنحرجت وقالت : اللي الله كاتبه بيصير ..
أم راشد بلهجه تقهر : ياااخوفي تحرميني من عياله ولا أشوفهم ....
أمل كانت بترااددها كالعاده بس تذكرت كلام نوف لها وعدت للخمسين مايمديها توصل الـ 30 الا أعصابها هدت
وقالت : لا أن شالله خالتــي .. بتشوفينهم وأنتي بتربينهم بعد
(( قالت بقلبهــا : لو تموتين جدااامي ماخليتج انتي تربينهم .. ناقصه عيالي يطلعون مثلج ))
أم راشد ( مو طبيعيه اليوم وراااهــا شي ... وله هذا مو حجيهـا .. الله يستر من هالعقربه ): أن شاللـه ... أسماء من أول شهر حملت وجابت شوااقه ..وأنتي بتكمليــن شهرين ولا شفنا شي ..
أمل بأبتسامه بالغصب أنرسمت على شفايفها: مو مستعيليــن ..
أم راشد : مو بكيفكم أبي أشوف عيال يوسف ...
أمل وهي تقوم : يصير خير أن شالله .. ( تكلم أسماء ) عن أذنج فديتج .. بروح أريح شوي .. مصدعه
أسماء : اذنج معاج ياروحي ..
راحت امل وركبت ع الدري بسرعه وسيده على غرفتها وسكرتها
وهي تقول : انا شللي خلاني أطلع من الاســاس ... يعني لازم تقط علي كلام يغثنـي ؟
أنتبهت على جوالها اللي كان يرن
راحت قعدت وردت الا نوف
أمل : ألوو ..
نوف بتسأل : شفيج تغير صوتج ..؟؟
أمل : لا ولا شي ... انتي اللي شفيج وقفتي قلبي عليج ؟؟
نوف بحالميه : وووواااااااااااااي ياأمــل .. شفته .. شفتــه ياأموووول ..
أمل : من ؟؟؟ اللي شفتيه ؟؟
نوف : مادري شيصير لج بالضبط .. بس اللي شفته بالمستشفى ؟؟ اللي قلتي لي انه أخو مرقد بالمستشفى ؟؟؟ عرفتيه ؟؟
أمل : خــالد ..؟؟
نوف : مادري والله شسمه .. بس يعذب والله يعذب .. عذاااااااب ..وسيييييييم مملووووح .... دعمته وعطاانــي أكياسي.. بس والله باقنــي ..والللله
أمل عرفت على طول انه خالد : بااقج ؟؟ شدعوه مايسويهــا ..
نوف : ألا سوااااهــا وعيني عينك بعد ..
أمل بصدمه : واللــه ؟؟ وأنتي شدرااج ؟؟ في شي نقص عندج ؟؟؟؟
نوف : أأأي .. ياأمــل ... دورت بين ضلووعي مالقيت قلبي .. خطف قلبي معااااااه ..من نظره وأبتسامه ... باق قلبي بدون ماأنتبه
أمل بغيــره : مالت عليج.. على بالي عندج سالفه ..
نوف : يااااي ياأملووه .. عليه نظراات تذبحه .. وصوت يدوووخ ... وابتسامه تذووووووووب الصخر ..
أمل بغيره أكبر : زين أشـ شريتي من السوق ؟؟
نوف بلا مبالاه : خلينا من السوق .. خليني أفضفض لج ..
في هاللحظه تحت بالصاله عند أم راشد اللي عصبت
أم راشد لهيام : شفتي ..؟ شفتي مرت أخوج .. قاعده تقط نغزات علي .. ويلوموني لا قلت ماأطيقها ..
هيام بنفاذ صبر : اللحيـن شقالت هي يايمه ... بتروح ترتــاح شوي ..
أم راشد تقلد طريقه كلام أمل : " برووح أرتــاح شوي (( ترص ع الكلام )) مصــدعه " شقصدهــا ؟ مصدعه مني ...
هيام : يمه انتي الحيـن بتخربين فرحتج بأسووم جذي .. خلاص عديها هالمره ..
السـاعه 1 الظهـر
فوق عند أمل اللي كانت توها طالعه من الحمام الله يعزكم سبحت
وطلعت تنشف شعرها القصير من المــاي ..
وشغلت الاستشواار علشان تنشفه .. وبالمره تستشوره ..
ولما خلصت من شعرهـا لفته وكحلـت عيونهـا وحطت لها قلوس شفاف
وراحت خذت عبـايتهـا ولبستهـا ولفت شيلتها لانهـا أتفقت مع نوف انهم يتغدون برى
وأول ماصارت نوف عند باب البيت
شالت شنطتهـا وطلعت لقتهم كلهم ( أم راشد . منال . هيام . اسماء . شوق ) يتغدون
كان ودها توصل لباب الصاله بدون حنه ورنه
بس هالشـي مستــحــيل
أم راشد : على وين أن شالله ؟؟
أمل ببتسامه مصطنعه : بروح أتغدى برى مع رفيجتي ؟؟
أم راشد : وشفيه غدااانــا مايعجبج ؟؟ وله بنت الشيخ ماتاكل أكلنـا ..
أمل ( أبتدينـا... اللهم طولج ياروح ) : لا خالتي شدعوه .. طبااخج أينن .. بس متواعده مع رفيجتي وهي برى تنطرني اللحيـن
أم راشد : شلون تطلعيـن بدون ماتعطيني خبر ..؟ وله عشان ريلج محد خذتي راحتج ..
أمل الابتسامه اللي غصب أنرسمت أنمسحت وقالت بحزم : أولا .. أنا ماأسوي شي بدون ماأخذ شور يوسف .. وثانيـا هو بنفسه قايل لي اذا بطلع وله شي عادي ... عشان ماأتمــلللل ..
أم راشد بستهزاء: والله؟؟ ماقـالي ..؟ سمعيني أنتي ...البيت هذا بيتي أنا مو بيتج انتي ويوسف .. أذا بتطلعين تاخذين شوري قبل
يمكن عندي شغله أبيج تسوينهـا ..
أمل طالعتهـا بنظرات وقالت : عن أذنج ..
طلعت وسكرت البــاب
ام راشد : روحه بلا رده ..
ركبت السياره الا نوف
نوف : هلا والله تو مانورت السيـاره .. شفيج تأخرتي
أمل بتنرفز وهي تسكر الباب : أم يوسف .. يننتني لازم تغثني كل يوم ... أنا مادري ليش ماتحبني هالمره ..
نوف تكلم السايق : روح الستـي
أمل : لالا نوف .. مالي خلق زحمت الستي ..
نوف : احنا بنروح نتغدى هناك .. وبعدها بنروح الكورنيش نتمشى شرايج ؟؟
أمل وهي تتسند : أوكي ..
نوف تكلم السايق : الستي ..( تلف على أمل ) شفيج متضايقه ومالج خلق شي ... كل هااي عشان ام ريلج
أمل : تصدقين فيني الصيحه .. مو متعوده على هالمعامله .. احاول أحترمها وأقول عيب أصارخ بويها مهما كان كبر امي .. بس هي تطلع الواحد من طوره .. تعاملني جني خداامه
نوف :ووي لا تصيحين ولا شي .. أحقريها لحد مايرجع ريلج ولزمي عليه يطلعج ببيت بروحج مو عيشه هذي صراحه ..
امل : وهذا اللي بسويه أصلا .. العيشه مع امه تقصر العمر ..
نوف بغشمره : قولي آآميــن ..
أمل : أميــن ؟؟ ليش ؟؟؟؟
نوف : الله لا يرزقني بأم ريل قشره مثل اللي عندج ..
أمل ببتسامه : تطنزيــن
نوف : أأي والله .. جد ... من وصفج لهـا أحسها نكديييييييييييه بشكل الله لا يبليني بوحده من نفس طينتهـا ..
أول ماوصلوا الستي راحوا مطعم ( آلي فرانس كافيه )
وقعدوا وطلبوا لهم ..
نوف طلبت شوربـا .. وعصير فراوله وأمل شوربا وعصير برتقال
نوف وهي تشرب العصير : اللحيـن هذا غدى ..؟؟
أمل : تبين طلبي لج .. أنا مالي نفس أكل ...
نوف تحاول تغير حالت رفيجتها : أموول يلا عاد شفيج منكده على روحج ... شيليها من بالج ع الاقل اللحيـن بس
أمل : قلبي ناغزني والله ... حااسه بيصير شي اليوم بس شنو مادري .. الله يستر ..
نوف : والله ماعندج سالفه .. شوفي نخلص غدى نروح السينما بعدييين نروح الكورنيش
أمل : لا لا .. نوفووه ماأبي ...الستي زحمــه .. زحمه .. أهل الدوحه كلهم هني
نوف : عيل اللاند ..
أمل : يعني اللاند أحسن من الستي .. اثنينهم نفس الحاله ..
نوف : نبي نتمشى شوي ..
أمل : الكورنيش من زمان مارحته ..
نوف : انا مليت منه
أمل : تقولين كلام بعديـن تغيرينه
نوف : أوكي خلاص.. لا تزعلين نروح الكورنيش ونطب بالبحر نسبح عشانج بس
أمل : فديتج هههههه
وبـعد ماخلصـوا أكـل ..
وأشتروا لهم كم شغله على طريجهم
راحوا الكورنيش كان الجو روعه مو بــارد ولا حــار داافي
وفي هوى خفيف يـرد الروح
قعدوا يتمشــون نوف تسولف وأمل مو معاهـا عينها معانقه البـحـر
وتفكـر بحالهـا اللي تغيـر بلمح البصـر .. وين كانت وويـن صـارت
أمل البنت المدللـه اللي عمرهـا محد صرخ عليهـا من أهلهـا ..
تطلع لها أم ريـل تصبحها بصرااخ وتمسيهـا بصراااخ
تفكـر شلون كــانت تـرسم حيــاتهـا مع يوسف .. وشلون بتــكــون ..
حبــته ..؟؟ لا لا .. اللي كاانــت تحس فيه تجــاه يوسف مــاكــان حب .. كان أعــجــاب ..
وفكــره أنتقــامهـا من خـالد وخطــبته لهــا .. خلتهـا تتعـلق بيوسف اللي أذا خطبهـا ووافقــت عليــه
راح تحطم وتدوس بهلـ طريقه على قلب خـالد .. مثل ماداس هو وأخوه على قلب أختهــا ..
أعتقــدت انهــا تحـب يوسف .. وأنه هو فــارس الاحلام ..
لكـن طلع العكس
يوسف انسـان طيب وعاشقهـا .. ومستحيــل يرفض لهـا طلب ..
لكــن الشي اللي مو عاجبهـا فيه .. أنه ينفذ كلام أمه بحذافيره ..
ومستحيــل يقول لهـا ( لا ) بالعربي سكــان أمه ..
تنهــدت تنهيده طويله وقالت بقلبها( آآآآآه يــاخ ـالد .. هذي حوبتك كل اللي يصيـر فيني بسبـابك ... )
قطع حبل أفكـارهـا الطويل صوت نوف : ألوووووووو..
أمل ألتفتت عليها بسرعه : هممم ..
نوف : وين وصلتــي ؟؟
أمل صدت عنهـا وقالت : معــاج ..
نوف : الا مو معــاي كلش ...
أمل طالعتهـا وأبتسمت بدون ماترد..
مر الوقت بسـرعه البـرق وصـارت الساعه 8 ونص بالليـل
ركبت أمل السيـاره ومعـاهـا نوف
وصلت نوف .. أمل بيتهـا وعلى ماوصلت كان الساعه 9 وردت هي البيت
عند أمل اللي أول ماأدخلـت لقت أم راشد تنطرها بالصاله
أم راشد : كــان ماجيتي ؟؟ كان نمتــي بالشــارع أحسن لج ..
أمل وهي تسكر باب الصاله ( أأستغـفر الله العظيم .. أعوذ بالله من الشيطان الرجيم )
دخلت وهي تقول : السلام عليكم ..( وهي مكمله مشيها لدري)
ألا صوت ام راشد يوقفهـا : وووقفــي
أمل وقفت بدون ماتلف عليهـا : خير خالتي .. بغيتي شي ..؟؟
أم راشد تقرب صوبهـا : أحنا فاتحيـن البيت فندق الظــاهـر ؟؟ تطلعيـن من القايله وترديـن نصايف الليـل
أمل وهي تغمض عيونهـا تحاول تتحكم باعصابها : الساعه 9 تو النـاس ؟
أم راشد : والله أذا أهلج معلمينج على الهيــاته .. عندي أنا لا .. من تصير الساعه 7 تكونيـن بالبيــت .. مو تسع ..
أمل : أن شالله خالتي أي أواامر ثانيه ؟؟
أم راشد : وشعندج تقولينها بستهزااء ؟؟؟؟ مو عاجبج الحجي ..
أمل ألتفتت عليها بتنرفز : عاجبنــي .. صدقيني عاجبنــي .. ماهو غصب عني بيعجبنـي مو أنا ضيفه عندج ؟؟
أم راشد : لا تقعديـن تطولين لســاانـــج
قاطعتها امل : متـى طولت لساني يابنت الحلال .. شفيج علي أنتي شمسويه لج أنا علشان تكرهيني كل هالكره ماكله حلالج؟؟
أم راشد : جب ولا كلمه .. أنتي بكبرج مو عاجبتنـي ..... مادري شمحبب يوسف فيج أأي مسويته طبوب وسحوور معلقته فيج .. مخليته يمشي مثل المسبه ماعلى لسانه غيرج ..
أمل ترفع صبعها وتقربه صوب حلجها : رجــاءا ..رجاءا خالتي عن الغلط .. شنو مسويه له طبوب ... ولدج ياهل علشان أعلقه فيني
أم راشد : والله السحور ماتعرف ياهل وماياهل ... وأظن أنتي عندج الخبره الكافيه حق هالسوالف ..
أمل بنفاذ صبر : أوووووه .. أنا غلطانه اللي محترمتج للحيـن .. عن أذنج ..
توها بتركب الدري الا ام راشد لحقتها وساحبتها من شعرها منزلتها من الدري
أمل صرخت صرخه من قلبهـا من الالم : آآآآآآآآآآآآآي خالتــي .... شفيج ... هديييييييينــي
أم راشد وهي تهوس على قبضه يدها : أنا لا كلمتـــج توقفين وتسمعينــي فاهمه ..
أمل تتحرك بقوه تحاول تفلت من يدها ..
أم راشد : أنا اللحيـن بربيج ياللي مو متربيه ...
أمل صرخت بأعلى صوتها تستنجد بوحده من البنــات : منـــــــــــال ... هيـــــــام ... أأأأأأأأأأأأسمــــــــــــــــــا
أم راشد تسحبها من شعرها وتدزهـا على الارض ويطق ظهر أمل بالطاوله اللي ورااهـا ضربه قويه جاتها بظهرها: محد من البنــات هني لا تتعبيـن روحج ..
أمل وهي ماسكه ظهرها بألم شديد وبصوت متقطع من البكاء: خـ ـ ـ ـالـ ـ ـ ـتـي حـ ـرام عليــ ـ ـ ـج شـ ـ ـمـ ـسـويه لج أنــ ـ ـا
أم راشد راحت صوبها وقومتها : قومي ... قومي ذلفي غرفتج لا أدفنج هنــي ... تراني كااارهه أشوفج
أمل وهي توخر عنها بصراااخ : مو من حقج تضربيــني .... أنا أهلي ماضربوني تضربيني أنتي .. وله ليش انه محد لي كلهم مسافريـن أستفردتي فيني
أم راشد : والله أهلج مسافرين مو مسافريـن أنا كارهتج من الاسـاس ... والله وهذا ويهي أن ماخليت طلاقج على يدي ماكون هند
أمل : أأأأأأأأأأأأحســــن عشان أفتك منج ..
راحت غرفتها فوق بسرعه قبل لا تمسكها أم راشد مره ثانيه
وسكرت غرفتهـا وقفلتهـا
تسندت على البــاب وهي تتالم من ظهـرهـا وتصيــح من قلبهــا
اليـوم التــالي
كــانت أمل مو قــادره تنــام عدل من ظهـرهــا اللي يعورهــا حيــــــل بسباب أم راشد واللي سوته أمس
قامت ع الساعه 7 الصبــح وهالحزه الكل يكونون نــايمين ..
لبست عبايتهـا وشيلتهــا وطلعــت من غرفتهـا بعد ماسكرتهـا
ونزلت الصاله مالقت حد ليتات البيت مطفيــه مافيـه الا نور الشمس اللي بدى شوي شوي يخترق خيوط الستــارات
لينــور البيــت ..
مشت بخطوات بطيئه لحد ماوصلت لبـاب الصاله وطلعت الحوش
ورااحت سيده لغرفه الدريول اللي هالحزه بدون تفكير حتى نــايم مايقوم الا 8
وطقت البــاب .. كم طقه الا الدريول فاتحه والنومه لاعبه بحسبته
قالت له يجهز السيـاره بتطلــع مع انهـا عارفه انه أم راشد ماراح ترحمهـا لو درت انها ماخذه الدريول
بس شتسوي يوسف محد عشان يوديهـا وهي ماتقدر تستحمل أكثر ظهـرهـا بيذبحهـا من الالم اللي تحسه
كلها دقايق بدل ثيابه السايق وشغل السيـاره وودهـا المستشفــى
مر الوقت وصارت 9 الصبـح ..
والبــيـــت مشتــعل صراااخ أم راشد اللي صـار هالشي روتيــن من كثر مايسمعونه كل اليوم
أم راشد وهي تصارخ بوي هيام اللي كانت قاعده تتريق معاها : عيـل اقوم أبي الدريول بطرشه بمشوااار ماألقــاه ...وأكلمه اقول له تعال البيت
يقولي ماما أمل داخل هوس بتل ..؟!!!!!!!!!!!! وايد ماخذه راحتها مرت أخوج ذي .. الظاهر هي اللي تدفع معاشه كل أخر شهر .. هيـن انا اوريهـا ..
شكله الضرب اللي جاها أمس مايفيد معـاهـا
هيام اللي كانت تاكل ومنتفخ راسها من صراخ امهـا من صباح الله خير فتحت عينها على كبرها بصدمه : شنـــــو ؟؟ ضربتيهــا ؟؟؟؟
أم راشد قالت على طول : وكسـرت راسهـا بعد ..عيل راااده البيــت تالي الليــل ... الساعه صكت 9 وهي توها داشه تتمخطر .. لو يوسف هني كان حش ريولها حش
هيام : يمه حرام عليج .. ليش تعاملينهـا جذي أموول طيبه والله .... ليش ماتطيقينها لهدرجه الكل يحبها بالبيت ألا أنتـي
أم راشد : حبهـا برص أن شالله ...مرت أخوج ذي عقربه .. سوســه ماعليج منهـا ... تتمسكن لما تتمكــن سأليني عنهـا ..
هيام : يمه ع الاقل حبيهـا عشان يوسف .. يوسف يحبها يمه .. واذا درى انج طقيتيهـا مابيسكت
أم راشد : شبيسوي أن شالله ؟؟؟ بيطقنــي ؟
هيام بصوت واطي بس ينسمع : أستغفر الله العظيم ...
أم راشد وهي تكمل أكلها وهي متحلفه بأمل : أكلي أكلي أنتي ماعليج مني انا ويـاهـا .. خل ترجع بس .... صدقيني لا يكون موتهـا بيدي ..
الا يسمعون صوت السيـاره دااشه البيــت
أم راشد وهي تحط اللي بيدها وتقوم : كااهي شرفت ... أنا أوريهـا
وراحت صوب باب الصاله وهيام وراهـا ...( الله يستــر .. )
طلعت الحوش تبي تشرشح أمـل .. بس أستغرب لما شافت السايق جاااي بدون امل ..
أم راشد راحت له وسألته وهو كانت توه نازل من السياره : وووووين أمل ؟؟
السايق : دااخل هوس بيتل .. في كلام حق انا روح..
أم راشد : وشتسوي بالمستشفى قاعده ؟؟؟؟؟؟؟
السايق : أي دونت نو ...!! ( ماادري )
بيت بو فهـد
كـان صوت ضحك فهد حاشر الغرفه بينمـا صوت صرخات الريم تعلا
الريم وهي واقفه فوق السرير بخوف : فهوووووووووود.. والله ماتقرب .... واللله ..
فهد اللي كان ماسك بيده قطوه كانت تيـنن .. ويحاول يقربها صوب الريم قال وهو ميت ضحك : والله أليفه ماتعض ... شوفي شحلاتهـا جنهـا أنتـي
الريم : الا جنهـا أيـــاك .. شوف فهوووووود أن قربت صوبي وبيدك هالكائن ... والله أروح بيت أهلي ..
فهد : شدعوه عشان هالحلوه .. تروحيـن بيت أهلج .. ماتقدريـن أصلا على فرقااي ...
الريم بستهزاء والخوف مرتسم على ملامحها : هيهيه .. بايخ طلعهـا برى فهود ...
فهد قرب صوب السرير وهو يحاول يتكلم بتفاهم : أنتي شوفي مسحي على راسها وشوفي .. صدقيني بتحبينها
الريم رجعت على ورى وصرخت صرخه وهي تقول : لااااااااااااااااا .. فهد بلا عبط .... تخررررع طلعهــا بررررررررررررى
فهد حطهـا على السرير وهو فااااطس ضحــك
والقطووه قامت تمشي فوق السرير صوب الريم
الريم صرخت وهي راااده على ورى وطبت تحت .. زيــن ماطاحت بس حافظت على توازهـا
جااااااااات بتطلع من الغرفه الا فهد مااد يده الثنتيــه على طولهم وواقف جدااامهـا : لا لا .. ماكو طلعه الا لما تسلميـن عليهـا
الريم ودقات قلبها تعلى : فهووود والله أأأخــااااف شفيك أنت ماتفهم ..
فهد ببتسامه عريضه : بلا أفهم ... بس هذي هديه يوم ميلادج .. والهديه ماتنرد ..
الريم وهي متخصره : ماأبي هديتك ..
فهد بطريقه وقفت قلب الريم : كاااااااااااااااااااااهـي وراااااااج
الريم صرخت ولصقت بفهد لما شافتها نزلت من السرير وقامت تتمشى بالغرفه بتجااه فهد والريم
الريم وهي تدز فهد بخوووف ودها تصيح : فهوووووووووووود ووووووخــــر ... بلييييييييييييييييييييييز
فهد : ماني موخر الا لما تسلمين عليهــا ...
قربت القطوه صوب الريم صــار بين ريم والقطوه متر بس ...
صرخت الريم ودزززززت فهد بكل قوتها من الخرعه وطلعت من الغرفه طيرااااااااااااااان على الصاله وفهد مو قادر يسكت من كثر الضحك
نزلت بخطواات سريعه بدون لا شيله ولا شي نازله بجلابيه والحمدالله اخوان فهد وابوه مو بالبيت
وأرتمت بأحضان أم فهد اللي كانت تشرب شاي تحاول تحتمي فيها قالت وهي تلهث من كثر الركض: خالتي شوفي ولدج .. جايب قطوه البيت وغصب يخليني أمسكهــا ..
أم فهد وهي تضحك : ههههههه وي يابنتــي .. شفيها القطوه شحلاتهــا ماتشمخ ترى توها صغيره ..
الريم : مو شغلي صغيره وله كبيره .. هي خلقه تخرع
ام فهد : هههه وينه ريلج ؟؟
الريم : تلاقينه يلعب مع حبيبته .. قال سلمي عليها قال .. لو أموت ويقطعوني قطعه قطعه ماأجيسهـا ..
الا صوت ضحكات فهد واصله قبله الصاله وماسك بيده القطوه ومعـاه غاده اللي أستانست لما شافتها
فهد وهو توه واصل الصاله : شوفي غاده أحسن منج الود ودها تطبخهـا وتاكلهـا
غاده وهي تطقه على كتفه بالخفيف : هيهييههيه ضحكتني يالحمــار .. أشوفكم مستلمني من كم يوم ..
فهد وهو يضحك : فدييييت أختي البطه أنــا ..
تمت يمشون لحد ماصاروا واقفين جدام الريم وأم فهد
أول ماقرب فهد وبيده القطوه قامت الريم وراحت أخر الصاله ...
الريم بخوف : خالتي قولي له يطلعها برى ... والله أأخـــاااف أنــا حرام عليكم لعبتوا بأعصابي مايسوى علي يوم ميلاد
غاده وهي تضحك : بتتذكرين هاليوم طوول عمرج هههههه
الريم : من زينه هاليوم ... احس قلبي طااح بريلي من الخرعه .. بليز طلعوها برى عاااد
فهد وهو يحط القطوه بحظن امه : كااا شوفي أمي .. ماسكتهـا ..... تعالي مسحي على ظهرها بس
الريم : لا والله ناقصه تجيني أمراض منهـا
فهد وهو يضحك : شدخل امرااااض ... على بالج قطاااوه فريجكم ..ههههههه
الريم بستهزاء : هيهيهيهيه كلش على قطااوة فريجكم انتوا ....اللي يعري واللي مبطوطه عينه واللي مقطوعه أذنه ( قالت بقرف ) يااااااي
الله يلوع جبدك ياافهد ..
فهد وعينه دمعته من كثر الضحك : تقول الكلام وبعديـن الله يلوع جبدك يافهد .. تعالي مسحي على ظهرهـا هذي شاريها مو ماخذها من الشـارع
الريم : شللي يضمن ..؟؟؟؟؟؟؟؟؟؟
فهد : شوفي تعالي بالزيــن لا أحذفهـا عليج هههه
ماتوا من الضحك أم فهد وغاده
الريم : لو تقول أنك فهد سوها وشوف ..
فهد وهو ياخذ القطوه : لااااا .. هذي قامت تتحدى ...
راح صوبها
الريم وهي تصاررخ ولصقت بالطوفه : لا لا لا لا .. خلاص صدقت أنت فهد ... وعن مليون فهد بعد..
فهد : ترى أنا مااسمعت شي .. هــاا ؟؟
الريم بترجي : تكفى فهد .. والله أخــاف .... والله أصيــح
فهد : صيحي وأنا بسمح دموعج .. هههههه
الريم :ازعــل والله أزعــل .. وخرهــااااااااا
فهد : زعلي وبرااضيج ( وهو مازال يقرب صوبهـا )
الريم راحت أنخشت ورى الشيـره اللي حاطينها ديكور : والله اروح بيت أهلي صدقنــي .. يا فهد ....والله اروح هذااني حلللفت
فهد : روحي وبجيبج .. هههههههههههه
الريم بخوف وصوت شبه عالي : فـــــــــــــــهــــــــــــــــــــد
أم فهد اللي ميته ضحك على أشكالهم : خلاص يمه فهد .. بيوقف قلب البنت ....
فهد : ماكو .. أنا اللي متحلف فيها ههههه على قولت خالد المريخي
( دااامك بديت أتحدااانــي تحملنـي من قال لك ياصغيرون تحداني ) .. خلـ تتحمل
الريم بخرعه : تووووووووووووووووووبــه ..
فهد اللي مازال يشعر : كني اشوفك تجي بكره تحايلنـي وتقول ( توووووبه ) ماعاد أعودهـا ثاني ..
الريم وهي تضرب بريلها ع الارض : بلا سخاافه فهووود .. ( تكلم أم فهد ) خالتي شوفيه ..
أم فهد : خلاص يمه فهد .. وخر عن البنت ...
فهد وهو يرجع يقعد جنب امه : علشان خاطرج بس
الريم وهي متخصره : مع فييييييســـــك .. اللحيـن لو دااش حد من اخوانك وله ابوك وشايفني بدون شيله ..؟ شبيقولون عني ..؟؟؟
فهد اللي توه منتبه : بــل ..؟؟ انتي من متى بدون شيله .. يلا أشوف على غرفتج تستري هههههه
الريم وهي رايحه تتحلطم : والله أوريك يالدب .. قلبت يوم ميلادي خرعه ... هيــن .. أوريك
خلـ نسـافر برى حدود الدوحه شوي ...
ألــى الامـارات الشقيقه ..
كـانت الســاعه 4 ونص الظهـر ..
أنتقسموا كلهم الى مجموعـات بما أنه كل واحد يبي يروح مكــان معيــن ..
أم جـاسم وأم ريم وأم حمد .. رااااحوااا يتشــرون أأغــراااض حق المطبخ ... من صحون وجدور ألـخ ..
البنــات + حمد .. يبون يشترون أغراض من اكسسوارات وملابس حقهم وحق رفيجاتهم بالدوحه وحمد يبي يشتري ملابس له..
والشبــاب ( مشعل , وجاسم ) كان ودهم يروحون السينمـا .. بس أنجبروا يروحون مع البنــات ...
لانه ( بو حمد , وسالم , بو ريم ) محد فيهم له خلق يطلع .. قاعديـن بالفندق
عند المجموعه الاولى
أم جاسم وأم ريم وأم حمد
دخلـوا محل يبيـع هالشغــلات .. عنده أشكاال وألوااان منهم
وكل شي عنده يقول الزود عندي
أم جاسم وهي تشوف القلاصــات : شوفي ياحصه .. روعه القلاصـات ذي ....
أم حمد اللي قاعده تشوف الـ صحون : بس ياهيــا عندج شكثر قلاصـات بالبيــت ..
أم جاسم : ووي .. زياده الخير خيـريــن ..
أم ريم اللي كانت صوب الصواني ( جمع صينيه ) : شوفوا .. هالصينيه تيــنن .... من زمان ودي بوحده مثلهـا حق اذا جوني ضيووف ..
أم حمد ألتفتت على أم ريم وعجبتها الصواني راحت صوبها : ياااي .. أتيــنن بشتري لي وحده ..
وتمــوا على هالحـال كل ماعجب وحده شي .. شاروت اللي معاها فيه ..
عند المجموعه الثانيه
البنـات + الشباب
يدخلون محل ويطلعون من محــل ..
مو عاجبهم شي كلش ..
جاسم الي تملل قال : أأأأأأأف .. أأأكره شي عندي أطلع مع حريم ...
مشعل اللي كان عاجبه الوضع دام انه دلال بتكون معاه قال : أأأنــا أأأأأحسن شي صار لي بهلـ سفره .. انهم خلونـا نروح مع البنــات ..
جاسم : أأي من حقك .. ماهو القلب معاك ... لازم تكون هالحركه اللي سوها فينا أحسن حركه
مشعل : بسك حنه ... خلاص أول مايخلصوا خرابيطهم نروح السينمـا ..
جاسم : يجيني شور أرجع الفندق .. وخلك معاهم
مشعل لفت عليه بسرعه : والله ماتسويهـا .. شنو تروح وتخليني مع هالجيش .. لا حبيبي .. بتقعد معااي ..
جاسم يكلم البنات الي كانوا يمشون جداامهم : شبقى لكم ؟؟
المهـا بدون ماتلف عليه : أأكسسوارت وبوديهـات ..وبجامــات .. وبس ...
جاسم وهو يعدل كاااابه بقهر قال بهمس وهو صااااك على ضروسه بقوه : اللهم طووووووووووولــج ياروح ...
مشعل ضحك على جاسم اللي الملل واااضح عليه : لا تطيح ضروسك بس .. هههههه
وعقب ماخلصـوا دوااره ..
راحوا مطعم عازمهم مشعل على حسابه
خذوا طاولتين طاوله قعدوا فيها البنات والطاوله الثانيه مشعل وجاسم وحمد
أول مادخلوا البنات كانت أخر وحده دلال وورااهـا على طول مشعل اللي قرب صوبها وقال بهمس : أبي أكلمج ..!!
دلال أنتفض قلبهـا لما سمعت صوته ..
مشعل : واحنـا راديـن لا تدخليـن جنـاحكم بسرعه أبيج بشغله .. تكفيـن ..
ورااح عنهــا وقعد جنب حمد
بينمـا دلال قعدت مع البنـات وقلبهـا ينتفض من الخرعه ..
وبعد ماطلعوا من المطعم رااااحو السينمــا ..
وعقبهم ردوا الفندق ..
دخلـوا البنات كلهم الا دلال اللي ترددت .. توقف تنطره ؟؟
وله تروووح ..!!
شيبي ؟؟ لا لا .. يمكن يبي يقص علي بكم كلمه .. وأنا ماصدقت قال لي نطريني نطرته ..
أدخل احسـن ..
توهـا بتدخل الا صوت مشعل يوقفهـا : دلال ..!
دلال تيبست مكانها ولا تحركت شبر حتى ماألتفتت عليه
مشعل وهو يوقف قريب منها ببتسامه : زيـن لحقت عليج .. أعتقد انج مابتنطرينـي ..
دلال أستجمعت قواها وقالت وهي مازالت معطته ظهرها : شتبي مني ؟؟ بسرعه .. أبي أدخل ..
مشعل بصوت هااادي ساحر : شدعوه .. لهدرجه صرتي قاسيه علي ... خليتيني أحبج .. وبتتخلين عني ؟؟
دلال لفت عليه وقالت : لا تقول أحبج .. أدري انك تمثـل ...
مشعل وهو متكتف : ممكـن أعرف من اللي شوه صورتي جداامج ؟؟؟؟!!
دلال بنفس قوتها بس الحيــا مسيطر على الوضع : يهمك ؟؟
مشعل : كل شي يتعلق فيج يهمنـي .. ( بشاعريه ) كلج تهميني ..
دلال حمروا خدودها من هالكلام .. وقالت : سمعتك وأنت تتكلم علي مع خالد لما كنا بعزبتكم .. كنت تقول له انك ماتحبنــي
( بغصه أبتدت تسيطر على صوتهــا ) وقالت لي أنهـا مو أول مره ...!!!!!
مشعل ومليون علامت استفهام أرتسمت على ملامحه : مــن ؟؟
دلال وهي منزله راسها : أأمـــل ..
مشعل بصدمه : أمــل ..
دلال : أأي أمل .. ( بحزن وضعف ) مشعل ليش تلعب بمشاعري .. ليش لعبت علي .... ماأستاهل منك كل هذا
مشعل اللي مو قادر يصدق اللي يسمعه : يعني أمل اللــي ...............
( تذكر لما كــانوا بالمزرعه )
مشعل وهو يضحك : هههههههههههههه خلاص خلاص خلووود ماأقدر أستحمل شفيك ..
خالد : لا لا كمل .. أبي أعرف حقيقه شعورك تجاااهـا ههههههه
مشعل : شعوري تجااهـا أوصفه بكلمه وحده لا غير .. أكرهــااااااااا ..
((( صوت ضربه ع البــاب )))
خالد ألتفت على الباب وقال : سمعت ..؟ مشيعل ؟؟؟
مشعل : أي ؟ ( قام وراح فتح البـاب شاف مافي حد رجع سكر الباب وقعد جنب خالد وقال ) مافي حد ..
خالد : غريبه ؟؟
مشعل وهو يطق على رااسه : لاااا .... من جذي رفضت خالد .. تبي تنتقم لج أكيـــد ... الله يهداااهــا تسرعت وخذت السالفه من النص ..
دلال بستغراب : يعني شنو ..
مشعل : الله يسلمج كان خالد يتحداانــي أنه اذا بيوم كنتي لي .. ماراح أقدر أهاوشج وله شي ... حاولت ابين له العكس و ...( كمل لها السالفه كلها )
دلال بصدمه : أأأمــبــــي .. أمل رفضت خالد عشانـي .... يعنــي ..
مشعل قاطعها : يعني اللي سوته بس عشان تنتقم منه ... اااااالله عليج يأأمل .. بغت تفرقنا بسبب سالفه سمعتهـا من النـــ .......
قطع كلامه أم ريم اللي فتحت البـــاب تشوف شفيها دلال مادشت
وتحنطت دلال بمكــانهــا من الــخرعه ..
ومشعل سكت اول مااشافهــا ...
..___ الجزء الواحد والعشريـن ___..
مشعل قاطعها : يعني اللي سوته بس عشان تنتقم منه ... اااااالله عليج يأأمل .. بغت تفرقنا بسبب سالفه سمعتهـا من النـــ .......
قطع كلامه أم ريم اللي فتحت البـــاب تشوف شفيها دلال مادشت
وتحنطت دلال بمكــانهــا من الــخرعه ..
ومشعل سكت اول مااشافهــا ...
أم ريم بستغراب وااضح وهي تطالع الاثنين : هــلا مشعــل بغيــت شي ..؟؟!!!
مشعـل أرتبــك : هــااا .. لا لا .. بس كنت أسألهـا عن شغله .. و ... و
أم ريم تطالعه وهي مو مصدقته : و .. شنو ؟؟!!
مشعـل توتر وقام يطالع دلال ..
أم ريم بنفس الحزم : شنهـي هالشغلــه ...!!!؟
دلال ماكانت قادره تنطق بحرف من الخووف ..
مشعل لقــى عذر يتعذر فيه : حمد .. أأي كنت أسألها عن حمد أذا بيجي ينام عندنــا ولــه بيتم عندكم .. لانه خلاص بنــام ..
أم ريم : أنت تدري انه ينــام دووم عندكم عشــان جاسم ..!!!
مشعل وهو حاط يده على راسه من ورى : لا بس هو قال .. بـنــام عندكم عشان خواته ...و
قاطعته أم ريم : أأهــااا .. ثاني مره أدخل داااخل .. مو عدل مظهركم جذي وأنتوا واقفين عند البــاب .... شيقولون عنكم النــاس !!!
مشعل وهو يطالع تحت : أن شالله خالتي ..
أم ريم طالعت دلال بنظرات وقالت : دشي دااخل ..
دلال هزت راسها بالايجاب ودخلت بدون ماترفع نظرها
مشعل لما شاف دلال دخلت قال : أوكي عيــل .. أستأذن أنــا .. تصبحون على خير
ام ريم اللي نظراتها لمشعل تحمل الشك قالت بنبره صوت ماتحمل اي احساس سوى الاستغراب : وأنت من أهلــه
دخلت وسكرت البــاب
ونادت دلال اللي كانت بتشرد بس حظهـا
دلال وهي ترجف من داااخل من الخرعه راحت وقالت : هــلا عمتــي ..
أم ريم بتسأل : شكــان يبي منــج ..؟؟؟
دلال بتسأل كل غباء الدنيا فيه : هــااا ..
أم ريم بحزم : أظن كلامي واضح ..؟؟ شيبي منج ؟؟؟؟
دلال برتباك واضح : ولا شي .. سألني عن حمد وقــ ....
قاطعتهـا : ترى منظركم انتوا الاثنين بالممر مو عدل كلش .. وسالفه يسأل عن حمد مو داااشه ببالي .. قولي الصــج ..
دلال برتباك تحاول تخفي : عمتي صدقيني ماكان يبي شي .. سألني عن حمد ...
أم ريم وهي متكتفه وبأسلوب خلى الدم يفور بجسم دلال من الخوف : حمد .. نــايم عندهم صار له حولي الساعه ..!!
دلال وعينها بالارض : مــادري ....
أم ريم : شوفي دلال .. هو صج ولد عمتج بس بعد عيب توقفين تكلمينه بروحج برى وبهلـ ساعه من الليـل ..
حتى لو كان على قولتكم يسأل عن حمد .. أهم ماعلى المره سمعتهــا ترى .. وبعديـن احنا مو بالدوحه عشان بعض الناس لو شافوكم عرفوا على طول انه ولد عمتج .. أظن لو حد شافكم مابيقول الا .. شفت وحده مع واحد واقفين يسولفون هالحزه ... وماله داعي اكمل ..
دلال بصوت واطي : آآســفــه ..
أم ريم : لا تتأسفيـن ولا شي .. مابي هالشي يتكرر ...
دلال : أن شالله ..
أم ريم أبتسمت من بعد ماكانت جديه : أشوف طالعينــي ...!!
دلال رفعت نظرها اللي كان الخوف مبين فيه بدون ماتنطق بحرف
أم ريم حظنتهــا وهي تقول : لو ماأخاف عليج حبيبتــي ماكنت كلمتج .. أنا عادتج وحده من بناتي ياقلبي ..
دلال أرتــاحت شوي لما حطت راسها على صدر عمتها وغمضت عيونها بأرتياااح وقالت : أنتي مثل أمي ماأزعل منج ..
اليــوم التــالي
بالدوحه ..
بيت بو راااشــد
الســاعه 3 العصــر ...
كـانت أم راشد قاعده بالصاله تلاعب شوق بينما أسمـاء تقرى مجله
لما أنفتح باب الصاله ودخلت أمل ..
أم راشد لفت رااسهــا وتغيرت ملامحها من الحنيه والضحك الى القسوى والتكشيره : شرفتي ...؟؟؟
أمل دخلت وقالت وهي تسكر الباب : السـلام عليكم ..
أسماء : وعليكم السلام
أم راشد : شموديج المستشفى يامدام أمل ...؟؟؟
أمل : حسيت بصخونه وكحه رحت المستشفى ...
أم راشد : وماعندج لســان تتكلميــن تقولين خالتي بذلف المستشفى ؟؟ وله السايق سوااق ابوج ..؟؟
أمل سكتت ولا ردت كــانت حاسه بضعف وعينها مليانه دموع تعبت من مراادد هالمره كل يوم ..تنهدت تنهيده طلعت من قلبها
أم راشد : نفختي بنار جهنم ؟؟ وويــن أنخمدتي أمس ... وشحقه مارديتي البيت ...!!
أمل : ببيــت رفيجتي ..
أم راشد : وأي رفيجه ذي ..؟؟ من وين طلعت ... ماخبرج تتصلين حق رفيجاتج ...؟؟ تبين تقصين علي ...!!
أمل وهي تنزل الشيله عن راسهـا : نوووف .. رفيجتي من زمــان ..
أم راشد : وشللي يأكد لي ..
أمل طلعت جوالهــا وأتصلت على نووف رن شوي وردت نوف
أمل : ألو نوف ..
نوف : هلا حبيبتــي شلـونج ..اللحيــن ..!!!!!
أمل ماردت عليها وقالت : أم يوسف تبيج هااج كلميهـا ..
راحت صوب أم راشد ومدت لها الجوال
سحبته أم راشد بقوه وهي تقول : هـــاااتــي .. ( تكلم نوف ) أألوووو ..
نوف ( من أولها جذي الصوت ) : ألوو ..
أم راشد : من معــاي ..؟؟؟؟
نوف ( تسوين روحج ماتدرين يعني ) : نووف ..
أم راشد : أموووول كانت نايمه عندج أمس ؟؟
نوف بتوتر خفيف: أأي .. كانت عندي ليش السؤال ..
أم راشد : مو شغلج ... هي كانت عندج وله لا ..
نوف : قلت لج خالتي أأي ..
أم راشد : زيييييــن خلاص يلا
نوف : عطيني أمل ..
أم راشد أسمعتها بس نحاسه سكرت بويهــا ..
وعطت أمل
أمل وهي متكتفه : تأكدتي ..
أم راشد : أأأأي .. تأكدت .. وبعديــن شلون تناميـن برى من دووون شوري ..
قاطعتها أسماء اللي حست انه أمل مو بوضع يسمح لها تتكلم : خلاص يمه .. المهم أرجعت ..
أم راشد : أنتي خلج بمجلتج .. ( تكلم أمل ) ردي علي ..
أمل حطت جوالهـا بشنطتهــا بعد ماملت من هالاستجوااب وقالت : عن أذنكم ..
وراااحت فرق غرفتهــا وسكرت البــاب بكل قوتهـا
مـر الوقت وجــات الساعه 9 بالليــل
وأمل من دخلــت غرفتهــا ماطلــعت ..
هيــام كــانت متمللـه .. ومشتــاقه ليوسف بعد ..
لما كان موجود كانت كل يوم تتهاوش معاه صج ساعتها تكون معصبه وتكره الساعه الي صار فيها أخوهـا
بس صج لا قالوا مانحس بقيمة الـشـي ألا اذا فقدنــاه ..
هيام وهي متكتفه: .. يلا هانت كلها يوم وله يوميـن ويرجع ..
راحت غرفه يوسف الخاصه اللي كل أغراضه وأهتماماته فيهـا
فتحتهـا وشغلت الليت .. كانت الغرفه مافيها حيااه كلش .. المكيف مبند من يوم ماسافر يوسف ..
والستــاير مسكره والليــتـات كانت مطفيه
وكل شي مرتب .. راحت قعدت على المكتب لقت صوره يوسف
قعدت تتأملهــا وهي ميته شوق له ... ( ياااللـه يالدب متى ترجع أشتقت لك ... )
قعدت تتأمل الغرفه وكل زااويا من زواايــاهــا ..
وقامت وطلعت من الغرفه لانه يوسف كان مايحب أحد يدخل هالغرفه بدون مايستأذن منه
سكرت البــاب وجااات في بالها أمــل ..
: خلـ أروح أسولف معاها ... أحسن لي متمللــه ..
راح صوب غرفه أمل اللي ماكان فيها ولا صوت ..
طقت البــاب مره مرتيـن ثلاث محد يرد ..
فتحت البـاب شوي شوي شافت امل قاعده فوق السرير متكوره على نفسها وداافنه راسها بين ريلها وتصيــح بصمـت
دخلت هيام وسكرت باب الغرفه وقعدت جنب امل بخووف عليها وقالت : اموول .. شفيــج ..
أمل رفعت ويها وهي تمسح دموعها وقالت بأبتسامه : مافيني شي ..
هيام : شلون مافيج شي وأنتي قاعده تصيحيــن ..
أمل وهي توخر قذلتها عن عينها : لا .. بس أشتقت لأهلي شوي .. أول مره يسافرون بدونـي ...
هيام : خلاص حبيبتــي لا تتضايقيــن هم بيرجعون الجمعه صح ؟؟ ( هزت راسها أمل بالايجاب ) خلاص عيل كلها ثلاث ايام ويرجعون
أمل بصوت هادي : الله يردهم بالسلامه ..
شوي الا تدخل عليهم أم راشد
أم راشد : أمل ...
أمل طالعتها : هممم ..!!؟
أم راشد : قومي تعالي نظفي المطبــخ .. وبعدها غسلي الثيــاب ..
ردت هيام : أنا يمه بنظف المطبخ وبغسل الثياب
أم راشد : أنا قلت لهذي .. ( تكلم أمل ) يلا أشوف جداامي
قامت أمل بدون ماتعترض وطلعت من الغرفه
على المطبخ
هيام وقفت بغضب : يمه حرااام عليج .. هي مو خدااامه ..
أم راشد : أنتي مالج شغل .. ولا تتدخليــن فاهمه ..
هيام : والله يمه يمكن تخسرين يوسف بهلـ حركه ..
أم راشد : والله اذا بيترك امه عشان مرته مافيه خير ..... لا تكثرين حجي معااي .. خل اروح اشوفها شهببت ..
نزلت الصاله ودخلت المطبخ
لقت أمل تغسل وملامحهـا مزيج مابين الحزن والغضب والتعب..
ماقدرت تهاوشها لانه مالقت عليها شي هالمره
فدخلت تكمل شغلها وهي ساكته
...
الســـاعه 1 بلليــل في بيت بو جااسم
كــان خالد قاعد بالصاله مشغل التلفزيــون وحاط على Mbc4ينطر فلم بيحطونه اليــوم
قام من مكــانه رااح المطبــخ يسويله شي ياكلــه .. وهو يدندن على أنغام أغنيه للجسمي : شكلك تبي تبدا معاي الخيانه
لا يا حبيبي هونك شوي هونك انا اللي بنهي الحين قصة هوانا وانا اللي ببدي بالخيانه واخونك
سواله روتي وجبن وشاي حليــب .. هذا بس اللي يعرفه ..
يلا هانت كلها كم يوم ويردون الاهـل .. ويفتك من أكل المطاااعم والخفايف ..
توه بيشيـل الصحن وبيطلع الصاله .. الا صوت الجرس ينطق بطريقه هستيريه وقفته قلبــه ..
خالد بستغراب : من اللي جااااي هالحزه ..؟؟؟
طلع الصـاله وصوت الجرس للحيـن حاشر البيــت
خالد بصوت عالي : زيييييييييين زيييييييييين أذيتنـا ترااك
أخذ الريموت وقصر على صوت التلفزيـون
وطلع الحوش وهو متحللف باللي يرن الجرس جذي زيـن مايحرقه
صرخ مره ثانيه : زيييـــــــــــــــــــــــن .. زيـــــــن حرقت الجرس ..
فتح البــــاب وهو يقول بغضب: خيــر .. ( وأنصـــــــــــــــــــــــــــــــــدم لمــا شاف اللي يطق الجرس )
خالد : أنتـــي ...؟
أمل وهي منزله راسها وعيـــونهــا مليانه دموووع لكن مو مبينه هالدموع لخالد لانها متغشيه : أنا مت يــاخـــــالد ..
خالد بخوف : مع من جــايه ..؟؟ وشلون طلعي هالــحزه ..؟؟؟
أمل : جااايــه مع تاكســي ..
خالد : دشي دشــي ..
دخلت أمل ووقف بالحوش تنطره يدخل ودموعهـا انهار على خدهـا
خالد وهو يأشر لراعي التاكسي : لحظه شوي ..
دخل وسأل أمل : دفعتي له ؟
أمل هزت راسها بالنفي ..
دخـل داخل البيت وأمل وراااه .. أول مادخلوا الصاله قال لها : قعدي .. اللحيـن بجيج بس بدفع لراعي التاكسي وبرجع
راح فوق وجاب بوكه ونزل بسرعه وطلع لراعي التاكسي ودفع له وسكر باب الحوش وهو مافي بباله الا
( لــيش جاايه هالحزه ؟؟)
دخل الصاله وسكر البـاب ورااه وجاا وقعد على الكرسي بعيد شوي عنهـا وسألهـا : عـسـى ماشــر ؟ شفيــج ؟
أمل رفعت الغشوه وحطت يدها على ويها وقعدت تصيـــح بمــرااااااره ..
خالد بخووف : أمل الله يهديج ؟؟ قولي لي شفيج ....
أمل ماردت عليــه ..
خالد قام وراح المطبخ وجاااب لها كوب مااي
وطلع ومد لها المــاي : هــأاااج شربــي ..
أمل رفعت ويها وطالعته وخذت المــاي شربت شوي وحطته على الطاوله اللي جداامهـا
خالد رجع قعد وتم يطالع الارض لحد ماحس انها هدت شوي وقال وهو يطالعها: شصــار ..
أمل قالت له السالفه كلهـا
خالد بغضب : وهذي شلون تعاملج جذي ..؟ وليش تضربج ؟؟؟ ماعندج أهل ؟؟؟؟؟؟ وأنتي ليش ماكلمتي خالي وخالتي من أول مالاحظتي انها تعاملج بهلـ طريقه ؟؟
أمل ماردت تمت تطالع الارض ..
خالد : ويوسف هذا شلون يسافر ويخليج مع أمه .. وهو دااااااري أنج انتي وأمه .. ماتتفاهمون كللللش ..
أمل وعينها بالارض وبصوت واطي : عنده شغل ..
خالد : ولو ..؟؟ شغله أهم منج ..؟ أهم من مرته .. شوفي بيتهم ماتوطيـن أعتبته ليـن يرجع خالي .. ويشوف له صرفه مع نسايبه ..
أمل رفعت عينها وبتسأل كله غبااء : وأنا وين بقعد لحد مايرجع ابوي؟؟
خالد : شرايج ؟ أنتــي ؟؟؟!!
أمـل أنحرجت ونزلت ويهـا
خالد قام وقال لهـا : انتي قومي أرتـاحي فوق .. وبــاجر يصيـر خيـر ..
أمل : ويــن ؟؟
خالد طالعهـا ومارد قام وهو يقول : تعالي ..
أمل قامت ولحقته وهي منكســره .. نـدمــانــه حيـل على اللي ســوتــه
تعتقــد انهـا سوت عيـن الصـح لما كسرت قلب خالد ..
بس ماتدري لــيـــش ضميـرهـا يأنبهــا ..
مـ ع ـقـوله تكـون ظلمتــه ؟؟!!!!
تمت تدور هالافكـار براسها لحد ماوصلها خالد لغرفه الضيــوف فتح البـاب وهو يقول : أرتــاحي هنــي ... وأذا تبين أي شي .. أنا بالخدمه
أمل اللي وقفت أول ماتكلم زيـن مادعمته ..قالت بصوت واطي : مشــكور .. ماتقصر
خالد مارد عليـه عطاها كم نظره وراح عنهــا نزل الصاله على طول
دخلت الغرفه .. وسكرت البـاب وقعدت على السرير وهي تفكر ..
شراح يصير لهـا .. لما يرجع أبوها ويدري باللي صار هذا كله .... شراح يسوي ؟؟
فصخت شيلتهـا وهي خايفه .. خاايفــه من اللي جـــااااي ..
.
.
.
.
..** (((((( .. اللـه يســتــر بس ..)))))) ** ..
.
.
.
.
اليــوم التــالي
الصبــح ع الساعه 7 ونص .. كان أمل قايمه من الساعه 6 بس ماتبي تطلع من الغرفه
مو قادره تشوف خـالد .. لانه كل ماشافته ضميرها بيذبحها من كثـر ماتحس بالذنب
راحت أمل صوب المنظــره ووقفت وهي تشوف نفسها وتقول بقلبهـا
" الله يالدنيــا .. بعد ماكــنــت أستفز خالد بزواااجي وأعرض عليه رفيجتي وأعز الناس لي أنه يتزوجهـا بس عشان ادوس على قلبه ..
يجي اليوم اللي أكون فيه وحيــده .. مالي حد ألجأ له غيــره .... ماأظــن راح يتعامل معااي مثل قبــل .. اللي سويته فيه مو شوي .. أكيــد يكرهنــي ..
آآآآآآه .. ياربي ليش أحس اني غلطااانه بحقه ... ماأعتقد أني ظلمته .. دااس على مشااعر أختي هو وأخووه ..
واللي سويته فيه شووووي .. شوي بحقه ......... "
الا صوت باب الغرفه ينطق وصوت رجولي عذب يخترقه : أمــل ... أمـل ؟؟!!
أمل ألتفتت على الباب برتباك وجاوبت : هلا خالد ..!!
خالد : ريوقج تحـت .. نزلي تريقي
أمل : زيــن اللحيــن بنزل ..
خالد مارد عليه وأبتعد عن باب غرفتهــا ..
ماايبي يشوفهــا فأحسن له يطلع من البيــت
دخل غرفه شال اغراضه الجوال والسويج وطلــع ..
بينمــا هو بالسيــاره يشغلهـا
نزلت أمل الصاله بعد مالفت شيلتهـا بأحكاام على راسهـا
نزلت بخطوات شبه بطيئه لانها ماازاالــت تعبــانه
كانت متوقعه تلقاااااه ينطرها بالصاله .. بس مالقته ..!!
قالت اكيد بغرفه الطعــام توها تحركت خطوتيــن الا تسمع صوت سيارته طالعه من البيــت
غمضه عيونهــا بقـــوه بندم وحززن أقتحم قلبهـا ..
ورااحت المطبخ لقت فطاايــر بدون حتى تفكير طالبهم من مطعم ..
قعدت وشافت الفطااير اللي طالبهم ..( جبن .. زعتر .. سباانخ )
وعصير ميرندا محطوط جنب الصحن ..
تنهــدت وقالت : مو عــارفه شلون بقعــد معاك بمكــان واحد ياخــالد ... مو عارفه ..
دقايق ووصل خالد بيت صدييق عمره ناصر
ودخل وسلم عليه وسأل عن أخبــاره وغيرها من الرسميــات
وبعدها أبتدى يفضفض له ..
خالد : أأمس بالليل جاااتنــي .. جاتنــي يانــاصر بعد ماخلاص قربت أنســاهــا ....
جاتني بعد ماخلاص قرب يرجع لي قلبي ... رجعت وأنتزعت مني
وهي بعيــده عني طووول الوقت أفكر فيهــا .. شلون وهي معــاي بمكــان واااحد ....
المشكله ماأقدر أطردهـا مهما كان ذي بنت خالي ..
ومالها حد بالدوحه غيري .. ( تنهد وقال ) هي أماانه برقبتي لحد مايرجعوون أأمــاانه ثقيـــله .. وصعبه يانــاصر
نـاصر مارد عليه موعارف شيقول أصلا ..
كمل خالد وهو يتسند : واللي مايستحي سافر وخلاها مع أمه .. وهو يدري انها وأمه مايتفقون ... آآخ ياناصر ودي أشوف رقعت ويها بس .. وأنا أوريك فيه
ناصر : صل ع النبي ياريـال .. كلها كم يوم ويرجعون أهلها وتروح عندهم ... خل أبوها يتصرف لا تتهور أنت ..
خالد وهو يسند راسه بيدينه الثنتيــن : معـاي بمكـان وااحد ..!! مكان واااااحد ياناصر ....!! .. هذا اللي مو قادر أستحمله ..
( يرجع شعره على وره وقال وعينه مركزها على نقطه بالطوفه اللي جدامه ) .. تصدق .. ودي أنتقم منهــا .... أذوقها من اللي ذقته .. بــ ـس ..
( غمض عيونه وقال ) أستغفر الله العظيم .. أعوذ بالله منك ياأبليس
ناصر وهو يطبطب على ظهر خالد : قوم .. قوم ياخالد صل لك ركعتيــن وتعوذ من الشيطان ... بترتاح ياأخوي صدقني ..
خالد هز راسه بالايجاب وقال : وهذا اللي بسويــه .. ماأبي أرتكب شي أندم عليه بعديــن ..
بيت بو جاسم
قامت امل أول ماخلصت ريوق اللي ماكلت منه الا شوي ..
وحطت الباقي بعد مالفته بالثلاجه حق خالد لا رجع ..
ونظفت المكــان ..
طلعت الصاله اللي كانت شبه نظيفه .. مامنعت نفسها أنها تنظفهــا
شالت القراطيس اللي طايحه جنب التلفزيـون وعلى الطاوله .. وشالت قلاص الماي الي من أمس بمكانه
وودتهم المطبخ القراطيس بالزباله .. والقلاص كتت الماي وغسلت القلاص وحطته مع القلاصات
وطلعت تكملت تنظييــف بالبيــت ..
كانت متملله .. وطلعت كل اللي بقلبها بالتنظيف ..
فجأه جاها عوااار بظهرهــا أستقامت بوقفتها بعد ماكانت مدنعه ..ومسكت ظهرها بألم وهي مغمضه عيونها بقووه من شدته ..
"" أأأأأأأه ..يااااارب ... رد لي العواار مره ثانيــه .. حسبي الله عليج ياأم رااشد .. حسبي الله ونعم الوكيل فيج ""
شـالت روحهـا وراحت فوق غرفتهـا أو نقدر نقول اللي صارت غرفتها وسكرت الباب وقفلته
سحبت شيلتها شوي شوي عن شعرها وحطتها على الكرسي وقعدت على طرف السرير وأنسدحت وهي مغمضه عيونها من الالم
بيت بو راشد
بعد ماعفست أم راشد البيت على أمل وتعبت من كثر ماتدور تدورهـا ..
راحت سألت البنات عنها .. ولا وحده فيهم جاوبتها ..
أم راشد بتنرفز : هذي شكلها خذت ريلها ع الطلعه ... أأأأخ بس أأأخ .. وينك يايوسف تجي تشوف مرتك اللي من سافرت ماقامت تقعد بالبيت ثانيه
كله دوااره بالشواارع ..( تصرخ ع البنات ..) وتلوموني لا قالت ماأواطن هالادميه ..!!؟؟ ( تحط يدها الثنتيـن في بعض ) هيــن ياأملووه .. مردج بترجعيـن .. أذا ما كسرت راسج ماكون أم راشد .. أهم شي يوسفووه اليوم رااجع وبلاوي مرته كلها بقولها له ..
وخل يشوف له صرفه معــاها ماتقعد ذي معاي بـبيت واحد
هيام برتباك : يمـ ـ ـه .. صـ ـ ـراحـ ـه ماتنلام ..!! لـ ـ ـو مـ ـ ـكـانـهـا طفـ ـشـت مـ ـ ـ ـن زمـ ـ ـان
أم راشد : أنتي جب ولا كلمه .. أأي ماهو أنتي من زمان واقفه بصفهــا ... ماهو لولاج ماكان أفتـكر فيها يوسف .. وكنت خطبت له عواطف بنت مريم
منال وهي متكتفه : آآآهــااا .. قولي جذي من زمــان .. من جذي مو طايقه أمل .. ليش انها خذت من بنت رفيجت العمر المعرس
أم راشد بغضب : منووول .. لا ترفعيـن ضغطي .... لا تحديني أطلع حرت هالأمل فيج
منال وهي تحط يدها على حلجها : هاا سكتنـا ..
مر الوقت وجــا العصــر ..
بعد كم ساعه بيوصلون بو راشد وعياله والفرحه مسيطره على جو البيــت
بستثناء أم راشد اللي تبخر البيت وهي تنطر يوسف يدخل
في غرفه أسمـاء اللي كانت ميته شوق لرااشد ..
لبست وكشخه وتعدلــت له.. وقعدت تفكر .. شلون بيكون شكله لما يدري أنهـا حامل ..
أكيد بيطير من الفــرح .. * فديته .. وااي ياني مشتاقه له ... أأكيــد بيستانس لو درى أني حاامل .. وبجيب اخو وله أخت لشوق ..... من زمان يحن علي يبي اخوان لشوق ..*
أأبتسمت أبتساامت فرح ..* ياااحيــاتي بيموت من الفرح*
دخلت عليها شوق وبيدها كم ربطه مع مشط
شوق : ماما .. سويلي شـ أ ـلي ( شعري )
أسماء وهي تقعد على طرف السرير وتقرب شوق بنتها منها : تعالي ماما .. ( حطت الربطات جنبها وأبتدت تمشط شعر بنتها اللي يوصل لحد كتفها )
شوااقه اللحيـن بابـا بيجي ..
شوق ببتسامه عريضه : أأأي ماما أدلي ( أدري ) قالت لي أ ـمتي منال ..( تلتفت على أمها ) ماما .. أكيد بابا جاب لي هديه ..صح ..؟
أسماء وهي تعدل راس بنتها عشان تقدر تنسل شعرها : أأي فديتج أكيد جاب لج هديه .. أصلا هو متى سافر وماجاب لج شي معاه ..
شوق بفرحه : ماما أنا أحب بابا ..
أسماء فرحت لما سمعت هالكلمه اللي تحمل كل برائه وعفويه من بنتها : وهو بعد يحبج ..
شوق : ابي اشوف أ ـمي يوسف بـ أ ـد .. أكيد مايقدل ( يقدر ) يشتغل عدل هنوك ( هناك )
أسماء بتسأل والابتسامه مازالت مرتسمه على شفاتها : ليش ؟؟
شوق بعفويه زاايده جمال هالطفله : يفـكـل( يفكر ) فيني ..ههه صح ..!!
أسماء ضحكت وقالت : هههه أي صح .. هو أصلا مايرقد الا وانتي جنبه ههههههههه
شوق سكتت وتمت تفكر بأبوها وعمها ..
وتفكر بالهدايا اللي ممكن يجيبونها لها
دقايق الا الجرس ينطق وتدخل سياره البيــت
راحت منال طلت من الدريشه شافتهم وصلوا
منال وهي تصاارخ بفرحه : وصلــوااااااااااااا .. وصلوووواا .. أسماء .. يمه .. هيووم
طلعوا كلهم الصاله مستانسيــن
ونزلت أسماء وهي ماسكه بنتها تستقبل حبيبيها وريلها
أوقفوا عند باب الصاله يستقبلونهم
أنفتح البـاب ودخل يوسف اللي ماكلف عمره يرفع نظره حط الشنط وطلع يجيب الشنط الباقيه
أستغربوا منه ..!!! ومن حركته
شوي ألا بو راشد داااش ولا يحمل بملامحه أي شي يدل على السعاده بالعوده لأهله ..
أم راشد ببتسامه : حمدالله على السلامه يابوراشد ..
بو راشد دخل وقعد بالصاله بدون لا يرد عليهم ..
قعدوا يطالعون بعضهم بستغراب ؟؟؟ علامهم ؟؟؟
راحوا قعدوا بالصاله
وخيم الهدوء على المكان كل وحده منتظره الثانيه تتكلم ..
شوي ألا يوسف دش وحط الشنط الباقيه شنط أبوه وأخوه بالاضافه لشنطه
ودخل ورمى نفسه على الكرسي وهو متكدر وباين انه الحزن محتل نسبه عاليه من ملامحه
أم راشد اللي ملت هالوضع : هووو ..؟ شبلاكم دااشيــن علينا مكشريــن ؟؟ جنه ميت لكم ميــت ..
يوسف غمض عيونه بشده يحاول يخفي دمووعه اللي خذلته هالمره ونزلت على خدوده
منال خاافت وقالت : يوسف شفيك ؟؟؟!!
مارد عليهم يوسف وأكتفى بمسح دموعه اللي كل مامسح دمعه نزلت عشره غيرها
أم راشد دقات قلبها زاادت وقالت بخوف : ماتعلموني شبلاكم ..؟؟؟؟ شصــاير صبيتوا قلوبنا..
أسماء اللي كان قلبها ناغزها .. * شفيهم ؟ ليش يصيحون ؟؟ *
أسماء بصوتها الواطي : عمي شفيكم ...؟..
بوراشد وهو يحط يده على ويها مايبي يصيح جدامهم عشان لا تنهز شخصيته
أم راشد صرخت بنفاذ صبر : ردوا علي شفيكم ..
بو راشد اللي صوته كااان فيه غصــه ألم .. قال بعد ماسكت لثواني :..راشد عطاكم عمره ...
أم راشد وقفت ووقفوا معاها أسماء ومنال وهيام : لاااااااااااااااااااااااااااااااااا
أم راشد بصرااخ : لااااا ... جذااب .. شقااااعد تقول أنت ..... سامع روحك يابوراشد ..شتقول أنت
أسماء اللي بدت ترجف : عــــ ــ ـــ ـ ـ ـ ــ ـمـ ـ ـــ ـ ـ ــــ ـ ـ ـمي .. ويـــ ـ ــن راشـ ـ ـ ـ ـد
بو راشد اللي دموعه كانت محبوسه ولا نزلت دمعه بينما هو من داخل ميت صياح وكأنه طفل : تعوذوا من أبليس وأستهدوا بالله .. هذا الشي اللي الله كاتبه ..
أسماء تحاول تنفي هالشي : لالااا .. رااشد مامات .. أأمس واليوم الفير والله مكلمني ..... شلوون .. ( تبين الرجفه بصوتها ) أنتوا تتغشمروون ..صدقوني تتغمشروون .. ( تطالع باب الصاله ) أأكيد راشد برى ... واللحيـن بيدخل .. اي أللحيـن بيدخل ( صاحت ) صدقونــي ..
منال وهيام مانطقووا بحرف غير صوت صيااحهم اللي ملا الصاله
بينمـا شوق علامة الدهشه أستقرت على ملامحها الطفوليه .. ماتدري شصاير .. وليش يدتها وعماتها وعمها وأمها يصيحــون ؟؟
شمعنــي كلمه ( مـات ...؟!! ) هذا السؤال اللي كان يدور بعقل البنت اللي ماتعدت الـ 5 سنيـن
وأهم من هذا كله ..؟ ويـن أبوهـا ؟؟؟؟
أم راشد راحت صوب ريلها : بو رااشد تكلم قول شي ... راشد مامــات صح .. هو برى مثل ماقالت أسماء .. اللحيـن بيدخل صح ( تهز يده ) بيدخل صح
بو راشد : تعوذوا من أبليس .. ولا تصيحوون جذي ... صياحكم يعذبه .... مايبي منكم الا الدعااء .. أدعووله
أم راشد بصرااخ : لالاااا .. ولدي مامات .. مامات
بو راشد بحزم وبغصه : أم راشـــــد .. هذا طريج كلنا بنمشي فيه أستغفري ربج .. أنتي تعترضين على حكمته جذي
ام راشد وهي حاطه يدها على حلجها : أستغفر الله .. شلون ؟؟ ومتى ....؟؟ وليش ماقلتوا لنــا .. ليش ماقالت لي يابو راشد مااني أمه ... أأأه ياولدي
بو راشد : توفى اليوم الصبح بسريره ... ع الـ 6 جذي
أسماء اللي أبتدت تصيح بهستيريا ..: راشـ ـ ـد .. راشــ ـ ـد .. مات ؟؟ .. مـ ـ ـاأصـ ـ ـدق ... لاااااااا ..
( خف صوتها تدريجيا لـتنهـار قوتها وتطيح من طولها مغمى عليهـا ..)
ودوهـا المستشفــى وتطمنووا عليها وعطوها مهدئات ومسكنات عشان تهدى وتنــام ..
بيت بو جاسم
دخل خالد البيت ولقااه هاادي ونظيــف .. قعد ينقل نظره بالبيت اللي كانت نظافته وااضحه
وتأكد انه أمل اللي منظفه المكــان ..
راح المطبخ وفتح الثلاجه وطلع له الفطاير وقعد ياكلهـا بارده
عيزان يصخنها
ومافي بباله غير أمل ( مالها حس ؟؟ ياتــرى شقاعده تسوي ؟؟؟!! يمكن نايمه ؟ وله قاعده بغرفتها ..!! يمكن طلعت ..؟؟ لا لا ماأظن تطلع ..
ودي أروح لها أتطمن عليها أشوفها محتاجه شي وله لا .. بس ..!! لا لا .. ببيــن أأني مو مهتم لها .. وااايــد ....)
قام حط كل شي من يده ورده بالثلاجه
ورااح فوق كان بيدخل غرفته على طول بس غرفه أمل وقفته ..
راح بخطوات بطيئه صوب غرفتها ووقف يسمع أذا هي قاعده وله لا ..
لكــن كان الهدوء هو سيد الموقف ..
( يمكـن نــايمه ..!! )
طق البــاب طقتين ورى بعض الا صوتها يرد : مــن ..؟
خالد بقلبه ( شهلـ سؤال السخيف يعني من غيري بالبيت ؟؟ ) : أنـا خالد ..
ماردت عليه دقايق الا هي فاتحه الباب : هلا خالد ..
خالد أرتبك لكن حاول انه يخفي هالشي : شلونج اللحيـن ؟
أمل : الحمدالله ..
خالد : محتاجه شي ؟؟!!
أمل : لا سلامتك .. ماتقصر ...
خالد :اممم .. أوكي عيل ..
أبتعد عنها متجه لغرفته كانت بتسكر باب الغرفه بس لما شافته وقفت
أوقفت تشوفه شيبي
قال لها بدون مايلف عليها : مـاكان يحتــاي تنظفيـن المكـــان ... أقدر أنظفه بروحي ( أفتر عليه ) بدون مساعده من حد ..!!
صد عنها وراح غرفته بعد ماسكر الباب ببرود أبرد من البرود نفسه
قالها بطريقه مستفزه .. وكان يقصد هالشي ..
سكرت أمل الباب وهي شبه متنرفزه من طريقه كلامه : شقصده ؟؟؟!!
عند خالد
اللي دخل غرفته وقعد على حافت السرير .. يفكر شيسوي ؟؟
متملل ..!!
قام وراح قعد ع النت فتح أيميله وقعد يسولف مع كم واحد ضايفهم من النت
ع الاقل يشغل تفكيره بشي غير .. >> أأمــل << ..
نرجع لأمل
اللي بسهوله وبأقل حركه قدر يستفزها خالد
تكتفت وهي تقول : كنت أدري انه مب طاايق وجودي معاه بمكـان واااحد ... والله يجيني شور أرجع بيت النسره ولا أقعد عنده هالــجـــاف
( أنتبهت لكلامـها وقالت بعد ماوطى صوتها ) زيـن واذا كان جاف .. لازم أعصب وأقلب الدنيـا ....
( تلعثمت بالكلام وهي تحاول تحط مبررات لتصرفاته ) اللي سويته فيه مو شوي .. أأكيــد بيعصب ... وزين منه أستقبلني ببيته ..
( فكرت بكلامها وقالت ) لا لا .. هذا بيت عمتي مو بيته .. وهو مستقبلني مجبور ... ليش أني بنت خاله .. وله لو أني ماأصير له
جان تصدق على ببتسامه وطردني حالي حال أي طرار..
قعدت على سريرها وقالت : آآآآف ياربي .. خلـ أستحمله اليوم بس ... باجر أبوي بيرجع وبيشوف له صرفه مع أم يوسف ..
( تذكرت يوسف ) أأي يوسف ؟؟!! أأكيد وصل .. هو طرش لي مسج أمس بالليل انه راح يجي اليوم ..
أبتدت تغوص بتخيــل وتفكر شلون بتكون ردت فعله لو درى انــها محد مو بالبيــت ؟؟
قالت بستهزاء : بيقعد يترجى أمه تراضيني .. وهالعيوز مستحيل تنزل من عرش غرورها وكبريائها وتجي لحد مكاني وتراضيني ..
مشكله يوسف أنه ضعيف شخصيه جدااام أمه .. آآآف ..( تذكرت ) بس أم يوسف ماتعرف انا ويني بالضبط ؟؟ أأكيد على بالها اني قاعده عند نوف ...
وتمت على هالحـاله
أفكـار تجيبها وأفكار توديهـا
المغرب ع الساعه 6 قدرت تطلع أسماء من المستشفى بعد ماوقعت على مسؤوليتها
لانها كانت تعبانه شوي .. ولازم يتطمنون عليها وع الجنيـن بس هي رافضه هالشي
دامهم تطمنوا عليه بالبدايه ليش الطواله بعد
ردوا البيت وقعدوا كلهم
دقايق الا الصاله مليانه حريم والميلس نفس الحاله ..
بوراشد القوي ..اللي كان كالجبال بويه الريح .. أنهدت قوااه وبان الحزن على ويهـا
من حقه ماينلام .. راشد كان فرحه شبابه ..
بينما أم راشد كانت تسكت شوي تتذكر راشد ترجع تصيح ..
وله تقوم تدخل دااخل مو قادره تصدق انه هالعزى هو عزى ولدها البجر راشد ..
وترجع تقعد بالصاله تستقبل عزااه
وخواته ماغير دموعهم تنزل ويمسحونها ..
تمووا على هالحاله لحد الساعه 10 ونص وبعدها ماقاموا يجون ناس ..
قامت ام راشد بتعب وراحت غرفتها تتمدد ..
ومنال وهيام كل وحده راحت غرفتها
أما أسماء فما تحركت من مكانها كانت تصيــح على راااشــد
لما قربت منها شوق وقالت : ماما .. ليش تصيحين ؟!!
أسماء رفعت ويها وشافت علامات الدهشه والاستغراب على ملامح هالبنت اللي فقدت أبوها وهي صغيره
حظنتها أسماء لصدرها بقووه ..بينما شوق قالت : ويـن بابا ..!! ليش ماجا مع يدي وأ ـمي ؟؟
اسماء وهي تبعد شوق شوي عنها عشان تشوف ويها قالت ببتسامه : بابا مسافر حبيبتـي ..
شوق وهي تمسح دموع أمها بيدها الصغار : متى بيجي ؟؟
أسماء زادت بالبكاء بس الابتسامه مازالت على شفايفها : ماراح يجي حبيبتي ...
شوق بحزن وبعفويه : ليش ؟؟ مايبيني !!
أسماء وهي تمسح دموعها قالت : بلا يبيج حبيبتــي .. بس هو ماراح يجينــا .. ( قالت ببتسامه ) أأحنــا بنروح له ..
شوق بتسأل : متى بنروح له ..؟ أبي اشوفه مشتاقه لـه ..!!
أسماء حظنت بنتها وقالت : مادري .. ماااادري حبيبتي
بالميلس عند يوسف اللي مازال قاعد يفكر بأخوه ..
مو متصور أنه فقده جذي بلمح البصر ..
واللي زايده انه كان عنده ع الخمس ونص .. لو انه مطول عنده كان مات راشد جدام عيونه
يوسف وهو يتنهد : الله يرحمك .. الله يرحمك ياأخوي ..
جااات في باله أمل ..
من جاا العصر ماشافها .. يمكن كانت طالعه ؟؟
وشلون تطلع أصلا وانا قايل لها اني بجي العصر ..!! لا لا ماأظن ..
يمكن فوق بدااريهـا وأنا من وصلت ماعبرتها ..!!
آآآآآآآآآه .. ياني محتاااج لها هاللحظه ..محتااج لها حيــل
شال روحه وراح غرفته يبي يرتمي بأحضان أمل ويطلع كل اللي بقلبه .. محتــاج لها حيل
فتح الغرفه لقاها مرتبه .. ونظيفه .. راح طق باب الحمام ( وانتوا بكرامه ) محد رد عليه
رد طق مره ثانيه مامن مجيب فتح الباب لقى محد بالحمام ..!!
طلع من غرفته وراح غرفه هيام طق الباب طقتيـن ماردت عليه هيام فتح البـاب لقاها نايمه ..
بس مالقى أمل عندها ..!!
قال يمكن عند منال راح غرفت منال ونفس الحاله ..
كانت منال تصلي حق أخوهـا
وأمل مو عندها
شال روحه ونزل الصاله لقى أسماء قاعد تصيح للحين بس بصمت وهدوء
وشوق بنتها قاعده تطالع التلفزيـون
يوسف تنحنح .. وقال : أسماء ..!!
أسماء رفعت نظرها ليوسف اللي باين من ملامحه انه منهد حيله من الصياح : هلا يوسف ..!!
يوسف : أمل وينها ..؟!!
أسماء ماكان لها خلق تقول له السالفه كلها أختصرت كلامها بجمله وحده : طلعت من البيت من أأمس ولين اليوم ماردت ..
يوسف بصدمه وأستغراب : شنو ..
أسماء : هذا اللي أعرفه بس ..
يوسف مارد عليها وراح فوق غرفته منال دخل لقاها مخلصه صلاه ومجهزه روحه لنوم
يوسف : منال ..!!
منال اللي مارحمت روحها من الصياح قالت بتعب : همم ...!!؟
يوسف : أمل وينهـا ؟؟ أسما تقول من أمس طالعه وماردت للحيـن ..
منال بسخريه : بايعه روحها تقعد دقيقه بعد بهلـ بيت ؟؟
يوسف بتسأل : ليش ؟؟!!!!
منال وهي تنسدح على ظهرها ع السرير وتتلحف قالت : أمــي .. مارحمتهـا
يوسف بخوف وصدمه : شنو ؟؟؟؟
منال : اللي سمعته ...
يوسف : هي وينها اللحيـن ؟؟!!
منال : تلاقيها عند رفيجتها ولـه ببيت عمتها
يوسف : تعرفين بيت رفيجتها وله رقمها ؟؟!!!
منال هزت راسها بالنفي ..
يوسف وهو حاط يده ورى راسه : ماأظن تكون ببيت عمتهـا .. لانهم مسافريــن ..!!
منال : مو كلهم ..
يوسف طالعها بنظرات تسال ..!!!!!!
منال : ولد عمتها ماسافر .. تم بالدوحه ...
يوسف : وأنتي شدرااج ..؟؟
منال : هي قالت لي ...
يوسف : وليش ماقالت لي ؟؟
منال : شدراانــي ...
يوسف بعد تفكير ماأخذ دقيقه : لا .. لا .. ماأظن تروح عند ولد عمتهـا .... ماتدخل العقل .. مهما كان هو مو أخوها شلون تروح تقعد عنده ..
منال وهي تغمض عيونها: يكون بعلمك هــي متــربيه معاااااه من صغرهـا .. يعني عادته مثل أخوها مو غريب
يوسف : أوكي .. أوكي .... خلاص
طلع من غرفه منال الا طلع من البيت كله نااوي يروح لأمل ..
بيت بو جاسم
الساعه 11
كان خالد منسدح بالصاله يطالع التلفزيــون تملل من البيت وماعنده مكان يروح لـه ..
قعد يشغل روحه بالتلفزيون ع الاقل يمر الوقت اللي صار طووويل بزيااده ..!!!!!
باجر بيرجعون اهله وبيملون عليه البيت ...
وبينرحم شوي من القعده من امل ببيت واحد ..
ماعاد يحتمل يشوفها .. رغم انها تكسر خاطره ساعات .. وخاصه لما يتذكر اللي صار لها ببيت اهل ريلها
بس يرجع يقسى قلبه لما يتذكر شسوت فيه ..
شوي الا جواله يرن
والمتصل مشعل
خالد شاف الرقم أستانس : هلااااااااااااااا والللـــه توك متذكر
مشعل وهو يضحك : هههههه هلا خلوووود يااانــي أشتقت لك ..
خالد وهو يستعدل بقعدته : شلووونك ؟ وشلون جسوم والاهل .. أشتقت لكم ياأخي ..
مشعل : تمام ويسلمون عليك .. أنت شلونك يالدب وشلون الدوحه ..؟؟؟
خالد : انا الحمدالله تمـام .. والدوحه مشتاقه لكم ..
مشعل : يلا هانت كلها شهر ونرجع
خالد رد بسرعه : تخســي .. باجر تجون والله بستخف ..
مشعل وهو يضحك : ههههااااى بااااااال الحبيب طفشااااان من قلب .. ياأخي المعجبين كثروا هالايام ..
خالد وهو يضحك : المعجبيـن ها ؟؟ هههه تعال الدوحه وشوف هالمعجبين شبيسون فيك ..
مشعل : بيطفرووني عيشتي الله يسلمك هههههه
خالد : أحمد ربك أني أخوك مع ويهك هههههه
مشعل : شوف مثل ماتدري باجر انا برجع .. يعني أبي غرفتي ولا بالـ خيال .. أبي أدخل اشم ريحت البخوور واصله لبـيت نصور هههههه
خالد : خيالك واسع تصدق ههههههههه
مشعل : ههههههه خلاص بطلنـا مانبي منك شي باجر تذلنا أنا سويت وانا سويت .. اسمع لما أرجع عندي لك سالفه أأوووف .. بتقلب الموازيـن عندك
خالد بتسأل : شنو ؟؟؟
مشعل : بااجر بتعرف ههه
خالد : أأي عن من ؟؟
مشعل : الحب الاولي ..
خالد فهم قصده .. بس ماقال اسمها : ماعندك سالفه مشعلوووه
مشعل : صدقني هالسالفه اللي بقولها لك بتحب خشمي عليها ههه
خالد بفضول : قووول زيــن ؟
مشعل : ماااني قايل أصبــر اشوي ..
خالد : مشعلوووه .. قول بالطيب وله ...
مشعل وهو يضحك : هههههههه وليش مهتم لهدرجه بالسالفه ؟؟
خالد : الحب الاولي اللي على قولتك عندي ..
مشعل بستغراااب : شنو ؟؟ ليش ...!!!
خالد : لا جيت الدوحه أقول لك ..
مشعل وهو يضحك : وحده بوحده يعني.. هههههه .. لا بس جد ليش هي عندك ؟ بعدين تعال هي قاعده عندك وله جايه زياره
خالد : قاعده ..
مشعل : أأحلفــ
خالد : أجذب عليك انا ؟؟؟!!
مشعل : شوووف خلصني وقول .. ههه
خالد سمع صوت الجرس ينطق قال له : سكر سكــر .. بروح اشوف من ... وبفكر اقول لك وله لا .. هههه
مشعل : صج انك نذل
خالد : طالع عليك هههه يلا ورني عرض كتافك
مشعل : يلا فمان الله ههههه
سكر خالد من عنده
وقام يشوف من عند البــاب
راح فتح باب الحوش ولقى يوسف
خالد أنقهر لما شافه بس حاول مايبين له : هلا ..!!
يوسف : السلام عليكم أخوي ..
خالد : وعليكم السلام .. هلا يوسف بغيت شي ؟؟
يوسف : والله يالحبيــب ( تلعثم مو عارف شلون يقوله مرتي عندك ؟؟ ) أنــا .. ... جـ .. ـاي .. أمـ ... ـــل ..
خالد قاطعه وأنقذه وقال : جاي تسأل عن امل ؟؟
يوسف طالعه وقال : أأي ..؟؟ هي عندك صح ؟؟؟
خالد بكل وثوق : أأأي عندي ..!!!
يوسف طالع خالد بنظرات مافهم معنااه وقال : زيــن ممكن أشوفهــا ..
خالد سكت لثوااني يطالع يوسف فيها ..وقال: تفضـل
دخل يوسف وراااى خالد وأول ماوصلوا الصاله
الا خالد يقول له : أقدر اسأل..!!!
يوسف : أمر ..
خالد : تدري انه أمك وأمل مايتفاهمون كلش وتروح وتخلي أمل عند أمك ..؟؟!!!
يوسف : كنت نااوي أوديها بيت أهلهـا بس هم (( رص ع الكلام )) مســافريـــن ..
خالد كان بيقوله ( وأنا موجود بس خاف يفهمه غلط ) : مسافريــن .. آآهـاا ..وتدري أمك شسوت فيها ؟؟ وله ماعندك علم ؟؟؟؟
يوسف : توني اليوم رااجع ماعندي علم بولا شي ..
خالد : بايـن أصلا ..
يوسف تغيرت ملامحه الى مليون علامات الاستفهام كان بيقول له شقصدك .. بس خالد ماعطاه فرصه وقال له
خالد : تفضل أقعد .. اللحيـن أناديها لك
راح خالد فوق وهو مفور ع الاخر
طق غرفه امل كم طقه متتاليه
فتحت امل الباب وقالت بتنرفز للحيـن معصبه على حركته : أسمع ترى مو صمخه ..
خالد بخياسه نفس : ريلج تحت ..
أمل بخوف : يوسف ..!!
خالد : ليش في غيره ؟؟
أمل وهي متكتفه : شيبي ؟؟!!!
خالد : شدرااني ماسألته .. بس أأكيد جاااي يرااضي ست الحسن والدلال ويردها لمملكتهـا ..
أمل طالعته بنظرات قهر بس مو وقته تتهاوش معاه
خالد يأشر لها : تفضلي يالبرنسيسه .. ( ياكد ع الكلام ) حبيب القــلـــــب .. تحت
مشت أمل على أنها بتنزل أول.. وورااها خالد
بس خالد ماعطاها فرصه بالعربي مانطرها تمشي مشى على طوول ووصل الصاله
خالد وهو واقف عند الدري : اللحيـن بتنزل ..
يوسف وقف اول ماشافها وصلت
راحت أمل صوب يوسف بدون ماتتكلم ..
يوسف : حيــاتــي ليــش طلعتي من البيــت ..؟!!!!
خالد الي مازال واقف عند الدري قال بقلبه ( بيسوي روحه غشيم الحيـن ) ..
أمل : هذا اللي كان لازم أسويه من زمان ..!!
يوسف بتسأل اكبر : لــيــش ؟؟ شسوت لج الوالده ؟؟
أمل جاتها غصه كانت على وشك انها تصيح بس مانزلت دموعها : ألا قول شنو ماسوت .. تعاملني جني خداامه عندهـا مو مرت ولدهـا ومره ضربتنــي
وكل تغلط علي .. تبي أكمل وله هذا بس يكفي
يوسف فتح عينه على كبرها : ضربتــج ؟؟؟؟
أمل نزلت دمعتها وصوتها بانت فيه الغصه أكثر : أأأي ضربتنــي.. وذبحتــــه ...
يوسف بتسأل : ذبحت من ..؟
أمل : ولــدي .. ذبحته يايوسف .. ( صاحت ) كنت حامل ..
خالد أنصدم ..
ويوسف ماصدق اللي سمعه : شنو ...؟؟ أنتــي حامل ..
أمل وهي تمسح دموعها اللي تنزل بغزااره : كنت حاامــل .. رحت المستشفى ولما كشفوا علي قالوا لي اني سقطت ..
نمت هناك يوم عشان يسون لي العمليه .. وطلعت اليوم اللي عقبه العصر ... ولما رجعت البيت
زاااااادتني أمك بكلامها اللي يجرح ويغث ( تغطي ويها بيدها ) تعذبت بدونك
يوسف قرب منها وحظنهــا
بينما خالد اللي كان مصدووم من اللي سمعته لما شاف يوسف حظنها زااااااادت غيرته ..
خالد وهو متكتف تنحنح بصوت عالي وهو يطالع يوسف
يوسف أبتعد عن أمل وقال بلهجته الرومنسيه المعتاده : آآآســف حبيبتــي .. سامحينــي أنــا غلطت لما سافرت وخليتج عندهــا ..
خالد اللي دااش عرض : وأنت شحقه تسافر من الاســاس ؟؟؟
يوسف : كنت مجبور ...
خالد صد عنه بستهزااء وقال بصوت واطي أشبه بالهمس : مجبــور ..!!؟
يوسف أستغرب من أسلوب خالد معاه لكنه ماأهتم له لأنه مو راعي هواش ومشاكل قال لأمل : تعالي معــاي حبيبتــي ..
قاطعه خالد : آآسف أعذرني مــاااراح ترجع معــاك ... باجر بيرجع أبوهــا ويشوف له صرفه معاكم ..
يوسف طالع خالد وعقد حواجبه وطالع أمل وقال لها: حيــاتي ...!!
أمل اللي مازالت تصيــح : ماأبي أرجع للبيــت اللي فيــه أمــك .. ماأستحمل أشوفهــا ..
خالد تكلم بسرعه قبل لا ينطق يوسف : سمعت اللي عندهـا .. تعال لهـا باجـر ببيــت أهلهــا ..
يوسف قال : وأنا ماأرضى انه مرتي تقعد مع وااااحد غريب ببيــت واااحد بروووحهم ..
خالد ضحك بستهزاء وقال : غريـــب ؟؟ هههههه اللحيــن أنا صرت غريب وأنت القريب ... واللــه دنيــا ...
أمل أنقبض قلبها
يوسف : مهمـا كان أنت ماتحل لهــا ...
خالد : يكون بعلمك أنا ويااها رابيــن ببيــت واااحد ... ومستحيــل أفكــر فيهــا أأأأكثـــر من أأأأخت ... فهمت ؟؟؟؟؟؟؟
يوسف بأسلوبه الذرب رغم انه الغضب باين فيه : سامحنــي يالطيب .. ماراح أطلع من هني ألا ومرتي معاااي
أمل ليوسف : وأنا ماأبي أروح عند أمــك ..
يوسف : أستحمليهـا شوي ياروحي لحد ماأطلع لنا بيــت بروحنــا
خالد : البنــت مــاتــبي تروح مـعــاك غصــب هـ ...... ( قاطعه يوسف اللي وصل حده )
يوسف بغضب باين بصوته: رجــاءا أنــا قاعد أتكلم مع مرتي أطلع منهـا أنت ..
خالد ببتسامه ثارت غضب يوسف اللي يحاول يخفيه : البنت ماتبي اتــروح .. بتجبرهـا يعنــي ...
يوسف بتسأل ماليه الغضب : أنت شتبي بالضبط ؟؟؟؟
خالد بحزم : أبي الرااااااحه لأختــي ..
يوسف : راااحتهــا معـــاااي مو معـــاك ...
خالد أنقهر من كلمته بس يحاول يخفي هالشي وهو متكتف قال : هي صج راحتهــا معــاااك .. بس مو مع أمك ....
شوف .. الراي الاول والاخير لهـا ( يتكلم بوثوق ) أسألها كانها تبي تروح معاك ..
يوسف طالع أمل ينطر الاجاابه بينما امل عينها ماأرتفعت عن الارض يعني ( ماتبي تروح )
يوسف يهز رااسه بتنرفز يخفيه : أأوكي .. أأأأوكي .... أنـا بروح .. بس بااااجر من الصبــح بكون هنــي ..
خالد : الله معــاك .. ولا تنســى ... روح لها ببيت أهلها مو هنــي .. لانه البيت مو فاتحه ملجأ ..( أبتسم وهو يغمز بطريقه تستفز ) أوكي .. يلا توكل
يوسف وقف يطالع خالد لثواانــي وبعدها قعد يطالع أأأأأمــل ..
رفعت ويها أأأمل وشاف ويها اللي مليــان حزن .. وعينها اللي غرقت بالدموع
بااس رااسها وقال بصوت وااطي سمعه خالد : ديــري بــالج على روحج ياقلــبي .. باااجر بتفاهم مع أبوج ..
أمل بصوت وااطي كله حزن سمعه خالد : آآآآن شالله ..
أبتعد عنها يوسف وهو يطالع خالد بغيــره كبيره مايبي يطلع ويخلي مرته معاااه بس شكله هالانسااان عنيـــد
وبيـطول معااه وبالنهايه راايه هو اللي بيتنفذ ..
طلع يوسف من البيــت وركب سيارته وهو الود وده مايطلع
رااح خالد وسكر باب الصاله بقووه زيــن ماتكســر ..
أمل بغضب خفيف : لـــيــــش تكلمـــه جذي ....
خالد اللي كان ميت قهر وحزن وغضب قال بصوت شبه عالي : شلون تبيني أكلمه يعنــي .. أأخذه بالاحضــان وأطبطب عليــه .....
وهو أخذ مني أأأأأغلى ماأملك .. سلب قلبي مني ... شلون تبيني اكلمه هــااا ؟؟ وأنتي بعتيني عشــااانـــه .. بديتــي الغريب علي
شلون تبيني أكلمه وانا أشوفه قاعد بجنبج بلليل العرس مبتسم وكأنه يحتـفــل بوفــاتي .. شلـــــــــــــــــــــــــــــــــــون هـــا ؟؟ علميني شلون ؟؟
أمل انفــجــرت بغضبها وقالت : وأنت شلون تبينــي أواافق عليك وأنت وأخوك سبب تعــاسة أختـــي هـــااااااا فهمنــي شلــون ؟؟؟
خالد بتسأل مليان غضب : وشدخل أختج بالموضوع
أمل وهي تمسح دموعها : على بالك ماااااسمعتكم أنت وأخوك وأنتوا تتكلموون عليهــا .. وبستهزاااء ... شذنبها هي أذا حبيت أخووووك
اللي ماعنده قلب هااا شذنبهــا ...
خالد ومليوون علامه أستفهااام على ويها : ومتـــى تكلمنــا عنهــا ...؟؟؟؟؟؟
أمل : بالعزبــه ... سمعت كل حرف قلــتوووه فيهــا .. من جذي رفضتك .... دست على قلبك مثل مادستوا على قلبهــا
خالد اللي حس بأهااانه منهــا قال : لااااا تقوليــن أنت اللي ضربتي البــاب ؟؟؟؟
أمل : أأي أنــأ سمعت كل حرف قلتــوه .. كل كلمه .....
خالد طالعها بستحقاار : صــج أنـــج ........... ( قالها بغضب وحرقه ) يــااااااااااااااااااهـــــــــل ..
..___ الجزء الثاني والعشريـن ___..
..___ والاخيــر ___..
أمل : لا تقــول يــاهــل أنـ ,,.........
قاطعها خالد وقال : ألا يــاهــل وعقل اليــاهل أكبر منج بعد ..خذتي السالفه من النص وقلتي نستهزء بأختج ...
يكون بعلمج لو مشعل يبي يلعب على بنت ....دلال أخر وحده يفكر فيهــا لأسباب واايد وأولها أنها من أهله ...
وأأنـــاا أقول شفيها متغيره علي .. عشان هالسالفه ...... على فكره مشعل مايحب دلال وبس الا يموت على التراااب اللي تمشي عليه ...
وبغبااءج وعقلج الصغير بغيتي تهدمين حياتهم مثل مادمرتيني ..
أمل اللي أرتبكت قالت : ممكن تفهمني شلون تقول انكم مستحيل تتكلمووون عنها وأنا سامعتكم شمعنى كلامكم يعني ؟؟؟؟
خالد قال لها السالفه ونظرااات الاستحقار مااافــارقته ..
أمل وقفت مذهوووله بس مازالت تحاول تقوي موقفها : بس بــ ـ ـ ـ عـد هذي مو طريقه لعب ...
خالد اللي عينه بدت تلمع من الدموع اللي تجمعت فيهم قال بغضب : فضولج الزاااااايــد دمرنــي وقضى على سعادت أختج ... ومو بعيده يكون دفن حب دلال لمشعــل ... ماتخااافيــن ربج أنتــي .. تنقلين كلام على كيفج ... توصلين كلام ماصــار ...
أمل نزلت عيونها بالارض .. خلص الكلام اللي كانت بتقوله .. ماعندها أأي عذر تتعذر فيــه ..
خالد بقهر : حراااااام عليج ... ياأمـــل .. شسويت لج أنا عشان أستاهل منج كل هذاااا ...؟؟ حبيتج وكان وااضــح هالشي .. تروحيـن بس عشان تنتقميـن مني ترفضينــي .... بأأأمـــــــااانـــه .. ردي علي .. ( رفعت نظرها لخالد بندم ) .. يوسف عطااااج نص اللي عطيتج أأيــاه ...
حمــــــااااااااج ..؟؟؟ ماأظــن وأكبر دليل أنج جيتــي لي ... جيتي لي بعد ماتخلى عنج هاليـوسف وسافر .... سافر وخلاج مع أمه اللي مارحمتج ..
جيتي تحتميــن فينــي ... تحتميــن بللي على قولتج أستهزء بأختج ....!!
أمـل ماردت غمضت عينها بندم يقطع احشائهـا
كانت حااااســه بتأنيب الضميــر من زمان بس أنتقامها منه عماهـا .. خلاها تشوفه بصورة وحش ..
وبعد ماحققت اللي تبيــه ..
كاهــي توقف جدااامه وهو مستظيفها ببيتـــه .. ومستحمل وجووودهــا
قطع حبل أفكارها القصير صوت صرااخه العالي : ررررردي علي ... عطااااااج ربع اللي عطيتج ..
أمل وهي تحط يدها الثنتيــن على أذونها وهي تصيح وتقول : خـــلااااااااااااص كااافــي حرام عليــــك ...
خالد وطى صوته وقال : حرام علي ؟؟؟؟؟؟ حرام علي وله حرام عليج ...؟؟ عطيتج قلبي ( قالها بصعوبه ) ودستي عليه .. على بالج نسيت كلامج لي
وأنت تعرضين لي أعز ربعج عشان اتزوجها... ( يهز رااسه بالنفي ) .. لا .. لا ياأمل مانسيت
كل حرف قلتيه جرح كراامتي وكبريائي للحيــن يرن بأذني وصعب أنســاه ...
يكــون بعلمـــج ..
( وهو يأشر على روحه ) أنا تـــجااااهلـــت مهـــــا وبينت لهــا أني معتبرها كأخت عشــــــــااااانـــــج .... لاني حبيتج أنتـــي ..
ومهــا اللي كنت ادري بحبها لي كنت مطنشهــا .. بس تصدقيــن
( ضحك ضحكه قصيره .. قصيره جدا بس تحمل كل الاستحقار ) ياليتنــي حبيتهــا ولا حبيتج ... يالـــــيــــــــــت
أمل اللي كانت تصيح بضعف قالت وهي منزله راسها بالارض : خالد أنا أعترف باللي سويته أأأأدري غلطت ... بس شتبينــي أسوي وأنا أسمعكم تتكلمون عن أأأختــي .. أختي ياخــالد .. شتبيني أسوي أسكت ..؟
ماأقدر أسكت ياخـالد وأنا أسمعكم للمره الثانيه تتكلمون عنهــا
خالد رد بسرعه : كان بأمكااانج ماتتجسسيــن ... وماتدخليــن عصج بشي مايخصج.. بس بسبب لقافتج ..شوفي أخرت فضولج ..؟؟؟؟؟؟؟؟؟؟
أمل كاااااااااان صعب أنها تقولهــا بس ماتدري شلون نطقتهـا : سامحــنـــي خالد .. آآآآســـفه .. ( بصــعـــوبه كبيره وهي تصيــح قالت ) محــتــاجتك ..
خالد اللي دموعها خذلته ونزلت وحده منهم على خده الحــار وقال بصوت هادي : محتــاجتنــي ؟؟؟ هههه والله ضحكتيني ... وينج عني يوم كنت انا محتــاجج .. هــاا .. كنتي معاااه .... كنت مع يوسف .... وأنا ماغير اكتوي بناااااااااار الغيره .. أكتوي بنار حبــج .. اللحيــن لما ضاقت الدنيا فيج
جيتي لي ؟؟؟؟؟؟؟ وله تبيني أكون جنبج دووم لما تحتاجيني .. ولما احتاجج ماألقــاج ...!!!!
أمل اللي ماكانت تقدر تتكلم من الصيااح قالت : خالد تعذبت من بعــدك
خالد يأشر على باب الصاله : وليش اللي بديتيه علي ما ريحج .. مو هو أأأأأحســن منــي ؟؟؟ مو أنتي أخترتيه ورفضتيني ؟؟؟؟؟؟
أمل : كـ ـ ـ ـنـ ـ ـت أعـ ـتـ ـقـ ـ ـد أني أأحبــه بس طـ ـ ـ لـ ـع العـ ـ ـكـ ـ ـس كــ نـ ت معـ ـ جبـه فـ يـه بس ..وأنتقامي منـ ـ ك زيـ ـ ـن لـي يـ ـ ـوسف ..
بس بعد الزواااج أكتشفت أنــي ......... ( ماقدرت تكمل ماتقدر تقول أحبك )
خالد بنفس شموخه قال : ع العموم .. ماأبي أسمع اللي فاااات ....ماله دااعي نفتح جروووح بعض .. أنتــي مثل أخــتــي اللحيــن لا أأكثر ولا أأقــل
أمل طالعته بحزن وقالت : وأختك محتــاجه لك ..
خالد طالعها من فوق ليــن تحت وقال : عن أذنــج ...
راح فوق غرفته
وخلا أمل تغرق في بحــر ندمهــا وحزززنهـــا
اليــوم التــالي
وبعد ماعرف خالد سبب رفض أمل له كان قايم من صبــاح الله خير 5 ونص هو قاعد لانهم ع الـتسع جذي بيوصلون الدوحه وهو بيروح يستقبلهم
ونــاااااوي على نيــه ..
سحب جواله الـي جنبه وأتصل على مشعل اللي بدون حتى أدنى تفكير بيكون نايم هالحزه ..
رن واايد ومحد رد ..
رجع أتصل مره ثانيه ونفس الحاله
رجع أتصل مره ثالث رن وااايد توه بيسكر الا صوت مشعل الناايم النعســان يرد
مشعل بصوته النااعس : آآآآلــــــــوو..!!
خالد : هلا مشعــل ..؟؟ نايم ؟؟
مشعل : شراااااااايـــك أنت ..؟؟
خالد : السموحه مشعل بس متصل بقولك شغله ..
مشعل : اليــوم الصبح بنرجع الدوحه وبتمل من مجابل ويهي وفضفض على كيف كيفك يلا باي
خالد : لحظه لحظه .. صبر شوي ياأخي أبي اقول لك شغله بخصوص امل ..
مشعل بتذمر : خيــر .. شتبي ... أخلص خلوود فيني نووومه بااايخه غصبـ( ن ) ورى خشمي عيوني تغمض
خالد ضحك بالخفيف وقال : زيـن اسمع .. ترى أمل عندي ...
مشعل : وشلـ جديد أدري انها عندك ..
خالد : أنا أقصد يالفاهم .. أنك تقول للوالده انها عندي عشان تفهم خالي مو يجون وينصدموون
مشعل اللي كلش مخه مقفل : والمطلوب مني ...
خالد : ماتفهم ؟؟؟ اقول لك قول للوالده ..
مشعل بغباء : شقول ؟؟
خالد : هذا اللي يبيني أذبحه .. شفيك أنت من تناام تستغنى عن خدماااات عقلك ...؟؟؟؟
مشعل : عليك نووور ... يلا أخلص أختصر شعندك ..
خالد : ( قال له سالفه أأأأأمل وليش جااااات عنده )
مشعل فتح عينه على كبرها : آآآآآحلـــــف ؟؟؟؟ كل هذا يصير واحنا محد .. عزت الله ضربت فيوزاااات خالك ..
خالد : المهم قول للوالده عشااان تكون بالصوره ...
مشعل : أوكي أوكي ...
خالد : يلا أذلف .. كمل نومك .... سلام
سكر بوي مشعل
اللي ماكلف روحه يرجع يتصل ويهزء خالد شوي ويسكــر
على طوووووول ناااااام
خالد شاف انه الوقت مبجر وااايد ... شيسوي لحد الـ ساعه 9 ؟؟
قال يناام له شوي لحد 7 جذي وبعدها يقووووم ...
غمض عيـــونه وبعد ماقعد يتقلب نـــام ...
الســـاعه 8 ونص
فتح عينه خالد اللي حس انه شبــع نوووم عدل ..
شااف الســاعه لقــاه 8 ونص ..
فز من فرااشه وهو يقوول : بـــاااااااال .. مابقــى شي .... المفروض تسع أكون هناك ..
شال روحه ودخل الحمام سبح ولبس ثوب وكاااب أسود
وسحب جووالــه ونزل الصاله مسرع الا أمــل بويها
أمـــل اللي كانت تحاول تصلح اللي كسرته بينها وبين خالد : ماتبي تتــريــق ؟؟
خالد أستوقفته كلماتهــا لفت عليها وقال بأسلوب جاااااف : ماأشتهـــي ... عن أذنـــج ...
أمل ماردت جرحها كلامه وهي تدري انها تستاهل
خالد وصل لباب الصاله ووقف .. كأنه تذكر شغله ..
لف عليها وقال : خالي اليــوم بيــجـــي ... بتــرتــاحيــن ...
فتح البــاب وطلع ..
أمل كانت تحاول تتمالك نفسها ولا تصيــح ...
راحت غرفه الطعااام عند الاكل اللي كانت مسويه على انها بتتريق معــاه ..
بس هو طنشهــا حطت راااسها على الطاولـــه وغرقت بنوبه بكـــاء .. وصــوت أنينهــا يقطع القلب
نـــــدمــــــاااانــــــه حيــــــل على اللي ســــوتـــه ..
نظرااااات خالد لهــا مافــارقتهــا
تتمنـــى الوقت يرجع وتصلــح غلطتهــا
تتمنــى لو أنهــا ماألتقـــت بيـــوسف .. ولا عرفتــه ...
أمل وهي ميته صيــاح : يااااالــ ــ ـيـــتـــــك يــ ــ ــااايبــه جبــرتنـــ ـ ـي بالزواااج من خالد .. أأأكيد كنت راح أتهنى معااااه .. ياليتنــي واافقت
وصــل خالد المطــاار اللي يبعد عن بيته كم ساعه ..
وصل هناك ع الســاعه 10 ..
وقف يشوف الرايحيــن والرااديــن يدورهم بينهم ..
بس مالقااااهم ..
تمت متكتـــف ينطرهم .... مرت نص ساعه ولا في أثر لهم ...!!!!!!
طلع جواله وأتصل على جاسم
رن شوي الا جاااسم يرد : هــلا خــــالد ..
خالد : ويــنكــم أنـــتـــوا ؟؟؟
جاسم : بالامــاراااات ...
خالد بغرابه : بالامـــــــــاااراااات ....؟؟ ليش مابترجعون اليــوم ..
جاسم : بلا .. بس طيــارتنــا ع التســع .. مو اللحيــن ..
خالد يطالع ساعته : يامعووود الساعه اللحيــن طاافت الـ10 ...
جاسم بضحكه خفيفه : 9 بالليـــل مو اللحيــن ..
خالد بصدمه : آآآآآآآآحــــــــلـــــــــــــــــف ...
جاسم : واللــه ..!! .. شبلاك ..!!؟؟ وبعديـن تعال ..أنت من قالك انه بنجي 9 الصبــح ؟؟؟
خالد : مشعلوووووووه الغبي .. قال لي 9 الصبح
جاسم وهو يضحك : ههههههه لا تقول لي أنت بالمطـــار ..
خالد : ماتسمع حشــرت العـــالم .... أقول لك فاااز من نومي مخترع على بالي رااحت علي نومه وتأخرت عليكم ..
جاسم : وأنت تاخذ على كلام مشيــعــل .. أصلا هو اليوم يسال خالي أذا بنرجع اليوم وله لا... يبي يتأكد ...
خالد : هههههههه أمــااا هذا أخوك تحفــه ... أنتوا ويــن اللحيـن
جاسم : والله بالفندق أنجهز قشنــا ...
خالد : آآآآهـــــاااااا ..
جاسم : قول مبـــروووووووك
خالد : مبروك.. بس على شنو ..؟؟
جاسم : أن شالله عنما قريب بصير معرس ..
خالد بفرحه لأخوه : واللــه مبرووووووكـ .. مبــرووووكـ ..ومن سعيــده الحظ ..؟
جاسم : والله الوالده بتخطب لي ..
خالد رفع واحد من حواجبه : لا تقول بتتزوج زواااج تقليــدي ..!!
جاسم : آآي بتزوج زوواااج تقليــدي ... حبيبي أنا مو راعي سوالف حب وماحب .. أنا أؤمن بالحب بعد الزوااج مو قبله ..
خالد : الا بالعكس قبله أأحســن ... ع الاقل تاخذ اللي أختاارها قلبك .. مو اللي أختارتها امك .. صراحه انا واحد ماأحب شي أسمه زوااج تقليدي ..
زيــن لو طلعت قشره ونحيسه وثقيله دم ..؟؟ تبتلش فيها بعد الزوااج ...!!!!
جاسم : بالله عليك شايفني فاضي حق سوالف الحب .. طول وقتي بالشغل .. وين أشوف بنات انا عشااان أأأحب ..
بنات العيله الاغلبيه يهاالوو .. وثنتيــن مكوشيــن عليهم انت وأخووك ... يعني أتزوج من طرف الوالده أأحســن ترى ...
خالد بستغراب : انا وأخووي ؟؟؟ أنت تدري اني كنت أحب أمل .. ورااحت بنصيبهــا يعني انا اللحيــن ماعندي وحده حااط عيني عليهــا
جاسم : مو أأنـــت اللي حاط عينك عليهــا ... الوالده اللي حاطه عينها على وحده .. أمس اسمعها متحلفه فيك تقول بتزوجك مهــا رضيت وله ماارضيــت ..
خالد بصوت هاادي : مهــا ..!!!
جاسم : أأأأي مهـــا ..... ( قعد يسولف له وخالد مو معــاه )
يحاول يتذكر أأأخر مره شافها فيهــا ..
مو مثبت ملامحهــا عدل .. لانه أصل كان يتجاااهل وجوودهــا ...!!
يحاول يتذكر شكلها بس مو قاادر .. ماتحضره الا صورتها وهي صغيــره ....!!
تغيــرته وله للحيــن على حالهــا !!
قطع حبل أفكااره صوت جااسم : شوف خلوود ..
خالد : هلا ..!!
جاسم : أنا بسكر اللحيـن اكمل أأغراااضي وبرجع أتصل لك أذا فضيــت ..
خالد : أوكي .. يعني ع التسع بالليــل بتجووون ..
جاسم : أأي .. 9 بأذن الله احنا بالدوحه ..
خالد : أأأأكيـــد مو تسويها فيني مثل مشعل ..
جاسم : لا تطمن 9 بالليــل
خالد : يلا فمـــان الله ...
جاسم : فمان الكريم
وسكــر من عنده
بيت بو جاسم
كـانت أمل قاعده بالصاله ومسنده راسها على أحدى الكرااسي ومغمضه عيونها
( اليــوم بيرجعــون آهــلــي .. ويمكــن أرجع ليــوسف ويمكــن لا .. آآآآآآآهـــ.. ويــنــج يادلول
أبي أرتمــي بحظنــج .. مافي حد فاهمنــي كثــرج ..... ((( تذكرت خالد )))) ... خسرت خالد بلحظه غضب ....
فقــدت ضحكه وغشمرته معــاي بتسرعي .. وطيشي ... وبالاخص .. خسرت قلبـــه .....
آآه لا فــات الفوت ماينفع الصوت ياأمــل .. اللحيــن بقعد أتندم على اللي سويته .. عقب ماهنتـــه وجرحته ....
بس صج صج حتى وأنا مع يوسف ... ماكان خالد يفارقنــي .. يوسف مايقدر يحميني بس خالد أأأيه ..
واكبر دليــل انه قدر يوقف بوي يوسف ويرفض اني اروح معــــاه .. يوسف يحبنـــي ماأنكر هالشــي وأنــا أحبه لكــن ماأحس انه حبي له جنوني ..
حبي له عـادي جدآآ .... بس خـالد .. ( تنهدت بصوت مسموع ) أأأأأأأأموت فيــه .. آآآي أعترف أني احب خالد بس بعد شنو ..!!
بعد ماصرت لغيــره .. وكرهته فيني ..!!!! )
قطع حبل افكارهاا صوت باب الصاله
دخل خالد وسكر البــاب شافها قاعده بالصاله قال : بيــرجعون بالليــل مو اللحيــن ...
أمل وهي تستعدل بقعدتها : آآآآدري ...
خالد رفع واحد من حواجبه : تــدرين ..!!!!!!
أمل : قالت لي أمي ...
خالد : آآهــااااا
خالد بقلبه ( هيـن يامشيعــل مردك بترجع الدوحه ... أوريك منقعني بالمطـــار هــااا .!!؟ )
دخل وقعد على الكرسي بس بعيد عنهــا
وسحب الريموت وقعد يفرفر بالتلفزيــون يبي يلهي نفسه بأي شي غيرهــا
يبي يبـن لهــا انه مو مهتم لها وجودها وعدمه واحد .. رغم انه الود وده مايرفع نظره عنها
بينما أمل كانت تتأمله .. مانزلت نظرها عنه ...
وتتذكر كل لحظه عدت بعمرهــا معـــاه ..
ياامــا كـــان يضحكهــا
ويــاامــاا كــان يستفزهــا ...
ويــااامــــا كان يطلعهـا من طورها
بس بعد ماكــان هو يعصب عليهــا ولا مره صرخ بويهــا
.
.
.
نزلت دمعه على خدها لكن بسرعه مسحتهــا وصدت عنه
عدت ثوااانــي والصمــت سيـــد الموقف ...
محد فيهم تكلم ولا حد طالع الثــاني
الا صوت الجرس ينطق
خالد سمعت الجرس بس ماتحرك قال بقلبه ( أأأأأكيـــــد هو ..!! ) تم قاعد وصوت الجرس يرن وهو مابيـن أي أنفعــال
قصــر على التلفزيــون وقام وهو يقول : أأكيـــد ريلــج ... الله يعيني ..
طلع ومشى ببخطوات مو سريعه واايد ولا بطيئه ..
لحد ماوصل
الا يوسف بويها
يوسف : رحت بيــت أهلهــا محد فتــح لي ... قلت أأأكيـــد للحيــن عندك ..
خالد : تعــال لها بالليــل ... 9 بالليل أهلهــا بيرجعوون
يوسف رفع واحد من حواجبه : تعلب علي أنت ... مره تقول لي الصبح ومره بالليل .... أبي مرتي ..
خالد اللي مازال محافظ على برووده : ترى ماأعض هــا ...!! .. وبعديـــن مايندرى شصادهم هناك ... عشان يتأجل وقت الطيــاره ..... تعال 9 وخذ مرتك ..
يوسف : وشلــي يضمن لي لما اجيلك ع التسع ماتقول لي... تعال باجر ..
خالد: شفيك أنت .. على بالك ميت على مرتك أنا ....
قاطعه يوسف : رجاءا .. تكلم بأحترام مثل ماأنا اكلمك باحتراام ..
خالد : أأأسفيــن يالطيب .... بس سالفه ترجع معاااك أنســى .... مو مستغني عن بنت خالي .. ترجع هناك تذبحها أمك لا رجعوا أهلهــا أخذهـا
بس داامهـا بذمتي .. آآآسف ..
يوسف بعد ماقعد يطالع خالد بنظراات كلها غيره قال : اوكي ... 9 بكون هني ...
خالد طلع شوي وأشر على بيت بو حمد وقال : قصدك هنــاك .. ( ببتسامه ) .. فمان الله ..
يوسف مارد عليه عطااه ظهره وركب سيارته وراااااااح
زيــن ماسبح خالد بالغبــار
سكر خالد البــاب ودخل
خالد : هذا ريلج مادري شبلاهـ ...قاعد لي قعده .... أذاانــي
أمل : أأدري وجودي ثقيل عليك ... بترتاح مني اليوم ..
خالد قعد على الكرسي ولا رد عليها سحب الريموت وقعد يفرفر وحط على قناه روتانـا خليجيه
كانوا حاطيــن أغنيــه
لـ :: راشد الفارس - لما تسألكم ::
طول عليهـا خالد يبي يسمعهــا وبالمره يتجاهل أمل
كانت توهـا ببدايتهـا موسيقى بس ..
الا أمــل قالت : خـــالـــــــد ....
خالد رفع يده بمعنى ( أسكتي أبي أسمع )
أمل طالعته ونزلت عينهـا بالارض ودهـا تصيــح من القهــر والندم
قولوا سافر في سكات .. حسسوها الوقت فات ..
والا قولوا الحب مات .. مثل ما قالتها لي
لما تسألكم علي .. لحدن يدلها علي ..
ابعدوها بأي طريقة .. فهموها أي شي
..... آآآلــــخ ..
.....
باللــيل ع الســاعه 9 كان راايح خالد المطــار يستقبل آهلــه
وأول ما لمحهم رااح لهم ببتسامه عريضه وسلم عليهم
بس ملامح بو حمد ماكانت تبشر بخيــر
خالد بقلبه : آآآكيــــد قال له مشعل
وأول ماوصلــوا البيــت
جو بو حمد وأم حمد وعيالهم بيت أم جاسم
بينما ام ريم وعيالها راحوا بيتهم
دخل بو حمد وهو يبحث عن بنته بعينه شافها قاعده بالصاله وبايـن أنهـا تنطرهم
اول ماشافت أبوهــا جاااات وأرتمت بحظنه وهي تقول : يبــه ليــش خليــتــوونـــي برووووحـــي
بو حمد وهو يحظن بنته : شسوت لج .. أم يوسف ..
أمل صاااااحت وهي تقول : ذبحتنــي يبــه ...
دخلت أم حمد وأول ماشافت بنتها تصيح رااحت لها على طول
أم حمد وهي تسحب أمل من حظن أبوهـا وتحظنهــا : خلاص يمه .. خلاص .. أنا بتفاهم مع أم يوسف ...
أمل : يمه ماأبي أسكن معــاهــا ببيــت وااااحد ...... مابي ...
قعدت تصيــح أمل بحظن أمهــا وهي متعلقه بثيــابهــا
وكأنهـا تبيها تمحي هالحزن اللي أحتل قلبهـا
وبعد ماهدت أمل وقعدووا بالصـــاله
بو حمد بغضب : شكلهم على بالهم مالج ظهــر ... من جذي أستفردت فيج .... زيــن ماسويتي يابنتي وجيتي حق خالد .. ولـه كان ذبحتج هلي ماتخاف ربهـا ..
أمل اللي كانت بحظن أمهـا قالت بغصه : يمــه .. كنت حااامـــل ...
بو حمد وأم حمد : حـــــــــــــامل ...!!
دلال فتحت عينها على كبرها من الصدمه
أمل : وسقطت .. لانها ضربتنــي .....
أم حمد : حسبي الله عليج ياأم راشد جانج حرمتي بنتي من ضنــاهــا
أمل تدفن ويها بصدر أمها وتصيح : يمه لا تخلــــوووونـــي
أم حمد : مــاراح نـخلــيج ... يايمه .. لا تخافيــن ..
بوحمد بغضب : وهالخديه ريلج وينــه ..؟ وراااه ماسأل عنج ...؟؟؟ وله منتي بمرته ..؟؟
رد عليه خالد لما شاف انه امل ماتقدر ترد وقال : أمس جاااا كان توه رااد من السفــر وكان بياخذ أمل بس مارضيت ... قلت له تعال اليوم الثاني وجااانــي الصبح .... على باله أنكم رديتتـوا ... ( طالع مشعل وصد عنه وقال) لاني قلت له انكم الصبح ع التسع بتوصلوون ... رااح وقال بيرجع بالليـــل وفـي أي وقت بتسمعون صوت الـجـ ....... ( قطع كلامه صوت الجرس ) وصل ..
بو حمد قام قال : خلني أنا بطلع له ..
وقف خالد وقال : صل ع النبي ياخــالي .. اللحيـن بيدخل وتفاهم معــاه .... ماله دااعي تشرشحه بالحووش تسمع الفريج ...
بو حمد : روح روح ناده ...
طلـع خالد ويوسف حاااارق الجرس ..
فتح خالد البــاب وشاف يوسف مووووولع
يوسف بغضب : تستعبط أنت وله شكلك جذي ....!!!!
خالد برود : وعليكم السلام ..
يوسف : مابيني وبينك سلام .. روح ناد مرتي..
خالد : أنا قايل لك مااراح تاخذهـا ألا من أهلهـا
يوسف يقرب من خالد وهو معصب ع الاخر : شوف ... أنا ماني متحرك من هني الا ومرتي معااااي .... تفهم
خالد أبتعد عنه وهو متكتف وقال بنفس بروده : حيـــاك .. أهلهــا داااخــل روح قول هالكلام لابوهـا
يوسف دخل لحد ماوصل لبــاب الصاله ..
الا صوت خالد يوقفه : هيــــه أنت .. البيوت مالها حرمه ..
يوسف وقف .. وتم ينطر
لحد ماوصل جنبه خالد .. طالعه خالد بنظراات مافهم معناها يوسف ودخل
خالد وهو داااش : درب ....درب ..
قاموا أم حمد وأمل ودلال وأم جاسم ورااحووا فوق
خالد يلتفت على يوسف : حيــااااك
دخل يوسف الصاله اللي كان فيها جاسم ومشعل وسالم وبوحمد اللي الشرار يطير من عينه
دخل يوسف وباس راس بوحمد اللي قال بغضب : صج اللي سمعتــه ..
يوسف بأحترام : صج ياعمي ... بس والله ياعمي غصبـ ( ن ) علي سافرت حاولت مع الوالد ماقدرت ... ومحد منكم كان بالديره عشان أودي أمل عنده بو حمد : وخالد مو مالي عيــنـــك
يوسف اللي صار يكره هالاسم : ماأرضــاهــا على نفسي ياعمي .. أقعد مرتي عند ولد عمتهــا ...!!! مو عدله ..
بوحمد : وترضااهـا على مرتك تتهزء وتنطق وتسقــط ..!!!
يوسف : ياعمي هذا شي مو بيــدي ...
بوحمد : بيدك وله مو بيدك .. بنتــي أهــانتهــا أمـــك .... ومستــحيــل ترجع لك وتسكن بـ بيــت أمك فيــه ..
يوسف : أنا واعدهـا أنــي بطلع لهــا بيت بروحهــا
بوحمد : ولما تنفذ هالوعد .. تدل بيتهــا تعال وخذهــا
يوسف بصدمه : عمي مايصير جذي ... خلـ نتفــاهم
بوحمد : وأنت خليت فيها تفاهم ..
يوسف : واللــه الوالده تغيرت ... صدقني ..
بوحمد : تغيرت لنفسهــا .... مو مستعد أخسر بنتــي
يوسف : زيــن خلنــي أخذهـا معــاي اليوم .. وأذا ........
بوحمد : قلت لك بنتــي ماراح ترجع بيت فيه أمك ...
سكت يوسف لما شاف انه مااافي ذره أمل انه ياخذ أمل معــاه ..
تنهــد وقال : أأوكــي ... عن أذنك ..
طلع يوسف من البيـــت وهو معصب ركب سيارته وهو يقول : مرتي ومو قادر أأأخذهـــااا ... الله يسامحج يايمه .. بأسبابج راح أخسر أمل
أول ماوصل البيــت كانت أم راشد قاعده بالصاله مع منال
لانه منال حاولت تطلع امها شوي من الحزن على وفااات ولدهـا
الا يوسف داااش لا سلام ولا كلام
منال : يوسف ...!! شفيك ماتسلم ..
يوسف : ماااااافـــينــي شي ...
كمل طريقه
بس أم رااشد وقفته : تعــال يمه أقعــد معــاي شوي ....
يوسف لف عليها وقال بغضب بس يحاول انه مايعلي صوته على امه : تدريــن يمه بأسبــابج .... خسرت أمــل .. أهلهــا مو رااضيــن أني أخذهــا
وحتى هي ماتبي ترجع لبيــت أنتــي فيــه ... حرااام عليج يايمه .. شسوت لج هي عشان تسوين لهـا كل هذا .... حرمتيني من ولدي ..!! لــيــش ..
أم راشد بتسأل : ولدك ..!!
يوسف : لا تقوليـن لي ماتدريــن أنج يوم ضربتيهــا كانت حامـــل وسقطــت ...
أم راشد بصدمه : حااااامـــــل ....!!
يوسف :آآي حامل .. يايمه حااااااامــل ... وأنحرمت منها ومن ولدي .. ليش يايمه ليييــــــــــش
راااح عنهــا فوق وخلا امه في صدمه
قالت بصوت وااطي : كانت حامل ..!! .. ( تطالع منال ) كانت حامل يامنـال
منال اللي ماعرفت شتقول : لا حول ولا قوه الا بالله ...
ام راشد بغصه وحزن : وسقطت بأسبــابي ..
اليــوم التـــالي
بيت بو حمد
رجعت أمل البيــت عند امهـا وأبوهـا
بس كــان الحزن كاااسيــهــا
دخلت عليها دلال وهي تقول : أمولتي ماتبي تتريق معــاي ..
أمل اللي كانت قاعده تسوي شعرها بملل : بلا اللحيـن بنزل
دلال : أوكي خلصي بسرعه ونزلي .. عندي لج سوااالف واااااااااايد صارت لنا بالســفــر
وخــاصه .. عن حبيبي
أمل ألتفتت عليهـا وقالت : دخلي .. دلول بقولج شي ..
سكرت دلال باب الغرفه ودخلت
قعدت على حافت سريرهـا وقالت : هممم .. يلا قولي .. كلي أذاااان صاغيـه
أمل ألتفتت عليهـا : بس توعديني انج حتى أذا زعلتي علي ... تسامحيني ... محد يفهمني كثرج ..
دلال ببتسامه أنرسمت على ملامحها الرقيقه : ومن متى أزعل عليج ... يلا قولي بسرعه .. أبي أروح اكل ميته يوع
أمل سكتت شوي وقالت : مشعـل يحبــج .. تذكريـن لما قلــت لج انه كان يتكلم عنج بالعزبه ..!!
دلال اللي مازالت مبتسمه : آآآي أذكر وأعرف السالفه كلهـا .. سمعتي السالفه من النص .... أأدري انج ماكنتي تقصديـن شي ..
أمل بستغراااب : وأنتي شدراااج
دلال بحالميــه : قال لي مشعـــل .. السالفه كلهــا ....( بضحكه خفيف) تصدقيـن زين انج قلتي لي السالفه من النص وخليتيني أبتـعـد عنه فتره ...
عرفت غلاتــي ..
أمل أبتسمت : يعني مو زعلانه علي ..
دلال قامت وباست راس أختها وقالت : ألا أبووووس رااسج على اللي سويتيــه لولاج ... لا كنت للحيــن متعذبه ولا أعرف اذا يحبي وله لا
حظنتهــا أأمل وقالت : ريحتيني الله يريــحج ..
دلال : يلا لا تقعديـن تسوين لي جو رومنسي ... أبي أأأكل يوعـــااااانــه
دخل عليهم حمد اللي فتح البــاب بدون مايطقه : يوعـــاااااااااااااااااااااان متى بتنزلووون ..!!
أمل : زيــن زيــن لا تاكلوونــي اللحيـن بنزل ..
حمد : بروح بقعد .. لكم دقيقه ماجيتوا باكل والله كيفكم
وراح عنهم ..
دلال : وووي يسويهـا أخوج ... خل ألحق على صحني لا يلحس اللي فيه
طلعت دلال
اللي رسمت أبتسامه على شفاته أمل
قامت أمل وطلعت من الغرفه ونزلت تاكل معاهم
الساعه 10 ونص ببيــت بوحمد
كانوا أم حمد وأمل ودلال قاعديـن بالصاله ...
بينمــا بوحمد بالشغل
الا صوت الجرس ينطق
أم حمد : من جاااينــا من صبــاح الله خيــر ...( تنادي حمد ) حموووووووووووووود .. ياحمـــد .. حمــااااااده ..
نزل حمد بسرعه لانه يتخصبق لما حد يناديه بصرااخ : نــــــعـــــم يمه ..
أم حمد : يلا فديتك شوف من عند البــاب
حمد : كله انا كله أنا ..
دلال : اطلع شوف من وأنت ساكت .. بلا مراادد
حمد : زيـــــــــــن ..
طلع حمد وهو يتحلطم
فتح البــاب لقى مره واقفه
المره : السلام عليكم ياولدي ..
حمد : وعليكم السلام ...
المره : أمك هنــي ..!!
حمد : آآآي داااخــل صبري شوي ..
راح دااخل وخلا المره وااقفه
حمد دخل وهو يقول : يمه في مره واقفه برى تبيج ..
أم حمد : ووويــه ..؟؟ ليـكون خليتها وااقفه ... دخلهــا دخلهــا معاها حد ؟؟
حمد : لا ..
أم حمد : عيل دخلهــا ..( راح حمد ) ..الله يغربل ابليسه من ولد موقف المره بعز الشمس .. صج ماعرفت أعلمه الذوق
أمل ببتسامه : تووووه ياهــل يمه .. ههه
أم حمد : لا ياهل ولا غيره .. الادب والاخلاق ماتعرف صغير وكبيــر
شوي الا دخل حمد وورااه المره ..
أمل وقفت منصدمه ..
ونفس الشي أم حمد اللي قالت : أنـتـــي ..
أم رااشد ببتسامه : السلام عليكم ..
أم حمد : وعليكم السلام ..
أم رااشد : أأدري مستغربيــن من وجودي .. بس أنا جاايه أرد أمل بيتهــا ..
أم حمد اللي شايله بقلبها على هالمره : لا ياأم يوسف .. بنتي ماترجع هناك .... نسيتي شسويتي فيهــا ..؟؟
أم راشد طالعت الارض ورجعت طالعت ام حمد : أنا جايه بنفسي أعتذر منهــا ..
أم حمد : تفضلي قعدي يأأم يوسف ..
قعدت أم راشد وقالت بعد صمت قصير : أأدري ياأمل أني هنتــج وااايــــد .. وماأحترمج .... وأدري أني غلطاانه .. ( تطالع امل ) بس يايمه ردي البيــت
يوسف ماقام يكلمنــي وأمس جاانــي معصب .. ( بغصه ) يابنتــي أنا خســرت وااحد .. ماأبي أخسر يوسف معــاه ..
أمل مافهمت قصدها شلون يعني ( خسرت وااحد ؟؟ )
ام راشد طالعت الارض : من كم يوم .. توفــى ولدي راااشد ... وخسرت وجوده بالبيــت .. ماأبي ( نزلت دموعهـا ) ماأبي أخسر يوسف ..
أمل بصدمه : رااااااااشــــــــــد ..!! متى وشلون ..؟؟
أم راشد صاحت بحرقه .. ماقدرت ترد ..
قامت دلال رااحت جابت لها مااي ورجعت
دلال : تفضلي خالتــي
خذت القلاص أم راشد شربت شوي وحطته جدامها وقالت : صدقيني يابنتي لما ضربتج .. ماكنت أدري انج حامل .... ماكنت أدري اني ذبحت اللي ببطنج ..( تنهدت بحزن عميق ) .. بس حقج ماضــاع ربج خذاااا ولدي مثل ماحرمتج من ولدج
أمل ردت بسرعه : لا خالتــي لا تقوليــن جذي ... هذا شي مكتوووب ... وأصلا حتى لو ماضربتيني الولد كان جذي جذاااك بيموت لانه ربي مو كاتب له يعيش ..
أم راشد طالعت أمل بحزن : ردي يايمه .. ردي بيتج .... يوسف محتااجج ..
أم حمد اللي عورى قلبها أم راشد : ويوسف يدري انج بتجين هني ..
أم راشد : وأنا أشوفه عشان أكلمه .. الظاهر مايدري .. أنا جيت من نفسي مع الدريول ..
أم حمد ببتسامه : خلاص ياختي .. داامج جيتي بنفسج مانردج .. وكفايه أنج أعترفتي باللي سويتيـه
أم رااشد أرتاحت وقالت : واللـه ياأم حمد .. لو أذيتها وله مديت يدي عليها تعال اخذوها من نفسكم ....
أمل قامت وقعدت جنب أم راشد وباست رااسهـا
حظنتهــا أم راااشد لأول مره وقالت وهي تصيــح : سامحيني يابنتــي .. سامحيــنــي ...
وبعد ماصفت القلوب تجــاه أم راااشد اللي أصرت ماتطلع الا وأمل معــاه
شالت أمل اغراضها وراااحت مع أم رااشد
بالسيــاره عند أم راشد وأمل
أم راشد وهي ماسكه يد أمل : أن شالله بعوضج عن كل كلمه جرحتج فيهــا ..
أمل اللي فرحته لما شافت أم راشد بهلـ طيبه : وأن شالله أنا مابزعلج منــي
أم راشد : داااام يوسف يحبج مستحيـل أزعل عليج .. أنتي من ريحه الغالي
أمل : أقــدر أنــاديج ... يمه ..!!
أم راشد بفرحه : كنت أتمنى أسمعها منج ..
أمل ببتسامه : خلاص عيل ... يمه ..
دقايق ووصلوا البيت دخل أم رااشد ومعاها أمل
كانت هيام بتجي تسأل أمهـا ليش طلعت .. بس لما شافت أمل معااه طاارت من الفرحه
هيام راحت لها وحظنتهـا : أمووووووووول
أمل بضحكه : ههههه هلا هيوم ..
هيام : واللـه بيستخف يوسف لو درى أنج هنــي ..
أمل تلاشت أبتسامتها وتحولت الى خوف بسيط : هو هنــي ..!!!
هيام : لا طلع من شوي ... تصدقيـن ماقام ياكل ولا يشرب ... طول الوقت بغرفته .. وله بالشركه ..
أم راشد : خليني أنا بتصل له وببشره
راحوا قعدوا بالصاله
سحبت التلفوون أم راشد وأتصلت على يوسف
شوي الا شوق طالعه الصاله أول ماشافت أمل جات تركض : أ ـمتــي أمـل .. أـمتـي أمـل
شالتها أمل وقعدتها بحظنهـا : هلا فديتج ..
شوق : ليـش تلعتي ؟ ( طلعتي ) من البيت ؟؟؟
قاطعت كلامهم أم راشد اللي اشرت لهم عشان يسكوتون
أم راشد : أألــوو ..
يوسف : هلا يمه ..
أم راشد : أنت وينك يمه اللحيــن ..
يوسف اللي كان يرد على قد الكلام : طالع اتمشى بالسياره أغير جو ..
أم راشد : زيــن تعــال يمه البيــت أبي اقول لك شي ..
يوسف اللي ماكان يبي يرجع البيت : ضروري اللحيـن ..!
أم راشد : أأي يمه .. تعال ... أنطرك ..
يوسف : أنزيـن أنزيــن .. يلا ..فمان الله
ام راشد : في حفظ الرحماااان ..
سكر يوسف .. وغير طريق مساااره .. رااجع للبيــت
كلها ساعه ونص الا هو بالبيــت دخل صف سيارته ونزل وسكرها بقوه
حط يده الثنتيــن على السيااره وأخذ نفس عميييييييييييق ... ودخل
فتح البــاب وهو يقول : يمـــه أأنـــا جيـــت ..
الا صوت ام راشد طالع من الصاله : تعال أنا هني بالصاله
سكر يوسف البــاب ومشى بخطووات بطيئه وبمللل ..
وصل الصاله وقال : نــعـم يمـــ .. ( قطع كلام أمل اللي شافها قاعده قريب من امه )
قال بفرحه : لا لا .... أنا أحلم أكيــد
أم راشد فرحته لما فرح ولدها : تعال يمه حق مرتك ..
راح سيده لأمه وباااااااااااااااس راااسه من الفرحه : مشــكووووووووره .. يالغاليــه ..
أم راشد : عشان بس ماتزعل مني .. وأن شالله مابزعل مرتك مره ثانيه
راح يوسف لأمل وقعد جنبها وقال : جذي ... جذي يأأمل .. أجيج فوق الـ مرتيــن ولا ترضيــن ترديـن معــاي ..
أمل نزلت ويها بخجل ...
الا منال تقول : المهم أرجعت يلا عاد بلا عتب وكلام فاضي ...
يوسف : والله ماقدرت أأعيش بدونج ... طول وقتي أفكر فيــج ...... حراام عليج رحتي وخذتي قلبي معاج ..
أمل أبتسمت بخجل
يوسف قرب منها وقال بهمس : آآحـــــبـــــــــــج
الا منال مقاطعته : هيـــه أنت .. في يهال بالصاله ..... لاحق على الجو الرومنسي اللي مسويـه ..
أم راشد اللي فرحته قالت : الله يديم هالوناسه عليكم
بيت بو جاسم
كانوا متجمعيــن على طااولة الطعام
أم جااسم : أسمعني ياخــالد ...
خالد : نعم يمه ...
أم جاسم .. : ترى أنـا كلمت أمس أم ريم .. وخطبت لك مهــا بنتهـا
خالد بلا مباله : زيــن ....
أم جاسم : شللي زيــن ...؟؟
خالد : أوكي .. خطبتي لي مهـا .... وبعديــن ..
أم جاسم : اللحيـن مهــا بأذن الله بتكون مرتك ... على سنه الله ورسوله .... مو تنكد عليهـا
خالد : أن شاللــه ..
أم جاسم : هذا وااحد وخلصنــا منه . ( تلتفت على جاسم ) .. وأنت بخطب لك الجازي بنت عائشه الـ ( .... ) ..
جاسم : دامهـا من طرفج .. أأأكيـــد بتكــون زيــنه ..
أم جاسم : البنت مؤدبـه وحلوه وعندها أخلاق وذوق وبنت حلال ..
جاسم ببتسامه رضى : وأنا شبي غير هذا ؟؟؟؟؟
أم جاسم فرحت من رده : فديتك أنا .. والله أنت اللي مريحني نفسيا
الا مشعل ينطق : وأنا متى دوري أن شاللــه ..
أم جاسم : أزوج أخواانــك بعديــن انت ..
مشعل : لا واللـه لا طــارت مني البنت أحط يدي على خدي ..!!
أم جاسم : هوو .. شفيك مخترع جذي مو شايف خير ..... وبعديـن دلال توها ع الزوااج يعني أصبر لما تخلص درااستهــا بعديــن يصير ألف خير
مشعل : ياهلـ درااســه ... زيــن خطووبه بس ..
أم جااسم : يصيــر خير .. أخلص من أخوواانك وبعديـن أتفرغ لك
الا سالم بغشمره : زيــن داامج بتزوجيــن عيالج .. دوريلي مره معــاج
أم جاااسم : واللــه ..!!! عشــان أكرك أنت ويااااها بالكووشــه
مشعل وهو يصفق ويصفر : أوووووووه الوااالـــــــده تغــــار ... ههههه
جاسم لسالم وهو يضحك : بزوجك أخت مرتي .. أن شالله ... ماعليك
سالم يغمز له : بس أبيها حلوه .. ماأوصيــك
أم جاسم بغضب : هييييييه أنتووا .. لا ترفعون ضغطي ..
جاسم : اشم ريحه دخـــان
مشعل : الا حرييييييقــه ...
ضحك خالد بالخفيف على هبال أخوواانه ...
..___ بعــد مرور سنتيــن ___..
كان توه دااااش الصاله وشافها متبهدله مع ولدهــا
مهـا : يابو مبــارك تعال شيــل ولدك .. أذاااني ترااه أبي أنظف البيــت
خالد اللي كان جايب أغراض البيت : لحظه حياتي بس أحط الاغراض بالمطبخ وأأجيلج ..
راح خالد حط اغراض البيت بالمطبخ وطلع شال ولده وقعد على الكرسي : بروووووك .. ماتستحي مأذي أمك ..
مبارك اللي ماتعدى الـ ( سنتيـن ) كان يضحك
خالد ببتسامه عريضه : أنا أكلمك توزع لي أبتساامــات ... رد علي .. ماتستحــي ..
مبارك مازال يطلق الضحكااات
خالد ضحك وقال : شوف خلـ نتفاهم ريال مع ريال .. رد علي لا تضحك
مبارك مات من الضحك
خالد لمها وهو يطالع ولده :لاااااا بالله أستخف الولد ..
مها : طالــع على أبووه
خالد وهو يسوي حركاات بويها عشان يضحك مبارك : وش فيه أبوه .... شحلاته وش زينه ..
مهــا وهي تشغل ( المكنسه الكهربائيه ) : ووي من زينك ..
أشتغلت المكنسه وصار أزعااج مو طبيعي
خالد يكلم مبارك : شوف .. امك تغلط علي ... ترضااهـا على أبوك ..!!!!
مهـا وهي تخم الصاله : خلووووود أرفع ريلك بخم ..
خالد يسوي روحه ماسمع : شتقــوليــن
مهـا : أرفع ريلــك .. بخم
خالد : ماأسمعج ..
مهـا : ريــــــــــلك أرفعهــا
خالد بعبطه : هــااااا ..
مها وهي تبند المخمه : هووا ... تسوي روحك ماتسمع .. أرفع ريلك
خالد قام وقال : بفكج من مجابل ويهي ( يكلم ولده ) خل نروح دااخل قبل لا تاكلنــا صح ..
مبارك يحظن أبوها وهو يضحك
خالد بصوت عالي من الفرحه وهو راااايح : بيــذبحني ولدج ... ياااااانــــــاااس
ركب ع الدري وهو يقول : حيااتــي تجهزي العصر بنروح بيت الوالده ..
مهـا : ان شالله حبيبي ..
خالد رجع وهو يقول : شنو شنو شقلتــي ..
مها وهي تضحك : أقول بلا عبط ..
شغلت المخمه
خالد كمل مشيه وهو يقول : أموووووووووووت فيها ياعالم ..
مها ضحكت عليــه وقالت : فديته ..
....
في بيت ثاني
دخل وهو ماسك ولده : يلا دش روحه خلـ ماما تبدل لك ..
الا أم راشد تناديه : يوسف جيــت ..!!
يوسف وهو يدخل : أأي جيت يمه ... ياهم كرفوني كرااف بالشغل ....
أم راشد اللي حاطه دلالهـا جدامها : اسم الله عليك .. تغدى وروح أرتــاح
دخلت شوق اللي أصبح عمرها الحيـن ( 7 سنوات ): عمــي يوسف ..
يوسف : هلا شوق ..
شوق : عمتي أمل تقول لك .. جبت اللي وصتك عليـه ؟؟
يوسف وهو يطلع من مخباه جرج : أأي اي .. جبته وديه لهـا ..
شوق خذت الجرج ورااحت دااخل
يوسف لأمه : ترى اليوم معزوميـن ببيــت أهل أمل ..
أم راشد : ااي أدري يبه توهــا أم حمد قايله لي ..
يوسف وهو يقوم : أوكي عيل .. بروح ارتااح أذا جهز الاكل نادينــي ماعليج امر
أم راشد : أن شالله
قام يوسف وراح فوق لقى أمل تبدل حق ولدها تلبسه جلابيه أول مادخل الا أمل
أمل : هلا حبيبي ..
يوسف : هلا .. حياتي
راح أنسدح وقعد يلاعب بنته اللي ماكملت شهريــن
أمل لولدها : يلا روح أنزل تحت أقعد مع يدووه ..
محمد بتعب : أبي أنـام ..
أمل : تغدى عقب نام .. أوكي ..
محمد : أوكي ..
أمل : يلا بوسه حق ماما ..!!
محمد باس أمه وجاا بيطلع الا يوسف يوقفه : وبابا .. ماله رب يعني ..!!
جاا محمد وباااس ابوه ..
يوسف وهو يبوس ولده : ياااااقلبي عليه هالوالد ..يلا أنزل تحت روح أقعد عند يدوه
محمد : أنزيـن ..
طلع محمد
يوسف تم يلاعب بنته ( ملاك )
يوسف : ترى اليوم بنروح بيت أهلج
أمل وهي تعدل شعرها : أأأي أدري .. كلمتني أمي اليوم ..قالت لي أنهم مسوين عزيمه ببيت عمتي
يوسف وهو ينسدح : تعبـــــااااااااااااان هلـــــكـــــااااان من قلب ..
أمل لفت عليه بأبتسامه وقالت : أرتااح حبيبي .. ليش متعب روحكـ .... لما يجهز الغدى بقومك
يوسف وهو مغمض عيونه : وهذا اللي بسويه
.....
بيت ثــااانـي
دخلت الغرفه وهي مبتسمه
وراحت صوبه تقووومه : حبيبي ... مشعــل .. شوشو
مشعل فتح عينه بصعوبه بسبب النور اللي مخترق خيوط الستاره قال : هـلا حيااتــي
دلال وهي تقعد ع السرير : صبــاح الخيــر ..صح النوم .. ياكسول ..
مشعل ببتسامه : والله البركه فيج نااايميــن متأخريـن أمس ..
دلال : لازم أشوف الفلم بعديـن أنــام ..
مشعل وهو يرفع روحه ويتسند : شايفته ولا مليون مره وبعد تبين تشوفيــه
دلال : لما أشوفه بروحي غير ولما أشوفه معاك غير ..
مشعل وهو يتمغط قال : أموووووت أنا على هالكلام ..
دلال قامت وقالت : يلا قوم تريق معااي ..
مشعل بتسأل : كم الساعه اللحيــن ..!!
دلال : 8 وشوي ..
مشعل قام وهو يقول : بغسل ويهي وبنزل
دلال وهي تقعد ع السرير : وأنا ماني نازله الا معاك ...
مشعل أبتسم لهــا ورااح أخذ فوطه صغيره ورااح غسل ويها وأسنــانه
وطلع منتعش ونزل مع دلال تحت على طاوله الطعــام
مشعل : يلا بسم الله ..
دلال سمت وقالت : ترى اليوم بنروح بيت عمتي ..
مشعل: أدري ياروحي ...
دلال : مشتــاقه حق أأمي ... وحق حموود .. وحق عمتي والبيت بكبره ..ههه
مشعل أبتسم لها وقال : وأنا مالي رب ..!!
دلال : أنت مجابلتك كل يوم ....
مشعل : الله يالدنيــا مسرع مامليتي مني .. هذا وأحنا صار لنا شهر متزوجيـن وجذي عيل لا كملنـا سنه شبتسويــن
دلال بدلع : تشــك بحبي لك ..!!!
مشعل بشاعريه : آآآشــك بالخلق كلهم ألا أنتــي ...
دلال بدلع زاايد من رونق جمالها : خلاص عيل أكل وأنت ساكت ..
مشعل : هيــن .. يادلول .. قاعده تجعميـن فيني .. أن ماحرمتج من صوتي ماكون مشعل هههه
....
بيــت ثــاني
كـانوا قاعديـن يتريقوون ..
هو ومرتتـه وولده اللي ماتعدى الـ خمس سنيـن ..
الجازي وهي تمد الصحن لجاسم : هاك حيــاتــي .. أكل .. ماأشوفك تاكل
جاسم اللي أنترس من كثر الاكل : بس ياروحي ... بنفجر .. هههه
الجازي بدلع : بالعـــاافيــه ..
جاسم : الله يعافيج ياقلبي ( يكلم ولده اللي بعد مسميه مبارك على أسم ابوه ) هاك بروك تبي بيض ..!!
مبارك أخذ البيض بدون تردد .. وقعد ياكل
جاسم قعد يطالع ولده وهو مبتسم عقب طالع الجازي وقال : ترى اليوم بنروح عند الوالده
الجازي بستغراب : ليش ...!!؟
جاسم : عازمتنــا كلنــا ..
الجازي ببتسامه : أوكــي ..
العصــر
أجتمــعوا كلهم ببيـت أم جاااسم
البيــت أنترس
( أهل بو راشد , أهل بو حمد , أهل أم جاسم , اهل بو ريم )
الشبـاب بالميلس
بينمــا البنــات مع اليهـال بالصاله
كــان الجو روعه .. خليط مابيــن سوالف البنــات ..
وسوالف الحريم
وضحكات وركيض اليهـال يميـن ويســار
ســــاد الفرح على أجوووااء البيـــت ...
وأنمحى الحزن من صدوور الكــل ..
.
.
.
||||| همســه |||||
.
.
.
خالد : عاش حياته مع المهـا اللي حبهـا من كل قلبــه وقدرت تنسيه أمل .. وأما كرهه لأمل ..
فأمحى مع الايــام وصارت أمل أخت لا غيــر ..
.
.
أمـل : صحيح أنهـا حبت خــالد .. لكن يوسف قدر يحتل المساحه الاكبر بقلبهـا بحنانه وطيبه قلبه ..
وصـار خالد .. آخو لا غيــر .. ورجعت علاقتهم نفس قبل ...وأحسـن
.
.
يوسف : كان يحب أمل ومــاازااال متعلق فيها حتى أخر نفس فيــه .. ومستحيل يفرط فيهــا ..
.
.
مهـا : أحصلت على خالد ... وصــار من نصيبهــا .... صار حبـيبـهـا وريلهـا وأبو عيالهــا ....
كل يوم يزيد حبها لــه
.
.
دلال : مثل ماتعرفون .. قدرت تفوز بقلب مشعــل وتصير زوجته .. عايشه أحلى أيام عمرهــا معــاه ....
وبعـد سنه من زوااجهم جابت بنووته .. صغيره ...
.
.
مشعل : ميــت في حب دلال .. وأخير صـارت لــه .. مايشوف غيرهـا ولا يبي غيرهــا
حبته من كل قلبها .. وهو عطااها قلبه ..
.
.
سالم : صـار الاخو الصديق لعيــال مرته ... وقدر يمحي الحقد اللي كان مزروع بقلب عيال مرته تجااهه وخاصه مشعــل
.
.
.
.
ذولا تقريبــا أهم الشخصيــات بالقصــه
واللي كانت تدور حولهم الاحداااث
وأن شاللـه تكون بداايتــي في عالم الرواايــات جيــده
بس بعد ..
أبي أرائكم وأنتقــاداتكم ..
عشــان تساعدني بروايــاتي القاادمه ..
.
.
.
..|||||.. وتـمـــت بحمــد اللـه ..|||||..
أختــكم ../ .. لـ ح ـظه غ ـرام