Bago matapos ang 2011, naisipan ni Andy na gumawa na ng hakbang para sa kanila ni Emerald.
Sakto namang walang boyfriend itong si Emerald kaya't matatapos ang taon na single siya. Nagtext si
Andy kay Emerald "Psst! Tara, kaen tayo sa labas. Libre ko. Pamasko ko sa'yong kakulitan." Tumugon
dito si Emerald at ito ang kanilang unang pagkikita. Halos sa buong oras ng pagsasama nila, ay tila di
makatingin ng diretso itong si Andy kay Emerald, tila ba may kaba pa rin sa kanyang dibdib kahit na
pareho na halos na palagay ang kanilang loob sa isa't isa. Lumalim na ang gabi at sila'y umuwi
na. Hinatid pa ni Andy si Emerald upang sana'y makita din nito kung saan sila nakatira. Pag-uwi ni
Andy, hindi siya makatulog agad. Naisip niyang tawagan si Emerald. Buti na lang, gising pa siya.
As usual, kung ano-anong mga pinag-uusapan nila, masabi lang na hindi sayang ang pagpupuyat
nila. Simpleng kulitan hanggang mauwi sa mga seryosong tanungan. "Ano ba ang hinahanap mo
sa isang lalake, Emerald?" Ang tanong na ito ay simula na marahil ng mga da-moobs ni Andy.
Inabot ng hanggang madaling araw ang kwentuhan at tanungan na nagbigay pa sa kanila ng mas
malalim na kaalaman sa isa't isa. Dito ay nagkaroon na sila ng kwelang tawagan na KAMBAL.
Kambal kasi daw ay marami silang pagkakapareho ng ugali, mga gusto at ayaw, maging ang
kanilang mga kalokohan.