أحــفــاد فــالــح (خـطـيـئـة لــيــل)
بـقـلـمـي الـكـاتـبـة شـَـاه نـبـاء
تـصـويـت وتـعـلـيـق بـيـن الفـقـرات لـطـفـاً🧡.
***************************
شَيفيد العُمر لو ماعَيشه وياچ ؟
حَياتي بلايّة حُبچ والله ما تسوى .
***********************
_افـتـحـي ، البلاغ يشمل كـل البيوت
مانزلت عينها من عيني مستمرة تباوعلي واني اتوسلها بنضراتي ، تصنمت بمكاني، روحي جمدت ،اذني تقلصت من الداخل ورحي رجفت من سمعت صوته يگلها
قــسـورة: خـالـة افتحي
تبخرت كل امالي وكل امنياتي من سمعت صـوته كأن اليأس طغى على گلبي، جسمي ارتعش بقوة
منذ أن سمعت صوته، لم يتبخر أملي فقط ،بل استيقظ خوفي كله دفعة واحدة ،لم أكن أترقب لقاء، ولم أعد الدقائق شوقا، بل كنت أبحث عن عذر يؤجل المواجهة، عن باب خلفي أخرج منه بلا ضجيج
صوته لم يكن وعدا، كان اقترابا يربكني، وكلما تخيلت لحظة الوقوف أمامه، شعرت أن الأرض تضيق تحت قدمي، وأن قلبي لا يريد الثبات في صدره، لم أكن أريده أن يراني هكذا، ضعيفة أمام ارتباكي، مرتبكة أمام حقيقة أنني لم أعد أملك الشجاعة الكافية لمواجهة ما بيننا
كل الطرق كانت تقود إليه، وأنا كنت أبحث عن طريق يعيدني إلى بيتي إلى أمي، إلى الجدران التي تحفظ اسمي جيدا، إلى سريري الذي يعرف دموعي ولا يسألني عنها،،، كنت أريد أن أهرب ، نعم، لكن ليس خوفا منه وحده، بل خوفا من نفسي حين أضعف
كنت أعلم أن لقاءنا لن يكون عابرا، وأن نظرة واحدة قد تعيد كل ما حاولت دفنه ،لذلك تمنيت لو تتعطل الساعات، لو ينشغل الطريق، لو يحدث أي شيء ينجيني من تلك اللحظة، لم أرد أن أسمع صوته قريبا، ولا أن أرى انعكاسي في عينيه، أردت فقط أن أعود، أن أهرب بسلام، أن أختبئ في حضن أهلي كطفلة أنهكها الطريق.
لم يكن في قلبي شوق،،،كان فيه تعب 'ولم تكن قدماي تتجهان إليه، بل كانت روحي تشدني إلى الخلف، إلى مكان أعرفه، إلى أمان لا يطالبني بالشجاعة......
حلت ادينها من حلگي خازرتني،دارت فتحت القفل بعدهي مافاتحة الباب ، زرگ قـسـورة ،هجم عليَّ سـد حلگي دارني خله ضهري ببطنه شالني ساد حلگي دخل للغرفة البيها العلاگة مال ملابسي ،نزلني با الگاع طبگني على الحايط سـاد حلگي بأيدة قفل الباب ،حاط اذنه عليه وكل شوية يرفع راسه للشباك ،سمعتهم يسألونها علينه گالتلهم
_ خطية هـذا ابن اختي چان با الشغل، حالة يكسر الگلب مرته مفاوته وحاير يروكض بيها للاطباء
عرفت هـذا الچلب ليل مچذب عليها، ونفس الصوت الصاح عليها تفتح الباب گالها
_اخلي النه البيت خـل نفتش
گالتله تسأل بأستغراب
_اكلك خالة شعدكم يومية مسوين تفتيش
_خالة الوادم مخلية بناتها سايبة واحنا مبتلين
فـز گلبي من بين ضلوني ،كل الاجـه ببالي هـمـه جاي يدورون عليَّ ، باوعت لليل عيونه بعيوني ، عيوني مدمعات ، مايفصلني عـن النجاة غـيـر هـذا الباب، يله يارانسي صيري قوية ادفري ، رفعت رجلي اريد ادفرة چلب بيها خازرني، رفعت ايدي اگرص واضرب بي ، لزم ايدي گرصها كرصه شوطني متت من البچي ، دفعته اضرب بي على صدرة گام مايصدني يدري بيه تأذيت من الگرصة ، وگفت عاجزة اندك الباب وصوت المرة كالت
_افتحلي يمه راحـو
فتح الباب يعتذر منها
قـسـورة:طبعاً اني حيل خجلان ومستحي منچ خالة
فگيت حلگي رأساً گلته واني امسح بدموعي
_منين جاك الادب يا نگسسس
ضحكت المرة ،درت عليها خازرتها نسيت انها اكبر مني ، گلتها
_الله راح يحاسبچ لانج مشتركه با الجريمة اني مو مخبله اني مخطوفة
ماتباوعلي تباوع وراي على ليل ،درت عليه رأساً نزل ايدة ، الچلب جان يأشرها على عقلة قصدة انـي مخبلة" ضربته ابچي واصرخ بوجها
_حـرام عليك رجعني لأهلي حــرام حــرام
_سهلة هسه اوديچ
دخل شال العلاگة ووگادني فلتت ايدي منه اصرخ احس محد يفهمني
_ماجاي تحس بيه ولك گلبي يوجعني ،اريـد امـي
_اي حبيبتي هسه اخذج امشي خل نروح
عرفته جاي يسلكلي گدام المرة ، صرخت اضرب بي على صدرة وما جاي يشفي غليلي اضرب بأيد وحدة واحسه ماجاي يتوجع ،بچيت املخ بشعري
_رجعني رجعني ،ياناس ياعالم هـذا خاطفني ، جبان جبان
_اشش هسه اليسمعج مو يصدك
_خل يصدك ،قابل اني مچذبة
_اش حبيبتي انـي زوجج
_قندرتي ، ولك لاتگلي حبيبتي اكرهك الله ينتقم منك
املخ بشعري منهارة ،احس شرايين رگبتي وجعتني هلگد ماضغطت عليهن وصيحت ، وگعت على ركبي اضرب با الگاع بقوة ،لزمني رافعني من الگاع يخض بيه كأنما شايل طفل ،صرخ بوجهي
_تنينه كافيييييييي ، كافي راح تتخربطين
_الله ياخذك الله ينتقم منك ،اريـد اهلي اريدهم
شبكني بقوة ،حـط راسه برگبتي همس وانفاسه كلها برگبتي
_ مـحـد يشفق عليچ لاتضلين تتمسكنين
فقدت اخر ذرة امل بگلبي ،شمرت راسي على چتفة اباوع للمرة ، دار عليها يشكرها ،صـار وجهي گدام المراية عـيوني ذبلانه ،تعب روحي مبين بوجهي ،عـيوني تحتهن هـالات سـود حواجبي خفيفات وباهت لونهن شعري كله متگطع خدودي مابيهن لـون ،رفعت ايدي المس وجهي اتأكد هذا وجهي لو لا ،صح اني جنت ضعيفة ووجهي ضعيف بس مافاقد لونه وباهت جان بي دم هسه اصفر على رمادي ، شفقت على روحي حيل "انكسرت روحـي عـلـى روحـي" قطع تأملي بنفسي ،ليل من دار يمشي بيه للباب ويخابر بسديد
قـسـورة:راحــو .... خـوش جايك
طلعنا من البيت يمشي للسيارة ،فتح الباب شمر العلاگة با الكشن الورا وسـد الباب، ضل شايلني ركب وركبني ويا مگعدني بحضنه ،ماحركت ساكن ولانطيت رد فعل ولا رفضت ولا رضيت بهاي اللحظة ماعندي مشاعر خـلاص، حرك السيارة ،يمسد على شعري ،حسيته تضايق من الگعدة كل شوية ويسحب روحة ويدنيني على رجلينه ،وصلنا للمهجوم واني ادعي يارب كون هسه يرجعون الشرطة وافضح لـيـل الحقير، دار ليورا جر العلاگة شايلها ، فتح الباب ،شالني وسدة ،قفل السيارة مشه بية دخلنا للسياج ومن وصلنا يم باب الهـول الخارجي نزلني با الگاع ، يگلي
_كافي مو شبع هيه
مارديتله سكتت كارهتا بكد شعر راسي لو ما حرام الا الزمة اگطعة تگطع ،من ينام انام بخوانيگة ،دك الباب يصيح لهذا صاحبة الاچلب منه
_دفتح الباب يمعود كتلنه الحر
ويضحك ، احترگت حراك اليسمعه يكول جوا ثلج ابن الاوادم ، فتح الباب سـديـد المجلوب ،دفعته منه احچي بحركه
_لا هلة ولامرحبا كـون يربي يگع علينه البيت ونفطس
ســديــد:الله يساعدك خـوية توني عـرفت انتَ ليش متغير وصاير نفسية
قـسـورة:اي والله خـوية شنسوي هاي بعد
درت عليهم رافعة ايدي منهارة احجي بصياح
_تخبلتو تخبلتو ؟؟ خــرب ولك رجعوني رجعوني ما اريـد اضل هـنا حرام عليكم ، انتو انتو مو متدينين رجعوني
احچي بأنهيار روحي تتراجف والرجافة سرا بكل جسمي ايدي گمت مااسيطر عليها روحي محتركه نفسي لعبانة جسمي اشتعل نـار ،بـون محد يردلي حط سديد المفاتيح بأيد ليل ،ضرب على جتفه وطلع ،طلع ورا ليل ،خلوني على صفنتي ،وگعت با الگاع اصرخ واجر با التشيرت من رگبتي احسه خانگني ، دخـل ليل مسرع ،قفل الباب واجه عليَّ گعد گدام انهياري ،گدام حـروبي النفسية الاخـوضها يكل صراع مستمر ،حـروبي دائماً الحدوث في قلبي لايراها احـد حــروبي النفسية عادتاً ما تحـدث ولم يراها احـد سـوا هـذا الغريب ،اصبح يعرف عني كل شي ،رهابي خـوفي فرحي حزني ،بماذا انكسر ، ماذا احـب ،ماذا اكـره ، كـل مايستطيع هـــلاك الـمــرء
"بأمكان هــذا الغريب كـسـري بسهـولة "
"لا يفشي المـرء سره اذا اراد الحـرية "
حـط ايدة على ضهري دفعته اصرخ بي
_انـت مو تحلل وتحرم ؟
_مجبور
_مامجبور رجعني رجعني ما اريد اضـل هنا رجعني كتلك
_كافي كافي ترا انتي تعبتي واني دخـت
_انتَ شگد حيوان وبلا ضمير يا اناني ياعديم الانسانية اتعب من احچي وياك والله ،لانك انسان اناني والحچي ضايع وياك
_محد جابرج
حرگ كلبي تفلت بوجها غمض عيونه شال ايدة، رفعت ايدي احمي روحي، عبالي راح يضربني بس كل السواه مسح التفلة يشكرني
_اشكرج هـاي من شيم اخلاقچ
_هـاا والخاطف بنية وحابسها هـذا مؤدب؟
_گومي نامي ترا دوختيني
_شكلك يوحي على انك رجال بـس فعلاً المضاهر خـداعة
سكت يباوع بعيوني ،نضراتي الة بس كره وحقد ، گمت لحيلي رجليني وجسمي كله يختض ، استندت على الحايط امشي ، فتحت الغرفة اجتني كفخة غريبة ماحبيتها ،درت وجهي من دخل ليل شايل العلاگه ،دخلت وراه ،تمددت بفراشي جرت الجرجف حاطته بين زروري ورافعته لبطني ،استحي اتمدد بلا غطا، سد الباب و طفه الضوا ، راح لفراشه يسألني
_خـايـفة ، انام يمچ؟
مااريد احاچي كارهتة ، سمعت حركته، نقلت نضرتي اله بدون ما ادير راسي ،واگف على طولة ،ضوا البردة صاير عليه شال فراشة وذبه بصفي ،شغل الضوا يفرش بـي وعينه عليَّ درت عنه للحايط ، منطيته ضهري ، وعيوني تجري با الدمع تمدد احس بي شوية شوية يتقرب مني ،حچيت بلا نفس ومن كل گلبي حچيي
_لا تمد ايـدك عليَّ اكرهك واكره الساعة الشفتك بيها ، احـن واستخطي الكافر وانتَ ما احـن الك
_بعدين تفهمين ليش هيج جاي اســوي
_مايهمني اي مبرر ، انتَ شلت خطيتي وخلص ، ومبرراتك الشخصية وحياتك الخاصة انـي مالي دخـل بيها مو تنطها الي عـذر ،، انتَ تعرف شنو يعني خـطف؟ خـطف هـذا موشي هين ، اول شي سمعة عليَّ واني هسه من كل ولابد دمي مهدور بين عمامي، ثانياً مالك حـق تجي تحبس شخص لاجل مصلحتك الشخصة هـاي جريمة شنيعة يعاقب عليها القانون عقوبة لاتقل عن ١٥ سـنـه ، وان شـاء الله اول شي اسوي من اطلع من هاي الزبالة انومك بزبالة ماراح تطلع منها للابـد حتى لو هـذا الشي كلفني اتهمك
ضحك ،يستغفر ، استفزني بضحكتة الچلب ، گال
_مو گضيتيها عليَّ حرام وحرام يله ماتگولين لنفسج مو حـرام تتهمين ؟
_انــي مو مثلك كل نهاري هـذا حـرام وهذا حلال وتعاي صلي وتعاي اقري قرآن ،واذا اكلك خطفي حـرام فهو حـرام وجريمة
_وشني التهمة الراح تتهمينهاالي؟
تمددت على ضهري ،اتنفس بعمق دموعي تنزل منا ومنا گتله بسكون
_اغتصبني.
_يفحصونچ مو غشمه هـمة
ابتسمت تك خـد بأستهزاء ، احچي مو بوعيي، احچيي حجي ما اريد احچي وعيب ، بس مدري شجاني كلبي شال الخوف والحيا
_اخلي واحد يغتصبني واتهمك
_راح اكسر راسج بت الكلب
ما احـس الا راشـدي دار وجهي عليه ، خزرته اصرخ ببچي
_لا تضرب عـا**
_احترمي نفسج بت النعل
گام لحيله صار مشبخ فوگاي ،لازمني من ياخه تشيرتي ويشل بيه ويلطخ على المخدة ويصيح
_اذا تعيدينها نـوب على لسانچ انعل والديچ ... بنت ليل انتي؟ ....بنت گو*** انتي؟.... انعل ابوج لابو تربياتج
من صــدك صـار اعصاب يتنافض بقهر وحرگة ، لزمت ايدة افلت بيها من تشيرتي واصرخ عليه
_هـدني اني حـرة ،بكيفي جسمي وين ما اريد اذبه اذبه
_يـولي اعقلي صيري عزيزة نفس ،يولي لاتخليني افرك حلگچ با القندرة
_اكـل قندرة ابـن الـ****
تبلهت بمكانه خازرني ،شال ايدة لزم حنگي يستجوبني
_منين تعلمتي هاي الكلمة؟
_مالك دخل وخـررر
_ولچ تالي وكت مزعطة مثلج تجي تشكك بشرف امـي
_وخــر عني يا ابن الحرام يا مبيوگ بوگه
ضربني راسدي كل قوتة ،صرخت دايرة وجهي لجهة الحايط رجعت وجهي اله وافعة راسي شوية من المخدة واصرخ عليه
_ابـن حـرام نـ***** مو طاهرة
_هـاا تردين تجربين شعور ابن الحرام ؟
_وخـررر عني
_لا شـو انتي صارلج ساعة تاكلين تبن وجبتي هيج سيرة شتريدين ؟
_عــود تريد تحرجني وتتهمني عـود اني ميته عليك واريدك بس تجيني ،لك بابا عقل مابراسك انتَ
ضربت على راسه بأستفزاز ،ادري بي يريد يخليني استحي وانحرج ، حاطه عيني بعينه خازرني بكل غضب نتر بيه
_مـنـو علمچ على هيج سـوالف؟
_امــــك
_لا تاكلين تبن ،لاتجنين على روحج هسه ،احچي
_ما مچذبة
_لاتخلين لساني يفلت ، منين تعلمتي هاي الالفاظ ؟
_لاتـدخل
_تحچين لو اتصرف
_ههههااااي وشتسوي وحگ روحة الابوي اكتلك واكتل روحي لاتشوفني ساكته ،يله وخـر لا تصير مو زينة وياك
هز راسه بتوعد ،لزم بجامتي يعت بيها صرخت لازمتها بأيد وحـدة ،هـوَ يعتني يريد ينزعها الي واني اصرخ وادفع بي تعبت ايدي استسلمت ابچي بكل قوتي ،نزعها الي لنص بطني ورجع رفعها يضحك
_لاتاكلين تبن مــرة ثانية لا اشوفچ ابــن الحرام شيسوي
_ابـن الكلب ،حسبي الله ونعم الوكيل بيك الله ينتقم منك على كل شعور عشته و اوجع گلبي بسببك
ماردلي ،داري عليَّ طفى ضوا تلفونه وحطة جوا راسه ، بچيت بصوت اريدة ينزعج بلاعيمي تشخطن والنعاس كتلني وهوَ مدبعن ولايمه الحچي ولا دار الي بال ، سكتت مغمضة عيوني مادري شلون وشوكت نمت ... گعدت على ضوا الشمس عاكس من ورا البردة ،باوعت على ماكنه لسه نايم شعجب ما گعد اليوم من الصبح ، گمت لحيلي احچي ويا روحي ، روحي تريگي علمود ماتضلين بمنيته الچلب ، فتحت الباب على كيفي ما اريدة يفز ويخرب عليَّ قرار اعتمادي على ذاتي ، طلعت امشي على روس اصابعي فتحت المي غسلت وجهي صافنه افكر اصلي لو لا ، توكلت على الله وگمت اتوضا ،وصلت للجزء الاصعب وهوَ غسول رجليني شلون راح ارفعهن واغسل ، شلت الدوكه من السنك ترستها مي ورشت على رجليني غرگت المطبخ ،ماهمني عـرد هذا الچلب يجي يمسحه ، رجعت للغرفة ، شلت حجاب الصلاة بسرعة وطلعت وگفت اصلي مثل ماعلمني وكلساا اتلفت خايفة احس اكو شي وراي ،على اعصابي يله خلص الصلاة ، ذبيت الحجاب با الگاع ، رحت للمطبخ طلعت الطاوة والبيض ،اشتغل ببطء لان بأيد وحـدة ، خليت الطاوة على الطباخ المنضدي ، شلت الگداحة قوية گوة گدحت بيها ،مابيها نار ،تشتغل بس على الگدح ، جريت الطاسه اخض با البيضة ورشيتها على الدهن البالطاوة ، كلبها وسديت النار ،حطيتها با الصحن ،وگعدت بالگاع بدون الصينية ، جبت الخبز اگطعه بسنوني وبأيدي السليمه ،سويته كومة كطع اخذ وحدة وحدة احط بيها بيضة واكلها لحد ما شبعت ،شلت الصحن حطيته جوا المي وحطيت زاهي شوية بي اخض بي با المي صـار كومة وغف والصحن صـار يمزلگ ،شلت اريد اغسله من الزاهي وگع من ايدي بالگاع وانكسر ،نزلت راسي على ايدي المچلبه بيها با السنگ ابچي بعجز ويأس ، فزيت على صوته يتحمحم ،رفعت راسي غسلت ايدي بسرعة ورشيت على وجهي مي ما اريـدة يشوفني ابچي ،اجه من وراي لازم ايدي صرخت افرغ روحي منه
_وخــرررر ابـن الحـرام
_لاتاكلين تـبـن خل اغسل ايدچ بيها زفرة
_مـاااا اريـد ما اريـدددد وخــررر گتلك
هـد ايدي ،دفعته بعد عني ،عفته ورحت للغرفة اكل بروحي حرام عليَّ اني اگله ابن الحرام هـذا اثـم عليَّ راح يطيح حظي با الزايـد ، بس حـيـل بي يستاهل الخاطف الجايف الخايس ، صـاح بأسمي ما رديت الة ،رجع يصيح مرة ومرتين وثلاثة لحد ما مال ،فتح الباب يباوعلي درت عنه للحايط ،استغفر سألني
_گـومي اكـلي
_ســم ومن ايـدك ما اريدة
_تأدبي لاتگولين على نعمة الله سـم لا اأدبج
_هه ادب روحـك با الاول
_گـومي اكلي
_كتلك ماريـد مـرض
_چؤ اسغفر الله ،ولچ بابا ماتشوفين روحج شلون صايرة چنچ جريدة امـي التسعف بيها التنور ، كومي اكلي وانچبي
_اولاً انعل ابوك لابو امـك المعرفت تربيك ،لاتضل تمسلت وتجيب المهانة لاهلك ،ثانياً اطلع بـرا ، تريگت ، ولو بيك خير وتهمك صحتي چان رجعتني لأهلي
_تردلك الكلمة بعشرة
گالها وطلع سـد الباب وراه بقوة صرخت بغضب
_كلب ابن الكلب لا تاكل نعل
_لاتخليني اشوفج وجهي الحقيقي مشعولة اللشة
_انـچب لك انـچب
_تنينه المتفرعـنـة
_انعل ابـوك لابو تنينة الماكتلتك وخلصت منك ، واحـد طايش بلا عقل
متناقشين صــيـاح، سكت بعد ماردلي ، گعدت عــدل لمحت علبة المكياج الجابها الي ،گمت شلتها من الكاع ورجعت على فراشي ،فتحتها طلعت الحمرة فتحتها وطلعت شوية منها خايفة عليها لاتنكسر كتبت على الحايط "مكان الاميرة "،گمت لحيلي ركضت گعدت على فراشه كتبت على الحايط اليمه " مـكـان الـچـلب" ، رجـعـت ركض لفراشي اضحك ،ضميت الحمرة ،سديت المكياج ورجعته لمكانه ، رجعت المكاني لامة الجرجف عليَّ كأني كلشي مامسوية وانتضر بي يمته يجي ويشوف مكانه المناسب ويـن هلچلب هـذا ، ما طول ودخل للغرفة مبتسم درت عنه للحايط اتحسس با الحرف مال الكتابة اريـدة ينتبه المكانه ، وفعلاً انتبه ضحك بصوت ،رمقته بنضرة خاطفة ما اريدة ينتبه اليِ ،شفته يباوعلي ويضحك ، ابتسمت اباوعله بغرور احـاول اكسر ابتسامتي الفضحتني ،گتله
_عجبك مكانك؟
_افيش ياريحة هـلـي ،كلشي منج يعجبني
_انـتَ شگد فـاشـل وتـافـه شلون تتغزل ببنية وتنطيها مشاعر مزيفة وهيه بس مخطوفة يمك ، فعلاً انتو الزلم مالكم امان
تقرب مني واني اخـزر بي
_هـيـوووو ويـن تريـد؟
_جـاي نتصالح
_مانتصالح الى يـوم القيامة واذا الله يسامحك اني اسامحك
_الله مسامحني يدري بيه مجبور
_انچب ولاتضل تمسلت يله وخـر عـنـي
ماهمة مستمر يتقدم على كيفه يريد يخوفني ،حطيت اضفري بحلگي من كعد گـدامي ، حضن وجهي بين ادينه حطيت ايدي السليمه بصدرة دافعته ،نترت بي بغضب
_وخــررر لا اطيح حضك خاف حسبالك ناسيتلك سالفة البارحـة
_وانتي مـو توليتيني ابن الحرم وابن الحـرم حتى اني شكيت بروحي
كالها يضحك ، نترت بغضب
_ما مچذبة ، يله وخـر عني لاتخليني احچي بأعراض العالم
_ياهو الگالچ احچي بأعراض الوادم ، ليش الوادم مو الها حـوبـة ؟
_اي لعد وخــر علمود ما ابلش بأمـك
صفن بوجهي شوية وبعد عني ،ميحت ايدي با الگاع اقلد عليه
_ايععع توصخت القذر وصخني
_صـدك على طاري القذارة ،تسبحين؟
رفعت حواجبي مقلصة عيوني وهوَ يضحك ، زمخت بي
_هـيـووو شقصدك؟
_مـو قصدي شي والله ، بس انتي من زمان ماسابحة ، تسبحين؟
_اني ما اسبح ببيوت غـربـة
_لـعـد ضلي هيج مجربة
_محد غيرك مجرب يا اجرب يا كلب ياحـيـوان
سكت يگلب بتلفونه ،واني صار بيه واهس كل شوية اشم تشيرتي ،فعلاً اني ما سابحة صـار هـواي حتى شعري معجد ويحك بيه ، درت عليه احچي مستحيه انتر بي وهوَ مبتسم فاهمني
_هـيـووو اريد اسبح صار هواي ماسبحانة
_يله گومي اسبحي سبحة رمضان
_شـنـو رمضان ؟ليش يمته؟
_يـومين نـوب ويجي رمضان ، ونصوم انـي وياچ
_دنچب اني ماصوم
_ليش ؟
_هـوَ احنا مانصوم رمضان بس امي وابوي الله يرحمه
_ماشاء الله عائلة كلها كفرة
_احسن من ما نتستر با الدين واحنا عـا***
_حسني الفاظچ هذا رمضان جاينه
_هلة بي
رحت للعلاكة جريت الملابس الداخليه لفيتهن با التراكسود درت عليه خازرته
_ادب سـز شكو تباوع ؟
_عليمن لابسته اشـو انتي حالچ حالي كلشي ماكو
فتحت حلگي مصدومه من كمية الوقاحة ، ضحك يأشرلي يله ،صرخت بي وگف داير عليَّ ، صرت گدامه واگفه ورافعة راسي ،عيوني بعيونه، استجوبه
_شـو انتَ هـواي تمسلت ، شـنـو قصدك ؟
_التراكسود قصدي ليش لابسته
_شگد ابو درب انتَ وتاكل نعل هـواي ، التراكسود ما البسه لعد شنو امشي مصلخة
_الله شمحلاها
ضربته على بطنه بعكسي، لزمها متألم ،عفته ودخلت للحمام ،ترست السطل مـي من الحنفية ودكرت الباب بي نزعت ملابسي وحطيت الشامبو على شعري توني اريد ارش مي لاحظت ما اكو طاسه ،صرخت مستحية
_هـيـوووو جيبلي طاسه
انتضرت شوية ودك الباب ، جريت السطل من يم الباب وفتحته ، مطلعه بس عيوني وجسمي كله ورا الباب ، مبستسم ورافع الطاسه مديت ايدي اريد اخذها سحبها بسرعة يسألني ويغمز
_ اقـوم با الواجب خاف مابيچ حيل ؟
_اليوم اشرب من دمك ، انطيني الطرگاعة
ضحك مدها الي ، اخذتها وبسرعة ضربته على ايدة بيها ، دخلت وسديت الباب وهم دكرته ، اسـب بي بصوت ، اسمعه سباتي ، خلصت سبح با السب والشتم ، نشفت جسمي بملابسي الوسخة ، فتحت اللفاف من ايدي ما اباوع عليها نفسي تكش ، منضرها يلعب النفس ، خرب الي ايدي هـذا الچلب ليل، لبست ملابسي النضيفة ، حطيت الوصخات با السطل وغسلتهن شلون ما كان ، بديت المي با الحمام ،رجعت الملابس با السطل ، شلتهن وطلعت صار وجها ليل الحقير گدامي اشرتله افتح الباب ، طلع المفاتيح من جيبه يتمعمر لاساعة ولا ساعتين ،زمخت بي
_فضها عــاد
_غير لو اعرف المفتاح
_امـداك مفتاحك ماتعرفة
فتح الباب غميته مدلغمة بوجها ،شلت السطل طلعت يم الشجرة شريتهن ورجعت ركض ، ذبيت السطل يم الباب ودخلت للغرفة شايلة هـم لشعري شراح يمشطة ،دخـل للغرفة يمزمز عبالك مسويلة مكسورة ، رأساً فطنت خفت لايطلع مباوع عليَّ من چنت با الحمام ، صحت بي
_هـيـووو شكو تتمضحك؟
_هـيـچ
_هيو خاف مباوع عليًّ
_اني؟
_لا امــي ،طبعاً انتَ
_لا والله مامباوع
_اكبر چذاب هـوَ انتَ
سكت يباوعلي اشرتله يجيبلي المشط هـز راسه خوش جابه حطة بأيدي وگف بعيد عني يراقب بيه نترت بي
_هيووو شكو تباوع؟
_امشط الچ؟
_لا هـو انتَ شخليت شعري كله نتفته
_هاه شدخلني اني ؟
_من قـهـرك
_اويلي اموت بهيج نسوان
كالها يضحك ،رفعت راسي خازرته وهوَ مستمر يضحك ، عتيت شعري كل قوتي ما اسيطر بأيد وحـدة ،نترت المشط من شعري اصرخ بضجر
_مايتمشط مايتمشط
تقرب مني ،اخذ المشط گعد وراي ومد رجلينه ، جرني عليه مگعدني با الوسط ،صح زعلانة منه بـس مو وكت كرامتي هسه ،اذا هسه اكوم اتفلسف واتزعل شعري يضل هاي ضلته ،خل يمشطلي وبعدين ازعل منه ،هيج اقنع بروحي ،ابتسمت لا ارادي على افكاري ،سيطرت عليها رجعت مدلغمة ، ارجع كذلتي ليورا بنتر ،عورني المشط صرخت كل حيلي اچـذب اصلا ما اوجعتني بي اريد حجة عليه درت عليه خازرته انتر بي
_انـچلبت ابن الچلب
_اذا تتجسرين نـوب اچويچ با الجكارة على لسانچ
_انچب خـوش والله
سكت يمشط بشعري ،هـدءت شوية انــود وادندن بصوت اشبه با الهمس خلص تمشيط سالني
_اضفرة الچ؟
_اي
بدا يضفر الي شعراتي ،خلص الضفيرة باسها ما احس الا حط وجها بركبتي يشمها بقوة ،دفعته كايمه لحيلي اصيح عليه
_سرسري لاتلزمني انـي مخطوفة
_اوففف امـوت على المخطوفات
كالها تحارك بيه ، يغمزلي ويضحك، تفلت عليه اسب بي ،وهوَ مستمر يغمز ويضحك تمدد بفراشي حاط ادينه جوا كتوفه شايل بيهن راسه ، حسيت السبات مابردن گلبي ،لميت شفايفي لداخل حلگي بغضب رفعت ايدي لفوك راسي ضميت كل اصابيعي خليت بس الوسطى ،رافعته اله واحرك ايدي ،رفع حواجبه صـوفر يگلي
_اويلي تعاي تعاي اعشگ هيج سوالف
_ابن الكلب
حرك دمي عبالي اقهرة تالي هـوَ قهرني ،نزلت ايدي امشي للشباك واسمع ضحكته تعلى اكثر واكثر ،فتحت البردة اباوع منها على الشمس بعد ماسمعت اله صـوت ،درت اريد اشوفة وين ،انهبطت من لگيته واكف وراي حيل ومنزل جسمه ،حاط وجها يو اذاني ، ومن درت صار وجها بوجهي ، تراجعت خطوات للخلف ،گال
_المخطوفة زعلانة من خاطفها شنو رأيچ
_وخــر ماعندي رأيي
ابتسم بخبث يسالني
_رضيتي لو ارضيج بطريقتي؟
_هيوو نسيت انـي مخطوفة ؟
تقرب اكثر ،لزكني ويا الشباك ،حط وجها يم وجهي حيل، درت وجهي عنه للجانب ،سألني وانفاسه الحارة تلذع برگبتي
_وهـسـه ترضين لو اتصرف؟
_اي رضيت
_اثبتيلي؟
_شلون يعني؟ جاي اكلك رضيت
_بوسيني حتى اتأكد من رضاج
_لو تموت هـم ما ابوسك
ما احس الا طبع شفايفة على خــدي لازم وجهي كل قوته دفعته بأيد وحدة اعدل بفكي واسب بي
_حيوان ، زين ما متت ،منعول الوالدين
_تعاي الفتلج ايدج
_لو تحط رجل با السما ورجل رجل با الكاع ما اخليك
_تعاي بابا مو وكت عناد لاتلتهب ايدچ وتتمرضين
_دكل نعل
عفته ومشيت للعلاگة ،طلعت اللفاف منها الف بأيدي ،اجه كعد گدامي نترها يصيح بيه
_مو هيج ،غير تعقمينها با الاول
_دنچب مسوي نفسك فهيم ، كلك خلگ عـا**
هز راسه بأسف عقم ايدي وشدها ،كام لحيله يباوعلي ،زمخت بي
_امشي سوي النا غــدا
_شتحبين تاكلين
_باچة ، هوَ انتَ شعدك غير البتيتات ،طاحضك وطاح حظ جهرتك
عافني وطلع ،سمعت صوت قفل باب الهول ،كمت وراه اصيح
_هيووو انتَ ، المچلوب وينك
ما اكو اي استجابة ،شي اكيد طالع ،رجعت للغرفة احـوس ضايجة انتضرت نص ساعة وليل ما اجة ،خفت لايطلع عايفني مثل كل مـرة ، كمت لعلبة المكياج طلعت الحمرة وخليت منها ،اباوع على شكلي ، ضعفانه ووجهي شاحب ،مسحت الحمرة مقهورة وادعي على هـذا ليل الچلب حابسني هـنـا ،سمعت صوت المفاتيح با الباب كمت لحيلي فتحت باب الغرفة اباوع دخل شايل علاكة ويا ،اشرلي مبتسم
_تنين تعاي خل نتغدى
_ما أتغدى ويا واحد مثلك
_دمشي تعاي لاتتعبيني
_انچب لاتتأمر
_هايهية ما اتأمر تعاي تنين تعاي تغدي اذا ماتصير زحمة
رحت رافعة خشمي للسما گعدت فاتحة رجليني منا ومنا ، اريدلي حجه عليه علمود اعاركة وازعل ولسه شايلة بخاطري على عملته مال البارحة ، شال الخاشوكة يوكلني ،دفعت ايدة ما راضية شلت الخاشوكه افلس بيها لحم واني اكل ،صح صعبة بي ما اخلي يتمنن عليَّ ،خلصت اكل غسلت ورجعت للغرفة ......
فــاطــمـه:: مــرن يـومين على وگعة عـــرب ، طلعو من المستشفى اهـلي راحـو الة وموصي عليَّ بس مارحت ما اريد اشوف وجها ،دازلي رزالة بأسلوب عـتـب ويا ابـوي ما اچذب اذا اگول ما اثرت بيه رزالته بس نفسي اهم نفسي تحاسبني اني ما اطيقة ليش اروح واجبر نفسي على شي ماتريدة ، دخلت كواكب تهذرب بي كلساع وكالت
_خطية عـود هوَ الاستقبلنه
_طبه مـرض شسويله
زمخت بيها ضايجه، سكتت رجعت درت عليها اسألها
_عمتي حـكـمـه رايحة؟
_اي والنسوان كومة يمهم ،مـرة خالهن صايرة بـدالها
_مسوية نفسها ام البيت
_يله عيني راح تروحين انتي وتصيرين ام البيت
_امشي من يمي لا احـط المكشارة بعينج
ضحكت ،تسألني
_باچر شنو تسوين النا سحور؟
_اكلو بـ ١٢ ونامو لو الا تحرمون فطيم النومة
_احلى شي با الحياة
باوعتلها بشك وهيَ تضحك سألتها
_شـو فرحانة وتضحكين؟
_خلصت امتحاناتي وگعدت مرتاحة
_بعد النتيجة ، اذا طلعتي راسبة امـي تطلعج عمالة ويا عـهـد
ابتسمت تهز راسها اي، شلت البيذنجانات ، غسلتهن وكليتهن ، خلصت العشا ، آذن المغرب ، صعدت صليت ونزلت جـوا ،صبيت العشا واخذته با الهول ، التمو على العشا الا هــلال گايمه ما اشوفه هـواي با البيت من يـوم ما ابـوي جبرة يعقد على هاي البنيه هـوا گام مايلفي للبيت قليل ، خفت لايفتحون موضوع زواجي لان كارهتة بگد مايحچون بي سألت ابـوي
_يابة هــلال شـو ما اشوفة
عــمــر:يم صاحبه بوية
_يمته تزوجونه ؟
عــمــر:على سبعتچ
هزيت راسي اي ،نزلت عيوني للاكل ساكته ، وبعد محد حچة لحد ما خلصنه عشا كل واحد راح بصفحة ، شلت الصينية ، غسلت المواعين وسويت الهم چــاي واخذته يمهم اول ما كهبت الباب امـي كالت لأبوي
أفـــراح:اي فطيم اسويلها احلى حنه
عــمــر: الله كريم خل الله يخلينه طيبين يمرة
حطيت الچاي بينهم ،امي گالتله
أفـــراح :ان شاء الله طيبين ونشـوف جهالها
_لا والله ياجهال ذولة
أفـــراح:جهالج ولـــد الشيخ
توني اريد اگلها وياهو الگالج راح اخليه يتگربلي ، بس استحيت من ابـوي وخفت منها ،ضحكت تغمز لابوي كالتلي
_عــاد يمه خـلي عـــرب يربيهم ،لان انتي تربيتج سگط
_الله كـريم يمه ،ريتني عاجر ولا اجيب جهال من عــــرب
_شـني ولچ بت القندرة
رگضت وكفت با الباب وهيَ وابوي يهطون ويحچون عليَّ لان كلت ريتني عاجر
عــمــر:افرضي هاي ساعة استجابه والله خلاج عاجر صـدك
_عــادي
عــمــر:اطلعي بـرا بعد لاتحچين ويـاي
أفـــراح:بـت القندرة الليلة ليله رمضان
_هسه شمدريني انـي ، يله عمي ياربي سامحني واغفر لي لان ماعرف اسولف
ابتسم ابـوي ،بادلته الابتسمه مكيفة ،ابوي مايطول زعله وما يضل يلح با السالفة الا امـي تضل تدك، عفته وصعدت ،دخلت للغرفة اول مادخلت طفى الضوا ،واشتغلت النشرة ، ابتسمت مامفتهمة شنو هـاي ، انفتح الضواتفاجأت واني اشوفها الغرفة متروسة نفاخ وكواكب ونـجـم واكفين يضحكون وبأديهم بخاخ ،ضحكت اسألهم
_هـاي شنو؟
كــواكــب:انتي تتعبين هـواي با البيت وراح تزوجين فقررنه نفاجأج
نـجـم:حلوة المفاجأة؟
_تـخـزي ، اااا اقصد تجنن
ضحكت مرتبكه ،ضحكو وياي واني ارجف اول مرة واحـد يعبرني ويسوي الي مفاجأة ،دخلت للغرفة حضنتهم عيوني مغورگة ،وخر من عدنا نجم يكللنا
_كافي عزلنا
عافنه وطلع وكواكب ملصت نفسها تگلي لمي النفاخات ، شكد حقراء عافو النفاخات علي ،طككتهن ولملمت الغرفة ،كلهن شمرتهن با الزبالة ، فرشت فراشاتنه ونمت ...كعدتهم على السحور كلهم نشاط ويضحوك بس اني روحي بخشمي بودي اشلفطهم ،خلصو سحور شلت المواهين وشمرتهن با السنك چفيت عليهن الصينية ورجعت نمت ....
عـدن ١٥ يوم من رمضان ، عــرب شكد يخابر ويراسل وبس يريدني اردلة وويوصي ويا اخواني وابوي ابد مارديت اله تالي سكت وگام مايخابر بس يدز اشعار وهم ما اردلة ، عمتي حـكـمـه باچر الصبح ترجع من العمرة ومسوين فطور وعازمين العالم ، كملت كل شغلي صعدت فوك صليت وفرشت النا ،حطيت راسي على المخدة اجاني اشعار رسالة ،شلت التلفون فتحته ورحت على الواتساب باوعت على محادثته بيها الــــــف رسالة ،فتحت المحادثة بلا نفس اكلب با الرسايل بـدون ما اقرة بس اكلب والرسايل عبالك جرايد هلكد ماطويلات عديتهن كلهن رحـت عدى اخر رسالة كاتب بيها
_ردي مــو تعبتي گـلـبـي
درت على زر الصوت ،انفتح ،زفرت نفس حچيت بلا نفس گتله
_شـتريد
وبنفس الثانية الدزيتها بيها شافها ودگ ، رديت عليه اجاني صـوته مقهور
_ليش هيج تسوين بيه ؟ فـاطـمـه ترا ما استاهل انـي
_شتريد؟
_ليش هيج ليش هيج تحاچيني ليش هلحقارة ولچ بداعة امچ لاتحاجيني هـيچ گلبي يوجعني ،هسه الكلمة الطيبة ماراح تخسرچ شي رحمة لأهلچ لاتحقرين
يحچي محترك گلبه ومقهور ، استخطيته سكته بكلمه
_هـا عيني؟
سكت شوية چنه ما مستوعب، رجع يأكد عليَّ
_تحاچيني؟
_اي لعد احاچي منو !
_هااا عيني ؟ بـويـة راح انجلط ؟ فـوفـو حبيبتي اروحلچ فـدوة عگالي ينشد على خصرج صدك هاي الي؟
ضحكت بصوت مامصدگة اكـو ناس هيچ تحب وتتعلق ، الله يبعدني عن هيج تعلق ، فعلا الانسان يخرب من يتعلق بشي ، كتله بتكبر اريـد العب عليه شوية
_ اي الك لعد لمنو
_خـرب روحك عـــرب ، ولچ اروحلچ فدوة ، فـوفـو كـواكب يمچ؟
_لا
_تفتحين كامرة؟
_لا
_بروح موتاچ
_كتلك لا
كلتها بنتر ، رجع يتحايل عليَّ
_هايهية هايهية مو الة كامرة اهم شي سمعت صوتچ
_عـــرب انتَ معقولة تحبني؟
سمعته تحسر يگلي
_انتي اغلى من روحـــي عـلـيَّ ، كلي اروحلچ فـدوة ، اروح فـدوة للتراب التمشين عليه
سكتت مدري شگله احس حرجني بردة ، سأل متحسر كأن متوقع جوابي
_فـوفـو باچر تطلين علينه لـو لا
_لا
_ليش؟
_ما اريد اجي احس نفسي متضايقة
_ياهو المضايقچ
استخطيته اگله انــتَ سكتت اغير با الموضوع گتله
_تنعس؟
_اي تعاي انـام بحضنچ
_اوووووهه هسه مو جاي ناكل قنادر ليش اخربها
_يله اسـف اسـف اسكتي
_اسفك مايفيد ازعجتني
_هايهية وروح امـي بعد ما احچي ، انتي احچي وگضيها عليَّ عـمـري مثل مساع بروح امـچ
ضحكت بصوت اهز بأيدي ، هذا شيفضها ويا، وهوَ يضحك وياي عبالة اضحك الة ،تحمس زيادة گالي
_شوكت نتزوج ونفضها
_تريد تنحضر انـتَ؟
_اوووهه شبيچ بابا خل نسولف من الاوادم
_اي لعد لاتضل تسولف هيج
_شني السوالف التعجبج
_ماتعجبني سوالفك
_هاه ؟ فـوفـو خلي كلمة العمري واگفة بعيني ، فضيني شني تريدين اسـولف
_تخوفني عـــود؟
_اووووه فـوفـو حبيبة گلبي البي ذبحة، گليلي شني تردين واني حاضر
_سولف شلون انجلطت خل استمتع
ضحك بصوت يگلي "تفرحين اذا شفتيني ميت " ،بدا يسولفلي
_رجعت للبيت گلبي يوجعني طبيت لغرفتي گلبي گام يدك بسرعة وعـركت وطحت على الكاع ،گعدت لگيت روحي با المستشفى فضت راحت
_هـاي جلطتك من النوع القاتلة؟
_لا خفيفة
_اي لان القاتلة حصتي انـي ، انـي الراح اجلطها الك
ضحك يستغفر ،ومن نبرة ضحكته عرفته مستمتع با المكالمة ، گتلة
_الـشـايب ابو الطلايب ، اني نعست راح اروح انـام
_نـامي يروحي من فـدوة رحت الچ انتي والنومة مالتچ
_ديله
بدون ما اسمع ردة سديته بوجها زفرت نفس تعبانة ،ذبيت ثگلي على فراشي ،دخلت كواكب مبتسمه وتسألني
_شتلبسين باچر؟
_ما اروح
_علمود امي تدفنچ
_مو بكيفها اني مايعجبني اروح ماضل شي العرسي لازم اثگل
_هـم صــدك
سكتت منها ،راحت للكنتور تطلع با الملابس ، ماعجبها شي ،سدته تحك براسها راحت للضوا طفته ورجعت لفراشها، غمضت عيوني على امل كل الجاي اعيشه يطلع حـلـم على امـل عــرب شخصية وهمية على امـل اطلع انـي بعدني طفلة بس كل امالي تبخرت من گعدت للسحور على نفس الالم البكلبي، نزلت جوا ،البيت كله نايم ،شغلت الاضوية وتوضيت دخلت للمطبخ سويت سحور وگعدتهم ،كلهم ارواحتهم بخشومهم گوة يحجون وامـي اليحاچيها تسبه ،ونجم گوة گاعد على رجله خطية واگع من الدراجة ورجله مرضوضة ، خلصو سحور ،شلت الصينيه چفيتها با السنك وركضت فوك توني طبيت بفراشي اذن ،كمت صليت ورجعت نمت ،گعدت الصبح كا العادة نفس الروتين لـحـد ورا آذان العصر ، واكفه على المراية استكشف وجهي طالع بي كومة حــب ومرة جيرانة گالت لأمي بيها حـالة نفسية ، اجاني صـوت ابـوي من جوا صاحني انهبطت اووه بس لا راح يجبرني اروح وياهم ، نزلت خايفة دخلت واگفة بباب الاستقبال هزيت راسي شكو ،اشرلي على القنفة گعدت ارتجف اخاف من سـالفة "تعاي اگعدي " احس وراها عركة شكبرها ، كال بدون مقدمات
عــمــر:ليش ماترضين تروحين لعيالچ؟
_ها الحمدلله
عــمــر:شنو؟
ضحكت بصوت اكله واقنع بي عـود اني على حق
_باوع يابة مايصير اروح الهم وانـي عـرسي ماضل الة شـي
سكت يمسح على لحيته كأنه اقتنع شوية ، واني چذابة اصلا مايهمني وذا رحت ، بس اني ما اريد اشوف عـــرب ، هز راسه ابوي يگلي
عــمــر:التشوفينة صحيح سـوي ، بابا، انتي بعد ماعليچ كلفة سباعية من يومچ
_ان شاءالله يابة
دخلت كواكب تضحك وتبرم بگذلها ، لابسة فستان قصير للركبة وشادة شعرها ذيل حصان ، صاح الها ابـوي لـ حضنه يتغزل بيها
عــمــر:هلة هلة ياهلة شنو هـذا الجمال
كعدت بصفة شابكته وتضحك ، دمعن عيوني غيرة ، ركضت دفعتها وشبكته صرنا مماخ على حضنه ، دفعني ابوي من حضنه وشبك كواكب كالي يقاهر بيه
عــمــر:اني وبنتي بزر الگعدة انتي ليش حطيتي روحچ
_يابة ترا راح ابچي لاتتشاقة هيج شقة
عــمــر:انـي مامتشاقي روحي يله كشش كشش
_بـابـااااا
گلتها وبچيت ضامة وجهي بين اديني ،مقهورة من كل عقلي ،كام لحيله شابكني جرني ويا كعدنا شيبك بيه ويبوس بوجهي
عــمــر:حبيبتي انتي فطيم بنت ابوها التخاف عليه وعلى بيتها امـوت عليچ
_زعـلـت
عــمــر:ههههه ولچ بابا لاتضلين عقلچ زغير وتغارين
كــواكــب:بس فاطمه ترا هـوَ من صدگ مايحبج ذاك اليوم گالي
شهكت كل قوتي ابچي مقهورة منهم ومن عـــرب الحقير، حرني لحضنه يمسد على شعري ويضحك كل قوته، دك تلفونه طلعة من جيبه رد عليه وهوَ مستمر با الضحك
عــمــر:ها يابة ...اي ان شاءالله مسافة الطريق ......اضحك على هذن...... هـاي تبچي لان شبكت اختها وماشبكتها ...... فطيم حبيبة ابوها ......لاتضل تاكل تبن يله كـش
كالها وسد التلفون رفعت راسي من حضنه اريد اتأكد هذا عـرب لو لا كتله
_منو هـذا؟
عــمــر:عـــرب
_وليش سولفتله هسه يلزمها عليَّ
عــمــر:اطيح حظه غير
سكتت امسح بدموعي، حضن راسي بين اديه يگلي
عــمــر:بناتي وولد كلكم احبكم وما افرق بينكم ومساع چنت اتشاقة وياچ بابا
_ادري
عــمــر:لعد ليش تبچين؟
_ما ادري
ضحك طبع بوسه على گصتي وكام يهير بأمي ، اندك هورن با الباب لو عبالك هاون ،كامريصيح اكثر وامي تردلة
أفــراح:شبيك شبيك خوثتنه
عــمــر:ديله يامرة شجنتي تسوين
دخلت من باب الاستقبال تنتر بيه
أفـــراح:عـود سوي فطور الچ ولـ نجم
_خـوششش
أفـــراح:مهملچ ابوچ منطيج على مايچ
سكتت مارديت الها ،طلعو وطلعت وراهم اباوع من الباب ، هلال جايب سيارة تكسي ،ويجيب ويخزر بيه وشفايفة تتحرك بـ "طبي جوا " دخلت سديت الباب وراي گعدت با الاستقبال ، اجتني صـوت رسالة ،گمت شلت التلفون من الطبلة دخلت للواتساب عــرب دازلي
_تـعـاي انـي اشبكچ واحشگچ بين ضلوعي بصف گلبي
غميت المعادثة طلعت منها اكلب با الفيديوهات للعصر حيل كمت اسـوي فـطور.........
مــــرام:: من يوم ما طلع عـــرب من المستشفى واحنا الخطار مروچـد ببيتنه ، يلزمونه من الصبح لحد الليل يله نرتاح ، اليوم امـي اجت من العمرة مالتها ، واحنا من الصبح للضهر يله خلصنا شغل البيت ، دخلت للمطبخ اشيف رگي ويا انـــوار وعـــرب لازمة گلبه ويحوس ، دخلت أطــيــاف لابسه الگلبية تجنن عليها وهيَ جسمها حلو محلي الگلبيه ،حاطه مكياج خفيف ورادة الشال على شعرها رد ،غمزتلها ضحكت تسألني
أطــيـاف:حلوة؟
شـهـد:چنج ابوي
درنه فازات على الباب دخلت هيَ ونرجس يضحكن ويهزن بكتوفهن ، فجأة صرخن متذكرات گالهن اثنينهن سوا
_رمضان هههههه
ضحكت وياهن دخلن يسلمن علينه ،لزمن اطياف من ياختها ويگلبن با الكلابيه مالتها گالت لها شـهـد
شـهـد :ورا ما يشوفج بيها ، عبريها عليَّ
نــرجـس: ماتلوگلچ
شـهـد:صايرة لوگية !
نـرجـس:دنچبي مو لوگية بس احنا كلنا ماتلوك النا لان أطياف ضخمة شايلتها بضخامتها
حولت نضراتها النا كلنا تسألنه وتتنقل بعيونها
شـهـد:الحجية شجابت النا وياها
_متسوگة بس سبح
أطـيـاف:ياهو اليجي تلبگة بسبحة
متنه ضحك ، هزت ايدها شهد دارت علينه تهز برگبتها وتغني بخفة سألتها
_امــچ ويـن ؟
شـهـد:امــي يم خالي عــرب
_شعجب ماگلتي شيخنا؟
شـهـد:شيخنا حـال ايـدة يمعودة ، شنهاي لابسلي تراكسود
ضحكت اباوع لأنـوار المبتسمه بخفة سألتها
_لعد شتردينه يلبس؟
شـهـد: استغفرالله بحلگي حچي ، شني شيلبس غير يلبس دشداشة
عـــرب:ياهو ولـچ؟
انهبطت ،ماعانيها صفرت ،دخل هـوَ وازهار گمنه بوجوهم سلمنا على ازهـار ،انتبهت ويا حچيهم كالها
_سـت شـهـد ياهو اليلبس دشداشة
شـهـد:شيخنا استهدي برحمانك
_هههههه
شـهـد :شهلضحكه شيخنا ماتشوف النسوان كاتلات نفسهن عليك عمي حگهن
_انجبي لاتحجين سوالف اكبر من عمرج
_حاضر شيخنا
جرها عليه باسها براسها يشاقيها ، صار صـوت با الباب باوعت من باب المطبخ ،رجل ازهار وابنها واخواني وولد عمامي واكفين با الباب يتناقشون،دفعني من الباب عـرب خازرني ،طلع وسد الباب وراه، التمن نسوان خوالي فرشنه الهول من الطول للطول گعدن هنة وجعويلهن،يباركن لأمي وهيَ مكيفة ، نـوب گامت تتغلط علينه كدامهن وتتشكة من عدنا ،شلت الصينية دخلت للمطبخ الطم على وجهي بغضب
_هـاي امي شگد فطيرة
أنــوار:شبيها؟
_تشكي وتبچي من عندنا گدامهن وهـنَ ولاينطن ببناتهن
أنــوار:شكو بيها خل تشكي
صفنت عليها عيوني تتجادح غضب زمخت بيها
_كـون الله يشيل ربع البرود البگلبچ ويخلي بگلبي
_لاتدعين هيچ وانتي ماتدرين شنو عشت حتى وصلت لهذا البرود و...
قاطعتها اسألها
_شنو عشتي؟
_احس الموضوع مامستاهل وذا شكت من عدنا ، هنَ لا يقدمن ولا يأخرن
_شنو عشتي ليش تغيرين با الموضوع ؟
_طلعي الي كاسات خل احـط الزلاطة
متت من الحرگة ،تنطيني على عقلي عبالها اني زعطوطة ، قررت اتجاهلها مثل ماهية متجاهلتني ، طلعت الكاسات غسلتهن ونزلتهن يمها با الگاع ،شلت صينية الرگي حطيتها على الكاونتر ، اجن البنات يمنه يسولفن ، من يكونن ماگاعدات يم امهاتهن يصيرن فقرة ومتصافيات ، بس من يگعدن يم امهاتهن يضل يلدغـن بينه وخصوصاً انـوار يضل يذبن الها حچي وهـيَ مغلسه ماترد لأحـد ،حارگتهن ببرودة دمها ، سمعنه صـوت هورنات با الباب ،دخل عـــرب من باب المطبخ الداخلي مسرع لابس دشداشة وشماغ ابض ومخطط بأحمر لافة چراوية مو عگاع ، وعطرة يفحفح وراه سأل انــوار
_انـــوار بـويـة ليش غاسلة شماغي
أنـــوار :ماغسلته بأيدي غسلته با الغسالة
_ميخالف بـويـة احـنـا نغسلهن
ابتسم بوجها، انتبه على بنات خوالي الگاعدات سلم عليهن وطلع ، استغربت ليش مايخليها تغسل ملابسه عـادي مو احنا دائماً نغسلهن لو انـي لو أطـيـاف، انتبهت لـ أنوار صافنه عليَّ ومـن شافتني انتبهت الها ،رأساً ابتسمت هيَ مو من عوايدها تبتسم لأحـد ،درت عنها زعلانة مساع چانت تنطيني على عقلي وهسه تريدنا نتصالح، گعدت اسولف ويا البنات ،دخـلن نسوان عمامي ابتسمت مكيفة اهلي بيهن ،ركضت من باب الهول ارحب بيهن فرحانه بوجودهن
_ياهلة ياهلة بأم قسور ياهلة بأم هـلال
ســـراب:ومن گال ومن گال يعيني
أفـــراح : هلة بيچ يعمة
فـيـروزة:صايرة ام بيت
ضحكت ،سلمت عليهن شابكة كواكب مكيفة ، سمعت مرة خالي عما گالت "عيني احنا مو من الدناديش " محد ردلها دخلن نسوان عمامي يسلمن على النسوان صارت الاصوات شعلوها وضجة ، كرصت زينب عبالي كواكب ، ضحكت اخلف الها
_والله عبالي كواكب
ضحكت تسألني
زيـنـب:البنات ويـن؟
_دمشن لعد شعدنا هـنـا
دخلنا نفوج بين النسوان بلگوة يله وصلنا للمطبخ ، دخلنا كامن البنات ناس تسلم على ناس گعدنا نسولف ، شوية ودخلن وعــد ومــلاك ، كامن البنات يسلمن عليهن ، ولزمن مــلاك دك اسأله
شـهـد:شعجب تحجبتي؟
مـلاك:جلال كالي تحجبي
شـهـد:ها زين طلع شريف ، شلونه الزواج حلو لو مليصي؟
مــلاك:لا حـلـو
زيـنـب:ولج انتي شو تسألين اشياء اكبر من عمرج
شـهـد:باوعو هاي شجاي تحچي لج بابا هسه اسولفلجياهن وحدة وحدة
لطمت على خدها زينب مستحية رجت شهد لزمت ملاك تسألها
شـهـد:هـاي البر*** فاطمه ليش ما اجـت؟
مــلاك:مادري ، تگول مايصير اروح ماضل شي لعرسي
شـهـد:ختولي مخليه شيخنا يمشي ويجي اخبارها الچلبة عــود صارله ساعة يجهز بروحه ويحط عطورات
ضحكنا بصوت ،گعدنا با الكاع كل وحدة لاگطة وحدة نسولف وعـد وملاك راحن گعدن يم النسوان ، ضلينه بس احنا ،لحـد المغرب جابو الطبخ من الطباخ ، طلعو برا با الطرمة يصبون ،وكلما وحـدة من عدنا تمد راسها تباوع عـــرب يخزرها ،شـالت السفرة انـوار اخذهتها فرشت من عدها للنسوان واجت شالت المي نطته لـ ازهـار وزعنه اثنينهن ، شلت الخبز حطيته بأيدها اخذته ماتباوعلي تمشي وتحط كدام كل وحـدة رغيف خبز لحد ماخلصت ، اجت مسرعة من دخلو الولد يحطون الصياني ، اجانه علي عيونه مطايرة
عـلـي:وين السفرة
_هاي هاي لاتاكلنه
اخذها مني بنتر ،رجع عبدلله وابن ازهــار شالو الخواشيك والخبز والمي ، طلعن بنات خوالي گعدن يم امهاتهن اذن المغرب كلها فطرت ،دخل عـرب وعلي شايلين النا اربع صياني ،رفع عينه عــرب لمح كواكب سلم عليها مبتسم سألها بتردد
عـــرب:هـاي اختچ ليش ما اجت ؟
كـواكـب:تگول مايصير اروح ، ماضل شي من عرسي
شـهـد:بالمختصر شيخنا ،هـاي ذابة ثگل
ضحك عـــرب يگلها
عـــرب:يا ثگل ولج خطية نـجـم انحرم من وراها
كـواكـب:نجم هـم مابي حـيـل يجي رجله متعورة
عـــرب:بشنو متعورة ؟
كــواكــب:واگع من الدراجة ومتعور
عـــرب:هذا غاسل ايدي منه يحوس يريد يرجع لربعة .... المهم بـويـة وصلي كلامي لأختج كليلها عــــرب سليمان فـالـح يگول موعدنا عـن قريب
ضحكت كواكب تگله
كـواكـب:خطية لا ما اگللها ،هية صايرة بيها حالة نفسية من ورا هـذا الموضوع
سكت عـرب يهز راسه ،طلع ،زفرت نفس وهجمت ويا البنات شلت الخبزة اكل عبالك محرمة من الاكل صـار سنين ، خلصنا فـطـور انجطلت با الگاع كوة اتنفس وياهي التطب تغسل على السنك تسأل هاي شبيها ،والبنات يكللها بطنها توجها ،اخر وحـدة طبت مرة خالي الصغير سألت بنزاكه
_شبيج حبيبتي ؟
شـهـد:حـامـل
_شنو؟
گعدت عـدل اكف بدشداشتي خازرة شهد ،ضحكت تگلها
شـهـد:خالة بطنها توجعها من كثر الاكل
زفرت نفس براحة وهيَ هزت راسها خوش دارت للسنك تغسل ، شبعت شهد كرصات ، خلصت غسول نشفت با النشفة وطلعت رجعت اضرب بشهد
_ادب سـز بختنا بيها هـاي سبورتية ، لو مرة خالي عماد چان شرتنه على الشوگ وعلى الشجر
وهيَ تاكل با الركي على كيفها ولا مهتمة ، كمنا ويا انوار شلنا الصياني وحطيناهن با الحديقة للولد ،دخلو ولد خوالي وولد عمامي واخوتي ،لزمو الصياني غسلوهن بسرعة بسرعة ،سفطوهن با الكية وعـلـي يكلهم
عـلـي:يله گبل لا يجي عـــرب ويشوف غسلنه وروح ابوي يعلكنه با البنكة
عـبـدلله:جيبوهن خل نغسلهن من جديد ، لاتحرگون كلبه مو زين عليه
عـلـي:هـاي شبيك ؟ هسه انطي لأبو الصياني فـلوس واسكته
عـبـدلله:يله يأبن البنية
ضحكو عبو الصياني والجدورة والولد كلها صعدت با البدي وراحو يودونهن ،عبالك راحو ونسه ،ضل بس عبدلله ، درنا على صـوت الچاي، طفته انوار ،شالته تصب با الاستكانات ، شالت الصينية تمشي بيها للنسوان وتحاچيني
أنـــوار:صبي للزلم
_خــوش
شلت القوري اصب با الاستكاين الي هية محضرتهن ، دخل عبود يهير بيه
عـبـود:يله يله صارالچن ساعة
عـهـد:اححمم
درنا على صـوت عـهـد واگف با الباب مبتسم بأحراج، تقرب منه عـبـود ،ضربه على چتفه يهزله راسه ،ضحكت عليهم عـهد گاله
عـهـد: شلونكم ؟
عـبـود:مـو هـنـا
عـهـد:شـني؟
عـبـود:الجاي تـدور عليه مـو هـنـا
عـهـد:ماجاي ادور على شي اجيت اشوفك شمحتاج
توه كالها دخلت اطياف تلعلع هيَ وشهد ، شهكت من شافتهم واگفين با الباب وعـهـد لزم گلبه يتموع ، دفع عـبـود من الباب ودخـل للمطبخ
عـهـد:اخخخ يچلاويي
أطـيـاف:احممم احممم
عـهـد:تعاي بـوية لاتستحين هـذا عـبـدلله مـو عــرب
ضحكت تقربت منه شبكها داير بيها على عبود يگله
عـهـد:بـس انتَ عـلى راسي مو مثل عـــرب لاحگني بگونيه
ضحك عـبـود يهز بأيدة ، تقربت شهد واگفة يمي وتمزمز ، زمخ بينه عبود
_فضيها عـاد
عـهـد:على كيفچ على كيفچ ماعدنا شي
كالها يفر اطياف ،ويبوس بيها بخدها، دخـل عــرب ينتر
عـــرب:ويـن الچاي
شهكت اطياف تضرب عهد على ايدة تريده ينزلها ، باوعلهم عـــرب وسع عيونه بصدمة ويصيح على عبود
عـــرب:عبدلله شد گرون شايل اختنا كدامك وماطكيته امدانة
عـبـود:احمم عــرب عوفهم هـوَ رجلها بعد
عـهـد:سمعت ،هـوَ رجلها بعد ،ان رضيت وان مارضيت
أطـيـاف:عـهـد نزلني اتذكر متزاعلة انـي وياك
كالتها مغمضه ماتباوع لجهة عــرب خلاص ،باسها بگصتها يحارك بعــرب كالها
عـهـد:مـو خابرتچ وتراضينه
أطـيـاف:عـهـد نزلني
عــــرب:نزلها لا اجيكم با الاربعة واربعين
نزلنا عـهـد جرها تحت ذراعه يغمز لـعـــرب ويذبله حچي
عـهـد:حجي انتَ مو زين عليك العصبية ، لاتنقهر والله يعوض عليك تجيك فـطـيـم تجيك با العيد
عــــرب:اكـل تـبـن واسكت ، فاطمه شدخلها ؟
عـهـد:اي مو انتَ كاتل روحك وصاير نــار لان ما اجـت
طلع باكيت الجكاير يريد يدخن ،اخذه من ايده عبود جره برا يحاچي ،شوية ودخل عـبـود لحالة يحاچي عهد
عـبـود:ليش تحرگون كلبه ؟
عـهـد:هسه شني شكتله انـي
عـبـود:اي كالك هـدها هـدها وبدون ما تحاچي وتقهرة هـوَ منا صاير نفط على هـاي الكديشه الماتعرف تسايرة
سكت عهد دار على اطياف باسها بگصتها واخذ صينية وطلع ، شال الصينية الثانية عـبـود هم اخذها وطلع ، درنا على اطياف نضحك ونصيح
_هااا هااااا طـيـف
أطـيـاف:انچبن استحي
شـهـد:الم تستحين عندما قبلك امام شيخنا ؟
أطـيـاف:لا لم استحي بلعكس جان شعور يجنن
شـهـد:ويـحـك ايتها الفاجـ***
متنا من الضحك على اطياف ماعرفت تكمل الجملة با الفصحى ، جرتنه شـهـد ودخلنا يم النسوان ،جانن يسولفون بموضوع الجهال ،ويسألن بملاك اذا حامل او لا ،امي گالت الهن
حـكـمـه:والله خليها لاتخلف هسه وتتعب نفسها ، شيسوون اشو اني كومة بعران مافالحين بشي ، يشهد الله عليَّ بس عـــرب رايح كلبي
ســــراب:يادادة قابل الخلفة بأيدها هو كله رزق من الله أفـــراح:والله كلام ام عـــرب ذهــب الخلفة بهلوكت كلشي ماتسوي بس شلعان للگلب
رفعت ايدها امـي تسولفلهن على حبالتها بينه
حـكـمـه: والله يادادة شفت الضيم بحبالتي ، ابـو عــرب الله يرحمه يـدور خبز من الصبح ،اگعد الفجرية اخبزلة ،. وانـي حامل بشهري چنت انگل سطال الـمـي من النهر لأمي ،بكل ولـدي اني نشلع گلبي
ومـرة خـالـي عماد رأساً كالت
_أنـــوار الوحيدة من بين ولــد حـكـمـه اجـت بين يـوم وليلة ،اختفت خمسة اشهر وگالو جايبة
كالتها بضحك ،دارت عليها انـوار بصدمة تبالع بريكها كالتلها امي مرتبكة
حـكـمـه:لا يادادة انـي ما ادري بروحي حامل بيها ،الي خمس اشهر انـي حامل وما ادري ،لحد ما مــرة طفرت النهر وبطني هاجت عليَّ موتتني تموت ،و ابــو عـــرب الله يرحمة اسعفني للمستشفى كالولي حـامل ،عـاد رجعت للبيت تمددت على ضهري وعلگت رجليني با السكف واصخر بعـــرب وبأزهار
ضحكن النسوان للمرة الالف عايدة عليهن هاي السالفة ، كامت انوار للمطبخ شايلة الصينية وتگرص بأيدها ، لحگتها اسأل شبيها نترت بيه
أنـــوار:انتي شكو مچلبة اليوم؟
_وســم هاي فوگ ما اسأل عليچ
_لا تسألين
كالتها بصياح وعافتني وطلعت يمهن ،كعدت متچيه ضهرها على الحايط ايدها على خدها وتنقل نضراتها بين النسوان كلهن ، مادري شنو همست بأذنها وعــد ،ضحكن اثنينهن ،شالت وعـــد امير من حضنها تدفعة على انــوار ،اخذته انوار گعدته بحضنها وامير صافن بوجه انــوار بدون مايسوي ملشي ،بس يتنفس ويرمش ، عبالك صنم ، گعدت يم البنات، نسولف ونضحك، اجن يمنه وعــد ومـلاك يمنه كالت الهن شهد
شـهـد:المزوجات لاتگعدن يمنه
وعــــد:ليش عيني سـت شـهـد
شـهـد:مانريد نسمع سوالف متزوجات انـي بنية خلني ببرائتي
أطـيـاف:انتي بريئة!!!
وعـــد:ولچ ياهو جايب سيرة سوالف الزواج
ضحكت شهد تغمزلها وتطگ بعلچها، درت على انوار الصعدت فوگ تتكرص ،انتضرتها لحد مادخل الغرفة ولحگتها امشي على روس اصابعي اريـد اعرف هاي شنو سالفتها ،لزمت اليدة مال الباب اخذ نفس بعمق ، فتحت الباب وچفتت مسرعة فــزت مادري شذبت با البوفية وشالت المفتاح قفلتها ،عگدت جواجبي اسألها بغضب
_شنهاي الچانن بيدچ؟
_ما تحاسبيني
زفرت نفس بيأس اكلها
_انـــوار اني اختچ لاتضمين عليَّ شي ،كليلي شنو شبيج ليش هيج انتي؟
_شبيه ؟ ليش اني اختلف عنكم بشي؟
عصبتني اديني كامن يرجفن ،تستفز الواحـد مسوية نفسها الموضوع مو يمها
_انــوار احچي عـــاد
_اطلعي بـرا بس هاي الناقصة انتي تستجوبيني
_انــوار احچي
_كتلج ماكو شي هـوَ اني هيج طبعي
شلت بزوني كاتله الحوع عفتها وطلعت، نزلت جوا دخلت للمطبخ عيوني يحرگني اريد ابچي من تصرفات اهلي اليوم كلهم غثوني ، حطيت للبزون لحم ،فتفته الة وهليته الة بد الماعون مالته ، دخـــل هــلال للمطبخ مدنگ ،گالي
_صيحي امـي يله نــروح
_بعد وكـت خليكم شوية نـوب
باوع يمين ويسار ،زفر نفس يكلي
هـــلال:خـوش خـيـتي صــار
ابتسمت لا ارادي على ردة ،طلع وسديت الباب وراه خايفة لابزوني يطلع ضليت كاعدة يمه بين ماخلص اكل اخاف لا الجهال يكتلونه مثل هذاك ، غسلت صحنه ،شلت ورحنا يم البنات ،اخذته من ايدي شهد تهششله وتسولف ويا وعــد ،مامنتبهين على امـيـر من حاط اذنه بحلگة ، نزلت عيوني صحت جريت البزون ازمخ بأمير
_اثول ردت تموته
وعـــد:انچبي ابني راد يموت من ورا بزونج ،گومي شهد شيلي واعگطي بــرا
_گومي شـهـد شيلي امير واعكطي برا
هـالـة:لاتحچين على اخـوي
درت على وعـــد اضحك واهز بأيدي ، لـورا اذان العشا صـلـو وكلهاا بـدت تروح ، فرغ البيت علينه ضلينه بس احنا وازهار وبناتها ،دخلو الولد يتعللون يمنه ،وعـــرب يضحك گوة على روحـه يجامل با البنات طلع باكيت الجماير سحبه من ايدة عـبـود ،زمخ بوجها
عـــرب:جيب لا افجر البيت هسه
وعبود بس يهز راسه لا ،كام واخذ ويا باكيت الجكاير خله عـــرب على صفنته ،صاح متنرفز
عــــرب:هتلية مهيفين ولا واحـد يسمع كلامي
عـلـي:هسه فـوگ ما يخاف عليك
عـــرب:لا اله الا الله
حط اصابعة على راسه تعبان ازهار كالتله تتشاقة ويا
أزهــــار:والله شما اشـوف فـطـيـم راح تلعب بيك لعـب
يـتـبـع ......
شــــَـاه .