I will be waiting~

chapter 3 (part 1)

قبل ما ابدأ حابه اشكر كل  الي علقوا وصوتوا لي في التشابتر الي

فات صراحة مرره اسعدتوني 

(سبحان الله وبحمده عدد خلقه وزنة عرشه ومداد كلماته)

يلا قراءة ممتعة

#Well

رجعت غرفتي وأنا عيوني كانت مليانة دموع لهدرجة أنا مثيرة

للشفقة ؟؟ لهدرجة أنا احزن  , فيك ما كانت موجودة في

الغرفة قمت وجلست على السرير وسحبت نفس احبس

فيه دموعي

عشان ما كان ودي ابكي هذي ثاني جلسة تعدي بدون ما

استفيد منها بشئ لا بالعكس نكدتني زيادة

كنت متضايقة بس في نفس الوقت جوعانة لاني ما اكلت شئ

سمعت صوت دق باب كان فال وجايبة معها الغدا

*سبحان الله سلكو سلكو *

ابتسمت لها "جاء في وقته "

"يعني مبتسمة مو عشاني عشان الاكل ها؟"

"يختي جوعانة وش اسوي"

حطت لي الاكل وبسرعة فتحته لاني كنت سامعة صوت بطني

 رفعت راسي لمن شفته " وشو هذا ؟

"شوربة خضار"

انا كنت طول حياتي اكره شوربة الخضار طالعت عليها باشمئزاز  

"مافيه شئ ثاني؟؟"

"فيه بس نصيحة تراها احسن شئ والباقي كله مخيس "

هزيت راسي باييه ومسكت  الملعقة عشان اكل  غصبت نفسي و

اكلت اول لقمة بس حسيت اني اكل بفلين :/

"وشوو هذا لا ملح لا طعم "

ضحكت "كذا صحية "

"بس مالها طعععم"

ابتسمت لي ورفعت كتوفها

كملت اكل على الاقل اسد جوعي لاني كنت رح اموت من الجوع

وكانت فال منتظرتني اخلص عشان تاخذ الي اكلت فيهم  خلصت وعطيتها كانت بتروح

تنهدت

"اف طفش "

عقدت عواجبها "وش فيك؟"

"لا بس فيك ما ادري وينها  وما ابي اجلس لحالي "

" "طيب تعالي اجلسي معي ببالكافتيريا 

فتحت عيوني " يعني عادي ؟"

ابتسمت "حبيبتي تراها مستشفى مو سجن "

" طيب كان قلتي لي على الاقل ما اكلت هالاكل المخيس "

ضربت راسها " نسيت والله بس على فكره اكل الكافتيريا مو احسن لانه يجيبونه من الكافتيريا نفسها  بس يلا تعالي نجلس نسولف رح تغيرين جو "

ابتسمت وقمت معها "طيب"

طلعنا ورحنا للكافتيريا ما كانت مرره بعيدة كانت قريبة بس شكلها حقت

كل الاقسام لانها مليانة طلاب طب الي لابسين اخصر وازرق وبنفسجي  اشرت لها بنت شقراء قمنا ورحنا وجلسنا جنبها

طالعت علي نظرات استغراب ولفت عليها " ما قلتي لي رح تجيبي ضيوف "

فال ما ردت عليها حسيتا ني ناشبة او مدخلة نفسي قمت بروح  "انا ماكان قصدي ادخ....فال ما خلتني اكمل

"انتي ما دخلتي نفسك مينا انا الي ناديتك وبعدين رايتش اتمنى تعدلي اسلوبك "

تنحت فيها(رايتشل التنحت  اذا تذكرونها في التشابر الاول)

 " فال انتي مستوعبة احنا جالسين مع مين ؟؟"

لمن سمعت كلامها تجمعت الدموع في عيوني هه عشاني مريضة ؟ ولا ايش

فال عصبت  " رايتش قلت لك احترمي نفسك "

      عم السكوت لمسافة بس انا جد كنت متضايقة من صديقتها هاذي اسولبها مره بايخ

لاحظت وراهم كان في واحد يطالع فال بنظرات اعجاب 

(ويل جالسة في كرسي وفال ورايتش جالسين في الكرسي الي قدامها

كان شعره اسود وعيونه بنية (زين)

قطعت فال صوت تفكيري"ميينا معنا ؟؟"

ابتسمت وهزيت راسي باييه

استغربت من انه وحدة مثل فال تكون هي صديقتها لان شخصياتهم مختلفة تماما فال حبوبة وطيبة واسلوبها راقي عكس صديقتها رافعة خشمها

كن محد قدها

قطع سوالفنا او بالاصح سواليفهم صوت جوال فال  طلعته من جيبها وابتسمت لمن شافت الرقم بعدين ردت عليه

"هلا حبيبي شلونك"عندها حبيب يعني؟

"لا والله كنت مشغوووله هالايام مررره ضغط :"("

الحين ؟لا ماينفع اليوم عندي مناوبة :"((((("

"يووووو وش ذا الحظ طيب الحين وقت البريك تعال ابي اشوفك"

ابتسمت  لا اراديا لاني حسيت علاقتهم جميلة ودي اجرب هالحب 

ابتسمت(فال)"طيب حبيبي وانا بعد :*"

دخلت جوالها وكان باين عليها انها رح تطير من الفرح  "بعد شوي قال رح يجي يشوفني "

ابتسمت لها "حبيبك؟"

هزت راسها باييه"ورح يجي بعد شوي عشان يشوفني "

كانت رايتشل تلعب باظافرها قامت ردت "صدق  من جده طيب يجيك بعدين مو وقت الدوام"

"لانه يبي يشوفني اليوم وانا عندي اليوم مناوبة :(

حطت يدها على خدها (رايتشل)"يعني خلاص علاقتكم صارت جديه؟"

رفعت يدها وكان فيها خاتم خطوبة (فال) وحركتها عشان نشوف

رايتشل فتحت فمها وانا بعد " خلاااص خطبك؟"

هزت راسها باييه "ايييه ورح نتزوج لمن اتخرج "

(للمعلومية هي لسة ما تخرجت )

حضنتها رايتشل " مبروووك حبيبتيييي "

ردت لها الحضن " الله يبارك فيك "

انا بعد قمت احضنها " مبروك يا قلبي "

ردت لي الحضن " الله يبارك فيك حبيبتي"

جلسنا وسولفنا بس هالمرة شاركتهم  وسولفت معهم

طالعت فال على الساعة "يووووو تأخرت عندي شغل الحيييين "

قامت وما انتظرت ردنا حتى

طالعت علي رايشتل بنظرات ما فهمتها استغراب ؟ استحقار؟ نظرات غريبة بس ما عجبتني

اف ما رح اجلس معها " انا  بعد عندي شغل ولازم "

ما ردت علي وانا ما اهتميت  ورحت  رجعت للغرفة وكانت فيك موجودة كانت تكلم تليفون

ما سمعت ايش كانت تقول ولا حاولت اتسمع لان مالي دخل ,جلست علبى سريري مسافة ما خلصت

مكالمتها وجت

"وين رحتي ؟دورت عليكي في كل مكان "

كنت قاعدة العب بأظافري رفعت راسي ورديت

"انا جيت ولقيتك مو موجودة قمت رحت وسولفت مع فال شوي "

"اها، طيب اليوم رح اطلع مع اصدقائي تعالي معنا "

عقدت حواجبي "يعني المستشفى رح تسمح اننا نطلع ؟"

هزت راسها بلا "لا طبعا "

تنحت "اجل وشلون رح نطلع؟"

ردت ببرود "موب لازم يدرون "

فتحت عيوني "من جدك؟ طيب وشلون رح نطلع ولو انمسكنا رح نطييح في مشاكل"

ابتسمت ومسكت  يدي "انتي بس وافقي وخلي الباقي علي ، وبعدين انا دايم اطلع ومحد يدري"

رفعت حاجبي"وشلوون؟؟"

" عندي  طرقي الخاصة "

"اهااا طرقك الخاصة؟ والله انا حاسة انك رح تورطينا في مشاكل "

" ياخي انت وش عليك؟ اخلصي بتروحين معنا ولا لا"

"خلاص بروح بروح "

"اييه والله رح تغيرين جو"

هزيت راسي باييه "طيب متى نجهز ؟"

"مو الحيين بعديين في الليل"

هزيت راسي باييه  "طيب"

ما اهتميت و حتى ما سئلتها وين رح نروح تنهدت

ورجعت ضميت رجولي

كنت افكر في هذاك ليام اظن اسمه  اففففف مررره

قاهررني اسلووبه 

تذكرت الحين حتى ولو بروح وش البس؟ ما عندي ملابس

): ومستحيل طبعا اروح بلبس المستشفى  ):

اقول لفيك؟ لا وين احس فشلة

ما اهتميت ورجعت راسي وانسدحت على السرير  كانت

الساعة 6 مساء  ما كنت ناوية انام ولا كنت حاسة

بالنعاس بس ما حسيت  بنفسي ونمت  .

"ويييل حبيبتي قومي يلا ويل عشان نروح الحين  "

فتحت عيوني وكانت فيك

قمت بسرعة "كم الساعة؟"

كانت جالسة جنبي بالسرير قامت"10 وربع "

فتحت عيوني انا نمت كل هالوقت

"يلاااا قومييي "

قمت ودخلت الحمام (الله يكرمكم)

غسلت وطلعت  وانا للحين ما ادري وش البس ):

لاني ما جبت معي ولا  شئ معي

لمن طلعت كانت فيك لابسة وحاطة ملابس على سريري

طالعت عليها قامت ابتسمت وردت"كنت ادري انك تبين

ملابس "

ابتسمت لها "شكرا  واسفه لاني ما جبت شئ"

"حبيبتي تراها ملابس مو احنا صديقات ولا؟ واذا ما عجبتك

ترا عادي بطلع لك تختاري من ملابسي:)"

هزيت راسي بلا "لا لا عجبتني "

اخذتها ورخت بدلت ملابسي

جيت لقيتها كانت جالسة على جوالها لمن انتبهت لي

"ها ؟ يلا جاهزة؟؟"

هزيت راسي باييه قامت فتحت باب الغرفة وطلت

براسها وآشرت لي بيدها يعني يلا

مشيت معها بعدين طلعن ركض

ركضنا لينا  وصلنا عند الباب حق المستشفى وطلعنا

"متأكدة ما رح يلاحظون غيابنا؟"

هزت راسها "لا تخافين عندي ناس رح يغطون علينا "

رحنا ووقفنا تاكسي

ركبنا

"لو سمحت ودينا بار********"

لفيت عليها منصدمة "بار ؟؟"

هزت راسها باستغراب"اييه بار ، ليش فيه شئ؟"

"لا بس ما توقعت "

"اها"

الصراحة خفت من الاماكن مالقت تختار الا بار؟؟ 

حاولت اجاريها واروح معها ؤس ماني مطمنة

"فيكي طيب ليش ما نروح مكان ثاني المول مثلا"

لفت علي باستغراب "ويل ايش فيك؟ تراه بار وبعدين ترا

الساعة 11 المحلات رح تكون سكرت "

"طيب البار يخوف "

"ويلي يا قلبي لا تخافين انا عندي اصدقائي هناك وانا

اوعدك انك رح تنبسطي انتي بس اهدي شوي "

"طيب" قلتها بس لسة ما كنت مرتاحة  أبدا

_________________________________

اسفة لانه قصصصير ولاني تأخرت بس والله عندي

ظروف):

اتمنى تقدرون وترى ما اوعدكم اني رح انزل قريب لاني

هالايام شغالة اختبارات

واسفه لان ليام مو موجود فيه بس ترا هذا البارت الاول ورح

احاول اكمل البارت الثاني باقرب وقت ):

واسفة اذا كان سامج بس كتبته وانا مستعجلة ):

اسفة مرره ثانية ):