Humakbang ka para sundan siya
Ngunit nang bigla siyang lumingon,
iniwas mo sa kanya
ang iyong mga mata
Ano ba ito?
Bakit parang kinakabahan ako?
Ano ba iyan?
Parang nakakahiya namang lapitan.
Kunwaring humawak ka
sa isang gitara
Nabigla ka nang may
nakita kang kamay
na humawak din sa gitara
Ngunit mas nagulat ka
nang makita mo siya
sa tabi mo
Muling nagtagpo
ang inyong mga mata
Nginitian ka niya
Ngingitian ko rin ba siya?
Pero tumingin ka uli sa gitara
Napansin mo
na ang inyong mga kamay
ay magkadikit na
Lumayo ka
Kumunot ang noo niya
Nilingon mo siya
Subalit naglakad na uli siya
palayo
Ano na ang gagawin mo?