الحلقه { 53 }
امال : شرفتنى مستنياك كمان 15 يوم
عامر : هو انا ممكن اسئل حضرتك سؤال ؟
امال: اه طبعا
عامر : هو انتى مصريه ؟
امال : انته شايف ايه ؟
عامر : اصل شكلك صينيه
امال : امممممممم لا انا ماما من الفلبين فا انا شبها بس اصلى مصرى
عامر : باباكى مصرى ؟
امال : ايوه شرفتنى
عامر : انا اللى اتشرفت بحضرتك
امال : ثوانى انتى بتدخن ؟
عامر : اه
امال : لا مينفعش لازم توقف عشان السجاير مع العلاج مش هيعمل اى ناتيجه
عامر : ايوه بس انا مقدرش ابطل تدخين
امال : خلاص مش هتخف وقريبا سبب اللخبطه اللى عندك دى سبابها التدخين الكتير
عامر : انا فعلا بشرب علبتين او 3 فى اليوم
امال : 3 لا ممنوع خالص
عامر : لا مقدرش ابطلها
امال : اوك يبقى متجبش الدوا ولا تتعب نفسك
عامر : طب شوفيلى حل انا مش هقدر
امال : طب بص ها الروشته انا هكتبلك على اقراص زى البنبونى كده مش تبلعو تستحلبو كل يوم تاخد قرص الصبح دا هتيجى تشرب سجاير هيخلى طعمها مش حلو فا هتسبها
بص انا الدكتوره بتعتى من فرنسا وهناك بقى بيصرحو المريض بمرضو مش زى هنا يقولو للمريض انته زى الفل
لا انته عندك مشاكل فى هرمونات الزكوره كلها بايظه لازم تاخد الدوا وتبطل كل التادخين ومتقعدش مع حد بيدخن وكمان ممنوع القهوه والنسكافيه والشكولاته واى حاجه فيها كفايين
عامر : طب اشرب ايه اشرب لبن ؟
امال : اه مالو اللبن مفيد وكلو كاسيوم
عامر : احاول
امال : لا مش تحاول تمشى على اللى قولتو ولو معملتش كده والتزامت متجليش تانى تمام ؟
عامر : هههه تمام
امال : بتضحك ليه ؟
عامر : اصلك شخصيتك قويه وبتشخطى
امال : اسفه بس بجد انا خايفه عليك وده وجبى
عامر : حاضر همشى على العلاج ممكن رقم موبيلك عشان لو عوزت اسئل على حاجه ؟
امال : موجود فى الروشته
عامر : اوك السلام عليكم
امال : عليكم السلام
**** ( بقلم هند محمد @isis Mohamed ) ****
امال : السلام عليكم
سلوى : عليكم السلام ايه يا بنتى كل يوم كده ترجعى 12 حرام عليكى نفسك تتعبى كده
امال : الحمد لله العياده فيها حالات اسبهم وامشى يعنى لازم اكشف عليهم كلهم
سلوى خايفه عليكى دانتى خسيتى صح يا مها شوفى كدا
مها : اه يا امال خسيتى اوى لا خلى بالك
نورهان : فين خست دى ما هى زى البقره اهو
سلوى : الملافظ سعد يا نورهان
نورهان : ههههههه سعد ادالى هههههههه
امال : والله انا بحجمى ده وبقرا طب انتى ايه ؟ ديناصور
نورهان : انا ديناصور انتى مش متربيه
امال : طب انا هشهد العيال تعالى يا حسن مش ماما شبه الديناصور ؟
حسن : اه بس من غير ديل ومش يطلع نار من بوئها
امال: مقولتش حاجه انا ابنك اهو
نورهان : دانا هنفخ امك فوق
سلوى : انتى عارف لو كلمتيه او لمستيه والله لانا اللى هوريكى
امال : انا هروح اذاكر شويه عوزين منى حاجه ؟
مها : اه فهمى كلمك ؟
امال : لا مكلمنيش
مها : اصلو نزلك الاعلان فى القناه انهارده ؟
امال : ههههاااااااااااا بجد
مها : اه والله اعملى حسابك بقى يوم الثلاثاء
امال : ماشى انا من كتر الموعيد والله دماغى بنسى مش عارفه اعمل ايه
سلوى : خلى معاكى كراسه كده اكتبى فيها المواعيد
ايسل : كراسة ايه يا تيته انتى مش معاكى موبيل اى معاد حطيه على الكلندر وهو هيفكرك
امال : انتى صح يا ايسل انته جامده والله
زهره : اه فى التكنروجيا جامده فى الثانويه ربنا يستر
ايسل : بصى من اولها كده انا هدخل تجاره عشان اروح اشتغل مع بابا
سلوى : جادعه يا بت شاطره
زهره : طب ادخلى هندسه
ايسل : لا تجاره
امال : زهره سبيها تدخل الكليه اللى هى حبها انا كان نفسى ادخل طب والحمد لله وانا بشتغل بكون مستمتعه اوى واى تعب مش بحس بيه عشان كان هدفى كده
زهره : بس هندسه احسن
امال : هندسه ومش حباها ومش متفوقه فيها ولا تجاره والاولى على الدفعه ؟
ايسل : حببتى يا امال والله انتى احسن واحده فى البيت
مها : يا كلبه وانا عمتك ؟
ايسل : عمتى حببتى وكل حاجه بس امال هى المقنعه
بقولك ايه يا امال انا نفسى اروح رحله مع اصحابى وبابا مش عاوز ما تيجى تقنعيه ؟
نورهان : اه ووارينا بقى فن الاقناع
امال : ماشى لما يجيى مجدى خليه يكلمنى
زهره : بس انا خايفه عليها يا امال
امال : هى الرحله دى فين ؟
ايسل : دى هنا فى الاسماعليه وهو يوم واحد يوم الجمعه وهنروح الصبح ونرجع بليل
امال : خلاص انا هاجى معاكى
زهره : وشغلك ؟
امال : لا مانا معنديش شغل الجمعه والمستشفى قسمت الشغل بينى وبين دكتور جديد جه هو هياخد جمعه وانا جمعه
سلوى : طب ما نروح سوى دانا نفسى اخرج
امال : طب هقولك ظبطى انتى واصحابك وانا هاخد طنط بالعربيه ونشوف مين عاوز يروح ونروح سوى
ايسل : والله انتى حببتى هاتى بوسه
امال : امووووه
نورهان : انا مش هروح عشان حامل البنوته ممكن تتعب
امال: لا اوعى تتحركى خليكى فى البيت الحركه للى فى سنك وحشه وهما حوامل
نورهان : نعم سنى ليه هو انا كبيره ؟
امال : اه مش انتى 37 سنه كبيره انا لسه 28 سنه انتى فضلك 3 سنين وتدخلى على 40
نورهان : ( فضلت تجز على سنانها ) ماشى يا اوشين ماشى
سلوى : ما تبطلو شغل الضراير ده انتى وهى عيب كده
امال: انا هقوم تصبحو على خير
سلوى : مش هتاكلى ؟
امال : ام حامد هتجبلى الاكل هناك السلام عليكم ( وسابتهم ومشيت )
نورهان : شفتو قلت الادب ؟
زهره : انتى اللى بتبتدى وهى مش بتسكت لحد
نورهان : ماشى انا هوريها وانته يا ابن الصرمه دايناصور من غير ديل انا هوريك
**** ( بقلم هند محمد @isis Mohamed ) ****
( وبعد ما امال اكلت وذاكرت شويه وكل ده مستنيه اسر يكلمها على الفيس ولاكن مكلمهاش ومفتحش اليوم ده تانى يوم الصبح استنتو وهو خارج باره الفيلا )
اسر : انتى راكنه كده ليه عربيتك فيها حاجه ؟
امال : مستنياك انزل تعالى اكلمك فى حاجه
( اسر ركن قصاد عربية امال ونزل ركب عربيتها )
اسر : فى حاجه يا امال ؟
امال : مش عارفه انته اللى فى حاجه بقالك يومين مش بتفتح الفيس ومش بتكلمنى ممكن اعرف ليه ؟
اسر : هو هكلمك كل يوم ؟
امال : مش احنا اتفقنا نبدء صفحه جديده وانته قولتلى هتكلمنى
اسر : اه بس مش كل يوم انا مش فاضى وبرجع تعبان من الشغل لسه كمان هرجع اكلمك
امال : اه صح عندك حق لسه هتيجى تكلمنى لا مجهود عليك
اسر : انتى بتتريقى ؟ ايه الطريقه اللى بتتكلمى بيها دى ؟
امال : اسر انا راضيه باقل حاجه وانته حتى القليل ده انته مش بتدهونى مستكتر عليا نص ساعه تكلمنى فى الفيس ؟
اسر : امال متحسيسنيش انك مفروضه عليا خلينى اكلمك لما احب اكلمك متجبرنيش
امال : اجبرك
حاضر مش هجبرك شكرا
اسر : يوووو بقى اتقمصى بقى
امال : انزل عشان عندى شغل وكمان انا كمان مش هضيع من وقتى واكلمك عاوز تتكلم معايا ابقى تعلالى انا غلطانه انى رضيت اكون زى الحرميه بجد متشكره اوى
اسر : اقعدى اندبى بقى انا عندى شغل
( ونزل من العربيه ورزع الباب )
امال : انا اللى غلطانه انى بضيع من وقتى عشان واحد زيك انانى
**** ( بقلم هند محمد @isis Mohamed ) ****
( وبعد ما امال خلاصت المستشفى وكل اللى وراها راحت تقابل لارا عشان موضوع العيادات لعمر ومحمد عند امير المحامى )
امير : كده احنا مضينا العقود وبكرا ان شاء الله هنسجل فى الشهر العقارى
امال : انا لازم اروح معاك انا بكره مش هكون فاضيه ؟
امير : لا انا معايا توكيل منك فا انا هعمل كل حاجه
لارا : امير محامى شاطر متقلقيش
امال : ما واضح عشان كده عملتلو توكيل
لارا : معلش يا امير بس الحظر واجب
امير : فى ايه ؟
لارا : التوكيل بالبيع والشراء ولا ايه ؟
امال : لا يا لارا انا مش هبله للدرجادى التوكيل بالشراء والايداره بس
امير : 100 مره اقولك انا محامى مش شيخ منصر
لارا : معلش يا امير اللى اتلسع من الشربه ينفخ فى الزبادى
امال : الشيكات بتاعت الشقق اها اصحاب الشقق يسجلو واديهم الشيكات
امير : ايوه كده فين اتعابى بقى
امال : عيونى يا سيدى عاوز كام ؟
امير : انا كتبت العقود وخلاصة الورق و عملت كل حاجه
امال : يعنى عاوز كام ؟
امير : 5 الف
امال : خود شيك اهو ب 5 ولا تزعل
امير : ايوه كده
امال : محتاجنى فى حاجه تانيه ؟
امير : لا شكرا
امال : اه افتكرت فى كام حاجه انا اشتارها من باره فرنسا كام جهاز طبى كده ممكن تساعدنى اجبهم من المينا ؟
امير : مينة ايه ؟
امال : اسكندريه
امير : متقلقيش معاكى الورق بتاعهم
امال : اه بس على اللاب
امير : ابعتهولى على الميل وانا هتصرف
لارا : اجهزة ايه دى ؟
امال : سونار على كام جهاز عشان العياده بتاعت محمد
لارا : اها ماشى يلا بقى بينا عشان نروح نتمشى شويه
امال : نتمشى ايه انا هروح اذاكر عشان الماجستير
لارا : نتفسح شويه بس
امال : لا انا عندى مذاكره كتير
لارا : ماشى يا رخمه انا كمان هروح باى يا امير
امير : باى
**** ( بقلم هند محمد @isis Mohamed ) ****
ام عامر : انته نازل ؟
عامر : اه يا ماما عاوزه حاجه ؟
ام عامر : مش هتكلم فاتن
عامر : لا خلاص مش فسخنا الخطوبه اكلمها ليه ؟
ام عامر : يابنى دانته مجهز كل حاجه وكنتو هتتجوزو روح كلم ابوها وربنا يرجع المايه لمجاريها
عامر : لا عشان هى من اول ما ابوها قال لا وهى اتنزلت عنى كان المفروض تقول لابوها لا حتى لو انا مش بخلف خالص كانت تصبر معايا
ام عامر : اى حد مكان ابوها وامها كانو عملو كده
عامر : ماما انا واخد اجازه 12 ودلوقتى اساعه 6 سبينى بقى ساعتين اروش فيهم وارجع انام كام ساعه عشان اروح الوزاره
ام عامر : هو انا معرفش اتكلم معاك زي البنأدمين
عامر : لا عاوزه حاجه اجبها وانا جاى ؟
ام عامر : هات لبن وانته جاى مش الدكتوره قالتلك اشرب لبن
عامر : اه
ام عامر : ماشى هات لبن وانته جاى والله احسن حاجه عمالتها الدكتوره دى انها خلتك تبطل سجاير هى اللى كانت سحبه صحتك
عامر : طب الحمد لله وبخصوص اللبن حاضر هجيب وانا جاى يلا سلام
ام عامر : سلام
**** ( بقلم هند محمد @isis Mohamed ) ****
( وبعد ما روحت امال وفضلت تذاكر لحد 10 بليل)
زهره : ممكن ادخل ؟
امال :اه طبعا انا اصلا سيبه الباب ولاد اسر داخلين طلعين كل شويه اقوم افتح واقفل
زهره : هما بيحبوكى
جيتى بدرى انهارده
امال : بذاكر عاوزه اخد الماجستير بتقدير عالى
زهره : ان شاء الله انا ظبطلك المعاد فى المركذ زى ما قولتى الاحد والثلاثاء والخميس من 7 لحد 10
امال : ماشى حلو اوى متشكره اوى يا زهره
زهره : لا متقوليش كده وكمان الدكتور النفسانى والاسنان كمان
امال : اوك مشكره اوى يا زهره تعبتك
زهره : لا ابدا
المرتب بقى هتخدى كام
امال : اخد كام مش المفروض ان ده عمل تطوعى مش بناخد مرتب ؟
زهره : لا فى مرتب بس بيبقى بنسبه يعنى مثلا لو كشفتى الى 100 كشف بتاخدى بس 30 كشف والباقى للمركز
امال : وفلوس المركز دى بتروح فين ؟
زهره : بنصرف منها على دار الايتام
امال : امممممم طب انا عن نفسى مش عاوزه حاجه مرتبى اصرفيه على العيال فى الدار انا الحمد لله مش عاوزه فلوس
زهره : يا خرابى على جمالك هو فى كده
امال : اه فى بس محمد وعمر بقى اكيد هيخدو مرتب
زهره : اه اكيد طب انا هروح اشوف شويت حسابات كده واشوف مجد وايسل
امال : هو مجد فين صحيح مش بشوفو ؟
زهره : بيروح النادى مع اصحابو او بيروح مع مجدى ساعات اهو مش عرفالو حاجه
امال : معلش المهم ايسل حولى صحبيها
زهره : انا وهى اصحاب ولونى مش قادره اوصل لدمغها البنت فظيعه وكل ما اقولها حاجه تقولى ماما مانتى قديمه اوى فكك بقى منى
امال : ههههههه معلش
زهره : اسيبك بقى تكملى مذاكره
امال : لا انا هنام تعبانه والمحد لله ذاكرت شويه حلوين
زهره : خلاص ماشى تصبحى على خير
امال : وانتى من اهل الخير
( امال قفلت النور ونامت وبعد كام ساعه حصلت حاجه غريبه اوى حلمت حلم غريب ان هى فى اوضه ضلمه ومربوطه بسلاسل حديد وفى ثعابين كتير ماشيين حوليها وعمالين يطلعو عليها والثعابين ملونه وعماله تعض فيها وهى عماله تصرخ وتقول الحقونى الحقونى وفجئه دخل لها عامر وفكها وموت كل الثعابين امال قالتلو ليه خاطرت بحياتك عشانى قالها انا هفضل عمرى كلو احميكى انا بحبك .. قامت امال من النوم مفزوعه )
امال: اعوزو بالله من اشيطان الرجيم بسم الله الرحمن الرحيم اعوزو بالله من شر ما خلق
( ووقتها سمعت اذان الفجر )
امال : الله اكبر الله اعظم
ايه الكابوس ده انا حسه انى معضوضه فعلا
منك لله يا نورهان انتى تلائيكى اللى بتدعى عليا
اقوم اصلى الفجر واذاكر شويه بقى مادام قمت
( تليفون امال رن )
خير يا رب يا رب مايكونش حد بيولد انا تعبانه اصلا
الو
عامر : انتى كويسه ؟
امال : مين معايا ؟
عامر : انا عامر انا اسف انى بكلمك دلوقتى بس اصلى شفت كابوس خلانى قمت خايف عليكى
امال : ( بأستغراب ) كابوس ايه بقى ؟
عامر: انك مربوطه بسلاسل فى اوضه ضالمه كلها ثعابين وبيأذوكى انا داخلت خلصتك منهم ووو
امال : وانا قولتلك ليه خطرت بحياتك عشانى ؟
عامر : اه فعلا عرفتى منين ؟
امال : اصل انا كمان حلمت بالكابوس ده لسه دلوقتى
عامر : غريبه طب انا رديت عليكى وقولتلك ايه ؟
امال : لا مش مهم انته قولتلى ايه
المهم انته اخبارك ايه ؟ والدوا بتاخدو بأنتظام ؟
عامر : اه الحمد لله هو انا ممكن اقبلك ؟
امال: انا موجوده فى العياده سبت واثنين واربعاء
عامر : لا باره العياده
امال : ليه ؟
عامر : مش عارف بس عاوز اشوفك
امال : انا مشغوله جدا
عامر : طب ان شاء الله هجيلك فى معاد الاستشاره
امال : اوك بس اهم حاجه بلاش السجاير
عامر : لا بطلتها
امال : طب كويس انا هقوم اصلى الفجر بقى بعد ازنك
عامر : ماشى سلام
( وبعد ما قفلت )
امال : ايه ده انا وهو نحلم بنفس الحلم فى نفس الوقت غريبه اوى وبعدين ازاى يكلمنى كده هو فاكرنى ايه ليكون بيحبنى ؟
لا يحبنى ايه من مره شافنى وبعدين انا شبه ناس كتير مش مميزه يعنى
لما اشوف عمر هسئلو جايز يكون لها تحليل نفسى
اقوم اصلى ابطل كسل
**** ( بقلم هند محمد @isis Mohamed ) ****
ام عامر : ايه مصحيك دلوقتى ؟
عامر : اصلى الفجر
ام عامر : تتحسد
عامر : ليه انتى شيفانى من الكفار
ام عامر : هههههه كفار ههههه عليك كلام
عامر : ماما تفهمى فى الاحلام ؟
ام عامر : اه يعنى شويه شفت ايه خير ؟
عامر : شفت واحده مربوطه بسلاسل فى اوضه ضلمه وحوليها ثعابين كتير عمالين يعضو فيها وهى عمالته تصرخ وتقول الحقونى انا بقى داخلت عليها وموت كل التعابين بالرشاش وفكتها وخراجنا سوى هى قالتلى ليه خطرت بحياتك عشانى
انا قولتلها اناهفضل عمرى كلو احميكى انا بحبك
وبس صحيت على أدان الفجر
ام عامر : ومين دى بقى ؟
عامر : مش مهم مين المهم تفسير الحلم ده ايه ؟
ام عامر : يمكن دى من نصيبك ودى رساله انها محتجاك تقف جنبها
عامر : تفتكرى بس دى قصيره اوى عليا دى نصى اوزعه اوى بنسبالى
ام عامر : انته اللى طويل وبعدين ومال الطول بالجواز
عامر : مش اقيس الاول
ام عامر : هى جزمه هتقيس يا بنى نفسى اشوفك متجوز بقى كل اخواتك اتجوزو اللى انته هتعنس على فكره كده دانته 30 سنه
عامر: ربنا يسهل ادعيلى بس الدوا يجيب ناتيجه بقولك هو انهارده ايه ؟
ام عامر: الثلاثاء
عامر: طيب انا هروح اتوضى واصلى وانتى اعملى الفطار
ام عامر : طيب
**** ( بقلم هند محمد @isis Mohamed ) ****
( راحت امال على المستشفى زى كل يوم اول ما خلصت راحت على القناه لفهمى وكانت خايفه اوى )
لارا : مالك ملعبكه فى نفسك كده ليه ؟
امال : دا بيقولك هوا انته قولتلى هيبقى متسجل
فهمى : انا مقولتش حاجه وبعدين انتى خايفه ليه ؟
امال: لالالا انا هروح
لارا : بت اجمدى هديكى على وشك انتى تدخلى كده وبكل ثقه وتتكلمى واحده واحده وانا معاكى متخفيش
امال : انا خايفه اغلط
فهمى : متخفيش انتى خايفه من ايه ؟
امال: انا اول مره اطلع على التلفزيون
فهمى : متخفيش عادى
لارا : يلا فين الماكير هنا
امال : لا انا مش بحط مكياج
لارا : لا لازم تحطى عشان الكاميره هتسخنك ولما تسخنى هتعرقى ولو عرقتى هيبان لمعه فى الشاشه وهيبقى شكلك زباله
فهمى : انتى عرفتى الحاجات دى منين ؟
لارا : لا انا فى الموضه والحاجات المكياج انا نمره واحد
فهمى : طب ما تعملى برنامج فى القناه
لارا: بجد يا فهمى دانا هجبلك مشاهده قد كده
فهمى : اخلص حلقة امال انهارده ونتفق
لارا : اوك الماكير فين ؟
فهمى : هروح اجيبو
لارا : بصى بقى اجمدى كده ومتخفيش واوعى تقولى كلام غلط
امال: حاضر بس ربنا يستر انا خيفه اوى انا حسه انى مخنوقه وعاوزه اعيط
لارا: نكاديه طول عمرك انتى بت غم اعوزو بالله
( موبيل امال رن )
الو
عامر : السلام عليكم انا عامر
امال : انا شكلى هسيف الرقم بتاعك
عامر : يا ريت
بس انا بجد متصل بيكى لسبب
امال : خير ؟
عامر : بصراحه حسيت انك مخنوقه وزعلانه فا اتصالت اطمن عليكى
امال: يا سلام
عامر : وحيات عبد السلام هههههههه
امال : طب انا مش فاضيه للهزار انا عندى برنامج على الهوا سلام
عامر : بجد على قناة ايه طيب
امال :مصريه
عامر طب هتفرج عليه وهقولك رئى ممكن ؟
امال: ممكن سلام بقى
لارا : مين ده ؟
امال : دى حاله كده عندى فى العياده
لارا : ومال عينك بتلمع كده ليه ؟
امال: مش وقتو هحكيلك بعدين
لارا : الماكير جه اقعدى بقى
**** ( بقلم هند محمد @isis Mohamed ) ****
ممدوح : مش هتيجى تلمى الشنط ؟
حكمت : شويه بس هتفرج على البرنامج الاول
ممدوح : برنامج ايه ؟
حكمت : تعالى اتفرج امال هتطلع على الهوا دلوقتى فى برنامج دكتور على الهوا
ممدوح : امال ؟ بجد ؟
حكمت : اه هى قالتلى اتفرج عليها
اهو هيبدء يا حببتى دى زى القمر يا ممدوح
ممدوح : انتى احلى
حكمت : ياحبيبى قلبى انته تعالى جنبى هنا عشان نتفرج سوى
( ممدوح قاعد جنب حكمت وفضلو يتفرجو على البرنامج وحكم فرحانه بيها جدا )
حكمت : يا حببتى شايف يا ممدوح الناس بدئت تتصل وتكلمها
ممدوح : اها وبترد حلو بس تحسى انها مرتبكه شويه
حكمت :مش اول مره
ممدوح : { برافو يا امال تفوقتى على استاذك بقيتى اشهر منى }
حكمت : ايه سرحت فى ايه ؟
ممدوح : لا ابدا بتفرج
( فضلو الاتنين يتفرجو على البرنامج وبعد ما خلص )
حكمت : استنى تعالى نكلمها ونبارك لها
الو امال حببتى مبروك كنتى زى القمر
امال : عجبتك ؟
حكمت : اوى اوى بس ليه كنت مرتبكه فى الاول كده
امال: كنت خايفه بس بعد اول مكلمه حسيت انى ارتحت
حكمت :يا حببتى مبروك
امال : الله يبارك فيكى يا رب
انتى هتيجى امته وحشتينى ؟
حكمت : بكره انا هقوم اجهز الشنط
امال: طب تمام هجيلك بكره على 4 او 5
حكمت : ماشى يا حببتى هستناكى خودى ممدوح عاوز يباركلك
ممدوح : مبروك يا دكتوره
امال : الله يبارك فيك ايه رئيك شطره ولا
ممدوح : لا برافو عليكى انتى طول عمرك متفوقه حكمت بتحكيلى
امال: حكمت بتحكيلك امممممم ماشى
ممدوح : طيب على العموم مبروك خودى مامتك معاكى
حكمت : ايوه يا قمر خلاص هستناكى بكره ويا ريت تجيبى لارا معاكى
امال : حاضر ان شاء الله
حكمت : طب سلا يا حبيبتى
امال: سلام
فهمى : على طول كده التهانى ومبروك
شفتى بقى انك بجد مميزه ؟
امال: انا كان قلبى هيقف من الخوف والرعب
يوووو الموبيل اللى مش بيسكوت ده
لارا : شوفى مين ؟
امال : الو
عامر : برنامج فاشل اوى على فكره متعمليش كده تانى
امال: نعم انته مين ؟
عامر : انا عامر
امال: اه ومعجبكش ليه بقى ؟
عامر : اولا طول مانتى قاعه مربعه وسبته كده ما تفكى كده هو انتى قاعده فى فصل
ثانيا فى الاول كنتى عنيكى عامله زى بندول الساعه راحه جايه راه جايه وده غلط
ثالثا صوتك لازم يكون عالى وواضح مش كده لو استمارتى على كده الناس هترمكى بالطماطم خلى بالك
امال: شكرا على التشجيع والملحوظات فى حاجه كمان ؟
عامر : لا انا قولت اكسب فيكى ثواب وانبهك
امال : ماشى سلام
فهمى : مين ده ؟
امال: دا وولا حاجه مش مهم
انا يادوب اروح اتغدا واطلع على المركذ
لارا : قشطه يلا بينا
فهمى : طب البرنامج يا لارا ؟
لارا : ده رقم تليفونى كلمنى
فهمى : اوك
**** ( بقلم هند محمد @isis Mohamed ) ****
اسر : الو
مدير البنك : الو استاذ اسر فى حاجه حصلت غريبه وانا مش عارف اتصرف
اسر : فى ايه ؟
مدير البنك : فى 3 اشخاص معاهم شيكات بحوالى 605 الف جنيه وعوزين يسحبوهم من حساب الدكتوره
اسر : 605 ليه ؟
مدير البنك : ومعاهم شيكات بتوقيع الدكتوره امال خالد اعمل ايه اسلمهم الفلوس ؟
اسر : لا طبعا متدهمش حاجه اقفل عشان اكلمها وافهم فى ايه وهكلمك تانى
مدير البنك : اوك سلام
اسر: 605 ليه اتجنانت دى
الو ايوه يا امال ايه اللى عملتيه ده ؟
امال: ايه البرنامج معجبكش ؟
اسر : برنامج ايه وزفت ايه ؟
انتى كاتبه شيكات ب 605 لمين يا هانم ؟
امال : وانته عرفت منين ؟
اسر : بقولك ايه يا امال احنا مش كنا بنشتغل ويطلع عنينا عشان انتى تاخدى الفلوس وتضيعيها
امال : اظن فى اسلوب احسن من كده تكلمنى بيه وتسئلنى بشكل محترم شويه
اسر: انا يا ستى مش محترم انطقى الفلوس دى بتاعت ايه ؟
امال : ( قفلت فى وشو وحطتو على البلاك لست )
اسر : الو الو
كمان بتقفلى الموبيل يا امل طيب لما اشوف وشك فى البيت
( كلم مدير البنك )
الو الوضع عندك ايه ؟
مدير البنك : زى ما هو بس هما زهقو من الانتظار
اسر : متدهمش حاجه
مدير البنك : ازاى مش هقدر الرصيد يكفى الشيكات ومقدرش اكتبلهم على الشيك رفض
اسر : اتصرف عشان عقبال ما اشوف فى ايه
مدير البنك : مش هقدر انا لازم اصرف الفلوس
اسر : طيب اوك اصرفهم وانا هشوف سلام
بقى كده يا امال لما اشوف وشك
**** ( بقلم هند محمد @isis Mohamed ) ****
لارا : خلاص بقى فكى يخبط دماغو فى اقرب حيطه
امال : خلاص يا لارا بجد اسر ده بقى مجرد واحد بينكد عليا حياتى وبس
لارا : خلاص اخلاعيه
امال : ماشى بس مش دلوقتى شويه
لارا : قوليلى مين عامر ده
امال: نطلب الغدا الاول وبعد كده اقولك
لارا : ماشى متر
المتر : تحت امرك ؟
لارا : انا عاوزه اسكلوب وسلطه
امال: وانا زيها بس مشوى
المتر : حاضر
امال : هحكيلك بس ركزى
**** ( بقلم هند محمد @isis Mohamed ) ****
( وبعد ما اتغادو امال حكت ليلارا على عامر وصالت لارا للعربيه بتاعتها وهى راحت على المركز وبعد ما خلاصت رجعت على البيت كان مستنيها اسر وفؤاد ومجدى وفهمى كمان عشان يحسبوها على الفلوس اللى هى صرافتها )
اسر : اهلا يا مدام شرفتى الساعه 11
امال: انا لسه مخلصه المركز ويا دوب جيت على طول هو فى حاجه
مجدى : ممكن نعرف الفلوس اللى صرفتيها دول لمين وثمن ايه ؟
امال : انتو عرفتو منين اصلا
فؤاد : اقعدى يا امال وقولى الفلوس دى بتاعت ايه ؟
امال: شغل يا عمى
وبعدين انا لما اخت منكم الفلوس انتو قولتولى نصيبك كذا انا مقولتش ليه او مش ليه قولت اوك وسكت
مجدى: تقصدى ان احنا سرقناكى ؟
امال: لا انا مش اقصد كده انا اقصد زى مانا محسبتكمش فى الاول انتم كمان مش تحسبونى دى فلوسى وانا حره فيه
فؤاد : اه حره فيه بس مش تبعزقيها
امال : انا هقولك عملت ايه بالفلوس بس مش عشان انا خايفه منكم لا عشان اقولكم انى مش بابعزق الفلوس
انا اشاريت شقتين تمليك وهعملهم عيادات
الشقتين بأسمى
اسر : طب مانتى عندك عياده لزمتها ايه 2 كمان ؟
امال: دول مش عيادات ليه دى واحده لمحمد هيعملها عيادة اسنان والتانيه لعمر وانا هشاركهم فى الفلوس اللى هتجبها العيادتين
فهمى : طب تمام يعنى استثمار زى ما قولتلكم امال مش ممكن تصرف فى اى حاجه ملهاش لزمه
مجدى : مش المفروض طيب كنتى اخاتى الازن ؟
امال: دى فلوسى اخد الازن من مين ؟
فؤاد : على الاقل من جوزك ؟
اه فلوسك بس فى رجاله فى البيت افرضى ضحكم عليكى واخدو العيادات وقالولك كل سنه وانتى طيبه
امال: انا مش عبيطه يا عمى انا عندى محامى كاتب عقود وموثقه انا مش بيضحك عليا زى زمان وعارفه حقى فين
ولو على الازن من جوزى
انا جوزى بيخاف يتكلم معايا عشان بيخاف على مشاعر نورهان
ولما باجى اكلمو يقولى انا مش مجبر اكلمك
اسر : انتى قليلت الادب اصلا
امال : شكرا
انتو عرفتو انا عمل ايه بالفلوس وعلى فكره فى فلوس تانيه هحولها باره عشان اشتاريت اجهزه للعياده عشان تبقو عرفين
انا راحه انام
اسر : انتى ايه اللى بتعمليه ده انا عاوز افهم ؟
امال: بعمل ايه ؟ بكبر شغلى من حقى اكبرو وبعدين انا اخت منكم الفلوس عشان اسبها فى البنك ولا المفروض اكترها واشغلها ؟
اسر : بس دى احنا اللى تعبنا فيها ؟
امال : وبرضو حقى فلوسى والتعب انتو اخدو حقكم مش انتو اخدتو النص زيى ؟
فؤاد : محدش بيقول حاجه بس المفروض لما تعملى حاجه زى كده تيجى تاخدى رئينا ورئى اسر
امال : لا مش هاخد رئيى حد انا حره
فؤاد : انا خايف حد يضحك عليكى
امال: لا متخفش انا بتعامل مع ناس محترمه
اه صح اسر انا لسه شيركتك لو عاوزنى كل صغيره وكبيره اقولهالك يبقى انته كمان لازم تعمل معايا كده
تصبحو على خير ( وسابتهم ومشيت )
اسر : شفتو مش قولتلك لو اخدت حقها هتتنمرد
فهمى : هى ماعملتش حاجه غلط دى اشتارت شقق وحتى لو مشورعها فشل الشقه مش بيقل ثمانها بالعكس
مجدى : معاك بس المفروض تاخد الازن احنا تعبنا فى الفلوس دى
فهمى : ماشى تعبنا بس اخدنا حقنا
فؤاد : اسر لو عاوز تعرف كل كبيره وصغيره عن امال عامله كويس واهتم بيها عشان متعندش
فهمى : بجد كتر خيرها اوى انها مستحمله تعرف ان نورهان حامل وتسكت كده
فؤاد : خالد السبب فى كل ده ربنا يسمحو
**** ( بقلم هند محمد @isis Mohamed ) ****
( وتانى يوم )
حكمت : وحشتينى يا امال
امال: وانتى كمان اوى يا ماما
ممدوح : مالك شكلك زعلانه
امال: مشاكل وتفكير هتجنن مش عارفه اوصل لحاجه
ممدوح : ليه ؟ مشاكل فى البيت ؟
امال: مش بس البيت الشغل
حكمت : ليه فى ايه ؟
كولى وانتى بتتكلمى ولا الاكل مش عجبك
امال: لا دا حلو اوى
الشغل الحلات فيها حاجات غريبه والسبب مش معروف ؟
ممدوح : ايه بقى ؟
امال : الاورام كتير بدارجه مرعبه وفى كل الطباقات اغنيه وفقراء التكيسات
لا فى حاجه مش معقول يكون ده طبيعى
ممدوح : ممكن يكون وراثى ؟
امال : لا فى حلات كتير مش وراثيه
وكمان الاطفال فى تشاويها واعقات كتير اوى
وكمان الرجاله عندهم مشاكل كتير اوى فى حاجه غلط
حكمت ( قاعده ومكسوفه من كلامهم وهما بيتكلمو عادى ) : امال بس عيب
امال: عيب دا طب وبتكلم مع دكتور
ممدوح : حكمت انتى بتتكسفى لسه
حكمت : اه طبعا
امال : انا جالى من كام يوم واحد كل هرموناتو بايظه وجسمو حلو مش طخين ولا عندو ترهولات يبقى الهرمون الزكورى بتاعو هو اللى فيه مشاكل بس
ممدوح : غريبه
طب الاورام حميده ولا خبيثه
امال: الاتنين وبنسب تعدى 60%
ممدوح : معقول
حكمت : استر يا رب
بس السيره دى انا بتشاقم
( وبعد ما خلصو اكل)
ممدوح : اتفضلى يا امال
امال : ايه دول ؟
حكمت : دول 40 الف جنيه انا اتئخرت ليكى اوى معلش
امال: لا متقوليش كده
بس انا مش هاخودهم انا هاخد منك الشقه
حكمت : ازاى ؟
امال: انا مش هكمل مع اسر فا محتاجه شقه فا لو تحبى تبيعيلى الشقه دى
ممدوح : طب الاول خودى فلوسك
امال: لا هتبيعالى بكام ؟
حكمت : بس دى فيها عفشى وحجاتى
امال: ومالو هشتريها بعفشها
حكمت : لا يا حببتى بدل هتقعدى فيها خلاص خليكى فيها
امال: يعنى عاوزه فيها كام
حكمت : وهو انا هبيع شقتى لبنتى عيب المفتاح معاكى وقت ما تعوزيها روحى
امال : ربنا يخليكى ليه يا احلى ام
**** ( بقلم هند محمد @isis Mohamed ) ****
( وبليل بعد ما خلاصت امال العياده رواحت على الفيلا )
امال : السلام عليكم
ابو حامد : عليكم السلام يا دكتوره
امال: هو فى حفله ولاايه ؟
ابو حامد : لا دا عيد جواز اسر بيه والست ام خالد حاجه على الديق كده
امال : اممم طيب شكرا
( فرصتى جات ليلتك سودا يا اسر انته ونورهان )
تفتكرو امال هتعمل ايه ؟