وليد : فيني و لا فيك .. لعيونك نرجع ..
حنان : ت تسلم ..
لفوا راجعين .. ما سمعوا الا صراخ الشباب عند المخيم .. ارتعبوا مو عارفين اش فيهم فراحوا ركض .....
حنان يدها ع صدرها من الرعبه ....: ولييييييد اشوف نار ...
وليد : وش صار ؟؟؟
حنان : الخيمه شبت فيها النار !؟
وليد بخوف : عسئ محد داخل ؟!
و هم يركضون .. حنان تذكرت .. بعد ما قامت مع وليد فيصل دخل جوا الخيمه .. شهقت بأعلى صوت و امتلى عيونها دمع ........
حنان : فييييييييييييييييييييصل !
وليد افجعته : وش فيييييييه !؟
حنان تتلعثم بالحكي : ف ف يصل .. ( ثم تشاهق ) .. هو .. هو .. فيـ .. فيـ ..
وليد وقف و وقفها معه و هزها مع كتوفها : تكللللللللم !
حنان انفجرت بكي : فيصل داخل ..
وليد : طيب اهدا لا تبكي يمكن ما صار له شي خلنا نروح نشوف ..
حنان قامت ترجف خوف و صرخت و تبكي : شووووووف النااار .. الخيمه كلها احترقت ..
وليد : طيب خلنا نروح نتأكد امش ..
حنان تشاهق : و اذا .. و اذا .. و اذا صار له شي !؟
وليد : ما رح نعرف الا اذا رحنا .. لا تفكر بالاسوء و يا الله خلنا نروح ..
حنان واقفه تناظر الخيمه من بعيد و مصدومه و تبكي : .................
وليد مسك يدها و سحبها معه و راحوا ..........
لما وصلوا انهارت حنان ع الارض تبكي و تصرخ باسم فيصل .. تعرفون الخيام بسرعه تحترق في لحظه و كان مضاف لها بنزين بعد .. على طول جا في بالها ان النار احرقته رماد .. الكل كان يناظرهاا ..
نواف ~ آه يا بنت كل هذا عشق و حب !
وليد نزل لمستواهاا : اهدااا .. اهدااا و تعوذ من ابليس ...>> قعد يحاول يهدي فيها ..
حنان تناظر وليد و عيونها مغرقه بالدمع : ويييييييينه ؟! وينه ؟! هاااتوه ..
نرجع بالزمن الى ورى شوي قبل دقايق و قبل الحادثة ... دخل فيصل للخيمة بعد ما راحت حنان مع وليد ... تمدد على فراشه ثم تنهد تنهيييييييييييده طويله .. حاول ينام جافاه النوم .. ثم مسك جواله يتسلى عليه شوي ...
من جه ثانيه .. ورى الخيمه عند هتان و مشاري ....
مشاري : هاااه متى نشب ؟!
هتان تنهد بضيق : خلني اناظر خلي لآخر مره ..>> كان فيه فتحه مربعه (دريشة الخيمه) يقدرون يشوفون منها الناس اللي داخل الخيمه ..
مشاري : ينعن ابو الماني بقايل ...
هتان : وجع يوجعك اووص خلني براحتي ...
مشاري : اخلص علي بس ...
رن جوال مشاري و النغمه كانت صاخبه و صوتها عالي .. فجعت فيصل و قعد بدال ماهو منسدح ...
هتان : يا جعلك الموت فضحتنا الله لا يوفقك ! ..
مشاري ارتبك و قفل الجوال : نسيييييت أصمته ..
هتان رجع يناظر بالشباك شاف فيصل قام : شب الناااار بسرررعه ياا الثوور ..
مشاري رمى الكبريته .....
هتان : بسسسرعه حط النحشه ....
مشاري رفع ثوبه لفمه : يااا الله اناا وراااااك ..
و انحاااااااشوا بسلااااااااااام ...
نجي عند فيصل داخل الخيمه اول ما سمع رنة الجوال فز من مكانه و تراجع لوسط الخيمه .......
فيصل ~ بسم الله من وين جا ذا الصوت .. ههه اكيد ماني قاعد اتخيل بسبب قصة الرعب حقت نوافوه ...!
لف على ورى انتبه بالنار ...
فيصل شهق ~ هئئئئئئئئئئئئ من وين ذي النار ؟ اشوا اني قمت من مكاني و لا كان أكلتني النار .. كنت اللحين رماد !
لف على المدخل يبي يطلع منه لقى ان النار حوطت المكان و ما يسمع الا صراخ الشباب برى .. و هم يقولون حرييييييييق !
و سمع صوت واحد يقول : فييييييييييصل جوا الخيمه لااازم يطلع ...
أماا فيصل ما كان مستوعب الوضع و قاعد يفكر كيف رح يطلع اللحين ..وقف قدام مدخل الخيمه و النار حوالينه منصدم مو عارف حتى يفكر .. قاعد يشوف شريط حياته قدامه .... حتى استسلم و قعد ع الارض رجوله ما عاد حملته .....
نفس الصوت اللي قال لازم فيصل يطلع صار يناديه .......
***** : فييييييييييييصل .. رد علي فيييييييصل ..
بالنسبة لفيصل من شدة ربكة الموقف ما عرف يميز هذا صوت مين لكن هذا الصوت رجعه للواقع و انتشله من تفكير نهاية حياته .. ثم رد ...
فيصل : هلااااااا ..
***** : اسمعني افصخ جاكيتك و ارميه على النار و بسرعه قبل لا يحترق مر من عليه و عطني يدك انا بسحبك ..
فيصل بدون تفكير نفذ كلامه .. و قدر انه يسحبه من نص الحريق .. و طلع منهاا فيصل .. صحيح رجوله احترقت لكن مو ذاك الحرق صارت حمرا مع ذلك يحتاج لعلاج سريع .. و كذلك ايدينه جاهاا شوية حروق > كلها ما تأثر لان كلها على الجلد ما وصلت للحم او العظم لازم يعالجها عشان ما تصير ندبات > كيف بالله قلبت اخصائية جلدية و حروق ^_^ ..
المهم الشباب اخذوا فيصل لوحده من السيارات و قعدوه فيها و عطوه ماي بارد يرشه ع الحروق لان ما كان عندهم ثلج ... و قعد ماجد مع فيصل يساعده ..
نرجع للوقت الحاضر .. و لا زالت حنان منهاره و هي تناظر الخيمه طبعا باقي الشباب طلعوا طفايات حريق سياراتهم و اطفوا الحريق قدروا يسيطروا عليه .. بعد ما خلصوا .......
عبدالرحمن : وراك يا بعد كل هلي تبكي ؟! > يقصد حنان ..
حنان : فيصل ..
خالد : هههه هدي نفسك فيصل بخير ..
حنان مسحت دموعها بكمها : وييييينه ...؟
خالد : تعااال معي ..
مسكها مع ذراعها و قومها من ع الارض كانت مره منهاره ... و اخذها لمكان فيصل .....
وليد حاط ايدينه على خصره ملوي فمه و يناظر حنان بقهر ....
نواف ~ حسااافهه ليته ماااات ! .. استغفر الله وش قاعد اقول .. كل هذا حب ؟!
اما طلال همس لـ فهد .....
طلال : شفته كيف يبكي .. بالله هذا رجال ؟!
فهد : هههههههه ..
مهند : وش تتهامسون فيه ؟
طلال : وش يضحكك ؟
مهند : وش قايل له يا طلال خلاه يضحك بعد ذي المصيبه ..
طلال : ما قلت شي يضحك !
فهد : خلوناا نرجع بس ما عاد فييه قعدة بر ..
مهند : اكيد لان ما عاد فييه خيمه ..
فهد : ابرجع معكم اخوي شكله ما بيمشي الا مع اخوياه ..
طلال : يالله قداااااام ..
عند حنان فتحت باب السيارة اللي قاعد فيها فيصل و صرخت ...
حنان : فييييييييييييصل ..
فيصل كان منسدح ورى و ماجد قدام .. قعد شاف وجه حنان كله دموع ...
حنان دموعها تنزل لا اراديا : انت بخير ؟!
فيصل قرب منها و مسح دموعها باطراف اناملها : بخيييييير ي الغاااالي بخير ... بس لا تبكي دموعك غاليه ..
حنان تضحك بهستره : ههه هه ما ابكي اناا ..
فيصل : تعال اقعد جنبي ...
حنان دخلت بالسيارة جنبه : وش صار ؟
فيصل : قبل احكي لك وش صار .. واضح انك ميت رعبه علي ...
ماجد قاطعهم : شباااب انا بروح اشوف وش صار ع الخيمه بما ان حمد عندك بروح و انا متطمن ... ( عطاها غرشة مويه بارده ) .. خذ هذي و رش على الحروق اللي بيده ...
حنان خافت : وريني يدك ..
فيصل : لااا تخاف هينه ..
ماجد راح طبعا ....
حنان : بس ايدينك اللي احترقت صح ؟
فيصل ابتسم : و قلبي احترق بعد ..
حنان عصبت : فييييييييصل قسم بالله مت خوف و الى اللحين ارجف و انت تقول ذا الحكي ..
فيصل مسك يدها : يا حبيبتي ..
حنان : خـ خلني ابرد الحروق ..
فيصل قرب لاذنها و همس : ما ودك تضميني ؟!
حنان دفته : ارتااااااح ..
فيصل : كنت رح اموت ترى ..
حنان : بسم الله عليك ..
فيصل : طيب ضميني ضمة مفارق لحبيبه ..
حنان : فيصل عن الهذره الزايده ..
فيصل ابتسم : لا تنكري والله انك تحبيني و ما تقدري تعيشي بدوني ..
حنان : انت ما تعرف تسكت .. !؟
سكتوا اثنينهم .. كل واحد يناظر عيون الثاني .. كانت لحظة صمت غريبه ... بعدين .....
حنان تكسر الصمت : يا الله حكي لي وش اللي صار ؟
فيصل لف وجهه بضيق : كل شي صار بسرعه ماني فاهم ايش اللي صار بالضبط ..
حنان : الحمد لله انك بخير مو مهم اهم شي محد تأذى ..
فيصل : ههههه ماني بخير .. آآح اتألم ..
حنان بخوف : وييييين ؟!
فيصل : رجولي و ايديني ..
حنان : لازم تروح المستشفى .. اصبر بنادي وليد يودينا ..
فيصل بيتكلم ما عطته فرصه نزلت بسرعه تقول لوليد .......
اصلا بعد اللي صار ما عاد لهم قعده الكل رجع لبيته .. و بما ان ماجد اصلا جا مع وليد فرجع بسيارة وليد و حنان و فيصل قاعدين ورى .. متوجهين للمستشفى ...
اخذ علاجه و عطوه مراهم حرووق و قال له لا يطلع بالشمس و من ذا الكلام ثم رجعوا للشقه .. و وليد راح يوصل ماجد ...
عند هتان و مشاري ... ابتعدوا ابعد ما يمكن رجعوا للحاره .. حاليا واقفين جنب مدرستهم بالسيارة ....
هتان بقلق : تتوقع مات ؟!
مشاري : محد بيطلع بخير من ذيك الخيمه انت شفتها يومها تحترق ..
هتان : يعني ماااات ؟!
مشاري : مو هذا اللي انت تبيه ؟!
هتان : أي بس ... اللحين اللي سويناه صح !؟
مشاري عصب : تستهبل على مخي انت .. بدري عليك حبيبي توك جاي تسأل اذا اللي سويناه صح و لا !
هتان : خلااااص انطم ..
مشاري ~ واضح عليه قلقان .. اذا ما يبيه يموت ليش يسوي كذا .. هالولد تجنن ع الاخير ..
هتان : اقوول وش رايك تدق تشوف ..؟
مشاري : وش اشوف انت .. انهبلت ؟! .. تبينا ننفضح و يدرون ان احنا ورى الحريق ؟
هتان : يااخي ماني مرتاح ودي اتأكد ا ذا هو مات و لا لا !
مشاري : اذا تبي تتأكد دق على فيصل بنفسك ..
هتان سكت يفكر ......
مشاري : هيييه ياا ابو ما ودك ارجعك البيت قرب الصبح يطلع ..؟!
هتان : لااا خلنا هنا شوي .. بس شوي ..
مشاري : اوووكيه وش ورانا ..
هتان يده ع خده و وجهه للشباك يفكر بعمق .. >> يحس انه ندمان مو قادر يتخيل عدم وجود فيصل ... بس بعد وشو !
أما مشاري مسك جواله يكلم خويه يزيد بالبي بي > تذكرتوه ..!
مشاري : " هاا بشر وصلت الرياض ؟ "
يزيد : " ايييه وصلت "
مشاري : " الحمد لله على السلامه "
يزيد : " الله يسلمك "
مشاري : " والله حسافه كنا مخططين نروح البر و نمسك البنت لكن ما الله كتب يا انها محظوظه -فيس زعلان- "
يزيد : " هههههه خيرهاا بغيرهاا و انا اخوك .. وش اسوي الاهل بغوني ارجع للرياض بسرعه صارت مشاكل الله وكيلك .. بس لاني جيت الشرقيه "
مشاري : " ما اقول غير الله يعينك .. و البنت وش اسوي معها ؟ .. اعلم هتان و لا ؟ "
يزيد : " لا لا .. لا تعلمه ماله داعي .. خلك طبيعي اللحين .. اذا خلصت البلاوي اللي عندي ابجيك بنفسي للشرقيه و نتكتك و نمخمخ على كيف كيفك "
مشاري : " و انت قدها يا الذيب .. بستناك ما عندك مشكله "
يزيد : " اسلم يا الذيب .. و الله ما غير نتأكد انها بنت و نوريها صبرك "
مشاري : " هههه انا عن نفسي متأكد 80% انت اللي شاك "
يزيد : " أي ما تدري يمكن يطلع ولد خكري و نلقط وجيهنا بعدين هههه "
مشاري : " -فيس يضحك- أي والله ليش لأ يمكن "
يزيد : " كذا و لا كذا رح نتأكد .. خلك صبور "
مشاري : " اييه ان شاء الله "
يزيد : " ....................................."
ثم قعد مع هتان شوي بالسيارة الى ان روق الاخ هتان .. بعدين كل واحد رجع لبيته ...
نجي للشقه ...
حنان : ارتاح انت و نام .. ان شاء الله على بكره تكون جروحك أخف ..
فيصل : تعالي نامي جنبي !
حنان : شوووف قلنا انك محترق و مجروح و تحتاج احد يهتم فيك .. بس انك تزودها بالكلام معي ما أقبل .. فـ احترم نفسك و خل الامور بيننا زينه ...
فيصل : اووووووف وش ذي الجديه ..ههههه طيب خلاااص آسفين ..
حنان : ايييه خلك كذا .. ( تتثاوب ) يااا الله اش قد تعبت اليوم .. حيييييل هلكانه بحط راسي و انام .. و اذا احتجتني ناديني ...
فيصل : و بتردين علي ؟!
حنان : اكيييد .. ( سكتت شوي تفكر عارفه نفسها اذا غطت في النوم خلاااص ) ان شاء الله اني برد ...
فيصل : ههههههه دامك هلكانه ما اظن تردين .. خلاااص ناامي ما رح احتاج شي ..
ما امدى حطت راسهاا إلا و غطت بالنووووم ...
فيصل : حنااان على طول نمتي ؟!
حنان : .................لارد
فيصل : ياااا بنت انا احتاجك اصحي ..
حنان : > صوت شخير ~_~ ..........
فيصل : هذي اللي بترد علي اذا احتجت ! .. مو مشكله ...
سكت يفكر بكل اللي صار ما جاااه نوم .. قاعد يفكر صوت الجواال اللي سمعه جوال مين ؟! .. كان واثق انه مو جوال احد بالشله لان النغمه كانت اغنيه .. و يفكر .. ممكن يكون الحريق فعل فاعل ؟! .. بعدين لف وجهه على حنان .......
فيصل : حنووووووو !
حنان : ............... > طبعا في سابع نومه ..
فيصل : بعترف لك بشي .. انتي تسمعيني ؟..
حنان > صدق كانت نايمه و لا تسمع أي شي ...
فيصل : انا .. انا .. انا صدق ما اقدر اطلقك زي ما اتفقنا .. انتي الشي الوحيد الباقي لي .. خسرت هيثم بس ماني مستعد اخسرك انتي بعد .. مقدر اتخيل اني اكون غريب عنك .. او اشوفك مع احد ثاني .. احتمال اذبح نفسي .. مهما تقولين و مهما تسوين انا احـــــــــبــــــــــك >3 ...
حنان تقلبت و هي نايمه .. انفجع فيصل على باله انها صاحيه و سمعته .. > طلعت الاخت نايمه ...
فيصل : ههه لو سمعتي كلامي هذا اتوقع بتعصبين علي .. و بتهاوشين و بتزعلين مني .. يا كثر ما زعلتي مني .. بس الشي الحلو انك ما تقدري تطولي بزعلك و تجيني و تراضيني .. و ما تبيني احبك ! .. و ان كان احساسي يقول لي انك بعد تحبيني متأكد رح تحبيني ..
ناااام و هو يتكلم عن مشاعره .. غط هو الثاني بالنووم بعد ما قال كل اللي بقلبه ....
وليد بعد ما وصل ماجد رجع الشقه راح غرفته ع طول .. و دق على الشرطه و طلب تحقيق في حادثة حريق الخيمه و بينتظر نتائج التحقيق ... وليد شاك ان الموضوع مفتعل ...
صباح اليوم التالي 3 ايام عيد الاضحى .. كاان فيه امور مخطط انها تصير في هاليوم ... نبدأ من بيت اهل اصايل بالتحديد في شركة ابوها .. والد معاذ و رائد جاب ورقة طلاق منار .. كانوا متفقين على مقايضه رجعوا بنتي ارجع لك الاوراق اللي تدينك و انسوا زواج اصايل من رائد .. و هذا اللي حصل ابو معاذ ما يبي مشاكل و رجع بنتهم لهم بعد ما طلقها معاذ و ألغوا زواج اصايل و رائد ....
أماا في بيت اهل اصايل الصباح الساعه 8 الصباح اندق بابهم ... الكل كان نايم بذا الوقت .. فتحت الخدامه الباب ...
الخدامه : اهليييييين ماما منار ..
منار : هـ هلااا .. ( شالت الشيله من ع وجهها ثم دخلت ما امداها تخطو خطوتين الا و طاحت من طولهاا ) ..
الخدامه صرخت : ماااااااااااااماااااااا مداااااااام ألحقي ...
جت الخدامه الثانيه تشوف اش السالفه قالت لها الاولى بسرعه نادي ماما كبير .. نزلت ام منار تركض و يدها ع قلبهاا ... الكل سمع الازعاج و الكل صحا ثم نزلوا ركض على تحت ( الكل صحا عدا فهد في سابع نومه ) ... من حظهم ان خالد بالبيت ما يدرون انه رجع بنص الليل من التخييم .. اخذهاا على طول للمستشفى .. طبعا بعد ما صارت مناحه عند الباب و الفلم المعروف :) .... و الكل راح مع منار ...
في المستشفى ...........
ام خالد تبكي : بنتي غابت عني و في الاخير ترجع لي كذا ..
جود على يمينها و اصايل على يسارهاا .. يطبطبون عليها و يهدونهاا ...
خالد : يمه اهدي انا لازم اعرف وش صار ؟ منار مو كانت مسافره مع زوجها برى البلد ؟! متى رجعت ؟
اصايل بغيظ : هي ما سافرت اصلا .. هذي كذبه ..
خالد مصدوم و مستغرب : كيييف يعني ؟
اصايل : تبي تعرف اش صااار !؟
خالد عقد حجاجه : انتي شكلك تعرفين كل شي !!
ام خالد : ياا عيااالي مو وقتكم خلوناا نشوف منار وش صار عليها ..
اصايل ~ اوريك يااا معاذ الكلب مو انت تسوي في اختي كذا ..
ام خالد : انا بروح اكلم ابوكم لاااازم يدري ...
خالد : بس لا تخوفينه يا يمه ..
ام خالد : بقوله على اللي صار .. لازم يجي المستشفى ...
راحت طبعا تكلم ابو خالد و حكت له على كل اللي صار .. اكيد عصب و قال نص ساعه بالكثير و يجيهم المستشفى ...
نرجع للمستشفى الكل كان متسند ع الجدار و على اعصابه .. ينتظرون أي دكتور او ممرضه يطمنهم على حالة منار .. جود صحيح راحت معهم للمستشفى بس ما كانت فاهمه شي ابد ...
جود : اصايل اختي منار اش فيهاا بالضبط ..؟
اصايل بضيق : بعدين يا جود بعدين ..
طلع الدكتور بعد ما فحصهااا ركضوا له ....
ام خالد : طمنا يا دكتووور !
الدكتور : انتي امها ؟؟
ام خالد : اييه امهااا تكفى قل لي اش فيها بنيتي !
الدكتور : بنتك تعرضت لعنف جسدي شديد .. و هذا الشي ما ينسكت عنه انا اللحين رايح افتح محضر تحقيق لازم ابلغ عن الحاله لان هذا عملنا ..
ام خالد : سوي اللي بتسويه اهم شي بنتي تكون بخير ..
اصايل : دكتور نقدر نشوفها ؟
الدكتور : حاليا هي نايمه بسبب المهدئات اللي عطيناهاا اياها .. اذا حابين تقدرون تقعدون معها الى ان تصحى لكن بدون ازعاج ..
ام خالد : ان شاء الله .. ان شاء الله ..
جود كانت قاعده بالزاويه تنتظر الاخبار تجي لعندها تحس انها ماهي قادره تستوعب اللي حصل لاختهااا .. راحت لها اصايل ..
اصايل : لا تخافين منار ان شاء الله بخير و الدكتور طمنا .. يا الله خلينا نقعد جنبها الى ان تصحى ..
جود : اوك يا الله ..
خالد : انا بروح اشتري لكم شي تشربونه .. على بال ما تصحى منار .. اش رايك يا اصايل تجين معي ؟
اصايل فهمت انه يبغا يسألها اش حصل لمنار .. ما كانت حابه تعلمه بأي شي ..: لااا حاابه اقعد مقابل منار ...
ثم مشت عنه و راحتت لغرفة اختهاا منار .........
خالد ~ حاس انه في مصيبه قاعده تصير و انا ماني داري عن شي !
في الشركه .. بعد مكالمة ام خالد على طول .. ابو خالد عصب و على طول مسك الجوال و كلم ابو معاذ و هزأه تهزيء في الاخير قال انه بيرفع عليه دعوة عنف اسري و يجرجره في المحاكم ... ثم قفل الخط بوجه .. ابو معاذ وقتها كان في بيتهم ... > شوفوا اش سوى ...
ابو معاذ بصراخ : ياااااا ام معااااااااااااذ ..
ام معاذ بخوف : آمر يا ابو معاذ !
ابو معاذ : نادي لي ولدتس التسلب لا بارك الله فيه و لا في ام-ن- جابته ..
ام معاذ : ان شاء الله اللحين اناديه بس انت اهدا ..
ابو معاذ : بسسسسسسرعه انقلعي ..
و جااااا معاااذ .. كان خايف موت من ابوه ...
ابو معاذ قرب منه و عطاه كف و طقه طق : آه ياا الحيوااان .. آه ياا النذل .. اناا ابو خالد التسلب يجرجرني بالمحاكم بقضية عنف اسري عشان عديمة الشرف زوجتك !
معاذ : يبااا الله يخليك لا تضرب خلااااص انت آمرني و انا بسوي اللي تقوله ..
ابو معاذ : انت لو فيك خير ما سويت سواتك هذي في ذا الوقت .. الله لا يوفقك لا انت و لا هي و لا اهلهاا .. ( هدا شوي ) .. لكن تبي الصراحه زين اللي سويته في بنتهم بنت الـ ...... خلهاا تستاهل .. لكن شوف ( رفع اصبع السبابه ) قسم بالله لو يدخلوني المحاكم لا اوريك شي ما عمرك شفته ..
معاذ : لااا خلااااص يااا ابوي انا بتصرف .. صدقني ما رح يرفعون أي دعوى ..
ابو معاذ : احسن لك ما يرفعون ... اخر شي ممكن اسمح انه يصير ان سمعة عايلتنا تصير بالتراب فااااااهم !؟
ابو معاذ : اييييه فهمت ..
ابو معاذ : ياا الله انقلع من قدامي ..
ابو معاذ : ان شاء الله على امرك ..
نرجع لشقة حنان و فيصل و وليد ..... س 10 صباحا .. صحت حنان على صوت المنبه .....
حنان تتمغط ~ كويس اني قمت .. لازم اعطي فيصل المرهم و لا هو ناايم و لا همه ....> عدلت المنبه على موعد علاج فيصل .....
قبل لا تصحي فيصل راحت اخذت شاور و لبست تي شيرت ثقيل و جينز رصاصي واسع بشكل عام حلو .. ثم .......
حنان : فيييييصل يا الله قوم وقت العلاج ...
فيصل صحى بعد عدة محاولات : ابي انااااام دااااااايخ خليني ..
حنان : طيب عطني يدك ابحط المرهم و انت منسدح حتى لا تقوم ..
مد ذراعه لها .. و ذراعه الثانيه حطهاا على عيونه ...
حنان تناظره : اذا ألمتك قووول ..
و صارت تدهن ذراعه .......
فيصل : حنان ....
حنان : همممممم..
فيصل : انتي تشوفي اني تشوهت ؟
حنان : لأ .. الحروق اللي عندك بسيطه لا تشغل بالك ..
فيصل : انتي تقولي كذا عشان ما ازعل ؟! .. ما شفتي سيقاني !
حنان : لأ انا اقولك الحقيقه .. و الدكتور بنفسه قال ان الآثار رح تروح مع الوقت ...
فيصل : اذا خلصتي ابي انام ..
حنان تناظره باستغراب : ما عجبك كلامي ؟!
فيصل : ما قلت شي انا ..
حنان : طيب ناظرني و انت تكلمني ..
فيصل : تكفين مالي خلق اذا خلصتي قفلي النور و اطلعي ..
حنان مصدومه من كلامه لكن ما حبت تطول السالفه .....: طيب .. ابشر ..
وسوت اللي قال لها .. قفلت النور و طلعت من الغرفه و علامات الاستغراب مرسومه على وجههاا .. بعد ما راحت ........
فيصل ~ اووووف انا ليش كلمتها كذا ..؟! لا حول و لا قوة الا بالله .. للحظه حسيت انها تكرهني .. وش قاعد يصير معي !؟ ما عدت افهم نفسي ... يا الله انام اللحين و الى صحيت راضيتها .. عاد هي زعوله ... ( تنهد ثم نام ) ...
طلعت للصاله .. و هي تفكر بكلااام فيصل و متضايقه منه .. قعدت على اقرب كنبه و مبين زعلانه > الاخت حساسه .. قعدت و ما انتبهت على وجوده .....
وليد : وش فيه الحلو قعد و لا سلم !؟
حنان لفت باحراج : آه هلاااا صباح الخير ..
وليد : صبااح الورد يا ورد .. وراك شارد !؟ اللي ماخذن عقلك يتهنا به !
حنان : ههه لا و لا شي ( بصوت شبه مسموع ) محدن اخذ عقلي غيـ .. ( صرفت الموضوع ) بس انت غريب صاحي ؟!
وليد : اييه لان عندي شغل مستعجل .. و بعد شوي طالع .. >> طبعا كان قاعد على اللاب ..
حنان : وييييين ؟
وليد : عمي دق علي يبيني امره الشركه ضروري ..
حنان : اهااا ..
وليد : احتمال ارجع معه البيت و اتغدا عندهم يعني رح اتأخر ..
حنان عفست وجهها ~ اكيد رح يشوف الغثه ريهاام ..
وليد : اش فيك تضايقت ؟
حنان : لاااا ليش اتضايق ؟
وليد ابتسم : لااا تخاف رح اسلم لك على حبيبتك ريهاام ..
حنان لفت وجهاا و تمتمت : ويييييييع يا كرهي لا سمعت طاريهاا لااا و بيسلم لي عليها بعد .. يكفي انها غاثتني بمسجاتها في البي بي ..
وليد : قلت شي ؟؟!
حنان : سلااامتك ..
وليد : طيب كيفه فيصل اليوم ؟
حنان تنهدت بقوه : الحمد لله احسن ..
وليد : و ليه هالتنهيده ؟.. صار بينكم شي ..؟
حنان ابتسمت غصب : هه لاااا مافي إلا كل خير ..
وليد يناظر ساعة يده : ياالله انا لازم اطلع .. توصي شي قبل لا اروح ..
حنان : تروح و ترجع بالسلامه ..
وليد : الله يسلمك ..
قبل لا يطلع قرب منهاا .. هي بسرعه نزلت راسهاا للأرض من الاحراج و الحيا .. حط يده ع شعرهاا ..
وليد : يااا الحب لا تزعل ترى واضح انك زعلان و الزعل ما يليق ع الوجيه الحلوه ..
حنان ~ تكفى ابعد و شيل يدك اخاف لا تسمع دقات قلبي .. قلبيي يوجعني لا قرب توجعني سرعة دقاته .. تكفى ابعد اخاف لا انفضح .. و يبان حبي لك .. تكفى ابعد لاني بديت ارجف ....
وليد ابتسم الابتسامه اللي تخق عليها حنان : يا الله حبيبي اشوفك على خير ..
حنان ذابت ع الآخير ~ حبيييييييييييييييبي ! .. آه يااا زين الكلمه على لسانك انا خلاااااص مقدر..
راح و تركها هيمانه فيه و في ضحكته ......
في جهه ثانيه مقابل العماره اللي فيهاا شقتهم ... كان واقف بسيارته ينتظر أي شي ممكن يدل على ان فيصل بخير .... و غير كذا كان واقف من اول ما طلعت الشمس و اصلا ما نام !
هتان ~ هذا خويهم طلع من العماره اروح اسأله عن فيصل و لا ؟! .. لا لا ذاك اليوم صفقناه في المجمع ما ابي اتمشكل معه اللحين ..
و تردد يوم شاف وليد بعدين قرر ما يروح له .. و ظل ينتظر و مو عارف ايش يسوي و كيف يتأكد و النوم ما نام و باله و تفكيره مشغول ...
المهم بعد ما مشى وليد .. فكر يروح شقتهم و يشوف اذا فيصل موجود ...و وسوااااها .. صعد للشقه ع طول > طبعا يدلها لان جاها من قبل ... رن الجرس و وقف بعيد عن الباب عشان ما يشوفونه و يفتحون الباب ..
المهم كانت حنان قاعده بالصاله ع الجوال استغربت من هذا ؟! .. توقعت انه وليد نسى شي ... راحت تشوف من منظرة الباب ما شافت احد .. و فتحت ...
حنان : ميييييييــــ ........... ( ما امداها تكمل الا و دخل بالغصب كانت بتصرخ بسرعه غط ع فمهاا و لف يدهاا على ورى )
هتان : اووووووووووووص لا تصرخ و لا بذبحك ..
حنان خافت .. ما توقعت انه هتان .. تندمت ليش انها فتحت الباب .. من عذرهاا على بالهاا وليد ذابت في الولد ...
هتان : اسمع بشيل يدي عنك و انتبه تصارخ .. انا ما ابي شي منك ابي بس اشوف فيصل .. هو وينه ؟؟؟
حنان تتنفس بسرعه من الرعبه : هو .. هـ هناك .. ( تأشر على غرفته ) ..
هتان تركهاا بسرعه و راح ركض للغرفه .. حنان مستغربه و مصدومه وش الساااااااااالفه !؟؟؟؟
هتان فتح النور بيتأكد صدق فيصل موجود ؟؟! و شافه و هو في سابع نومه و وحده من ايدينه مضمده .. نزل راسه للارض و قال بهمس ...
هتان : آسف والله !
فيصل يتضايق اذا كان النور مفتوح فتكلم و هو مغمض عيونه و وجهه للجدار : قفلووا النور وش فيكم !؟
هتان فز قلبه يوم سمع صوته على طول قفل النور ~ ما لازم يدري اني ورى مصيبته .. و لا يدري اني جيته البيت ..
ثم ناظره لآخر مره و طلع من الغرفه ....
أماا حنان لسا واقفه بمكانها و مو بفاهمه أي شي ! .. الى ان جا هتان ...
هتان : ياا هيييه ياا انت ...
حنان بخوف : نـ نعم !
هتان : شف ان علمت فيصل و لا أي احد اني جيت هنا بتروح عليك .. فاااهم يا روح امك !؟ انت عارفني و تعرف اش انا اقدر اسوي ..
حنان ~ أي والله انك نذل : خـ خلاص ماني بمعلم احد ...
هتان : ايييه كذااا تعجبني ..
و راح اخيرا و هو مرتاح بعد ما تطمن .. يا ناس هتان صار غامض و مشتت ذهنيا .. مره يبيه يموت و اللحين بغا هو يموت لو فيصل مات >> هه شوية تركيز بس !
الظهر في المستشفى .. اخيرااا منار صحت من نومهاا و الكل كان حولهاا ..
ام خالد : بنتي يا حبيبتي .. كيفك اللحين ...؟
منار : يمه انا بخير تطمني ..
جود بوجه حزين : صدق انتي بخير ..؟
منار ابتمست : تعاالي يا حبيبتي جنبي اقعدي .. شوفوني والله بخير .. ( وقعدت جنبهاا )
اصايل : منووور هذا معاذ اللي سوا فيك كذا صح ؟
ام خالد : يا بنتي يا اصايل مو وقته ذا الكلام اللحين خلي اختك ترتاح ..
منار : اييه ابي ارتاح و الحمد لله طلقني و افتكيت منه .. و دام اني برجع اعيش معكم فأنا مرتاحه ... و مسامحه معاذ على كل شي بس لا عاد يوريني وجهه بحياتي ابد ..
خالد بعصبيه : اجل معاذ اللي سوا فيك كذا .. هذا وجهي اذا سكت له ..
منار : لااااا يااا خالد تكفى .. اذا تحبني و تعزني لا تتمشكل معهم الله يخليك ..
خالد هز راسه بمعنى طيب لكن ما يندرى .....
اصايل : بروح اكلم الجوهره و الجوري كثير سألوا عنك و قلقانين عليك ..
منار : اوكي بس لا تخوفينهم ..
راحت اصايل برى ...
منار تناظر الغرفه : وين ابوي ؟؟ ما يبي يشوفني ؟!
ام خالد : لا ياا حبيبتي ابوك كان هنا قبل شوي .. بس طلع مع المحامي بيرفعون دعوى على زوجك ...
منار : ليه يا يمه انا ما ابي مشاكل الله يخليكم ...
ام خالد : ابوك كان معصب مستحيل يسكت عنهم ... انتي اتركي هالموضوع عليه و ارتاحي طيب يا حبيبتي ؟
منار تنهدت بتعب : طيب ..
خالد : تبين تشربين شي يا منار ؟
منار : لااا مشكوور يا اخوي ..
خالد : العفو .. يمه اش تبين اجيب لك ..؟
ام خالد : جيب أي شي حار يا ولدي ..
جود : اناا ماا ابي شي ..
خالد : طيب ابشروا اللحين اروح ... >>> راح
منار : وين فهد ؟ ليه ما جا معكم ؟
ام خالد ضربت يده ع خدهاا : يوووووه نسينااا اخوووك فهد .. أخبر اان كان عنده طلعه للبر مع خالد امس .. و قالوا بيقعدون 3 ايام ..
جود : ايييه غريييب خالد موجود ..
ام خالد : الى جا خالد بنسأله وش السالفه ...
راح خالد و هو بالممر شاف اخته كلمت و خلصت و راجعه لاختهاا استوقفهاا ...
خالد : اصاايل .. ااذا تعرفين وش صار تكفين علميني ..
اصايل : ههه امور واااجد صارت انت ما تدري عنهاا .. خلك برى الموضوع ..
خالد : وش تقولين ياا اصايل .. انتي تدرين و انا مدري عن شي .. لأول مره احس اني ماني برجال .. ما قدرت احمي اختي .. حسي فيني ..
اصايل : ياا اخوي فيهه اشياء حتى لو دريت عنهاا ما بيدك شي تسويه .. خلهاا على ربك ..
خالد : بس لازم اعرف ..
اصايل : بروح اشوف اختي اللحين ..
خالد : ..........................
في الشقه بعد الرعبه اللي جتهاا من هتان .. راحت للمطبخ تسوي غدا .. بما ان وليد مو بموجود بتطلع مهاراتها الانثويه شوي .. و سوت كل شي و جهزت الطاوله باقي بس تصحي فيصل يصلي الظهر و يجي يتغدا .. لكن ......
حنان ~ حسيت انه زعلان مني و كلمني بأسلوب مدري وش يبي .. يا الله لا اسوي فيهاا زعوله انا بعد .. خلاااص اكيد هو تعبان .. خل اصحيه بس و انسى اللي صار ..
صحته و قام اخذ شاور سريع و لبس ثم صلى الظهر .. و هي تستناه على الطاوله ..
حنان بضيق ~ ما كني استعجلت بالتحضير .. الاكل برد ! .. ما توقعت فيصل بيتأخر كذا .. أي صح عن هتان ابدا ما لازم اقول له .. بس حيرني ذا الهتان ليه جا يشوف فيصل و راح ..؟! يمكن درا ان فيصل مجروح و حب يشوفه و يتطمن .. ايييه يمكن مشاري ذاك اليوم قال لي ان هتان كان صديق فيصل .. يا قهري من فيصل بيذبحني الفضول عن علاقته بهتان و هو مو براضي يعلمني و يعصب لا سألته ! .. يا الله مالي دخل ...
بعد دقايق جاا فيصل ...
فيصل : مع اني ما لي نفس اكل شي .. بس شكلك انتي طابخه !
حنان : اييه انا طبخت .. وليد مو موجود بالبيت ..
فيصل : كووووييس .. خلينا نذوق اكلك ..
حنان : اوك تعاال بسرعه لان الاكل برد و انت تأخرت ..
فيصل قعد ع الطاوله : هممم لذيييذ .. تسلم ايدينك ..
حنان و نظره على صحنها و تلعب فيه بالملعقه ما قاعده تآكل : الله يسلمك ..
فيصل : حنوو لا تزعلين مني على اسلوبي معك ..
حنان تركت الملعقه و ناظرته بابتسامه : لااا ما زعلت و لا طرى ببالي ..
فيصل : اكيييييييييييد !؟
حنان : أكيييدين ..
فيصل ابتسم : انا مبسوط اليوم لانو انا و انتي لحالنا ..
حنان بنظره اللي وش تبي : بديناااااااا !؟
فيصل : ههههههههه ياا فااهمتني ..
حنان : لااا جد لا عاد تكلمني كذا لاني اتضايق .. غير اني خلقه متضايقه اليوم ..
فيصل : وش اللي مضايقك ؟!
حنان : زواج سميه اليوم .. اختي و صديقتي زواجها اليوم و انا ما احضره ..
فيصل : اذا ودك روحي ..
حنان : اكيد ودي بس هي ما ودهاا اني اكون موجوده .. (يده على عيونها ) .. ما اصدق كيف ان علاقتنا انتهت خلاص .. يعني يهون عليها تنسى كل شي كان بيني و بينهاا ؟ ..
فيصل يده ع كتفهاا : يا حبيبتي اللي يبيعك بيعيه .. هذا نظامنا ..
حنان : و ان باعتني مستحيل ابيع اللي كان بينا .. ماني زيهاا .. و لا رح اكرهها .. معذوره انا اخذت حبيبها منها والله عاذرتهاا ..
فيصل تضايق : و هذا شي اللي مزعجني .. اني سبب فراقكم ..
حنان حست الموضوع بيكبر : خلاااص قفل الموضوع .. ( قامت ) بروح اجيب عصير ...
فيصل ~ الله يسامحك يا سميه كانك ظلمتي اعز انسانه عندك .. رح تندمين..
في المستشفى .. عرفوا سالفة المخيم وسبب رجوع خالد بدري .. المشكله ان فهد كان نايم و نومه ثقيل ما يدري عن اللي صار .. فنسوه بالفله .. دقوا عليه ما يرد .. فخلوه اكيد نايم و ما رح يصحى الا الى شبع نوم ... كان الكل حول منار و ابوها جا و كلمته انه لا يرفع دعوى بس اكيد ابوهاا ما رح يسمع كلامهاا ..
وصل فيديو لمنار من زوجها السابق معاذ .. كان مصورهاا صور مخله و هي معه و كاتب لها بمسج " لو رفعتي دعوه علي يا ان الفيديو هذا بينتشر في كل انحاء المملكه .. انتبهي احد يدري اني ارسلته لك و لا بينتشر و فكري بسمعتك .. "
اول ما شافت الفيديو حاولت تتماسك و تمسك نفسها لان اهلها كلهم عندهاا حاولت تمسك دموعها لا تطيح و بالكاد قدرت .. و بعد ما هدت شوي .. كلمت ابوها و ترجته انه ما يرفع الدعوه و قالت له انها ما رح تشتكي على معاذ ابد .. في هالحاله كذا و لا كذا ابوها ما رح يقدر يرفع الدعوه الا اذا المتضرر كان موجود .. فسمع كلامهاا ...
بعد نص ساعه .. وصلت الجوهره و اختها العنود و الجوري و اختها شهد ..
الجوهره جت ركض : منووووووووووور .. حبيبتي منوووووووور انتي بخير ؟!
منار : اش فيك يا جوج لا تخافي ما فيني شي .. انا بخير ..
الجوري : يااا الله اش به وجهك كذا ؟
منار : معليكم اهم شي اني بخير ..
العنود : ههه شكله مكفخهاا !
الجوهره دفتها : يااا بنت اووص ..
شهد : كيفك يا منار ؟
منار : الحمدلله اللحين صرت احسن من شفتكم ..
خالد واقف ع الجدار متسند و نظره ع الجوهره نسى كل شي حوله من شافهاا سرح فيهاا .. كان واضح عليه ههه ...
أماا العنود ميته قهر .. لانها تناظره تبيه ينتبه عليهاا و هو ابد فكره و قلبه و عيونه مع الجوهره .....
ابو خالد : خااالد خلنا نطلع ..
الجوري : اوووه خاالي سوووري ما انتبهنا لك ..
وراحوا يسلمون عليه كلهم ...
ابو خالد : ههههه الشين محد ينتبه له دام الزين موجود ( يقصد بنته منار )
الجوهره : ههههههه لااا يا عمي محد شين ..
ابو خالد : يا الله حنا بنطلع عشان تاخذون راحتكم ..
الجوهره : اووكي ..
اصايل : يممه انتي روحي بعد مع ابوي و ارجعوا البيت .. حنا البنات بنقعد مع منار الى بكره ..
ام خالد : مقدر اخلي منوور لحالها ..
جود : ههههههه يااا يمه كل هذا الجيش اللي هنا و تقولين لحالها !؟
ام خالد : يااا بنت قولي لا اله الا الله ..
جود : هههههههههه ما شاء الله ما شاء الله ..
الجوري : أي والله يا خالتي روحي ارتاحي و حنا نبي نسهر سهرة بنات ..
ام خالد : والله شكله طرده للعجيز ..
اصايل ضمت امها : آفااا يا الغاليه .. يا شيخة الشباب .. نبي راحتك بس ..
ام خالد : هههههه خلااااص ابروح ... انتبهوا على بنتي ...
الكل : في عيوننااااااا ..
بعد العصر بالشقه ... وليد رجع من بيت عمه ... حنان و فيصل قاعدين بالصاله يتابعون فيلم و متحمسين معه ...
وليد : السلام عليكم ..
حنان : عليكم السلام ..
فيصل سفهه .. >> يكرهه خلقه ليش ان حنان تحبه ...
وليد : ما شاء الله وش تشوفون ..؟
حنان : فيلم مدري وش اسمه بس اكشن و مغامرات .. مره رهيييييييب ..
وليد : هههه ابقعد اشوفه معكم ..
حنان : حياااك تفضل ..
فيصل قام : انا تعبت ودي اروح ارتاح شوي ..
حنان : تبي اساعدك بشي ؟
فيصل : لا مشكور تابع الفيلم مع وليد ..
وليد ~ وش فيه ذا احس كنه مو طايقني !؟ ..
حنان : طيب اذا احتجت شي نادني ..
وليد : اسمع قبل لا تروح .. الشباب بيمرونا بعد شوي .. يبون يتطمنون عليك ..
فيصل بدون نفس : يصير خير ..
و بعد ما رااااح .......
وليد رفع حاجب : سلااااماات وش بلاااه ؟!
حنان : معليش لا تزعل منه .. يمكن نفسيته تعبانه من اللي صار له ..
وليد قام و قعد جنب حنان بالضبط : فكه خله يروح ..
حنان انطرمت .. الآدمي اللي تحبه قاعد جنبهاا بالضبط .. حتى انها تلف عليه ما تقدر .. تبي تتحرك تقوم ما تقدر .. صرفت نفسهاا و قامت تناظر التلفزيون .. و كانت ابدا مو مع الفيلم ضاااااعت علومهااا ..
أماا وليد حاسس فيهاا تصير ماهي على بعضها اذا قرب منهاا .. احاطهاا بذراعه و قال ......
وليد : وش رايك في يوم كذا نطلع انا و انت لحالنا .. نتمشى و نتونس ..
ضمت ايدينها تحاول تكون طبيعيه .. بس مهما كان لابد ما يكون في صوتهاا ربكه و توتر ...
حنان : مـ مدري ..
نظره على ملامح وجهها و هي نظرهاا ع التلفزيون .. ودهاا تقوم تبعد عنه بس ماهي قادره ...
وليد : حممممد !
حنان : هـ هااه ..
وليد : ههههههه قول نعم ..
حنان : هه هه نعم ..!
وليد : ليش اذا قربت منك تستحي .. واضح ترى عليك ..
حنان ~ يا ربي ما ققدرت اخفي احراجي و توتري يااا ربي لاااحظ علي وش اقول له اللحين ...
وليد شبك ايده الثانيه بيدهاا : وش فيك !؟
حنان بمووووووووووت لأ مقدر ليه يعاملني كذا .. خايفه انه يدري اني بنت وش قصته معي ... حنااان تشجعي و قومي عنه تشجعي تكفييييييين ! > تقنع نفسها ...
وليد : يااا هوووه وين رحت !؟
حنان سحبت يدهاا و وقفت : بروح اشوف فيصل يمكن محتاج شي ..
وليد مسك يدهاا : بس ما جاوبتني .. ليه تستحي مني ؟
حنان : اناا .. اناا ما استحي .. بس انا كذا .. يعني انت تحسبني مستحي بس لأ ..
وليد سلك له : هههه ايييهه صح يمكن ..
سحبت يدهاا اللي ماسكها وليد و راحت .. على طول اول ما طلعت من الصاله حطت يدهاا ع صدرهاا و مسكت ع قلبها بقوه ..
حنان ~ آآآه ياااا قلبي قلباااااااه .. يقطع ابلسيك وش ناااوي تسوي فيني يا وليد .. آآآح يا صدري ..
أماا وليد كان قاعد بمكانه و يضحك على شكله ...
بعد ساعه .. بدأوا الشله يتوافدون واحد ورى الثاني .. الى ان اكتملواا .. و كلهم جايين عشان يتطمنون على فيصل .. الحاضرين كانوا خالد & سامي & نواف & عبدالرحمن & ماجد > ما نسيت احد صح :) .. و قعدوا سوالف و لعب و ضحك الى وقت العشا ..... كانوا طالبين عشا حنان جتها مكالمه من امهاا و راحت للمطبخ تكلمها عن الازعاج .... و بعد ما خلصت لفت بتطلع ............
حنان : اوووه من متى و انت هنا ؟
نواف مبتسم : توني جيت ..
حنان : قاعد تتجسس علي و لا وشو ؟
نواف : لااا ابد جيت ابشرب مويه ..
حنان عضت شفتها السفليه : يا انك تقهرني باسلوبك ذا ..
نواف قرب منها و همس : لا تعضي شفتك تراك تغريني انتبهي ..
حنان بعدت : احترم نفسك و إلا .....
قطع عليهم ماجد ........
ماجد : ووش فيكم ؟
حنان : و لا شي ... > و طلعت ..
نواف : ههههههههه يا زينه بس ..
ماجد رفع حاجب : وش السالفه .. ؟
نواف : ما فيه سالفه .. امش خلنا نروح ..
جت و قعدت جنب فيصل ...
فيصل : وش فيك كنك متضايق ؟!
حنان : تو كنت اكلم امي .. تقول الزواج مسوينه بقصر و الحفل مره حلو .. بس حسيت بقهر .. المفروض اني اكون جنبهاا ..
فيصل : ما خلصت ذي السيره !؟
حنان : وش اسوي طيب تضايقت غصب عني ..
فيصل : ناظر الاشكال اللي هنا و صدقني بتنسى بلاويك ...
حنان : ههه و انت الصادق ..
فيصل تذكر شي : اقووول .. يوم احترقت الخيمه .. فييه واحد ساعدني من الشباب بس ماني ذاكر من هو اول ما سحبني من الحريق اغمى علي لاني انكتمت من الدخان .. ودي اعرف من هو .. انت تعرف ؟
حنان : لااا والله ما اعرف .. انا يوم وصلت كنت انت بالسيارة ..
فيصل : يمكن يكون ماجد .. او خالد ..
حنان : وليد مستحيل مو هو لانه كان معي .. طيب اسألهم ..
فيصل : لااا ماله داعي خلاااص انسى ...
حنان : المفروض تشكره طيب ..
فيصل : خله وقت ثاني نسأل ..
حنان : ع رااحتك ...
وليد : يااالله ياااا شبااااااااااب العشا وصل ..
و خلاااااص خلص اليوم .. بمشي الاحداث بشكل سريع ...
سميه تزوجت هي و اختها بذا اليوم .. منار باليوم الثاني طلعت من المستشفى و ما كانت حامل ابدا و خلاص ما عاد رفعوا الدعوه و خالد حاول يعرف الموضوع لكن محد عطاه وجه ..
باليوم الثاني العصر في شقة وليد .. بالتحديد في الصاله ...
وليد : صحيح .. اليوم بتقابل ريهام صح ؟
حنان بضيق : اييه ..
وليد : تبي اجي معك ؟
حنان أي عشان يطقطق علي هذا اللي ناقص : لااا إلا انت لا تجي ..
وليد : لييييه ؟
حنان : بس كذا .. ياالله بروح اجهز نفسي ...
فيصل كان بغرفته متمدد على سريره و يقرا الرسايل اللي بجواله ...
حنان : فيصل ابيك توديني اشوف النشبه ريهام اذا فيك حيل ..
فيصل : هههههه اخيرااا ياا حموود بتقابل حبيبتك ! عادي بوديك اكيد فيني حيل ما افوت ...
حنان : اوووووف .. ايييهه تمصخر .. و انا ياالله متحمله ..
فيصل : هههه محد قال لك اكذبي على وليد و قولي له انك تحبيها ..
حنان : ودني و انت ساكت ..
فيصل : طيب اكشخ زين ياا حموود هههههه ..
حنان عطته نظره و راحت تبدل ثيابها ... لبست ثوب و شماغ كشخت ههه .. ثم راحت مع فيصل و السواق ...
وصلت للمطعم المتفق عليه .. فيصل ظل يستناها بالسيارة .. > و كأنه بيظل ذابحه الفضول الا يشوف كيف بتتصرف حنان .. و صار يراقبها من بعيد ...
نجي للمطعم .......
حنان : السلام عليكم ..
ريهام : هلااا والله حبيبي هلا و غلااا ..
حنان ~ حبيبي هاا ؟ اللحين ابفهم مين حب الثاني اول المفروض انا .. و هي ما شاء الله مسرع حبتني !
ريهام : هاا حبيبي اش تحب تشرب ..؟
حنان بصوت غير مسموع : سم هاري ..
ريهام : اييييييييش ؟!
حنان ابتسمت بسرعه : عصير برتقال ..
ريهام ردت الابتسامه : اوووك ..
طلبوا مشروبهم و ظلوا قاعدين و ساكتين و هي اكلت حنان اكل بالنظرات أما حنان متضايقه ودها تمشي ..
ريهام : تصدق ياا حموودي انت مره كيوووت .. و هذا اللي خلاني احبك بسرعه ..
حنان : شكرا ..
ريهام : كلمني عنك .. انا ما اعرف أي شي عنك ..
حنان : مو لازم ..
ريهام : وش فيك كنك مو مبسوط ؟!
حنان : لا ابد بالعكس ..
ريهام : طيب ع الاقل دلعني كلمني بحب .. لا تصير جاف معي مو انت قلت تحبني ..
حنان يااا ربي بختنق يالله تحملي و كلميها بحب انا اللي جبتها لنفسي : أي حبيبتي .. بس ما اعرف اتكلم من ذا الكلام ...
ريهام حطت يدها على يد حنان : ياا حياااتي هذا احلى شي فيك ..
حنان بسرعه سحبت يدها و قامت تصرف سوت نفسها تعدل الشماغ ..
ريهام ابتسمت بفرح : يا حبيبي يا حموود و تستحي بعد .. كل ثانيه احبك اكثر ..
حنان ~ لاعت كبدي ابي اطلع من هناا .....
سوت حركه طلعت جوالهاا و من تحت الطاوله .. فتحت على النغمات و حطت اقرب نغمه > يقال ان جوالها دق .. رفعته على طول ....
حنان : معليش حبيبتي دقيقه بس مكالمه مهمه من الاهل ..
ريهام : خذ راحتك قلبي ..
حنان : الوووو .. هلا يمه .. وش صار ؟ .... ولد خالتي طاح عليكم ؟؟! .... اللحين اجيكم ابكلم فيصل و اجيكم ... يا الله يالله مع السلامه ..
ريهام بقلق : وش في ؟
حنان : لازم اروح ولد خالتي طاح عليهم و ما عندهم رجال بالبيت ..
ريهام : أي أي يا الله روح بسرعه ...
حنان ابتسمت بخفه : اوك مع السلامه ..
و حطت رجولهاا ع النحشششششه > ههههه فله .. طلعت و هي تلتفت وراهاا كل ذا خوف من ريهام .. ركبت بالسيارة .. استغربت فيصل مو موجود .. بعدها بدقايق جا فيصل ......
حنان : وين كنت انت ؟
فيصل : هههههه اراقبك ..
حنان : قمة السخافه .. و عجبك الوضع !؟
فيصل : هههههههههااااي ايييه خاصه لما حطت يدها على يدك ياااخي وش ذي الرومانسيه ..
حنان عصبت : اقوووول ولاااااا كلمه ...
فيصل : هههه طيب ياا حموود .. بس اذا تبي نصايح في الحب انا موجود ..
حنان بنظرة معصبه ....
فيصل : ههه اوووبس خلاااص والله ما عاد اتكلم ...
رجعت للشقه مع فيصل .. و طقطق عليها وليد شوي .. و بس اتهى اليوم بخيره و شره ..
و مرت الايام بشكل طبيعي و انتهت اجازة العيد و لازالت ريهام ناشبه لحمد و ودها تشوفه مره ثانيه و حنان مطنشه ...و فيصل تحسن كثثير و بدت اثار الحروق تختفي شوي شوي..
المهم فتحت المدارس ابوابهاا .. بتكلم عن اول يوم دراسي فقط ...
حنان صحت و تجهزت : ياالله صباااح خير .. بيبدا الكرف اللحين ..
فيصل : يا الله انا صرت بعد جاهز ..
حنان : كيف صارت جروحك .. ؟ يعني تقدر تداوم ؟
فيصل : اييه معليك صرت مرررره كويس ..
حنان : الحمدلله .. بس انتبه تطلع بالشمس هذي وصايا الدكتور ..
فيصل : ابشري يا الله خلينا نروح ..
طلعوا من الغرفه ... كان وليد ع الطاوله يفطر ...
حنان : صباااح الخير ..
وليد : ياا صبااح النور ..
حنان : كنك قاعد بدري ..؟
وليد : أي لان عندي شغل ..
حنان : شغلك ما يخلص ..
وليد : ههه وش نسوي هذي حياة رجال الاعمال .. حيااكم تعالوا افطروا معي ..
حنان قعدت ..
وليد : فيصل اقعد ..
فيصل : لااا شكرا مالي نفس .. حمد بستناك برى ..
بعد ما رااااح ..
وليد : هو علاقتي بفيصل ايام المتوسط كانت حلوه .. بس من لما سكن عندي احسه صاير ما يطيقني ..
حنان : هه هه لااا يتهيء لك .. هذا فيصل و هذا اسلوبه لا تشغل بالك ..
وليد : ياا فديتك ياا حمودي ليت كل الناس مثلك ..
حنان استحت : تسلم ..
فطرت بسرعه و لحقت فيصل اللي كان يستناها برى ..
حنان : تأخرت ..؟
فيصل : يعني .. يالله خلينا نمشي ..
حنان : عاد اليوم نبي نروح سيارة ما فيني حيل امشي .. و انت لا تعاند خلنا بس اليوم نروح مع السواق ..
فيصل تنهد : طيب خلاااص بس اليوم و بشرط يوقف ورى المدرسه ..
حنان : طيب اوووكيه ...
طبعا من اول يوم تأخروا على المدرسه .. وصلوا للصف و الاستاذ رمضان بتاع الرياضيات بالصف ...
فيصل : استاذ ممكن ندخل ؟
أ/رمضان : ايه دا متأخرين من اولها !
فيصل : معليش يا استاذ كان فيه حادث بالطريق ..
واحد من الطلاب : ايييه يا استاذ نفس الحادث اللي شفته انا ..
واحد ثاني : يجي التعزيز ياا ولد ..
فيصل و حنان ناظروا الولد اللي تكلم كان مبتسم لهم .. الاستاذ طنشه متعود على حركاتهم ..
أ/رمضان : ما تسكتوا بئه .. ( ناظر فيصل و حنان ) و انتوا اصلا هو دا عزروكو .. حدخلكوا لانه اول يوم بس .. ما تعيدوهاش تاني ..
فيصل : ان شاء الله استاذ ..
حنان ~ هههه والله و يعرف يصرفنا فيصل ...بس هذا و خويه وش يبون > تقصد الطالب اللي تكلم و اللي رد عليه ...
مشوا و مروا من جنب اللي تكلم ... همس لهم ..
الطالب : ههه حاضرين للحلوين ...
فيصل عطاه نظره ~ لو ما كان الاستاذ موجود كان عرفت اتصرف معه ..
قعدواا و طول الوقت مشاري كانت عينه عليهم ... او بالتحديد عليهاا ...
فيصل بهمس : انتبه من مشاري من قعدنا و هو عينه هنا ..
حنان : اييه لاحظت .. مدري وش يفكر فيه من مصيبه ..
أ/رمضان : ايييه ياا فيصل مش فاهم حاقه ؟
فيصل : لاا يا استاز دا انا فااهم أوي أوي ..
كل الصف ضحكواا .. و الاستاذ كمل شرح متعود ...
انتهت الحصه الاولى ... و بعدهاا قام نفس الطالب اللي قال انه شاف الحادث اسمه موسى .. وراح لشلة فيصل ...
موسى : هاا كيف تعزيزي اليوم !؟
فيصل : من الاخير وش تبي يا موسى ؟
موسى نظره على حنان و مبتسم : و لا شي .. بس حنا بخدمتكم بأي وقت ..
فيصل باستغراب : وش ذي المحبه اللي نزلت عليك فجأه ..!
موسى : هههههه ... > وراح ..
نواف : فيصل انت تعرفه !؟
فيصل : من اول ثانوي و حنا بنفس الصف .. ياماا تهاوش مع هتان ..
عبدالرحمن : غريب وش يبي منكم ؟!
فيصل : ما عنده سالفه ..
عمار : ياااا عياااال اتركوكم من النفسيه موسى ..ابي اناااااااام ..
فيصل : حط راسك على الطاوله و نام محد فكران فيك ..
عمار : و هذا اللي بسويه ..
حنان تناظر هالولد و مشاري اللي كانوا يعطونها نظرات مدري وش تبي !
المهم نجي عند الفسحه .. اول ما دق الجرس هتان طلع ركض لصف فيصل .. متلهف على شوفته ... بس ما يبي يبين ذا الشي ..
فيصل و شلته كانوا قاعدين يتناقشون مين يروح يشتري لهم فطور و يرجع ما يبون يطلعون برى الصف عشان برد ...
حنان بهمس : وصل الغثه !..
فيصل لف شاف هتان : اييييه غثه و بس ..
عمار : المهم مين بيروح اللحين ؟
عند هتان ....
هتان : انااا جييييييت ..
مشاري : هلااا تعاال اقعد جنبي ..
هتان : مدري ليه احس ان فيصل و ولد خالته يتكلمون عني ..
مشاري : بتقعد توسوس اللحين ...
هتان : لااا بس احساس ..
مشاري : منااك يا ابو الاحاسيس .. إلا تعااال بقولك فييه تفجير اليوم بتحضر ؟
هتان : ما ادري والله .. اذا فيصل بيجي ميتين بالميه بحضر ..
مشاري : طيب يا الزعيم منت متفق معه انه يخاويك بالتفحيط ..؟
هتان : اييييهه ..
مشاري : خلاااص غصب عنه يحضر .. و لا هو عارف وش بيصير لولد خالته ..
هتان : يااخي مالي وجه اكلمه و اقوله تعال معي بعد اللي صار..
مشاري : من جدك انت ؟! .. لااا ياا حبيبي تروح و تكلمه و لا تبين ان في شي صار عشان ما يشكون فيناا ..
هتان : كلامك صحيح .. لكن .. ما ادري .. خلها الى نهاية الدوام بقعد افكر اذا بكلمه و لا لا ..
مشاري : اووك زي ما تحب ..
و قعد هتان يناظر شلة فيصل .. و هو يتمنى لو يكون من اصدقاء فيصل زي زمان .. لكن وش فايدة التمني ؟!
نرجع لشلة فيصل ...
عبدالرحمن : خلاااص انا بروح ..
فيصل : لازم واحد ثاني يروح معك .. وش رايك يا نواف ؟ > يبي يفتك من نواف :) ..
نواف توه بيتكلم قطعته ......
حنان : أي والله تكفى روووح معه ... > و هي بعد تبي تفتك منه ههه ..
نواف ابتسم : و من قال تكفى يبشر .. لعيونك بروح ...
عمار يناظره > ما يحب ذي الحركات : اقوووول يا تبن امش و لا يكثر ..
نواف : انت تكلمني انا ؟؟؟!
عمار : و فيهه غيرك .. تراك رجال خلك رجال و اترك سوالف البنات ..
نواف مستغرب : وش قصدك انت ؟!
فيصل : شباااب خلااااص .. يا الله انتم روحوا ..
نواف مشى و هو يتحلطم ~ خير وش يبي ذا ...؟!
عبدالرحمن : هههههههههههه نسف الجبهه ..
نواف : انت اووووص لا اصفقك هنااا ..
عبدالرحمن : هههههههههههه اوووخص يا الشديد ..
نواف : امش امش و عن السماجة ..
نرجع للصف .....
حنان همست : فيييصل شوف هذا اللي اسمه موسى جاب اخوياه و قعدوا ورى ..
فيصل : اييهه شفته .. اصفطه شكله يدور مشاكل ..
حنان تنهدت : ياا ليت لو راجح هنا .. لو كان هنا احس ان محد يقدر يسوي شي لنا ..
عمار : على طاري راجح بيرجعون الاسبوع الجاي ..
حنان : ما شاء الله عليه بكل عطله يسافر .. يا ليت احنا زيه كذا ..
فيصل : هههه السفر تعب وش تبي فيه ..
حنان : ههههههههاااي محد يسلك لنفسه لان ما عمره سافر ..
عمار : عاادي اذا فيصل ما سافر .. حتى انا ما عمري سافرت ..
حنان : يا الله وش نقول .. هذا قدرنا ..
عمار : و انت الصادق ..
حنان : اقووول الفصل صار كئيب .. كل الغثيثين متجمعين هنا .. وش رايكم نطلع ..؟
فيصل : والله كنت افكر نطلع .. بس برد ..
حنان : معليك لابسين حنا خلنا نطلع ..
فيصل : و انت يا كيس النوم بتطلع معنا ولا ؟
عمار : ايييييييييه و الله دايخ نووم بس بطلع ما بقعد لحالي هنا ...
و طلعواا من الصف ....
هتان : شوفه رااااااح ..
مشاري : خله يروح .. و اذا ؟!
هتان : جاي عشانه و هو يروح .. والله اني متندم على اللي سويته فيه .. كل ما اشوف ذراعه اتحسف ..
مشاري : والله ما هقيتك كذا .. ما عمرك تراجعت عن شي سويته ...!
هتان : بس هذا فيصل .. فيصل يا مشاري و انت تعرف وش يكون بالنسبه لي ..
مشاري : ما اقول غير الله يعينك على ما بلاك .. ما ودك بعد نلحقه ؟
هتان : لااا ماني انسان نشبه ...
مشاري : ههههههههههه ..
هتان : مشموش انا داري تبي تطقطق علي ..
مشاري : لا لا خلااااااص بسكت ..
هتان : ما علينا ابيك في موضوع مهم ...
مشاري : وشو ؟
هتان : ولد عمي اللي دايما اسولف لك عنه .. اخيرا ابوه حصل نقل من تبوك الى هنا .. و بيسكنون بحارتنا حتى ان البيت استأجره باقي بس يجي ..
مشاري : ما شاء الله و متى بيجون ؟
هتان : بالفصل الدراسي الثاني بينقلون ..
مشاري : كويس ..
هتان : وش اللي كويس انت .. ولد عمي نشبه و راعي مشاكل ..
مشاري : ههههه زينا يعني ...
هتان : لااا والله اردى مننا .. و اذا جا انت بتشوف كيف .. اذا عمي يقول 5 مرات ناقلينه من مدرسته عشان مشاكله ...
مشاري : وااااااو مو بسهل !
هتان : قلت لك ..
مشاري : طيب له في التفجير ؟
هتان : اوووه اوووه .. مسمي نفسه حارقهم .. و يقال انه ألعن واحد في تبوك يفحط ...
مشاري : يااا لبيييه والله شي ..
هتان : شف ذا .. انت ما بتفهم الا اذا شفته ..
مشاري : تصدق تحمست له ..
هتان : اسكت لا ألفعك اللحين بكف .. اقولك راعي مشاكل تقول لي متحمس له !
مشاري : ههههههههه ..
وانتهت الفسحه و الكل رجع لصفه .. و بدت الحصص بشكل طبيعي ..
نجي لنهاية الدوام هو الشي الاهم .. عند البوابه ......
مشاري : بسرعه اخلص روح كلمه ..
هتان : يااخي والله صعبه .. ذاك اليوم ابي اذبحه و اللحين ابيه يخاويني ما تجي ..
مشاري : اذا منت قادر تكلمه انا بكلمه .. ترى بينكم اتفاق يااا زعيم ..
هتان : انت انثبر هنا انا بكلمه و أمري لله ..
مشاري : طيييب يا الله رووووح ..
كانوا منتظرين قدام البوابه الى ان طلع فيصل و معه حنان و عمار و نواف و الدحمي ..
هتان : فييييصل ابيك شوي ..
حنان : لا تروح له يا فيصل ..
عمار : هيييييه يا انت وش تبي ؟
هتان : انت اسمك فيصل ؟
عمار : تبي تضارب !؟
فيصل : خلااااص يا عمااار ..
هتان : فيصل ترى حنا متفقين فكر كويس قبل لا ترفض ..
فيصل متذكر الاتفاق ما نساه : شبااب انتم روحوا و انا بلحقكم ..
عمار : بس .........
فيصل : تكفى يا عمااار هذي مشكلتي و انا بحلها .. و اذا ما عليك امر وصل حمد بطريقك الاثنين اللي هناك ما اضمنهم .. > يقصد عبدالرحمن و نواف ..
عمار : ابشر طيب .. يالله يا حمد ..
حنان : لكن .........
عمار : خلاااص كيفه هو بيتصرف معهم لا تخاف عليه ..
حنان راحت معه غصب و هي لافه على فيصل بتشوف اش بيصير معه .. اش يبغا فيه هتان يا ترى ؟!
عند هتان و فيصل .....
فيصل : وش بغيت هالمره ..؟
هتان : اول شي سلااامات وش فيها ذراعك .. ؟ > يقال انه ما يعرف اش فيها !
فيصل ناظر ذراعه : مو شي مهم .. ادخل في الموضوع بسرعه ..
هتان : ابيك تجي معي ..
فيصل : ويييين ؟!
هتان : هنا مكان قريب .. فيه ناس طلبوا مننا نجي نشوف استعراضهم .. هاا وش قلت ؟
فيصل : اكيد ما ودي اروح .. و خصوصاً معك انت بالذات ..
هتان عصب : هييييييه ترانا متفقين .. و لا بتجحدني اللحين ؟
فيصل : لا حول و لا قوة الا بالله .. انت تجبرني اسوي اشياء ما ابيهاا ..
هتان : اخلص علي بتجي و لا لا ؟
فيصل : و اذا ما جيت ؟!
هتان : ما يبي لها سؤال .. زي ما قدرت مرتين اخطف ولد خالتك تراي قادر اسويها مية مره ...
فيصل يفكر بكلامه ~ والله هو صادق يسويهاا ما استبعد منه أي شي .. خل اروح و لا يصير شي لحنان بعدين اندم .. يااا رب طلبتك ان تصبرني عليه ..
هتان : هااا بتجي ؟!
فيصل : خلاااااص بجي لا تقعد ترجني ..
هتان ابتسم بنصر : يجي .. يالله تعاال والله لا تنبسط ..
فيصل تنهد بضيق : قال انبسط قال ....
و راح معهم للمكان .. هتان ما كان ناوي يفحط بس بيتفرج هو و شلته كانوا موجودين ...
نادر : ليش هذا موجود ؟
عساف : قصدك فيصل ؟
نادر : ايهه و في غيره ..
عساف : خويه لازم يكون معه ..
مشاري : وش تهذرون فيه ..؟
عساف : ابد هذاك راعي الكامري ياخي عجبني ..
مشاري : هههه اسوي احسن منه ..
عساف : تبيها تحدي ..؟
مشاري : اللي هو ..
فيصل : انت جايبني هنا اتفرج ؟
هتان : اييه تونس ..
فيصل : كثر الله خيرك .. شبعت .. ممكن نرجع اللحين ؟ > كان يستهزئ ..
هتان : ابشر بنرجع .. يالله ياا عياال حنا بنرجع ..
نادر : وين بدري ..؟
هتان : الجايات اكثر .. مشاري خل عساف يرجعك ..> وراح مع فيصل ..
مشاري : شفت كيف يا عساف .. سحب علي سحبه أليمه ..
عساف : هههههههه و لا يهمك انا برجعك ..
مشاري : ...................
بسيارة هتان .. فيصل حاط يده على خده و نظره للشباك اللي جنبه .. يفكر بالناس اللي يفحطون .. وده يقول لهم تكفوون بطلواا تراي خسرت شخص غالي و انا ندمان و متحسف و كاره-ن- نفسي .. لكن ما يقدر ...
هتان : وين رحت ؟
فيصل مد له كفه بمعنى اسكت لا تتكلم ...
هتان : وش فيك ؟
فيصل : ما تفهم لا تتكلم معي ..
هتان : طيب ليه ؟
فيصل لف عليه : انا قد عمري قلت لك اني سامحتك ؟ قد عمري قلت لك ان حنا اصحاب ؟ ..
هتان مره يناظره و مره يناظر الطريق : وش تبي توصل له ؟
فيصل : يعني اللي بيني وبينك اللحين انا اسويه عشان تبعد عن ولد خالتي لا اكثر .. ابدا لا تفكر اني ممكن اسامحك او ارجع اخاويك زي قبل ..
هتان وقف عند اشاره و ضرب ع الدقسونه بقوه : لييييييييييش تقول كذا ؟ .. ياخي انسى و سااامح ترى زودتهاا ..
فيصل : كيييييفي ما رح اسامحك ماهي غصب الشغله ..
هتان بالكاد يحاول يمسك اعصابه .. : طيب طيب بنشوف ..
فيصل اووف خل اسكت ماله داعي اعصبه و انا كل ما عصبته راح لحنان ..
و رجعه للبيت .. ثم راح بيته هو بعد ... كانت اخلاقه قاااااااافله ..
انتهى اول يوم دراسي .. و باقي الايام مشت بشكل عادي .. تصير شغلات صغيره و مشاكل طفيفه ما رح نتكلم عنهاا لانها تفاصيل غير مهمه ..
ملاحظه / بالنسبه لاصايل من بعد ما قالت لصلاح انها رح تلغي زواجها بس بشرط انه يتزوجها من ذاك اليوم الى اليوم ما دق عليها .. و اصايل ثقلت نفسهاا هي بعد ما دقت عليه ...
و مر الفصل الدراسي الاول و قربت الاختبارات النهائيه .. خلاااص باقي اسبوع بس عنهاا .. و هذا الاسبوع محد داوم ... الكل مشغول بالمذاكره .. حتى من البيت ما يطلعون ...> كأني اقصدكم يا اهل الاختبارات :) ...
نجي اولاً للشقه .. حنان و فيصل بغرفتهم يذاكرون رياضيات و يشرحون لبعض ....
حنان : انا فاهمه اللوغاريتمات .. بس ألخبط ..
فيصل : اذا ودك بشرحها لك بالتفصيل ..
حنان : لا لا سهله خلنا نشوف شي ثاني ..
فيصل : طيب .. خلينا نبدأ من اول باب احسن ..
حنان : اوك .. و الحديث وش وضعه ؟
فيصل : معليك سهل في يوم واحد بنخلصه ..
حنان : أي والله صادق .. ما بيغثنا الا الرياضيات الزفت .. لكن تصدق استاذ رمضان ما قصر حذف لنا كثير ..
فيصل : اييه اخر سنه يبوناا ننجح ...
اندق باب غرفتهم ........
وليد : ياا شبااب تعالوا الغدا وصل ..
حنان : يالله قوووم خلنا ناكل زين عشان نقدر نذاكر ..
فيصل : اي يا الله ..
وليد : اش بقولكم .. ترى نواف و عبدالرحمن بيجون بعد العصر عشان يذاكرون معكم ..
حنان : اووكيه الله يحييهم ..
فيصل مدري ليه عندي احساس ان المذاكره بتقلب سهره ..
حنان : ههههههه لااا تقولهاا .....
انتـــــــــــهى الــــــــــــــــبارت
_______________________________________
توقعاتكم :
- من الشخص اللي انقذ فيصل بالحريق ؟
- بيكتشفون من السبب في الحريق ولا ؟
- وش رايكم بالشخصيه الجديده ( موسى ) ؟ تتوقعون وراه شي ؟