Letter full of love
Aries's POV
"Hindi mo ba pwedeng kausapin si Jay-jay?" Ella ask me.
I shook my head. Kahit gustuhin ko, hindi susunod yun. Feeling ko nga lalu pang tumigas ang ulo nya lately.
"BWISIT!" Mykel shouted.
Kanina pa sya ganyan. I can't blame him. He really like Mica.
"Relax Mykel, mag-uusap pa lang sila pero it doesn't mean na magkakabalikan na." Kiko said.
"Hindi mo ko naiintindihan! Palibhasa kasi wala kang kaagaw kay Freya!" Galit na sagot ni Mykel.
Kiko chuckled. "Sinong may sabi na si Freya ang gusto ko? Hindi ko sya type!"
Kumunot ang noo ko sa sinabi ni Kiko. Is he referring to Jay? Seryoso talaga sya na gusto nya si Jay? I can't believe this!
"Tama na yan!" Awat ko sa kanila.
"Tama si Kiko, Mykel. Mag-uusap pa lang sila. Kung gusto nyo kakausapin ko muna din si Mica." Ella said.
Ayaw nya talaga kay Calix. Sabagay, he makes Mica cry. Kahit sino naman atang kaibigan magagalit kung ganun ang ginawa sa kaibigan mo.
"Wag na Ella. Malinaw naman ang usap nyo na ayaw na nya kay Calix diba?" Mykel ask.
Ella nodded. Hindi ko alam kung ganu katagal maghihintay. Problema lang sana ni Mykel to, ewan ko kung bakit nadamay pa kami.
+++++++++++++++++++++++++++++
Jay-jay's POV
"Booogsshhh! Kaboooob! Aarrgghhh! Optimus!"
Si Ci-N yan. Naglalaro ng... Ng... Anu tawag dun sa mga laruan na nakukuha sa loob ng chutchirya?
Transformer?!
Basta yun! Tapos maliit. Namili kasi ako ng dalawang pack ng chutchiryang mamiso. Hindi ko alam na may laruan sa loob. Syempre kanino pa ang bagsak nun? Sa mga ulupong kong kaklase, yung laruan kay Ci-N.
"Ayan na! Kaaablaaaag! Bumble bee!"
"Tigilan mo nga yan Ci! Papakain ko sayo yan!" Sita ni Calix.
"Hayaan mo nga sya!" Kontra ko.
Naglalaro yung bata tapos babawalan nya.
"Ikaw nga dapat yung tumigil! Kanina ka pa lakad ng lakad!" Puna ko sa ginagawa nya.
Buhat kasi ng makabalik kami sa room, wala na syang ibang ginawa kundi maglakad, maupo o ikutin ang room plus awayin kaming mga classmate nya.
"Hindi pa rin kasi sya nagtetext. Sabi nya itetext nya ko kung saan." Sabi ni Calix habang patuloy sa pag-ikot.
"Malay mo naman walang load." Sagot nung isang classmate naming busy sa pakikipag-laro kay Ci-N.
Oo, may nakikipag-laro sa kanya. Hindi ko nga lang alam pangalan.
"Oo nga naman... Tama si---Anu pangalan mo?"
"Tagal na nating magkasama hindi mo pa rin alam pangalan ko?"
"Tingin mo itatanung ko kung alam ko?" Pagsusungit ko.
Sasabihin nalang ang pangalan, magtatanung pa.
"Tsk! Eren de Luna..." Sagot nya.
"Ok.." Tinignan ko ulit si Calix. "..Tama si Eren. Malay mo walang load."
Hindi sumagot si Calix. Tinignan lang ulit ang cellphone nya at bumalik sa ginagawa.
Pati ako naiinip na rin. Idagdag pang walang klase. Wala si Ma'am Zaragosa.
Kinuha ko nalang ang cellphone ko. Mag-lalaro nalang ako. Pagbukas, meron akong text galing sa unknown number.
From: +639*********
Message: Mica to... Paki-sabi kay Calix, sa dating meeting place namin. Mamayang uwian. Salamat.
Bakit sakin sya nagtext? Mukang kanina pa tong text na to.
Lumapit ako kay Calix at iniharap sa kanya yung phone ko.
"Sakin pala sya nagtext. Hehe." Sabi ko at nagpilit ng ngiti.
Inagaw naman ni Calix yung phone ko at tinignang mabuti yung text.
"Okay na? Pwede ka ng tumigil sa pag-lakad lakad?" Tanung ko sa kanya.
Binalik nya yung phone sakin at nanahimik sa upuan. Edi ayan! Solve!
Dumating ang sunod naming teacher para sa sunod na klase. Parang ang bagal ng oras.
Eto yata yung sinasabi nila na 'It feels like eternity'. Halatang hindi mapakali si Calix, parang sinisilihan ang pwet.
"Gumawa kayo ng report tungkol sa mga bayani. Ngayon na! Eto magkaka-member." Utos ni Ms. Smith.
Para talaga syang hindi teacher umasta. Pero astig at ang sexy.
"...Mariano, Peralta, Braselton & Rivera..." Tawag ni Ma'am samin.
Ayos! Si David at Ci-N, tsaka pala si Calix.
Lumipat kami ng upuan, palapit kay Calix. Obvious naman kasi na wala syang balak umalis sa pwesto nya.
"Anu daw gagawin?" Tanung ko sa kanila habang naghahalungkat ng papel sa bag.
"Ewan ko..." Sagot ni Ci-N.
Nilabas ko yung notebook ko. Dun ko muna isusulat mga gagawin namin.
"Ako magsusulat..." Prisinta ni Ci at inagaw yung notebook ko.
Dala ng pagiging kasat, nahulog yung notebook ko. Nagsabog ang mga naka-ipit.
"Hay naku!"
Pinulot ko yun at pati mga naka-ipit na laman. Damdamputin ko na sana yung huling naka-ipit sa notebook ko ng unahan ako ni Calix.
Yung Love Letter.
"Bakit meron ka nito?! Saan mo nakuha to?!" Galit na tanung nya sakin.
Ang totoo, nakalimutan kong nasa bag ko yan. Nawala sa isip ko matagal na panahon na. Akala ko naitapon ko, andito lang pala sa notebook ko.
"A-anu..."
Pinagtitinginan na kami ng mga ulupong.
"Hindi ba kayo makakagawa ng hindi nag-iingay?!" Sita samin ni Ma'am.
"SAAN?!" Sigaw nya.
"Sa taas, dun sa room----Hoy!"
Mabilis na tumakbo palabas si Calix. Pati mga classmate namin napatayo na rin at nagpabalik-balik ng tingin sakin at sa pinto.
"Anong nangyari don?" Mahinahong tanung ni Ma'am.
Napakamot ako sa ulo. "Kasi... Yung... Anu..."
"Sundan mo nalang kung hindi mo masabi." Bored na utos ni Ma'am.
Ginawa ko naman at mabilis na naglakad palabas. Sure akong sa taas ang punta nya dahil dun galing yung sulat.
Malapit na ko sa room ng may marinig akong umiiyak. Galing yun sa room kung saan ko nakuha yung sulat. Dahan-dahan kong sinilip.
Si Calix yun, nakaluhod sya habang nakayuko at tinitignan ang mga papel sa sahig. Hindi na dapat ako lumapit sa gantong sitwasyon.
Alam kong gusto nyang mapag-isa. Kayalang kasi....
Dahan dahan akong naupo sa tabi nya. "P-pwede----"
"Wag ka munang magsalita. Ayoko ng sermon." Sabi nya, kaya tumahimik naman ako.
Hindi ko alam kung aalis ba ko o mauupo nalang sa tabi nya.
"L-lagi nya kong binibigyan ng sulat. G-gustong gusto kong binabasa yung mga yun." Sabi nya habang umiiyak pa rin.
"N-naguguluhan ako nung una. P-pero malinaw na sakin, na mahal na mahal ko sya."
Nakatitig lang ako sa kanya.
"P-panu ko pa yon, i-ipaparamdam sa kanya? A-ang laki ko kasing tanga!" Bigla na lang nya hinampas ang ulo nya.
Nagulat ako kaya agad ko syang pinigilan. Lalung lumakas ang pag-iyak nya.
Dati, natatawa ako kapag nakakakita ng lalaking wagas kung umiyak. Pero ngayon, awa na yung nararamdaman ko.
Niyakap ko sya. Wala tong malisya!
Patuloy pa rin sya, at naiiyak na rin ako. Ayoko talaga ng drama! Kainis!
May ilang minuto din siguro syang umiyak bago huminto. Binabasa nya isa-isa yung papel sa harap nya, na Letter pala galing kay Mica.
Kumuha ako ng isa at binuksan. Ako na paki-alamera. Pero yung sulat na napulot ko yung nakuha ko.
"Tignan mo to..."
Pinakita ko yung part ng sulat na may nakalagay na... 'isigaw mo lang na mahal na mahal mo ko mawawala lahat ng yun.'
Ngumiti sya. "Sana nga gumana yan..."
Tumunog na yung bell. Uwian na, nawala sa isip ko yung report. Hanep yan!
Tumayo na ko at pinagpag ang palda ko.
"Panu? Iwan na kita... Ikaw ng bahala sa lahat." Sabi ko at ngumiti.
Palabas na ko ng room ng biglang magsalita si Calix.
"Salamat Jay..."
Ngumiti ulit ako sa kanya. Mabilis akong naglakad paalis. Pagbalik sa room, agad akong sinalubong ng mga ulupong.
"Jay! Anu nangyari?!" Bungad ni Ci-N.
"Bakit umalis si Calix?" Tanung ni Eren.
"Magkikita paba sila ni Mica?" Singit ni Kit.
Napangiwi ako sa kanila. Iisa lang ako mga brad!
"Mag-uusap na sila ni Mica. Hayaan na natin sila."
Kinuha ko yung bag ko at inayos yung mga gamit ko. Uuwi na ko, bukas nalang ako makiki-balita sa kanila.
"Magsi-uwi na kayo..." Utos ko sa mga ulupong.
Kayalang ang mga hinayupak hindi gumagalaw. Mga wala atang balak umuwi.
"Uuwi ba kayo o pagsi-sisipain ko kayo?!"
"Maya nalang Jay..." Sagot sakin ni Ci-N.
"Ayaw nyo?!" May paghahamon sa tono ko.
Umiling lang sila.
"Sige... Wala kayong chocolate bukas."
Pagkasabi nun parang may mga lakad na nagmadali sa paglabas ang mga luko.
"Ayos..." Bulong ko.
Huling lumabas si Yuri at Keifer na pareho pang tumingin sakin sandali.
Kung hindi sila magkalahi magka-dugtong siguro ang pusod nila.
Tama!
Lumabas na din ako. Nagagawa pang magkulitan ng mga luko habang naglalakad.
"Jay... Ako una mong bigyan ah?" Bulong ni Ci-N.
"Wala ba kayong pambili g chocolate?"
"Meron... Mas masarap kasi kapag bigay o kaya libre." Todo ngiting sagot sakin ni Ci-N.
Wala akong masabi. Ibang klase! Nakalagpas na kami sa main building ng makasabay namin sa paglalakad ang grupo ni Aries.
Nagpalitan na ng matatalim na tingin ang magkabilang partido. Ang sama rin ng tingin sakin ni Mykel.
Syempre, hindi ako papatalo sa tingin nya. Yun nga lang, nawala sa isip kong naglalakad kami. Ayun nabunggo ako sa pader----Joke! sa likod talaga ng kung sino.
Huminto kasi yung nasa harap ko na si Keifer pala. Bakit ang tigas ng likod nya?
Pero hindi nya pinansin yung pagkakabunggo ko. Busy sya sa pagbulong kay Felix. Hindi sa nakikinig talaga pero narinig ko lang.
"Balikan nyo si Calix. Delikado sya kay Mykel."
++Don't forget to Vote, Comment and Share. 😉 ++