𝗦𝗛𝗔𝗗𝗢𝗪 𝗢𝗙 𝗟𝗢𝗩𝗘

𝗦𝗛𝗔𝗗𝗢𝗪 𝗢𝗙 𝗟𝗢𝗩𝗘, P6

• للتذكِير'
مَيس: ماما،بت اختي عرسها يوم* * *
لازم نروح،جهزّي فستانج لان موعد العرس قرّب..
روان: لازم اروح؟!
مَيس: اي ماما،عيب متروحين،يلا غسلي هاي البيدج،ونروح لخياطة تخيطلنة فساتين.
زفرت الهوة
روان: مابية حيل ماما انتِ روحي بدالي.
ميس: لا ماكو ماروح ومابية حيل،تجين تجين يلا روحي لبسي بنطرون .
رحت غصباً ما علية لبست بنطرون وقميص ابيض وحذاء فلات عالسريع وامي لبست جبة ورحنة
'
كلنا: السلام عليكم.
الخياطة: وعليكم السلام.
كلنالها عالفساتين والتفصال والتطريز وكلشي يخص الفستان
الخياطة: تمام تمام،اسبوعين ويجهزن.
امي: اسبوعين؟!
الخياطة: اي!.
امي: لا هواي،العرس بعد اسبوع.
الخياطة: تمام لعد احاول اسوي بسرعة واليوم ابدي بي.
روان: يمّة اني ماريد هذا الفستان!
امي: اشش ولا كلمة،تردين تلبسين فستان مشلح ومادري شلونة واسود لا لا  عيني.
روان: والله لو يجي مدري منو ما البسة.
امي: لا بلة؟،تلبسي يعني تلبسي.
روان: لعد اختار غيرة.
امي: اي اكو هوايَ.
اختاريت غير فستان وجان كلش عاجبني
امي: هذا التردين تلبسي؟
روان: اي حلو،ما بي شي.
امي: لازم اسود؟!
روان: تعرفيني احب لون الاسود!
امي (زفرت الهوة): يلا عيني سويلها هذا الفستان الخاتون متريد تلبس الفستان الي اختاريتة الها.
الخياطة: نهائي؟
امي: اي هاهية بعد منغير،(وهيَ تبسبس يم اذني) بت ال..... الخياطة ضاجت كلة من وراج،بعد ما اخذج وياية.
روان: اهوو اني شعلية،يلا بعد احسن لان تغثيني.
امي(وهية شوية وتكتلني): ايا بت اللللل..هيج تكولين لامج؟،اني اعلمج.
الخياطة: هدي هدي شبيج خية الموضوع ميستاهل العركة كوني هادئة.
امي: يلا هاج انتِ الثانية الفلوس وامشي يلا دنروح.
روان: امشي.
طلعنة من الخياطة ورجعنة للبيت
دخلنة للبيت
محمد: هاا،وين جنتو؟
امي تجاهلتة ودخلت لغرفتها بعصبية
روان: يم الخياطة،بت خالتي عرسها بعد اسبوع ورحنة لخياطة حتى تخيطلنة فساتين،وين ليث؟
محمد: لعد شو اني ما ادري؟،ليث دايح بالشوارع ويَ اصدقائة.
روان: شمدريني يمكن امي ما كالتلك هسة دريت.
دخلت للغرفة بدلت ملابسي بسرعة ورحت للمطبخ
ليث: هلو بابا،اكلك عادي تنطيني فلوس حتى اطلع ويَ اصدقائي للمطعم؟!
محمد: ليش اني مو اليوم انطيتك؟
روان: بلا متستحي تاخذ من ابوية فلوس؟،المفروض اللي بعمرك هسة يشتغل ويجيب فلوس وهوَ اليصرف على اهلة مو ياخذ منهم!
محمد: اي والله حجيج كلام.
ليث: انجبي انتِ معليج.
محمد: لا تغلط على اختك،هاك وهاي اخر مرة انطيك بيها فلوس وبعد ماريدك كدامي يلا ولي.
روان: حيل بيك.
ليث: لا بلة؟،دتشوف روان؟!
محمد: يلا روح اصدقائك ينتظروك.
راح،واني سويتلي كهوة
محمد: هواي كمتي تشربين كهوة شوية كطعي لا تكثرين وتذكري انتِ عدج فقر دم.
روان: اي صح،يلا احاول اكطع،بابا اني موبس عندي فقر دم بالدم اني عندي فقر دم حتى بالماديات.
محمد: ليش ماعدج فلوس؟!
روان: اي.
محمد: وشسويلج يعني منتظرتني انطيج،،مو تدرين امج واخوج مخلصين فلوسي؟!.
روان: هففف.
دخلت للغرفة ولكيت الجو مغيّم كلش وعبالك شوية وتمطر
اجة ابوية للغرفة
محمد: اكلج ما شفتي الريموت وين؟
روان: لا والله ما شفتة،اصلاً صارلي يومين ما شايفتة.
محمد: مو امج كالت خاف يمها شوفي.
روان: شسوي بي شوفة بالهول.
محمد: اوكِ.
حطيت السماعة بأذنِي وكعدت اسمع اغاني
فجأة اجتي امي واقتحمت الغرفة
جانت كاعد تحجي بس ما اسمعها
وخرت السماعة
الكاها تعيط وتصيح علية
ميس: ولج انتِ شنووو،اصيح بيج ومتجاوبيين اريد اعرف الله المن خالق اذن؟!
روان: شكو ماما شبيج.
ميس: باع البرود يا الله،تدرين هسة اني اريد اكتلج
كتلة هنانة لحد ما الله يكول بس؟!.
روان: اهدي ماما شسالفة.
ميس: ولج ليش اصيح بيج ومتجاوبين؟،بس انطقي عاد شلعتي كلبي كوة اطلع الحجاية منج!
روان: ايي ماما شمدريني جنت حاطة سماعات،شسوي يعني هسة؟
ميس: ولككك محمد تعال شوف بتك راح تخبلني.
محمد: اي كالتلج جنت حاطة سماعات هسة شتسوي البنية انوب زفيتيها.
ميس: والله راح اهج منكم وارتاح من هاي العائلة تعبتوني تعبتوني ولكم،يعني لا ابن بي خير ولا ابنة بيها خير ولا زوج بي خير.
كلهم سكتو معرفو شيحجون
وراحت صعدت لغرفتها
محمد: هاي شبيها مصروعة اجتج صدك تحجي عود.
روان: انتَ مو تعرفها تعصب على اتفه الاشياء وهيَ اصلاً دمها حار.
محمد: العصبية تمشي بدمها.
دخل ليث بهاي الاثناء
ليث: هاا شكو الصياح واصل لسابع جار؟!.
روان: ماكو شي بس اجتي علية وهيَ معصبة لان تصيحني وما جاوبتها.
ليث: وليش ما جاوبتيها؟
روان: هسة مسويلي تحقيق لو شنو!،ما جاوبتها لان ما سمعتها وجانت السماعات بأذني،يلا ارتاحيت؟.
ليث: والله صوجي جبتلج اكل من المطعم،خن اكلة اني احسن.
روان: اهوو هسة اني ميتة جوع انطيني شوية،عالاقل.
ليث: اشوف.
روان: ولكك شتشوف يلا جيب الصينية وحطها بالكاع اني هسة جاية.
ليث: وهمين جايب ببسي.
روان: اوينييي،جاية جاية.
(هاي عود اويلي بس بلهجتي🗿🫱🏾‍🫲🏽)
ليث: بابا تعال اكل.
محمد: اي طبعاً اجي اكل تعرفوني اموت على اكل المطاعم.
ليث: اي .
محمد: عود فد شوية جيبلي اندومي من الاسواق.
ليث: اوكِ.
كعدنة ناكل والاكل جان يشهي وكلش كلش طيب
ليث: هاي اللي الزنجر والكم البرجرات.
محمد: ولامك التويستر.
ميس(وهيَ نازلة): ولكم هاي شنو!.
كلهم: شنو؟.
ميس: جم مرة اكول الكم اكل المطاعم يأذي يابة شمالة اكلي ترة يخبل؟.
محمد: تعاي جبنالج تويستر.
ميس: ماريد بالعافية اكلو انتو،مو تعرفوني ما احب اكل المطاعم!.
محمد: يابة نسيت اسف.
روان: بعد احسن اني اريدها.
ليث: جوع البلوع.
محمد: هاي عليمن.
ليث: ماكو غيرها،روان.
محمد: الزم حدودك المرة هاي ولتعيدها.
روان: اي عفية بابا.
~~~~~~~~~~~~
YOYSSEF POV;
_______________
هفف همزين خلصت دورة اليوم
رجلية راحت من ورة المشي،المدرب كل ساعة يكول نوووت بوك مو نات بوك،خبلني تخبل،وكلما اغلط بكلمة،يباوعلي بنظرات لو بيدة يشمرني برا القاعة
حطيت سماعات بأذني وسمعت اغنية قديمة
ماعرف ليش كلما اسمعها اتذكر ضحكة روان اللي جانت تسحرني بطفولتي..
جان الجو عبالك مغيّم ويريد يمطر،ركضت بسرعة للبيت بعد ما نزلت نقاط على وجهي،،
دخلت للبيت وذبيت الجاكيت عالقنفة
يمة آني اجيت؟
[ماكو رد]
شنو نايمة؟
[هَم ماكُو رَد]
رحت لغرفتي و شغلت تلفزيون،عيوني بقت عالبردة اللي تتحرك بسبب الهوة
عبالك تكلي؛
كلشي بعدة بخير،،بس اكو شي ناقص..
كلت لنفسي،،،
يوسف لا تصير رومانسي زيادة (وضحكت)
سمعت صوت باب انفتحت وكبل ختلت
امي: يووسف،يوسف وينك،رجعت؟
يوسف: ها ماما ختلت لان خفت عبالي حرامي.
امي: رجعت؟!.
يوسف: يمة مو هياتني كدامج؟!.
امي: هاا اوكِ، تعال شوف شجايبلتك!.
يوسف: لتكليلي جكليت ابو النعناع؟.
امي: لااا،وشبي عيني الجكليت ابو النعناع؟!
يوسف: ها همزين لعد،طعمة عبالك معجون اسنان،هسة شوفيني شجايبة.
طلعت كتاب من العلاكة
يوسف: شنو هذا؟
امي: هذا كتاب قاموس انجليزي.
يوسف: اها،عاشت ايدج جان المُدرس يحتاجة.
امي: اي.
حضنتها...باوعت للسمة من الشباك
وكلت بنفسي؛
هسة لو هيَ مُوجُودة،جَان ضحكَت..
______________________
______________
يتبع........
_______
🎀🎀