"............... sehunnnnnnnn "
"hyung........"
ဖုန်းထဲမှာကြားလိုက်ရတဲ့ သူ့ခေါ်သံလေးက အားဖျော့ကာ နွမ်းလျလွန်းနေခဲ့သည်။
"se ... sehunna ...."
"hyung ဖျားသေးတယ်ဆို။ ဘာလို့ ကိုယ့်ကိုကိုယ် ဂရုမစိုက်ရတာလဲ hyung ရယ်။ တစ်ခုခုလိုရင် kris ကို ဖုန်းဆက်လိုက်ပါဆိုတာ ....... "
"kris ပြောတာလား .... ငါဖျားတာ"
"အင်း ဟိုတစ်နေ့က kris ဖုန်းဆက်မှ ......... "
"တူ .... တူ .... တူ"
ဒီတစ်ခါတော့ sehun ဘက်မှ ဖုန်းချသွားခြင်းမဟုတ်။ သူအရင် ဖုန်းချလိုက်ခြင်းဖြစ်သည်။ Kris နဲ့တောင် ပုံမှန်အဆက်အသွယ်ရှိနေတဲ့သူက သူ့ဆီဖုန်းတစ်ခါခေါ်ဖို့ ဘာလို့ဒီလောက်ခက်ခဲနေရတာလဲ။ သူခေါ်လိုက်တိုင်း လူကြီးမင်းနဲ့သာတိုးနေသော ဖုန်းက Kris ဆက်တော့ ရနေခဲ့သည်လား။
"အာာာာာာာာာာာာာာားးးးးးး"
Luhan အာခေါင်ခြစ် အော်လိုက်သံနှင့်အတူ ဖုန်းလေးမှာ လွှင့်ထွက်သွားပြီး အစိတ်စိတ်အမွှာမွှာဖြစ်သွားသည်။ ထို့နောက် တစ်အိမ်လုံးရှိ ပစ္စည်းများမှာလည်း ကွဲကြေခြင်း အတိသို့။
သန်းခေါင်ယံည မှောင်မိုက်နေသော အခန်းအတွင်း ကောင်လေးတစ်ယောက်၏ ရှိုက်ကြီးတငင်ငိုကြွေးနေသော အသံက ဝမ်းနည်းဖွယ်ရာအတိဖြင့် ပတ်ဝန်းကျင် တစ်ခုလုံး ဖုံးလွှမ်းသွားလေတော့သည်။။
.......................................................
Luhan သင်တန်းဆင်းသော်လည်း အိမ်မပြန်ချင်သေး။ တစ်နေရာရာသို့ လျှောက်သွားချင်နေမိသည်။ တစ်ယောက်တည်းလည်း မသွားလိုသောကြောင့်
"kai"
"ဟုတ်ကဲ့ ..... hyung"
kai တစ်ယောက် သူပစ္စည်းသိမ်းနေသည်ကို ကြည့်နေရာမှ သူခေါ်လိုက်သဖြင့် ချက်ချင်းထူးကာ မတ်တပ်ပါထရပ်လေသည်။ တစ်ခါမှမခေါ်ဖူး၍ ထူးဆန်းကာ သူ့ကို ပါးစပ်အဟောင်းသားလေးနှင့် ငေးကြည့်နေသည့် ပုံစံက ခပ်ဆိုးဆိုး ခပ်ဂျစ်ဂျစ် သူ့ရုပ်လေးနှင့် နည်းနည်းမှ မလိုက်။
"ငါ အပြင်လျှောက်သွားမလို့။ မင်းငါနဲ့ လိုက်ချင်လား?"
"hmmmm ဗျာာာာ ......"
"ငါနဲ့လိုက်မလားလို့ ......"
"လိုက်မှာပေါ့ hung သာခေါ်ရင် ဘယ် နေရာပဲ ......."
"အဲ့ဒါဆို လိုက်ခဲ့"
kai စကားပင် မဆုံးသေး။ သူဖြတ်ပြောလိုက်ကာ အိတ်ဆွဲ၍ ထွက်လာသဖြင့် kai တစ်ယောက် ဝရုန်းသုံးကားနှင့် သူ့ပစ္စည်းများ အမြန်သိမ်းကာ သူ့နောက်သို့ ပြေးလိုက်လာရလေသည်။
"hyung ကလည်း နည်းနည်းလေးတောင် မစောင့်ဘူး။"
"မလိုက်ချင်လို့လား။ ရတယ်လေ .... မလိုက်ချင်ရင်လည်း။"
"မဟုတ်ဘူး။ လိုက်မှာ .... လိုက်မှာ"
အနောက်မှ ပြေးလိုက်လာနေသော kai တစ်ယောက် luhan မျက်နှာပေါ် တစ်စက္ကန့် ၏ ဆယ်ပုံတစ်ပုံလောက်သာ ဖြတ်ပြေးသွားခဲ့သော အပြုံးနုနုတစ်ခုကို မမြင်လိုက်ပါ။ သူအပြုံးတွေက kai ဆိုသော ကောင်လေးအတွက် တဖန်ပြန်မွေးဖွားလာခဲ့ပြီလား။
..........................................................
လမ်းဘေးရှိ ကားနှင့်ရောင်းနေသော ဆိုင်လေးတစ်ခုတွင် luhan .... fish cake များ တစ်ချောင်းပြီး တစ်ချောင်း ပါးစပ်ထဲ အတင်းထိုးထည့်ကာ ပလုတ်ပလောင်းနှင့် စားနေလေသည်။ kai ကတော့ သူစားနေသည်ကိုပင် တမေ့တမော ငေးကြည့်နေသဖြင့် fish cake တစ်ချောင်းယူကာ kai ပါးစပ်ထဲထိုးထည့်လိုက်ပြီး မသိချင်ယောင်ဆောင်ကာ ဆက်စားနေလိုက်သည်။
အစကတော့ kai တစ်ယောက် fish cake ကို ယခုမှစားဖူးသလို မထိရက်မတို့ရက်ဖြင့် အနံ့ခံလိုက် လျှာဖြင့်လျက်ကြည့်လိုက်လုပ်နေသေးသည်။ ပြီးမှ သဘောခွေ့သွားပုံဖြင့် ပါးစပ်ထဲ တစ်ဝက်လောက်ထိ ထိုးသွင်းကာ အားပါးတရ ငတ်လေတော့သည်။ တစ်ချောင်းကုန်သွားတော့ လက်က ချက်ချင်း နောက်တစ်ချောင်း ထပ်နှိုက်လေတော့သည်။
ထိုအချိန် luhan ကားပေါ်မှ အဒေါ်ကြီးကို "ကျေးဇူးတင်ပါတယ်" ဟု ပြောကာ ပြုံးပြလိုက်ပြီး kai လက်ကိုဆွဲကာ ပိုက်ဆံမရှင်းဘဲထပြေးလေတော့သည်။
Kai တစ်ယောက်ကတော့ အူကြောင်ကြားနှင့် သူ့နောက်မှ တန်းလန်းလန်းပါလာလေတော့သည်။ ကျန်သည့်လက်တစ်ဖက်က fish cake ကို ကိုင်ထားသေးသည်။ အဒေါ်ကြီးကတော့ အော်ဟစ်ကာ ကျန်ခဲ့လေသည်။ သို့သော်လည်း မည်သူမှ သူတို့နောက်သို့ လိုက်မလာသဖြင့် luhan ပြေးနေရာမှ ရပ်လိုက်လေသည်။
"ဘယ်သူမှလည်း လိုက်မဖမ်းကြဘူး။ စိတ်ပျက်ဖို့ကောင်းလိုက်တာ ....."
Kai တစ်ယောက် အသက်ရှူသံကို ပုံမှန်ပြန်ဖြစ်အောင် ကြိုးစားရင်း သူ့ကိုပြန်ပြောလေသည်။
"လိုက်လာလို့ မိပြီး ရဲစခန်းရောက်သွားမှ နှစ်ကောင်လုံး ဟုတ်ပေ့ဖြစ်နေမယ်"
"မင်းမိဘတွေ လာထုတ်ခိုင်းပေါ့"
"ကျွန်တော့် မိဘတွေ ဒီမှာ မရှိဘူး။ hyung ကလည်း တစ်ကောင်ကြွက်ဆိုတော့ အာမ လာခံပေးမယ့်သူ ဘယ်သူမှာရှိမှာ မဟုတ်ဘူး။ အောင်မယ်လေး ဘုရား ... ဘုရား မိသွားလို့ကတော့ အနည်းဆုံး နှစ်လပဲ။"
kai တစ်ယောက်တည်း ရေရွတ်သလို လုပ်ရင်း သူ့ကိုပြောနေသည်ကို ကြည့်၍ luhan ရယ်ချင်လာသည်။ သို့သော် ......
"မင်းက ငါ တစ်ကောင်ကြွက်မှန်း ဘယ်လိုသိလဲ။ သင်တန်းမှာလည်း ငါ့အကြောင်း သိတဲ့လူ တစ်ယောက်မှ မရှိပါဘူး။"
luhan ရုတ်တရက် ကောက်မေးလိုက်သည့် မေးခွန်းကြောင့်ထင် kai တစ်ယောက် မျက်နှာအနည်းငယ်ပျက်သွားသည်။ သို့သော် စက္ကန့်ပိုင်းလေးပင် ချက်ချင်းပြန်ပြုံးလာပြီး ..............
"hyung ပုံစံက ဒီလောက်အထီးကျန်နေမှန်သာ သိသာလွန်းတယ်လေ ..... "
luhan ဘာမှ ထပ်မမေးတော့ပဲ လမ်းကိုသာ အာရုံစိုက်လျှောက်ရင်း သူ့ကိုယ်ပိုင်အတွေးကမ္ဘာထဲနစ်မျောသွားပြန်သည်။ kai ကတော့ luhan ကို အကဲခတ်ရင်း ဘေးမှ ဖြေးဖြေးချင်းလျှောက်လာလေသည်။
.......................................................
ဟန်မြစ်ဘေးရှိ လူပြတ်သော တံတားအောက်တွင် Luhan နှင့် kai ထိုင်နေကြသည်။ luhan ရောက်ရာပေါက်ရာသို့ လျှောက်ရင်း၊ kai က ဘေးမှ ကုပ်ချောင်းချောင်းနှင့် လိုက်ရင်းဖြင့် ထိုနေရာသို့ ရောက်လာကြခြင်းဖြစ်သည်။ ရောက်ကတည်းက စကားတစ်ခွန်းမှ မပြောကြဘဲ ထိုသို့ထိုင်နေသည်မှာ နှစ်နာရီလောက် ရှိတော့မည် ထင်သည်။ luhan က kai ဘက်သို့ လှည့်မကြည့်ဘဲ မြစ်ကိုပင် ကြည့်နေရင်း စကားစလေသည်။
"kai မင်းအကြောင်း ငါ့ကိုပြောပြ။"
"hmmmmn?"
luhan စကားသံကြားပြီး kai တစ်ယောက် အိပ်မက်မက်နေရာမှ အသိပြန်ဝင်လာသလို ယောင်တီးယောင်နဖြင့်
"ကျွန် .... ကျွန်တော့အကြောင်း?"
"အင်း .... "
"ကျွန်တော့်မိဘတွေက စကော့တလန်မှာ ဝိုင်ချက်တဲ့ လုပ်ငန်းလုပ်တာ။ ကျွန်တော့်ကိုလည်း စကော့တလန်မှာပဲ မွေးတာ။ ဒါပေမဲ့ ကိုးရီးယားမှာ အဘိုး အဘွားတွေရှိသေးတော့ ငယ်ငယ်လေးထဲက ကိုးရီးယား ကို တစ်နှစ်တစ်ခါလာလည်ဖြစ်တယ်။ အခုတော့ အဘိုးနဲ့ အဘွားလည်း ဆုံးသွားပါပြီ။"
"အမ် .... ဒါပဲလား"
"ဘာကျန်သေးလို့လဲ"
"မင်းကျောင်းတက်တာတို့ .... အခု ကိုးရီးယား မှာ ဘာလာလုပ်တာလဲ တို့ပေါ့"
"အော် ကျောင်းက စကော့တလန်မှာပဲနေခဲ့တာ။ ကောလိပ်ကိုတော့ half-schorlar နဲ့ LSE မှာ တက်တယ် အခုဆို ယနှစ်ရောက်ပြီ။
LSE? Sehun လည်း အခု LSE မှာ တက်နေတာပဲ။
"ကျောင်းဖွင့်နေတုန်းကြီး မဟုတ်ဘူးလား အခုက။ ဒီမှာ ဘာလာလုပ်နေတာလဲ။"
"အင်း .... နည်းနည်း ပြဿနာလေးတွေရှိလို့ ကျောင်းတစ်နှစ်နားလိုက်တာ။ အဖေနဲ့ အမေဆီလည်း မပြန်ချင်တာနဲ့ ကိုးရီယားလာခဲ့တာ။ ဒီမှာ အဘိုးနဲ့ အဘွားကျန်ခဲ့တဲ့ တိုက်ခန်းလည်းရှိတယ်။ ကျွန်တော့်အတွက် လုပ်ပေးထားခဲ့တဲ့ ဘဏ်စာအုပ်လည်း ရှိတယ်လေ"
"ဘဝတွေများ ကွာလိုက်တာ"
"hmmmn ဘာ ... ဘာကိုလဲ"
"ဘာမှ မဟုတ်ဘူး။ ဒါနဲ့မင်း ...... hmmm ထားလိုက်ပါတော့။"
Sehun အကြောင်း မေးမလို့ စဉ်းစားလိုက်သေးသော်လည်း အခုမှတွေ့သော သူတစ်ယောက်အား မေးဖို့ မဝံ့မရဲဖြစ်နေသလို။ ထို့အပြင် "hyung နဲ့ sehun နဲ့ ဘယ်လိုပတ်သတ်နေတာလဲ" မေးလာလျှင်လည်း ပေးရန်အဖြေသူ့မှာ မရှိတော့။ သူကိုယ်တိုင်ပင် sehun နှင့် သူ၏ ပတ်သတ်မှုကို စတင် ယုံကြည်မှု ကင်းမဲ့နေပြီ မဟုတ်လား။
"မင်းရေကူးတတ်လား"
"ကူး ... အင်း ... မကူး .... မကူးတတ်ပါဘူး .... ဘာလို့လဲ"
luhan ဘာမှ ပြန်မဖြေဘဲ တစ်မိနစ်၏ ဆယ်ပုံ တစ်ပုံပင် မရှိသော စက္ကန့်အပိုင်းအခြား လေးတွင်ရေထဲ ပြေးဆင်းသွားလိုက်သည်။
အေးစက်နေသော သိပ်သည်းဆကြီးသည့် မြစ်ရေထုက သူ့အားဆီးကြိုနေသည်။ ရေမကူးတတ်သူ တစ်ယောက်သည် ရေထဲတွင် မည်သို့ ကိုယ်ကိုဖော့ကာ နေရမည်ကို နားလည်မည် မဟုတ်သလို အသက်ရှူအောင့်၍ ကြာကြာလည်း နေနိုင်လိမ့်မည်လည်း မဟုတ်ပါ။
မြစ်ရေက သူ့အား ရေနက်ပိုင်းသို့ တစတစဆွဲချနေသည်။ အသက်ရှူရန်ကြိုးစားလိုက်သော တဒင်္ဂ၌ နားခေါင်းထဲ ပါးစပ်ထဲ နားထဲသို့ ရေများက အလုအယက်တိုးဝင်လာကြသည်။ တဖြည်းဖြည်းနှင့် အသက်ရှူပိုပိုကြပ်ကာ တစ်ကိုယ်လုံးလေးလံလာသည်။
မျက်ခွံများက ကြိမ်းစပ်၍ ဖွင့်ရန်ခက်ခဲလာပြီး တဖြည်းဖြည်းနှင့် အမှောင်ထုကသာ ကြီးစိုးလာသည်။ ဒီတစ်ခါတော့ သူတကယ် သေရတော့မည်ဟု ထင်လိုက်သည်။ နောက်ဆုံး သူ့အာရုံထဲတွင် ပေါ်လာသော sehun မျက်နှာက ပြုံးရယ်ခြင်း ကင်းမဲ့နေခဲ့သည်။
...................................................................
အဖြူရောင် လေဟာပြင်ကြီးထဲတွင် သူတစတစ လွှင့်မြောနေရာမှ တဖြည်းဖြည်းနှင့် အေးစက်သော လေထုအထိအတွေ့ကိုခံစားလာရသည်။ သူ့ကျောပြင်မှ မာကျောကာ အေးစက်နေသည်ကိုလည်း ခံစားနေရသည်။ ထိုနည်းတူ သူ့တစ်ကိုယ်လုံးမှာလည်း အေးစက်ကာ တုန်ယင်နေသည်ဟု သူထင်သည်။
သို့သော် သူ့နှုတ်ခမ်းသား တစ်စုံမှာ ပူနွေးပြည့်ကျပ်နေသလို။ မျက်လုံးများကို အားယူကာ ဖွင့်ကြည့်လိုက်သော အညိုရောင်မျက်ဝန်းတစ်စုံနှင့် ရင်ဆိုင်လိုက်ရသည်။ သူချက်ချင်းပင် တွန်းဖယ်ကာ ထထိုင်လိုက်သည်။
"အဟွတ် .... အဟွတ်" ဆိုသော ချောင်းဆိုးသံနှင့် ရေပူတစ်ချို့ သူ့နှုတ်ခမ်းမှ စီးကျလာသည်။
"မင်းပြောတော့ ရေမကူးတတ်ဘူးဆို"
"အဲ့ ... အဲ့ဒါ ကျွန်တော်ရေကူးတတ်တယ် ပြောလိုက်ရင် hyung ကျွန်တော့် ကွယ်ရာရောက်မှ တစ်ခုခု သွားလုပ်နေမှာ စိုးလို့ပါ။"
luhan စကားပြန်မပြောနိုင်ခင်မှာပင် လည်ချောင်းထဲမှ သီးကာ တဟွတ်ဟွတ်နှင့် ရေများအန်ချချင်လာပြန်သည်။
"hyung ရရဲ့လား" ဆိုကာ Kai တစ်ယောက် သူ့ကျောကုန်းကို ခပ်ဖွဖွလေးထုပေးနေသည်။ သူလက်ကာပြလိုက်ပြီး သူ့ရင်ကို သူထုကာ ရေအချို့ထပ်အန်လိုက်သည်။ အတော်လေး နေသာထိုင်သာ ရှိသွားသော်လည်း သူ့တစ်ကိုယ်လုံးမှာ အားမရှိသလို ပျော့ခွေယိုင်နေသည်။
Kai က ကုန်းပိုးကာ သူ့အိမ်ခေါ်သွားမည်ဟု ပြောသော်လည်း luhan သူ့အိမ်ကိုပင် ပြန်ပို့ပေးရန်ပြောလိုက်မိသည်။ သူ kai အိမ်လိုက်သွား ရလောက်အောင် သတ္တိမမွေးနိုင်သေးပါ။
သူပြောသည့် အိပ်လိပ်စာ အတိုင်း kai လိုက်ပို့ပေးလေသည်။ ထုံးစံအတိုင်း သူ့တို့တိုက်မှ နှစ်ဆယ့်သုံးနာရီပျက်နေသော ဓာတ်လှေကားကြောင့် kai သူ့ကို ကုန်ပိုးလျက်ပင် သူ့အခန်းရှိရာ လေးလွှာအထိလိုက်ပို့ပေးလေသည်။ kai ကို အားနာမိသော်လည်း ယခုအချိန်တွင် သူမတ်တပ်ပင်ရပ်နိုင်ရန် အားမရှိသေးပါ။
သူ့အခန်းရောက်တော့ kai က သူ့အိပ်ခန်းခေါ်သွားကာ ကုတင်ပေါ်တွင် တင်ပေးလေသည်။ ရေစိုနေသော အဝတ်အစားများအားလဲရန် သူ့ဗီဒိုထဲကပင် အဝတ်အစားတစ်စုံရွေးကာထုတ်လာပြီး သူ့ဘေးနားလာထားပေးသည်။ သူ့အတွင်းခံများ ထည့်ထားသော အံဆွဲကို မွေရင်း Kai ရယ်နေသည်ကို မြင်တော့ luhan မျက်နှာရဲသွားသည်။
Kai ကတော့ အေးဆေးစွာပင် "hyung ဟာကလည်း ပိစိလေးတွေရယ် ကျွန်တော်နဲ့ ဘယ်လိုမှ တော်မှာ မဟုတ်ဘူး" လို့ ပြောတော့ luhan စိတ်ဆိုးရအခက် ငိုရအခက်နှင့်။ ဟုတ်ပါတယ် Kai လည်း သူ့ကိုကယ်ခဲ့၍ တစ်ကိုယ်လုံး စိုရွှဲနေသည်ပဲ။
luhan အသံတိုးတိုးလေးနှင့်
"အောက်ဆုံးက ဗီဒိုအကန့်ထဲမှာ မင်းနဲ့တော်မဲ့ အဝတ်အစား တွေရှိတယ်။ အ .. အတွင်း ခံရောပဲ"
အမှန်တကယ်ဆိုလျှင် sehun အဝတ်အစားများအား မည်သူ့ကိုမျှ သူပေးမဝတ်လိုပါ။ သို့သော် kai က သူ့အသက်ကိုကယ်ခဲ့တဲ့သူ။ ထို့အပြင် sehunကို စိတ်တ်ိုနေသော အရှိန်နှင့်ပေါင်းကာ sehun ချန်ခဲ့သော အဝတ်အစားများကိုပင် ယူဝတ်ရန်ပြောလိုက်သည်။
Kai တစ်ယောက် ဗီဒိုကိုဖွင့်ကာ အဝတ်အစားများနှင့် အတွင်းခံ တစ်စုံထုတ်လိုက်ရင်း မျက်နှာတွင် မဲ့ပြုံးတစ်ခုဖြတ်ပြေးသွားသည်။ သို့သော် သူ့ကိုဘာမှတော့ မမေးပါ။ ထို့နောက် အဝတ်အစား ယူ၍ အပြင်သို့ထွက်သွားလေသည်။ luhan လည်း kai ထွက်သွားသည်နှင့် ခုတင်ဘေးတွင်ပုံထားသော အဝတ်အစား တစ်စုံကို အလျင်အမြန်လဲလိုက်သည်။ ထို့နောက် သဘက်တစ်ထည်ကို ယိုင်တီးယိုင်တိုင်ဖြင့် ထယူကာ ခေါင်းသုတ်နေလိုက်သည်။
အတော်ကြာတော့ တံခါးခေါက်သံ တစ်ချက်ကြားရပြီး kai တစ်ယောက် မုန့်ဗန်းကိုင်ကာ ဝင်လာသည်။
"ဒါလေးစားပြီး အိပ်လိုက်"
luhan ပေါင်မုန့်ကို မကင်ဘဲ ထောတပတ်သုတ်ကာ သကြားဖြူးထားသော ပေါင်မုန်တစ်ချက်ကို လှမ်းယူ၍ တစ်ကိုက်ကိုက်လိုက်ရင်း sehun ကို သတိရလာသည်။ sehun သာဆို သူ့ကို ကျွတ်ကျွတ်လေးကင်ပေးပြီး ယိုသုတ်ပေးမှာ။ ကော်ဖီကို တစ်ငုံ ငုံလိုက်ပြန်တော့ sehun သာဆို သူကြိုက်တဲ့ အနေခါးခါးဆိမ့်ဆိမ့်လေး ဖျော်ပေးမည်ဟု အမှတ်ရရင်း ဝဲဘက်ရင်အုံမှ ထိုးအောင့်လာပြန်တော့သည်။
"မင်းကော မစားဘူးလား။"
kai သူ့ဆံပင်များကို တဘက်ဖြင့် ခပ်ဖွဖွသုတ်ပေးနေသည့်ကြားမှ ပြန်ဖြေလေသည်။
"ရတယ် အိမ်ရောက်မှ စားလိုက်တော့မယ်။"
"မှောင်နေပြီ ဒီည ဒီမှာ အိပ်ရင်အိပ်လိုက်တော့လေ။"
"အမ် .... ယောက်ျားလေးပဲကို .... အဟဲ hyung က ကျွန်တော့်ကို မပြန်စေချင်လို့လား?"
သူ တကယ်ပင် kai ကို မပြန်စေချင်သေးပါ။ တစ်ယောက်တည်း ကျန်ရစ်ခဲ့ရသည့် ခံစားချက်မျိုးကို သူနာကျင် မုန်းတီလွန်းလှနေပြီ။
"မင်း အဆင်ပြေလည်း ပြီးတာပဲ။"
"မပြေဘူး။ မပြေဘူး။ မနက်မှပြန်တော့မယ်။"
Luhan ရင်ထဲသို့ နွေးထွေးသော လှိုင်းတချို့ဖြတ်စီးသွားသည် ထင်သည်။ ထိုခံစားချက်မျိုးနှင့် သူဝေးကွာနေခဲ့တာ ဘယ်လောက်တောင်ကြာပြီလဲ။
တစ်ယောက်ယောက် အနားမှာ ရှိနေသည် ဟူသော အသိသည် နွေးထွေးလုံခြုံသော ခံစားမှုကိုပေးသည်။ အိပ်မက်ဆိုးပေါင်း များစွာနှင့် လန့်နိုးရသော ညများအကြား ပထမဆုံး အကြိမ်အဖြစ် Luhan နှစ်ခြိုက်စွာ အိပ်ပျော်သွားပါတော့သည်။
..................................................................