-2010-
Graduate na dapat itong si Andy sa kolehiyo ngunit dahil sa problema sa pamilya, kaya't sa
panahong ito, siya ay nagtatrabaho bilang isang staff sa paaralan kung saan siya nagtapos ng
High School. Si Andy ang isa sa mga namamahala ng mga records at databases sa kanilang
kumpanya. Siya rin ang assistant administrator nito kaya kung minsan ay siya na mismo ang
kumakausap sa ibang kumpanya kung busy ang boss niya.Minsan, ay inutusan si Andy na
magpunta sa CSM (Colegio de San Martin) upang pag-usapan ang ilang mga bagay. Pagdating ni
Andy sa CSM, ay bumalik sa kanyang mga alaala ang panahon na nakita niya si Emerald. Kung
kaya't pagbalik nito sa kaniyang opisina, ay dali-daling nagbukas ng Facebook account niya at pilit
hinanap kung may Facebook itong si Emerald. At siya ay nagtagumpay! Nakita niya ito at idinagdag
agad sa kaniyang mga friends dito. Nitong taon din ay bumalik na sa pag-aaral si Andy sa kolehiyo,
kung kaya't mas nagkaroon ito ng chance na sana ay magkrus muli ang kanilang landas.
Sinimulan ni Andy na kaibiganin itong si Emerald sa FB hanggang sa umabot sa puntong madalas
na silang nagbibiruan at paminsan minsan ay nagkukwentuhan sa FB Chat. Kahit ganito ang mga
kaganapan, ay di agad inisip ni Andy na manligaw kay Emerald.
Lumipas ang isang taon. Friends pa rin ang estado nila. Hanggang doon na lang ba? Umisip ng
paraan itong si Andy. Mas kumulit pa ang pakikipag-kaibigan nito kay Emerald. "Haha! Ang kulit mo
talaga, kaso hanggang Facebook ka lang naman ata eh.", sabi ni Emerald kay Andy. "Malamang,
dito pa lang naman tayo may koneksyon eh.", sagot ni Andy. "Ganun ba? Matagal na tayong
magkaibigan sa Facebook, di ko pa ba binibigay cellphone number ko? Oo nga, di ko din alam
number mo Andy eh." At simula noon, maging sa text at tawag, sila ay nag-uusap na din. Mas
naging malalim ang kanilang samahan bilang magkaibigan.