Ngayong araw na ito, bumigat ang aking pakiramdam
di dahil sa ulan, di dahil ako'y nagkasakit
meron lang akong dinadamdam.
Ang bigat sa pakiramdam
dahil ni isa'y walang nakakaalam
kung ano ang kalagayan ko
pero kung may magtatanong sakin kung okay lang ba ako ang isasagot ko ay "ayos lang ako."
dahil di ko kayang ilabas ang nararamdaman ko sayo.
Na ikaw ang nagbigay ng sakit na nararanasan ko
ngayong araw na ito.
Di mo alam kung ano napagdaanan ko ngayong araw na ito
at pati ang mga nakalipas nang mga taon.
Pero salamat dahil napapansin mo na umiiba ang emosyon ng mukha ko
Kaya lang, minsan di ko mapigilan ang sakit
at galit
Pero ayos lang, dahil paglipas ng ilang oras ito'y nawawaglit
sa isip ko dahil nakakalimot ako;
sa puso ko dahil napapatawa mo ako.
Pero kahit ganoon ang ginawa mo di mo kayang alisin ang bigat ng pakiramdam ko
na nagsimula na bago pa tayong nagkakilala
at nung napalapit ang loob ko sayo lalo na nung tinuri kitang kaibigang totoo
na ako'y mamahalin mo at laging nandyan tuwing nalulungkot ako at magiging kaakibat ko ng buong buhay ko
hanggang sa dulo.
Pero ito ako nagsususulat ng tula para sayo
para mailabas ang bigat na nararamdaman ko
simula noong araw na iyon
hanggang sa ngayon.
Ka'y tagal ko nang naghahanap ng taong magpapasaya sakin ng lubusan
nung nakilala kita tuwang tuwa na ako
dahil nakakita na rin ako sawakas ng taong matagal ko nang hinahanap
ang isang katulad mo, ang isang tunay na kaibigan.
Kaya lahat ng saloobin ko
nararamdaman ko
problema ko
gayun din ang mga sikreto ko nasabi ko na sa iyo.
Simula nung napapalapit na tayo sa isa't isa
tila biglang nagkaproblema sa ating dalawa.
Ang problema ko noon
na tinatakasan ko dati pa
nawala dahil dumating ka.
Kaso, ang problema ko noon
ay nakahabol na sakin
ngayon.
Di ko alam kung ano nang gagawin ko
dahil wala akong mapagsabihan ng saloobin ko
ng nararamdaman ko
ng problema ko
na nararamdaman ko sa loob ng aking isip at puso
dahil lahat ng iyon
ikaw lamang ang napagsasabihan ko non.
Kaya ngayon di ko na alam ang gagawin ko
para mapagaan ang bigat na nararamdaman ko
ngayong araw na ito.
Nababaliw na ako nang dahil sayo
dahil di ko alam kung ano ang gagawin ko
sa problema nating dalawa.
Humupa na ang galit ko
pagkatapos kong magpalamig ng ulo
handa na akong kumausap sayo.
Pero nung okay na ako,
ikaw naman ngayon ang nagkaganoon
nakadama ng galit
ng sakit
na nababatid ko na noon
na matagal mo na ring tinatago iyon
at ngayong araw na ito
nalaman ko na naranasan mo rin ang bigat ng pakiramdam ko.
Di mo alam ang pinagdaraanan ko
gayun din ako sayo
kaya siguro nagkaproblema tayo
naging ganito at lumala lalo
dahil pinabayaan natin
kasi di natin alam ang ating gagawin.
Kaya bahala na lang kung sino unang kikilos
kung sino mauuna na makikipag ayos
at magsabi ng "patawarin mo ako
sa lahat ng nasabi ko
sa mga nagawa ko
na nagpasakit sa iyo
at bumaklas sa iyong puso
at naipasa ko sayo ang bigat ng pakiramdam ko
kaya ka nagkaganto."
O kung sino ang mauunang bibitaw
sa ating dalawa.
Hanggang dito na lang muna ako
di pa ako tapos at di rin pa tapos ang pagkakaibigan natin.
Dahil naniniwala ako
na magkakaayos din tayo.
Abangan mo ang susunod na susulatin ko para sa iyo
na sana mabasa mo
ngayong araw na ito.
Dahil ang bigat ang pakiramdam ko
nang dahil sa iyo,
nang dahil sa naiisip at nararamdaman ko.
Pero sana mapatawad mo ako
at wag kang lalayo
at aalis sa tabi ko.
Nagmamahal,
ang kaibigan mo