______________________________
اياد
رجعت الى العراق ... وارجعت ملاك زوجتي شرعا وقانونا...
كنت جالس في للصاله انتضرها توضب حقائبها لكي نذهب الى منزلنا....
ملاك : يلا حبيبي اني جاهزه
اياد : خلصتي
ملاك : ممم
اياد : يلا لعد امشينا ...
ملاك : ودعت والدتي وخرجنا متجهين الى منزلنا ... ومن هنا سوف تبدأ حياتي ...
اياد : وصلنا الى المنزل ... امسكت بيدها ودخلنا للمنزل... قلت بفرح .... اريد اقضي حياتي كله وياج
ملاك : هو غير انته العمر ...
اياد : على فكره اكو غرفه ثانيه اذا تردين تنامين وحدج
ملاك : اقتربت منه واحتظنته قلت .... لا اني اريد انام بحضنك..... اياد اشتاقيت لدلعي
اياد : اي دلع
ملاك : اريدك تضل تدلعني حبيبي الصغيروني
اياد : مممم انتي شكد عمرج هسه
ملاك : عشرين ....
اياد : كبرتي على هذا الدلع ...
ملاك : لا والله .... بعدني صغيرونه وما كبرت
اياد : فديت حبيبي الصغيروني ...
ملاك : ابتسمت له .... احبببببك
اياد : احببببج ...
ملاك : قبلت وجنته قبله قويه ....
اياد : هيج راح تخليني اتهور 😋
ملاك : ممم
اياد : اقتربت منها حتى قبلتها .... حملتها واتجهت الى غرفتنا...
ملاك : اياد نزلني
اياد : انزلتها قلت ... شبيج
ملاك : اطلع بره
اياد : بدأت اتعصب .... شبيج احجي
ملاك : خلص كتلك اطلع بره ....
اياد بصراخ :😠 انتي ناويه تخبليني .... شبيج الخاطر الله مو راح تموتيني ... شنو الي تفكرين بي بالضبط ....
ملاك : 😐 انت هسه اطلع بره واني اكلك بشنو افكر
اياد : 😡خرجت من الغرفه وغلقت الباب خلفي بقوه ....
ملاك : دخلت الى الحمام استحممت... وبعدها رتبت شعري وسرحته .... وضعت مكياج سموكي ... لبست فستان احمر يصل الى الفخذين .... وضعت المسه الاخيره ورششت العطر.... خرجت من الغرفه وذهبت الى الصاله رأيته يجلس على الاريكه .... اقتربت منه ووضعت يداي حول عنقه من الخلف ....
اياد : اسنشقت رائحتها التي كدت ان اضعف امامها ... ابعدت يداها عني ....
ملاك : حبيبي زعلان مني
اياد بزعل : لتكولين حبيبي ... لو صدك تحبيني متضوجيني😏
ملاك : اني اسفه بس لازم اسوي هيج علمود افاجئك ... سرت حتى اصبحت امامه قلت وانا اضع يداي على خصري...... شنو رأيك
اياد : وقفت وانا انظر لها بذهول قلت ... نار نااار
ملاك : يعني تسوه الطرده لو لا
اياد : اذا هيج يوميه طرديني بعد
ملاك : من عيوني
اياد : حملتها وركضت بها الى الغرفه ...
ملاك : ياااي على كيفك راح توكعني .... انزلني في الغرفه وقطع كلامي بقبله ووووو .......
.
.
.
في اليوم التالي
اياد
استيقظت من النوم ولأول مره استيقظ وانا سعيد ... نظرت اليها وانا ابتسم اقتربت منها وطبعت قبله على وجنتها
ملاك : فتحت عيناي ورأيته ينظر لي ويبتسم ... ابتسمت له وقلت ... صباح الخير
اياد : صباحي انتي .... ياعسل .. يا وجهه السعاده .. يا ملكه كلبي ... يا حبيبي الصغيروني ....
ملاك بخجل : اياااد
اياد : عيونه
ملاك : كافي استحي
اياد : فديته حبيبي
ملاك : فداك الكون ... تعرف شنو اريد
اياد : شنووو
ملاك : اريد ابوسك ... شكلك يجزجز من الصبح ...
اياد : الله احلى صباح بحياتي ... يلا بوسي
ملاك : يي انت كيفت كبل مديت بوزك .... ادرت وجهه وطبعت قبلات سريعه على وجنته ...
اياد : ما احب البوس من الخد 😏
ملاك : لتصير منحرف مو اطيتك عين
اياد : مو انتي تجبريني على الانحراف 😈 ...
ملاك : انننني 😯
اياد : يي انتي ... يلا اشتغلي شغلج هنا .. قلتها وانا اشير على فمي
ملاك : انجب 😒 ....
اياد : شنووو .... 😡
ملاك : اني قصدي عليه اني انجب
اياد : عبالي 😕
ملاك : يلا كووم خل نسوي ريوك جوعانه
اياد : يلا
ملاك : دخلت للمطبخ وهو جلس غي الصاله قلت ... اياااد تعال
اياد : ذهبت اليها ... هااا شتردين
ملاك : تعال اوكف يمي بين ما اكمل الريوك اضوج وحدي
اياد : يي تدللين ....
ملاك : اكملت اعداد الفطور وضعته على المائده فركت يداي..... يممه فديتني صايره ست بيت
اياد : جلست حول الطاوله ... يلا كعدي اكلي مو جوعانه
ملاك : اوكف لحظه لتاكل خل اصوره وانزله على الانستا
اياد : بربجن متبطلن هاي سوالفجن انتن البنات خبلات ... يعني جاي تحسسيني انو انتي مسويه انجاز عظيم مو يروك عباره عن بيض وجاي
ملاك : يعني شنو معاجبك الريوك
اياد : مدام انتي الي مسويته يعجبني
ملاك : 😊 جلست بجانبه واخذت لقمه واطعمته ... هو ايضا كان يطعمني ... قلت خلص حبيبي شبعت
اياد : بالعافيه
ملاك : الله يعافيك 😘
اياد : يلا اني حطلع متحاجه شي
ملاك : الله وياك ...
.
.
.
بعد مرور ٣ اعوام
ملاك
خرجت من عند الدكتوره وانا يائسه وضع يداه على كتفي لكي يواسيني وقال .....
اياد : حبيبتي لتضوجين كلشي بيد رب العالمين
ملاك : شلون ما اضوج واحنا صارلنا ٣ سنين ما عدنه ولد ...
اياد : انتي مو كالتلج الدكتوره مابيج شي ... خلص يعني هذا الشي مو بيدج ورب العالمين يمكن مو قاسملنه هسه نخلف
ملاك : بس اياد اني اريد ولد منك يشبهك ... حنون مثلك
اياد : حبييتي انشالله يصير عدنه كومه جهال ... بحيث تملين منهم ...
ملاك : اياد تعتقد اني ما اكدر اخلف ابد
اياد : استغفر الله انتي ليش قافل مخج ... مو كالت الدكتوره ما بيج شي ... لتفاولين على نفسج
ملاك : لا يمكن بيه شي وانت متريد تكولي ... اياد اذا الدكتوره كالتلك بيه عله كلي خل افهم ... الله يخليك لا تضم عليه شي
اياد : والله ما بيج شي صدكيني .... اني ما ضام عليج شي اطمئني ....
ملاك : رجعنا الى البيت كان هناك خوف في داخلي من ناحيه الحمل .... ذهبت الى غرفتي ولحق بي اياد
اياد : حبيبي بدلي وخلينا نطلع
ملاك : لا ما اريد اطلع مالي نفس
اياد : حبيبي لتزعلين منج صارلنه هواي مطالعين سوه يلا بدلي وخل نطلع لخاطري
ملاك : ابتسمت له ... اوك شويه واكون جاهزه
اياد : يلا انتظرج
ملاك : غيرت ثيابي وخرجنا من البيت .... اخذني الى (مرسى الجادريه ) عند وصولنا قال
اياد : حبيبتي تردين تكعدين جوه ... لو نبقى هنا
ملاك : لا هنا حلو المنظر ... جلسنا على احد الطاولات ...
اياد : امسكت يديها وقلت ... حبيبتي اشوفج متغيره ... شبيج اججيلي
ملاك : اني اسفه يمكن هملتك هاي الفتره وما اهتميت بيك بس بسبب تفكيري بموضوع الحمل وهذا الشي تعبني ... ما اريد افكر بهذا الموضوع مره ثانيه خلص ...
اياد : التفكير بسلبيه راح يأذيج ... لذلك خلي ببالج انو انتي ما بيج شي ...
ملاك : لوما انت بحياتي ما اعرف شيصيري بيه
اياد : احبج
ملاك : اني اذا اكلك احبك هاي الكلمه متعبر عن حبي الك انت كل حياتي .... انت روحي الماكدر اعيش بدونهه
اياد : انتي حبيبي الصغيروني ... يعني انتي الي وكلبي عندج من وانتي صغيره .... ما اعرف شلون رب العالمين زرع كل هذا الحب بكلبي الج ....
ملاك : زين انت مضايج لأن لحد هسه ما حملت
اياد : لا ولا راح اضوج لأن انتي امي وابوي وبنتي وحبيبتي وكلشي بدنيتي
ملاك : الله يخليك الي ولا يحرمني منك .....
.
.
.
بعد مرور اسبوع
اياد
في المساء
استيقظت على صوت ملاك وهي تتألم هرعت اليها بسرعه...... حياتي شبيج
ملاك بتألم : اه بطني توجعني
اياد : ارتديت ثيابي وحملتها وضعتها في السياره ... اتجهت الى المستشفى ....
ملاك : حبيبي تره ميحتاج نروح للمستشفى ....
اياد : لا لازم اشوف شبيج من شنو تتوجعين
ملاك : جاءني ألم فظيع صرخت من شدته ... اااه
اياد : عمري اصبري شوي ونوصل .... ريته بيه هذا الوجع ولا بيج
ملاك : وصلنا الى المستشفى .... ادخلوني الى غرفة الطوارىء ....
اياد : دخلت معها الى غرفة الطوارىء .... دخلت الدكتوره وبدأت تفحصها ... بعدها طلبت بعض التحاليل ....
ملاك : عملت التحاليل واعطيتها للدكتوره .... نظرت لي وقالت
الدكتوره : انتي حامل
ملاك بفرح : شنووو .... حامل امسكت يد اياد ... سمعت حبيبي اني حامل
الدكتوره : بس هذا الحمل راح يشكل خطر على حياتج
ملاك بصدمه : ولم تتم فرحتي ... ليش
اياد بخوف : دكتوره وشنو الحل
الدكتوره : اولا ... راح يأثر عليج لأن انتي كلبج ضعيف واحتمال نفقدج عند الولاده او نفقد الطفل ... ثانيا الحل انو تنزلين الطفل ....
اياد بخوف : يي ماشي ننزله شوكت العمليه
ملاك : وقفت معترضه ... وضعت يدي على بطني قلت ... لا مراح انزله
اياد : انتي ما سمعتيهه شكالت حبيبتي لازم تنزليه
ملاك بغضب : شنو انت مفرحان متريد طفل مني ... شلون تريدني انزل الطفل واحنا صارلنا ٣ سنين نتتظر هذا اليوم
اياد : اني مثلج فرحت لأن انتي حامل ... واريد طفل بس اذا هذا الطفل راح يشكل خطر على حياتج ... لازم تنزليه
ملاك : مراح انزله
اياد بغضب : لا راح تنزليه
ملاك : مو على كيفك اذا انت متريده اني اريده .... شتريد تسوي سوي بس مراح انزل الطفل
الدكتوره : ملاك رأي زوجج هو الصح ... الطفل يشكل خطر على حياتج ... مو بس هيج هو هم راح تكون حياة بخطر
ملاك : لا ... هذا ابني ما انزله لا
اياد : حبيبتي الله يخليج افهمي انو هذا خطر على حياتج اءا تحبيني اسمعي كلامي ونزلي .... بينما انا اتحدث معها بدأت تصرخ من ألم بطنها ....
ملاك : أاااااه اياد.... سقطت على الارض وغشي علي
.
.
.
بعد مرور ٨ شهور
ملاك
كان اياد يهتم بي طوال فترة الحمل ... يخاف علي كلما اتألم.... كان قد زرع بقلبه الخوف من هذا الطفل الذي بداخلي .... كان يخاف اكثر عندما يقرب موعد الولاده ... كنت جالسه في الصاله اكل المكسرات واشاهد التلفاز ... اتى وجلس بجانبي ....
اياد : جلست بجانبها وقبلت رأسها ... حبيبتي انتي زينه
ملاك : ابتسمت له ... يي حبيبي لتخاف اني زينه ... سقطت دمعه من عيناة الحزينه ... امسكت وجهه بيداي ومسحت دموعه ... اياد ليش تبجي
اياد ببكاء : وضعت يداي على يداها .... ما اريد اخسرج
ملاك : بدأت ابكي معه قلت .... بس اذا اني متت راح اعوف ابنا هديه الك
اياد ببكاء : انتي هديتي ... ما اكدر اعيش بدونج .... اني احبج ملاك ...
ملاك : واني احبك ... واعشقك .... لتخاف اني مراح اعوفك اني راح ابقى وياك .... انت حبيبي ومستحيل اعوفك
اياد : قبلت يديها ... احتظنتها بقوة ....
.
.
.
بعد مرور شهر
اياد
كنت خائف عليها جدا اسير يمين وشمال وانا افرك بيداي......... قلق خائف ... اتمنى ان تكون بخير ... خرجت الدكتوره ..... بسرعه ذهبت اليها قلت وانا اكاد اجن بسبب خوفي ... دكتوره طمنيني
الدكتوره : حالتها خطره واحتمال ....
اياد : لم ادعها ان تكمل كلامها قلت ... لا هي راح تكون بخير اكيد اني متأكد هي راح تضير زينه
الدكتوره : سمعت صوت الجهاز يصفر ركضت الى غرفة العمليات ... انطوني جهاز الصدمات بسرعه ...
اياد : اردت ان ادخل خلفها الى غرفة العمليات لكنهم منعوني.... صرخت عليهم .... عوفوني ادخل زوجتي محتاجتني هسه .... دفعتهم ودخلت اليها ... كانو يضعون عليها جهاز الصدمات ..... اقتربت منها وامسكت بيديها .... قلت ببكاء ... ملاك كومي حبيبتي ... انتي نستي كلامج ... مو كلتيلي ما اعوفك ... اني اياد حبيبج لتعوفيني الله يخليج كومي ... اذا عفتيني اني اموت ... زين عوفيني اني ابنا منو راح يربي ... منو يهتم بي ... تعالت شهقاتي وانا اترجها ان تقوم ... حركت يديها التي بين يدي ...
الدكتوره : الحمدلله كدرنا ننقذ حياتهه ... بس بعدهه ما تجاوزت مرحله الخطر
اياد : الحمدلله ... دكتوره الطفل
الدكتوره : مبرؤك اجاكم ولد ... ولتخاف هو حالته زينه
اياد : الف الحمدلله والشكر ... مشكوره دكتوره
الدكتوره : الحمدلله على سلامتهم
اياد : الله يسلمج
الدكتوره : لو سمحت ممكن تطلع بره الغرفة
اياد : خرجت من الغرفه وبقيت واقف امام الباب انظر اليها عبر تلك النافذه الصغيره .... خرجت الممرضه وهي تحمل طفلي لكي تضعه في الحضانه ... اخذته منها وقبلته ... نظرت اليها وقلت .... ملاك صيري زينه وكوني قويه انتي لازم تشوفين ابنا الي ضحيتي بحياتج علموده ....
الممرضه : لو سمحت انطيني الطفل لازم اخلي بالحضانه
اياد : اخذته مني وذهبت .... اما ملاك اخروجها من غرفة العمليات ونقولها الى غرفة العنايه ... بقيت جالس هناك حتى اليوم الثاني ... حيث استيقظت على صوت الدكتوره قمت بسرعه وقلت بخوف ... زوجتي بيها شي
الدكتوره : ابتسمت له ... زوجتك بخير وهي هسه كاعده وتريد تشوفك
اياد : ذهبت بسرعه لكي اراها لكن الدكتوره اوقفتني
الدكتوره : مو بهاي الغرفه نقلناها لغرفة خاصه تعال وياي
اياد : اصطحبتني اليها ... دخلت ورأيتها ممدده على السرير اقتربت منها وجلست عندها ... امسكت يديها وقبلتها ومن ثم قبلت جبينها قلت .... الحمدلله على سلامتج
ملاك : الله يسلمك ... اياد اني عايشه
اياد : عايشه بس بعد ما اجيت اموت اني
ملاك : اسم الله عليك حبيبي ... ابني اريد اشوفه
اياد : اول شي ارتاحي وبعدين تشوفي
ملاك : لا اني ما ارتاح الا اشوفه
اياد : قلت للمرضه ان تأتي به وبعد دقائق عادت وهي تحمله اخذته ملاك منها بلهفه ....
ملاك : يمه فديته يخبل
اياد : احم طالع على ابوه
ملاك : فديته وفديت ابوه
اياد : فداج اني ... عالفكره بعد ماكو جهال هذا وبس
ملاك : وليش عيني
اياد : لأن صار يومين شفت الويل من وراكم انتو الاثنين
ملاك : حبيبي اني اسفه خوفتك عليه
اياد : متردين اخاف بعد عوفي سالفه اريد طفل وما اعرف شنو ....
ملاك : هسه عوفنه من هذا الموضوع وكلي ... شنو رأيك بأسم علي
اياد : حلو
ملاك : خلص لعد راح نسمي علي ...
.
.
.
بعد مرور عام
ملاك
كنت اجهز نفسي لكي افاجئ اياد في ذكرى عيد زواجنا الخامس ... ارتديت فستان لونه ازرق ... وضعت مكياج خفيف...... زينة الغرفه بالورد والشموع .... دخل هو الى الغرفه
اياد بأندهاش : هاي شنوو
ملاك : اقتربت منه وقبلت وجنته قلت... كل عام واحنا احلا زوجين بالعالم ...
اياد : اوف اسف حياتي نسيت اليوم عيد زواجنا
ملاك : مو جديده دائما تنسى ... يي شنو رأيك بالغرفه
اياد : انتي طالعه شي خياااال
ملاك : ابتسمت بخجل ... والغرفه
اياد : اقتربت منها ... عوفينه هسه من الغرفه اكو واحد عنده هذا الجمال ويباوع على الغرفه ... سحبتها من خصرها وحاوطتها بيداي ...قبلتها وووو....
النهايه بقلمي 🌷malak 🌷
.
.
.
شنو رأيكم بالروايه ...
اتمنى عجبتكم النهايه ....
شكرا للي تابعو الروايه 😘😘...
الله يخليكم لا تنسون الفوووت والكومنت بليززز ...
احبكم يا احلى فانز 😘😘😘 ....
چاووو ....