الجامعه&الاستاد

النهايه

صلي علي سيدنا محمد...

----------

لكل اتنين معاد مركون فـ علم الغيب .. يسميه البشر " صدفه " !(محمد ابراهيم)..
__________

#الشيخ

الحمدلله النادي خرجني بكفاله.. وأنا بصراحه لازم اعترف بغلطي.. واعترف أن هنا بريئه.. واعتذر لنورهان ورمضان..

____________

#نورهان

لما روحت البيت لاقيت ناس لابسين اسود في اسود وبيعيطوا.. ياتري ايه اللي حصل؟؟! لاقيت اختي سمر بتجري عليا وحضنتني.. وكانت بتعيط..

انا:فيه ايه ياسمر؟؟! ايه اللي حصل؟؟!

سمر:بابا.. بابا يانورهان..

انا :مالوا بابا ياسمر انطقي؟؟!

سمر:وهو جاي من السفر.. الطياره وقعت بيه ومات.. 😭😭..

انا:😭😭😭😭😭😭😭😭..

#سمر

نورهان بعد ما عرفت اللي حصل.. اغمي عليها.. اتصلت بالاسعاف وقلت لماما ووصلت عربية الاسعاف ورحنا المستشفي..

#في المستشفي

الدكتور خرج.. سمر ومامتها راحوا يسألوه عن نورهان..

#سمر

الدكتور خرج.. رحت انا وماما نسأله عن نورهان..

انا:خير يا دكتور؟؟ نورهان حصلها حاجه؟؟!..

الدكتور :لا خير ان شاء الله.... هي كويسه بس لسه مفاقتش..

انا:هتفوق امتي؟؟!

الدكتور:الله أعلم...

الدكتور.. قال كده ومشي..

________

#رمضان

بت يا رحاب..

رحاب :عايز ايه ياض؟؟!

انا:ماتجيبي رقم نورهان.. علشان هي مرضيتش تتدهولي..

رحاب:لا طبعا..

انا:ليه بس بطلي رخامه..

رحاب:هي لو عايزه تدهولك.. هتدهولك..

انا:عبو شكلك.. مبستفدش منك بحاجه..
رحاب:علي أساس اني بستفاد منك بحاجه يعني...

انا:طب بطلي قر بقي واتصلي بيها..

رحاب:طيب..

#رحاب

اتصلت بنورهان كذا مره ومبتردش..

انا:رمضان.. نورهان مبتردش..

رمضان:نعم.. ازاي يعني؟؟! اتصلي تاني..

اتصلت مرتين كمان وفي الآخر واحده ردت غير نورهان..

انا:الو.. مش ده رقم نورهان بردو؟؟!

سمر:اه.. بس انا اختها..

انا:طب هي فين دلوقتي ومبتردش علي موبايلها ليه؟؟!

سمر:نورهان في المستشفي.. من ساعت ما عرفت أن بابا اتوفي.. وهي كانت متعلقه بيه جاامد...

انا:ايه.. طب عنوان المستشفي ايه؟؟!

سمر:$^&$###@*^..

انا:طب سلام دلوقتي...

________

#رمضان

رحاب كانت بتكلم نورهان بس اختها ردت عليها.. وسمعت رحاب بتقول هو عنوان المستشفي ايه..

انا:مستشفي.. ايه..

رحاب:نورهان في المستشفي..

انا:مستشفي.. مستشفي ايه؟!! هو ايه اللي حصل؟؟! هي كويسه دلوقتي.. انطقي..

رحاب:هو انت مديني فرصه أرد.. علي العموم هي باباها اتوفي وهي كانت متعلقه بيه جاامد.. فهي في مستشفي $^&$##^*.. من ساعت ما عرفت الخبر..

انا:طب لازم نروحلها دلوقتي..

رحاب:يلااا..

#رحاب

بعد ساعتين وصلنا المستشفي.. رمضان مكنش علي بعضه.. اول مره اشوفه خايف كده..

انا:اهدي بقي يا رمضان ان شاء الله خير...

رمضان:ان شاء الله.. بس هي اوضتها رقمها ايه؟؟

انا:مش عارفه.. هتصل عليها.. وأسأل اختها..

رمضان:طب اخلصي..

..........

انا:اوضه رقم27..

طلعنا انا ورمضان.. لاقينا اختها ومامتها واقفين قدام الأوضة...

انا:هو احنا مينفعش ندخل نشوفها؟؟

ام اسلام:الدكتور قال مينفعش دلوقتي..

انا:اومال امتي؟؟!

ام اسلام :بكره الصبح..

رمضان :طب احنا هنبات هنا معاها.. لحد ماتفوق..

ام اسلام :تبات هنا علي أساس ايه؟؟ انتي مين اصلا؟؟!

رمضان:انا كنت جاي أخطب نورهان بعد الامتحانات ما تخلص..

ام اسلام :طيب.. بس بلاش كلام في الموضوع ده الفتره دي..

رمضان:طبعا..

انا:رمضان.. عمرو بيتصل عليا هروح أرد عليه..

رمضان:طيب...

رحت أرد علي عمرو..

انا:الو ايوه ياعمرو فيه ايه؟؟!

عمرو:الشيخ جالي وكان عايز يتعذر من نورهان ورمضان..

انا:ايه.. وهو له وش يوريه تاني لنورهان او لرمضان..

عمرو:المسامح كريم بقي.. المهم هو انتو فين انتي ورمضان..؟؟!..

انا:في المستشفي..

عمرو:نعم... مستشفي ايه.. وايه اللي حصل انتي كويسه؟؟؟ جرالك حاجه..

انا:انا الحمدلله كويسه.. بس نورهان هي في المستشفي علشان باباها اتوفي..

عمرو:مستشفي ايه؟؟!

انا:$^&*/$@&*^..

عمرو:طب انا جاي حالا...

انا:يلاا متتاخرش.. لا إله إلا الله..

عمرو :محمد رسول الله..

#الشيخ

سمعت اسم مستشفي..

انا:فيه ايه يا عمرو ومستشفي ايه؟؟؟!..

عمرو حكالي علي اللي رحاب قالتهوله.. وركبنا العربيه.. علشان نروحلهم.. في الطريق..

انا:عمرو مش هتتصل بباقي الفريق تعرفهم..

عمرو:لا هتصل بيهم..

#عمرو

اتصلت بمؤمن..

انا:ايوه.. يامؤمن..

مؤمن:عايز ايه يابني صحتني من النوم..

انا:بص ياض.. وحكيتله علي اللي حصل..

مؤمن:طب عنوان المستشفي ايه علشان اجي..

انا:$^&^$#@/&*.. بص بس الأول اتصل بالفرقة وعرفها.. وروح حود علي ريم وجيبها معاك انا هتصل بيها وهقولها تلبس وتستناك.. وابقي قولها انت في الطريق علي اللي حصل..

قفلت مع مؤمن واتصلت بريم وقولتلها تلبس علي ما مؤمن يجيلها..

انا:كده كله عرف..

الشيخ:تفتكر هيسامحوني..

انا:ان شاء الله خير..

الشيخ :ياارب يسامحوني.. انا ندمان علي اللي عملته..

انا:ياارب..

رحنا المستشفي اتصلت برمضان وسألته علي رقم الاوضه.. قالي أن رقم الاوضه27.. طلعنا اول ما رمضان شاف الشيخ جري عليه ونزل فيه ضرب انا طبعا بعدته عنه.. وقولتله اهدي يا رمضان شويه مش كل حاجه تتاخد بالعافيه كده..

رمضان:اهدي ازاي.. عايزني اهدي ازاي.. بعد اللي عمله..

انا:خلاص بقي المسامح كريم.. وسامحه علي اللي حصل..

رمضان:مش هسامحه.. غير لما نورهان تسامحه..

(هو انت واختك لازم نورهان تسامح الأول علشان تسامحوا😂😂)

الشيخ:اتفقنا.. وأنا هخلي نورهان تسامحني..

رمضان:اما نشوف😏😏..

..................... _________

#رمضان

بعد نص ساعه.. كان بقيت الفريق وصل ومؤمن معاه ريم اخت عمرو وحسام معاه هنا...

ريم:أخبار نورهان ايه دلوقتي؟؟!..

انا :الحمدلله.. بس الدكتور قال محدش هيدخلها إلا الصبح..

#الكاتبه

الصبح.. رمضان قالهم انا هدخلها الأول ممكن تفوق..

#رمضان

دخلت لنورهان لاقيتها لسه مفاقتش.. قعدت علي كرسي جمب السرير..

انا:نورهان.. ارجوكي اصحي متسبنيش.. انتي مش عارفه لو حصلك حاجه انا ممكن يحصلي ايه😭😭😭😭😭😭😭.. وحياة اغلي حاجه عندك.. فوقي وارجعي لينا تاني.. انا مقدرش أعيش من غيرك لحظه واحده.. انا ممكن اموت لو حصلك حاجه..

مره واحده جهاز القلب عمل صوت عالي والدكاتره جهم بسرعه وخرجوني برا..

بعد شويه

انا:في ايه يا دكتور؟!!.. طمني..

الدكتور:للاسف النبض وقف.. والمريضه اتوفت.. البقاء لله..

مسكت فيه..

انا:انت كداب نورهان لسه عايشه.. أنت ليه بتكدب عليا.. ليه؟؟!..

ودخلت ليها بسرعه وشلت الغطا اللي علي وشها ومسكت ايديها وقعدت اعيط..

#نورهان

صحيت لاقيت نفسي في مكان كله ابيض في ابيض.. وسمعت صوت رمضان وهو بيعيط.. انا لازم ارجع علشان رمضان.. حاولت أفتح عيني بصعوبه لاغيت ما فتحت..

#رمضان

حسيت بإيد بتضغط علي ايدي..

انا:نورهان.. الحمدلله انك مش موتي.. انا قلت كده بردو للدكتور الحمار ده.. بس هو مصدقنيش.. ورحت حاضنها جاامد..

نورهان:هو انا فين؟؟!

انا:في المستشفي..

نورهان:هو ايه اللي حصل؟؟!.. اه بابا.. 😭😭..

انا:وحياتي عندك متعيطيش.. تاني.. انتي ماتعرفيش انا بتعب قد ايه لما بشوف دموعك..

نورهان:اعمل ايه يا رمضان.. هعيش ازاي من غيره.؟؟..

انا:عمره العياط ما كان حل.. اديكي بتعيطي حصل ايه يعني مرجعش يعني.. عمره العياط ما رجع اللي راح.. خلي عندك ثقه بالله أن ربنا خد منك حاجه هيعوضك بحاجه قصادها..

نورهان:ونعمه بالله..

انا:انا هخرج اناديهم..

خرجت نادتهم من برا دخلوا كلهم..

الكل:الف سلامه عليكي يا نورهان..

نورهان:الله يسلمكوا.. أحمد انت بتعمل ايه هنا انت واللي البنت دي.. مش كفايه انكوا خطفتوني..

أحمد:انا هحكيلكوا علي كل حاجه هنا ملهاش ذنب في أي حاجه كل ذنبها انها سمعت كلامي علشان كانت مفكراني صديقها.. الحكايه أن من بعد ما رمضان دخل النادي وهو خد شهره اكتر مني مع اني انا اكبر منه وكل الناس بقيت تحبه اكتر مني حتي البنت اللي كنت بحبها سابتني علشانه.. رمضان ساعتها رفضها علشان كان بيحب هنا.. فأنا صاحبت هنا عادي.. وبقيت انصحها وهي بتاخد بنصيحتي.. ففمره جت حكاتلي ان رمضان مبقاش يهتم بيها.. زي الأول فقلت أن دي فرصتي اني انتقم منه.. فقلت لهنا تقوله انها بتحبني علشان تخليه يغير وتسيبه فتره علشان يهتم بيها.. وهي سمعت كلامي ونفذته وراحت قالت لرمضان.. فرمضان فكر انها بتخونه معايا فسابها واكتئب ومعرفش يذاكر وشال السنه.. وبالنسبه لحكاية الخطف.. بردو ضحكت عليها بكلمتين.. وقولتلها ان رمضان هيرجعلك وهيحبك اكتر من الأول لو عملتي اللي انا هقولك عليه وهي وافقت علشان بتحبك يا رمضان.. انا اسف بجد يا جماعه الغير كلت عقلي ومخلتش عند قلب اتمني تسامحوني كلكوا..

نورهان:بقي هي دي الحكايه.. انا مسمحاك يا أحمد.. وانتي يا هنا أظن مش محتاجه اسامحك لأنك معملتيش حاجه..

انا:بما أن نورهان سامحتك فأنا مسامحك انا كمان.. وأنا اسف يا هنا علي ظني الوحش فيكي.. اتمني ليكي حياه سعيده مع حسام.. حبيه يا هنا.. حسام بيحبك اووي..

حسام:اوووي اوووي يا رمضان😻😻..

هنا:وانا كمان بحبك يا حسام😍😍..

نورهان :كده كله بقي تمام..

سمر:يلاا بقي قومي بالسلامه.. علشان تذاكري وتحققي هدفك وهدف بابا الله يرحمه..

نورهان:الله يرحمه..بس انا مش هرجع علي البيت.. انا هروح عند رحاب..

ام اسلام:احنا هنيجي معاكي.. هنشتري شقه في العماره..

نورهان:بجد دا احسن خبر سمعته في حياتي.. طب وسمر وكليتها..

سمر :انا خلصت امتحانات.. وهنقل ورقي لكليه قريبه من المكان اللي احنا هنسكن فيه..

نورهان:علشان متدوريش كتير في كليه هندسه جمب كليتي بشويه ابقي انقلي ورقك فيها..

سمر :تمام..

______

بعد يومين نورهان خرجت من المستشفي ورجعنا كلنا البيت مامت نورهان اشتريت الشقه اللي فوقيني وخدت نورهان معاها.. واتصلت بابنها اللي مسافر علشان تقوله..

_____________

#الشيخ

انا حاسس اني بحب سمر اخت نورهان بس ياتري هترضي بيا.. ولا علشان انا أصغر منها مش هترضي.. انا هعترفلها وخلاص..

طلعت عندهم خبط علي شقتهم.. كويس أن سمر هي اللي فتحت..

سمر:ايوه يا أحمد عايز ايه؟؟!

انا:عايز اقولك علي حاجه.. البسي وتعالي انا مستنيكي تحت في العربيه..
#سمر:دخلت لبست ونزلت يا تري عايز يقولي ايه... ركبت ما أحمد في عربيته..

انا:واخدني علي فين؟؟

احمد:مفاجأه مش لازم تعرفي دلوقتي..

انا:شويه.. وهعرف..

احمد:شاطره.. شويه وهتعرفي..

وصلنا لمكان جميل اووي كان فيه يخت واحد بس اللي في البحر..

احمد:يلاا اطلعي متخافيش..

انا:واااااو جميل اووي دا كله ليا...

احمد:اه طبعا ولسه في حاجات.. تانيه..

وداني مكان علي اليخت تاني كان فيه تربيزه وشموع وزينه وعشا رومانسي انا اتصدمت من كتر الفرحه اللي مش سيعاني..

احمد:اقعدي..

قعدت وكلنا وبعدها بشويه أحمد قالي..

احمد:انا بحبك.. وركع وقدملي خاتم وقالي تتجوزيني..

انا:أحمد انا كمان بحبك.. بس مينفعش😭😭وجيت أمشي مسك ايدي..

احمد:مينفعش ليه..

انا:علشان فرق السن الناس تقول ايه يعني..

احمد:طز في الناس وفي كلامهم وفي فرق السن.. مكنوش سنتين عمي دول.. ها قولتي ايه،؟!

انا:موافقه..

احمد:ان شاء الله فرحنا بعد ما أخلص امتحانات..

انا:ان شاء الله..

\\\\______________

#مؤمن

انا لازم اعترف لريم بدل ما تضيع مني.. رحت اشتريت خاتم ورحت بيتها وقعدت اخبط جااامد فتحت..

ريم:ايه اللي جابك دلوقتي؟؟ عايز عمرو.. هدخل اناديه..

انا:استني عندك.. انا بحبك..

#ريم

ساعت ما سمعت كلمة بحبك من مؤمن ماصدقتش نفسي اخيرا اعترف بحبه ليا..

انا:انت قلت ايه؟؟!

مؤمن :بحبك..

انا:ايه؟؟

مؤمن:بحبك.. علي فكره مبزهقش من الكلمه دي ممكن اقعد اقولها ليكي من هنا للصبح... وشديت ايديها وبوستها وطلعت الخاتم وقولتلها تتجوزيني؟؟!

انا:موافقه..

عمرو:وانا طرطور ولا ايه..

مؤمن :اوعي تفهمنا صح..

عمرو:لا انا فاهم يا روح أمك تعالي ادخل..

دخلنا وقعدنا..

عمرو:أولا كان لازم تقولي.. ثانيا انا لازم اسأل عليك واعرف اخلاقك كويس..

مؤمن:احنا اسفين يا صلاح.. ايه يا روح النونا.. تسأل عليا انا..

عمرو:اه😜. علشان تبقي تيجي هنا من غير ما تقولي..

مؤمن:بطل رخامه بقي.. انا عايز أحدد ميعاد الفرح..

عمرو :وانت مستعجل كده ليه.. وانتي ياختي انكسفتي وانتي الصراحه وش كسوف يابت دا انتي ليلتك طين اصبري بس..

مؤمن:ما خلاص بقي ياعم..

عمرو :خلاص يا اخويا.. هيبقي مع فرحي انا ورحاب..

مؤمن:حبيبي والله..

عمرو :منا عارف.. اه وكمان الشيخ لسه متصل بيا وهيبقي فرحه معايا وكمان رمضان قالي انه هيفاتح نورهان في الموضوع وهيبقي فرحه معايا هو كمان..

مؤمن :طب رمضان ونورهان وعارفين.. إنما الشيخ ومين؟؟!

عمرو:سمر اخت نورهان..

مؤمن:بس سمر اكبر منه..

عمرو:الحب مش بالسن وكمان دول سنتين يعني مش قضيه هي..

مؤمن:طيب.. استأذن انا..

عمرو:مع السلامه..

مؤمن مشي.. وعمرو قرب عليا بابتسامه شريره لاقيته حاضني..

عمرو :علي فكره انا كنت عارف بس مستني انك تقوليلي.. علي العموم الف مبروك ليكي يا حبيبتي..

انا:االله يبارك فيك..

_______

#رمضان

انا هقول لنورهان علي ميعاد الفرح..

انا:نورهان..

نورهان:ايوه يا رمضان..

انا:ايه رأيك فرحنا يبقي مع فرح عمرو بعد الامتحانات..

نورهان:مفيش مشاكل..

____________

تاني يوم كلنا اتجمعنا في شقه رمضان وماما قعدت مع مامت رمضان..

مؤمن:انا عندي مفاجأه.. 😅😅..

انا:قول يااخويا قول..

مؤمن:انا فرحي انا وريم هيبقي مع عمرو ومعاكوا..

الشيخ :وانا كمان.. فرحي انا وسمر هيبقي معاكوا..

غالي :مشمعني انتو.. انا عايز اتجوز انا كمان.. هنا ايه رايك نتجوز معاهم..

هنا:موافقه..

انا:اشطااااا.. بس يا خاينه انتي وهي (سمر وريم)كده متقوليش..

سمر وريم:احنا اسفين يا صلاح...

________

بعد شهر شهاده الامتحانات طلعت وانا جبت 7امتياز.. ورمضان5امتياز و2جيد جداا.. ورحاب زيي7امتياز بردو.. ومصطفي والشيخ3امتياز و3جيد جدا وواحده جيد.. واحتفلنا بالنجاح..
_______--------______-------#

بعد أسبوع
كان يوم فرحنا كلنا كنت قاعده انا والبنات ولابسين فساتين الفرح مستنين الشباب يجوا ياخدونا وبعد شويه جهم وكل واحد انجش مراته وخرج القاعه..
_______

#الكاتبه

وهما بيرقصوا رقصه السلو

رمضان:انا بعشقك يا نورهان..

نورهان :وانا بموت فيك يا رمضان..

..........

عمرو :انا بحبك اوووي يا رحاب..

رحاب:وانا بحب مووووت يا عمرو..

.........

غالي:انا بحبك ياهنا وهعوضك عن كل اللي فات..

هنا:وانا بحبك يا حسام وهفضل معاك طول عمري...
...........

احمد:بموت فيكي يا سمر...

سمر:وانا كمان بموت فيك.....

.................

مؤمن:بعشقك ياجزمتي....

ريم:بعشقك ياصندلي....
___________

وبكده انتهت قصه الجامعه&الاستاد.. اتمني تكون عجبتكوا... وأن شاء الله انا بستعد اني انزل قصه جديده واتمني نهايه القصه دي تكون عجبتكوا... هتوحشوني اوووووي....

سلاااااام👋👋اشوفكوا في قصه جديده....