يوميات فتاة السرطان

chapter12♤

مها:احم اتفضلي
اميره:منو بالبيت ؟
مها:بس اني ..اهلي بتركيا
اميره-مكلتلي ..هه والله زمن صديقتي تضم عني هيج اشياء-:وشلون سمحتي لنفسج يجيج لهنا؟ مو ع اساس انتي البنيه المؤدبه والي متقبليها علی اهلج ..
مها:بصراحه ..هو يحبني وخوش ولد فسمحتله ولهالسبب ردتج تجين ويانه حتی هم احس بامآن وهم اعرفج عليه
اميره:اني ما اطول اعوفكم علی راحتكم بعدين ما اعرف ابقه هيج وي شخص ما اعرفه !
مها تمتم .. (لا تعرفيه) عبالهه ما سمعتهه
مها:اي براحتج
-ممقتنعه ابد بكلام مها ..بعمرهه متصرفت هيج ، هي بنيه مسؤوله وبعمرهه منزلت راسهه لولد ولا سوت حركات مراهقين مثل الي دتسوي هيج ..مستحيل اهلهه ميدرون .
بس رح ابقی وياهه للأخير هيج الی ان اشوف وين توصل-
مها:يلا يلا اميره الباب ديندك
اميره-ههه حتی الباب مسمعته من كد ما سرحانه-:اها
كانت اميره جالسه علی احد المقاعد ..الی سمعت ذلك الصوت ..كانت تراهن علی انه اسعد ، لم تنسی صوته بعد ولن تنساه مطلقا ، مع لذلك قررت ان تتروی حتی تتأكد منه .
اسعد:السلام عليكم ورحمة الله وبركاته
اميره:و عليكم
توقفت اللحظات قليلا عند اميره بينما تقف مها من بعيد وهي تبتسم بتوتر في انتظار ردة فعل اميره ..اسعد ينظر بأرتباك لأميره ويعيد نظره الی مها بريبه ..
اسعد:هاي شنو مها ؟
مها:اني اشرحلكم بس اكعد اسعد
اميره:اني استأذن
مها:ليش ..انتي مو صديقتي ؟ لازم تسمعيني للأخير اميره
اميره:لازم اروح
اسعد:لا اني اروح
مها:محد يطلع والله اذا طلعتوا والنبي اسوي العجب بنفسي ! (تعيط) اكعدوا رجاءا
مها:اسعد هي هاي صديقتي الی ردت اعرفك عليهه ..انته تعرفهه صح، بس اني احبهه وما اكدر ابتعد عنهه مثل ما طلبت واعرف بيناتكم سوء تفاهم واريد احله هسه .
مها:اميره هو هذا الولد الي اتقدملي وخطبتنه بعد اسبوع واهلي يدرون وهم بالشغل اسفه لكول هالكذب بس ما عندي غير حل ، عرفتج مرح تعوفيني وحدي وي ولد غريب ابدا لذلك كذبت هيج اسفه !الي صار بينكم انتهی واني شرطي انو تتصالحون وترجعون اصدقاء لأنو. اني احبج اميره كد ما احب اسعد .
اميره-لحظه لحظه لحظه ..شنو كالت تحبه؟! شوكت حبته ..ليش تتعامل ويايه ع اساس هي كايلتلي كولشي قبل ؟ وهو شلون يطلب منهه تعوفني؟! والي خفت منه ديصير ..-:اني شكو دتطلبين مني اصالحه ..اني بحالي وهو بحاله وتبقين صديقتي مو هذا الي تردينه؟
مها:احبه حيل ..واحبج واريد نكعود تلاثتنه سويه و ورده ويانه ما اريد انعزل عنكم فدوه اميره اسعد مستعد يعتذرلج
اميره-هه شكد صلفه لج انتي تدرين بيه احبه..حرام عليج هيج ترديني اشوفه يحبج -:ما اريد يعتذر خلص الي بينه ما اله اساس انتهی يعني -خرب شكد اكذب وشوف شلون رح اتدمر-
اسعد:اني اسف مها لانو منعتج عنهه ذيج الفتره
مها:لتعتذر حبيبي
اسعد:واعتذر منج اميره
اميره:ما كو داعي -يعتذرلهه!-
اريد اروح مها ..احمد منتظرني بالباب
مها:والغدا!؟؟ لا لا اميره ليش اتصلتي بيه؟
اميره:-ما اتصلت بيه ..بس اريد اطلع -ماما شوي متخربطه ظهرهه يأذيهه عفتهه تنظف والظاهر واكعه-رجعت اكذب-
مها:لتعوفيني -دتشاورلي-ما اكدر ابقی وياه وحدي
اميره-بنفس نبرة الصوت الناصيه-:اهلج علی جيه ..
اسعد -الظاهر حس-:حبيبتي .._من يكول هالكلمه تتوقف الدنيا عد اميره..تسأل نفسهه ليش ما كال الهه هالحجايه قبل -اني رايح ..ابويه منتظرني يريد يبدل سيارته
مها:اهاااا يلا حبيبي براحتك اني اميره يمي رح تبقی لتخاف
اسعد:يلا اميره مع السلامه ديري بالج عليهه
مها:هفففف واخيرااا راح .
اسفه اميره ..والله هو ضل يلح عليه ويتصل الله يخليج قدري موقفي حبيته غصبا عني !
اميره:مها ...رح اسألج سؤال وجاوبي بضمير
مها:اممم اسألي
اميره:بربج ..اسعد عافني علمودج مو ؟ اتصل بيج وره ما عفته بكم يوم لووو قبل ما اعوفه ؟
مها:ما اعرف اميره شلون اعرف مثلا اذا عافج علمودي
اميره:يعني ما كلج ..احبج وعفتهه علمودج؟
مها :اسفه اميره صح هو كلي هيج
اميره:اممم هيج وما كلج اني الي عفته ورفضته مو ..شكد فاشل
مها:لا اميره هو كال انو بعمره ما حبج..وانو حتی لمن طلبتي منه يكولج حبيبي سكت لانو مجان يحس بأي شعور تجاهج ..اني اسفه هالموضوع جان سر بس انتي صديقتي
اميره:يعني الي سواه جان رفض بطريقه غير مباشره ..علی فكره اني مركضت وراه هو الي.... -صوت الفون-
مها-تباوع بخوف-:حمودي؟
اميره بس هزت راسهه بيأس
مها:اميره اسفه فدوه اعذريني وخلي نفسج بمكاني
اميره-هههههههه هو منو لازم يخلي نفسه بمكان الثاني؟!-:اي اي مها اعرف اني لازم اكبر عقلي دائما وافكر بيج واخلي نفسي بمكانج واحبلج الخير واخلي المي يمشي من جوه رجليناتي -نزلت دموعهه وهي تلملم بأشياءهه-واكول لااااا صديقتي هاي مهما يكون لازم اتمنالهه السعاده حتی لو اطلع اني زوج وناصبه عليه صديقتي ، من جانت تكعود كبال حبيبي وتتبسمله 700words