حبك فاق حدود الغرام

Bart 19

ورجعت قفلت عيونها تنام
طلع سعود من الغرفة بي هدوء وقفل الباب ونزل تحت للصالة ونسدح ينام على الصالة خوف من انه يزعج رغد
~
كانت وضحى جالسه على الكرسي تمسك فنجال القهوة ترتشف قهوتها ببرود كأنها ما سوت شي
دخلت نوف ومن شافتها مروقه وتشرب قهوة ولا همها تقدمت بي عصبية وقالت
نوف : يمه! وشلون مرتاحه لهالدرجه! تدري إنك كنتي بتتسببين بموت رغد؟! أنا للحين مب قادره اصدق انها كانت تكه وتودع وانتي جالسه تشربين قهوتك عادي!!
وضحه ضربت الفنجال بالطاولة وقالت بي حده
وضحى : قلت لك لا تتدخلين فيني! انقلعي قومي على غرفتك اخر عمري ورعان يحاسبوني
نوف ارتجفت بي عصبية ودمعتها على طرف عينها وقبل ما تتحرك دوّى صوت جرس الباب
التفتت وضحى بحدة وقالت
وضحى : روحي افتحي الباب بسرعة ولا تخليني أعصب عليك أكثر
نوف مسحت دمعتها بكمها واتجهت مترددة صوب الباب فتحت ببطء وأول ما شافت المنظر قدامها تصنمت بمكانها
واقف اثنين من رجال الشرطة عند الباب واحد منهم مسك ورقة وقال
الشرطي : السلام عليكم هذا بيت خالد الربيلي ؟
نوف بارتباك هزت راسها بالإيجاب
نوف : اي !
قرب منها الشرطي وقال
الشرطي : جايين بخصوص شكوى مسجلة ضد وضحى الربيلي بتهمة عنف منزلي ضد رغد بنت خالد يعني بنت اخوها
على طول ارتجف قلب نوف والتفتت ببطء على أمها اللي كانت واقفه بالداخل وضحى أول ما سمعت الكلام عيونها توسعت والفنجال انزلقت من يدها وتكسّر بالأرض وشرقت بي القهوة اخذت عبايتها ولبسته وتقدمت وقالت وهي تحاول تنفي
وضحى : انا؟ عنف منزلي؟! شدعوه ذي سوالف ورعان بنت أخوي مع زوجها والحين تجون تتهموني؟"
الشرطي تقدم خطوتين داخل البيت نظر لها بجدية وقال
الشرطي : الموضوع مو سوالف ولا غيره عندنا تقرير من المستشفى يثبت إن رغد تعرضت لتعنيف متكرر واسمك مذكور قالت وضحى بي توتر
وضحى : اكيد في غلط في الموضوع انا مستحيل اضر بنت اخوي صدقني كلامهم كذب يمكن زوجها عنفها؟؟
نوف ما قدرت تمسك نفسها صرخت بصوت مرتجف وقالت
نوف : لاا! هم يقولون الصدق! أنا شفت كل شي! انا بشهد انها هي سبب وضع رغد انااا كنت معها! شفتها بي عيوني وهي ترفسها لين اغمى عليها!!!
وضحى التفتت عليها بعيون كلها نار وقالت بي حده
وضحى : تبيعين أمك يا بنت الكلب! والله ما عرفت اربي تقلعي لي غرفتك
الشرطي الثاني تدخل رفع يده وقال
الشرطي : يكفي كل الاذله ضدك الحين لازم تجين معنا للمركز
وضحى عصبت رفعت صوتها وهي تتراجع خطوتين
وضحى : محد يلمسني! أنا كبيرة العايلة أنا اللي ربيت ورعيت تجون أنتم تضلموني!!! اناا ما سويت شيء ولا اني اذيت احد كلهم كذابين
الشرطي : لو سمحتي يا خالة لا تخلينا نستخدم اسلوب ثاني تفضلي معنا للمركز
نوف كانت واقفه عند الباب دموعها تنزل وهي تشوف أمها لأول مرة محشورة بهالزاوية وضحى تحاول ترفع راسها وتتصنع القوة لكن يدينها كانت ترتجف قال الشرطي
الشرطي : نادو الشرطيه أمل تأخذ الخالة للسيارة ناظرت نوف لي الشرطيه يلي نزلت وجت وكلبشت يدينها وسحبتها معها كل هاذا تحت انظار نوف يلي كانت تبكي بدون صوت ناظر لها الشرطي وقال وهو يمد لها منديل
الشرطي : ما سويتي إلا الصح امك غلطت وهاذا عقابها مشكور على تعاونك باقي بس تكتبين أفادتك في المركز تعالي بي اي وقت تعدلت نفسيتك فيه طاحت نوف على ركبتها تصيح بي حرقة ناظر لها الشرطي واتجه صوب سيارته واتجهو للمركز
~
بعد يومين -
بجدة -📍
كان كل من خالد وتالا ومحمد وريان وروان يجهزون شنطهم وكل أمورهم خلاص ناوين يرجعون للرياض على دفعتين محمد معه سيارته ومعه ريان وروان أما خالد وتالا معهم سيارتهم يلي كانت كبيرة كونها سيارة عائلية وهم يصفون العفش ويضبطون كل شيء جاهم رجال قرب من خالد وسلّم عليه وقال
ابراهيم : اسلام عليكم ناظر له خالد يصافحه وقال
خالد : وعليكم السلام ورحمة ابتسم الرجال وقال
ابراهيم : والله يا اخوي ما جيتك إلا وانا مكسوف ولا لي اليد حيله ابتسم خالد وقال
خالد : افا يا اخوي أمرني غالي والطلب رخيص سم؟ ناظر ابراهيم خلفه ورجع ناظر لي خالد وقال
ابراهيم : سم الله عدوك والله يا طويل العمر موتري خرب ولا لقينا حجز تذاكر لي الطيارة وإذا ما فيها كلافة تمرنا معك؟ حنا كنا متجهين للرياض اذا قريبه من وجهتك واذا ما امداك تسلم يا اخوي وما تقصر
خالد ابتسم وقال
خالد : الله يحييك ابد ما بها كلاف حنا أصلاً من الرياض ودامه نفس الطريق تفضلوا معنا والسيارات تكفينا ان شاء الله
ابتسم ابراهيم ينادي عياله ومن الصدفة طلعت نفس العائلة اللي كانوا متغدين بجنبهم قبل اللي هي عائلة هيام ويوم جت هيام وعينها طاحت على ريان وهو واقف عند سيارة محمد قلبها بدء يدق بسرعة التفت بسرعة على أبوها وقالت
هيام : بابي ابي اروح بي ذيك السيارة
أبوها ناظر لي السيارة ومن شاف ان روان معهم ابتسم وقال
ابراهيم : يلي ودك يا بابا
على طول هيام اتجهت صوب سيارتهم وفتحت الباب الخلفي ودخلت وقالت
هيام : اسلام عليكم
روان تلتفت عليها بابتسامة استغراب وقالت
روان : وعليكم السلام بس مين انتي؟
ابتسمت هيام ومدت يدها وهي تقول
هيام : انا هيام وانتي؟ ابتسمت روان ومدت يدها تصافحها وقالت
روان : وانا روان ابتسمت هيام وقالت بي فضول
هيام : هذولي اخوانك؟ هزت روان راسها بي الاجاب وقالت وهي تأشر عليهم تعلمها وش اسمائهم
روان : اي هاذا اخوي الصغير ريان وهاذا اخوي الكبير محمد ابتسمت هيام من عرفت اسم ريان وقالت
هيام : حلوو الله يحفظهم لكم وانا عندي اخ واحد اسمه نايف وهو مع ابوي الحين ابتسمت روان وقالت بي استغراب
روان : ما اتوقع نعرفك صح؟؟ ابتسمت هيام وقالت
هيام : اي ما تعرفيني بس بنتعرفف ولي العموم ترا سيارتنا انخربت وابوكي قال لنا تعالو معانا ما عندك مانع صح؟ اعتدلت روان بي جلستها وقالت
روان : ابددد نورتونا واشوى انك موجوده تغيرين لي جو طفشت من جو العيال ضحكت هيام وقالت
هيام : تعرفي حاجه انا البنت الوحيده لي امي وابويا واحس شعور مره مو حلو ما عندي اخت تفهمني ولا اذا زعلت او اي حاجه افضفض لها حياتي مره مو حلو ضحكت روان وقالت
روان : هاذا كلام اختي وانا موجوده تصدقين اشتقت لها حيللل ولي سوالفها البايخه ناظرت هيام لها بي اهتمام وقالت
هيام : وينها الحين طيب؟ ضحكت روان وقالت
روان : في البيت ضحكت هيام على ضحكتها وقالت
هيام : ضحكتك مرهه حلوو ابتسمت روان بي خجل وقالت
روان : انتيي الحلوهه ابتسمت لها هيام تصد على
ريان يلي كان مشغول يساعد محمد يحمل الشنط ويحطهم بي شنطة السيارة ما انتبه لهم يوم التفت وهو ينفض يده من الغبار عيونه طاحت عليها من شافها جالسة بجنب روان تضحك تأفف وهو يهمس
ريان : وش جاب هالبنت هنا؟
محمد انتبه لهم وضحك وقال
محمد : يا ريان افهمهاا القلوب عند بعضها
رفع ريان حاجبه وعطاه نظرة وقال
ريان : انكتم وخلنا نركب ونمشي ورانا خط سفر
روان جلست تبتسم اول ما ركبو محمد وريان وسألت هيام وهي تسند راسها على المرتبة
روان : صدفة حلوة إننا نلتقيكم مره ثانية صح؟
هيام ضحكت وقالت
هيام : والله مره فرحت يوم عرفت إننا بنرجع معكم واننا نفس المكان يمكن نكون صداقات بعدد
ريان رفع حاجبه شوي وهو يشغل المكيف أما روان ما فوتت الفرصة قالت لهيام
روان : اييي اكيددد اول ما نوصلل لازمم تنزلون على بيتناا واعرفك على اختي ابتسمت هيام بي وناسه وقالت
هيام : يونسس تممم خلاص بكلم بابي انزل عندكم
محمد كتم ضحكته يناظر ريان يلي انقلبت ملامحه وهو يكتم ضحكته وهو يسوق ناظرت هيام لي المراية تشوف نص وجه ريان وابتسمت تخفي خجلها
~
في الجهة الثانيه عند خالدد وتالا كان خالد يسوق وجنبه ابراهيم يونسه بي السوالف وخلف تالا ونوره يسولفون وقالت نوره بي ابتسامة
نوره : انتو دايم تجون جدة؟ ابتسمت تالا وقالت
تالا : لا والله حنا من الرياض واحيآ ننتقل من الرياض للخبر اما جدة عاد جينا لها لان مافي مثل بضاعة جدة وكلل شيء ودك به تحصلينه بجدة ابتسمت نوره وقالت
نوره : ولا في مثل الرياض جيتها مره ويا زيننن اجوائكم ما شاء الله تجنن ولا بسألك كم لكم عندنا؟ ابتسمت تالا وقالت
تالا : والله يا خيتي من نص اسبوع جينا علشان نأخذ لي عروسة ولدي خاتم الخطبة والمجوهرات عاد اذا كتب الله بينهم النصيب ابتسمت نوره بي اهتمام وقالت
نوره : الفف مبروك يا قلبي الله يتمم لهم على خير ويجمع بينهم الحب والموده ابتسمت تالا وقالت
تالا : امينن يا قلبيي عقبال عيالك يارب ابتسمت نوره وقالت
نوره : امينن يا قلبي عاد بيننا اذا تعرفين بنت حلال واخلاقها زينه علميني بأخذها لي ولدي ضحكت تالا وقالت
تالا : تأمرينن أمر يا ام نايف ابتسمت نوره تناظر للطريق
~
رغد كانت تمشي بخطوات ثقيلة سعود ماسك يدها
يطمنها وهو يقول
سعود : لا تتوترين يا قلبي انا معك وقولي وش صار ولا تخافين من أحد
رغد هزت راسها بي الاجاب ودخل سعود للغرفة الشرطي قام وسلم عليه مد يده يصافح سعود وجلس قدام الطاولة الشرطي قلب أوراق الملف قدامه وقال
الشرطي : أول شيء نبي ناخذ أقوالك يا أستاذ سعود وين كنت باليوم اللي صارت فيه الحادثة؟"
سعود رد بهدوء
سعود : كنت طالع من صلاة الظهر جاني اتصال من اختي إن صاير لها شيء ورحت لهم
الشرطي رفع عينه عليه وقال
الشرطي : يعني ما كنت موجود وقت الحادثة؟
سعود : لا ما حضرت اللي صار
الشرطي كتب ملاحظاته ورجع قال
الشرطي : كيف كان وضعها يوم شفتها؟
سعود تنهد وهو يتذكر
سعود : كان مغمى عليها وتعبانه حيلل حتى الدكتور قال عندها آثار رفس متكرره بي التقرير
الشرطي هز راسه وهو يدوّن وقال
الشرطي : طيب نحتاج نسمع أقوال زوجتك لحالها إذا تكرمت يا أستاذ سعود تخليها تدخل سعود هز راسه وطلع من الغرفة ناظر لي رغد يلي جالسه بي توتر واول ما شافت سعود اتجهت صوبه وقالت بي توتر
رغد : سعود خلاص تكفى خلنا نرجع للبيت مابي اقولل شيء  تكفى خلنا نرجع مد سعود يده يمسك كفوفها وقال
سعود : يا عيوني الثنين لا تخافين من شيء بس ادخلي وقولي وش صار بدون خوفف انا معك ما بيصير لك شيء! ناظرت له رغد بي تردد وانحنى سعود وباس راسها نظرت له بعيون دامعة تحاول تفهم سعود ان ما ودها تشتكي على وضحى مب حب لها بس علشان ما تكبر السالفة ناظرت لي سعود وحضنته بي قوة شد سعود على حضنها يبوس راسها وقال
سعود : انا معك يا عيوني لا تخافين غمضت رغد عيونها بي خوف من تذكرت وش كان ممكن وضحى تسوي فيها ذاك اليوم
~
تأففت وقالت
وضحى : عيب عليكم والله اقولكمم اناا ما سويت شيء افهمونيي!! ناظر لها الشرطي وقال
الشرطي : يا خالة بنتك بنتك! اشتكت عليك وباقي تجحدين؟ احترمي عمرك على الاقل الله يسعدك  سكتت وضحى من حست انها خلاص اكلتها وان مافي شيء بينقذها وان اذا رغد سجلت إفادتها بتودع  وبتتعفن بي السجن ناظرت لي الشرطي وقالت
وضحى : ابي اسوي مكالمة! ولا حتى ذا ما يمديني بدون أذن بنت اخوي؟ سكت الشرطي ومد لها جوال وقال
الشرطي : 10 دقائق وبجيك خلصي مكالمتك طلع الشرطي وطلعت وضحى رقم خالد بسرعة ودقت عليه
~
كانت نوال جالسة بالصالة هي وديما يسولفون ناظرت لهم لين بي ابتسامة انتبهت لها ديما وقالت
ديما : شفيك انتي؟ هزت لين راسها بي النفي وقبل ما ترد ديما قاطعهم صوت الجرس
لين قامت بسرعة وقالت بحماس
لين : انااا بفتح
توجهت بسرعة للباب وفتحته أول ما شافت فيصل ارتمت بحضنه وقالت بي سعادة
لين : بابااا… وحشتنييي حيلللل
شد فيصل على حضنها وانحنى يبوس راسها وقال
فيصل : أميرتيي وحشتيني اكثررر يا عيون ابوك
نوال فزت من مكانها بي عصبية وقالت
نوال : وش جابك لي بيتي؟؟؟؟؟ ناظرت لها لين وقالت
لين : ابوي جاء يشوفني
نوال عصبت زود وقالت بي سراخ
نوال : ينقلع! ما أبي أشوفه داخل بيتي ولا اني المح طيفه!!
لين شدت على يد أبوها وقالت
لين : يمه تكفين أنا ناديت بابا اشتقت له ما قدرت بدونهه!! تكفيييين البيت بدونه ولا شيء لا تطردينه طالبكك لا تبعديني عنه
ضحكت نوال وقالت
نوال : اجل هاذي علومك البيت بدونه ولا شيء صح؟ وانا رجل كرسي بي هل بيت اجل الله يديم عليكم المحبة بي خطوات سريعة اتجهت صوب غرفتها ودخلت وقفلت الباب بي قوة
ناظر فيصل لي ديما ومد يده على اساس يحضنها ناظرت ديما له وقالت بي حده
ديما : تحلم اسامحك صدت عنهم واتجهت لي غرفتها
شدت لين على يد فيصل وقالت
لين : باباا حبيبيي لا تزعلل ترا كلها كم وبيعرفون قيمتكك وبيدرون انهم ضلموك ابتسم فيصل وحضن لين بي كل حُب
~
وقف خالد سيارته قدام البيت نزلت تالا أول وحده ونزلت بعدها نوره تعدّت تالا عتبة الباب وقالت
تالا : يا هلا والله يا ام نايف اقلطي حياك الله ابتسمت نوره ودخلت خلف تالا ودخلت بعدهم روان يلي نزلت من سيارة محمد ونزلت خلفها هيام ودخلو للبيت وهم يسولفون اما ريان ومحمد انشغلو بي الشنط ينزلونها  من السيارة وجاء نايف يساعدهم وبدو ويودونها داخل
أول ما دخلت تالا للبيت توقفت بمكانها كان فيه هدوء غير عن المعتاد ما فيه لا صوت ولا حركة عقدت حاجبها بي استغراب ناظرت حولها ورفعت عيونها صوب روان اللي لاحظت الاستغراب بوجهها وقالت
روان : يمه وين أهل البيت؟
هزت تالا كتوفها بعدم معرفة وقالت
تالا : مدري والله خلني اشوف فوق ضيفي ام نايف وهيام هم ضيوفنا ابتسمت روان واتجهت صوب المطبخ تسوي قهوة لحقتها هيام وقالت وهي تبتسم
هيام : تبينن اساعدك؟
ضحكت روان وقالت
روان : ما اقول لاا ابتسمت هيام وقالت بي استغراب
هيام : وش هل قهوة يلي جالسه تسوينها؟
ضحكت روان وقالت
روان : ما تعرفين القهوة السعودية ؟ هزت هيام كتوفها بي عدم معرفه وقالت
هيام : لا والله ما قد ذقتها كيف طعمو؟ ابتسمت روان ومن شافت القهوة تغلي وريحة الزعفران والهيل تعبي المطبخ قفلت عيونها بي روقان وابتسمت تأخذ فنجال وصبت فيه شوي من القهوة ومدته لي هيام
اخذت هيام الكاسة وجت ترتشف القهوة اول ما ارتشفت انقلب وجهها وقالت بي عبوس
هيام : اشش دا طعمو كأنو مويه مع تراب صفقتها روان وقالت وهي تضحك
روان : حدككك إلا قهوتنااا والله لو يسمعونك اهل الرياض لا يجدولون عليك ناظرت لها هيام وقالت
هيام : يا عمي والله مو حلوو كيف تشربونه؟ ضحكت روان وقالت وهي ترفع صوتها
روان : يمهه تعالي شوفي وش العلم عندنا وحده دلوعه ياي ما تشرب قهوة ضحكت هيام وهي تصفقها وقالت
هيام : يعع اش ذا انا ما قلت اني دلوعه ما اشرب قهوة بس والله ذا طعمو مب حلو خلصت روان من القهوة وصبتها بي الدلة وخذت الشياله وحطت فيه الفناجيل ومدت يدها لي هيام وقالت
روان : طيببب خلكك من طعم القهوة بختبرك مثلا مثلاا لا جاكك شخص وقال لك شلون تضيفين الضيف وشش تقولين؟ ناظرت لها هيام وقالت
هيام : ما فهمتت كيف يعني؟ كتمت روان ضحكتها وقالت
هيام : الدله تمسكينها يمين ولا يسار؟ ضحكت هيام وقالت بي ثقة
هيام : افااا عليككك تخيلي أخذ دله بي اليسار مافي بركة بي اليد اليسار فطست روان ضحك عليها وقالت
روان : يا تبننن الله لا يفشل عدوككك شلونن تضيفين الضيف بي يدك اليسارر؟؟ والله انكك تصلحين لي جدولل وربي فلة ضحكت هيام بي عدم افتهام وقالت
هيام : وربيي انتي انسانه غريبة ليه جالسه تضحكي عليا؟ كتمت روان ضحكتها وقالت وهي تأشر على التمريه والحلا
روان : اقولك اهجدي وجيبي معك صينيه التمريه او الحلا بسرعة وتعالي وراي اتجهت هيام صوب التمريه وخذته ولحقت روان للصالة
خارج البيت -
بعد ما فضل خالد ابراهيم لي مجلس الرجل طلع للحوش وكان واقف عند السيارة بيده الجوال يلي من وصل وهو يرنّ وما وقف تنرفز ضغط زر الرد وقال بعصبية
خالد : الله لا يوفق عداوينكن مهابيل انتم؟ ما تفهمون؟ قلت لكم ما أبي أشتري شيء لا عاد تدقون على هل رقم
بس سكت فجأة يوم سمع صوت غير متوقع صوت أخته وهي تبكي ( وضحى وهي تسوي نفسها تبكي)
وضحى : خالددد أنا في وجهك تكفّى انقذني! والله اني مضلومه
تجمد خالد بمكانه عروقه نبضت صوته ارتفع وهو يركز معها
خالد : وضحى!! وينك انتي؟؟ وش صاير؟ ليه تبكين؟
وضحى وهي تتصنع البكي
وضحى : بنتك يا خالد بنتك رغد اشتكت عليّ وأنا الحين بالسجن!
فز خالد وقال بي صدمة
خالد : شلوننننن!! بأي مركز؟
ذكرت له اسم المركز خالد على طول اتجه صوب سيارته وفتح الباب بقوة وركب يده ترجف وهو يشغلها
شافه ريان هرول صوبه بسرعة وقال وهو يلهث
ريان : يبه ؟ شفيك وش صاير؟؟
خالد ما كان له خلق يشرح رد بعجلة
خالد : أختك اشتكت على عمتك
ريان عيونه اتسعت وهو يقول
ريان : شلونن؟! وش مسويّة اختك برغد؟!
خالد ضغط على المقود بعصبية عروقه برزت وهو يقول لي عصبية
خالد : وضحى ما سوت شيء برغد! بس أختك مارجة!
ما انتظر على طول ريان فتح الباب وركب جنبه بسرعة خالد حط رجله على البنزين والسيارة اندفعت بقوة متجهة صوب المركز كان يسوق خالد بي سرعة جنونيه ناظر له ريان وقال
ريان : يبه! هد السرعة بنوصل لا تسوي لنا مصيبة فوق المصيبة يلي حنا فيها
خالد ناظر له وهو باقي على نفس سرعته وقال
خالد : بنتي تشتكي على عمتها؟! ما تدخل العقل أبد
تأفف ريان وهو يناظر لي الطريق
وبعد كم دقيقة وصلو قدام المركز خالد صف السيارة بسرعة نزل وهو يدف الباب وركض لداخل ريان لحقه بخطوات سريعة
دخلو وكان فيه شرطي على المكتب خالد صرخ بصوته العالي
خالد : أنا خالد الربيلي وين أختي وضحى الربيلي؟ قالوا لي إنها هنا!
رفع الشرطي راسه بهدوء وقال
الشرطي : اي صحيح المتهمه وضحى الربيلي موجودة عندنا في التوقيف وفيه تحقيق ما خلص بعد اذا خلص ادخل خالد عصّب رفع يده على الطاولة وضربها وقال
خالد : شلون توقّفونها؟! هي ما سوت شيء بنتي هي اللي ما تفهم وتبلّت عليها ناظر له الشرطي وقال
الشرطي : اول شيء احترم نفسك استاذ خالد تراك بي مركز شرطه مب بيتكم ثاني شيء انت الحين من جدك تدافع عن يلي كان ممكن يذبح بنتك؟ صاحي انت ؟
انصدم ريان من كلام الشرطي مسك يد أبوه يحاول يرده شوي وهو يقول
ريان : يبه لا تعصب خلنا نفهم الموضوع زين
ناظر خالد لي الشرطي وقال
خالد : مالك دخل سوالف عائلية حنا نحلها في ما بيننا وينها بنتي ابي اشوفها! جيبوها لي
الشرطي هدأ صوته وقال
الشرطي :  قصر صوتك في محضر تحقيق مع بنتك إذا خلصنا من استجوابها تقدرون تطلعون بيانكم  ولا ترفع صوتك مره ثانيه هنا يا أستاذ خالد هاذا اخر تنبيه
خالد عض شفته بقهر والتفت لريان وقال بصوت واطي
خالد : اقسم بالله لو لقيت رغد مسوية هالشي متعمدة لأعلمها شلون تشتكي على اختي انا والله لا اوريها
ناظر له ريان وقال
ريان : يبه تكفى لي يوم واحد فكر بي بنتك قبل اختك! واضح اختك مسوي لي رغد شيء ترا والله لو طلعت ضارتها لي رغد والله انهاا ما تسلم مني ناظر له خالد بي حده وقال
خالد : تعقب جرب تسوي شيء
ناظر خالد حولينه وفجاة لمح رغد يلي كانت طالعة من غرفة الانتظار وهي تتجه صوب غرفة التحقيق علشان تعطي إفادتها
هنا قلب خالد انقبض وعيونه اتسعت ارتفع صوته فجأة وهو يندفع صوبها
خالد : رغـــــد!!!
التفت سعود على خالد يلي وصل عندها ومد يده بكل قوته يمسك معصم رغد ويسحبها بقسوة
رغد صرخت بي ألم
رغد : يبهه!! توجعني!!
سعود وقف قدامه مد يده يبعد خالد
سعود : فكها يا عم !!
ناظر له خالد بي حده وقال
خالد : إنت آخر من يتدخل بيني وبين بنتي إنت اللي لعبت بعقلها وخليتها توقف بوجهي وتشتكي على عمتها!!
رغد انهارت دموعها وهي تحاول تفلت يدها من قبضة أبوها
رغد : لا يبه تكفى محد لعب علي وهاذا القرار انا اخذته احمر وجه خالد وهو يقول
خالد : قرارك؟؟ يا زبالة تشتكين على عمتك؟؟؟؟
عصب سعود وقال
سعود : انت طيب منت فاهم شيء وجاي تدافع عن اختك؟؟ تدري اختك ذي يلي تحبها حيل شمسويه بي بنتك؟؟ ناظر له خالد وقال
خالد : ما يهمني! إذا هي مهي مسويه شيء ما جاها شيء وبعدين اكيد بعد هل عمر ما بسمح لي بنتي تنزل راسي وتخلي كل خلق الله يسولفون علينا ويقولون بنته اشتكت على اخته نزلت رغد دموعها بدون صوت وهمست
رغد : بسحب الشكوى اتسعت عيون سعود وقال
سعود : رغد! ناظرت له رغد وقالت
رغد : قلت مابي يصير مشاكل! ليه ما تفهموني! ما تحسون انكم صايرين سبب حزن لي؟؟؟ خلونيي اتنفس يرحم لي والديكم والله ما بغيت منكم غيره الله يأخذني وارتاح من هل عيشه وحقي تنازلت لكم عنه بأخذه يوم تجتمع الخصوم عند رب العباد سحبت يدها من قبضت خالد وركضت بسرعة صوب البوابة تطلع من المركز ناظر سعود لي خالد وقال بي حده
سعود : عساك حققت مرادك يا عمي ناظر له خالد بي حده وصد سعود عنه بي خيبة يلحق رغد
طلع من المركز وشافها ماسكه جوالها تدق على احد وهي تبكي اتجه صوبها بي سرعة ووقف قدامها وقال
سعود : ليه تنازلتي عن حقك؟؟؟ ليه ما خليتيها تأخذ عقابها ! ناظرت له رغد وقالت وهي تضحك وسط صياحها
رغد : انتم صاحين؟ لا مستحيل أكيد مهابيل ما تفهمون! فكونييي جالسه أقول!! مابيي اشتكي على احد! افهمني!! قرب سعود منها ومسك يدينها وقال
سعود : انا معك! ولا بتركك ووراك بي اي خطوة تأخذينها سحبت رغد يدينها وقالت وهي تبكي
رغد : مابي احد حولي!! مابي اي احد خلاص تعبت منكم كلكم والله ترا احس! تحسبوني دميه؟؟ معقول تحسبوني بلا مشاعر؟؟ قرب سعود منها وهو يحاول يهديها وقال
سعود : يا عيوني انتي مب قصدي كذا يا قلبي وانا اسف حقك علي حطت رغد كفوفها على وجهها تمسح دموعها يلي جالسه تنزل مثل الشلال وقالت
رغد : تكفى سعود خلني الحالي تعبت من كل شيء تكفى فكني
نزلت من السيارة وشافت رغد واقفه جنب سعود وهي تبكي وتعاتب اتجهت صوبها بسرعة وقالت
جود : رغد؟؟؟ التفت رغد على جود وعلى طول اتجهت صوبها وحضنتها شدت جود على حضنها وهي تمسح على شعرها وتسمي عليها ناظرت لي سعود تحاول تفهم وش السالفة بعدت رغد ومدت جود كفوفها تمسح دموع رغد وقالت
جود : يا عيوني الثنين مين مضايقك اخخ يا دنيتي جعلها فيني ولا فيك حضنتها رغد وقالت بي همس
رغد : تكفيييين جود تعبانهه! قلبي يعورني خذيني من هل مكان سمت جود عليها وقالت
جود : جعلها فيني ولا فيك يا روحي ابشري الحين بطلعك من هل مكان تعالي معي مسكت كفوف رغد واتجهت صوب سيارتها فتحت الباب لي رغد وصعدت رغد وقفلت جود الباب عليها ناظرت لي سعود وقالت
جود : ابي تفسير لي هل قرف يلي جالس يصير!!!!
سو يلي تبونه مع مين ما بغيتم بس والله ثم والله يلي يأذي رغد! والله اني لا اسود عيشته حسابي معكم بعدين ناظر سعود لها وقال
سعود : انتبهي لها وعلميني عن وضعها شمقت له جود واتجهت صوب سيارتها وفتحت الباب وصعدت وقفلت الباب بقوة وشغلت السيارة وو………❤️‍🔥❤️‍🔥
~
______________-_______________
اعطوها حقها " رافقتكم السلامة ❣️
{ لا تنسون النجمة 🌟 }