الصوره شخصيات فاطمه وصبا ....👸🏻👸🏼👸🏽
لينا....
استيقضت في الصباح وانا احس بالتعب والثقل فتحت عيوني واذا بي ارى بجانبي خالد وانتبهت لنفسي تيشرتي ليس نفسه وايضاً لاحظت نفسي اني غير مرتديه حمالتي 😳 صرخت
انا:عااااااا لك خالد كوم هاي شمسوي بيه ماما تعالي اهئ اهئ
لك كوم يللللله
خالد استيقظ مصدوم :شكو منو شبيج منو مات شصار
انا:لك منو مات هاي شمسوي ياربي كوووووم
خالد :هههههه لج شبيج والله بيج حيل من الصبح كولشي مسويت بس بدلتلج لان صخنتي بالليل صرتي نار وملابسج صارن مي
انا:هاااا لعد والشسمه وشلون بدلتلي اكيد ظليت تباوع
خالد:ههههه شبيج مو كتلج غطيتج وبعدين شدعوه اول مره اشوف بنيه هيج
انا:هاااااء يعني شايف بنات هيج بدون شسمه 😡وانت منو كلك تنام يمي
خالد:لج فدوه لليغار ...اني نمت وحدي نعست ينرادلي احد يوصيني
انا :شنو هالثقه 😌
خالد:دتعالي خلي نرجع انام حبابه
وحضنني بكلتا يديه ووضعني ع صدره
انا:هههه لك خالد خلي نكوِّم حباب يله
خالد :ماشي تعالي ادخلج للحمام غسلي وجهج ونكوم
حملني الى الحمام الموجود في نفس غرفتي جعلني امامه وظهري ع صدره وأمامي حوض المغسله غسلت وجهي وفرشت اسناني وحملني الى المرآه أردت تسريح شعري فسحب مني فرشاة الشعر وقام بتسريح شعري
انا:تره رجلي مكسوره مو أيدي
خالد:اعرف بس حاب أسرح شعر حبيبتي بأيدي عندج مانع
انا :ابتسمت واشرت له بلا
اكمل تسريح شعري ثم حملني الى السرير واتصل بصديق له ليجلب له ثياب ودخل للحمام
وبعد قليل خرج مِن الحمام وهو يضع حول خصره منشفتي فقط
ولقد بقيت سرحانه به وبشعره ومن ثم صرخت ثم اغلقت عيوني
انا:عااااا لك هاي شلون تطلع هيج وخال منشفتي يااا
خالد:ههههه بعد وكت من صفنتي عليه وبعدين هاي منشفة حبي وحاب الفها عليه
انا:اا هااا لا صفنت ع المنشفه وبعدين متلبس شمنتظر
خالد :منتظر صديقي يجيب ملابس
انا:شنو يعني حتبقى هيج الى ان يجي واني لشوكت أبقى ساده عيوني
خالد :افتحيهن حبي وباعي براحتج
انا:يووووو خالد ابتلي ع عمري احجي شي
خالد :حنزل اسوي ريوگ بين ميجي الولد
انا :ماشي
مر الاسبوعين كالحلم احلى أيامي ثم حان موعدنا مع الطبيب ليزيل الجبس
ذهبنا الى الطبيب وازلنا الجبس وبطريق العوده للمنزل جلسنا بحديقه جميله
خالد :حبيبتي هسه لازم نحجي جديات اني احبج وانت
انا:احم اني....اي هم
خالد:هم شنو
انا:هاا ..هم مثلك
خالد:اي دكولي عاد
انا:خالد عفيه مااكدر 🙈
خالد:ههههه يله ماشي اموت ع اليستحي بس بالاجازه اخطبج
مرت فترة الدراسه ع خير وحبنا يزيد اكثر
أتت الاجازه والكل قرر العوده ورجعت انا وهو اتي ورائي باسبوع لان لديه عمل
استقبلوني اهلي في المطار رجعنا الى البيت وقد مره اكثر من ثلاث ايام ع عودتي واذا بهاتفي يتصل برقم غريب
انا :آلو
***:مرحبا حبيبتي
انا:اهلًا وسهلا منو حظرتج
****:انتي لينا مو
انا:اي عيني بس مگلتيلي انتي منو
*****اني اسمي رؤى بس ردت والدتج موجوده
انا:اي فد لحظه
ماما ماماتي هذه وحده اسمها رؤى ع التلفون تريدج
ماما:انطيني
آلو ..اهلًا وسهلا ...اي عيني والنعم منكم ...اي خوش ....عادي موجودين تتفضلون بأي وقت ...اهلًا وسهلا تشرفنا
انا:ماما شكو منو هاي
ماما:جايين خطابه عليج ويردون يشوفوج
انا: شنوووو شدتكولين ماما خطابه شنو زين ودراستي بعدين رقمي منين جايبي
صدمت أُخطب كيف وخالد حبيبي بعد حبنا وكيف سأقول له
ماما:حبيبتي اشبيج ضجتي بالعجل دشوفي الولد يجوز يعجبج
انا:ماما شنو يعجبني مااشوفهم لو مدري شيصير اهئ اهئ
ماما :حبيبتي ليش تبجين هسه احنه وافقته
انا:ماما الله يخليج مااريد لتوافقون حبابه
ماما:مااكدر حبيبتي اله ابوج نشوفه شيكول
انا:بس والله ماما ميصير لو اعرف ماجان اجيت
صعدت الى غرفتي ماذا افعل ياالهي اتصلت بخالد وهاتفه مغلق ياالهي ماذا يحدث أصبحت ابكي ومررت بحاله هستيريه
بعد مرور يومين أتت امي لغرفتي وبيدها صندوق كبير
ماما:لولو حبي هاج هذا
انا:شكو ماما شنو هذا (وانا بحاله تعب واكتئاب شديدين)
ماما:هاج شوفي الولد شدازلج
انا:ياولد ماما
ماما:خطيبج المستقبلي ..واتجهزي جايين العصر
انا:شنوووو ماما الله يخليج لا حبابه ماريد وبعدين من هسه ما جايب شألبس
ماما:حبيبتي البسي هذا والله كريم
اخرجت امي من الصندوق فستان اسود ضيق وطويل عاري الكتفين ومن الامام مرصع بالأحجار الفضي ومعه حذاء فضي جمييييل كان الفستان يخطف الأنظار وجميل جداً
انا:انت شدتحجين ماما ماالبسه وبعدين شنو هالذوق لعبان نفس هم فستان هذا
نظرت امي بطرف عينها وعلامات التعجب ضاهره في وجهها
ماما:المهم تجهزي العالم ب٥هنا
اتصلت بخالد والى الان مغلق ماذا يحدث بعثت له برسائل ولم يجب ثم سجلت له رساله صوتيه وانا ابكي وأخبره بكل شي وانه خدعني ولم يفي بوعده واغلق هاتفه وارسلتها ع ألواتس آب
أتت امي بعد ساعه ونصف
ماما :يله لِسَّه مجهزتي روحج
انا:ماما كلت ماانزل
ماما:حبيبتي بس شوفي للولد يجوز يعجبج
انا :ما
أتى ابي الي ومعه خالي احمد :حبيبتي بس انزلي مو ابو الولد صديق ابوج وعيب يتفشل بس انزلي واذا ماحبيتي اطلعي
انا:اكيد مااحبه بس ع مود بابا حطب بس بالعجل اطلع ماشي موتحجون شي
بابا :فدوه لحبيبتي
انا: بس كُل لماما ماالبس الفستان الي جابوا
بابا :براحتج البسي التردي
دخلت استحممت ولبست فستان قصير وردي وبه زهورصغيره باللون الفستقي ويكون بنصف أكمام وضيق من الأعلى وينفش من الخصر ومعه حذاء عالي فستقي عملت شعري كعكه مهمله ومسحت دموعي
دخلت امي :ها حبيبتي كملتي بس شو كولشي ممخليه بوجهج
انا:عاجبني اليوم أكون ع طبيعتي
ماما:عاد بس حمره شويه وعيونج عدليهن ذني الميتات بجي
انا:ماكو هاي اني مزين مطلعت ابجامتي بس خطيه بابا والله اذا تحجون شي أبدل وانزل ببجامتي
نزلت للأسفل لان الناس جالسين (ماما تگول صارلهم ساعه 😏)
دخلت الى الصاله فارغة اليدين سلمت ع الجميع كانوا ابوه وأمه وأخته رؤى وشاب بعمري تقريبا او اكبر بقليل وسيم لابأس به اتضح فيما بعد انه اخو العريس ولكن أين هو لم اره (الله يجوز انهزم وميريدني بلكي الله ياااارب) ولكن ابوه صاح أين العريس اجاب خالو احمد انه يغسل يديه (وسم جاي بقذارته ) تكأبت وأنزلت رأسي للأرض فقالت لي امي انه اتي وقفت واتى هو قال :مرحبا شلونها العروسه (وجععع وسم )لحظه الصوت اعرفه رفعت رأسي لارى
........
...............
.....................
..............................
خااااااالد
واذا بعيناي تصبحان كالضباب أمسكت عيوني وانا افركهم كثيرا وأصبحت لأرى امامي
ثم استيقظت ع صوت امي
ماما لينا حبيبتي كومي شجاج
انا :ها شكو شنو حلم
واذا بخالد امامي
خالد:لا مو حلم كومي يعروسه فضحتينه (بهمس)
انا(بهمس):الله لينطيك شكد دعيت عليك
جلسنا ثانيةً وقلت لامي اني دخت وبقيت جالسه وخالد ينظر لي ويبتسم وانا كالبلهاء
تكلم ابوه مع ابي وقالوا لي ع رأيي فقال ابي :عيني ابو خالد ناخذ رأي لينا شنو
بابا كان متأكد اني رافضه ولكنه أراد التكلم معي خارجاً ولكن خالد قال (غير يسكت لاخجل ولامستحى )
خالد:عمو بعد إذنك اخذ رأيها هنا ع مود اذا رافضه منا وننهي الشغله وبلا احراج
نظرت له باستغراب ابتسم وغمز لي 😘
قال بابا :بنتي لينا انتي موافقه ع خالد
هنا كنت قيد الاستيعاب من صدمة خالد نظرت لخالد بنظره شريره معناها (اذا رفضتك هسه يمصخم وين تطي وجهك )
ابتسم لي ابتسامه بريئة بمعنى التوسل
انزلت رأسي وحركته موافقه بوقتها كنت قد احسست بصدمة اهلي لأنهم كانوا واثقين من رفضي
ثم قرينا الفاتحة وسلمنا ع الجميع سلم علي خالد وهمس بأذني :ليش ملابسه الفستان الجبته
انا:ههههه مو ماقبلت عبالي جايبه عريس الغفله ...هسه اجي
ذهبت الى غرفتي خلعت ثوبي وحمالتي ولبست الثوب الذي جلبه خالد وأسدلت شعري ع جهه واحده من كتفي ووضعت مساحيق تجميل واحمر شفاه احمر غامق ورششت الكثير من العطر ولبست الحذاء وانا بكامل حماسي واناقتي نزلت الى تحت وأصبحت أصوات الكل يهلل ويبارك وامي تحمد الله وتشكره لإتمام فرحتنا وإعجابهم بمظهري خرج الجميع وبقيت انا وخالد وأغلقوا الباب
خالد:الف مبروك يروحي
انا:الله يبارك بيك حبيبي
تقرب مني وجلس بجانبي
خالد:شنو هالجمال اليوم غير تموتين وصرتي الي اليوم اكطعج
انا:خاااالد بس اني زعلانه منك ليش مگلت شبعت بجي والله متت
خالد:ياروحي عدوينج ان شاء الله بس حبيت اسويلج مفاجأه
انا :لعد يگلبي احمد ربك لان مقبلت انزل جان ماكو خطوبه
خالد :عمري اني مشتاقلج وحموت عليج
اصبح يقبل يدي ثم حظنني وقبل رقبتي وانتقل الى شفتي قبلها بشغف وبادلته القبل تركني لنسحب نفسنا واذا بالباب تطرق جلسنا ثم دخلت رؤى وقالت: حيدخلون يمكم بس اول كل واحد يمسح حلگه
نظرت الى خالد وفمه ملطخ بأحمر الشفاه وانا كذلك اخرجت كلينكس ومرآه من حقيبة رؤى بعد ان رمتها لي وخرجت ووضعت احمر شفاه من حقيبتها
انا:خالد امسح عدل حيدخلون وننفضح
خالد :ليش ننفضح عمري انتي مالتي
بس خلي نخطب ونتزوج بالعجل ماشي
انا :ماشي يعمري
مرت اجازتنا واكملنا حفل خطبتنا وكان من أجمل مارأت عيني فرحنا وضحكنا كثيراً
سافرنا من جديد لتكمله دوامي وهناك أخبرت فاطمه وصبا تفاجئن كثيراً والفرحة تملئ وجوههن
اقتربت سنتي الدراسية من الانتهاء وبدء خالد بالعمل في احدى الشركات لجمع مبلغ من المال كي ينفعه في الزواج وفي هذا الفتره احس ان خالد ابتعد عني ولم يهتم ويسأل مثل ما كنا
وقررت كسر هذا الحاجز ومفاجئته فرتبت كل شئ وذهبت للشركه
احظرت الشوكولا والورد وفي داخل الورد تذكرتان لحفل لفنان هو يعشقه وارتديت فستان عاري الصدر بحمالة للرقبه لونه فوشيا مطعم بقليل من اللون الفضي من أطرافه وقصير وضيق جدا مع حذاء عالي فضي وحقيبة يد فضي ووضعت مكياج جميل جداً احمر شفاه فوشيا وأي لاينر رسمة القطه ورفعت شعري للاعلى وذهبت له
دخلت الى الشركه وأنظار الجميع متوجهه نحوي سألت استعلامات الشركه أين مكتب السيد خالد ****
فصعدت للاعلى ودخلت المكتب تفاجئ جدا
انا: مرحباااااا
خالد:اهااا هاي اليوم منو يمنه وشنو هاي يمه حبيبتي لج شنو انتي
انا:انت متسأل كلت اني اجيك واعزمك ع مود نطلع
خالد:ماشي عمري بس اخذ الساعات الباقيه اجازه وجايج انتي اكعدي
انا:اوك
ذهب خالد وفي هذه الأثناء دخلت فتاة تتمايع كثيرا وشكلها يبدو مستفز
الفتاة :هلووو مسيو خالد موجود
انا:😠لا مموجود منو حظرتج
الفتاة:وانتي لشو بتسألي انا بديا لأ لو
انا:منو انتي
الفتاة :وانتي شو خصك بس لألك انا حبيبتو
انا:شنوووو حبيبته ؟؟؟؟
خرجت غاضبه ودموعي ع خدي وأقول بنفسي حصل ما كنت خائفه منه
وعند خروجي من الغرفه اصطدمت بخالد
خالد:ها حبي اني جاهز نروح
انا: روح انت وحبيبتك احسن وحلقتك هاي وماريد اشوف وجهك اسمـــــــعت 💍
خالد:شدتكولين انتي فهميني
انا:وخر عني وخلي تفهمك حبيبة الگلب
خرجت مسرعه وذهبت لمنزلي ولممت حاجياتي وأخذت مستمسكاتي وحجزت لأقرب طائره متجهه الى لبنان (خالتي متزوجه بلبنان وعندها بنيه بعمري وهي صديقتي كووولش من بعد نور )
ولم اخبر احد بسفري حتى اهلي ولحسن الحظ كان هنالك طائره بعد ساعتين اتجهت للمطار سجلت بطاقتي وسلمت حقائبي وانتظرت الى ان أعلنوا عن رحلتي الى بيروت صعدت الطائرة والدموع ع وجنتي واتقطع الماً
نزلت الطائرة في مطار رفيق الحريري اتصلت ب لارا بنت خالتي وعندما اكملت اجرائات المطار خرجت ورأيتها واحتضنتها وانا ابكي طبعاً انا حكيت لها كل شي وذهبنا لبيت خالتي كانت تسكن في منطقه امام البحر وصخرة الروشه وكان زوجها جراح دماغ استقبلتني بكل حنان وزوجها ايضا يحبني جدا كأبنته لانه وابي أصدقاء جدا ودائما نحن معاً
ارتحت من السفر وخرجنا انا ولارا كثيرا وكنا نسهر في شارع الحمرا وذاات يوم رجعنا من السهره وتفاجئت بخالد في بيت خالتي ....
فلاش باك .....
خالد.......
عندما قدمت الاجازه وعدت رأيت لينا وكانت تبكي وتصرخ ولم افهم منها اي شئ وركضت مسرعه في المصعد ولم اللحق بها دخلت غرفتي وتفاجئت ب ناديا سأتكلم بأختصار انها مراجعه من النوع المتصنع الدلع ولااعرف مابها تتردد كثيرا ع مكتبي ع الرغم من اكتمال معاملتها وكانت تعبر لي برغبتها ولكن انا لدي حبيبتي وناديا تحاول بكل الطرق كسب حبي وحتى اني شكيتها لمدير الشركه ولكنه تحجج بان زوجها صديقه وله فضل عليه ولقد تفاجئت حقاً من كونها متزوجه
عندما وجدتها في غرفتي صرخت بوجهها عن ماذا تكلمت مع حبيبتي فقالت كل شي فسحبتها لمنتصف الشركه وصرخت بوجهها أمام الموظفين وقدمت استقالتي وخرجت
ذهبت لمنزل لينا ولكنها غير موجوده سألت صديقاتها ولم يعرفن شي اتصلت بها هاتفا مغلق لاأعرف ماذا افعل سوف اجن تدهورت حالتي وخفت عليها كثيرا لم يبقى مكان لم اسأل فيه
بعد مرور أسبوعين رِن هاتفي برقم غريب
خالد ....هلو
لارا....السلام عليكم
خالد ...وعليكم السلام منو
لارا....اني لارا بنت خالة لينا وحبيت أكول لينا عندي بلبنان وهي خطيه دتموت الليل كولي تبجي وتهلوس وحالته صعبه صح هي تطلع وتسهر بس متشوف الحزن اللي بعيونها واني أعرِّفت انه مخلتك تشرح اي شي بس ان شاء الله تكون مظلوم وترجعون سوا لان لينا تحبك من صدك
خالد ....فرحتيني الله يفرحج والله اني مظلوم وحثبتلها ها لشي بس لتگليلها حسويلها مفاجئه
فرحت جداً من خبر انها بخير وسوف اصحح كل شي
لينا......
صدمت من وجود خالد جدا وفرحت جدا لأَنِّي اشتقت له جدا
خالد:هلو حبيبتي
لينا :لتكول حبيبتي وشدتسوي انت هنا مو فسخت الخطوبه وخلص
خالد:شنو فسخنا عبالج بهالسهوله لا عمري
شرح لي كل شي وفرحت جدا لحصولنا ع فرصه جديده ولكني خجلت من نفسي كثيراً لأَنِّي لم اسمعه ولم ادعه يشرح لي
قررنا الزواج بأقصى سرعه عدنا للعراق وعملنا اجمل زفاف يليق بحبيبين وكان كالحلم
وبعد مرور سنه ع زواجهم
توج زواجهم ببذره الحب التي تمنوها سويا
وهم ع احر من الجمر بأنتظار ولادة لينا
بدء ...بصدفه
واختتم ....بعشق مدى الحياة
النهايه ..........
بقلم Ela
وحسابي Ela--dj
حبيت اذكركم انه هذه اول قصه الي وأتمنى تعطوني رأيكم واذا عجبتكم أيضا أتمنى تكتبون تعليق بأنه استمر بالكتابه ام أتوقف واذا شفتوا اي خطأ اي تعليق او نقد اتقبله بكل رحابة صد
وشكرا ع القراءه حبيباتي 😘😘