فيصل : مدري ليه عندي احساس ان المذاكره بتقلب سهره ..
حنان : ههههههه لااا تقولهاا .....
و تغدوا و قيلوا شوي بعد الظهر و جا العصر .. و فعلاً جوهم نواف و عبدالرحمن ...
نواف : يالله ياا شباب مين يباريني فيفا ؟
وليد : هههههههههههه و المذاكره ؟
نواف : ياااعمي بااقي فيه وقت .. يالله تحدي تباري و لا لا ؟
وليد : ههه عن نفسي فاضي ما وراي شي .. لا اختبارات و لا وجع راس .. و بباريك و اهزمك شر هزيمه ..
نواف : تخسي والله ما تهزمني .. يالله باخذ ريال مدريد ..
وليد : و انا البرشا و ابشر باللي يكسر راسك انت و فريقك المخيس ..
نواف : ههههههههههههههههههااي نشوف ..
حنان تناظرهم و مستغربه : و المذاكره وين ؟؟؟
نواف : شوف اذا بنذاكر انا و انت لحالنا ابشر .. بس كذا ماش ما ينفع ..
فيصل بعصبيه : وش قصدك ؟؟؟
حنان تصرف : معليك منه ما عنده سالفه .. خلهم يلعبون و احنا نذاكر ..
عبدالرحمن ضحك فجأه : ههههههههههههههههههههههههههههههههههه ..
حنان : بسم الله .. خير وش اللي يضحك ؟؟
عبدالرحمن : هههه اللسته في البي بي طايحين طقطقه على اهل الاختبارات ..
حنان : ايييه صاادق .. والله انهم ناس فاضيين ..
عبدالرحمن : ههه بس فله ياخي ...
حنان & فيصل & عبدالرحمن كانوا قاعدين ع الكنبه .. أماا وليد و نواف نزلوا قعدوا قدام الشاشة ع الارض يلعبون ...
فيصل : اقووول عبدالرحمن ..
عبدالرحمن : هلااا ..
فيصل : ماجد ما رح يجي ؟
عبدالرحمن : لا ما اظن .. مشغول مع ابوه ..
فيصل : اهاا ..
عبدالرحمن : بغيت منه شي ؟
فيصل : كنت بسأله اذا كان هو اللي سحبني من الحريق ذاك اليوم ..؟! و عشان اشكره بعد ...
عبدالرحمن : ههههه تو يطرا على بالك ؟؟؟!
فيصل : نسيت السالفه و يوم شفت ان ماجد مو هنا تذكرت ..
حنان : أي والله حتى انا ابي اعرف مين ساعد فيصل ..
عبدالرحمن : المشكله انه مو ماجد اللي ساعده ..
فيصل : اهاا .. اكيد خالد ..
عبدالرحمن : لا و لا خالد ...
حنان بحيره : اجل مين ؟؟؟؟!!!
عبدالرحمن : هذا اللي قاعد قدامكم ..
فيصل & حنان : ؟؟؟؟؟؟؟؟؟؟؟؟؟؟؟؟؟!!!!!!!!!!!
عبدالرحمن : اييهه نوااف ما غيره ..
حنان : أماااااا ماني مصدق !
فيصل يناظر نواف و هو بعد مصدوم و مستغرب ..
عبدالرحمن : اذا تبي تشكره هذا هو قدامك ..
فيصل ما يطيق نواف : مو مشكله بعدين اشكره ..
عبدالرحمن : ترى كل الشباب ذاك اليوم ما كانوا عارفين كيف يتصرفون و يطلعونك .. محد فكر غير نواف .. بس يعجبك طلع كفو و ساعدك ..
فيصل ابتسم : ايييه ..
حنان تفكر ~ غريييب كنت احسبه يكره فيصل ؟؟! ليش انقذه ؟! يعني خلاني احتار .. لااا ما اقدر لازم اسأله و اعرف ليش ؟؟! .. بيذبحني الفضول .. بس ما لازم اسأله قدام فيصل !
اذن المغرب و الكل راح المسجد .. خلاااص تعودوا ان حنان ما تروح كل مره تصرف نفسها و تجيب لها مخرج .. المهم في الشارع بطريقهم للمسجد .. نواف كان يخطط لشي خبيث .. كانوا فيصل و عبدالرحمن يمشون مع بعض قدامهم و متقدمين عنهم مره .. و نواف مع وليد وراهم ...........
نواف : اوووبس نسيت جوالي بالشقه ..
وليد : عادي ما بيصير له شي ..
نواف : لااااا ما فهمتني كنت مخطط ادق على ابوي اذا طلعت للصلاه .. هو يبيني ضروري ..
وليد رفع حاجب : الموضوع ما ينتظر الى ان نرجع من المسجد ..
نواف : اوووووف اقولك ضروري .. معك مفتاح للشقه ..؟
وليد : أي معي .. بس ما له داعي دق الباب و حمد بيفتح لك ..
نواف : ماني فاضي استنى ع الباب يمكن يتأخر علي و ما يفتح و تضيع علي الصلاه .. يالله هاااتي هاااتي بسرعه ..
وليد ما اقتنع بس عطاه : طيب ...
نواف اقفى عنه و هو مبتسم و مبسوط ~ ههههه اخيرااااا ...
أما حنان كانت بغرفتها تصلي .. ما امداهاا سلمت من الصلاه و لفت على ورى الا انفجعت بشوفته واقف ع الباب ...
حنان : يمممممممممممه قلبي ! .. خوفتني ! .. خييييييير وش جابك ؟!
نواف : هههه بسم الله على قلبك .. نسيت شي بالشقه و رجعت اخذه ..
حنان : و الشي اللي نسيته بغرفتي ؟!
نواف : ههههههههه يا حبني لك تفهمينها ع الطاير ..
حنان : ترى بديت اخاف منك .. و اكثر من كذا مقدر اسكت عنك .. انت زودتها ..
نواف : ما سويت شي انا يخليك تخافين مني .. حنان انا احبك والله .. انا من اول لحظه شفتك فيها من المقهى دخلتي قلبي صدقيني ..
حنان باستغراب : وقتهاا اش دراك اني بنت !؟
نواف : ما كنت ادري .. حبيتك و بس ..
حنان : انت مجنون ؟! .. تكفى خلي السنه هذي تعدي على خير ..
نواف : يا حبيبتي ليه تترجين .. اصلا ليه خايفه مني كذا .. ؟!
حنان ~ ماني متطمنه لنظراته .. ليه اصلا رجع للشقه .. لحظه ! استغلي الفرصه و اسأليه ليه ساعد فيصل .. ما بلاقي احسن من هالفرصه و غير كذا خلني اصرفه .. اول شي لازم نطلع للصاله شكلنا مو حلو بالغرفه ...
نواف : حناان انا ........
حنان قاطعته : ايييييييه كنت ابيك بسالفه .. ( سحبت نفسها و طلعت من الغرفه ) .. تعال خل اقولك ايااهاا ..
نواف يمشي وراها : أي بس بسرعه عشان ألحق على الصلاه ..
حنان قعدت : هو بس سؤال .. يوم الحريق ليه ساعدت فيصل ؟؟!
نواف قعد جنبها : امممم .. سؤالك غريب .. يعني توك تتذكرين ؟!
حنان : لأ انا ما كنت اعرف مين ساعده توني اليوم عرفت من عبدالرحمن عشان كذا عندي فضول اعرف ليه ساعدته ..
نواف : ساعدته عشانك ..
حنان باستغراب : عشااااني ؟؟؟!
نواف : مو انتي قلتي تحبينه .. بذيك اللحظه كل اللي كنت افكر فيه هو انتي .. و انك رح تكوني حزينه و يمكن تكرهين الدنيا .. و انا اكيد ما احب اشوفك كذا ..
حنان مصدومه و تفكر مع نفسها ~ معقوووول ساعد فيصل عشاني ! .. انا كنت متوقعه انه بيكون مبسوط لو اختفى فيصل من حياتي !
نواف استغل الوضع و حط يده على خدهاا : و ليه يا حبيبتي محتاره و تفكرين ..؟
حنان بعدت عنه و صرخت : لااااااا تلمسني طييييب ..
نواف : ههههههههه .. حناان انا قاعد افكر بشي ......
حنان من شافت ملامح وجهه ما تبشر بخير ..: أنا انا بروح غرفتي نسيت جوالي هناك ..
نواف : بجي معك ..
حنان خافت : وين تجي ..؟ روووح المسجد ..
قامت و قام معهاا ...
حنان : نووووووووووووووووواف !!!!!!!
نواف : يا لبييييييييييه ..
حنان ~ اركضي لغرفتك الولد ناوي لك .. بس كيف و انا خايفه منه ؟؟! > بتمشي .....
نواف مسك ذراعه و شدها له : على وين ياا حلوه ؟؟
حنان بخوف : وش وش فيك .. اترك وش تبي انت مني ؟؟!
نواف : لازم نعلن حبنا .. و اول خطوه ( يمسك ذقنها و يناظر عيونها ) ....
حنان تجمعت الدموع بعيونها و تهز راسها بـ لأ : خيييييييير يا انت .. وش قصدك ؟!
نواف يقرب منها و هي تبي تروح عنه بس ماسك ايدينها الثنتين ....
حنان تهدد : و رب البيت ان سويت شي يا نواف اني ما اسامحك طول عمري ..
نواف : انتي حبيبتي و بيطلقك فيصل و بتصيرين زوجتي .. خليناا .....
حنان : اتركني ......
دخل عليهم وشاف وضعهم فااار دمه من الموقف .. ما اتحمل وقف قدام نواف و ابعد حنان عنه .. و طرااااااااااااااااااااااااااااخ على خد نواف ..
حنان تناظره باستغراب و في نفس الوقت ارتاحت لجيته ..
نواف يحاول يبرر : اش .. اش فيك .. لا تفهم غلط ......
وليد : وصل فيك الانحراف لذي الدرجه !؟ كان باقي خطوتين و تشفشفه !
حنان يدها ع فمها ~ اش ذا الموقف اللي انا فييييه ؟!
نواف : يااخي لا تفهم غلط ما سويت شي ..
وليد : من يوم قلت لي عطني المفتاح و انا غاسلن يدي منك .. نوااف انت زودتهاا .. ما توقعت انك انجنيت .. و انحرفت كذا...
نواف صرخ عليه : لا تخبص بالكلاااام اناااا ما غلطت اووووووووكي ..
وليد : لااااا تصاااااارخ غلطان و تتكلم !
نواف : انت وش دخلك اللحين .. اذا هو راضي انت تحشر نفسك ليه ..!؟
وليد لف على حنان : انت راااااااااااضي ؟!
حنان : وش راضي فيه اكيد ماني راضي !..
وليد رجع لف لنواف : شفت .. امش اطلع برى ..
نواف : تطردني ؟!
وليد : و اطرد غيرك ما عندي منحرفين هنا ...
نواف يناظره باستغراب : بس انااا .. طيب هو .......
وليد بعصبيه : اطلع و لا تكثر كلام ..
نواف : طيب ياا وليد .. هين !
ثم طلع .. بعدين لف وليد على حنان .. اللي ماهي مستوعبه ...
وليد : و انت كيف تسمح له يقرب منك !؟
حنان ارتبكت لانه كان معصب : ءءءانا .. ماا .. ما كنت ........
وليد مسك يدها وسحبهاا معه لغرفتهاا ..رماها بالغرفه ..
حنان مصومه من حركته ~ ليه كذاااا؟!
وليد : مره ثانيه اذا تركناك لحالك بالبيت اقعد بغرفتك و قفل على نفسك الباب .. فااااااااااهم !؟
حنان : ءءء أي .. فاهم ..
ثم سكر الباب بقووووه بعدين راح ...
حنان حجرت دموعها ~ لييييييش صرخ علي انا اش ذنبي .. وش مدريني ان نواف الكلب بيرجع ؟! .. شوفوا اللححين وش سويت تهاوشوا و كله بسببي ..
طبعا راح وليد لحق ع الصلاه .. و رجع مع الشله بعدها .. أما حنان ظلت قاعده بغرفتها بعد ما طلع و قافله على نفسها الباب > ما عاد فيه امان :(
اول ما دخلوا الشقه .......
فيصل : غرييييب وين حمد ؟ كتبه موجوده هنا توقعته يذاكر ! ..
وليد يناظر الكتب .. و ساكت ما حب يتكلم عن اللي صار ابد ..
عبدالرحمن : صح يا جمااعهه نوااف ما شفته بالمسجد و لا رجع !
فيصل : انا بروح اشوف حمد ..
عبدالرحمن : و نواف وينه ؟؟؟!
وليد قعد : نواف راح بيتهم جاه اتصال قبل لا يدخل المسجد و راح ..
عبدالرحمن : عسى ما شر ؟!
وليد : مشاكل عائلية مالنا دخل فيها ...
عبدالرحمن : أهااا .. دام كذا ..
فتح الباب مقفول .. استغرب مو عوايدها تقفل الباب .. صار يهز الباب .. اهتزت معه حنان من الخوف ......
حنان : ميييين !؟
فيصل : اش فيك هذا انا !
حنان فتحت بسرعه و كانت مرتبكه : هـ هلااا ..
فيصل لازال مستغرب : وش فيك ليه قاعده هنا و قافله الباب ..؟
حنان ابتسمت : لااا ابد و لا شي .. انتوا كلكم جيتوا ..؟
فيصل : اييه كلهم برى ..
حنان ترددت بالسؤال بس سألت عشان تتطمن : حتى نواف ؟!
فيصل : لأ نواف ما شفته .. حناااااااان وش صاير ؟!
حنان توترت : م م ماصير شي .. اسمع انا جا في بالي فكره ..
فيصل : وش فكرته ؟!
حنان : يعني اش رايك نروح بيتنا بما اننا ما رح نداوم نقعد هناك الى يوم الجمعه ثم نرجع الشقه .. و نذاكر على راحتنا هناك .. اش قلت ؟
فيصل : ما يبي لها كلام اكيد موافق .. ( اهم شي نكون انا و انتي لحالنا و بعيد عن وليد و اخوياه السبايك) ..
حنان : حلووو .. انا بجهز اغراضي اجل ..
فيصل : الليله ؟؟؟!!
حنان : ايييهه .. خير البر عاجله و لا !
فيصل ~ مو طبيعيه البنت .. يا الله مو مهم دام اننا بنروح بيت اهلنا ..: اييه صدقتي ..
و سوتهااا حنان و هربت من المشاكل .. بسرعه جهزت اغراضها و فيصل جهز اغراضه ثم طلعوا ...
وليد مستغرب : وين رااااايحين ؟!
فيصل : بيت اهلنا بنقعد ليوم الجمعه ثم نرجع هنا ....
عبدالرحمن : اش فيكم فجأه قررتوا .. طيب و مذاكرتنا ؟
فيصل : معليه في بيتنا بنذاكر احسن من هنا ..
حنان كانت منحرجه و نظرهاا للارض ما تقدر تناظر وليد ابد ....
وليد : و يهون عليكم تتركوني ليوم الجمعه قاعد بالشقه لحالي ؟!
فيصل : لاه لاه لا تخاافي يا ماما الجيران جنبك منتي لحالك > يستهزء طبعا ..
وليد عصب بس مسك نفسه : محد كلمك انت ..
فيصل : والله اني داري ان قصدك حمد ..
عبدالرحمن : يا شباب هدوا وش بلاكم ؟
حنان ~ وش اسوي بنفسي .. ماني ناقصه بعد فيصل و وليد يتهاوشون عشاني ..
وليد كان يناظرها يبيها تتكلم تقول أي شي ...
حنان : خلاااص فيصل خلنا نمشي ..> بدون ما تناظر وليد محرجه ..
وليد انقهر لانها ما عطته وجه : خلاص بتروحون روحوا .. مع الف سلااامه ..
و فعلاً راحواا .. كان وده بس يسأل ( حمد ) هو زعلان منه لانه صارخ عليه .. ففكر يسأله بعدين في البي بي ..
عبدالرحمن : و لا تزعل يا وليدي .. اذا ودك بقعد معك بالشقه ..
وليد تنهد : ما احب ياا خي اقعد لحالي .. كانك تقدر تقعد معي بتسوي فيني خير ..
عبدالرحمن : ابشر والله ما طلبت شي .. و بقعد قد ما تبي ..
وليد : والله انك كفوو .. كلم اهلك و علمهم اخاف ما يوافقون لك ..
عبدالرحمن : ههه معليك اهلي في جيبي ما يرفضون لي طلب ..
وليد : طمنتني ..
حنان و فيصل ما علموا اهلهم انهم جايين .. حبوا يسووها مفاجأه .. أما فيصل كان مستانس مرررره .. و حنان حست انها طلعت نفسها من مصيبه كانت بتحصل لها ... نروح لبيتهم اللي من زمان عنه ...
سعود لانه اول متوسط هو الوحيد اللي عنده اختبارات ..و ما كان راضي يذاكر ..امه خذته لغرفة ام حنان يذاكر فيها بعيد عن اخوه سعد اللي صكت براسه ما يطلع من غرفتهم و إلا يلعب بلايستيشن فيها ... المهم سعود ما كان يذاكر جاه فضول مدري وش يبي و قام يفتش بأغراض ام حنان و لقى صورة .. على طول فتح الباب و رح بتخفي و نادى اخوه و سحبه لغرفة ام حنان ......
سعود : شف شف لقيت صورة رجال بغرفة خالتي ..
سعد شهق : هئئئئئئئئئ ميين ذا الرجال ؟؟!
سعود : ما ادري .. انت تدري ؟
سعد : لااااا .. كيف ادري !
سعود : قلت يمكن سمعت خالتي و لا امي يتكلمون عن صورة .. لان انت أطلق جاسوس ..
سعد : هههههههه انت اللحين تنكت ؟!
سعود : خلك هنا انت .. بروح اوري امي و اسألهاا ..
سعد : لاااا لا تروح اخاف يهاوشونا ..
سعود : طيب ابي اعرف انا ..
المهم قعدوا يتناجرون واحد يبي يروح و الثاني معارض .. الى ان جت ام حنان تبي شي من غرفتها دخلت و لقتهم ماسكين الصورة ... على طول سعود خباها ورى ظهره ..
ام حنان : وش اللي معك و ما تبيني اشوفه ؟
سعود : ما معي شي هذا .. هذا كتابي ..
ام حنان : لاا ياا سعود .. لا يا عمري ما علمناك تكذب ..
سعد ناظر اخوه شافه مرتبك : خالتي لا تهاوشينه ..
ام حنان : دام فيهاا لا تهاوشينه اكيد مسوي مصيبه ..
سعود يهمس لاخوه : لييييييه تتكلم انت ..
سعد : ما قلت شي طيب ..
ام حنان راحت و مسكت يد سعود و شافت الصورة .... قعدت تتأملها ..
ام فيصل : هاا يا ام حنان وش فيك تأخرتي ؟؟
ام حنان طاحت دمعتهاا ...
ام فيصل بخوف : ناااديه وش فيك ؟ > ( جت جنبها شافت الصورة ).. من وين لك الصورة ؟
ام حنان مسحت دموعها : كانت معي من زمان ..
سعد بلقافه : مين اللي بالصورة ..؟
ام فيصل : انت وش دخلك ..
سعد : يمه سعود لقى الصورة و قال يبي يعرف مين ...>> جاب العيد ههه
ام فيصل بعصبيه : سعوووووووووووووود انت كيف تفتش بأغراض خالتك ؟؟؟!
سعود دف اخوه كتف بكتف : اوووريك بعدين يا حمار ...
ام فيصل : سعوووود اكلمك انا..
سعود : يمممه لقيتها بالغلط ..
ام فيصل : اللحين حنا جبناك هنا تذاكر و لا تفتش باغراض خالتك ..
ام حنان : مهاا خلاااص ماا صار شي .. خليه يرجع يذاكر ..
ام فيصل : بس لازم يتعاقب .. الشي اللي سواه مو زين ..
ام حنان : خلاااص ياا مهوووي سامحيه هالمره عشاني طيب !
ام فيصل : مقدر اقول الا طيب ..
ام حنان : اجل يلااا نطلع عشان يذاكر ..
سعود : طيب مين اللي بالصورة ..؟
ام فيصل : غلطان و لك وجهه اقول يالله على كتابك مو شغلك .. و انت يا سعد وش تسوي هنا ؟ اماك قلت تبي تلعب بغرفتكم ..؟
سعد : ايي يمه بس هو ناداني ..
ام فيصل : يالله بلاا اعذار و رح غرفتك لا اسحب منك البلايستيشن ..
سعد : طيب طيب برووووح ..
سعود ~ اوريك يا سعدد الشرهه علي اللي ناديتك كل شي حطيته فيني ..
طلعت ام حنان للصاله .. تكمل تأمل بالصورة مره تضحك مره تبكي .. جت ام فيصل و قعدت جنبها ....
ام فيصل ابتسمت : ولهتي عليه يا ناديه ؟
ام حنان : ههههه و كيف ما أوله ع الغالي !
ام فيصل : ههه هااانت يا اختي ..
ام حنان : ايهه شهر 8 رح يجي .. ماني مصدقه والله ..
ام فيصل : الله يرجعه بالسلامه .. بس لازم حنان تدري ان ابوهاا عايش ..
ام حنان : والله مقدر يا مها اقولهاا .. صعبه علي ..مرهه خاايفه لا تكرهني ..
ام فيصل : هي كذا و لا كذا رح تعرف .. و تطمني ما رح تكرهك ..
ام حنان : نقول ان شاء الله .. بس اللحين مستحيل اعلمهاا تعرفين عندها دراسه .. ما ابي حياتها تتلخبط خصوصا ان هذي اخر سنه لها بالثانوي ..
ام فيصل : يعني بتظلين على قرارك ما بتعلمينها الا بالعطله ..!
ام حنان : ايييه هذا اللي ابيه يصير ان شاء الله ..
اندق البااااااب .. كانوا مستغربين مين ممكن يكون !.. لما فتحوه انبسطواا بشوفة فيصل و حنان .. و علموهم انهم بيقعدون عندهم الى الجمعه عشان يذاكرون ...
حنان قعدت على نفس الكنبه اللي كانت قاعده عليها امهاا .. و امهاا لما شافتهم ارتبكت و خبت الصورة تحت الكنبه .. بس كان جزء منها ظاهر انتبهت لها حنان .. و طلعتها و شافتهاا ..
ام حنان ارتبكبت ما عرفت اش تقول ....
حنان : هذي .. هذي صورة من !؟
ام حنان : هـ هااتيها يا بنتي ..
حنان : لحظه ! .. هذي مو صورة ابو فيصل انا اذكره ابو فيصل .. لااا تكون هذي ... ( تناظر امهاا )
ام حنان ناظرت اختها بمعنى انقذيني وش اسوي !
ام فيصل راحت و خذت الصورة من يد حنان : هذي صورة جدك اللي هو ابوي يوم كان شباب ..
حنان : ااااهااا .. حسبته شخص ثاني ..
ام حنان بفضول : مييين يعني ؟!
حنان : ما ادري فكرته ابوي .. يا ليت لو اعرف شكل ابوي .. ما عمري شفته ..
ام حنان حز بخاطرهاا .. و زعلت على بنتها .. للحظه كان ودها تقول لها أي هذا هو ابوك .. بس خافت و تراجعت ..
فيصل : حنووو ما ودك نروح غرفتنا نذاكر ؟
حنان : لأاا بقعد مع امي و خالتي شوي .. مشتاقة لهم ..
ام حنان ابتسمت : زوجك يبيك تروحين .. اسمعي الكلام ..
حنان : يمممممممممممه !
فيصل : هههههه خلاااص خالتي كنت امزح مع حنو بشوف اش بتقول ..
ام فيصل : هههه يا حليلكم يا عيالي ..
ام حنان : وش رايك اجل يا حنان بكره نروح عند جارتنا ام صلاح ؟
حنان : هااه .. ما ادري اذا البنات مو موجودات احس ماله داعي اروح !
ام حنان : لااا ابشرك توني كلمتها العصر و قالت ان بناتها بيجونها بكره ..
حنان ترددت : والله مدري .. ( فكرت شوي ) خلااااص اوووكيه نروح ليشل لأ .. بعد ابي اشوف البنات وحشوني ..
فيصل يناظرها باستغراب .. كان بيسألها صادقه هي بتروح تشوف سميه ؟؟! بعدين قال لأ يسألها بينه و بينها احسن !
ام فيصل : زين انكم جيتوا اليوم صراحه احلى مفاجأه .. و اللحين بقوم اسوي لكم احلى عشا ..
ام حنان : أي والله نسوي كل الاكل اللي يحبونه عشان يذاكرون زين و نشوف الدرجات العاليه ..
قامت ام حنان و ام فيصل للمطبخ ......
حنان : انا شوووي و ألحقكم ...
ام حنان : لاااا تلحقيناا و لا شي .. انتي اقعدي مع رجلك .. و ذاكري ..
حنان مدت البوز ~ آآآآآآه ما احب ما احب !
جوالهاا كان يهز > وكزاااات ..
فيصل : ترى جوالك ازعجنااا ..!
حنان : استغفر الله اكيد ذا واحد نشبه ..
فيصل : جيبي جوالك اتفاهم معهه ..
حنان : لاااا صبرك .. يمكن احد اعرفه ..
فيصل : انا بروح اشوف سعود و سعد من زمان ما قعدت معهم ..
حنان : طيب ... ( اللي مرسل لها كان وليد ) ..
وليد : " وكز!!! ...... وكز!!! ........ حمد رد بسرعه .."
حنان ~ لالالالا ابد مو نشبه .. يا فديته يا حبي له يوم يرسل لي : " هلاااا "
وليد : " وينك صار لي ساعه ارسل لك و ما ترد "
حنان : " انشغلت مع الاهل .. آسف "
وليد : " ليه طلعتوا من الشقه ؟! .. معقول انت زعلان مني لاني صرخت عليك !؟ "
حنان : " لا لا مو كذا .. حنا صدق اشتقنا لاهلنا .."
وليد : " يا ويلك كانك تكذب علي .. ترى انا ما صرخت الا من خوفي عليك "
حنان ~ ي لبيييييييييييه خايف علي ي جعلني : " لا ما اكذب و مو زعلان منك "
وليد : " طيب انا كذا ارتحت .."
في بيت ابو خالد .. طبعا اكتملت العائلة بوجود منار .. أما اصايل ما نست اللي سواه معاذ و تفكر بأي شي تنتقم منه .. قاعده على جهاز الكمبيوتر بغرفتهاا الى ان جتها منار ......
منار : مساااء الخيرر اصوول ..
اصايل : هلااا منوور .. حيااك ادخلي ..
منار : الله يحييك .. هاا تذاكرين ؟
اصايل : ههههه اللي براسي اهم من الاختبارات ..
منار قعدت ع السرير : وش اللي براسك ؟
اصايل لفت عليها : انتقم لك .. و لا اسكت على الكلب معاذ ..
منار : لا حول و لا قوة الا بالله .. الله يخليك يا اصايل لا تورطي نفسك مع عائلتهم .. تكفين لا تنتقمي لي و اتركي هذا التفكير اللي بيجيب لك وجع الراس ..
اصايل : اللحين انتي راضيه و مسامحته ؟
منار : اييه سامحته على كل شي و ما ابي منهم أي شي .. و لا ابي أي احد منكم يتأذى خاصه انتي يا اصايل انسيهم والله ما وراهم خير ..
اصايل تسلك لها : اييهه طيب طيب ..
اندق باب الغرفه ..........
جود : يالله يا صبايا العشا جاهز .. و الكل على السفره يستنانا ..
منار : ههههه حتى فهد ؟
جود : ايييه و فهد بعد ..
اصايل : ههه غريب اخر الحاضرين جاي بدري ..
منار : هههههههه من جد .. شكله ميت جوع ..
جود : اووص لو يسمعكم بتروح عليكم ..
اصايل : هههه لا معليك خالد يفزع لنا .. يالله يا منار خلينا نروح ..
منار : يا الله ....
نرجع لبيت اهل حنان و فيصل .. تعشوا و خلصوا و اللحين وقت النوم ...
حنان : اكره اجي بيتنا لهذا السبب ..
فيصل : وش فيك يا زوجتي العزيزه ؟
حنان : فيييييييييصل لا تضايقني ..
فيصل : اوووه شكلك مره متضايقه ..
حنان : اييييهه .. انت نام ع الارض ..
فيصل : اصلااا دايما انا اللي انام ع الارض ..
حنان : خلاص خلاص لا تسوي لنا مناحه انا بنام ع الارض ..
فيصل : لااااا وش فيك معصبه انا موافق انام ع الارض ما قلت شي ..
حنان مسكت الكتاب و يقال انها تذاكر ......
فيصل : حنووو !
حنان : هممم ..
فيصل : انتي من جدك تبين تشوفين سميه بكره ...؟
حنان : ايييييه ..
فيصل : لاااا لا تشوفينهاا ..
حنان صكت الكتاب بقوه : لييييييييييش !؟
فيصل : بسم الله .. وراك عصبتي طيب ..؟
حنان تنهدت بتعب : ما عصبت .. بس فكرت .. سميه اللحين تزوجت و خلاص لازم تنسى .. و لازم تعرف كل شي ..
فيصل : بتعلمينهاا ؟؟! بتقولين لها ان احنا زواجنا على ورق ؟؟!
حنان : اييه اكيد .. لازم اقول لها ..
فيصل : حتى سالفة انك تداومين كولد ..؟
حنان : لأ هذي مقدر اقول لها ..
فيصل : طيب ؟! و اذا سألتك ليه تزوجتي فيصل على ورق ..
حنان : بسيطه انا فكرت بكل شي .. اقول لها ان فيه شخص كان مستعد يعطينا فلوس بس بشرط يسكن عرسان في شقته لانه ما يبيها تكون شقه فاضيه ..
فيصل : ههه على بالك بتصدق ذا الكلام ؟!
حنان : عمرهاا ما صدقت .. بس لازم اقول لها و بأي طريقه اقنعها ..
فيصل ~ ماني مرتاح انها تقول لسميه .. يعني صكت براسها الا انها تعلمها ! يااا عناااااااادك يا حنان !
نرجع شوي لبيت ابو خالد .... بعد ما تعشواا .. خالد كان متفق مع سامي انه يمره .. و تقابلوا في بيت ابو خالد ..
خالد : حيااك يا سامي نورت البيت ..
سامي : منور بوجودك يا الغالي ..
خالد : اخبارك و علومك و اخبار الوالد ؟
سامي : كللللهم طيبين و بخير و الحمدلله ..
خالد : الحمد لله .. وش تشرب ..؟
سامي : ابد أي شي على ذوقك ..
خالد : ابشر .. دقايق و اجيب الضيافه ..
سامي : تسلم ...
راح يجيب الضيافه و تقهووا و سولفوا ثم ....
خالد : انت كنت قايل لي امس انك تبيني بموضوع مهم .. عسى ما شر ..
سامي : كله خير ان شاااء الله ..
خالد : تفضل قوول ..
سامي بتردد : اناا .. بصرااحه .. يعني .. بعد ما دريت ان زواج اختك اصايل تكنسل .. قلت فرصتي اكلمك .. لانو يعني .. انا ودي انها تكون زوجتي على سنة الله و رسوله .. لكن قلت لازم اعلمك اول ..
خالد ابتسم : ههه و كبرناا و صرنا نبي نتزوج !
سامي : ياااخي لا تحرجني والله اني ميت من الحرج ..
خالد : هههههههههه مو بلايق عليك تستحي ..
سامي : خااالد تراني اتكلم من جد ..
خالد : خلاااص ياا اخوي والله ما بلاقي احسن منك لاختي .. و عن نفسي موافق و متأكد ان ابوي بيوافق بعد ..
سامي ابتسم براحه : انا لو الود ودي اجيب اهلي من بكره .. بس لازم يا اخوك تسألها اذا هي موافقه علي و لا لا ..
خالد : ايييهه صاادق في ذي .. شكلك مره مستعجل !؟
سامي : ههه لا يعني اخاف تروح علي ..
خالد عطاه نظره : انت تحبهااا ؟؟؟
سامي ارتبك : هااه .. يعني ......
خالد : هههههه شكلك تحبها و انا مالي خبر ..
سامي ما عرف اش يقول ..
خالد ربت ع كتفه : الحب لا هو عيب و لا حرام .. و انت تبيها على سنة الله و رسوله .. انا بسألها لك .. بس خلهاا بعد الاختبارات احسن .. وش رايك ؟
سامي : اوكي مو مشكله ..
خالد كل يناظره و يبتسم .. سامي فهم ان قصده يطقطق عليه .....!
اليوم الثاني .. في بيت اهل حنان .. العصر كانوا الحريم يجهزون انفسهم للطلعه .. زيارة جيرانهم .. للعلم سميه و سوسن كانوا في بيت امهم بعد زيارة .. و ما يدرون ان حنان بتجي مع امها و ام فيصل .....
ام صلاح راحت للمطبخ : ياا بنات بسرعه جهزوا الحريم شوي و يوصلون .. > ثم طلعت ...
سوسن : هههه هذي امي ما تتغير ..
سميه : اييه اذا بيجينا احد تقلب البيت ..
سوسن : فديتهاا ..
سميه بعد صمت : تتوقعين اش صار على حنان ؟
سوسن : انسي حنان ..
سميه : بس اسأل اش فيك ؟
سوسن : أي بتسألين عنها و بعد شوي بتسألين عن زوجهاا ...
سميه : لاااااااا ياا سوسو انا خلاص نسيته ..
سوسن : ايييه انسيه و انتبهي لثامر > زوج سميه ..
سميه : اوووكي يا حبيبة وائل فهمنا .. > وائل زوج سوسن ..
سوسن : هههههههههه بديناا يعني ..
اندق باااب البيت و وصلوا الضيوف .. سميه & سوسن تفاجئوا ان حنان جت معهم .... بعد السؤال عن الحال ...
ام صلاح : ياا بنات انتوا اللحين متزوجات.. نسمح لكم تقعدون معنا ...
ام حنان : ههههههههههههه صدقتي ..
ام فيصل : لاااا حرام عليكم اكيد ان البنات مشتاقين لبعض و عندهم سوالفهم خلوهم يستانسون مع بعض ..
ام حنان : يعني بالعربي حنا سوالفنا سوالف عجايز ..
ام صلاح & ام فيصل : هههههههههههههههههههههههه ..
و البنات يناظرون بعض و ضايعين بالطاسه خخخخ ..
ام صلاح : امزح معكم يا بنات ... يالله روحي يا حنان مع سميه و سوسن ..
سميه و سوسن يناظروا بعض .. يعني ما يبون يشوفون حنان اصلا فما بالكم يكلمونها و يقعدون معها .. بس عشان امهاتهم لا يشكون خذوهاا لغرفتهم ...
حنان : اممم من بعد زواجكم ما حصلت لي فرصه ابارك لكم .. ان شاء الله الف مبروك ..
سوسن : الله يبارك فيك ..
حنان : عساكم مبسوطين بالحياه الجديده ...؟
سميه بدون نفس : كان ممكن تكون الحياه احسن مع اللي نحبهم ..
حنان فهمت اش تلمح له : سميه ابغاك في موضوع مهم ...
سوسن : سمسومتي روحي جيبي لنا عصير ..
سميه قامت : لان حنا راعيين واجب .. بقوم ...
و بعد ما رااااحت ...
سوسن : اش تبين تقولين لهااا ؟
حنان : بقولها كل شي .. و اني ما خنتهاا .. و اني ما تزوجت فيصل الا على ورق بسبب ظروف اجبرتنا .. لازم تدري ان فيصل ما سمحت له يلمسني فيصل مو زوجي ... و رح يطلقني ..
سوسن : اش ذا الكلام اللي تقولينه .. هذا لعب عيال .. خافي ربك ما تدرين ان الكلام اللي تقولينه حرام .. مافي شي اسمه زواج على ورق ..
حنان : كيف يعني ؟!
سوسن : ما علي منك مو لازم تفهمين .. اللي يهمني سميه .. اللحين هي عايشه و مبسوطه بحياتهاا مع زوجهاا .. الكلام هذا ماله داعي تقولينه لها .. ماله داعي تخربين حياتها ..
حنان : بس انا ابيها تسامحني عشان كذا لازم تدري ..
سوسن : حتى لو درت ما رح تصدقك رح تكرهك اكثر لانها اصلا ما عاد تثق فيك ..
حنان : طيب وش اسوي لازم تسامحني لازم ..
سوسن : خليها مع الايام بتنسى و يمكن تسامح ..
حنان : انا والله انجبرت اتزوج فيصل .. عشان لا نبات بالشارع .. لو تسمعني سميه بس انا متأكده رح تسامحني ..
سوسن : اذا انتي صدق تحبين سميه زي ما تقولين انسي تعطينها امل بخصوص فيصل .. ما صدقت و نسيته ...
حنان : بس ...........
دخلت سميه ....
سميه : تفضلي ..
حنان : زاد فضلك شكرا ع العصير ..
سميه قعدت مقابلها و حطت رجل ع رجل : ايش هو الموضوع المهم ؟
سوسن تناظر حنان بترجي و تهز راسها بمعنى لأ ...
حنان ابتسمت : لااا بس كنت ابي اقولك خلينا نرجع اصحاب زي قبل .. يعني ما صارت نقعد كذا زعلانين من بعض !
سميه : هههههههههههههههههاااااي .. اللحين مالي مزاج اصالحك ابد ..
حنان : الشغله بالمزاج يعني ؟!
سميه : ايييه كيفي انا كذا ابي ..
حنان ~ محد يعرفك و يعرف عنادك قدي .. لو تدرين وش خسرت لما تزوجت فيصل .. لو تدرين وش من بلاوي صارت لي .. اهمها ان مستقبلي ضاع .. ليتك تفهمين بس !
و في الاخير ما قدرت تعلم سميه بطلب من سوسن .. و الظاهر على قولة سميه ما بتسامحها الا بمزاجها ! ..
و انتهى اليوم على خير .. و عدت ايام المذاكره بسرعه .. طبعا تصير سوالف بين حنان و فيصل >< بتخطاها .. نجي ليوم الجمعه .. بعد الغدا مقررين يرجعون الشقه .. و تغدوا و اخذوا اغراضهم ...
بروووب بيت اهل حنان باااك الشقه > حركه جديده :) ..
المهم عبدالرحمن قعد بالشقه مع وليد و كان ماجد يمرهم دائما و احيانا يبات في الشقه و كان موجود يوم رجعت حنان و فيصل ...
عبدالرحمن : يااا هلاااا والله .. تو ما نورت الشقه .. هلااا بحمودي ..
حنان بابتسامه صفرا : هلااا بك ..
ماجد : حيااكم شباب .. دخلوا اغراضكم و تعالوا اقعدوا معنا ..
فيصل : انا بدخل الاغراض ...>> راح الغرفه ..
وليد : تعاال حمووود اقعد و علمنا كيف المذاكره ..
حنان : الحمدلله صرنا جاهزين للاختبار ..
وليد : كويييييس ..
عبدالرحمن : اقوول حموود حرام عليك تركت وليد لحاله بالشقه .. تصدق انه ما رضى علي ارجع بيتنا يخاف يقعد لحااله .. و انا من ذاك اليوم بايت عنده بالشقه ..
حنان تناظر وليد : صدق ؟؟؟؟!
وليد : معليك منه ذا يزود كلام ..
حنان ~ ودي اسأل عن نواف بس ما اتجرأ ودي بس اعرف اذا تصالح مع وليد و لا لا .. خلاص مو لازم جعلهم ....
صباح يوم السبت اول ايام الاختبارات >> اجازة جمعه و سبت ماهي داخله مزاجي فبخلي الدراسه السبت :) ..
نروح للمدرسه ع طول ..
حنان : بديت اتوتر ...
فيصل : لااا خليهاا ريلاكس ..
حنان : طيب متى الاختبار ؟
فيصل : الساعه 7 : 30 ..
حنان تناظر ساعة يدهاا : باقي ساعه على الاختبار .. خلني اراجع شوي ..
فيصل : كذا ما ينفع بتتلخبط بعدين ..
حنان : مقدر لازم اراجع ..
كانوا قاعدين بالحوش برى .. ممنوع يدخلون للفصول لغاية ما كل مراقب يجي للجنته .. كلها دقايق و اجتمعت كل الشله ... و اخر واحد جا كاان نواف ...
عبدالرحمن : نواااف يااا ولد وينك مختفي و الشقه ما عاد تجيهاا .. و لا ترد على مكالماتنا ...!
نواف ناظر حنان اللي كانت عينها عليه تبي تعرف الجواب ..: ما كنت فاضي ...
عبدالرحمن : طيب كيف المذاكره ..؟
نواف بدون نفس : تمااام ..
فيصل : يااا عيااال خلونا نروح نشوف اسمائنا وين ؟
حنان : طيب كيف طريقة التوزيع ...؟
عمار : على حسب الاسم بترتيب الحروف يعني ..
و طبعاا طلع فيصل و عمار و عبدالرحمن في نفس اللجنه ... و وليد (حنان) و نواف و مشاري و موسى بنفس اللجنه .. و راجح بلجنه ثانيه كان توزيع اللجان على حسب الحرف الاول من الاسم ..
فيصل بهمس : انتي بتكوني بفصل كل اللي ينخاف منهم موجودين فيه .. تكفييييين انتبهي لنفسك ...
حنان : لا تخخاااف مو بصاير شي ان شاء الله ...
و افترقوا لما رن الجرس معلن بداية الفترة الاولى ....
نواف : انا و انت بنكون في نفس الصف ..
حنان : اييهه و انتبه تسوي حركه منا و لا منا ..
نواف : هههه انا بس براقبك ..
حنان بعد تردد سألت : انت .. انت و وليد لسا زعلانين من بعض ؟
نواف : لا تجيب طاريه .. اوووكيه ..
حنان : تكفووون لا تزعلون من بعض بسببي ..
نواف : انت مالك دخل .. ما رح اسامحه لين يعتذر .. مو بس عطاني كف هو غلط علي و قال اني منحرف .. زودهاا معي ..
حنان ~ الظاهر لازم اكلم وليد يعتذر منه .. لازم احل مشكلتهم لاني انا السبب .. اوووووف وش ذي المشاكل اللي ما تخلص ..
دخلت للصف .. دورت اسمهاا لقته بالعمود الرابع قبل الاخير .. و بالعمود الثالث بالنص كان قاعد مشاري و في نفس العمود و قبل الاخير برضو قاعد موسى يعني صايره حنان جنبه ...
موسى غمز لها : ياا حلووو حناا عيال صف واحد .. لا تنساني فديتك .. هالله هالله ورقتك خلهاا على الطرف ..
حنان تناظرها بالشمئزاز .. : ما اغشش احد انا ..
موسى : افااا يا ذا العلم افااا يا الدافور ما تبي تساعدنا ... ( ناظرهاا بحده ) حبيبي الورقه ع الطرف مفهووووم ؟
حنان شكله يهدد ذا ! : يصير خير ..
نواف كان قاعد في نفس عمود حنان بس قدام اول واحد .. > ان شاء الله تكونوا فهمتوا الترتيب ....
تم توزيع الاوراق و بدأ اختبار الفترة الاولى - مادة الرياضيات - ..
أما حناان سحبت على هذا اللي اسمه موسى .. و بالعكس عاندته و غطت الورقه عنه .. ما خلاهاا في حالها طول الوقت ينادي عليهاا و هي صافطته ..
حنان ~ احسن والله ما اخليك تغش مو بإنت اللي تهددني ..!
موسى بهمس : يااا هووه ولييييد (حنان) بس الصح و الخطأ ..
حنان تطنيييييييش آخر شي ..
موسى : والله لا اوريك .. قسم بالله ما اسكت لك ..
حنان ~ سلااااااامات على كيف اهله .. والله لا اقول لراجح يعلمه قدره .. لازم اخلص حل بسرعه و اطلع اول وحده و ادور على راجح او فيصل ..
و خلصت اختبارهاا بخلال ساعه .. و بعد ما عدا نص الوقت سلمت ورقتهاا و طلعت .. الممر كان فاضي ما عدا شوية طلاب ..
حنان ~ و لا واحد من الشله طلع !؟ .. وش دعوه ما كان الاختبار صعب للدرجه ذي ! .. خل اروح صف فيصل اشوف اذا خلص ...
و هي تمشي ناداها الوكيل ...
الوكيل : يااا طااالب ..
حنان لفت : نعم استاذا !
الوكيل : ممنوع تنتظر بالاسياب .. اطلع للحوش الخارجي ..
حنان : بس يا استاذ انا ابي اشوف اذا صديقي خلص اختباره و لا لا ..
الوكيل : تستهبل علي انت ؟ يعني بتموت بدون صديقك ؟ .. يالله على برى لا اكتبك تعهد اللحين ..
حنان ول ول ول وش بلاه علي و انا وش قلت : طيب استاذ ابطلع ..
و طلعت للحوش كان بعد فاضي فيه الطلاب الاجانب ( الدفره ) ينعدون ع الاصابع ...
حنان ~ يالله اهم شي ان هتان و شلته ما طلعوا .. واضح داجين مستحيل يطلعون بدري .. طيب و فيصل تأخر ؟ والله احس الاختبار سهل !
و قعدت جنب البوابة الداخليه كان جنبها بلوكات مرصوصه فوق بعض و هي قعدت عليهاا تستنى أي احد من الشله يطلع .....
يمكن ظلت حول الـ 10 دقايق تنتظر لغاية ................
..... : والله و صدتك ي الحيوان و محد سمى عليك ...
حنان فزت من مكانهاا : بسم الله ..
موسى : يااااي خفت يا مااماا .. !
حنان : خييييير ؟!
موسى مسكها من ياقتها و لزقها بالجدار : انت تبي تتهاوش ؟
حنان : لا والله مالي بالهواش !
موسى : و ليه ما ساعدتني هااا ..
حنان : لانه حرام ..
موسى عطاها بوقس : تسوووقهاا علي انت !؟
حنان : وش سويت لك انا ..؟
موسى : و تسأأل .. !
حنان حجرت الدموع : مو غصب اغششك ..
رد ببوقس ثاني ..
موسى : و غصبا عنك و عن اللي خلفوك تغششني ..
حنان : اتركني ي حيوووان ..
موسى سمعهاا بكف طيح الغترة اللي هي لابستهاا ....
حنان بتنفجر بكي خلاااص ... لكن جااا عمااار ..
عمار فرقهم : هييييييه هييييه سلااامااات ي ابو ..
حنان تخبت ورى عمار .... و عمار يهزأ فيي موسى ..
عمار : وش تحسب نفسك انت ؟؟؟
موسى : لا تتدخل يا عماار اطلع منها احسن لك ..
عمار : هذا خويي و انا ملزوم اساعده ..
موسى : لا تسوي لي فيهاا مثاليات مناك انت و اياه ..
عمار : اذا بتتضارب تعاال وريني اللي عندك ..
موسى : اجل قابلني برى المدرسه ي التنكه ..
عمار : محد تنكه غيرك .. والله لا اوريك ..
و هم يتهاوشون .. مشاادات كلاميه ... مر منهم هتان توه طالع من اختباره ...
عمار : هييه انت شف قريبك ذا ناوي على نفسه ..
هتان بدون نفس : مو بقريبي يقرب ولد عمي اذيتوني كل ما سوا شي قلتوا قريبك .. و بعدين حتى لو كان قريبي ما اعترف فيه و لا يشرفني ..
موسى : من زينك عاد انا اللي ميت عليك اللحين ...
هتان سفههم و رااح ....
بعده على طول طلع نواف و معه عبدالرحمن كانوا سوالف .... و وقفوا لما شافوا عمار يصارخ على موسى ..
نواف : وش السالفه ؟
موسى شاف الشله بدت تتجمع و احتمال راجح يطلع فسحب نفسه و مشى .. بس قبلها قال : كااااانك رجال ولد رجال قابلني برى يا خواف ..
عمار عصب : اناااا خوووواف ؟؟! .. لأ ليش نستنى لين ننطلع برى تعال و الله لا ادوس ببطنك هنا ..
موسى طنشه و راح .......
عبدالرحمن & نواف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عمار لف على حنان و صرخ : و انت .....
حنان بخوف : هاااه ...
عمار : ورى ما تدافع عن نفسك ؟ .. عجزت افهم فيك .. متى بتصير رجال هاااه ؟
حنان : والله انا ......
عمار قاطعه : اترك المخكره والله ما بتنفع ما غير تتلطش من الرايح و الجاي ..
نواف : فهمونا وش اللي صار ...؟
عبدالرحمن اخذ الغترة الطايحه : هذي لك يا وليد(حنان) ..؟
حنان : اييه .. كل السالفه اني تهاوشت مع هذا اللي اسمه موسى عصب علي ليش اني ما غششته بالاختبار ...
نواف يكفكف اكمامه : اوووريه الكلب ..
عمار : اجل انت معي مواعدنا برى المدرسه بعد اختبار الفترة الثانيه ..
نواف : اكيد معك .. لازم يتصفق عشان يعرف ان الله حق ..
حنان : خلاااص لا تكبرون السالفه ماله داعي تسوون هوشه ..
عمار بعصبيه : انت اووووص يا الجبان ما منك فايده .. هذي الاشكال اذا ما وقفتهم عند حدهم يتمادون ..
حنان بضيق : كييييييييفككم بس تكفون فيصل لا يدري و لا تعلمونه باللي صار ..
و طلع راجح من الاختبار .. علموه بالسالفه و قرر انه يدخل بالهوشه معهم .. و بعده طلع فيصل من اختباره كان مبسوط لانه حل كويس... ما علموه بسالفة موسى ...
حنان : وش فيك تأخرت ؟
فيصل : قلت باخذ الوقت كله عشان اتأكد من كل اجاباتي .. ناويها نسبه عاليه ان شاء الله ..
حنان : ان شاء الله بتجيب نسبه ترفع الراس ...
فيصل : ان شاء الله انا و انت .. انت بشر ؟
حنان : مره سهل الاختبار .. حليت بنص ساعه و النص الثاني قعدت اراجع ..
عمار يناظرها : ماااا شااااء الله عليك .. يعني داري انك دفره بس ما توقعتك كذا ..
حنان انحرجت من كلامه ....
نواف : تقريبا كل الطلاب طلعواا ..
عبدالرحمن : ايييهه امشوا نراجع الحديث ...
وراحوا كلهم و قعدوا بزاويه ع الارض و كل منهم مسكك كتابه يراجع ... و جاااهم اكبر نشبه .....
هتان : فيصل تعاال شوي ...
فيصل قفل الكتاب بضيق : لا حول و لا قوة الا بالله .. بدت المشاكل ..
عمار : اللحين اختبارات لا تروح يا فيصل انا داري هو وش يبي ..
هتان : فيييييصل بسرعه تعال بقولك شي و ارجع ..
حنان تناظر فيصل بترجي ما تبيه يروح .. هو فهم نظراتها بس ما يقدر يرفض و كل ذا عشانهاا ...
فيصل : معليه ياا عياال شوي و اجيكم ...
راجح : اذا تبي اجي معك ترى عادي ..
فيصل : لااا خلك ذاكر ماهو بصاير لي شي ..
راجح : طيب على راحتك ...
زهق فيصل من هتان و طلباته و مشاويره .. دائما يضغط على نفسه .. لكن يحس بيجي يوم و ينفجر منه ..
هتان : تعال معي هناك ...
فيصل : وييييين ؟؟
هتان مسك يده : تعااااااال و بعلمك ..
فيصل سحب يده و وقف : حركه ماني متحرك .. واللي عندك قوله هنا ..
هتان : وش فيك انت ابعطيك شي و ما ابي احد يشوفه ..
فيصل : لا شكرا ما ابي منك أي شي ..
هتان : صدقني والله ما بتندم .. شي تعبت حتى جبته و كله عشانك ..
فيصل : ما طلبت منك تجيب شي ..
هتان قرب لاذنه و همس : جبت لك حبه تخليك تجيب نسبة 100% و انت مرتاح ..
فيصل بعد عنه : اكيييييد تمزح .. انا ما اتعاطى ذي البلاوي ..
هتان : ترى بتندم باليا الله لقيتها و الاسعار نار مع الاختبارات و انا اعطيك اياها ببلاش ..
فيصل : وش اسوي لك .. مستحيل افكر اخذ من هذي الاشياء ..
حاول هتان يقنعه لكن ما قدر عليه .. و في نفس الوقت ما استسلم ....
هتان : انا اساعدك و انت تتغلى ..
فيصل : انت ما تبي تساعدني .. انت تبي تدمرني ..
هتان يغير الموضوع : طيب ما تبي كيفك ..
فيصل : ابروح للشباب و لا عاد تزعجني ..
هتان : لحظه ما خلصت كلامي ..
فيصل عصب : خييييييير بعد !؟
هتان : ابيك تجي معي العويرض ( مكان تفحيط مهجور ) ..
فيصل : انهبلت ؟! .. والله لو اني ايش ما اروحه .. كل المجانين يتجمعون هناك ..
هتان : مو بعلى كيفك .. بتجي غصبا عنك ..
فيصل : بدينا شغل الابتزاز ...!
هتان : شوف كل الطارات بيتجمعون عشانه اول يوم اختبارات و الكل متحنس .. و انا اول الحاضرين .. و قلت لهم انك بتجي .. ماله داعي تطيح وجهي قدامهم ..
فيصل : باللعنه ما هميتوني ..
هتان : يعني تبيهاا كذا ..
فيصل : انت ما تفهم مستحيل اركب معك و نفحط بين مجانين ..
هتان هدا شوي : اسمعني كويس .. انت ما رح تركب معي بس تفرج علي ذا يكفيني .. كذا تمام ؟
فيصل : يااخي طلبتك ما ابي اروح ...
هتان : بس اليوم وش فيك اليوم و وعد ما عاد اطلب منك شي الى الفصل الثاني ..
فيصل : الى الفصل الثاني هاا .. يعني مكروف حتى في الفصل الثاني ..!
هتان : وش اسوي احبك ..
فيصل : حبك اللي ماني بقايل .. انت ما تحب الا نفسك ..
هتان : هههههه فديتك لا تعصب ..
فيصل : وخر عني بس ..
هتان عصب : بتجي و لا اخذ ولد خالتك بدالك ؟
فيصل من بين اسنانه و هو مقفي : وجع وجع وجع ! بجي خلااااص ..
هتان بصوت غير مسموع : طيب لا تنافخ ي الحب !
رجع فيصل لشلته و هتان راح لمشااري ..
مشاري : هاا بشرر ..
هتان : زفت .. رفض الحبه ..
مشاري : اصلا هذا اللي توقعناه .. خلاص استسلم عن الحبوب مافي امل يتعاطى ..
هتان تنهد بتعب : وش رايك اجربهاا ؟
مشاري : هههه ما انصحك ..
هتان : بس ي ان خويك يزيد هذاا داهيهه .. من وين حصل ذي الحبوب كلها ..
مشاري : ههه مخ ي حبيبي مخ ..
هتان : أي والله صدقت بس انتبه منه .. واحد نفس تفكيره ينخاف منه ..
مشاري : معليك محد يقدر يضحك علي .. إلا قول لي وش صار على سالفة العويرض ...
هتان : اقنعته و بيجي ..
مشاري ابتسم : هئ و هو يقدر يرفض اصلا ..
هتان : ههههه صدقت ..
قبل اختبار الفترة الثانية .... نروح شوي لبيت اهل نواف .. قبل لا يطلع ابو نواف لدوامه .. كان قاعد ع الطاوله يفطر .. وو ام نواف الله يسعدها نايمه ^_* ... نزلت الجوهره .. و شافت ابوها سلمت عليه و صبحت عليه و قعدت معه .....
ابو نواف : زييين انك جيتي يا بنتي .. كنت ابيك في موضوع ..
الجوهره بفضول : عسااه خير ..
ابو نواف : كل خيييير .. بالاول انتي خلصتي اختباراتك .. صحيح ؟
الجوهره : أي يبه الحمدلله خلصت ..
ابو نواف : حلووو .. في الحقيقه يا بنتي جايك عريس .. و انا و ابوه من زمان متفقين على كل شي .. انا بس حبيت اعلمك .. يعني انتي بنتي و انا ادرى بمصلحتك و متأكد انك ما رح ترفضين لي أي طلب ..
الجوهره مصدومه : دقيقه يبه خلني استوعب كلامك ..
ابو نواف : يا حبيبتي لازم تعرفين اني ماني قاعد استشيرك .. هذا الزواج لازم يتم و لازم انتي توافقين ..
الجوهره : طيب ليش ؟.. فرضا انا ما ابي الولد ..
ابو نواف : انتي ما رح ترفضين أي عريس الا اذا كنتي حاطه احد في بالك و انا متأكد ان بناتي ما عندهم ذي السوالف ....
الجوهره : بس .... دراااستي ....
ابو نواف : ما بيأثر ان شاء الله ..المهم انا حبيت اعلمك قبل حتى لا اعلم امك .. رح يجون يتقدمون لك بعد اسبوعين بالضبط .. بتملكين و الزواج بالعطله الصيفيه ..
الجوهره : بذي السرعه ؟؟؟؟!! .. انا حتى ما اعرفهم ..
ابو نواف : انتي اللي لازم تعرفينه انك ما تقدرين ترفضين ابد .. اتفقنا يا الجوهره ..
الجوهره بقلة حيله و زعل : ان شاء الله يبه ..
ابو نواف : هاا تبين تعرفين من هو ؟
الجوهره : ماا تفرق دام اني في كل الاحوال بتزوجه .. عن اذنك يبه ..
ما عاد كملت اكلها انسدت نفسها عن الاكل و قامت ركض لغرفتهاا قعدت تبكي ....
ابو نواف : ورااهاا بنيتي شكلهاا زعلت ؟؟؟! ما درت اني اسوي هذا الشي لمصلحتها !!
نرجع للمدرسه .. الكل رجع لقاعة اختباره .. وبدأ اختبار الفترة الثانية ... الماده كانت سهله خلصت حنان بسرعه .. بس توبت تطلع من قاعة الاختبار بدري .. طولت شوي على ما يتجمعون الشله .. الى ان شافت نواف سلم و طلع طلعت وراه ...
حنان : نواااف نوااااف ..
نواف : عيونه و قلبه و روحه ... >> واحد مر من جنبهم و سمعهم ..
..... : ههههههه وش وضعكم ي البزرنجيه ...
نواف بيتكلم قاطعته ......
حنان : تكفى لا ترد عليه .. المشاكل اللي جتنا اليوم تكفي ...
و طنشهم نواف ..
..... : هههههههههه نوع فاخر من البزرنجيه يسمع كلام الحب ...
نواف ما تحمل : ياا التبن انت و اياااه فيكم خير قابلوني برى ..
ضحكواا ثم مشواا ..
حنان : تستاهل الكلام اللي يجيك .. بالله هذا كلام تقوله لي بالمدرسه ؟
نواف : ايييه بقول .. وش ذنبي اني احبك ..؟!
حنان : انت شكلك تبي تفضحنا .. يا حبك للمشاكل ..
فيصل ينادي من بعيد : ولييييييييد ( حنان ) .. كيييف الاختبار ؟
حنان : مرررررررره سهل ..
عبدالرحمن : اش رايكم يا شباب نروح نفطر بمطعم و على حساابي ؟
حنان استانست : يا الله ..فكره حلوه ...
فيصل : معليش ي عياال مقدر اجي معكم .. عندي مشوار ..
عمار : و لا انا مقدر مواعد احد برى ..
نواف : انا بعد بطلع مع عمار ..
فيصل باستغراب : وش عندكم ( يقصد عمار و نواف ) ؟
عمار : ابد سالفه بسيطه كذا بنحلها .. إلا انت وين تبي تروح ؟.. لا تقول لي هتان ..!
فيصل هز راسه بضيق : بطلع معه مشوار سريع و برجع ..
عمار : يااا كرهي لذا الانسان .. لااا مو بإنسان ذا حيوان ..
فيصل : معليك لا تشغل بالك ..
عمار : اجل انتبه لنفسك كويس ..
فيصل : و انت بعد ..
عمار : يا الله نواف مشيناا ..
نواف : يالله قداام ..
راجح : لحظه لا تنسوني ابجي معكم ..
عمار : أي والله تعال بنحتاجك ..
عبدالرحمن : وش ذي الشله و لا واحد منهم فاضي في الاخير ما بقى الا انا و انت يا حمد !
فيصل : يا الدحمي .. انتبه عليه طيب ..
عبدالرحمن : في عيووني ..
فيصل بصوت غير مسموع : والله ما اخاف عليه الا من عيونك ..
عبدالرحمن : قلت شي ؟؟؟
فيصل : سلااامتك .. بس لا اوصيك رجعه الشقه ..
عبدالرحمن : ابشر لا توصي حريص ..
حنان : عبدالرحمن انت اسبقني للسيارة و انا شوي و جاي ..
عبدالرحمن : اووووك ...
فيصل يناظرها : والله من شفتك ساكته يوم قلت اني بطلع مع هتان و انا ماني مرتاح لسكوتك ..
حنان : لااا ترووووح معه ..
فيصل : حتى و ان قلتي ..
حنان : تكفى عشاني لا تروح ..
فيصل : لا تقلقي علي .. احنا رايحيين نتفرج و بس ..
حنان : يعني ما رح تفحط معه ؟
فيصل : لأ صدقيني ..
حنان : يااخي حس فيني انا متأكده انك تروح معه عشاني .. و هذا الشي يقهرني و يرفع ضغطي ..
فيصل : و انا كم مره اقولك مو عشانك .. انا حاب اروح .. انتي مالك دخل .. يا الله اللحين ارجعي الشقه و انتي متطمنه ..
حنان : ما رح اتطمن الا لين ترجع ..
فيصل : ابرجع ان شاء الله برجع ..
و راحت حنان و هي ماهي مرتاحه لمشوار فيصل مع هتان .. فيصل تسند ع البوابة الخارجية و تكتف بانتظار هتان ... و جاا الاخ ..بس ما كان لحاله كل شلته معه ...
هتان : هلااااااا فصووولي كنت تستنانا ؟؟
فيصل : لا استنى الجدار .. لا يكثر و خلنا نخلص ... ورانا اختبار بكره نبي نذاكر ..
هتان : احلى يا الداااافووور .. قلنا لك خذهاا ما رضيت ( يقصد الحبه )
فيصل : و بعدييين معك ؟؟
هتان : خلااااص يا بعدي و لا تعصب .. اسمعوا يا عياال انا و فصووولي و مشموش بنروح بسيارتي .. و انت يا عزيز روح مع حمزه بسيارته .. بااسل جبت سياره انت ؟؟
باسل : اييه جبت سياره ..
هتان : مررره كوووويس خذ معك احمد و عبدالرحيم ..
باسل : تم يا الزعيم ..
عزيز : ي الزعيم ..
هتان : لبيييه ..
عزيز : لبى قلبك .. اخوي متعب بيجي معنا ..
هتان : ماهي بمشكله خله يركب معك انت و حمزه ..
مشاري : والله توزيعك حلو ..
هتان : و الاحلى اننا بنروح 3 سيارات .. يعني مكسرينهم ..
مشاري : هههههه اكييييد ..
فيصل : خلصووونا زهقت ..
هتان : يالله امش اركب ..
فيصل : من اللحين اقولك .. اذا بتفحط ما ابي افحط معك ..
هتان : أي خلاااص خلاااص اركب ..
بالسيارة .....
مشاري : احلى موسم موسم الاختبارات ..
هتان : وانت صادق يا كثرهم اللي يتحدونك ..
مشاري : ههه المشكله نكسر رووسهم وما يتوبون ..
هتان : هههههههه ايييه قصدك ساري الدووبي ..
فيصل منغث من سوالفهم .. كارههم .. ما وده يروووح ابد ..
عمار & نواف & راجح .. انتظروا موسى برى ما جا الاخ .. و غير كذا شافوا دوريه تفر حول المدرسه و مع تأخر موسى الجبان قرروا كل واحد يرجع بيته ....
نجي لسيارة عبدالرحمن .....
عبدالرحمن : هاا أي مطعم تبي ؟
حنان : من صدقك انت .. مالي نفس ابي ارجع البيت ..
عبدالرحمن : كل ذا عشان فيصل ؟؟؟ وش دعوى ؟
حنان : وش جاب طاري فيصل اللحين .. هو ماله دخل ..
عبدالرحمن : علينااا ..
حنان : اوووص مالي خلقك ..
عبدالرحمن : هههه يا زينك و انت معصب ..
حنان : هيييه وصلني البيت و لا تقعد تتميلح ما يلييق ..
عبدالرحمن : هههههههههههههههههه ..
حنان ~ هذاا مبسووط و انا قاعده افكر اش بيصير على فيصل ..
وصلها البيت زي ما طلبت ..على طول راحت غرفتهاا .. قعدت تنتظر فيصل و قلقانه ... وليد وقتها كان نايم ....
وصلوا العويرض .. كانت مرررررررره زحمممه ..
هتان : وش ذا الحضور اكثر عن العام بواجد ..
مشاري : ياا لبييييييه ايييه كذاا الحماس ..
فيصل ~ الحمد لله و الشكر على نعمة العقل ..
هتان : دور دور اذا تشوف عساف ..
مشاري : لااا خلني ادق عليه احسن ..
هتان : طيب يا الله بسرعه ..
فيصل : وقف وقف ...
هتان وقف بسرعه : لييييه ؟
فيصل : ابنزل هناا ..
هتان : بس تكفى بعد عن الطريق .. ما نبيه يجيك شي ..
فيصل : مو شغلك ..
نزل و سكر الباب بقووووه ..
هتان فتح الشباك : خف عليناا ي الحب .. و لا تنسى تعزز لي ..
فيصل ~ ليتك تموووت و ارتاح منك .. استغفرالله ما لازم اقول كذا ...
هتان لف على مشاري : هااه لقيت عساف ..؟
مشاري : ايييهه امش سيده من هنااا ..
ألتقوا بعساف و فحطوا شوي .. إلى ان جاهم خبر ان الشرطه محوطه المكان و مسويه كمين ..
هتان : أمااااااا تمزززززح ..
مشاري : قسم بالله واحد من الشباب ارسل توجيه ع البي بي .. و حاط صورة العرض سيارة شرطة حول ذا المكان ..
هتان : ياا ويلي ويلااااه رحناا فيهاا .. اسأل في البي بي كيف نطلع بدون ما ننصاد ..
مشاري : سألت يعني ما سألت .. يقولون كل المخارج عندها سيارة شرطة ..
هتان : وش السواة اللحين ؟؟
مشاري : السواة سواة ربي ..
هتان : طيب فيصل وينه لازم ناخذه و انا بتصرف ..
مشاري : مدري تلقاه وسط ذا الحضور ..
هتان : دق عليه ..
مشاري : كيف ادق و هو ما جاب جوال اصلا نسيت اننا ماخذينه من المدرسه ..
هتان ضرب جبهته بقوه : ايييييييييه ينعن ابو الحاله اللي زي كذا ..
مشاري : يااا ولد امش و هو يدبر نفسه ...
هتان : أمااا تبيني اسحب عليه ..
مشاري : ياا ولد ما نبي السجن تكفى .. ما نبي ندخل عشانه ..
هتان : قسم بالله قويه اسحب عليه و اطلع ..
مشاري : هذا اذا طلعنا جرب حظك بس .. شف راسلين في البي بي بدوا اللحين يمسكون الحضور .. و فيه طارات انمسكوا .. اخلص شف لنا حل و طلعنا و لا بنصير زيهم ..
هتان : طيب بروح من ذاك الطريق .. ارسل للشله خل يلحقوني ..
مشاري : ابششر ..
هتان ~ معليش ياا فيصل حبيب قلبي سامحني لاني بسحب عليك و اروح كله منك لو قعدت معي بالسيارة وش كان بيصير ....!
انتـــــــــــهى البــــــــــــــارت
_______________________________________
توقعاتكم
- من هو عريس الجوهره ؟
- هتان و شلته بيطلعون من مصيبتهم ؟
- فيصل وينه ؟