Wikang Filipino natatanging lakas
Sa'ting talastasan ipakitang likas
Kahit sa banyaga tayo'y magpamalas
Laging isapuso't mahalin ng wagas.
Ating patatagin , pagkakakilanlan
Ng ating lahi't salamin ng lipunan
Sa bawat araw iyong pahalagahan
Ang lingguwahe ng bayang sinilangan.
Sa panahon ngayon 'wag sanang mawaglit
Sariling atin sa ipagpapalit ?
Simula pagkabata ito ang gamit
Na isang kaloob nagmula sa langit.
Di ko inilalayo wikang banyaga
Ang sa'kin lang sa'yong utak itaga!
Ito ay sa atin huwag ipigang piga
Bagkus tuunan pa ng pangangalaga.
Nawa'y iyong isipin at 'wag talikdan
Ikaw'y binigyang buhay sa Inang Bayan
Saanman mapunta iyong panindigan
Pagka-Pilipino magpakailanman!