اصيل:بقيت للصبح افكر شنو حيصير غيرت ملابسي تحضرت اروح للكليه شافني والدي
ابو اصيل:امج كلتلي احد تقدملج
اصيل:اي بس
ابوها:اخرس مو
اصيل:بابا والله هو خوش ولد انت اسال عنه وشوفه راح تحبه والله
ابوها:الله كريم كليله يجيب اهلها الجمعه عازميهم ع العشه خل نشوفهم بس ها تره مموافق بس اشوفهم
اصيل:من الفرحه مجنت مصدكه بابا حيكول هيج بست ايده وراسه مصدكت اروح للكليه حتى اكول التوني
توني:جنت متوقع تجي اصيل تبجي واهلها رافضين تحضرت لهيج موقف بس من شفتها مصدكت جانت فرحانه كولش
اصيل:بابا قبل يكول خل يجون اهلك نتعرف عليهم
ليش هيج صافن شكلك مفرحان
توني:كتب بالعكس بس ممصدك مجنت متوقع يقبل بهالسهوله
اصيل:حتى اني اتخيل مصيح عليه ولا رزلني جنت متوقعه انكتل بس جان عادي كولش عزمكم ع العشه الجمعه يريد يشوف اهلك
توني:كتب ان شاء الله حبيبتي
توني:مراح اكدر اسوي الاريده ماشي تغيرت الخطه
اصيل:سوزي لج بابا قبل تخيلي
سوزي:شكد حلو اول قصه حب بدون مشاكل اشوفها بحياتي شكد حلوين
اصيل:الحمدالله والله مداصدك اني وتوني خلال كم شهر صرنه هيج وراح نتزوج
سوزي:يوم الي واحب هههه
اصيل: اكلج اني ماعرف شي عن اهل توني واستحيت اساله يعني اعرف والدته مسافره ومطلكه من ابوه بس ماعرف ابوه شيشتغل
سوزي:عادي ابوج من يجون حيسالهم ويعرف كولشي واكيد حيسال عنه بالمنطقه وبالكليه
اصيل : صار يوم الجمعه لبست فستان قصير ابيض وبي ورد وردي امي سوتلي شعري وفيدا خلتلي مكياج جنت فرحانه كولش
امها: اجوي الجماعه ابوج استقبلهم الولد بغرفه الخطار
والبنات بالصاله
اصيل:خايفه
امها:لاتخافين ان شاء الله كلشي يصير مثل متردين
اصيل:طلعت للصاله سلمت ع البنات الي اجوي جانو عمات توني وبنات كرايبه بس جانو مثل المفرحاننين
توني:جنت متوتر اول مره اشوفه من سنوات مستحيل يتذكرني جنت جايب اصدقاء والدي وكرايبنه يحجون بمكاني بده والد اصيل يسال عني وعن اهلي
ابو اصيل:لعد والد توني وين
كرايب توني: والله والده مريض ميكدر يحضر بس ان شاء الله بالخطبه الرسميه يجي اذا كدر
ابو اصيل:سلامته اني هسه حسال عن الولد تعرفون بعد وان شاء الله اردلكم خبر عن قريب
اصيل: جان كولشي حلو توني فرحان كل شوي يسال والدج شكال سال بعد شوكت تردون جواب هههه
ابوها:اصيل تعالي
اصيل:نعم
ابوها:اني سالت ع الولد كلهم يحبو بالمنطقه بس
اصيل:بس شنو
ابوها:اسمه اعرفه
اصيل:شلون يعني
ابوها:ماعرف بس هالاسم موغريب عليه
امها:يمعود كومه اسماء تتشابه هو كل اسماء العراقيين نفس الشي
ابوها:يجوز المهم اذا اتصلو كولولهم خل يجون ان شاء الله ونسوي خطبه رسميه
اصيل:😍😍 من الفرح مصدكت راسا رسلت رساله التوني والدي وافق بس قره الرساله ومرد ماعرف يمكن من الفرحه مديعرف يعبر
كان ينتظر تلك الرساله قرئها فابتسم بخبث دخل الى غرفه والده عانقه باكيا
ساحقق ماتريد سنجعله يندم على كل مافعل
سندمر حياته لاتقلق يابي
اصيل:اتصلت بكل صديقاتي كلتلهم الحمدالله حبنه جان حلو بدون اي مشاكل بس جنت خايفه ماعرف ليش بس مجنت مرتاحه ابد صارت الخطبه وقررو للعرس بعد شهر بهالفتره توني عيشني احلى ايام حياتي
توني:(رساله) يله حبي طلعي بره انتضرج
اصيل:طلعت اركض ماما اني طالعه وي توني
امها :مو تتاخرون حدج للمغرب انتي هنا تره ابوج يذبحنه
اصيل:لا ماتاخر ،، هلا حبيبي حضنته مشتااقتلك كومه
توني:كتب حاخذج المكان كولش حلو
بس لازم امر ع بيتنه بالاول اخذ شغله
اصيل:اخذني توني المطعم تغدينه جان مطعم كولشً حلو وموسيقى هادئه وهو يمي انطاني ورده كانو بحلمً او بفلم رومانسي كلشي مثالي حتى نظراته الحنونه تنطيني امان
تحسيني انو اني ملكه ملكة حبيبي
توني:كتب اعشقج
اصيل:😊 اني هم كومات . اقترب مني حيل غمضت عيوني حسيت كلبي حيتوقف اقترب اكثر مبقت مسافه بيني وبينه لحد مصارت شفايفنه سوه 💏
توني: اتمنه اكدر اكولج اسف بس ماكدر
اصيل: رجعت للبيت واني مثل السكرانه من الفرح
توني:رساله ) مشتاقلج
اصيل:ههه اني هم ولا كانو هسه تشاوفنه
توني:احبج
اصيل:جنت انتضر يوم عرسي من الاحبه جهزت كولشي اشتريت بدله العرس القاعه الورد الاكل المعازيم العطر الي راح اخلي الصالون كلشي جان جاهز وتوني مجان يخليني احتاج شي كل الاحلم بي والاتمناه الكاه موجود اذا اكوله جوعانه لو بنص الليل الكاه جايبلي اكل اكوله ضايجه ميعوفني اله واني طايره من الفرح يمكن هالسعاده الزايده خوفتني جنت دائما احس اكو شي حيخرب هالحياه الحلوه يمكن لان اعرف الحياه مو كلها فرح او انو هذا هدوء ماقبل العاصفه
اليوم هو اليوم الموعود ارتدى بذلته السوداء وضع بعض العطر حضر حقائبه
كانت هي ايضا تستعد بفستانها الابيض بابتسامتها الساحره بنظرتها المتشوقه
فيدا:ماشاء الله شنو هالجمال ديربالج من الحسد
ام اصيل:صبرو خل ابخرها
سوزي:راح ابجي شنو هالجمال
اصيل:كافي حتبجوني
سوزي:راح نتاخر ع الصاله ميصير يله طلعو بسرعه
اصيل:صبرو سوزي لبسيني شال
سوزي:وين رايحه
اصيل:رحت سلمت ع والدي بست ايده وراسه، بابا راضي عليه
ابوها:راضي عليج دنيا واخره ماوصيج بنتي لاتنسين صلاتج وصيري مطيعه الزوجج ولاتخلين مشاكل بيتكم يعرفها احد حتى امج حافظي ع بيتج وزوجج اريد ارفع راسي بيج مثل ماهسه اني رافعه
اصيل:ان شاء الله . دمعت عيوني من شفت والدي ديبجي عليه مسح دموعه اخذتني امي واخواني يبجون سلمت عليهم ركبت بالسياره وي توني
للصاله دخلت ع اغنيه
نانسي ،
من اليوم ملكك انا من اليوم
كعدت ع الكوشه
جان توني لازم ايدي جان فرحان وكل العالم فرحانين اخذولنه صور
توني:كتب حبيبتي بس لحضه واجي اشوف المطعم والاكل
اصيل:اله انت حبيبي خلي اي احد يروح . بس هو وقف باسني من راسي وطلع بقيت انتضره ارسله رسايل ميرد بعد ساعه كامله كل المعازيم انتبهو بدو يسالون اتصل عليه رقم توني
اصيل:الو
توني:هلا بالعروسه
اصيل:انت منو وين توني شبي
توني:هههه حقج متعرفين صوتي اني توني اتصلت بيج داكلج انتي طالك طالك طالك ماحب ابقي بذمتي بنت مثلج تدرين جنت متوقعج صعبه حيل بس بالعكس جنت سهله كولي الابوج رديتله الدين يله جاو يالحلوه
ام اصيل:اصيل شبيج وين توني الناس تسالني نفضحنه
اصيل:مكدرت احجي شي وماتذكر بس انوصيحت ع كرايب توني ، جننو تدرون مو ليش خليتو يسوي هيج
طلعت من القاعه وكعت وراها ماتذكر اي شي
امسك بوالده اخبره انه قد رد الدين لاول مره يرى والده يبتسم من سنين طويله امسك حقائبه غادرا ذلك المنزل لم يعد لوجودهما اهميه انكشفت كل الاوراق وانتهت اللعبه
اصيل:بقيت اشهر مصدومه تركت الجامعه تركت كولشي حتى اهلي ماحاجيهم بس سوزي بدت تحاول تقنعني
سوزي:لشوكت حتضلين حابسه نفسج لازم تعرفين ليش هيج صار لازم ترجعين حقج
اصيل:سالت والدي ليش هيج صار
ابوها:اصيل اني جنت متهور اني شاب جان عندي اصدقاء هواي من عمتج انهزمت وكتلتها تندمت حيل جنت متاثر حيل اصدقائي وكفو وياي بس بعد الصار جنت اكره كل الناس وراها بديت ااذي اصحابي اكثر واحد اذيته خليت زوجته تعرفه وخسرته كل فلوسه بالاخير من القهر تمرض مجان هامني اي شي توني والده هذا الشخص جان يعرف بقصه عمتج راد يكررها بيج حتى اتاذى اني
اصيل:اني شنو ذنبي والله ماسويت شي ليش هيج سوه بيه
ليش الفقير بهالدنيا ميعيش
كلما خذلت امراه
باتت قويه قاسيه ،سريعه النسيان
كالرجال تماما
اصيل : تغيرت صرت عصبيه حيل ماقبل احد يحاجيني حتى وي اهلي ماحجي وبس اتعارك عدت السنه بس انقلت الغير جامعه ماردت اشوف اي شي يذكرني بتوني
اي طالب او طالبه يحجون ويايه راسا اعاركهم كلهم عافوني حتى صديقاتي
كان جالسا على مكتبه مضت اشهر كثيره لكن لايزال تفكيره مشغول بها اخرج صوره لها احتفظ بها بدء بالبكاء اصعب شئ على الرجل ان يبكي محبوبته ان يبكي شوقا
توني:ماعرف ليش جنت دابجي مشتاقلها هواي مسحت دموعي ضميت الصوره مومهم ماريدها بعد هي شنو حتى افكر بيها ليش كلبي محترك لزمت تلفوني دكيت ع رقمها الحافظه اكثر من اسمي توقعت راح الاكي مغلق مثل كل مره بس هالمره صار رنين سمعت صوتها
اصيل:الو نعم
توني:مكدرت ارد
اصيل:الوووو منو وجع ادب سزيه
توني:ماعرفت رقمي الجديد اكيد اووف شكد مشتاقلج دزيتلها رسااله سامحيني
اصيل:استلمت الرساله بس كرهته اكثر بعد كل السواه يريد اسامحه بسهوله ، رديتله اسفه بس انت منو حتى اهتم اسامحك او لا انت لاشئ مجرد شخص نذل ميستاهل اوصخ كلبي واحقد عليه
توني:اصيل والله اسف
اصيل:الاسف خلي النفسك وبعد اذا اتقربتلي احركك فاهم
توني:حاولت اعرف كولشي عنها وره مارحت جنت اسمع اخبارها وانحرك اعرف السويته غلط بس جنت مجبور والدي جان حلمه انو ااذي ابو اصيل انو اشوفه كما تدين تدان
اصيل:جنت اداوم بالكليه الجديده معندي اصحاب اكعد وحدي ماخلي احد يتقربلي شفت توني
توني:اصيل ممكن اكلمج
اصيل:اول ماشفته ضربته ضليت اضرب بي كل الطلاب باوعو عليه عبالهم مخبله
توني:اصيل شتسوين بيه سوي بس سامحيني
اصيل:اسامحك ع شنو انك حركت كلبي انك ذبحتني دمرت مستقبلي اسامحك انك غدرتني وعفتني بيوم عرسي عيشتني حلم وردي وكعدتني ع كابوس تعرف مداكدر انام ماعرف اكل مداكدر احاجي احد كله بسببك تعرف وين ماباوع اشوف وجهك تعرف ليش حاقده عليك لان مداكدر اكرهك اريد اكره ليش ماكدر ليش كلبي يحبك ليش
توني: اصيل والله ندمان ع كولشي والله
اصيل:خلي ندمك يفيدك لان بالنسبه الي بيوم عرسي توني مات من انت اتصلت كانو احد جابلي خبر وفاه حبيبي اني حبيت توني الاخرس الطيب محبيتك انت اصلا ماعرف شنو انت موبشر
توني:ضلت اصيل تصيح فجاه نهارت كدامي شفت حبيبتي وهي توكع حاولت اهديها ممكدرت اتصلت باهلها اخذوها
ابو اصيل:هاي اخر مره تتقرب البنتي تعرف لو مو احنه بالمستشفى جان قتلتك وربي
توني:اخوان اصيل رادو يكتلوني بس ابوهم وخرهم امها تدعي عليه طلعت من يمها بعد ماعرفت انو اصيل صار بيها انهيار عصبي مكدرت احجي شي كل السويته دمرني دمر حبيبتي احد ياذي بنت يحبها يحرك كلبها يوصلها للموت ويكعد يبجي عليها هذا اني
حاولت هواي اصلح غلطي بس مكدرت اكو اشياء متصلح
اصيل:طلعت من المستشفى واني احسن بهواي كدرت اواجه توني احجي كل البكلبي ارتاحيت هواي بقيت فتره بالبيت ورجعت للدوام بديت اسوي صداقات بديت ارجع اضحك
توني:جنت اراقب اصيل اتمنى اخليها تسامحني لحد الان اني احاول ماعرف اذا انجح بيوم او لا
اصيل:عشت تجربه صعبه يمكن منتهت قصتي بعد بس حاليا عايشه بهدوء ماقبل احب مره ثانيه سويت هواي شغلات غلط وانطيت كلبي بسهوله يمكن توني ندمان بس اني الحبيته شخص ثاني اني حبيت توني التمثيل البرئ الميعرف ياذي احد ماكدر احب غيره ابد حتى توني الحقيقي ماكدر احبه
بعد ٣ سنوات
عادت الى منزلها ما ان فتحت الباب حتى سمعت صوت تلك الاغنيه اغنيه شيرين تذكرته كم كانت تحبه للحضه استرجعت ذكرياتهما معا تمسك يده كانها تملك العام
سمعت صوت بكاء ابنها الصغير دخلت الى الغرفه راته يبكي ووالده نائم
اصيل: توني الصغيرون شبيك حبيبي ليش تبجي
عانقها من الخلف قبل وجهها شم عطرها
توني:اشتاقيتلج وبعدين ليش تصيحين الابنه توني حبيبي
اصيل:لان هو نسخه منك
توني:تره اكوم اغار منه
اصيل:اني اعشق غيرتك قبلته
توني:جنت اسمع اغنيتنه تذكرين
اصيل: اني شلون سامحتك ماعرف
توني:متكدرين تعيشين بدوني تموتين عليه
اصيل:اعشقك
توني :احبببج
بالاخير سامحت توني شكلي جنت احبه اكثر مما اتخيل حبيته بجنون هواي سوينه شغلات غلط تعاركنه تكافشنه ضربته بس بقه مصر انو يرجعني اله وبالاخير كدر يخليني اسامحه اسوء شي انو احد يستغل الحب حتى ياذي الشخص ليحبه يخلي الانسان يفقد كلشي حلو بحياته
مو دائما نسامح وموكل مره الجرح يطيب حافظ ع حبيبك