يدخل الشاويش حسانين الغول
الشاويش : يا واد يا بركات ---- انت يا عسكرى بركات ---- انت يا زفت
بركات : ايوة يا شاويش حسانين -- انى كنت بعملك كوباية شاى ( انى معناها انا بس بالصعيدى )
الشاويش : يع ايه القرف ده انت حاطط كام معلقة سكر يا وله
بركات : 12
الشاويش : انى بشربها 14
بركات : معلش المرة الجاية هابقى اعملها 14
(يقول بصوت منخفض ) : 14 معلقة سكر ليه ان شاء الله دى الجاموسة مش بتاكل 14 معلقة سكر
بركات : ها مش هاتحن عليا بقى وتنزلنى الاجازة السنوية بتاعتى
الشاويش : بعدين --- بعدين لما ييجى الواد عوضين نبقى نشوف موضوع الاجأازة ده
بركات : حلو -- ماهو عوضين جاى النهارده م الاجازة يعنى هو الى يمسك خدمة وانى الى اخد اجازة
الشاويش ( بغضب ): ازاى هو الى يمسك الخدمة -- -؛-- الواد بييجى من الاجازة تعبان ثم انه بييجى شايل اشي وشويات مش انت بتيجى يامولاى كما خلقتنى
بركات ( بحزن ) : ما انت عرف انه قادر وانى غلبان
عوضين : سلاموا عليكوا
الشاويش : اتأخرت ليه يا وله ····· انى مرضيتش افطر غير لما تيجى
عوضين : ما انا مانسيتكش يا شاوشنا يا زوق ··· حاكم انا جايبلك شوية فطير مشلتت ع حبة مرحرح ع شويه جبنة قديمة والمفاجأة بقى حبه قشطة وعسل ابيض يستاهلوا بقك دا غير الغدا
الشاويش : طب هات يا عوضين ··· احسن انت جوعتنى اوى يا وله
شفت ياس بركات ادى العساكر ولا بلاش ( بركات وعوضين شغالين حراسة ع الاهرامات )
بركات : ما انى قولتلك انى غلبان انما عوضين بقى -------
عوضين : عيب يا بركات انى وانت واحد واللى انى جايبه كأنك انت اللى جايبه ···· حاكم انت عارف معزتك عندى قد ايه
بركات : الله يخليك يا عوضين ···· انى كمان بعزك وربنا عالم بقى بالقلوب
الشاويش : خلاص يا بركات يا حبيبى اطلع م الفيلم الهندى ده وركز معايا كده
بركات : استغفر الله ···· نعم يا شاويش حسانين
الشاويش : بركات يا حبيبي ······ هيهيهيهيهي
#( ضحكة شريرة )
بركات : نعم
الشاويش : انت النهاردة هاتقف خدمة ع الهرم
بركات ( بغضب ) : حرام عليك يا شاويش حسانين ده انى بقالى 5 ايام واقف خدمة ع الهرم
الشاويش : اصدك ايه يا بركات يعنى انى مصتقصدك
بركات : يعنى الرحمه يا شاويش حسانين
عوضين : خلاص يا شاويش بعد اذنك انى الى هامسك الخدمة النهاردة
الشاويش : انى لما اقول مين الى يمسك الخدمة ماحدش يعارضنى بتاتا يا عسكرى
عوضين : ماتزعلش نفسك يا شاويش حسانين (هامسا ) : انا مش عاوز الواد ياخد باله ويتكلم بعد كده
الشاويش ( بصوت عال) : مابقاش الا بركات الى يتكلم
عوضين : خلاص بقى يا حضره الصول يا عسا انت ده اللى يخدم معاك ماينساش الميرى ابدا ( لنفسه ) : وانت زى المنشار طالع واكل نازل واكل
الشاويش : بتقول حاجة يا عوضين
عوضين : لا يا شاويش اصلى نسيت احمر البطة
******************************
عجبتكم القصة ؟؟؟؟؟
بركات والشاويش بيتكلموا بالصعيدى اما عوضين بيتكلم بالعربي
يلا نكمل القصة ♥♡
وبركات وعوضين واقفين خدمة ع الاهرامات