سراب الظل
الكاتبه دُره .
تصويت وتعليق بين الفقرات لطفاً .
فجروااا تفاعلل 🔥🔥
على لسان إلياس في نهاية البارت:
يا بعد ايدي راكاهم روك
===========
زُمرد ...
حاشى من يناجي رب العباد بفاطمه ويرده خائباً ،
اتلاوه وياهم بأخر ما بقالي من حيل وهمه يضحكون بصوت يقشعر الابدان لان بكل اختصار بنية جسمي ضعيفه وبنية جسمه ضخمه ماكو مقارنه بينه ،
اناجي ربي يحفضلي شرفي اني اتلاوه وياهم خاطر ما يكشفون جسمي وهمه يردون يفتعلون هيج مصيبه ضخمه ،
لحضات فقط ودخلوا مجموعه يصرخون ويستعجلونه ...
ـ الشرطه قريبه علينه بسرعه بسرعه طلعواا
الي فوكيّ كام بخوف وفزع بسرعه لبس ملابسه وطفر والكُل اتطشر طشار يتراكضون ،
لفوني ثنين زلم بعباتي وسحلوني وياهم وصعدوني بسياره مضلله خلوني بالنص وكلمن بيهم من جهه حتى ما اشرد ،
اباوع لفزعهم والخوف الي بعيونهم والرئيس اصلاً اختقى ما شفته ،رفعت راسي دموعي تنزل اتشكر ربيّ وادعيّ يخلصني من هل مكان اخافن اعوف جدتي بوحدها ...
ـ بسرعههه حرركوا
وفعلاً لحضات وانحرك الملهى الجبير كله وبس النار ضلت بيّ ومشنّ السيارت بأسرع ما عدهن والشرطه عاكستنه وهي رايحه بأتجاه الملهى ،
حسيت بأيده بوجهي انصدمت وخفت بس سرعان ما غاب وعيّ بسبب المخدر ....
صحيت والالم يضرب براسي كلشي ما تغير بس الفرق تحولت من ملهى لملهى ثاني ،وهسه تكولون شلون تعرفينه ملهى ؟ ببساطه صوت الركص والاغاني وطرق الكؤوس ببعضهن واضحات،
دخل عليه ولد منزل راسه بس ذبلي اكل وبقه كاعد بنهاية الغرفه ،
التعب محتل جسمي لدرجه صعبه كلش بحيث راسي احس بيّ طبل ويدك بشكل مستمر ،
عدلت كعدتي بالكوه ولزمت الخبزه اكلت منها شويه ،اشرتله بالكوه فهمني وكتله ليش جبتوني هنا ؟
رفع راسه عليه الولد مبتسم ابتسامه جانبيه كلها استهزاء وجاوبني:حلوه وماوراها ناس قابل شعدنه نضيعها من ادينه
هزيت ايدي استفزه وهو خزرني وطلع يدفر بالبيان رجعت اكل وملهوفه عل اكل ميته من الجوع والعطش الايام الي مرنّ عليه هدن حيلي شكول لبيبيتي من ارجع ،اكلها جده جنت بين البشر المستئذب ؟ شكول لروحي اني ،
اندفر الباب وفززني دخول هل رئيس بقيت حاطه ايدي على كلبي ...
ـ كومي اشتغلي
اشرتله بعيوني وايدي شنو يعني ؟ ...
ـ ترككصيين
فتحت عيوني على وسعهن ولطمت على صدري متخبله اهز براسي بمعنى لا ودموعي تنزل وعيوني تتوسلهم بس هذول بلا قلب ورحمه ،
تقرب من مبتسم باستهزاء وجرّ شعري حيل ...
ـ باعي كتلهم اكو بضاعه تخبل وهسه منتضرين ما اريد افشل يعني زمرد عندج خيارين تبقين هنا وادخلهم عليج يعتدون عليج وهل مره ماكو مهرب وهذوله ساديّين لو تطلعين بس تركصين وبهل ركبه اذا تدنالج ؟!
اهز راسي بمرات متتاليه ولزمت ايده ابوس بيها اذل بروحي كباله ميخالف وينسحك على كرامتي بس لا يندس شرفي ،
شكوول لربي اذا كمت ركصت بأرادتي شسووي ياربي ،
ضربني بكف ايده على حلكي وخزرني ...
ـ راح ينطوج ملابس ركص تلبسيهن وبهاي الحاله الج عشر دقايق يعدلجن البنات وراها بدقيقتين اذا اتأخرتي يدخلون عليج
عافني وطلع وبقوا يمي ثنين زلم وكم بنيه بلبس الركص اتوسل بيهم والكلام خانيّ ما جاي اكدر اشرح ،
تقربت منيّ بنيه وبعيونها الحزن والقهر على حالتي ميلت راسي وبجيت اتوسلها بشي ينقذني ...
ـ ما راح تستفادين زمرد سويت نفسج من جابوني ونفس الخيارات خيروني بيهن وعبالي ما يسوها تالي غصباً عليه اعتدوا واخذوا اليردونه
همست يم اذني بغصه واني دموعي ما نزلت ...
ـ اطلعي اركصي هسه وبعدين سهله يجوز تشردين يجوز تنحل
بجيت بخنكه وهي غسلت وجهي وطردت الولد بين ما البس الفستان الخفيف بحيث بينن ملابسي الجوه ،
ابجي على حالي وادعي ربي يسامحني واقنع بروحي اني غير هل حلّ ما عندي ،
مشطت شعري ونزلته سريع سريع هيج شلون ما جان وحطلتي مكياج تخفي اثار الضرب والبجيّ ...
ـ كافي بجيّ زمرد اوعدج راح اساعدج لا تبجين بهل طريقه ترا يحسون عليج واذا ما انطوا الفلوس الي يريدهن للرئيس ترا ترحين بالرجلين
بقيت اشرحلها اريد اعرف اني وين وهي ما تفهمني خفت حيل لان ادري بروحي مو بكربلاء ،اني جنت عايشه هناك بس هسه وين ما اعرف ...
ـ ما جاي افهمج
رشتلي عطر وابتسمت ونزلت دمعتها ...
ـ الله يخلصج من هل مكان بجاه ذاك ابو فاضل
اندفر الباب ودخل الرئيس ووراه ثنين يردون يعتدون عليه لان اتاخرت الخوف استحل جسمي وصرت بضهر البنيه ...
ـ رئيس تعرف البنات يتأخرن بالمكياج هسه راح تطلع شوف جمالها شصارت
ـ يلهه ولجج بسرعه
اشرلي اطلع والبنيه جرتني من ايدي لنص الستيج الي يركصن عليه وهيّ صارت بصفي تهدأني ،
مستحيل مستحيل ما اكدر اسوي هيج شي بقيت واكفه بصدمه واباوع عل زلم الي يشربون والي يطشرون فلوس وعقلي ما يستوعب اني وين ،
صعدت الرئيس وصار مقابيلي بالضبط وهمس من بين اسنانه ...
ـ بيبيتج بهل لحضه تموت اذا ما ركصتي زمردد يله بسرعه وبدون بجيّ وتدرين بيه بلا كلب اني
وخر منيّ وعافني بصدمتي ،بقهري ،بخوفي ،وانضار القذره عليه ،
البنيه تكرصني حتى اركص وفعلاً ركصت !! اتمايل بجسمي واحسّ بكل حركه روحي تختنك ،
ما اعرف شكد مرّ وقت وبهاي حالتي اركص والزلم تذب عليه فلوس وبعضهم يصعدون اليّ خصيصاً ويشمرون فوكيّ ،منزله راسي واركص بهدوء وشعري الطويل كرهته وكرهت شكليّ الحلو وكرهت جسمي المتناسق كلشي كرهت بهل لحضه الي مرت عليه ،
واخيراً كالوا اتوقفن وكلمن اخذها واحد وراح لغرفه واني ركضت لغرفتي بوحدي سديتها ولطمت بكل قوتي على وجهي وصدري واديه طلعت حركتي بيهن ،
كطعت شعري بين اديه وابجي واكسر كلشي كبالي،
خوفيّ من رب العالمين اكبرر والله خايفه وما اعرف شسوي ،
احس بالدم بأديّه من خشمي بس ما اكدر مفرفحه روحي مثل مايّ النار ويذبوها بنص كلبي ويشربوها اليّ بحيث الخنكه الي بصدري ما صايره ،
دخلت البنيه تركض وحضنتني حتى تخليني اتوقف بس ما اكدر احسّ بروحي عارّ ما يحتاج اعيش ،
كلشي بهل حياة صعب ،
حجيّ ما اكدر احجيّ ،يهددوني بشرففيي يهددوني بالاغتـ //صاب بكل مرهه ،وهسه بجدتي ليشش ياربيي ليشش ،
خانتني قوتي ووكعت بين اديه بس ابجي الصوت ما يطلع وهذا اكثر شي قاهرني ابجي وبلكوه اتنفس من القهر الكُل يباوعلي بشفقه واكو بيهم بأستهزاء ،
بس اني اباوع لروحي بنضرة زانيه !! بنضرة عارّ ،بنضرة انسانه حرام تعيش بهل مجتمع حرام ...
ـ طلعوا يلله اطلعوااا تباوعون على فللمم
كلهم طلعوا واني صفيت جسد بلا روح من التعب اخذتني البنيه ولبستني ملابس مستوره ولمت شعري ولبستني شال غسلت وجهي من الدم والمكياج ونومتني بفراشي واني كله صاحيه بس ما اكدر اتحرك روحي تطلع من الخنكه الي احسها ،
احس الهوا ما جاي يرويني ،
تحجي البنيه وتمسح على راسي بس ما جاي اسمعها احس روحي بداخل كهف وكلشي يتردد براسي أيه وحده ،ونحنُ اقرب اليه من حبلِ الوريد .
نمت واني تعبانه واني اليوم مقترفه ذنب لا يُغفر ،الكوابيس قبضت كلبي وتعبتني من النوم واني الشي الوحيد الي الجأ اله عند التعب هو النوم وهسه احس بالتعب ،
صحيت للمره الثالثه بهل يوم واني احس بروحي تجالع ملك الموت وتحاربه حتى ما ياخذها ،
سندت روحي بالكوه وجريت عبايتي المذبوبه على صفحه حطيتها على جتفي بالكوه احسها ثكيله من التعب الي بجسمي ،فتحت باب الغرفه وطلعت مستنده عل حايط صار بوجهي زلم كومه يباوعولي بأستغرب هلكانه لدرجه ما اهتميت منو همه بس اريد اوصل للبنيه اريدها تطييني شي ينومني ومايكعدني ..
ـ هاي منو؟
ـ وحده شريفه
ـ انجب سألتك منو
ـ اي والله شبيك وحده شريفه كلش بس حضها الاغبر جابها هنا عدها مقاومه عجيبه وما تخلي واحد يتقربلها ،زمرد وينن رايحه
درت راسي عليه واشرت على غرفة البنات ...
ـ تردين مها ؟
هزيت راسي اي لان هذا اسمها سمعت الرئس هيج يصيحلها ...
ـ هسه اصيحها الج
كعدت بمكاني احس بجزء من راسي راح يطير من الالم ،اجت عليه مها ملهوفه وكعدت يمي تجر بالشال على وجهي ...
مها:شبيج زمرد ،ليش هيج مصخنه
ذبيت روحي بحضنها خاويه لا بيه ارفع ايد ولا رجل ،أيا زمناً خذلتني ،وخذلتُ الشـرفَ معي ،
اينَ كنتُ ومع منّ ؟واينَ اصبحتُ وبينَ منّ ؟،
انا زُمُرّد الحجرَ النقيّ اصبحتُ حجرٌ ذا شوائبُ .
مها:زمرد حبيبتي شصاير بيج
سندتني بالكوه تريد تمشيني بس رجليّ ما احس بيهن ما ساعدتها وخانتني هل مره قوتي بشكل فضيع وكعت على ركبيّ وهيّ وكعت وياي تبجي واني حتى البجيّ فقدته وصلت لمرحله اريد بس حضن بيبيتي ...
مها:عينيّ روحج زمرد فدوه اروحلج عمت عيني شجابج هنا
ـ مها شصاير هنا
راحت مها تركض للرئيس ووكعت يم رجليه تبوس بيهن تتوسله ...
مها:رجعها لديرتها رئيس فدوه زمرد ضعيفه ونقيه وينها ووين الركص رئيس اني اني اتحمل كلشي عليها بس عوفها
ـ مهااا صايره تعارضينن
مها:صغيره رئيس ومتربيه بمحافضه دينيه شتتوقع راح تسوي غير راح ترفض والله حرام ارحمها واني اتعذب بمجانها ميخالف ارضى
رفعها من فكها بقوه وكاز على اسنانه وهي تبجي ومتعلكه بأيده ما حجى شيّ وذبها مقابيلي بقوه رجعت لمتني بحضنها وكومتني لغرفتي نومتني على فراشي وكصت جزء من لبسها وبقت تسويلي كمادات ،
وصلت مرحله ما حسيت ببرودة الميّ ونمت ،رجعت نمت من التعب الي احسه بجسمي ،
مليت من التعب ومن المقاومه اني ضعيفه مو حمل هل شي ياربي ،
صحيت واخيراً على صوت الرئيس يندهني ،
رفعت روحي الم بالعبايه على جسمي وهو جرني من شعري وذبني بغرفة البنات بيهن الي يبدلن وبيهن الي ينزلن شعرهن ...
ـ زمرد ساعه ساعههه فقط والكاج حالج حالهن عل ستيج
هزيت راسي بالرفض بكل برود لان ما اكدر ،رفع ايده وركعني براشدي احس ركبتي انكسرت ،
رجع جرني من شعري وفتح تلفونه وروحي فرفحت من شفت بيبيتي والاوكسجين على وجها وبصفها واحد بأيده مسدس موجهه على راسها ،بقيت متعلكه بأيده وابوس بيها يرجعني يمها تضيع جدتي تضيع ،
ضحك بصوت رنان ورجع جرني من شعري اقوى ...
ـ طلقه براسها اذا ما كمتي وركصتي عدل وابتسامه على وجهج يله يله عفيه بزمرد اذا تردين بيبيتج تعيش اركصي
عافني وطلع بقيت بضيمي ومها تهونّ عليه رفعت راسي ليفوك اناجيّ رب العباد وحجيت بكلبي من القهر:ياربي راح اسوي كلشي يكوله بس كون بهل حرام نورّ لحياتي وانت اعلم ما في قلبي
رحت سبحت ولبست فستان اسود ونزلت شعري وحطتلي مها مكياج وطلعنه كلنه ووكفنه عل ستيج ونفس الشي شرب وفلوس وركص ،
احاول اصير وره البنات بحجة اركص واني وين ماكو بقعة ضلمه اصير بيها بس خزرة الرئيس اليّ والمسدس الي يرفعه اليّ يهددني بيبيتي يخليني ارجع اصير مقابيلهم ،
اتمايل بجسمي اليّ بكل يوم اسمع مدح عليه واحس كرهته ،ابتسامه بوجهي الي ياما وياما صافنه بملامحي وضحكتي الحلوه وهسه احس اريد احركه ،
اثناء ما جاي اركص صعد الرئيس عل ستيج وبأيده حزام ركص ولفه على خصري ونزل وهو يرحب بالناس الجدد ،رجعت اكمل ركص ومها سحبتني يمها وتركص وياي ...
ـ هاي زمرد استاذ
ـ لكطه
ـ صارلك كم يوم ماكو
ـ صارتلي كم مشكله وصعبت عليه الجيه ،
بس يصير ناخذ زمرده اليوم
ـ سهله يابه سهله
اتقرب منيّ الولد جان حلو وصغير مو مثل الباقين ،
طلع اوراق وحطهن بطرف صدري دفعت ايده خازرته ميته بدميّ والرئيس يضحك ...
ـ صعبه ترا زمرد
ـ جويّ هيج نساء
نزل الشاب ويه الزلم الباقين واتقرب الرئيس وهل مره هددني بشيّ مستحيل ما انفذه ...
ـ زمرد ترحين وره الركص ويه هل شاب دفع فلوس هلكثر حتى ينام وياج ،واذا رفضتي كليلي حتى اخذج للنجف تدفنين جدتج
نزل وعافني بصدمتي حتى للركص ما رجعت رغم خزراته وكرصات مها ...
مها:زمرد مجرم هذا يذبح بيبيتج والله
رجعت اركص وعيني على هل زلمه الوحيد ما يشرب جان وواضح يريد يبقى صاحي حتى يدمرني بالزايد ،
كملنه ركص وكملن اخذله وحده وراح واني دخلت لغرفة البنات اركض نزعت حزام الركص وذبيته بقيت بمكاني اهزّ برجلي من الخوف شلون اذا ما لكاني الرئيس شراح اسوي بروحي اني ،
ياعليي نجيينني منها يا ابو الحسنن صعبه عليه اني ،دخل الرئيس الشرّ ينكط من عيونه وجرني من زندي يطلعني وياه ويهمس بكلام خلاني استسلم هاي هيّ ...
ـ باعي ولج اذا ما رضيتي تنامين وياه ترا اول شي اسوي ادخل عليج ثلاث يغتصـ //ـبوج جماعي ،
نوبه ابيع اعضائج لان هذا شغلنه واخر شي اجيب بيبيتج واخذ كلشي نستفاد منه واحط طلقه براسها بس قبل لا اموتج اخليج تشهدين موتّ جدتج واني كتلج زممرد كتلج
ذبنيّ مقابيل الغرفه الواكف بيها الشاب وراح ،
بقيت اباوعله واباوع لروحي ،من بعد هاي التهديدات راح اقاوم ؟ راح اتحمل اشوف جدتي تتعذب ،
زين زمرد الشريفه راح تطلع مناه بيوم بس بلا شرف !! ،
دخلت لداخل الغرفه وسدّ الولد الباب ورايّ وراح كعد على الطرف مال السرير ويباوعلي ،صفنت ليفوك اتسأل هل مره راح اطلع منها سالمه لو هل مره ما بيها مهرب ؟ ،وكلللشي بهل يوم يصيح ماكو مهرب زمرد انقذي جدتج احسن ...
حسن ...
كاعد مقابيل غرفة سديم وايدي على خدي وحايّر من كل الجهات هيّ صعبه وما تنفهم ،
منتضر شوكت سديم تتحسن حتى تكعد ونشوف علتّها وين صارت ،ومنتضر شوكت الكلب ابن الحيوان الي باك الفلوس والذهب يبيّن ،
كمت دخلت يم سديم اباوعلها زينه شوي لان تكدر ساعه بدون اوكسجين بس بعد هل ساعه كبل ينخفض الضغط ويرتفع السكر وتنخفض ضربات القلب بحيث حايرين وياها الدكاتره ،
رمشلي ايلياس يعني صار بحديقة المستشفى وفعلاً رحتله وهو كاعد ويمه الولد منتظر ومرتضى وكاظم وبنصهم صواني اكل ...
حسن:جا وين عباس ؟
منتظر:هسه يجي وراك
حسن:جا انت مو عندك دروس شو مكابلنه ؟
منتظر:هسه اني شاكيلك يا اخي اكعد واكل
كعدت يمه ومرتضى يصفن حتى من اجه عباس ما رفع راسه بس حاط الخاشوكه بحلكه ويصفن رايحه بيه الدنيا من الصفنه ،ندسته مستغرب من حالته ...
حسن:شبيك ولك شو تصفن سامعلك شي يصفن ؟
بلع ريكه وهز راسه بمعنى لا ورجع ياكل انتبهله كاظم هم ودفره رافع حاجبه بخزره ...
كاظم:خيركك مسويلك مصيبه مرتضى
مرتضى:اهووو لا لاااا ما مسوي شي بس بالي يم خواتي ما يصير يعني ؟؟
رجع ياكل مخنزر واجه بهل اثناء عمي سليم مهموم وكعد بصفنه يدخن ...
حسن:ها عمي خير لو شرّ ؟
عباس:ها عمي بشر سمعت خبر مناه مناه ؟
سليم:سمعت خبر صادم عن سديم
ذبيت الكمه من ايدي وكلنه رفعنه راسنه عليه وهو هز راسه بأسف ...
سليم:ما عدها اهل
مرتضى:شلون يعني بويه ؟ اكو بشر ما عنده اهل ؟ زين عدمن اتربت ؟
سليم:البنيه بعمر الـ ١٢سنه سوت حادث وجانت وياها اهلها او بالمعنى الاصح ويه امها لان ابوها ما لكيته ولا مسجّله سديم على اسمه !! ،
جانت عايشه ويه امها بالحله بس من سوت حادث امها اختفت وضلت بس خالتها تربيها المشكله جبيره كلش جبيره معقده هل سديم ما اعرف منين ابدي ،
بس اول شي سديم من سوت حادث فقدت الذاكره بشكل كُليّ يعني يُستحال ترجعلها الذاكره من ال١٢سنه السابقه الا بعلاجات خارج العراق او اذا تتعرض لصدمه ثانيه وبهل حاله سديم ما تذكر شي عن اهلها او امها لان من صحت جانت خالتها مربيتها ،
ثاني شي امها من صار الحادث مثل فص الملح وذاب اختفت وكلشي ما عرفوا عنها بحيث شلون الميت من يضيع كبره ،
ثالث شي والاهم سديم ما مسجله على ابوها يعني ما مسجله على عشيرة ابوها او على اسمها وهذا الشيّ صعب عليه احصل معلومات عن ابوها وفقدنه اثر عمامها يعني سديم متسجله على اسم خالها !!! ترا هذا الشي مستحيلل تماماً ،
رابع شي والاقوى سلالة اهل امها سحرّه من اقوى السحاريّن همه اهل امها !!سلالة معروفه بالسحر والشعوذه بشكل متفرع عل عراق بحيث ماكو واحد تسأله ويكلك ما اعرفهم والمشكله كلهم ملحدين او صابئه وهذا السبب الي يفسر ليش سديم مُلحده .
صافن بكلامه وصدمه تتلقاها صدمه ،
ليش ما عدها ابوّ او ما مسجله على اسمه وليش امها اختفت ووين راحت؟ ،شلون يعني سلالة اهل امها سحر يعني سديم ساحره ؟ ،
لزمت راسيّ بين اديه حايّر كلش البنيه هاي يوم عن يوم جايّ تحيرني ...
عباس:عمي كول غيرها يعني يجوز بت حرام ويجوز ساحره ويمكن جايه لبيتنه بغايه صعبه وتريد دمارنه !!
مرتضى:بس هل حاله يعني خالتها وين ؟
سليم:ماا اعرف !! اختفت لا بالعراق ولا بأيران !
حسن:اوكف عمي اوكف يعني قصدك هسه سديم الي هيّ امانة عمي ما عدها اهل واجتنه بجذبه وخالتها سحّاره ويجوز متفقه ويه عمي حتى تدمرنه بغايه !؟؟
احجي بأستنكار وعقلي رافض يستوعب هل سالفه صععبه كللش يعني ببيتنه بت حرام ومُلحده وساحره وما عدها اهل وغايتها تدمرنه ؟!! شنو انتِ سدديم شنو انتِ ؟...
سليم:ننتضرها تكعد وتحجيلنه كلشي حتى نفتهم اذا ضالمه لو مضلومه
كاظم:زين عمي معقوله تطلع مضلومه ؟
سليم:طبعاً بويه كلشي وارد يجوز البنيه نفسها مسحوره من اهل امها حتى تطاوعهم يجوز هي نفسها البنيه ما تعرف بروحها وين وشنو تسوي هنا شمدريك انت
حسن:بس بنفس الوكت شغلتها خطره علينه
سليم:اي عمي اكيد بس شتسوي بعد اهل ما عدها والبنيه ما صاحيه على روحها
حسن!زين عمي ليش ما رحت للحله وسألت على اهلها ؟
سليم:بس خليّ يصيرلي وقت واني اروح بنفس واسأل
ايلياس:حسن تذكر من كتلي سديم تشوف وحوش وناس تخوف ؟
عكدت حاجبي بأستغرب ليش تذكر هل شي هسه ...
حسن:اي صحيح ؟! بس وين الربط
ايلياس:شلوون وينهه برأيك الانسان الصالح والمؤمن واهمم شي الما مسحور يشوف البشر هيج ؟ يعني هسه بأغلب البيوت العراقيه من وحده تسوي سحر للثانيه تبقه تشوف مثلاً رجلها لو اهلها بشكل مخيف وهذا سبب طلاك نص البيوت العراقيه صحيح لو لا ؟
حسن:صحيح
ايلياس:يجوز سديم مسحوره حتى تشوف الناس هيج
عدلت كعدتي وحجت بحده ما جاي استوعب هل بنيه كلشي بيها يخليك حذر من تصرفاتها لقصة حياتها ..
حسن:زين سؤال اذا جانت مضلومه ليش ما حجت ؟ ليش ما كالت يابه ترا اني جنت انجبر عل سحر
سليم:وشمدريك جانت تنجبرر يجوز مفهميها هل شي عادي وصحيح ترا بحالة سديم وعد هيج عائله ناشئه سهل تسوي هيج شيّ لان حالها حال الطفل العدنه شلون الطفل من ينشأ على شي يتعلم عليه ويشوفه صح هي سديم يجوز نفسه ؟
برروا هواي لسديم بس عقلي ما راضي يستوعبها هل بنيه كتله من الغمووضض كتتله شكبرها ...
حسن:عوفنه من سديم عمي وكليّ شصار ويه البنيه ؟
سليم:نفس حالتها لا متحسنه ولا ماتت بعدها نفس الحاله وعمامها يوميه مودين كوامه لعمامنه
حسن:بس كون تصحه
سليم:همه هسه يدورون على سعد
حسن:عممي اني ادوره وياهم وانطيه الهم هل عارّ دخيولي
سليم:سيدد الفاضضك
كمت منهم انكت بملابسي ولا مقتنع كل هل سوالف بس سديم محيرتني هواي ،
الشراكه من يوم المشكله مسدود وموقف المشاريع بس شريكي بالعمل جاي يمشي شوي من الشغل اني مالي حيل افتحه نوبه يكاوموني بيّ واتورط ويروح شغليّ كله ...
كاعد اباوع بتلفوني واشوف مرتضى كعد يميّ مهموم ...
حسن:شبيك يخوي ؟ احجيلي شنو الشاغل بالك
مرتضى:حسن عندك مليونين
صفنت بوجهه متسأل ليش يريد هل مبلغ ؟ ...
حسن:عدّ عيناك هساع انطيهن الك بس صاير شي ؟
مرتضى:لا ما صاير بس انطينياهن فدوه
استغربت هواي بس طلعت من جيبي مليونين وانطيتهياه وهو باس راسي سريع وطلع ،
بقيت صافن عليه شلون يركض ويحسب بيهن ،
مرتضى بحياته ما طالب من عدنه فلوس شيسوي بيهن هسه وبهيج ضيقه ماليه ؟ ،
شكّيت بيّ مسويله مصيبه وضام علينه ...
منتظر:اجاك مرتضى ؟
حسن:اي شتريد منه
منتظر:ردت مليون ونص القسط الاول مال دروسي وكال راح اخذ من حسن بين ما يرجع ابوي
حسن:اي نطيته هسه تلكاه يدور عليك
طلعنه ثنينه من للمستشفى وكعدنه بكوفي نشرب كهوه ومنتظر ينزل كيك ،
حسيت روحي اخذت غيبة مرتضى خرب بليسك حسن شكد تعضم الامور ...
منتظر:اكلك حسن
حسن:همم
منتظر:هسه سديم من تصحه تذبوها بالشارع ؟
ركعته على راسه بالكوه ضام ضحكتي والله خبل شني نذب بنيه بالشارع ...
حسن:لا ولك ليش نذبها بالشارع يجوز على حجيّ ابوك مضلومه
منتظر:اكلك صدك
حسن:هااااع شتريد
منتظر:عبالك عود اسكت اذا فشلتني غلطان خويه ،
اكلك شو مرتضى كثرانه طلعاته
حسن:ليش هو جان ما يطلع ؟ وبعدين وين يكعد هو احنه وكاعدين بالمستشفى
هزيت ايدي ما مقتنع بهاي الوضعيه كلها وطلعت من الكوفي ورحت لايلياس كاعد يم صديقه ...
ايلياس:هاا لكك شتسوي هنانه
حسن:نعساننن ميتت من النعاس ايلياس ترا سديم هم امانتك روح هل مره انت بات وياها اني تعبان
ـ روح ايلياس خطيه خلي يرتاح حسن
عدلت كعدتي اخزر بصديق ايلياس ...
حسن:انت شو من خابرتني عل مشروع ما كتليّ اني صديق ايلياس
ـ اي جا شعليه اني جنت خارج المحافضه بالدوره التدريبيه وهسه يله شرفت بالبصره وبعدين هسه عرفت بيه صديق ايلياس شتريد منيّ ؟
حسن:انطم يوسف انطم
لفيت راسي ونمت تعبان حيل وايلياس راح لسديم ،
وره فتره من نومتي سمعت تلفوني يدك فتحت عيوني ولكيتها امي كمت شلته وهستوني اريد احجي ووصلني صوتها تصرخ ...
شيماء:الحكككلنه ححسسنن الحكللنه
فزيت على حيلي الصدمه استحلتني واردفت بخوف:شكوو يمه شكوو
شيماء:افااطمم يمهه افاطمم ماكووو
زادّ خوفي وارتباكي وعقلي اخذله ثواني يله استوعب الكلام الحجته امي ...
حسن:يمههه شنوو افاطمم ماكووو
نزلت اركض وخليت يوسف يصيح وراي بس عقلي كله يم افاطم اخيتي وين امي بس تبجي وكلشي ما افهم منها بس صريخ وبجيّ ،
اجه على بالي هواي افكار واولهن خذوها حتى يحركون كلبنه ،سديت الاتصال من امي واتصلت على سجاد ...
حسن:شصاااايررر سجاددد
سجاد:نزلت ويانه اني ومصطفى تريد تزور الامام علي ومن دخلت للتفتيش ونوبه دخلت تزور من طلعنه دورنه عليها وماكوو اختتفت
ضربت ستيرنن السياره بكل قوتي وسديت الاتصال بوجهه وصلت لبيت عمام ابوي ونزلت ادك بالباب بكل قوتي روحي مفرفحه على اخيتي خافن صارلها شي وراح تتأذه واني مو يمها ،
فتحه ابن عم ابوي مستغرب منيّ واني عطت من حركة كلبي ...
حسن:ووويينننكككم ميتتتيينن
ـ على كيفك خويه شصاير فهمنه
حسن:عمميي سللليييممم
طلع عمي وعمامه يركضون واني انهد حيلي كعدت بالكاع ايدي على راسي افكر بأخيتي فقيره ومو حمل هيج مصيبه شلون اسامح روحي اذا صارلها شي واني مو يمها ...
سليم:حسنن بويه شبيك
حسن:الحكنه عمي افاطم اختفت اخيتيي يمكن خذوها حتى يكسرونه
سفطت سياره بالباب ونزل يوسف يركض ...
يوسف:من انعلل ابوووكك هسهه شبيييكك
حسن:يوسف اخيتي ماكو افاطم ماكو
كعدوا يمي كلهم بس يردون يفهمون منيّ وبلكوه حجيتلهم كلشي ...
حسن:عمي اني متأكد عدهمم متأكد
بقه عمي سليم يدك على راسه من قلة حيلته انشخطت سيارة يوسف واختفه كمت على حيلي واتصلت على سجاد ...
سجاد:بشرر حسن حصلت خبر
صيحت عليه محتترك كلبي هاي عود وصيته عليها ...
حسن:لككك حيواننن وووين ضيعتوووها
سجاد:وعلي ابن ابي طالب ما ضيعناها هي اختفت فجأه وهاي مرتين نفرّ السوك عليها والشوارع القريبه
حسن:خرب اهلكممم من انععل ابوو عمكك على ابوو عشيرتككم من ساسهم لرااسهم
حسيت براشدي جمر خدي من قوته فتحت عيوني مصدوم ودرت وجهي على عمّ ابوي عيونه بكصته من العصبيه ...
ـ لكك حييوانن شلونن تغلطط على عشيررتتكك وانت سيدد من غضب رسوله ينزل علييكك
عفتهم القهر يمشي بدميّ مو وقت اتناقش وياهم ،رحت بسرعه لايلياس اخذته من المستشفى وهو مبين واصلّه خبر ...
ايلياس:شراح تسوي
حسن:لاكلب عاليها واطيها اني يندكون بعلويتي
رحت للشقه مال يوسف لكيته مطلع الحاسبات ويشتغل بيهن ويخابر ...
يوسف:جاي اتواصل ويه صديقي بالعتبه حتى اشوف الكاميرات بدون تدخل للشرطه
سحبتهن منه ما ضال عقل براسي افاطم هيج يصير بيها ،لزمت الحاسبه وبديت ارتب ثغراتي اربع مرات فشلت اخترق الكاميرات نضامهم قويّ كللش بس لو اعرف ادخل للسجن اطلع اختي واعرف وين راحت ،
اخر شي جربت اخر ثغره تعلمتها واقواهن وفعلاً نجحت وفتحن التسجيلات ...
حسن:لككييتهن خابرر سجاد
اتصلوا عليه واني ايديّ ترجف اريدن بس الزمهم ...
سجاد:باوع حسن يم عمود *** بساعه *** هذا جان اتفاقنه وقبل لا تطلع اتصلت عليه كالت راح اطلع انتضركم جوه هوسه وكتلها احنه هم اجيناج بس اجت جنازه واخرتنه ربع ساعه من طلعنه ما لكيناها
رجعت على وقت وعلى مكان الي كليّ عليه وفعلاً شفتها تجيّ للعمود وكعدت جواه منتضرتهم ما قدمت ولا ثانيه وبقيت اباوعلها وجها يضوي من العبايه وهي كل شوي تضم جزء من وجها وترجع تعدل عبايتها وبس خلصت عشر دقايق او اقل يمكن سبع دقايق اجوها ثنين زلم وكفوا كبالها انتبهت على ارتباك اختي وهي وكفت مرتبكه يحجون وياها ويصفولها وهي تباوعلهم شالت تلفونها تريد تتصل وتوخر منهم بس واحد من الزلم فور كلبي وحسيت الدم وكف بعروكي من رفع ايده عساس يحاجيها وضرب تلفونها بالكاع وانكسر بقت تحجي وياهم ضايجه ولازمه التلفون تحاول تشغل بيّ واخر شي اختي تحركت وياهم وهمه يوصفولها شيّ بأديهم ،بقيت اتنقل من كامره لكامره لحد ما انتهت اخر كامره بره الضريح واختي وكفت بمكانها تريد ترجع وهمه يأشرولها وهي تهز براسها بالرفض ،بس رجعوا حجوا هواي لحد ما اختفت من انضاري اختي حاولت اوصللها من غير تسجيل بس ماكو ،
من حركة كلبي ركعت التلفون عل حايط واعيط متخبل واكسر بأي شي يجي كبالي اريد اتحكم بروحي واعرف شراح اسوي بعد هل مصيبه بس ما جاي اكدر كلشي صععب صععب عليه بالحسين صعب عليه هل شي ...
ايلياس ...
بألف يا علي هدأنه حسن لان حسينه راح تضربه جلطه من الحركه محروك كلبه على اخيته واحنه هم نفسه محروك كلبنه بس مو بكده هاي اخته !! ...
ايلياس:اهدأ حسنن اهدأ وفكر شلون راح تحلهاا يللهه انت تعرف شلون تهدأ الامور ديربالك تهد عليهم وتضيع كلشي
حسن:وووللك شحححلل منهنن ايلييااسس اختيي بين ادديهم
ايلياس:كوممم سويلكك شغغله واوصل لتلفوناتهمم يلله
حسن:لكك اذا الكاميرات سهل اخترقتهن فالتلفونات اصعععب ما عندي لااا رقمم لا موووقع لا صخامم اختتيي بين ادديهم ايلياس
يوسف:ححسنن شبييكك تخبلتت هسه اشوف ابن عمي بالامن الوطني اقدم منيّ واخليّ يسوي كلشي قانوني احسن وهو راح يتبّع اجهزتهممم
ايلياس:بسرعه استعجل يوسف
اتصلت على سجاد اشوف شصار وياه وحسن مدنك راسه وقابض ايد بأيد من القهر والعصبيه ...
ايلياس:مصطفى وين سجاد
مصطفى:راح للحمام
ايلياس:مصطفى بالضببط صارلها شكد مختفيه
مصطفى:صارلها بالضببط من وقت ما طلعنه وما لكيناها صارلها ثلاث ساعات وخمسين دقيقه
ايلياس:يعني كول اربع ساعات
مصطفى:أي
سولفتله الي شفناه وهو راح صوته من الصدمه ...
مصطفى:مستتحيلل ايلياس شلون قبلت تروح وياهم وشلون اصلاً طلعوها من كل زحمة هل ناس وهيّ رضت لك لا تخبللننيي
ايلياس:اسكتت مصطفى حسن راح يطير قبق راسه
يوسف:ايليااس تعال بله
سديت الاتصال من مصطفى ورحت ليوسف ...
يوسف:عندك رقم واحد منهم
صفنت بوجهم ما اعرف ولا واحد بيهم ابد ...
ايلياس:لا ما عندي بس اشوفلك اصدقائي
يوسف:بسرعه
دزيت صورتهم بكروبنه واسألهم اذا واحد عنده ارقامهم وكلهم كالوا لا ما نعرفهم ولا عدنه ارقامهم بدينه نيأس لولا اخر واحد دزلي ارقامهم ثنينهم عل خاص طفرت من مكاني بسرعه وهمه فزوا ...
ايلياس:لكككيتهنن
يوسف:حلوو يله بسرعه خلي نرووح لابن عمي
وفعلاً رحنه لابن عمه لمكتبه وحسن كعد يمه يدخن والولد ساكت بس يشتغل على هل حاسبه ...
ـ باوع لازم نتصل عليهم حتى ارصد اشاره
يوسف:اي سهله هسه نتصل عليهم
ـ اي بس كون مكامله تطول اقل شي دقيقه حتى اتبعهم
حسن:علييييمن دقيقه عشرين ثانيه تكدر توصل للموقع وتتبببعه
فتح عيونه للولد مصدوم وعاينله بتعجب ...
ـ بهاي العشرين ثانيه الثغره ما مسويها
وخره حسن من مكانه وكعد كبال الحاسبه واشرلنه بمعنى اوكفوا ...
حسن:من اكلكم اتصلوا يله تتصلون
هزينه راسنه بمعنى أي وهو يكتب عل حاسبه محروك كلبه ويهمس بعصبيه :ما انومج الليله يمهم وسبع الكنطره واني السيد
ـ هذا منين هيج متعلم الاختراق؟
يوسف:اندري اخترق كاميرات العتبه
فتح عيونه الولد بصدمه بحيث بقه باهت يباوع على حسن ويرجع يباوع علينه ...
ـ الله ياخذكم شلون اطلعكم من هل مصيبه
يوسف:معليك صديقي الي بالعتبه كال اني اكلهم انطيت التصوير ما جنت ادري مخطوفه عبالي ضايعه ويردون يتبعوها وين راحت
هز راسه الولد بتعجب ما مصدك هذا يطلع من عدنه ...
ـ والمن مودين عليه اشجعكم يعني ؟ شو مكملين وواصلين يابه
خزرته اسكته لان حسن هسه عنده استعداد يركع الحاسبه براسه ...
حسن:وين مرتضىىى النعال
ايلياس:دكيت عليه وماكو
حسن:اببنن الكلب وين راااح
ـ بس على كيفك ويه الحاسبه بالحسين جديده
رفع راسه حسن خازره والولد خنس وسكت ،همس يمي خازرني ...
ـ طيرر هيبتي ورتبتي بالدوله
هزيت ايدي وفززني حسن وهو يطك اصابعه بأيد وحده يستعجلنه ...
حسن:بسرعه اتتصلواا بسرعه
طلعت خطي الجديد واتصلت مره وماكو رجعت اتصلت مره ثانيه بنهاية المكالمه يله شاله وحسن بسرعه بده يكتب ويشتغل واني احجي وياه وامطمط ...
ايلياس:ووين صرت ادك عليك وماكو
ـ منو انت اخي
ايلياس:افااا يخووي ما عرفتني
ـ لا يابه ولا صغراً بيك منو انت
ايلياس:جا والعشره والملح البينه والليالي الي نمناهن سوه
كلنه متوترين ويوسف والولد عينهم ويه حسن الي يأشرلي بعد احجي ...
ـ خويه شنو السالفه كطعت كلبي منو انت
ايلياس:خويه ليش اجذب عليك اني واطولها وياك بس ادري بيك صاحب نخوه ومن تدك صدرك لواحد تسوي الشغله لو على كص ركبتك
طفروا الولد فرحانين وحسن بسرعه ابتسم ابتسامة حقدد وعصبيه ...
ـ اكلك ما تفهمني منو انت شو خذيتني حاصل فاصل
اشرتلهم عادي اكشف منو اني وهمه كلولي اي وحسن متخردل يصور ويدز كلشي ويتبع موقع ...
ايلياس:اننيي صكااارك ابنن النعاللل بتت عمميي ارجعها بس شااربيي مو عليه اذا ما كسرت اديك ابن الخايسسس الخنننيث
انسد الاتصال بوجهي ودرت عليهم مستعجل ...
ايلياس:بشر شصار
ـ لكك عفففيه اتبع موقعهم وهسه همه بالبصره بس وين راح يرحون بالضبط ما اعرف
نزلنه للسياره كلنه واجه منتظر مستعجل ...
متتظر:شصاااير صدك افاطم مخطوفه
حسن:وين اخوك الخايس
منتظر:شأخرني غيره
صعدنه كلنه بسيارة حسن ويوسف يسوق نتبع موقعهم بس من غير شارع حتى نعرف وين راح يرحون ...
ـ اتأكدتوا افاطم مدري فاطمه وياهم
دار عليه حسن خازره وعيونه بكصته ...
حسن:اببنن الخايسس لا تنطقق اسمم اختتيي
خنس الولد يباوعله رافع تك حاجب واحنه نفر بأدينه ...
منتظر:لا صدك اتأكدتوا وياه لو مو وياه ؟
حسن:وياهممم وياهم بحيل الله وياهمم
شكد ما يحاول يهدأ روحه حسن ما يكدر العصبيه تشع من عيونه ،
وكف الموقع يم بنايه مهجوره وكلنه فزينه معدلين كعداتنه وكاظم وعمي سليم ووياه ثنين من عمام عمي وولد عمه هم وياهم ...
حسن:بسرعهه يوسفف خلي هسه ننزل علييهم قببل لا يجوون وياهم ناس
صارت السياره هدوء واحنه قربنه نوصل من الموقع وحسن متخبل يحجي بكل عصبيه مشتعل نارر ...
حسن:ما اعوفنج ساعه وياهم جايج واحركهم حرك وسبع الكنطره
بس وصلنه للموقع نزل حسن يركض ورحنه وراه كلنه نتراكض ونصعد على الدرج بعدنه بالطابق الثاني مال البنايه الي عباره عن هيكل ووصلنه صوت صريخ افاطم تعيط بكل حسها ،
حسن اتخردل وما اندل دربه وين ...
حسن:افاطممم
صار الصوت كلش قوي ومسموع وهي تعيط واحنه نفتح بالبيان مالت البنايه منين جاي الصوت ...
افاطم:ياا عللليي ،حسننن
حسن النار صعدت لراسه بحيث نزف خشمه دم من خوفه على اخته واخر باب وصلّه دفره بقوه انفتح بسرعه وانرد عل حايط ودخل ابن عم يوسف ويوسف وكاظم بأيدهم الاسلحه ،افاطم مشموره عل كاع وواحد واكف كبالها بأيده حزام ويضرب بيها وهي عبايتها متربه وشالها ما هو افاطم بلا شال غضينه بصرنه على حسن الي ما راحلها بس راح لزمهم ثنينهم كل واحد بأيد من تشيرتهم وركع راس براس وحطهم ثنينهم جواه يضرب بيهم بكل حيله ...
ايلياس:يا بعدد اييددي
ركض منتظر عليها ولبسها شالها وسندها يكومها وهي ذابه حيلها عليه ،الوحيد منتظر ساعدها لان اصغر منها ...
منتظر:اخذنه حكج خويه
عمي سليم جارله واحد ويه حسن وطايح بيّ دك ...
ايلياس:اخذها منتظر للسياره
اخذ السويج مني واني تسرفنت وعمام ابوي نزلوا قبل منتظر وولد عمه بقوا يأمنون الوضع ...
ايلياس:حسبالكم بهل مكان ننكسر بالحسين الا اكسركم واني حلفت شاربي مو عليه اذا ما كسرت اديكم
سحبت اول واحد من ادين حسن وركعته على وجهه واكثر شي على خشمه لحد ما شفت الدمايه تخرّ الوجه وخشمه معووج يدل على الكسر وهو يعيط روحه مفرفحه ،ابتسمت على عياطه وانتعش كلبي من سمعته ...
ايلياس:جايك الاقوى ابني
كضيت اول ايدي حطيته على ركبّ رجلي وطكيتها بالنص وعفتها وهو يتلاوه يصرخخ بكل حسه ...
ايلياس:هسه ارتاح كلبي من سمعتك تصرخ مثل بنيت عمي
لزمت ايده الثانيه مفرفحه روحي من القهر ودرت على يوسف مأشرله يجي ...
ايلياس:اعرف بيك احبّ ما على كلبك هو الكسر تعال اكسر ايده
رحت سحبت الثاني من عمي سليم وحسن اختفه ما ادري وين راح بس يمكن نزل لافاطم ...
ايلياس:شراح اكسر بوجهك،امم فچك حلو اشو بله تعال
نمت عليه بالمعنى الحرفي كسرت فچه وكضيت اول ايد كسرتها والثانيه كسرها يوسف كعدت يم راسهم وهمه يونون من الوجع واني اغني واطك اصبع ...
ايلياس:صليناهم صليّ علي ويانه علي
ـ صليناهم صليّ علي ويانه علي
ايلياس:ناقصنه سجاد كوننه موجود بالحسين الا يسوو بيكم سوايه لا صايره ولا دايره
اجه حسن روحه مفرفحه ومقهور حيل ...
حسن:نزلوهم خلوهم بسيارة كاظم خلي نودي افاطم لبيت عمام ابوي
ولد عم ابوي جتفوهم ونزلوهم واني اتصلت على عمه شيماء وهي ردت مفرفحه والصوت مبحوح من كثر عياطها ...
شيماء:ها عمه بنيتي وين
ايلياس:وداعة شيبتج يا عمه وصوتج المبحوح خلينه طشارهم ماله والي وبنيتج زينه وكلشي ما بيها وهذوله كسرنه اديهم وعيونج سوينهاهم تشريب
شهكت تبجي واسمع صوت البنات يمها يهدأنها شوي ووصلني صوت عمه قمر ...
قمر:تحجي صدك سيد
ايلياس:وعيونج ام الساده حلفت بشاربي اكسرهم وهسه واحد كسرت خشمه وكسرت اديه ثنينهن والثاني كسرت فچه وهم كسرت اديه اثنينهن
هلهولتها طربت مسامعي واسمع البنات بس سمعنها تهلهل هلهلن وياها ضحكت عليهن وسديت التلفون وصعدت بصف يوسف وحسن ليوره يم افاطم حاضنها على كلبه وهي تناشغ وتشاهك ...
حسن:كافي بويه حركتي كلبي
افاطم:اذوني
حجتها وبجت بصوت عالي وحسن عيونه بكصته من العصبيه ...
حسن:الا اسويّ بيهم مجزره بالحسين لا يوكف كلبج علويه لا تشاهكين
افاطم:شافوني بلا شال حسـ حسن ياريـ ريتهم حاركيـ حاركيني ولا منزعيني شـ شالي
حضنها اقوى على صدره حاط حنجه على راسها مغمض عيونه وكاز على سنونه بحركة كلب ...
حسن:وعلي ابن ابي طالب يا افاطم الا امطرها عليهم بارود
وخرها من حضنه يبوس براسها ويهدأ بيها هلكد ما منضرهم حلو ما وخرت عيوني منهم ...
افاطم:جسمي كله يوجعني يابه
حسن:والله كسرتهم الج
وصلنه يم بيت العمام ونزل حسن ساندها ومنتظر بس نزل راح يم حسن مدري حسن شكله ومنتظر اختفه ...
ـ تعاي بويه دخلوا دخلوا اتفضلوا البيت بيتكم
ما قبلوا يوسف وابن عمه يدخلون دخلنه بس احنه وهو ودانه للصاله مو للاستقبال لكيناهم واكفين واولهم جدتنه مستنده على عكازتها ولا جاييهم ابد امي ما يحبونها واني ما احبهم لان يكرهون امي ...
ـ هلا ببنيتنه كونن ما خذيتوا حكها ؟
جاوبها ابنها وهو يبوس بأديها ...
ـ اطمني يمه خذينه حكها مربع وهسه راح نمطرها بارود عليهم
ـ عبن هل ثوب مو ثوبنه مال الرمي بس هل مره اكلكم فرغوا اسلحتكم بروسهم وردولي ما يدش واحد ببيتي وما مهجولهم
حسن:حجيه ...
قاطعته ناتره بوجهه ...
ـ جدده ولك شني حجيه بعدين تعال لك تعال اوكف جدامي
صفنن بوجهه واشرّ لعمي سليم يلزم افاطم وراح وكف كبالها وباس راسها ...
حسن:اعذريني جده
ـ هذا عمك طيحت حضه شلون يودي عيالكم للنجف جا بيوتنه ما مفتوحه
حسن:جده خاطر محد يأذيهن
ـ انجب انجب ما تعارفون تتصرفون چا هسه مو اذوهن وانتم حرتوا شلون توصلولهن
حسن:اي جده بس لو باقيات هنا وماخذينها من عدنه جان ما صارلنه وقت نلزمهم
ـ قنعتني ولك ،تعاي تعاي انتِ عليمن مسحونه روحج اخوتج خذوا حكج
كعدت افاطم يمها بس الشهكه تطلع منها وجده تغسل بوجها وتقره عليها ...
ـ لا تبجين بسچ اخيج راح يموت عليج
حسن:يله شباابب جيبوا الاسلحه
دخلوا زلمهم يتراكضون وصعدوا فوك طول وكفتي يمهم اني والولد منزلين راسنه لحد ما دخل منتظر يلهث ...
منتظر:هاك حسن
انطاه البيكيسي والطلق واني صافن هذا منين جابه ...
حسن:عاشت ايدك خويه ،افاطم لا تبجين راح اخذ حكج مربع
لزمت ايده تناشغ وبالكوه تنفهم الجمله منها ...
افاطم:اخافن يصير بيك شي لا تعوفني وحيدي
باس اديها ويمسح بدموعها ...
حسن:لا تبجين يَبـه منتظر يضل يمج
افاطم:انا اخافن عليكم
ايلياس:لا يضل بالج افاطم كلشي ما راح نسوي بس شوي نلعب وياهم اطمني خويه اطمني
فززتني جده ايدها على عيونها مصغرتهن تباوعلي ...
ـ خايب انت بت المسيحيه
كلبت عيوني متخبل من هل سالفه ...
ايلياس:جا شبيها المسيحيه جده ؟
ـ لا اشوفن بله مربيتلها زلمه حوك تعال ولك خلي احبنك
تقربت منها وبست راسها وهي تبوس بيه ...
ـ ابوك عار بس خوش بنيه ماخذله فدوه لهل وجهه جده تخبل
هسه حبيبتن امي ،نزلوا كلهم بأيدهم اسلحه بس بقوا منتضرين ولد واحد ...
ـ وين صار هذا
اخذت سلاحي ولبسته على جتفي واتأكدت من الطلق ...
ـ ولجج اممنيهه وين سلاحي
مدت راسها بنيه من الغرفه العبايه على راسها تدردم ...
ـ امنيه مريتتك اننيي ولكك اني امك
صعدت فوك تعيط عليه ما منتبهه النه واحنه بالكوه ضامين ضحكتنه ...
ـ سلاحكك ما تندله امدااك اي والله خايب جوه الدوشكك
ـ امنننيهه الززلم مناه
عاط عليها رجلها وهي دارت علينه شاهكه ...
ـ دهر دهرني
كملت طريقها تركض ونزل ابنها بأيده سلاحه ومن شافنه صفن ...
ـ هاي امنيه تعيط هيج وانتم موجودين
حسن:فضوننيي غير امنيه اكبر من اميي وقت غيرتكم هسه
طلعنه كلنه وصعدنه كل كم واحد بسياره ومو مبالغه صرنه فوك ال8 سيارات الاسلحه طالعه من السياره ما دزينه خبر الهم ولا شي بس وصلنه لسلفهم نزلنه عايفين السيارات مفتوحه وحسن اترأسنه بالبيكيسي لعبهم مصلخ واحنه وراه نرمي وفعلاً مطرناها بارود ،نسمع بس الصريخ جايّ من جوه وهل شي مو كافي بالنسبه النه اليندك بعرضنه ندفنه دفن ...
سليم:جيبوا الجلاببب
وكفنه رميّ وحسن دفر الباب عليهم يعيط بعلو صوته وكلهم طلعوا يتراكضون الزلم مصدومين من عدنه ،
ذبينه ولدهم جوه رجليهم وهمه مخلوسين ما مستوعبين شيّ ...
حسن:اليندكك بعلويتتيي وسبع الكنطرره اسويّ ليلهم نهار من الباررودد
رفع البيكيسي يرمي وهمه من خوفهم الجراوه دخلوا يتراكضون وعايفين الجلاب الثنين بره ...
سليم:يله حسن امشي
وكف كبال باب بيتهم وحجه بعلو صوته ...
حسن:هاي المره رمي فوك بيوتكم والحسنن المسمومم اذا اندكيتوااا بيننه الرمي بصدورركم احنه بيييتت السادههه ما يندكك بعرضضنه
دار وجهه يريد يوصل لسيارته ابتسمت على مشيته وشلون ابتسامته مزينه وجهه ،اجت ببالي هوسة توصف هل موقف الرمي كلب ليلهم نهارهم وصار مطر عليهم البارود، خلاهم الحرف ما يكدرون ينطقونه ،هوستها ارمي بالجوّ بصوت عالي والولد وراي يرددونها ...
ايلياس:الأخت مو بس اسم الأخت هيبة وتاج
وإذا مسها الحزن،نصير لها السور والسيّاج
إحنا أهل الغيرة وما نرضى عليها بضيم ،
الي يمس طرف عباتها، يذوق المر بوسط الفجوج
ـ هاا خوتتيي هاا
ـ هاا
إلياس:حك الأخت ما يضيع، وإحنا حزامهه وضلهه
يتبع ...
==========
حسابي التيك توك
ddoor_aa
الكاتبة دُره .
حسابي الانستا
تأكدوا من كتابة اليوزر الصحيح لان اكو اكثر من حساب نفس اليوزر والاسم