(Kerria POV)
Isa ako at si Lala sa mga kinunchaba nina Prinsesa Yana at Vander sa plano nilang alamin kung sina Kaleel at Brylle ba ay iisa. Ang totoo, kahit medyo salungat ako sa naisip nilang delikadong plano, ang tangi ko lang magagawa ay suportahan ang kagustuhan ng Prinsesa.
Narito ako para subaybayan ang mga mangyayari at siguruhin na aayon ang lahat sa plano. Pero kapag nagkagulo at napahamak ang aming Prinsesa, unang-una kong sisihin ang sarili ko.
"Ayan na sila, ayan na sila, ayan na sila!" Salitan na sabi nina Lala at Vander.
"Sheeesh! Hinaan niyo lang ang boses niyo." Kanina pa kaming tatlo na nag-aabang at nagtatago lang sa may 'di kalayuan.
Dumating na ang Prinsesa sakay ni Milka at si Kaleel ay nakasakay naman sa isang Peryton. Itinali nito 'yung parrot-deer sa may puno upang hindi ito makawala samantalang 'yung alagang Rohlynx naman ng Prinsesa ay pinabayaan niya lang na magliwaliw tulad ng dati.
Naiwan nang magkasama sina Prinsesa Yana at Kaleel. At habang pinapanood namin sila, napansin namin na umiiyak na si Vander. "Bagay na bagay na bagay talaga sila ng Master ko."
"Ano ka ba, Vander?! Hindi pa nga natin sigurado kung si Master mo 'yan!"
"Si Master ko 'yan, Lala! Siguradong siguradong sigurado ako!"
Sa pwestong kinaroroonan namin, hindi namin naririnig ang pinag-uusapan ng dalawa. Ngunit nang makita naming naghubad na ng sapatos ang Prinsesa, alam naming gagawin na niya ang plano.
Sumuong na siya sa tubig at lumangoy papunta sa pinakailalim. Napakapit sa akin sina Lala at Vander nang tuluyang lumubog ang Prinsesa at wala na kaming alam kung anong nangyayari sa kanya sa ilalim nun.
Sabay-sabay kaming nagbilang na para bang pati kami ay mauubusan na rin ng hininga. "Anong ginagawa ni Kaleel? Bakit hindi pa rin siya sumusunod?" Nagpatuloy ako sa pagbibilang ngunit lagpas isang minuto na, nanatili lang sa kinatatayuan niya si Kaleel.
Napakagat-labi ako sa takot na baka tuluyan nang mapahamak ang Prinsesa. Susugod na sana ako ngunit laking gulat ko nang mauna nang lumabas si Vander.
"Anong ginagawa mo? Nalulunod na ang Prinsesa! Sagipin mo siya!"
"Ikaw?" Laking gulat ni Kaleel nang makita niya si Vander at pati na rin kami. "Anong ginagawa niyo rito?"
"Kapag may nangyaring masama kay Yana, hinding hinding hindi kita mapapatawad, Master Brylle!"
"I am not your Master!" Pagdidiin ni Kaleel ngunit ilang sandali pa, patakbo na rin itong lumusong sa tubig para sundan na ang Prinsesa.
Sabay-sabay kaming naghintay sa pag-ahon nila. Hindi na kami mapakali.
"Hindi na ako makapaghintay. Lulusong na rin ako..."
"Sandali!" Pigil sa akin ni Vander. "Ayan na, ayan na, ayan na sila!"
Nakita na naming umahon si Kaleel at buhat na niya ang Prinsesa na wala nang malay. Transparent na ang suot niyang shirt at pagkakataon na namin iyon para silipin kung meron nga ba siyang birthmark sa likod.
And then we all saw his back and his birthmark. Wala nang halong duda. Siya nga si Brylle! At sigurado kong alam na rin 'yun ng Prinsesa. However, I also noticed that unusual swirly markings on his back. Pamilyar 'yun sa akin. Alam ko ang ibig sabihin ng mga markang iyon.
"Kamusta na ang Prinsesa?" tanong ni Vander. "Ayos lang ba siya?"
Hindi sumagot si Kaleel—si Brylle. And he was almost about to give the Princess a mouth to mouth but... "Stop right there!" Banta ko sa kanya. My palms are facing him, ready to attack anytime. "Wag mo nang balaking dumikit pa sa Prinsesa!" I stepped back away from him, but not too far from the Princess.
"Anong pinagsasasabi mo?"
"Ikaw! Ikaw nga ang kaibigan naming si Brylle Zaffiro! Ikaw ang lalaking matagal nang hinihintay ng aming Prinsesa!" Naiiyak na ako at nanginginig ang boses habang nagsasalita. At tulad ko, magkahalong takot at kaba rin ang mahahalata sa mukha nina Vander at Lala. "Pero ang mga markang nasa likod mo! That's a Dark Seal! You are under a Dark Sorcerer's curse! Anong ginawa mo sa Prinsesa?!"
Napataas ng kilay si Brylle at saka pa lang niya na-realize na kaya alam na namin 'yun ay dahil sa transparent niyang suot. Sa natuklasan namin, mukhang wala na rin naman siyang balak na magmaang-maangan. He looked at us with anger. Ibang-iba 'yun at nakakatakot.
"Hindi mo alam ang mga ginagawa mo, Brylle! Kung ano man ang inuutos nila sayo, 'wag mo nang gawin!"
"Master Brylle!" sumigaw na rin si Vander. "Ako ito, si Vander! Ang totoo mong Elemental Guardian! Makinig ka kay Kerria! 'Wag na 'wag na 'wag mong sasaktan ang Prinsesa! Siya ang babaeng pinakamamahal—"
"Tumahimik kayo!" Without a warning, he charged at us with a Dark Spell. Nakagawa ako ng pananggalang ngunit dahil sa lakas ng pwersa, napaatras kami at mas napalayo sa Prinsesa.
"Brylle, gumising ka! 'Wag kang makinig sa kalaban! 'Wag mong sasaktan ang Prinsesa!"
But he won't listen to us. He was blinded by that curse. It was too late.
Sunud-sunod na niya kaming tinira ng mas malalakas na Dark Spells. He'd learned about Dark Sorcery and now he's using it against us. Masyado itong malakas kaya nahirapan ako.
Dumating naman si Milka nang maramdaman nitong nasa panganib ang amo niya. Ngunit paatake pa nga lang ito, gumamit uli ng ibang dark spell si Brylle.
"Umbra Caveam!"
May lumabas na itim na usok sa mga kinatatayuan namin. Pagkatapos ay biglang sumulpot ang isang glass cage at nakulong si Milka. Hindi rin ako nakawala sa patibong na 'yun ngunit naitapon ko muna palayo si Lala para hindi siya kasamang makulong. "Lala, tumakbo ka at hanapin mo si Prince Rouel."
"Po? Nasa taas siya ng floating castle ng Auserwalt. Hinding hinding hindi ko kayang lumipad paitaas."
"No! He's in here somewhere. Sinabi kong nandito ang Prinsesa kaya nasisiguro kong nandito rin siya!" After all, lagi naman talagang nakabuntot ang Prinsipe sa Prinsesa. "Trace his scent! Dalian mo na, Lala!"
Sinunod na ng Elemental Guardian ko ang utos ko at sana ay makita niya agad si Prince Rouel. Hindi ko kakayanin ng mag-isa si Brylle—lalo pa at Dark Sorcery na ang gamit niya.
Samantala, pilit ko nang binabasag itong glass cage kung saan ako nakakulong. Ngunit sa tuwing ginagawa ko ito, mas lalong lumiliit ang espasyo at naiipit ako sa loob. Halos hindi na nga rin makakilos si Milka sa loob ng kanyang kulungan dahil sa pagwawala nito. Kapag nagtagal pa ito, posibleng maubusan ng hangin ang Rohlynx o 'di kaya ay tuluyan itong mapipi sa loob.
"Milka, stop moving!" Pero hindi ako pinakinggan ng Rohlynx. Sa amo niya lang siya nakikinig.
Napansin ko naman na nagpalit-anyo na si Brylle. Purong itim na uli ang suot nito, yung tipikal na ayos ng mga Dark Sorcerers. At muli na niyang binuhat ang Prinsesa.
"Saan mo siya dadalhin?!"
Ngunit hindi siya nakinig. Lumipad si Brylle palayo sa amin at dahil dito kaya lalong nagwala si Milka. Mas malakas at nakapangingilabot na ang alulong nito. Ngunit wala siyang magagawa. Patuloy lang siyang naiipit sa loob ng kanyang kulungan.
When she made one loud roar, tuluyan nang lumiit ang glass cage niya. Hindi na ito kinaya ni Milka at tuluyan na itong nahilo at nawalan ng malay. Akala ko nga ay may mangyayari nang masama sa alaga ng Prinsesa. Mabuti na lang at may bumasag ng glass cage niya mula sa labas.
"Prince Rouel!" Magkasama na sila ni Lala.
Lumapit siya sa akin at wala ring kahirap-hirap na binasag niya ang kulungan ko gamit ang Eizen Sword niya. "Nasaan na ang Prinsesa?"
"Dinala siya ni Brylle..." Naiiyak na ako pero tinatagan ko ang loob ko. Hindi pwedeng maging mahina sa mga oras na ito. "Si Kaleel at Brylle ay iisa lang talaga. Pero hindi na siya ang Brylle na kilala natin noon. Isa na siyang Dark Sorcerer!"
Nakita ko ang matinding galit at takot sa mukha ng Prinsipe. Ngunit alam niyang hindi rin siya pwedeng magpadala sa kanyang emosyon. "Si Vander? Hindi ba't kasama niyo rin si Vander? Where is that gnome?"
Napalingon kami sa paligid at wala nga si Vander. "Hindi ko alam kung nasaan na siya."
Bigla namang sumagot si Lala. "Baka naging invisible siya para makalapit kay Prinsesa Yana! Tama, tama, tama! Nakasunod siya kina Brylle!"
* * *
(Alyanna POV)
Ramdam kong basang-basa ako mula ulo hanggang paa. Sobrang lakas pa ng hangin kaya mas lalo akong nilamig. Nang muli akong magmulat ng mata, nakita ko ang sarili ko na nakahiga sa damuhan at nag-iisa lang. Bumangon ako at napaubo. Parang busog na busog ako—sa tubig. Tama! Nalulunod nga pala ako kanina.
Bigla na lang akong nakaramdam na para bang may kumagat o kumurot na kung ano sa binti ko. Kinamot ko 'yun pero wala naman. Ngunit ilang sandali pa, biglang sumulpot ang ulo at kamay ni Vander pero wala siyang katawan! Magri-react pa sana ako pero sinenyasan niya ako na tumahimik lang. Anong problema niya?
"Sa wakas ay nagkamalay ka na." Napalingon ako at nakita ko siyang papalapit—si Brylle!
Muli kong sinulyapan si Vander pero naka-invisible mode uli siya. "Nasaan na tayo?" tanong ko kay Brylle dahil hindi ko na matanaw 'yung waterfalls.
"Dinala kita rito sa isa sa mga floating islands ng kaharian niyo."
Then there was silence. Nakatitig lang ako sa kanya, nangungusap ang mga mata ko. Nakakatitig lang din siya sa akin, ngunit walang halong emosyon 'yung sa kanya.
Si Kaleel ay si Brylle. Nakita ko 'yung birthmark sa likod niya. Babatukan ko kung sino pang hindi maniniwala dun.
But then I realized something else. Inalala ko 'yung kabuuan na nakita ko sa likod niya. Those strange marks. I know what that is.
He was standing near, yet too far away from me. "Brylle..."
"How many times do I have to repeat myself? I am Kaleel!"
"But you are not a merchant from the Hidden Zoan Village. Hindi ka nanggaling sa Southern Uldovia!" Nahihirapan akong maniwala at tanggapin ang nangyayari ngayon. "You have a Dark Seal on your back!" 'Yun ang rason kung bakit hindi niya ako naalala. "You're under a curse!"
He remained silent. Still. Emotionless.
"Who do you work for?" Hinintay ko siyang sumagot pero malamig na titig lang ang nakuha ko sa kanya. "Sagutin mo ako! Sinong nag-utos sayo na gawin 'to?"
"Kapag sinagot ko ba ang tanong mo, ibibigay mo ang gusto ko?"
Napaatras ako at napahawak sa suot kong Lux Amulet. Ito kaya ang gusto niya?
"Take off your Lux Amulet and I will tell you."
Mas humigpit ang pagkakahawak ko sa kwintas ko. Inihahanda ko na ang sarili ko. "Tell me who do you work for and I'll do what you want."
Matagal uli kaming nagtitigan—nagpapakiramdaman. Tapos biglang ngumisi si Brylle. And he glared at me. "Liar!"
"Mark my word, I will!" sigaw ko sa kanya and this time, with a sound of authority in my voice. "Now tell me, who do you work for?"
Mas naging seryoso ang mukha ni Brylle. Humakbang siya palapit sa akin... pero umatras ako ng dalawang beses palayo.
"I serve for my Lord Night Hollowick."
Parang may time-bomb na sumabog sa tenga ko. Nabingi ako sa pangalang binanggit niya. Unti-unting nagbalik sa akin 'yung alaala ng kawalang-hiyaan na ginawa sa amin ng pinuno ng mga Hollowick.
"Siya ang umatake sa atin doon sa Erden Valley! Ang dahilan ng pagkamatay ng maraming myembro ng Terrashaw! Si Night Hollowick din ang dahilan kung bakit tayo nagkahiwalay! Kalaban natin siya, Brylle! Kalaban natin siya!"
"Naninilbihan ako para sa kanya."
Muli niyang sinubukang lumapit sa akin. Pero hindi ako natatakot sa pwede niyang gawin sa akin. Mas nag-aalala ako. Nangangamba ako para sa lalaking mahal ko—na hindi ako nakikilala.
Sa bawat hakbang niya palapit sa akin, umaatras naman ako... hanggang sa narating ko na ang dulo ng maliit na floating island na pinagdalhan niya sa akin. Sumilip ako sa baba at nakakalula ito sa taas. Ngayon alam ko na ang pwede kong kabagsakan kung sakali man.
"Ngayon alam mo na kung para kanino ako nagtatrabaho, oras na para gawin mo naman ang pangako mo."
Napayuko ako dahil wala na talaga akong choice. Tulad ng ipinangako ko, hinubad ko na ang Lux Amulet sa leeg ko.
"Brylle, alam kong nariyan ka pa. Alam kong ikaw talaga 'yung nagpapakita at naririnig ko sa isip ko kaya alam kong naririnig mo ako." Naluluha na ako pero pinipigilan ko. "Alalahanin mo ako. Alalahanin mo kung sino ako sa buhay mo!"
Ngunit sa itsura ng Brylle na kausap ko, wala akong ibang nakikita kundi kadiliman.
"Hetong Lux Amulet lang ang kailangan mo? Sige! Ibibigay ko." Saka ako ngumiti pero puno ito ng kalungkutan. "Pero gusto ko lang sabihin sayo na kapag hindi ako ang pinili mo, ikamamatay ko 'yun."
Ibinato ko sa kanya ang Lux Amulet at nasalo niya ito. Saka ako tumalon dun sa isla at tuluy-tuloy na nahulog pababa. Tamang-tama! Hindi ako marunong lumipad.
Ginawa ko ito dahil gusto kong mamili si Brylle.
Ako o yung Lux Amulet?
Pumikit na ako at pinakiramdaman ang bilis ng pagbagsak ko. Ramdam ko rin ang lakas ng hangin na tumatama sa katawan ko. At alam kong segundo na lang ang bibilangin bago ako tuluyang tumama sa lupa.
Sa isip ko, muli kong narinig ang boses ni Brylle. "Yana... Yana hintayin mo ako!"
Pero sa isip ko nga lang ba 'yun?
"Yana!"
Iminulat ko ang mga mata ko at nakita kong nakasunod na sa akin si Brylle. Hindi niya hawak ang Lux Amulet. Tumalon siya para sundan ako!
Sobrang lapit ko na sa kamatayan ngunit mas mabilis ang pagbagsak niya para maabutan ako. He reached out his hand for me. I did the same thing for him.
Kaunti pa at nagkahawak na kami ng kamay. Hinila niya ako palapit sa kanya at niyakap niya ako ng mahigpit. "Brylle..."
Before we hit the ground, he whispered something in my ear. And then a black cloud formation appeared around us and I fainted.