حب غير مقصود

لقاء الاعين

سلام يا حلوووووين اخباركم

قصه قصيره و خفيفه شوي كوميديه .. ما راح تتعداء الخمس او الست اجزاء

المهم ان شاء الله تعجبكم و تتفاعلوا معاها

و سوري على الاخطاء

************************

لا أطيل النظر في عينيك .. لان الله حرم ما يذهب العقل

*****************

حضن زياد امه الي للحين تبكي لانها بتفارق اخر عيالها ..

قالت بصوت مبوح من البكي وهي تشد يدينها حوله اكثر : انتبه لنفسك و كلمني اول ما توصل ..

ابتسم زياد و باس راسها : ان شاء الله الي تامرين فيه يا الغاليه

مسحت دموعها و طبطبت على ظهر ولدها : لا تنسى الليله ما بنام لين اسمع سمع صوتك و اتطمن عليك

ضحك زياد و ابوه على خوف امه المبالغ والي للحين تعامله على انه بزر .. مو واحد كمل 23 سنه و مسافر يباشر وظيفته الجديده

فكه ابوه من بين يدين امه بالقوه .. و قال لها بجديه شوي : خلاص يا دلال فكي الولد خليه يلحق يمشي .. وراه طريق طويل

تنهدت امه و بعدت عنه وهي تمسح دموعها بطرف طرحتها .. سلم عليها زياد مره اخيره .. و شال شنطته بعد ما ودع ابوه بعد

و طلع من بيتهم الي عاش كل طفولته و مراهقته و شهد اسعد ذكرياته و احزنها ..

طلع لمدينه جديده لبيئه ثانيه لشخص ثاني غير زياد الطالب الي يأخذ مصروفه من ابوه كل شهر

الحين صار زياد الموظف صاحب المسؤوليه .. الي يصرف على نفسه و يمكن يساعد غيره .. صار زياد الرجال مو زياد اخر العنقود

بعد ما دخل اغراضه و شيك على بنزين سيارته .. مسك خط من حايل لرياض ..

صح انه كان زعلان و ما يبي يفارق اهله و اصحابه و الحي الي عاش فيه .. بس اكيد ما راح يرفض وظيفه حلوه مثل هذي وخصوصا ان فرصه مثل هذي ما تجي في العمر غير مره

..............

بعد كم ساعه تصلب ظهر زياد فيها من كرسي السياره
وصل اخيرا للمكان الي راح يسكن فيه و يبتدي منه حياته العمليه الجديده

الحلو بموضوع سكنه انه ما راح يتعب و يتبهذل من شقه لشقه .. و يدفع ايجار و من هالكلام الي يصدع الراس

لان اخوه الكبير ريحه بشقته التمليك الي عرض عليه يسكن فيها .. دام انها مهجوره و مقفله من اكثر من ست شهور بعد ما نقل اخوه شغله لدمام و استقر هناك

نزل زياد شنطه و دخل العماره الي مبينه من برى انها شغل زين و مرتب و اكيد بيرتاح فيها

ظغط زر المصعد و تسند عليه يبي يلقط نفسه بعد شيل هالشنط الي هلكت ظهره من ثقلها

سحب جواله و اتصل على اول اسم في القائمة الاتصال و انتظر كم رنه قبل يسمع صوته الي مبين انه مصحيه من النوم

يزيد بدون نفس : مين

زياد بضحكه : بالله هذي طريقه ترد ع الاودام فيها

كشر يزيد : زيادوه يا تبن مو رايق لك اخلص قول وش تبي داق علي ..

تأفف زياد :داق اسألك عن شقتك هذي المخيسه .. انت قلت للبواب اني بسكن فيها ولا لا .. ما ابي يحسبني حرامي و يجيب الشرطه علي

تكلم يزيد و مبين بصوته انه صحصح شوي : مخيسه بعينك هذي الشقه في احسن احياء الرياض قال مخيسه قال .. ولا تخافين يا سندرلاء انا مكلم البواب ما بيطل بخشتك .. ارتحت الحين

ضحك زياد على هالنفسيه : ايه ارتحت .. خلاص ضف وجهك و ارجع كمل غيبوبتك .. يا الدب

يزيد : كل تبن بس

قفل زياد الخط على فتحت باب المصعد والي دخله بسرعه بعد ما دخل اغراضه اكيد .. وكل الي في باله هو انه يوصل و يغمض عيونه و يريح جسمه شوي

اول ما فتح المصعد و لقي شقة اخوه .. فتحها و الضحكه شاقه الوجه .. ما صدق اخيرا بيرتاح

و توسعت عيون زياد مصدوم من منظر الشقه الي ما توقعها كذا ابد .. كانت مرتبه و نظيفه و ما كانها شقه اخوه

رمى شنطه عند الباب و ضل يتفحص هالشقه الي ابد مافيها لمسه من ذوق اخوه المخيس ..

صح الاثاث مو غالي و تصميم ماشي حاله .. بس كانت نظيفه و اللوانها مريحه للعين .. ولا كانها مهجوره من نص سنه تقريبا

صار يدور بعيونه بتفاصيل هالشقه .. و لما طاحت عينه على برواز الصوره الي بجنبه ..

لف يبي يتفحص الناس الي بالصوره .. بس قبل يشوف الصوره زين ..

حس بشي قاسي يضرب براسه .. و وجع فضيع ينتشر براسه كله قبل يغيب عن الدنيا و ما يحس بشي حوله

.................

لما وعيت بالي حولي .. كل الي حسيت فيه هو الصداع الي يقطع راسي و الالم الفضيع الي بيذبحني من قوته

جلست كم ثانيه استوعب الشي الي صار لي .. وش الي خلى راسي يألم كان سيارة رايحه راجعه عليه

ولما تذكرت الضربه الي جيتني مدري من وين .. و زادها الصوت الي اسمعه عند راسي

فتحت عيوني بفجعه من الي ضربني وش هالاصوات لا يكون جني بس

اكيد هالتبن يزيد ما يعطي شي سنع .. الله يقلعه هو و عفاريته هالحيوان

فتحت عيوني بشويش .. خايف اشوف شي ما يسر
ولا منظر اطب بعده ساكت

بس اول شي قابلني هي عيونه الي تفتن بلونها الغريب كانت تناظر فيني بخوف .. و كاني كلب مسعور

فجأه صاح هالمجنون او الجني المزيون ذا ما عدني عارف وش هو والله

و ركض لجواله .. و دق على رقم بسرعه

رحمت الي يكلمه في التلفون و يستحمل صراخه الي انفجر اول ما رد عليه .. بصراحه اتوقع بعد هالمكالمه بيركب سماعه بأذنه اكيد

على الاقل طلع بشر مثلي اكيد مافيه جني معاه جوال خير وين احنا

......: يا زق وينك انت واياه .. هالحرامي صحي و يناظر فيني تبونه يذبحني وبعدين تجون

لما استوعبت كلام هالقطو الخايف صحت فيه بعصبيه

زياد : هي من الحرامي يا ورع .. هذي شقتي

تجاهل هالولد كلامي ولا كأني قلت شي و رجع يصيح بالشخص الي معاه ع الخط عشان يسرع و يجيه

بعد ما قفل رجع عيونه علي .. و صار يناظرني من طرف الغرفه و كأني وحش بقوم اكله

قبل يقول بصراخ وهو يأشر بالعصى بوجهي .. هالحيوان شكله ضربني بهالمصيبه .. ما استغرب وجع راسي عسى ايده الكسر

........ : وش تبي جاي شقتي .. تبي تسرقني ياكلب

كشرت بسبب صوته الي زاد صداعي و حاولت اقوم من مكاني .. لكن ما قدرت شي مثبتني على الارض

نزلت عيني وشفت هالزفت رابط يدي بطرف الكنبه .. بتيشيرتي الجديد

تشهد على روحك يا ورع .. حفرت قبرك بيدك

صحت فيه بعصبيه هالحيوان ما يعرف بكم التيشيرت دفعت دم قلبي فيه عشان المقابله .. الحين انعدم و تمدد بسببه

زياد : يا حيوووان تعرف قيمة هالقميص الحين اخترب بسبتك

لصق ذا القطو زياده بالجدار وهو يرجف من الخوف .. كانه يرقص سامري

.. و صاح بصوته هالمزعج مسوي فيها انا الي ما اخاف .. يا ولد انت شوي و تسويها على نفسك

.......: حيوان بعينك يا حرامي .. اصلا اول مره اشوف بحياتي حرامي جاي بشنطته معه

زياد : هذا لاني مو حرامي يا الدلخ ذي شقتي فك يدي قبل افك راسك من مكانه

وصلت حدي من ذا البزر و ما فيني صبر عليه .. مو مكفي انه عدم تيشيرتي الجديد هالبثر

كنت بقوم اصفقه بس هرب للباب لما سمع الجرس .. الحيوان رابطني بقوه ما قدرت اقوم

شوي وسمعت اصوات كم واحد عند الباب يا سلام كملت الحين .. منادي شلته بعد

بعدها صوت مشيهم الي تقرب مني .. لا يكون اتصل بالشرطه ذا مجنون و يسويها

و ما اخذت وقت قبل يرجع بوجهي هالفار الخايف بس هالمره كان معاه بزر مثله .. و و

صحت بصدمه : غ غسااان

توسعت عيون غسان و رجع ناظر بالورع من جديد : نور هالحرامي الي تقصده

نور : ا ايه .. و وش نسوي فيه

اسمه نور يعني .. هالاسم مو حق بنات

ما دريت ان صوت كان مسموع الا لما حسبت بهالبثر يرفسني بركبتي و يكشر

نور : بنات بعينك يا الحرامي و لك وجه تتكلم .. احمد ربك ما ذبحتك

هالحيوان تجرئ يوم غسان موجود و اول كانه جرو مرشوش عليه مويه

صكيت على اسناني .. احاول اهدء لا تجيني جلطه من هالورع .. و كمان برستيجيما يسمح لي .. وش يقول عني غسان يصارخ على بزر

بعده غسان و جلس جنبي شوي و حسيت بالدم يرجع ليدي

صاح هالبثر و رجع مسك عصاة الساحره حقته : غساااان ليش فكيته .. مجنون انت تبيه يهرب

غسان طنش القطو المزعج و ناظرني : وش الي جايبك هنا .. غريبه ما قلت لي انك جاي

كنت برد بس قطع كلامي هالمره .. الولد الثاني الي مبين انه مو مستوعب شي من الي صاير

مؤمن : غسان تعرفه

ناظره غسان ببتسامه و هز راسه : ايه صديق قديم ايام المدرسه .. و اخو يزيد

توسعت عيون هالاثنين و كانهم سمعوا شي خارق ولا طلاسم سحر

بصراحه انا وصلت حدي من هالبزور .. وش هالعلل الي طالعه لي واصلا وش يسوي هالبثر بشقتي

وش السالفه يا ناس

......................

بعد ما عرفوا الكل ان زياد مو حرامي ولا جاي يسرق شي من الشقه الفاضيه ذي

جاء دوره هو عشان يعرف هالنور وش يسوي بشقة اخوه والي المفروض تكون مهجوره من مده ولا احد ساكن فيها

جلس زياد في الكنبه المقابله لنور و صاحبه مؤمن و غسان جلس بجنبه

الي استغربه زياد هو الهدوء الي حل على نور لما عرف انه اخو يزيد

قلب 180 درجه ولا كانه هو نفسه الورع الي ازعجه بصراخه من شوي

شبك يدينه ببعض و اتكى عليها : ممكن اعرف وش تسوي بشقة اخوي

نور ما رفع عينه عن الارض و لا ناظر بوجه زياد من لما عرف انه اخو يزيد .. يمكن متفشل من الي سواه بأخو صاحبه

فجاوب عنه صاحبه الي للحين ما يعرف زياد وش اسمه : هو صاحب يزيد كان ساكن معه من اول ما شراء يزيد الشقه

ناظره زياد بريبه : بس يزيد ما قال لي عنه توي مكلمه و ما جاب سيره

رفع راسه نور و قال برجفه و كانه سمع شي يهمه : تكلم يزيد

استغرب زياد من هالسؤال : ايه اكيد اخوي و اكلمه و يكلمني .. وش هالسؤال الغبي

شاف زياد كمية مشاعر غريبه بعيون نور .. كان الغالب الحزن بس في شي ثاني .. كان فيه بريق أمل غريب من لما سمع جواب زياد

ابتسم نور ابتسامه صفراء و سأل بلهفت مشتاق: هو بخير صح

وقبل ما يرد زياد عليه .. قاطعه غسان بحده
غسان : بسك يانور أسئله ... الولد تعبان و اكيد يبي يرتاح بعد الي صار له ..

عقد مؤمن حواجبه و كانه مو عاجبه الوضع وقال بتحذير : غسان

قام غسان : خير وش فيه

رد مؤمن بهدوء ما يبي يتمشكل قدام زياد : ولا شي

غسان هدء من نفسه شوي و قام : طيب يلى مشينا .. خلي الولد يرتاح

طلعوا غسان و مؤمن من شقة يزيد بعد ما تحمدوا لزياد بالسلامه و اعتذوا عن سوء التفاهم الي صار بينهم مره ثانيه

بعد ما بقي غيرهم .. جلس زياد بتعب على الكنبه .. و انتبه لنور الي للحين منزل راسه و ما سوء اي حركه و لا طلع منه اي صوت .. شكله متفشل من الي سواه بزياد

قال زياد بأبتسامه : اشوف مالك وجه تكلمني يا البثر

رفع عينه نور و ناظر بزياد بحده : بثر بعينك يالتبن .. بس ما علينا اسف كنت اظنك بتسرقني

رفع حاجب زياد و ضحك : ههههه وش هالاسف المتوحش .. اوكي اعتذارك و انقبل .. ممكن تقول لي الحين وين انام .. حدي ميت نوم

نور الي سرح بضحكته و بملامح وجهه .. ما انتبه لسؤال زياد الي صاح عليه هالمره

زياد قام و قرب من نور : يا هوووووه .. اسألك انا ابي انام وين الغرفه

استحى نور و قلبت خدوده حمر خصوصا لما انتبه لقرب زياد منه

قال بتلعثم وهو يأشر على الغرفه الي باليمين : ه هنا

ابتسم له زياد بتسليك قبل يشيل عفوشه و يدخل الغرفه ... وهو يفكر بهالورع الغريب و تصرفاته الي مو مفهومه

وأول شي سواه بعد ما رمى عفوشه

هو انه سحب جواله و تمدد على السرير الي مبين ان احد كان نايم فيها .. و الي يشك انه نور هذا

بس زياد ما همه التعب هالكه و كل الي يبيه الحين هو انه ينام حتى لو بنص الحمام ما عليه .. اهم شي يرتاح

بس اكيد مو قبل يعرف وش صاير حوله

هالمره ما طول لما رد اخوه والي مبين من صوته انه صاحي و فايق

يزيد بضحكه : اسمع والله كنت بسدد الفاتوره بس نسيت

زياد مستغرب : فاتورة فاتورة ايش

يزيد : الكهرباء مو مقطوعه عندك

عصب زياد : يا حيوان كنت بترسلني لشقه ما فيها كهربه ..
يزيد : ليش شغاله

زياد : ايه شغاله يا كلب ..المهم حسابك معي بعدين .. ابي اسألك عن شي

يزيد : وش فيه

صاح زياد في اخوه فجأه : يا تبن ليش ما قلت لي عن البثر صاحبك الي ساكن بالشقه

انتظر زياد رد من اخوه ضحكه و يقول نسي كعادته .. بس اخوه طول بسكوته و كانه مصدوم من الي سمعه .. قبل يرد بسؤال

يزيد : صاحبي

زياد بحلطمه : ايه صاحبك البثر هذا نور مدري انور .. هالمجنون ضربني بعصا يحسبني حرامي و جاي اسرقه.

يزيد و كانه يكلم نفسه : هو للحين ساكن بالشقه .. ماطلع

زياد مستغرب : ليش انت ما تدري انه ساكن عندك

رد يزيد بتلعثم ما يدري وش يقول لانه ما توقع هالشي ابد : هاه .. الا الا ادري بس نسيت اقول لك ..

زياد بهدوء شوي : عارف انك ناسي يا الثور .. خلاص بس كنت ابي اعرف وش سالفته .. هو صاحبك جد ولا يسوقها علي

يزيد بنفس النبره البارده : لا لا صاحبي

زياد : طب خلاص انقلع بنام

صاح يزيد : زياد انتظر

زياد تأفف : خير وش تبي بعد ابي انام فكني

يزيد بنبرة مليانه ندم : خلي بالك منه يا زياد

***************
انتهى البارت

رايكم فيه

توقعاتكم