Maine's POV
Pagpasok namin sa kwarto, nilagay lang namin ang mga gamit namin at saka bumaba para kumain ng dinner. Kumpleto ang pamilya ko, si mama, si papa at si Coleen. Sayang lang dahil wala si tito, ang daddy ni Alden.
Pagkatapos kumain, naglakad-lakad muna kami. Napakaganda dito sa Boracay lalo na pagsapit ng gabi. This place was full of lights. Lahat ng tao, walang ginawa kundi ang magsaya. Kabi-kabila ang mga party, mga night clubs at iba't ibang gimik.
Naglakad kami hanggang sa mapadpad kami ni Alden sa dalampasigan. Medyo malayo kami sa mga tao kaya sobrang tahimik at ang hampas lang ng alon ang maririnig mo.
Pareho kaming umupo sa may buhangin.
"Alden, thank you kasi umuwi ka na. Dinala mo pa ako dito kasama ang pamilya ko."
"Pinangako kong babalik ako para sa'yo 'di ba? At saka bukod sa gusto kitang makasama...may special event na parating and I want to celebrate it here in Boracay."
Napatingin ako sa kanya.
"What do you mean?"
"Anong what do you mean? Ibig-sabihin...wala kang natatandaan?"
"Ano bang meron?"
Wala talaga akong naaalalang special event. Hindi pa naman namin anniversary.
"Sa sobrang dami ng mga pinagkaka-abalahan mo...nakalimutan mo na talaga."
"Ha? Ano bang meron Alden? Sabihin mo na sa'kin."
"Wala akong sasabihin sa'yo. Dapat ikaw mismo ang makaalala nun."
"Ano ba yun ha? Sabihin mo na please."
"Ayoko."
"Sige na, please."
Hinawakan ko pa ang kamay nya at nag-puppy eyes sa kanya. I know his weakness, he can't resist my charm.
"Syokoy, sabihin mo na sa'kin."
"Hindi nga pwede syomay. Ang kulit mo."
Kapag nag-aasaran kami, pareho naming ginagamit ang endearment namin sa isa't isa.
"Gusto mo ba talagang malaman?"
sabi nya.
"Oo...kaya sabihin mo na."
Tumayo sya bigla at nagulat ako nang buhatin nya ako na parang bagong kasal.
"Alden, ibaba mo na ako. Ayokong maligo, malamig."
Naglakad si Alden palapit sa dagat. Sabi ko na nga ba at may masama syang binabalak. Ugh! Ayokong maligo ngayon.
Hindi nya ako pinakinggan hanggang sa naramdaman ko na lang na basa na rin ako. Buhat nya pa rin ako kahit nasa tubig na kami.
"I hate you!" inis na sabi ko sa kanya.
"You hate me pero kung makayakap ka sa'kin ngayon, parang ayaw mo na akong pakawalan." tumawa sya.
Hindi naman masyadong malamig ang tubig pero ayoko pa ring maligo. Pero dahil sa kakulitan ni Alden...eto no choice.
Pero ang mas nakakaasar pa ay nang bigla syang lumubog sa tubig. Kapit nya ako kaya pati ako lumubog din. After a few seconds, pareho kaming umahon.
"Bukas na lang ulit natin enjoy-in ang tubig. Bumalik na tayo sa kwarto." sabi nya.
Bago kami tuluyang umalis, binigay ko muna kay Alden ang dala kong towel.
"Teka! 'Di ba dapat ikaw ang gumamit nito, nilalamig ka na." tutol nya.
"No, I can manage. Mas gugustuhin ko pang lamigin ako kaysa makita nila ang abs mo." I said frankly.
Manipis kasi ang t-shirt na suot nya kaya nang nabasa, bumakat ang upper body nya. May mga babae pa naman sa banda roon. For sure, pagnanasaan nila ang boyfriend ko.
"You're being protective. Ako ba talaga ang pinoprotektahan mo...o ang abs ko?" natatawa nyang tanong.
Ha? Hindi lang ang abs nya ang pinoprotektahan ko...syempre sya mismo:)
"Wag ka ng magtanong, let's go!"
Nang dumating kami sa kwarto, agad kong binuksan ang pinto. Pero bago pa ako makapasok, napatigil ako. Saka ko lang na-realize na...sa iisang kwarto nga pala kami matutulog ngayon.
Oh my! Bakit ba nagpa-panic ka Maine ha? Wala kang dapat isipin na kung ano.
"Bakit, Maine? May problema ba?"
"Ha? W-wala."
At pumasok na kami sa loob. Una akong naligo sa kanya at paglabas ko...
"Nagpadala ako ng gatas, inumin mo ha. At pagkatapos, matulog ka na agad dahil marami pa tayong activities bukas."
Nakapatong pa ang kamay nya sa ulo ko na para bang maliit akong paslit.
Tumango lang ako at pumasok na sya sa loob ng CR. Sinunod ko naman sya. Ininom ko ang gatas pero pagkatapos ay inayos ko muna ang mga gamit namin. Medyo matagal kami mag-i-stay kaya marami kaming mga dalang gamit. Inayos ko rin ang mga gamit ni Alden.
Hindi ko napansin na kasama pala sa mga damit ni Alden ang cellphone nya. Kaya muntik na itong mahulog, buti na lang nasambot ko. Binuksan ko ito at laking gulat ko nang makita kong mukha ko ang wallpaper nya.
Natutuwa ako dahil sa nalaman ko. Yung picture ko na yun ay kuha pa dati kaya medyo bata pa ako dun.
Naagaw ang atensyon ko nang biglang bumukas ang pinto ng CR. Napatingin ako at...oh em gee...I saw him topless. Napatalikod na lang ako dahil sa gulat.
"I'm sorry, akala ko kasi tulog ka na."
Nanatili pa rin akong nakatalikod sa kanya. Kahit abs nya lang ang nakita ko, alam nyo yun...parang ang awkward lang ng dating. Bakit ba kasi ang hot ng boyfriend ko??
"Okay lang, makikita ko rin naman yan eh." mahina kong sabi.
Naramdaman ko agad ang paglapit ni Alden. Pero nagtabon agad ako ng mukha dahil feeling ko ang pula ko na.
"Nagbibiro lang naman ako Alden, joke lang yun." Kilala ko sya, the more na mag-aasaran kami, the more na mang-aasar sya.
Namalayan ko na lang na nasa tabi ko na pala sya. Umupo pa sya mismo sa gilid ko. Naaamoy ko sya kasi ang bango nya.
"Pwede mo ng imulat ang mga mata mo, naka-t-shirt na ako."
At dahan-dahan akong tumingin sa kanya. Nakita ko syang nakadamit na nga.
"Maine, hindi mo kailangang matakot sa'kin. You're safe, trust me."
At ginulo nya ang buhok ko saka ngumiti sa'kin.
"Sige na, matulog na tayo."
Nilagay ko na ang cellphone nya sa side table at humiga na sa kama. After a few seconds, nagtaka ako dahil hindi pa rin humihiga si Alden sa tabi ko. Tumayo ako and then I found out na sa sahig pala sya natutulog. Naglatag sya ng bedsheet sa baba.
"Alden, anong ginagawa mo dyan?"
Lumingon sya sa'kin...
"Matutulog."
"I know. Pero Alden, pwede ka namang matulog sa tabi ko. Mas komportable dito sa kama."
Umupo sya at humarap sa'kin.
"Maine, gusto kong matulog ka ngayong gabi nang payapa at walang iniisip. Kaya sige na, goodnight." He even reached me to kiss me on my forehead.
At humiga na sya ulit. I know he's just being a gentleman. Pero hindi naman ako manhid at walang pakialam na girlfriend. Kung ayaw nyang tumabi sa'kin sa kama, okay lang naman. Pero...
Tumayo ako at humiga ako sa tabi nya na ikinagulat ni Alden kaya humarap sya sa'kin.
"Kung ayaw mong tumabi sa'kin sa kama, ako na lang ang tatabi sa'yo dito. I miss you so much Alden at gusto kitang katabi sa pagtulog."
Ngumiti naman sya.
"Goodnight syokoy."
At pumikit na ako.
"Goodnight syomai."
Bigla nya akong nilagyan ng kumot at niyakap nya pa ako.